1 ויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחו אפים ארצה׃2 ויאמר הנה נא אדני סורו נא אל בית עבדכם ולינו ורחצו רגליכם והשׁכמתם והלכתם לדרככם ויאמרו לא כי ברחוב נלין׃3 ויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו׃4 טרם ישׁכבו ואנשׁי העיר אנשׁי סדם נסבו על הבית מנער ועד זקן כל העם מקצה׃5 ויקראו אל לוט ויאמרו לו איה האנשׁים אשׁר באו אליך הלילה הוציאם אלינו ונדעה אתם׃6 ויצא אלהם לוט הפתחה והדלת סגר אחריו׃7 ויאמר אל נא אחי תרעו׃8 הנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי׃9 ויאמרו גשׁ הלאה ויאמרו האחד בא לגור וישׁפט שׁפוט עתה נרע לך מהם ויפצרו באישׁ בלוט מאד ויגשׁו לשׁבר הדלת׃10 וישׁלחו האנשׁים את ידם ויביאו את לוט אליהם הביתה ואת הדלת סגרו׃11 ואת האנשׁים אשׁר פתח הבית הכו בסנורים מקטן ועד גדול וילאו למצא הפתח׃12 ויאמרו האנשׁים אל לוט עד מי לך פה חתן ובניך ובנתיך וכל אשׁר לך בעיר הוצא מן המקום׃13 כי משׁחתים אנחנו את המקום הזה כי גדלה צעקתם את פני יהוה וישׁלחנו יהוה לשׁחתה׃14 ויצא לוט וידבר אל חתניו לקחי בנתיו ויאמר קומו צאו מן המקום הזה כי משׁחית יהוה את העיר ויהי כמצחק בעיני חתניו׃15 וכמו השׁחר עלה ויאיצו המלאכים בלוט לאמר קום קח את אשׁתך ואת שׁתי בנתיך הנמצאת פן תספה בעון העיר׃16 ויתמהמה ויחזיקו האנשׁים בידו וביד אשׁתו וביד שׁתי בנתיו בחמלת יהוה עליו ויצאהו וינחהו מחוץ לעיר׃17 ויהי כהוציאם אתם החוצה ויאמר המלט על נפשׁך אל תביט אחריך ואל תעמד בכל הככר ההרה המלט פן תספה׃18 ויאמר לוט אלהם אל נא אדני׃19 הנה נא מצא עבדך חן בעיניך ותגדל חסדך אשׁר עשׂית עמדי להחיות את נפשׁי ואנכי לא אוכל להמלט ההרה פן תדבקני הרעה ומתי׃20 הנה נא העיר הזאת קרבה לנוס שׁמה והוא מצער אמלטה נא שׁמה הלא מצער הוא ותחי נפשׁי׃21 ויאמר אליו הנה נשׂאתי פניך גם לדבר הזה לבלתי הפכי את העיר אשׁר דברת׃22 מהר המלט שׁמה כי לא אוכל לעשׂות דבר עד באך שׁמה על כן קרא שׁם העיר צוער׃23 השׁמשׁ יצא על הארץ ולוט בא צערה׃24 ויהוה המטיר על סדם ועל עמרה גפרית ואשׁ מאת יהוה מן השׁמים׃25 ויהפך את הערים האל ואת כל הככר ואת כל ישׁבי הערים וצמח האדמה׃26 ותבט אשׁתו מאחריו ותהי נציב מלח׃27 וישׁכם אברהם בבקר אל המקום אשׁר עמד שׁם את פני יהוה׃28 וישׁקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשׁן׃29 ויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט׃30 ויעל לוט מצוער וישׁב בהר ושׁתי בנתיו עמו כי ירא לשׁבת בצוער וישׁב במערה הוא ושׁתי בנתיו׃31 ותאמר הבכירה אל הצעירה אבינו זקן ואישׁ אין בארץ לבוא עלינו כדרך כל הארץ׃32 לכה נשׁקה את אבינו יין ונשׁכבה עמו ונחיה מאבינו זרע׃33 ותשׁקין את אביהן יין בלילה הוא ותבא הבכירה ותשׁכב את אביה ולא ידע בשׁכבה ובקומה׃34 ויהי ממחרת ותאמר הבכירה אל הצעירה הן שׁכבתי אמשׁ את אבי נשׁקנו יין גם הלילה ובאי שׁכבי עמו ונחיה מאבינו זרע׃35 ותשׁקין גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקמה׃36 ותהרין שׁתי בנות לוט מאביהן׃37 ותלד הבכירה בן ותקרא שׁמו מואב הוא אבי מואב עד היום׃38 והצעירה גם הוא ילדה בן ותקרא שׁמו בן עמי הוא אבי בני עמון עד היום׃
Genesis 19 Cross References - HOT
Genesis 4:1
1 והאדם ידע את חוה אשׁתו ותהר ותלד את קין ותאמר קניתי אישׁ את יהוה׃
Genesis 4:7
7 הלוא אם תיטיב שׂאת ואם לא תיטיב לפתח חטאת רבץ ואליך תשׁוקתו ואתה תמשׁל׃
Genesis 6:4
4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃
Genesis 7:1
1 ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה׃
Genesis 8:1
1 ויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים׃
Genesis 9:21
21 וישׁת מן היין וישׁכר ויתגל בתוך אהלה׃
Genesis 11:3
3 ויאמרו אישׁ אל רעהו הבה נלבנה לבנים ונשׂרפה לשׂרפה ותהי להם הלבנה לאבן והחמר היה להם לחמר׃
Genesis 11:6
6 ויאמר יהוה הן עם אחד ושׂפה אחת לכלם וזה החלם לעשׂות ועתה לא יבצר מהם כל אשׁר יזמו לעשׂות׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 12:13
13 אמרי נא אחתי את למען ייטב לי בעבורך וחיתה נפשׁי בגללך׃
Genesis 13:10
10 וישׂא לוט את עיניו וירא את כל ככר הירדן כי כלה משׁקה לפני שׁחת יהוה את סדם ואת עמרה כגן יהוה כארץ מצרים באכה צער׃
Genesis 13:12
Genesis 14:2
Genesis 14:22
22 ויאמר אברם אל מלך סדם הרמתי ידי אל יהוה אל עליון קנה שׁמים וארץ׃
Genesis 16:2
2 ותאמר שׂרי אל אברם הנה נא עצרני יהוה מלדת בא נא אל שׁפחתי אולי אבנה ממנה וישׁמע אברם לקול שׂרי׃
Genesis 16:4
4 ויבא אל הגר ותהר ותרא כי הרתה ותקל גברתה בעיניה׃
Genesis 18:1-5
Genesis 18:4
Genesis 18:5
5 ואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשׂה כאשׁר דברת׃6 וימהר אברהם האהלה אל שׂרה ויאמר מהרי שׁלשׁ סאים קמח סלת לושׁי ועשׂי עגות׃7 ואל הבקר רץ אברהם ויקח בן בקר רך וטוב ויתן אל הנער וימהר לעשׂות אתו׃8 ויקח חמאה וחלב ובן הבקר אשׁר עשׂה ויתן לפניהם והוא עמד עליהם תחת העץ ויאכלו׃
Genesis 18:20
20 ויאמר יהוה זעקת סדם ועמרה כי רבה וחטאתם כי כבדה מאד׃
Genesis 18:22
22 ויפנו משׁם האנשׁים וילכו סדמה ואברהם עודנו עמד לפני יהוה׃
Genesis 18:22-33
Genesis 18:24-33
24 אולי ישׁ חמשׁים צדיקם בתוך העיר האף תספה ולא תשׂא למקום למען חמשׁים הצדיקם אשׁר בקרבה׃25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃26 ויאמר יהוה אם אמצא בסדם חמשׁים צדיקם בתוך העיר ונשׂאתי לכל המקום בעבורם׃27 ויען אברהם ויאמר הנה נא הואלתי לדבר אל אדני ואנכי עפר ואפר׃28 אולי יחסרון חמשׁים הצדיקם חמשׁה התשׁחית בחמשׁה את כל העיר ויאמר לא אשׁחית אם אמצא שׁם ארבעים וחמשׁה׃29 ויסף עוד לדבר אליו ויאמר אולי ימצאון שׁם ארבעים ויאמר לא אעשׂה בעבור הארבעים׃30 ויאמר אל נא יחר לאדני ואדברה אולי ימצאון שׁם שׁלשׁים ויאמר לא אעשׂה אם אמצא שׁם שׁלשׁים׃31 ויאמר הנה נא הואלתי לדבר אל אדני אולי ימצאון שׁם עשׂרים ויאמר לא אשׁחית בעבור העשׂרים׃32 ויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה׃33 וילך יהוה כאשׁר כלה לדבר אל אברהם ואברהם שׁב למקמו׃
Genesis 19:4
4 טרם ישׁכבו ואנשׁי העיר אנשׁי סדם נסבו על הבית מנער ועד זקן כל העם מקצה׃
Genesis 19:8
8 הנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי׃
Genesis 19:14
14 ויצא לוט וידבר אל חתניו לקחי בנתיו ויאמר קומו צאו מן המקום הזה כי משׁחית יהוה את העיר ויהי כמצחק בעיני חתניו׃
Genesis 19:14-15
Genesis 19:17
17 ויהי כהוציאם אתם החוצה ויאמר המלט על נפשׁך אל תביט אחריך ואל תעמד בכל הככר ההרה המלט פן תספה׃
Genesis 19:19
19 הנה נא מצא עבדך חן בעיניך ותגדל חסדך אשׁר עשׂית עמדי להחיות את נפשׁי ואנכי לא אוכל להמלט ההרה פן תדבקני הרעה ומתי׃
Genesis 19:22
22 מהר המלט שׁמה כי לא אוכל לעשׂות דבר עד באך שׁמה על כן קרא שׁם העיר צוער׃
Genesis 19:26
26 ותבט אשׁתו מאחריו ותהי נציב מלח׃
Genesis 19:28
28 וישׁקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשׁן׃
Genesis 19:30
30 ויעל לוט מצוער וישׁב בהר ושׁתי בנתיו עמו כי ירא לשׁבת בצוער וישׁב במערה הוא ושׁתי בנתיו׃31 ותאמר הבכירה אל הצעירה אבינו זקן ואישׁ אין בארץ לבוא עלינו כדרך כל הארץ׃32 לכה נשׁקה את אבינו יין ונשׁכבה עמו ונחיה מאבינו זרע׃33 ותשׁקין את אביהן יין בלילה הוא ותבא הבכירה ותשׁכב את אביה ולא ידע בשׁכבה ובקומה׃34 ויהי ממחרת ותאמר הבכירה אל הצעירה הן שׁכבתי אמשׁ את אבי נשׁקנו יין גם הלילה ובאי שׁכבי עמו ונחיה מאבינו זרע׃35 ותשׁקין גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקמה׃36 ותהרין שׁתי בנות לוט מאביהן׃37 ותלד הבכירה בן ותקרא שׁמו מואב הוא אבי מואב עד היום׃38 והצעירה גם הוא ילדה בן ותקרא שׁמו בן עמי הוא אבי בני עמון עד היום׃
Genesis 21:8
8 ויגדל הילד ויגמל ויעשׂ אברהם משׁתה גדול ביום הגמל את יצחק׃
Genesis 30:22
22 ויזכר אלהים את רחל וישׁמע אליה אלהים ויפתח את רחמה׃
Genesis 32:25-28
Genesis 32:26-28
Genesis 38:8-9
Genesis 38:14-30
14 ותסר בגדי אלמנותה מעליה ותכס בצעיף ותתעלף ותשׁב בפתח עינים אשׁר על דרך תמנתה כי ראתה כי גדל שׁלה והוא לא נתנה לו לאשׁה׃15 ויראה יהודה ויחשׁבה לזונה כי כסתה פניה׃16 ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי׃17 ויאמר אנכי אשׁלח גדי עזים מן הצאן ותאמר אם תתן ערבון עד שׁלחך׃18 ויאמר מה הערבון אשׁר אתן לך ותאמר חתמך ופתילך ומטך אשׁר בידך ויתן לה ויבא אליה ותהר׃19 ותקם ותלך ותסר צעיפה מעליה ותלבשׁ בגדי אלמנותה׃20 וישׁלח יהודה את גדי העזים ביד רעהו העדלמי לקחת הערבון מיד האשׁה ולא מצאה׃21 וישׁאל את אנשׁי מקמה לאמר איה הקדשׁה הוא בעינים על הדרך ויאמרו לא היתה בזה קדשׁה׃22 וישׁב אל יהודה ויאמר לא מצאתיה וגם אנשׁי המקום אמרו לא היתה בזה קדשׁה׃23 ויאמר יהודה תקח לה פן נהיה לבוז הנה שׁלחתי הגדי הזה ואתה לא מצאתה׃24 ויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף׃25 הוא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתמת והפתילים והמטה האלה׃26 ויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה׃27 ויהי בעת לדתה והנה תאומים בבטנה׃28 ויהי בלדתה ויתן יד ותקח המילדת ותקשׁר על ידו שׁני לאמר זה יצא ראשׁנה׃29 ויהי כמשׁיב ידו והנה יצא אחיו ותאמר מה פרצת עליך פרץ ויקרא שׁמו פרץ׃30 ואחר יצא אחיו אשׁר על ידו השׁני ויקרא שׁמו זרח׃
Genesis 42:37
37 ויאמר ראובן אל אביו לאמר את שׁני בני תמית אם לא אביאנו אליך תנה אתו על ידי ואני אשׁיבנו אליך׃
Genesis 49:4
4 פחז כמים אל תותר כי עלית משׁכבי אביך אז חללת יצועי עלה׃
Exodus 2:14
14 ויאמר מי שׂמך לאישׁ שׂר ושׁפט עלינו הלהרגני אתה אמר כאשׁר הרגת את המצרי ויירא משׁה ויאמר אכן נודע הדבר׃
Exodus 9:21
21 ואשׁר לא שׂם לבו אל דבר יהוה ויעזב את עבדיו ואת מקנהו בשׂדה׃
Exodus 12:15
15 שׁבעת ימים מצות תאכלו אך ביום הראשׁון תשׁביתו שׂאר מבתיכם כי כל אכל חמץ ונכרתה הנפשׁ ההוא מישׂראל מיום הראשׁן עד יום השׁבעי׃
Exodus 12:31
31 ויקרא למשׁה ולאהרן לילה ויאמר קומו צאו מתוך עמי גם אתם גם בני ישׂראל ולכו עבדו את יהוה כדברכם׃
Exodus 12:39
39 ויאפו את הבצק אשׁר הוציאו ממצרים עגת מצות כי לא חמץ כי גרשׁו ממצרים ולא יכלו להתמהמה וגם צדה לא עשׂו׃
Exodus 16:2
2 וילינו כל עדת בני ישׂראל על משׁה ועל אהרן במדבר׃
Exodus 23:2
2 לא תהיה אחרי רבים לרעת ולא תענה על רב לנטת אחרי רבים להטת׃
Exodus 32:10
10 ועתה הניחה לי ויחר אפי בהם ואכלם ואעשׂה אותך לגוי גדול׃
Exodus 32:22
22 ויאמר אהרן אל יחר אף אדני אתה ידעת את העם כי ברע הוא׃
Exodus 34:6
6 ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃
Leviticus 18:6-7
Leviticus 18:22
22 ואת זכר לא תשׁכב משׁכבי אשׁה תועבה הוא׃
Leviticus 20:13
13 ואישׁ אשׁר ישׁכב את זכר משׁכבי אשׁה תועבה עשׂו שׁניהם מות יומתו דמיהם׃
Numbers 14:18
18 יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃
Numbers 16:21
21 הבדלו מתוך העדה הזאת ואכלה אתם כרגע׃
Numbers 16:24-27
Numbers 16:26-27
Numbers 16:38
38 (17:3) את מחתות החטאים האלה בנפשׁתם ועשׂו אתם רקעי פחים צפוי למזבח כי הקריבם לפני יהוה ויקדשׁו ויהיו לאות לבני ישׂראל׃
Numbers 16:45
45 (17:10) הרמו מתוך העדה הזאת ואכלה אתם כרגע ויפלו על פניהם׃
Numbers 21:29
29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃
Numbers 22:1-41
1 ויסעו בני ישׂראל ויחנו בערבות מואב מעבר לירדן ירחו׃2 וירא בלק בן צפור את כל אשׁר עשׂה ישׂראל לאמרי׃3 ויגר מואב מפני העם מאד כי רב הוא ויקץ מואב מפני בני ישׂראל׃4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃5 וישׁלח מלאכים אל בלעם בן בעור פתורה אשׁר על הנהר ארץ בני עמו לקרא לו לאמר הנה עם יצא ממצרים הנה כסה את עין הארץ והוא ישׁב ממלי׃6 ועתה לכה נא ארה לי את העם הזה כי עצום הוא ממני אולי אוכל נכה בו ואגרשׁנו מן הארץ כי ידעתי את אשׁר תברך מברך ואשׁר תאר יואר׃7 וילכו זקני מואב וזקני מדין וקסמים בידם ויבאו אל בלעם וידברו אליו דברי בלק׃8 ויאמר אליהם לינו פה הלילה והשׁבתי אתכם דבר כאשׁר ידבר יהוה אלי וישׁבו שׂרי מואב עם בלעם׃9 ויבא אלהים אל בלעם ויאמר מי האנשׁים האלה עמך׃10 ויאמר בלעם אל האלהים בלק בן צפר מלך מואב שׁלח אלי׃11 הנה העם היצא ממצרים ויכס את עין הארץ עתה לכה קבה לי אתו אולי אוכל להלחם בו וגרשׁתיו׃12 ויאמר אלהים אל בלעם לא תלך עמהם לא תאר את העם כי ברוך הוא׃13 ויקם בלעם בבקר ויאמר אל שׂרי בלק לכו אל ארצכם כי מאן יהוה לתתי להלך עמכם׃14 ויקומו שׂרי מואב ויבאו אל בלק ויאמרו מאן בלעם הלך עמנו׃15 ויסף עוד בלק שׁלח שׂרים רבים ונכבדים מאלה׃16 ויבאו אל בלעם ויאמרו לו כה אמר בלק בן צפור אל נא תמנע מהלך אלי׃17 כי כבד אכבדך מאד וכל אשׁר תאמר אלי אעשׂה ולכה נא קבה לי את העם הזה׃18 ויען בלעם ויאמר אל עבדי בלק אם יתן לי בלק מלא ביתו כסף וזהב לא אוכל לעבר את פי יהוה אלהי לעשׂות קטנה או גדולה׃19 ועתה שׁבו נא בזה גם אתם הלילה ואדעה מה יסף יהוה דבר עמי׃20 ויבא אלהים אל בלעם לילה ויאמר לו אם לקרא לך באו האנשׁים קום לך אתם ואך את הדבר אשׁר אדבר אליך אתו תעשׂה׃21 ויקם בלעם בבקר ויחבשׁ את אתנו וילך עם שׂרי מואב׃22 ויחר אף אלהים כי הולך הוא ויתיצב מלאך יהוה בדרך לשׂטן לו והוא רכב על אתנו ושׁני נעריו עמו׃23 ותרא האתון את מלאך יהוה נצב בדרך וחרבו שׁלופה בידו ותט האתון מן הדרך ותלך בשׂדה ויך בלעם את האתון להטתה הדרך׃24 ויעמד מלאך יהוה במשׁעול הכרמים גדר מזה וגדר מזה׃25 ותרא האתון את מלאך יהוה ותלחץ אל הקיר ותלחץ את רגל בלעם אל הקיר ויסף להכתה׃26 ויוסף מלאך יהוה עבור ויעמד במקום צר אשׁר אין דרך לנטות ימין ושׂמאול׃27 ותרא האתון את מלאך יהוה ותרבץ תחת בלעם ויחר אף בלעם ויך את האתון במקל׃28 ויפתח יהוה את פי האתון ותאמר לבלעם מה עשׂיתי לך כי הכיתני זה שׁלשׁ רגלים׃29 ויאמר בלעם לאתון כי התעללת בי לו ישׁ חרב בידי כי עתה הרגתיך׃30 ותאמר האתון אל בלעם הלוא אנכי אתנך אשׁר רכבת עלי מעודך עד היום הזה ההסכן הסכנתי לעשׂות לך כה ויאמר לא׃31 ויגל יהוה את עיני בלעם וירא את מלאך יהוה נצב בדרך וחרבו שׁלפה בידו ויקד וישׁתחו לאפיו׃32 ויאמר אליו מלאך יהוה על מה הכית את אתנך זה שׁלושׁ רגלים הנה אנכי יצאתי לשׂטן כי ירט הדרך לנגדי׃33 ותראני האתון ותט לפני זה שׁלשׁ רגלים אולי נטתה מפני כי עתה גם אתכה הרגתי ואותה החייתי׃34 ויאמר בלעם אל מלאך יהוה חטאתי כי לא ידעתי כי אתה נצב לקראתי בדרך ועתה אם רע בעיניך אשׁובה׃35 ויאמר מלאך יהוה אל בלעם לך עם האנשׁים ואפס את הדבר אשׁר אדבר אליך אתו תדבר וילך בלעם עם שׂרי בלק׃36 וישׁמע בלק כי בא בלעם ויצא לקראתו אל עיר מואב אשׁר על גבול ארנן אשׁר בקצה הגבול׃37 ויאמר בלק אל בלעם הלא שׁלח שׁלחתי אליך לקרא לך למה לא הלכת אלי האמנם לא אוכל כבדך׃38 ויאמר בלעם אל בלק הנה באתי אליך עתה היכל אוכל דבר מאומה הדבר אשׁר ישׂים אלהים בפי אתו אדבר׃39 וילך בלעם עם בלק ויבאו קרית חצות׃40 ויזבח בלק בקר וצאן וישׁלח לבלעם ולשׂרים אשׁר אתו׃41 ויהי בבקר ויקח בלק את בלעם ויעלהו במות בעל וירא משׁם קצה העם׃
Numbers 24:1-25
1 וירא בלעם כי טוב בעיני יהוה לברך את ישׂראל ולא הלך כפעם בפעם לקראת נחשׁים וישׁת אל המדבר פניו׃2 וישׂא בלעם את עיניו וירא את ישׂראל שׁכן לשׁבטיו ותהי עליו רוח אלהים׃3 וישׂא משׁלו ויאמר נאם בלעם בנו בער ונאם הגבר שׁתם העין׃4 נאם שׁמע אמרי אל אשׁר מחזה שׁדי יחזה נפל וגלוי עינים׃5 מה טבו אהליך יעקב משׁכנתיך ישׂראל׃6 כנחלים נטיו כגנת עלי נהר כאהלים נטע יהוה כארזים עלי מים׃7 יזל מים מדליו וזרעו במים רבים וירם מאגג מלכו ותנשׂא מלכתו׃8 אל מוציאו ממצרים כתועפת ראם לו יאכל גוים צריו ועצמתיהם יגרם וחציו ימחץ׃9 כרע שׁכב כארי וכלביא מי יקימנו מברכיך ברוך וארריך ארור׃10 ויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שׁלשׁ פעמים׃11 ועתה ברח לך אל מקומך אמרתי כבד אכבדך והנה מנעך יהוה מכבוד׃12 ויאמר בלעם אל בלק הלא גם אל מלאכיך אשׁר שׁלחת אלי דברתי לאמר׃13 אם יתן לי בלק מלא ביתו כסף וזהב לא אוכל לעבר את פי יהוה לעשׂות טובה או רעה מלבי אשׁר ידבר יהוה אתו אדבר׃14 ועתה הנני הולך לעמי לכה איעצך אשׁר יעשׂה העם הזה לעמך באחרית הימים׃15 וישׂא משׁלו ויאמר נאם בלעם בנו בער ונאם הגבר שׁתם העין׃16 נאם שׁמע אמרי אל וידע דעת עליון מחזה שׁדי יחזה נפל וגלוי עינים׃17 אראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת׃18 והיה אדום ירשׁה והיה ירשׁה שׂעיר איביו וישׂראל עשׂה חיל׃19 וירד מיעקב והאביד שׂריד מעיר׃20 וירא את עמלק וישׂא משׁלו ויאמר ראשׁית גוים עמלק ואחריתו עדי אבד׃21 וירא את הקיני וישׂא משׁלו ויאמר איתן מושׁבך ושׂים בסלע קנך׃22 כי אם יהיה לבער קין עד מה אשׁור תשׁבך׃23 וישׂא משׁלו ויאמר אוי מי יחיה משׂמו אל׃24 וצים מיד כתים וענו אשׁור וענו עבר וגם הוא עדי אבד׃25 ויקם בלעם וילך וישׁב למקמו וגם בלק הלך לדרכו׃
Deuteronomy 2:9
9 ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשׁה כי לבני לוט נתתי את ער ירשׁה׃
Deuteronomy 2:19
19 וקרבת מול בני עמון אל תצרם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה׃
Deuteronomy 4:31
31 כי אל רחום יהוה אלהיך לא ירפך ולא ישׁחיתך ולא ישׁכח את ברית אבתיך אשׁר נשׁבע׃
Deuteronomy 9:5
5 לא בצדקתך ובישׁר לבבך אתה בא לרשׁת את ארצם כי ברשׁעת הגוים האלה יהוה אלהיך מורישׁם מפניך ולמען הקים את הדבר אשׁר נשׁבע יהוה לאבתיך לאברהם ליצחק וליעקב׃
Deuteronomy 9:14
14 הרף ממני ואשׁמידם ואמחה את שׁמם מתחת השׁמים ואעשׂה אותך לגוי עצום ורב ממנו׃
Deuteronomy 23:3
3 (23:4) לא יבא עמוני ומואבי בקהל יהוה גם דור עשׂירי לא יבא להם בקהל יהוה עד עולם׃
Deuteronomy 23:17
17 (23:18) לא תהיה קדשׁה מבנות ישׂראל ולא יהיה קדשׁ מבני ישׂראל׃
Deuteronomy 25:5
5 כי ישׁבו אחים יחדו ומת אחד מהם ובן אין לו לא תהיה אשׁת המת החוצה לאישׁ זר יבמה יבא עליה ולקחה לו לאשׁה ויבמה׃
Deuteronomy 28:28-29
Deuteronomy 29:23
23 (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃
Deuteronomy 31:17
17 וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה׃
Deuteronomy 34:3
3 ואת הנגב ואת הככר בקעת ירחו עיר התמרים עד צער׃
Joshua 6:22-23
22 ולשׁנים האנשׁים המרגלים את הארץ אמר יהושׁע באו בית האשׁה הזונה והוציאו משׁם את האשׁה ואת כל אשׁר לה כאשׁר נשׁבעתם׃
Joshua 6:22
Judges 1:7
7 ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃
Judges 3:1-31
1 ואלה הגוים אשׁר הניח יהוה לנסות בם את ישׂראל את כל אשׁר לא ידעו את כל מלחמות כנען׃2 רק למען דעת דרות בני ישׂראל ללמדם מלחמה רק אשׁר לפנים לא ידעום׃3 חמשׁת סרני פלשׁתים וכל הכנעני והצידני והחוי ישׁב הר הלבנון מהר בעל חרמון עד לבוא חמת׃4 ויהיו לנסות בם את ישׂראל לדעת הישׁמעו את מצות יהוה אשׁר צוה את אבותם ביד משׁה׃5 ובני ישׂראל ישׁבו בקרב הכנעני החתי והאמרי והפרזי והחוי והיבוסי׃6 ויקחו את בנותיהם להם לנשׁים ואת בנותיהם נתנו לבניהם ויעבדו את אלהיהם׃7 ויעשׂו בני ישׂראל את הרע בעיני יהוה וישׁכחו את יהוה אלהיהם ויעבדו את הבעלים ואת האשׁרות׃8 ויחר אף יהוה בישׂראל וימכרם ביד כושׁן רשׁעתים מלך ארם נהרים ויעבדו בני ישׂראל את כושׁן רשׁעתים שׁמנה שׁנים׃9 ויזעקו בני ישׂראל אל יהוה ויקם יהוה מושׁיע לבני ישׂראל ויושׁיעם את עתניאל בן קנז אחי כלב הקטן ממנו׃10 ותהי עליו רוח יהוה וישׁפט את ישׂראל ויצא למלחמה ויתן יהוה בידו את כושׁן רשׁעתים מלך ארם ותעז ידו על כושׁן רשׁעתים׃11 ותשׁקט הארץ ארבעים שׁנה וימת עתניאל בן קנז׃12 ויספו בני ישׂראל לעשׂות הרע בעיני יהוה ויחזק יהוה את עגלון מלך מואב על ישׂראל על כי עשׂו את הרע בעיני יהוה׃13 ויאסף אליו את בני עמון ועמלק וילך ויך את ישׂראל ויירשׁו את עיר התמרים׃14 ויעבדו בני ישׂראל את עגלון מלך מואב שׁמונה עשׂרה שׁנה׃15 ויזעקו בני ישׂראל אל יהוה ויקם יהוה להם מושׁיע את אהוד בן גרא בן הימיני אישׁ אטר יד ימינו וישׁלחו בני ישׂראל בידו מנחה לעגלון מלך מואב׃16 ויעשׂ לו אהוד חרב ולה שׁני פיות גמד ארכה ויחגר אותה מתחת למדיו על ירך ימינו׃17 ויקרב את המנחה לעגלון מלך מואב ועגלון אישׁ בריא מאד׃18 ויהי כאשׁר כלה להקריב את המנחה וישׁלח את העם נשׂאי המנחה׃19 והוא שׁב מן הפסילים אשׁר את הגלגל ויאמר דבר סתר לי אליך המלך ויאמר הס ויצאו מעליו כל העמדים עליו׃20 ואהוד בא אליו והוא ישׁב בעלית המקרה אשׁר לו לבדו ויאמר אהוד דבר אלהים לי אליך ויקם מעל הכסא׃21 וישׁלח אהוד את יד שׂמאלו ויקח את החרב מעל ירך ימינו ויתקעה בבטנו׃22 ויבא גם הנצב אחר הלהב ויסגר החלב בעד הלהב כי לא שׁלף החרב מבטנו ויצא הפרשׁדנה׃23 ויצא אהוד המסדרונה ויסגר דלתות העליה בעדו ונעל׃24 והוא יצא ועבדיו באו ויראו והנה דלתות העליה נעלות ויאמרו אך מסיך הוא את רגליו בחדר המקרה׃25 ויחילו עד בושׁ והנה איננו פתח דלתות העליה ויקחו את המפתח ויפתחו והנה אדניהם נפל ארצה מת׃26 ואהוד נמלט עד התמהמהם והוא עבר את הפסילים וימלט השׂעירתה׃27 ויהי בבואו ויתקע בשׁופר בהר אפרים וירדו עמו בני ישׂראל מן ההר והוא לפניהם׃28 ויאמר אלהם רדפו אחרי כי נתן יהוה את איביכם את מואב בידכם וירדו אחריו וילכדו את מעברות הירדן למואב ולא נתנו אישׁ לעבר׃29 ויכו את מואב בעת ההיא כעשׂרת אלפים אישׁ כל שׁמן וכל אישׁ חיל ולא נמלט אישׁ׃30 ותכנע מואב ביום ההוא תחת יד ישׂראל ותשׁקט הארץ שׁמונים שׁנה׃31 ואחריו היה שׁמגר בן ענת ויך את פלשׁתים שׁשׁ מאות אישׁ במלמד הבקר וישׁע גם הוא את ישׂראל׃
Judges 6:19
19 וגדעון בא ויעשׂ גדי עזים ואיפת קמח מצות הבשׂר שׂם בסל והמרק שׂם בפרור ויוצא אליו אל תחת האלה ויגשׁ׃
Judges 9:15
15 ויאמר האטד אל העצים אם באמת אתם משׁחים אתי למלך עליכם באו חסו בצלי ואם אין תצא אשׁ מן האטד ותאכל את ארזי הלבנון׃
Judges 10:6-11:40
6 ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃7 ויחר אף יהוה בישׂראל וימכרם ביד פלשׁתים וביד בני עמון׃8 וירעצו וירצצו את בני ישׂראל בשׁנה ההיא שׁמנה עשׂרה שׁנה את כל בני ישׂראל אשׁר בעבר הירדן בארץ האמרי אשׁר בגלעד׃9 ויעברו בני עמון את הירדן להלחם גם ביהודה ובבנימין ובבית אפרים ותצר לישׂראל מאד׃10 ויזעקו בני ישׂראל אל יהוה לאמר חטאנו לך וכי עזבנו את אלהינו ונעבד את הבעלים׃11 ויאמר יהוה אל בני ישׂראל הלא ממצרים ומן האמרי ומן בני עמון ומן פלשׁתים׃12 וצידונים ועמלק ומעון לחצו אתכם ותצעקו אלי ואושׁיעה אתכם מידם׃13 ואתם עזבתם אותי ותעבדו אלהים אחרים לכן לא אוסיף להושׁיע אתכם׃14 לכו וזעקו אל האלהים אשׁר בחרתם בם המה יושׁיעו לכם בעת צרתכם׃15 ויאמרו בני ישׂראל אל יהוה חטאנו עשׂה אתה לנו ככל הטוב בעיניך אך הצילנו נא היום הזה׃16 ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃17 ויצעקו בני עמון ויחנו בגלעד ויאספו בני ישׂראל ויחנו במצפה׃18 ויאמרו העם שׂרי גלעד אישׁ אל רעהו מי האישׁ אשׁר יחל להלחם בבני עמון יהיה לראשׁ לכל ישׁבי גלעד׃
Judges 11:6-40
6 ויאמרו ליפתח לכה והייתה לנו לקצין ונלחמה בבני עמון׃7 ויאמר יפתח לזקני גלעד הלא אתם שׂנאתם אותי ותגרשׁוני מבית אבי ומדוע באתם אלי עתה כאשׁר צר׃8 ויאמרו זקני גלעד אל יפתח לכן עתה שׁבנו אליך והלכת עמנו ונלחמת בבני עמון והיית לנו לראשׁ לכל ישׁבי גלעד׃9 ויאמר יפתח אל זקני גלעד אם משׁיבים אתם אותי להלחם בבני עמון ונתן יהוה אותם לפני אנכי אהיה לכם לראשׁ׃10 ויאמרו זקני גלעד אל יפתח יהוה יהיה שׁמע בינותינו אם לא כדברך כן נעשׂה׃11 וילך יפתח עם זקני גלעד וישׂימו העם אותו עליהם לראשׁ ולקצין וידבר יפתח את כל דבריו לפני יהוה במצפה׃12 וישׁלח יפתח מלאכים אל מלך בני עמון לאמר מה לי ולך כי באת אלי להלחם בארצי׃13 ויאמר מלך בני עמון אל מלאכי יפתח כי לקח ישׂראל את ארצי בעלותו ממצרים מארנון ועד היבק ועד הירדן ועתה השׁיבה אתהן בשׁלום׃14 ויוסף עוד יפתח וישׁלח מלאכים אל מלך בני עמון׃15 ויאמר לו כה אמר יפתח לא לקח ישׂראל את ארץ מואב ואת ארץ בני עמון׃16 כי בעלותם ממצרים וילך ישׂראל במדבר עד ים סוף ויבא קדשׁה׃17 וישׁלח ישׂראל מלאכים אל מלך אדום לאמר אעברה נא בארצך ולא שׁמע מלך אדום וגם אל מלך מואב שׁלח ולא אבה וישׁב ישׂראל בקדשׁ׃18 וילך במדבר ויסב את ארץ אדום ואת ארץ מואב ויבא ממזרח שׁמשׁ לארץ מואב ויחנון בעבר ארנון ולא באו בגבול מואב כי ארנון גבול מואב׃19 וישׁלח ישׂראל מלאכים אל סיחון מלך האמרי מלך חשׁבון ויאמר לו ישׂראל נעברה נא בארצך עד מקומי׃20 ולא האמין סיחון את ישׂראל עבר בגבלו ויאסף סיחון את כל עמו ויחנו ביהצה וילחם עם ישׂראל׃21 ויתן יהוה אלהי ישׂראל את סיחון ואת כל עמו ביד ישׂראל ויכום ויירשׁ ישׂראל את כל ארץ האמרי יושׁב הארץ ההיא׃22 ויירשׁו את כל גבול האמרי מארנון ועד היבק ומן המדבר ועד הירדן׃23 ועתה יהוה אלהי ישׂראל הורישׁ את האמרי מפני עמו ישׂראל ואתה תירשׁנו׃24 הלא את אשׁר יורישׁך כמושׁ אלהיך אותו תירשׁ ואת כל אשׁר הורישׁ יהוה אלהינו מפנינו אותו נירשׁ׃25 ועתה הטוב טוב אתה מבלק בן צפור מלך מואב הרוב רב עם ישׂראל אם נלחם נלחם׃26 בשׁבת ישׂראל בחשׁבון ובבנותיה ובערעור ובבנותיה ובכל הערים אשׁר על ידי ארנון שׁלשׁ מאות שׁנה ומדוע לא הצלתם בעת ההיא׃27 ואנכי לא חטאתי לך ואתה עשׂה אתי רעה להלחם בי ישׁפט יהוה השׁפט היום בין בני ישׂראל ובין בני עמון׃28 ולא שׁמע מלך בני עמון אל דברי יפתח אשׁר שׁלח אליו׃29 ותהי על יפתח רוח יהוה ויעבר את הגלעד ואת מנשׁה ויעבר את מצפה גלעד וממצפה גלעד עבר בני עמון׃30 וידר יפתח נדר ליהוה ויאמר אם נתון תתן את בני עמון בידי׃31 והיה היוצא אשׁר יצא מדלתי ביתי לקראתי בשׁובי בשׁלום מבני עמון והיה ליהוה והעליתהו עולה׃32 ויעבר יפתח אל בני עמון להלחם בם ויתנם יהוה בידו׃33 ויכם מערוער ועד בואך מנית עשׂרים עיר ועד אבל כרמים מכה גדולה מאד ויכנעו בני עמון מפני בני ישׂראל׃34 ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃35 ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשׁוב׃36 ותאמר אליו אבי פציתה את פיך אל יהוה עשׂה לי כאשׁר יצא מפיך אחרי אשׁר עשׂה לך יהוה נקמות מאיביך מבני עמון׃37 ותאמר אל אביה יעשׂה לי הדבר הזה הרפה ממני שׁנים חדשׁים ואלכה וירדתי על ההרים ואבכה על בתולי אנכי ורעיתי׃38 ויאמר לכי וישׁלח אותה שׁני חדשׁים ותלך היא ורעותיה ותבך על בתוליה על ההרים׃39 ויהי מקץ שׁנים חדשׁים ותשׁב אל אביה ויעשׂ לה את נדרו אשׁר נדר והיא לא ידעה אישׁ ותהי חק בישׂראל׃40 מימים ימימה תלכנה בנות ישׂראל לתנות לבת יפתח הגלעדי ארבעת ימים בשׁנה׃
Judges 19:17-21
17 וישׂא עיניו וירא את האישׁ הארח ברחב העיר ויאמר האישׁ הזקן אנה תלך ומאין תבוא׃18 ויאמר אליו עברים אנחנו מבית לחם יהודה עד ירכתי הר אפרים משׁם אנכי ואלך עד בית לחם יהודה ואת בית יהוה אני הלך ואין אישׁ מאסף אותי הביתה׃19 וגם תבן גם מספוא ישׁ לחמורינו וגם לחם ויין ישׁ לי ולאמתך ולנער עם עבדיך אין מחסור כל דבר׃20 ויאמר האישׁ הזקן שׁלום לך רק כל מחסורך עלי רק ברחוב אל תלן׃21 ויביאהו לביתו ויבול לחמורים וירחצו רגליהם ויאכלו וישׁתו׃22 המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃23 ויצא אליהם האישׁ בעל הבית ויאמר אלהם אל אחי אל תרעו נא אחרי אשׁר בא האישׁ הזה אל ביתי אל תעשׂו את הנבלה הזאת׃24 הנה בתי הבתולה ופילגשׁהו אוציאה נא אותם וענו אותם ועשׂו להם הטוב בעיניכם ולאישׁ הזה לא תעשׂו דבר הנבלה הזאת׃
Ruth 4:10
10 וגם את רות המאביה אשׁת מחלון קניתי לי לאשׁה להקים שׁם המת על נחלתו ולא יכרת שׁם המת מעם אחיו ומשׁער מקומו עדים אתם היום׃
1 Samuel 2:16
16 ויאמר אליו האישׁ קטר יקטירון כיום החלב וקח לך כאשׁר תאוה נפשׁך ואמר לו כי עתה תתן ואם לא לקחתי בחזקה׃
1 Samuel 11:1-15
1 ויעל נחשׁ העמוני ויחן על יבשׁ גלעד ויאמרו כל אנשׁי יבישׁ אל נחשׁ כרת לנו ברית ונעבדך׃2 ויאמר אליהם נחשׁ העמוני בזאת אכרת לכם בנקור לכם כל עין ימין ושׂמתיה חרפה על כל ישׂראל׃3 ויאמרו אליו זקני יבישׁ הרף לנו שׁבעת ימים ונשׁלחה מלאכים בכל גבול ישׂראל ואם אין מושׁיע אתנו ויצאנו אליך׃4 ויבאו המלאכים גבעת שׁאול וידברו הדברים באזני העם וישׂאו כל העם את קולם ויבכו׃5 והנה שׁאול בא אחרי הבקר מן השׂדה ויאמר שׁאול מה לעם כי יבכו ויספרו לו את דברי אנשׁי יבישׁ׃6 ותצלח רוח אלהים על שׁאול בשׁמעו את הדברים האלה ויחר אפו מאד׃7 ויקח צמד בקר וינתחהו וישׁלח בכל גבול ישׂראל ביד המלאכים לאמר אשׁר איננו יצא אחרי שׁאול ואחר שׁמואל כה יעשׂה לבקרו ויפל פחד יהוה על העם ויצאו כאישׁ אחד׃8 ויפקדם בבזק ויהיו בני ישׂראל שׁלשׁ מאות אלף ואישׁ יהודה שׁלשׁים אלף׃9 ויאמרו למלאכים הבאים כה תאמרון לאישׁ יבישׁ גלעד מחר תהיה לכם תשׁועה בחם השׁמשׁ ויבאו המלאכים ויגידו לאנשׁי יבישׁ וישׂמחו׃10 ויאמרו אנשׁי יבישׁ מחר נצא אליכם ועשׂיתם לנו ככל הטוב בעיניכם׃11 ויהי ממחרת וישׂם שׁאול את העם שׁלשׁה ראשׁים ויבאו בתוך המחנה באשׁמרת הבקר ויכו את עמון עד חם היום ויהי הנשׁארים ויפצו ולא נשׁארו בם שׁנים יחד׃12 ויאמר העם אל שׁמואל מי האמר שׁאול ימלך עלינו תנו האנשׁים ונמיתם׃13 ויאמר שׁאול לא יומת אישׁ ביום הזה כי היום עשׂה יהוה תשׁועה בישׂראל׃14 ויאמר שׁמואל אל העם לכו ונלכה הגלגל ונחדשׁ שׁם המלוכה׃15 וילכו כל העם הגלגל וימלכו שׁם את שׁאול לפני יהוה בגלגל ויזבחו שׁם זבחים שׁלמים לפני יהוה וישׂמח שׁם שׁאול וכל אנשׁי ישׂראל עד מאד׃
1 Samuel 15:33
33 ויאמר שׁמואל כאשׁר שׁכלה נשׁים חרבך כן תשׁכל מנשׁים אמך וישׁסף שׁמואל את אגג לפני יהוה בגלגל׃
1 Samuel 17:44
44 ויאמר הפלשׁתי אל דוד לכה אלי ואתנה את בשׂרך לעוף השׁמים ולבהמת השׂדה׃
1 Samuel 19:11
11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃
1 Samuel 25:17
17 ועתה דעי וראי מה תעשׂי כי כלתה הרעה אל אדנינו ועל כל ביתו והוא בן בליעל מדבר אליו׃
1 Samuel 27:1
1 ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃
1 Samuel 28:24
24 ולאשׁה עגל מרבק בבית ותמהר ותזבחהו ותקח קמח ותלשׁ ותפהו מצות׃
1 Samuel 30:23-24
2 Samuel 8:1-18
1 ויהי אחרי כן ויך דוד את פלשׁתים ויכניעם ויקח דוד את מתג האמה מיד פלשׁתים׃2 ויך את מואב וימדדם בחבל השׁכב אותם ארצה וימדד שׁני חבלים להמית ומלא החבל להחיות ותהי מואב לדוד לעבדים נשׂאי מנחה׃3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃7 ויקח דוד את שׁלטי הזהב אשׁר היו אל עבדי הדדעזר ויביאם ירושׁלם׃8 ומבטח ומברתי ערי הדדעזר לקח המלך דוד נחשׁת הרבה מאד׃9 וישׁמע תעי מלך חמת כי הכה דוד את כל חיל הדדעזר׃10 וישׁלח תעי את יורם בנו אל המלך דוד לשׁאל לו לשׁלום ולברכו על אשׁר נלחם בהדדעזר ויכהו כי אישׁ מלחמות תעי היה הדדעזר ובידו היו כלי כסף וכלי זהב וכלי נחשׁת׃11 גם אתם הקדישׁ המלך דוד ליהוה עם הכסף והזהב אשׁר הקדישׁ מכל הגוים אשׁר כבשׁ׃12 מארם וממואב ומבני עמון ומפלשׁתים ומעמלק ומשׁלל הדדעזר בן רחב מלך צובה׃13 ויעשׂ דוד שׁם בשׁבו מהכותו את ארם בגיא מלח שׁמונה עשׂר אלף׃14 וישׂם באדום נצבים בכל אדום שׂם נצבים ויהי כל אדום עבדים לדוד ויושׁע יהוה את דוד בכל אשׁר הלך׃15 וימלך דוד על כל ישׂראל ויהי דוד עשׂה משׁפט וצדקה לכל עמו׃16 ויואב בן צרויה על הצבא ויהושׁפט בן אחילוד מזכיר׃17 וצדוק בן אחיטוב ואחימלך בן אביתר כהנים ושׂריה סופר׃18 ובניהו בן יהוידע והכרתי והפלתי ובני דוד כהנים היו׃
2 Samuel 10:1-19
1 ויהי אחרי כן וימת מלך בני עמון וימלך חנון בנו תחתיו׃2 ויאמר דוד אעשׂה חסד עם חנון בן נחשׁ כאשׁר עשׂה אביו עמדי חסד וישׁלח דוד לנחמו ביד עבדיו אל אביו ויבאו עבדי דוד ארץ בני עמון׃3 ויאמרו שׂרי בני עמון אל חנון אדניהם המכבד דוד את אביך בעיניך כי שׁלח לך מנחמים הלוא בעבור חקור את העיר ולרגלה ולהפכה שׁלח דוד את עבדיו אליך׃4 ויקח חנון את עבדי דוד ויגלח את חצי זקנם ויכרת את מדויהם בחצי עד שׁתותיהם וישׁלחם׃5 ויגדו לדוד וישׁלח לקראתם כי היו האנשׁים נכלמים מאד ויאמר המלך שׁבו בירחו עד יצמח זקנכם ושׁבתם׃6 ויראו בני עמון כי נבאשׁו בדוד וישׁלחו בני עמון וישׂכרו את ארם בית רחוב ואת ארם צובא עשׂרים אלף רגלי ואת מלך מעכה אלף אישׁ ואישׁ טוב שׁנים עשׂר אלף אישׁ׃7 וישׁמע דוד וישׁלח את יואב ואת כל הצבא הגברים׃8 ויצאו בני עמון ויערכו מלחמה פתח השׁער וארם צובא ורחוב ואישׁ טוב ומעכה לבדם בשׂדה׃9 וירא יואב כי היתה אליו פני המלחמה מפנים ומאחור ויבחר מכל בחורי בישׂראל ויערך לקראת ארם׃10 ואת יתר העם נתן ביד אבשׁי אחיו ויערך לקראת בני עמון׃11 ויאמר אם תחזק ארם ממני והיתה לי לישׁועה ואם בני עמון יחזקו ממך והלכתי להושׁיע׃12 חזק ונתחזק בעד עמנו ובעד ערי אלהינו ויהוה יעשׂה הטוב בעיניו׃13 ויגשׁ יואב והעם אשׁר עמו למלחמה בארם וינסו מפניו׃14 ובני עמון ראו כי נס ארם וינסו מפני אבישׁי ויבאו העיר וישׁב יואב מעל בני עמון ויבא ירושׁלם׃15 וירא ארם כי נגף לפני ישׂראל ויאספו יחד׃16 וישׁלח הדדעזר ויצא את ארם אשׁר מעבר הנהר ויבאו חילם ושׁובך שׂר צבא הדדעזר לפניהם׃17 ויגד לדוד ויאסף את כל ישׂראל ויעבר את הירדן ויבא חלאמה ויערכו ארם לקראת דוד וילחמו עמו׃18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃19 ויראו כל המלכים עבדי הדדעזר כי נגפו לפני ישׂראל וישׁלמו את ישׂראל ויעבדום ויראו ארם להושׁיע עוד את בני עמון׃
1 Kings 9:9
9 ואמרו על אשׁר עזבו את יהוה אלהיהם אשׁר הוציא את אבתם מארץ מצרים ויחזקו באלהים אחרים וישׁתחו להם ויעבדם על כן הביא יהוה עליהם את כל הרעה הזאת׃
1 Kings 19:3
3 וירא ויקם וילך אל נפשׁו ויבא באר שׁבע אשׁר ליהודה וינח את נערו שׁם׃
2 Kings 3:1-27
1 ויהורם בן אחאב מלך על ישׂראל בשׁמרון בשׁנת שׁמנה עשׂרה ליהושׁפט מלך יהודה וימלך שׁתים עשׂרה שׁנה׃2 ויעשׂה הרע בעיני יהוה רק לא כאביו וכאמו ויסר את מצבת הבעל אשׁר עשׂה אביו׃3 רק בחטאות ירבעם בן נבט אשׁר החטיא את ישׂראל דבק לא סר ממנה׃4 ומישׁע מלך מואב היה נקד והשׁיב למלך ישׂראל מאה אלף כרים ומאה אלף אילים צמר׃5 ויהי כמות אחאב ויפשׁע מלך מואב במלך ישׂראל׃6 ויצא המלך יהורם ביום ההוא משׁמרון ויפקד את כל ישׂראל׃7 וילך וישׁלח אל יהושׁפט מלך יהודה לאמר מלך מואב פשׁע בי התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך׃8 ויאמר אי זה הדרך נעלה ויאמר דרך מדבר אדום׃9 וילך מלך ישׂראל ומלך יהודה ומלך אדום ויסבו דרך שׁבעת ימים ולא היה מים למחנה ולבהמה אשׁר ברגליהם׃10 ויאמר מלך ישׂראל אהה כי קרא יהוה לשׁלשׁת המלכים האלה לתת אותם ביד מואב׃11 ויאמר יהושׁפט האין פה נביא ליהוה ונדרשׁה את יהוה מאותו ויען אחד מעבדי מלך ישׂראל ויאמר פה אלישׁע בן שׁפט אשׁר יצק מים על ידי אליהו׃12 ויאמר יהושׁפט ישׁ אותו דבר יהוה וירדו אליו מלך ישׂראל ויהושׁפט ומלך אדום׃13 ויאמר אלישׁע אל מלך ישׂראל מה לי ולך לך אל נביאי אביך ואל נביאי אמך ויאמר לו מלך ישׂראל אל כי קרא יהוה לשׁלשׁת המלכים האלה לתת אותם ביד מואב׃14 ויאמר אלישׁע חי יהוה צבאות אשׁר עמדתי לפניו כי לולי פני יהושׁפט מלך יהודה אני נשׂא אם אביט אליך ואם אראך׃15 ועתה קחו לי מנגן והיה כנגן המנגן ותהי עליו יד יהוה׃16 ויאמר כה אמר יהוה עשׂה הנחל הזה גבים גבים׃17 כי כה אמר יהוה לא תראו רוח ולא תראו גשׁם והנחל ההוא ימלא מים ושׁתיתם אתם ומקניכם ובהמתכם׃18 ונקל זאת בעיני יהוה ונתן את מואב בידכם׃19 והכיתם כל עיר מבצר וכל עיר מבחור וכל עץ טוב תפילו וכל מעיני מים תסתמו וכל החלקה הטובה תכאבו באבנים׃20 ויהי בבקר כעלות המנחה והנה מים באים מדרך אדום ותמלא הארץ את המים׃21 וכל מואב שׁמעו כי עלו המלכים להלחם בם ויצעקו מכל חגר חגרה ומעלה ויעמדו על הגבול׃22 וישׁכימו בבקר והשׁמשׁ זרחה על המים ויראו מואב מנגד את המים אדמים כדם׃23 ויאמרו דם זה החרב נחרבו המלכים ויכו אישׁ את רעהו ועתה לשׁלל מואב׃24 ויבאו אל מחנה ישׂראל ויקמו ישׂראל ויכו את מואב וינסו מפניהם ויבו בה והכות את מואב׃25 והערים יהרסו וכל חלקה טובה ישׁליכו אישׁ אבנו ומלאוה וכל מעין מים יסתמו וכל עץ טוב יפילו עד השׁאיר אבניה בקיר חרשׂת ויסבו הקלעים ויכוה׃26 וירא מלך מואב כי חזק ממנו המלחמה ויקח אותו שׁבע מאות אישׁ שׁלף חרב להבקיע אל מלך אדום ולא יכלו׃27 ויקח את בנו הבכור אשׁר ימלך תחתיו ויעלהו עלה על החמה ויהי קצף גדול על ישׂראל ויסעו מעליו וישׁבו לארץ׃
2 Kings 4:8
8 ויהי היום ויעבר אלישׁע אל שׁונם ושׁם אשׁה גדולה ותחזק בו לאכל לחם ויהי מדי עברו יסר שׁמה לאכל לחם׃
2 Kings 5:11-12
2 Kings 6:18
18 וירדו אליו ויתפלל אלישׁע אל יהוה ויאמר הך נא את הגוי הזה בסנורים ויכם בסנורים כדבר אלישׁע׃
1 Chronicles 16:34
34 הודו ליהוה כי טוב כי לעולם חסדו׃
1 Chronicles 21:15-16
2 Chronicles 30:10
10 ויהיו הרצים עברים מעיר לעיר בארץ אפרים ומנשׁה ועד זבלון ויהיו משׂחיקים עליהם ומלעגים׃
2 Chronicles 36:16
16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃
Nehemiah 13:1-3
Nehemiah 13:14
14 זכרה לי אלהי על זאת ואל תמח חסדי אשׁר עשׂיתי בבית אלהי ובמשׁמריו׃
Nehemiah 13:22
22 ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃23 גם בימים ההם ראיתי את היהודים השׁיבו נשׁים אשׁדודיות עמוניות מואביות׃24 ובניהם חצי מדבר אשׁדודית ואינם מכירים לדבר יהודית וכלשׁון עם ועם׃25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃27 ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃
Job 18:15
15 תשׁכון באהלו מבלי לו יזרה על נוהו גפרית׃
Job 31:32
32 בחוץ לא ילין גר דלתי לארח אפתח׃
Job 42:8-9
Psalms 5:3
3 (5:4) יהוה בקר תשׁמע קולי בקר אערך לך ואצפה׃
Psalms 8:4
4 (8:5) מה אנושׁ כי תזכרנו ובן אדם כי תפקדנו׃
Psalms 11:5-6
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 18:1-50
1 למנצח לעבד יהוה לדוד אשׁר דבר ליהוה את דברי השׁירה הזאת ביום הציל יהוה אותו מכף כל איביו ומיד שׁאול׃ (18:2) ויאמר ארחמך יהוה חזקי׃2 (18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃3 (18:4) מהלל אקרא יהוה ומן איבי אושׁע׃4 (18:5) אפפוני חבלי מות ונחלי בליעל יבעתוני׃5 (18:6) חבלי שׁאול סבבוני קדמוני מוקשׁי מות׃6 (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃7 (18:8) ותגעשׁ ותרעשׁ הארץ ומוסדי הרים ירגזו ויתגעשׁו כי חרה׃8 (18:9) עלה עשׁן באפו ואשׁ מפיו תאכל גחלים בערו ממנו׃9 (18:10) ויט שׁמים וירד וערפל תחת רגליו׃10 (18:11) וירכב על כרוב ויעף וידא על כנפי רוח׃11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃12 (18:13) מנגה נגדו עביו עברו ברד וגחלי אשׁ׃13 (18:14) וירעם בשׁמים יהוה ועליון יתן קלו ברד וגחלי אשׁ׃14 (18:15) וישׁלח חציו ויפיצם וברקים רב ויהמם׃15 (18:16) ויראו אפיקי מים ויגלו מוסדות תבל מגערתך יהוה מנשׁמת רוח אפך׃16 (18:17) ישׁלח ממרום יקחני ימשׁני ממים רבים׃17 (18:18) יצילני מאיבי עז ומשׂנאי כי אמצו ממני׃18 (18:19) יקדמוני ביום אידי ויהי יהוה למשׁען׃19 (18:20) ויוציאני למרחב יחלצני כי חפץ׃20 (18:21) יגמלני יהוה כצדקי כבר ידי ישׁיב׃21 (18:22) כי שׁמרתי דרכי יהוה ולא רשׁעתי מאלהי׃22 (18:23) כי כל משׁפטיו לנגדי וחקתיו לא אסיר מני׃23 (18:24) ואהי תמים עמו ואשׁתמר מעוני׃24 (18:25) וישׁב יהוה לי כצדקי כבר ידי לנגד עיניו׃25 (18:26) עם חסיד תתחסד עם גבר תמים תתמם׃26 (18:27) עם נבר תתברר ועם עקשׁ תתפתל׃27 (18:28) כי אתה עם עני תושׁיע ועינים רמות תשׁפיל׃28 (18:29) כי אתה תאיר נרי יהוה אלהי יגיה חשׁכי׃29 (18:30) כי בך ארץ גדוד ובאלהי אדלג שׁור׃30 (18:31) האל תמים דרכו אמרת יהוה צרופה מגן הוא לכל החסים׃31 (18:32) כי מי אלוה מבלעדי יהוה ומי צור זולתי אלהינו׃32 (18:33) האל המאזרני חיל ויתן תמים דרכי׃33 (18:34) משׁוה רגלי כאילות ועל במתי יעמידני׃34 (18:35) מלמד ידי למלחמה ונחתה קשׁת נחושׁה זרועתי׃35 (18:36) ותתן לי מגן ישׁעך וימינך תסעדני וענותך תרבני׃36 (18:37) תרחיב צעדי תחתי ולא מעדו קרסלי׃37 (18:38) ארדוף אויבי ואשׂיגם ולא אשׁוב עד כלותם׃38 (18:39) אמחצם ולא יכלו קום יפלו תחת רגלי׃39 (18:40) ותאזרני חיל למלחמה תכריע קמי תחתי׃40 (18:41) ואיבי נתתה לי ערף ומשׂנאי אצמיתם׃41 (18:42) ישׁועו ואין מושׁיע על יהוה ולא ענם׃42 (18:43) ואשׁחקם כעפר על פני רוח כטיט חוצות אריקם׃43 (18:44) תפלטני מריבי עם תשׂימני לראשׁ גוים עם לא ידעתי יעבדוני׃44 (18:45) לשׁמע אזן ישׁמעו לי בני נכר יכחשׁו׃45 (18:46) בני נכר יבלו ויחרגו ממסגרותיהם׃46 (18:47) חי יהוה וברוך צורי וירום אלוהי ישׁעי׃47 (18:48) האל הנותן נקמות לי וידבר עמים תחתי׃48 (18:49) מפלטי מאיבי אף מן קמי תרוממני מאישׁ חמס תצילני׃49 (18:50) על כן אודך בגוים יהוה ולשׁמך אזמרה׃50 (18:51) מגדל ישׁועות מלכו ועשׂה חסד למשׁיחו לדוד ולזרעו עד עולם׃
Psalms 25:7
7 חטאות נעורי ופשׁעי אל תזכר כחסדך זכר לי אתה למען טובך יהוה׃
Psalms 34:12
12 (34:13) מי האישׁ החפץ חיים אהב ימים לראות טוב׃
Psalms 34:15
15 (34:16) עיני יהוה אל צדיקים ואזניו אל שׁועתם׃
Psalms 40:1-17
1 למנצח לדוד מזמור׃ (40:2) קוה קויתי יהוה ויט אלי וישׁמע שׁועתי׃2 (40:3) ויעלני מבור שׁאון מטיט היון ויקם על סלע רגלי כונן אשׁרי׃3 (40:4) ויתן בפי שׁיר חדשׁ תהלה לאלהינו יראו רבים וייראו ויבטחו ביהוה׃4 (40:5) אשׁרי הגבר אשׁר שׂם יהוה מבטחו ולא פנה אל רהבים ושׂטי כזב׃5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃6 (40:7) זבח ומנחה לא חפצת אזנים כרית לי עולה וחטאה לא שׁאלת׃7 (40:8) אז אמרתי הנה באתי במגלת ספר כתוב עלי׃8 (40:9) לעשׂות רצונך אלהי חפצתי ותורתך בתוך מעי׃9 (40:10) בשׂרתי צדק בקהל רב הנה שׂפתי לא אכלא יהוה אתה ידעת׃10 (40:11) צדקתך לא כסיתי בתוך לבי אמונתך ותשׁועתך אמרתי לא כחדתי חסדך ואמתך לקהל רב׃11 (40:12) אתה יהוה לא תכלא רחמיך ממני חסדך ואמתך תמיד יצרוני׃12 (40:13) כי אפפו עלי רעות עד אין מספר השׂיגוני עונתי ולא יכלתי לראות עצמו משׂערות ראשׁי ולבי עזבני׃13 (40:14) רצה יהוה להצילני יהוה לעזרתי חושׁה׃14 (40:15) יבשׁו ויחפרו יחד מבקשׁי נפשׁי לספותה יסגו אחור ויכלמו חפצי רעתי׃15 (40:16) ישׁמו על עקב בשׁתם האמרים לי האח האח׃16 (40:17) ישׂישׂו וישׂמחו בך כל מבקשׁיך יאמרו תמיד יגדל יהוה אהבי תשׁועתך׃17 (40:18) ואני עני ואביון אדני יחשׁב לי עזרתי ומפלטי אתה אלהי אל תאחר׃
Psalms 77:7-11
Psalms 83:4-8
Psalms 86:5
5 כי אתה אדני טוב וסלח ורב חסד לכל קראיך׃
Psalms 86:15
15 ואתה אדני אל רחום וחנון ארך אפים ורב חסד ואמת׃
Psalms 91:1-10
1 ישׁב בסתר עליון בצל שׁדי יתלונן׃2 אמר ליהוה מחסי ומצודתי אלהי אבטח׃3 כי הוא יצילך מפח יקושׁ מדבר הוות׃4 באברתו יסך לך ותחת כנפיו תחסה צנה וסחרה אמתו׃5 לא תירא מפחד לילה מחץ יעוף יומם׃6 מדבר באפל יהלך מקטב ישׁוד צהרים׃7 יפל מצדך אלף ורבבה מימינך אליך לא יגשׁ׃8 רק בעיניך תביט ושׁלמת רשׁעים תראה׃9 כי אתה יהוה מחסי עליון שׂמת מעונך׃10 לא תאנה אליך רעה ונגע לא יקרב באהלך׃
Psalms 102:17
17 (102:18) פנה אל תפלת הערער ולא בזה את תפלתם׃
Psalms 103:1-22
1 לדוד ברכי נפשׁי את יהוה וכל קרבי את שׁם קדשׁו׃2 ברכי נפשׁי את יהוה ואל תשׁכחי כל גמוליו׃3 הסלח לכל עונכי הרפא לכל תחלאיכי׃4 הגואל משׁחת חייכי המעטרכי חסד ורחמים׃5 המשׂביע בטוב עדיך תתחדשׁ כנשׁר נעוריכי׃6 עשׂה צדקות יהוה ומשׁפטים לכל עשׁוקים׃7 יודיע דרכיו למשׁה לבני ישׂראל עלילותיו׃8 רחום וחנון יהוה ארך אפים ורב חסד׃
Psalms 103:8-22
Psalms 103:9-22
Psalms 103:10-22
Psalms 103:13-22
13 כרחם אב על בנים רחם יהוה על יראיו׃14 כי הוא ידע יצרנו זכור כי עפר אנחנו׃15 אנושׁ כחציר ימיו כציץ השׂדה כן יציץ׃16 כי רוח עברה בו ואיננו ולא יכירנו עוד מקומו׃17 וחסד יהוה מעולם ועד עולם על יראיו וצדקתו לבני בנים׃18 לשׁמרי בריתו ולזכרי פקדיו לעשׂותם׃19 יהוה בשׁמים הכין כסאו ומלכותו בכל משׁלה׃20 ברכו יהוה מלאכיו גברי כח עשׂי דברו לשׁמע בקול דברו׃21 ברכו יהוה כל צבאיו משׁרתיו עשׂי רצונו׃22 ברכו יהוה כל מעשׂיו בכל מקמות ממשׁלתו ברכי נפשׁי את יהוה׃
Psalms 105:8
8 זכר לעולם בריתו דבר צוה לאלף דור׃
Psalms 105:42
42 כי זכר את דבר קדשׁו את אברהם עבדו׃
Psalms 106:1
1 הללויה הודו ליהוה כי טוב כי לעולם חסדו׃
Psalms 106:1-48
Psalms 106:4
Psalms 106:8-48
8 ויושׁיעם למען שׁמו להודיע את גבורתו׃9 ויגער בים סוף ויחרב ויוליכם בתהמות כמדבר׃10 ויושׁיעם מיד שׂונא ויגאלם מיד אויב׃11 ויכסו מים צריהם אחד מהם לא נותר׃12 ויאמינו בדבריו ישׁירו תהלתו׃13 מהרו שׁכחו מעשׂיו לא חכו לעצתו׃14 ויתאוו תאוה במדבר וינסו אל בישׁימון׃15 ויתן להם שׁאלתם וישׁלח רזון בנפשׁם׃16 ויקנאו למשׁה במחנה לאהרן קדושׁ יהוה׃17 תפתח ארץ ותבלע דתן ותכס על עדת אבירם׃18 ותבער אשׁ בעדתם להבה תלהט רשׁעים׃19 יעשׂו עגל בחרב וישׁתחוו למסכה׃20 וימירו את כבודם בתבנית שׁור אכל עשׂב׃21 שׁכחו אל מושׁיעם עשׂה גדלות במצרים׃22 נפלאות בארץ חם נוראות על ים סוף׃23 ויאמר להשׁמידם לולי משׁה בחירו עמד בפרץ לפניו להשׁיב חמתו מהשׁחית׃24 וימאסו בארץ חמדה לא האמינו לדברו׃25 וירגנו באהליהם לא שׁמעו בקול יהוה׃26 וישׂא ידו להם להפיל אותם במדבר׃27 ולהפיל זרעם בגוים ולזרותם בארצות׃28 ויצמדו לבעל פעור ויאכלו זבחי מתים׃29 ויכעיסו במעלליהם ותפרץ בם מגפה׃30 ויעמד פינחס ויפלל ותעצר המגפה׃31 ותחשׁב לו לצדקה לדר ודר עד עולם׃32 ויקציפו על מי מריבה וירע למשׁה בעבורם׃33 כי המרו את רוחו ויבטא בשׂפתיו׃34 לא השׁמידו את העמים אשׁר אמר יהוה להם׃35 ויתערבו בגוים וילמדו מעשׂיהם׃36 ויעבדו את עצביהם ויהיו להם למוקשׁ׃37 ויזבחו את בניהם ואת בנותיהם לשׁדים׃38 וישׁפכו דם נקי דם בניהם ובנותיהם אשׁר זבחו לעצבי כנען ותחנף הארץ בדמים׃39 ויטמאו במעשׂיהם ויזנו במעלליהם׃40 ויחר אף יהוה בעמו ויתעב את נחלתו׃41 ויתנם ביד גוים וימשׁלו בהם שׂנאיהם׃42 וילחצום אויביהם ויכנעו תחת ידם׃43 פעמים רבות יצילם והמה ימרו בעצתם וימכו בעונם׃44 וירא בצר להם בשׁמעו את רנתם׃45 ויזכר להם בריתו וינחם כרב חסדו׃46 ויתן אותם לרחמים לפני כל שׁוביהם׃47 הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃48 ברוך יהוה אלהי ישׂראל מן העולם ועד העולם ואמר כל העם אמן הללו יה׃
Psalms 107:1
1 הדו ליהוה כי טוב כי לעולם חסדו׃
Psalms 107:34
34 ארץ פרי למלחה מרעת ישׁבי׃
Psalms 111:4
4 זכר עשׂה לנפלאתיו חנון ורחום יהוה׃
Psalms 116:1-19
1 אהבתי כי ישׁמע יהוה את קולי תחנוני׃2 כי הטה אזנו לי ובימי אקרא׃3 אפפוני חבלי מות ומצרי שׁאול מצאוני צרה ויגון אמצא׃4 ובשׁם יהוה אקרא אנה יהוה מלטה נפשׁי׃5 חנון יהוה וצדיק ואלהינו מרחם׃6 שׁמר פתאים יהוה דלותי ולי יהושׁיע׃7 שׁובי נפשׁי למנוחיכי כי יהוה גמל עליכי׃8 כי חלצת נפשׁי ממות את עיני מן דמעה את רגלי מדחי׃9 אתהלך לפני יהוה בארצות החיים׃10 האמנתי כי אדבר אני עניתי מאד׃11 אני אמרתי בחפזי כל האדם כזב׃12 מה אשׁיב ליהוה כל תגמולוהי עלי׃13 כוס ישׁועות אשׂא ובשׁם יהוה אקרא׃14 נדרי ליהוה אשׁלם נגדה נא לכל עמו׃15 יקר בעיני יהוה המותה לחסידיו׃16 אנה יהוה כי אני עבדך אני עבדך בן אמתך פתחת למוסרי׃17 לך אזבח זבח תודה ובשׁם יהוה אקרא׃18 נדרי ליהוה אשׁלם נגדה נא לכל עמו׃19 בחצרות בית יהוה בתוככי ירושׁלם הללו יה׃
Psalms 118:1
1 הודו ליהוה כי טוב כי לעולם חסדו׃
Psalms 119:60
60 חשׁתי ולא התמהמהתי לשׁמר מצותיך׃
Psalms 119:175
175 תחי נפשׁי ותהללך ומשׁפטך יעזרני׃
Psalms 121:1
1 שׁיר למעלות אשׂא עיני אל ההרים מאין יבא עזרי׃
Psalms 136:1
1 הודו ליהוה כי טוב כי לעולם חסדו׃
Psalms 136:23
23 שׁבשׁפלנו זכר לנו כי לעולם חסדו׃
Psalms 145:19
Proverbs 3:5-7
Proverbs 4:16
16 כי לא ישׁנו אם לא ירעו ונגזלה שׁנתם אם לא יכשׁולו׃
Proverbs 6:4-5
Proverbs 6:18
18 לב חרשׁ מחשׁבות און רגלים ממהרות לרוץ לרעה׃
Proverbs 9:7-8
Proverbs 14:14
14 מדרכיו ישׂבע סוג לב ומעליו אישׁ טוב׃
Proverbs 14:16
16 חכם ירא וסר מרע וכסיל מתעבר ובוטח׃
Proverbs 17:12
12 פגושׁ דב שׁכול באישׁ ואל כסיל באולתו׃
Proverbs 20:1
1 לץ היין המה שׁכר וכל שׁגה בו לא יחכם׃
Proverbs 23:29-35
Proverbs 23:31-35
Proverbs 23:32-35
Proverbs 23:33-35
Proverbs 24:16
16 כי שׁבע יפול צדיק וקם ורשׁעים יכשׁלו ברעה׃
Proverbs 27:3
3 כבד אבן ונטל החול וכעס אויל כבד משׁניהם׃
Proverbs 29:1
1 אישׁ תוכחות מקשׁה ערף פתע ישׁבר ואין מרפא׃
Ecclesiastes 7:26
26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃
Ecclesiastes 9:3
3 זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃
Ecclesiastes 10:13
13 תחלת דברי פיהו סכלות ואחרית פיהו הוללות רעה׃
Ecclesiastes 10:15
15 עמל הכסילים תיגענו אשׁר לא ידע ללכת אל עיר׃
Isaiah 1:9
9 לולי יהוה צבאות הותיר לנו שׂריד כמעט כסדם היינו לעמרה דמינו׃
Isaiah 3:9
9 הכרת פניהם ענתה בם וחטאתם כסדם הגידו לא כחדו אוי לנפשׁם כי גמלו להם רעה׃
Isaiah 3:11
11 אוי לרשׁע רע כי גמול ידיו יעשׂה׃
Isaiah 4:1
1 והחזיקו שׁבע נשׁים באישׁ אחד ביום ההוא לאמר לחמנו נאכל ושׂמלתנו נלבשׁ רק יקרא שׁמך עלינו אסף חרפתנו׃
Isaiah 11:14
14 ועפו בכתף פלשׁתים ימה יחדו יבזו את בני קדם אדום ומואב משׁלוח ידם ובני עמון משׁמעתם׃
Isaiah 13:19
19 והיתה בבל צבי ממלכות תפארת גאון כשׂדים כמהפכת אלהים את סדם ואת עמרה׃
Isaiah 15:5
5 לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃
Isaiah 28:22
22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃
Isaiah 36:10
10 ועתה המבלעדי יהוה עליתי על הארץ הזאת להשׁחיתה יהוה אמר אלי עלה אל הארץ הזאת והשׁחיתה׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Isaiah 45:11
11 כה אמר יהוה קדושׁ ישׂראל ויצרו האתיות שׁאלוני על בני ועל פעל ידי תצוני׃
Isaiah 55:3
3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃
Isaiah 57:10
10 ברב דרכך יגעת לא אמרת נואשׁ חית ידך מצאת על כן לא חלית׃
Isaiah 58:7
7 הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃
Isaiah 63:9
9 בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃
Isaiah 65:5
5 האמרים קרב אליך אל תגשׁ בי כי קדשׁתיך אלה עשׁן באפי אשׁ יקדת כל היום׃
Isaiah 65:8
8 כה אמר יהוה כאשׁר ימצא התירושׁ באשׁכול ואמר אל תשׁחיתהו כי ברכה בו כן אעשׂה למען עבדי לבלתי השׁחית הכל׃
Jeremiah 2:36
36 מה תזלי מאד לשׁנות את דרכך גם ממצרים תבושׁי כאשׁר בשׁת מאשׁור׃
Jeremiah 2:36-37
Jeremiah 3:3
3 וימנעו רבבים ומלקושׁ לוא היה ומצח אשׁה זונה היה לך מאנת הכלם׃
Jeremiah 5:1-6
Jeremiah 5:3
3 יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשׁוב׃4 ואני אמרתי אך דלים הם נואלו כי לא ידעו דרך יהוה משׁפט אלהיהם׃5 אלכה לי אל הגדלים ואדברה אותם כי המה ידעו דרך יהוה משׁפט אלהיהם אך המה יחדו שׁברו על נתקו מוסרות׃6 על כן הכם אריה מיער זאב ערבות ישׁדדם נמר שׁקד על עריהם כל היוצא מהנה יטרף כי רבו פשׁעיהם עצמו משׁבותיהם׃
Jeremiah 5:12-14
Jeremiah 5:31
31 הנביאים נבאו בשׁקר והכהנים ירדו על ידיהם ועמי אהבו כן ומה תעשׂו לאחריתה׃
Jeremiah 6:15
15 הבישׁו כי תועבה עשׂו גם בושׁ לא יבושׁו גם הכלים לא ידעו לכן יפלו בנפלים בעת פקדתים יכשׁלו אמר יהוה׃
Jeremiah 8:12
12 הבשׁו כי תועבה עשׂו גם בושׁ לא יבשׁו והכלם לא ידעו לכן יפלו בנפלים בעת פקדתם יכשׁלו אמר יהוה׃
Jeremiah 14:10
10 כה אמר יהוה לעם הזה כן אהבו לנוע רגליהם לא חשׂכו ויהוה לא רצם עתה יזכר עונם ויפקד חטאתם׃
Jeremiah 20:7
7 פתיתני יהוה ואפת חזקתני ותוכל הייתי לשׂחוק כל היום כלה לעג׃
Jeremiah 20:16
16 והיה האישׁ ההוא כערים אשׁר הפך יהוה ולא נחם ושׁמע זעקה בבקר ותרועה בעת צהרים׃
Jeremiah 32:39
39 ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃
Jeremiah 48:6
6 נסו מלטו נפשׁכם ותהיינה כערוער במדבר׃
Jeremiah 48:34
34 מזעקת חשׁבון עד אלעלה עד יהץ נתנו קולם מצער עד חרנים עגלת שׁלשׁיה כי גם מי נמרים למשׁמות יהיו׃
Jeremiah 49:18
18 כמהפכת סדם ועמרה ושׁכניה אמר יהוה לא ישׁב שׁם אישׁ ולא יגור בה בן אדם׃
Jeremiah 50:40
40 כמהפכת אלהים את סדם ואת עמרה ואת שׁכניה נאם יהוה לא ישׁב שׁם אישׁ ולא יגור בה בן אדם׃
Jeremiah 51:6
6 נסו מתוך בבל ומלטו אישׁ נפשׁו אל תדמו בעונה כי עת נקמה היא ליהוה גמול הוא משׁלם׃
Lamentations 3:22
22 חסדי יהוה כי לא תמנו כי לא כלו רחמיו׃
Lamentations 4:6
6 ויגדל עון בת עמי מחטאת סדם ההפוכה כמו רגע ולא חלו בה ידים׃
Ezekiel 9:5-6
Ezekiel 16:49
49 הנה זה היה עון סדם אחותך גאון שׂבעת לחם ושׁלות השׁקט היה לה ולבנותיה ויד עני ואביון לא החזיקה׃
Ezekiel 16:49-50
Ezekiel 20:49
49 (21:5) ואמר אהה אדני יהוה המה אמרים לי הלא ממשׁל משׁלים הוא׃
Ezekiel 36:31-32
Daniel 3:19-22
19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃20 ולגברין גברי חיל די בחילה אמר לכפתה לשׁדרך מישׁך ועבד נגו למרמא לאתון נורא יקדתא׃21 באדין גבריא אלך כפתו בסרבליהון פטישׁיהון וכרבלתהון ולבשׁיהון ורמיו לגוא אתון נורא יקדתא׃22 כל קבל דנה מן די מלת מלכא מחצפה ואתונא אזה יתירא גבריא אלך די הסקו לשׁדרך מישׁך ועבד נגו קטל המון שׁביבא די נורא׃
Hosea 11:8
8 איך אתנך אפרים אמגנך ישׂראל איך אתנך כאדמה אשׂימך כצבאים נהפך עלי לבי יחד נכמרו נחומי׃
Amos 3:6
6 אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃
Amos 4:11
11 הפכתי בכם כמהפכת אלהים את סדם ואת עמרה ותהיו כאוד מצל משׂרפה ולא שׁבתם עדי נאם יהוה׃
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
Micah 7:18-19
Habakkuk 2:1
1 על משׁמרתי אעמדה ואתיצבה על מצור ואצפה לראות מה ידבר בי ומה אשׁיב על תוכחתי׃
Habakkuk 2:15-16
15 הוי משׁקה רעהו מספח חמתך ואף שׁכר למען הביט על מעוריהם׃
Habakkuk 2:15
Zephaniah 2:9
9 לכן חי אני נאם יהוה צבאות אלהי ישׂראל כי מואב כסדם תהיה ובני עמון כעמרה ממשׁק חרול ומכרה מלח ושׁממה עד עולם שׁארית עמי יבזום ויתר גוי ינחלום׃