Psalms 103

Vulgate^{(i) 1} filii servorum tuorum habitabunt et semen eorum ante faciem eorum perseverabit ² David benedic anima mea Domino et omnia viscera mea nomini sancto eius ³ benedic anima mea Domino et noli oblivisci omnium retributionum eius ⁴ qui propitiatur cunctis iniquitatibus tuis et sanat omnes infirmitates tuas ⁵ qui redimit de corruptione vitam tuam et coronat te misericordia et miserationibus ⁶ qui replet bonis ornamentum tuum innovabitur sicut aquilae iuventus tua ⁷ faciens iustitias Dominus et iudicia cunctis qui calumniam sustinent ⁸ notas fecit vias suas Mosi filiis Israhel cogitationes suas ⁹ misericors et clemens Dominus patiens et multae miserationis ¹⁰ non in sempiternum iudicabit neque in aeternum irascetur ¹¹ non secundum peccata nostra fecit nobis neque secundum iniquitates nostras retribuit nobis ¹² quantum enim excelsius est caelum terra tantum confortata est misericordia eius super timentes eum ¹³ quantum longe est oriens ab occidente tantum longe fecit a nobis scelera nostra ¹⁴ sicut miseretur pater filiorum misertus est Dominus timentibus se ¹⁵ ipse enim novit plasmationem nostram recordatus est quia pulvis sumus ¹⁶ homo quasi herba dies eius sicut flos agri sic florebit ¹⁷ quia spiritus pertransiit eum et non subsistet et non cognoscet eum ultra locus eius ¹⁸ misericordia autem Domini ab aeterno et usque in aeternum super timentes eum et iustitia eius in filios filiorum ¹⁹ his qui custodiunt pactum eius et recordantur praeceptorum eius ad facienda ea ²⁰ Dominus in caelo stabilivit thronum suum et regnum illius omnium dominatur ²¹ benedicite Domino angeli eius fortes robore facientes verbum eius oboedientes voci sermonis eius ²² benedicite Domino omnes exercitus eius ministri eius qui facitis placitum illius