1 ואלה שׁמות בני ישׂראל הבאים מצרימה את יעקב אישׁ וביתו באו׃2 ראובן שׁמעון לוי ויהודה׃3 ישׂשכר זבולן ובנימן׃4 דן ונפתלי גד ואשׁר׃5 ויהי כל נפשׁ יצאי ירך יעקב שׁבעים נפשׁ ויוסף היה במצרים׃6 וימת יוסף וכל אחיו וכל הדור ההוא׃7 ובני ישׂראל פרו וישׁרצו וירבו ויעצמו במאד מאד ותמלא הארץ אתם׃8 ויקם מלך חדשׁ על מצרים אשׁר לא ידע את יוסף׃9 ויאמר אל עמו הנה עם בני ישׂראל רב ועצום ממנו׃10 הבה נתחכמה לו פן ירבה והיה כי תקראנה מלחמה ונוסף גם הוא על שׂנאינו ונלחם בנו ועלה מן הארץ׃11 וישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס׃12 וכאשׁר יענו אתו כן ירבה וכן יפרץ ויקצו מפני בני ישׂראל׃13 ויעבדו מצרים את בני ישׂראל בפרך׃14 וימררו את חייהם בעבדה קשׁה בחמר ובלבנים ובכל עבדה בשׂדה את כל עבדתם אשׁר עבדו בהם בפרך׃15 ויאמר מלך מצרים למילדת העברית אשׁר שׁם האחת שׁפרה ושׁם השׁנית פועה׃16 ויאמר בילדכן את העבריות וראיתן על האבנים אם בן הוא והמתן אתו ואם בת הוא וחיה׃17 ותיראן המילדת את האלהים ולא עשׂו כאשׁר דבר אליהן מלך מצרים ותחיין את הילדים׃18 ויקרא מלך מצרים למילדת ויאמר להן מדוע עשׂיתן הדבר הזה ותחיין את הילדים׃19 ותאמרן המילדת אל פרעה כי לא כנשׁים המצרית העברית כי חיות הנה בטרם תבוא אלהן המילדת וילדו׃20 וייטב אלהים למילדת וירב העם ויעצמו מאד׃21 ויהי כי יראו המילדת את האלהים ויעשׂ להם בתים׃22 ויצו פרעה לכל עמו לאמר כל הבן הילוד היארה תשׁליכהו וכל הבת תחיון׃
Exodus Cross References - HOT
Genesis 1:20
20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃
Genesis 1:28
28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃
Genesis 9:1
1 ויברך אלהים את נח ואת בניו ויאמר להם פרו ורבו ומלאו את הארץ׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 15:5
5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃
Genesis 15:13
13 ויאמר לאברם ידע תדע כי גר יהיה זרעך בארץ לא להם ועבדום וענו אתם ארבע מאות שׁנה׃
Genesis 17:4-6
Genesis 17:16
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 26:4
4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃
Genesis 28:3-4
Genesis 28:14
14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃
Genesis 29:31-30:21
31 וירא יהוה כי שׂנואה לאה ויפתח את רחמה ורחל עקרה׃
Genesis 35:11
11 ויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו׃
Genesis 35:18
18 ויהי בצאת נפשׁה כי מתה ותקרא שׁמו בן אוני ואביו קרא לו בנימין׃
Genesis 35:22
Genesis 35:23
Genesis 41:1
1 ויהי מקץ שׁנתים ימים ופרעה חלם והנה עמד על היאר׃
Genesis 42:18
18 ויאמר אלהם יוסף ביום השׁלישׁי זאת עשׂו וחיו את האלהים אני ירא׃
Genesis 46:3
3 ויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם׃
Genesis 46:8-26
8 ואלה שׁמות בני ישׂראל הבאים מצרימה יעקב ובניו בכר יעקב ראובן׃9 ובני ראובן חנוך ופלוא וחצרן וכרמי׃10 ובני שׁמעון ימואל וימין ואהד ויכין וצחר ושׁאול בן הכנענית׃11 ובני לוי גרשׁון קהת ומררי׃12 ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃13 ובני ישׂשכר תולע ופוה ויוב ושׁמרן׃14 ובני זבלון סרד ואלון ויחלאל׃15 אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃16 ובני גד צפיון וחגי שׁוני ואצבן ערי וארודי ואראלי׃17 ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃18 אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃19 בני רחל אשׁת יעקב יוסף ובנימן׃20 ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃21 ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃22 אלה בני רחל אשׁר ילד ליעקב כל נפשׁ ארבעה עשׂר׃23 ובני דן חשׁים׃24 ובני נפתלי יחצאל וגוני ויצר ושׁלם׃25 אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃26 כל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ׃
Genesis 46:26-27
Genesis 47:11
11 ויושׁב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס כאשׁר צוה פרעה׃
Genesis 47:27
27 וישׁב ישׂראל בארץ מצרים בארץ גשׁן ויאחזו בה ויפרו וירבו מאד׃
Genesis 48:4
4 ויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך אחזת עולם׃
Genesis 48:16
16 המלאך הגאל אתי מכל רע יברך את הנערים ויקרא בהם שׁמי ושׁם אבתי אברהם ויצחק וידגו לרב בקרב הארץ׃
Genesis 49:3-27
3 ראובן בכרי אתה כחי וראשׁית אוני יתר שׂאת ויתר עז׃4 פחז כמים אל תותר כי עלית משׁכבי אביך אז חללת יצועי עלה׃5 שׁמעון ולוי אחים כלי חמס מכרתיהם׃6 בסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור׃7 ארור אפם כי עז ועברתם כי קשׁתה אחלקם ביעקב ואפיצם בישׂראל׃8 יהודה אתה יודוך אחיך ידך בערף איביך ישׁתחוו לך בני אביך׃9 גור אריה יהודה מטרף בני עלית כרע רבץ כאריה וכלביא מי יקימנו׃10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃11 אסרי לגפן עירה ולשׂרקה בני אתנו כבס ביין לבשׁו ובדם ענבים סותה׃12 חכלילי עינים מיין ולבן שׁנים מחלב׃13 זבולן לחוף ימים ישׁכן והוא לחוף אנית וירכתו על צידן׃14 ישׂשכר חמר גרם רבץ בין המשׁפתים׃15 וירא מנחה כי טוב ואת הארץ כי נעמה ויט שׁכמו לסבל ויהי למס עבד׃16 דן ידין עמו כאחד שׁבטי ישׂראל׃17 יהי דן נחשׁ עלי דרך שׁפיפן עלי ארח הנשׁך עקבי סוס ויפל רכבו אחור׃18 לישׁועתך קויתי יהוה׃19 גד גדוד יגודנו והוא יגד עקב׃20 מאשׁר שׁמנה לחמו והוא יתן מעדני מלך׃21 נפתלי אילה שׁלחה הנתן אמרי שׁפר׃22 בן פרת יוסף בן פרת עלי עין בנות צעדה עלי שׁור׃23 וימררהו ורבו וישׂטמהו בעלי חצים׃24 ותשׁב באיתן קשׁתו ויפזו זרעי ידיו מידי אביר יעקב משׁם רעה אבן ישׂראל׃25 מאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם׃26 ברכת אביך גברו על ברכת הורי עד תאות גבעת עולם תהיין לראשׁ יוסף ולקדקד נזיר אחיו׃27 בנימין זאב יטרף בבקר יאכל עד ולערב יחלק שׁלל׃
Genesis 50:24
24 ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב׃
Genesis 50:26
26 וימת יוסף בן מאה ועשׂר שׁנים ויחנטו אתו ויישׂם בארון במצרים׃
Exodus 1:7
7 ובני ישׂראל פרו וישׁרצו וירבו ויעצמו במאד מאד ותמלא הארץ אתם׃
Exodus 1:9
9 ויאמר אל עמו הנה עם בני ישׂראל רב ועצום ממנו׃
Exodus 1:12
Exodus 1:16
16 ויאמר בילדכן את העבריות וראיתן על האבנים אם בן הוא והמתן אתו ואם בת הוא וחיה׃
Exodus 1:20
Exodus 2:11
11 ויהי בימים ההם ויגדל משׁה ויצא אל אחיו וירא בסבלתם וירא אישׁ מצרי מכה אישׁ עברי מאחיו׃
Exodus 2:23
23 ויהי בימים הרבים ההם וימת מלך מצרים ויאנחו בני ישׂראל מן העבדה ויזעקו ותעל שׁועתם אל האלהים מן העבדה׃
Exodus 3:7
7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃
Exodus 5:4-6
4 ויאמר אלהם מלך מצרים למה משׁה ואהרן תפריעו את העם ממעשׂיו לכו לסבלתיכם׃5 ויאמר פרעה הן רבים עתה עם הארץ והשׁבתם אתם מסבלתם׃6 ויצו פרעה ביום ההוא את הנגשׂים בעם ואת שׁטריו לאמר׃7 לא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן׃8 ואת מתכנת הלבנים אשׁר הם עשׂים תמול שׁלשׁם תשׂימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו׃9 תכבד העבדה על האנשׁים ויעשׂו בה ואל ישׁעו בדברי שׁקר׃10 ויצאו נגשׂי העם ושׁטריו ויאמרו אל העם לאמר כה אמר פרעה אינני נתן לכם תבן׃11 אתם לכו קחו לכם תבן מאשׁר תמצאו כי אין נגרע מעבדתכם דבר׃12 ויפץ העם בכל ארץ מצרים לקשׁשׁ קשׁ לתבן׃13 והנגשׂים אצים לאמר כלו מעשׂיכם דבר יום ביומו כאשׁר בהיות התבן׃14 ויכו שׁטרי בני ישׂראל אשׁר שׂמו עלהם נגשׂי פרעה לאמר מדוע לא כליתם חקכם ללבן כתמול שׁלשׁם גם תמול גם היום׃15 ויבאו שׁטרי בני ישׂראל ויצעקו אל פרעה לאמר למה תעשׂה כה לעבדיך׃
Exodus 5:15-21
15 ויבאו שׁטרי בני ישׂראל ויצעקו אל פרעה לאמר למה תעשׂה כה לעבדיך׃16 תבן אין נתן לעבדיך ולבנים אמרים לנו עשׂו והנה עבדיך מכים וחטאת עמך׃17 ויאמר נרפים אתם נרפים על כן אתם אמרים נלכה נזבחה ליהוה׃18 ועתה לכו עבדו ותבן לא ינתן לכם ותכן לבנים תתנו׃19 ויראו שׁטרי בני ישׂראל אתם ברע לאמר לא תגרעו מלבניכם דבר יום ביומו׃20 ויפגעו את משׁה ואת אהרן נצבים לקראתם בצאתם מאת פרעה׃21 ויאמרו אלהם ירא יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידם להרגנו׃
Exodus 6:6-7
Exodus 6:9
9 וידבר משׁה כן אל בני ישׂראל ולא שׁמעו אל משׁה מקצר רוח ומעבדה קשׁה׃
Exodus 6:14-16
Exodus 7:19-21
19 ויאמר יהוה אל משׁה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם ויהיו דם והיה דם בכל ארץ מצרים ובעצים ובאבנים׃20 ויעשׂו כן משׁה ואהרן כאשׁר צוה יהוה וירם במטה ויך את המים אשׁר ביאר לעיני פרעה ולעיני עבדיו ויהפכו כל המים אשׁר ביאר לדם׃21 והדגה אשׁר ביאר מתה ויבאשׁ היאר ולא יכלו מצרים לשׁתות מים מן היאר ויהי הדם בכל ארץ מצרים׃
Exodus 12:37
37 ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃
Exodus 20:2
2 אנכי יהוה אלהיך אשׁר הוצאתיך מארץ מצרים מבית עבדים׃
Exodus 28:20
20 והטור הרביעי תרשׁישׁ ושׁהם וישׁפה משׁבצים זהב יהיו במלואתם׃
Leviticus 25:43
43 לא תרדה בו בפרך ויראת מאלהיך׃
Leviticus 25:46
46 והתנחלתם אתם לבניכם אחריכם לרשׁת אחזה לעלם בהם תעבדו ובאחיכם בני ישׂראל אישׁ באחיו לא תרדה בו בפרך׃
Leviticus 25:53
53 כשׂכיר שׁנה בשׁנה יהיה עמו לא ירדנו בפרך לעיניך׃
Numbers 20:15
15 וירדו אבתינו מצרימה ונשׁב במצרים ימים רבים וירעו לנו מצרים ולאבתינו׃
Numbers 22:4-5
4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃5 וישׁלח מלאכים אל בלעם בן בעור פתורה אשׁר על הנהר ארץ בני עמו לקרא לו לאמר הנה עם יצא ממצרים הנה כסה את עין הארץ והוא ישׁב ממלי׃6 ועתה לכה נא ארה לי את העם הזה כי עצום הוא ממני אולי אוכל נכה בו ואגרשׁנו מן הארץ כי ידעתי את אשׁר תברך מברך ואשׁר תאר יואר׃
Deuteronomy 4:20
20 ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃
Deuteronomy 10:22
22 בשׁבעים נפשׁ ירדו אבתיך מצרימה ועתה שׂמך יהוה אלהיך ככוכבי השׁמים לרב׃
Deuteronomy 26:5
Joshua 2:4-24
4 ותקח האשׁה את שׁני האנשׁים ותצפנו ותאמר כן באו אלי האנשׁים ולא ידעתי מאין המה׃5 ויהי השׁער לסגור בחשׁך והאנשׁים יצאו לא ידעתי אנה הלכו האנשׁים רדפו מהר אחריהם כי תשׂיגום׃6 והיא העלתם הגגה ותטמנם בפשׁתי העץ הערכות לה על הגג׃7 והאנשׁים רדפו אחריהם דרך הירדן על המעברות והשׁער סגרו אחרי כאשׁר יצאו הרדפים אחריהם׃8 והמה טרם ישׁכבון והיא עלתה עליהם על הגג׃9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃12 ועתה השׁבעו נא לי ביהוה כי עשׂיתי עמכם חסד ועשׂיתם גם אתם עם בית אבי חסד ונתתם לי אות אמת׃13 והחיתם את אבי ואת אמי ואת אחי ואת אחותי ואת כל אשׁר להם והצלתם את נפשׁתינו ממות׃14 ויאמרו לה האנשׁים נפשׁנו תחתיכם למות אם לא תגידו את דברנו זה והיה בתת יהוה לנו את הארץ ועשׂינו עמך חסד ואמת׃15 ותורדם בחבל בעד החלון כי ביתה בקיר החומה ובחומה היא יושׁבת׃16 ותאמר להם ההרה לכו פן יפגעו בכם הרדפים ונחבתם שׁמה שׁלשׁת ימים עד שׁוב הרדפים ואחר תלכו לדרככם׃17 ויאמרו אליה האנשׁים נקים אנחנו משׁבעתך הזה אשׁר השׁבעתנו׃18 הנה אנחנו באים בארץ את תקות חוט השׁני הזה תקשׁרי בחלון אשׁר הורדתנו בו ואת אביך ואת אמך ואת אחיך ואת כל בית אביך תאספי אליך הביתה׃19 והיה כל אשׁר יצא מדלתי ביתך החוצה דמו בראשׁו ואנחנו נקים וכל אשׁר יהיה אתך בבית דמו בראשׁנו אם יד תהיה׃20 ואם תגידי את דברנו זה והיינו נקים משׁבעתך אשׁר השׁבעתנו׃21 ותאמר כדבריכם כן הוא ותשׁלחם וילכו ותקשׁר את תקות השׁני בחלון׃22 וילכו ויבאו ההרה וישׁבו שׁם שׁלשׁת ימים עד שׁבו הרדפים ויבקשׁו הרדפים בכל הדרך ולא מצאו׃23 וישׁבו שׁני האנשׁים וירדו מההר ויעברו ויבאו אל יהושׁע בן נון ויספרו לו את כל המצאות אותם׃24 ויאמרו אל יהושׁע כי נתן יהוה בידנו את כל הארץ וגם נמגו כל ישׁבי הארץ מפנינו׃
Judges 8:30
30 ולגדעון היו שׁבעים בנים יצאי ירכו כי נשׁים רבות היו׃
Ruth 1:20
20 ותאמר אליהן אל תקראנה לי נעמי קראן לי מרא כי המר שׁדי לי מאד׃
1 Samuel 2:35
35 והקימתי לי כהן נאמן כאשׁר בלבבי ובנפשׁי יעשׂה ובניתי לו בית נאמן והתהלך לפני משׁיחי כל הימים׃
1 Samuel 21:2
2 (21:3) ויאמר דוד לאחימלך הכהן המלך צוני דבר ויאמר אלי אישׁ אל ידע מאומה את הדבר אשׁר אנכי שׁלחך ואשׁר צויתך ואת הנערים יודעתי אל מקום פלני אלמוני׃
1 Samuel 25:28
28 שׂא נא לפשׁע אמתך כי עשׂה יעשׂה יהוה לאדני בית נאמן כי מלחמות יהוה אדני נלחם ורעה לא תמצא בך מימיך׃
2 Samuel 7:11-13
2 Samuel 7:27-29
2 Samuel 13:28
28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
2 Samuel 17:19-20
1 Kings 2:24
24 ועתה חי יהוה אשׁר הכינני ויושׁיביני על כסא דוד אבי ואשׁר עשׂה לי בית כאשׁר דבר כי היום יומת אדניהו׃
1 Kings 9:19
19 ואת כל ערי המסכנות אשׁר היו לשׁלמה ואת ערי הרכב ואת ערי הפרשׁים ואת חשׁק שׁלמה אשׁר חשׁק לבנות בירושׁלם ובלבנון ובכל ארץ ממשׁלתו׃
1 Kings 11:38
38 והיה אם תשׁמע את כל אשׁר אצוך והלכת בדרכי ועשׂית הישׁר בעיני לשׁמור חקותי ומצותי כאשׁר עשׂה דוד עבדי והייתי עמך ובניתי לך בית נאמן כאשׁר בניתי לדוד ונתתי לך את ישׂראל׃
1 Chronicles 2:1-2
1 Chronicles 12:23-40
23 (12:24) ואלה מספרי ראשׁי החלוץ לצבא באו על דויד חברונה להסב מלכות שׁאול אליו כפי יהוה׃24 (12:25) בני יהודה נשׂאי צנה ורמח שׁשׁת אלפים ושׁמונה מאות חלוצי צבא׃25 (12:26) מן בני שׁמעון גבורי חיל לצבא שׁבעת אלפים ומאה׃26 (12:27) מן בני הלוי ארבעת אלפים ושׁשׁ מאות׃27 (12:28) ויהוידע הנגיד לאהרן ועמו שׁלשׁת אלפים ושׁבע מאות׃28 (12:29) וצדוק נער גבור חיל ובית אביו שׂרים עשׂרים ושׁנים׃29 (12:30) ומן בני בנימן אחי שׁאול שׁלשׁת אלפים ועד הנה מרביתם שׁמרים משׁמרת בית שׁאול׃30 (12:31) ומן בני אפרים עשׂרים אלף ושׁמונה מאות גבורי חיל אנשׁי שׁמות לבית אבותם׃31 (12:32) ומחצי מטה מנשׁה שׁמונה עשׂר אלף אשׁר נקבו בשׁמות לבוא להמליך את דויד׃32 (12:33) ומבני ישׂשכר יודעי בינה לעתים לדעת מה יעשׂה ישׂראל ראשׁיהם מאתים וכל אחיהם על פיהם׃33 (12:34) מזבלון יוצאי צבא ערכי מלחמה בכל כלי מלחמה חמשׁים אלף ולעדר בלא לב ולב׃34 (12:35) ומנפתלי שׂרים אלף ועמהם בצנה וחנית שׁלשׁים ושׁבעה אלף׃35 (12:36) ומן הדני ערכי מלחמה עשׂרים ושׁמונה אלף ושׁשׁ מאות׃36 (12:37) ומאשׁר יוצאי צבא לערך מלחמה ארבעים אלף׃37 (12:38) ומעבר לירדן מן הראובני והגדי וחצי שׁבט מנשׁה בכל כלי צבא מלחמה מאה ועשׂרים אלף׃38 (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃39 (12:40) ויהיו שׁם עם דויד ימים שׁלושׁה אכלים ושׁותים כי הכינו להם אחיהם׃40 (12:41) וגם הקרובים אליהם עד ישׂשכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושׁמן ובקר וצאן לרב כי שׂמחה בישׂראל׃
1 Chronicles 27:16-22
16 ועל שׁבטי ישׂראל לראובני נגיד אליעזר בן זכרי לשׁמעוני שׁפטיהו בן מעכה׃17 ללוי חשׁביה בן קמואל לאהרן צדוק׃18 ליהודה אליהו מאחי דויד לישׂשכר עמרי בן מיכאל׃19 לזבולן ישׁמעיהו בן עבדיהו לנפתלי ירימות בן עזריאל׃20 לבני אפרים הושׁע בן עזזיהו לחצי שׁבט מנשׁה יואל בן פדיהו׃21 לחצי המנשׁה גלעדה ידו בן זכריהו לבנימן יעשׂיאל בן אבנר׃22 לדן עזראל בן ירחם אלה שׂרי שׁבטי ישׂראל׃
2 Chronicles 8:4
4 ויבן את תדמר במדבר ואת כל ערי המסכנות אשׁר בנה בחמת׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Nehemiah 9:23
23 ובניהם הרבית כככבי השׁמים ותביאם אל הארץ אשׁר אמרת לאבתיהם לבוא לרשׁת׃
Job 5:2
2 כי לאויל יהרג כעשׂ ופתה תמית קנאה׃
Job 5:13
13 לכד חכמים בערמם ועצת נפתלים נמהרה׃
Psalms 10:2
2 בגאות רשׁע ידלק עני יתפשׂו במזמות זו חשׁבו׃
Psalms 31:19
19 (31:20) מה רב טובך אשׁר צפנת ליראיך פעלת לחסים בך נגד בני אדם׃
Psalms 37:3
3 בטח ביהוה ועשׂה טוב שׁכן ארץ ורעה אמונה׃
Psalms 41:1-2
Psalms 61:5
5 (61:6) כי אתה אלהים שׁמעת לנדרי נתת ירשׁת יראי שׁמך׃
Psalms 68:13
13 (68:14) אם תשׁכבון בין שׁפתים כנפי יונה נחפה בכסף ואברותיה בירקרק חרוץ׃
Psalms 81:6
6 (81:7) הסירותי מסבל שׁכמו כפיו מדוד תעברנה׃
Psalms 83:3-4
Psalms 85:9
9 (85:10) אך קרוב ליראיו ישׁעו לשׁכן כבוד בארצנו׃
Psalms 103:11
11 כי כגבה שׁמים על הארץ גבר חסדו על יראיו׃
Psalms 105:13
13 ויתהלכו מגוי אל גוי מממלכה אל עם אחר׃
Psalms 105:24
24 ויפר את עמו מאד ויעצמהו מצריו׃
Psalms 105:24-25
Psalms 105:25
25 הפך לבם לשׂנא עמו להתנכל בעבדיו׃
Psalms 111:5
5 טרף נתן ליראיו יזכר לעולם בריתו׃
Psalms 127:1
1 שׁיר המעלות לשׁלמה אם יהוה לא יבנה בית שׁוא עמלו בוניו בו אם יהוה לא ישׁמר עיר שׁוא שׁקד שׁומר׃
Psalms 127:3
3 הנה נחלת יהוה בנים שׂכר פרי הבטן׃
Psalms 145:19
19 רצון יראיו יעשׂה ואת שׁועתם ישׁמע ויושׁיעם׃
Proverbs 1:11
11 אם יאמרו לכה אתנו נארבה לדם נצפנה לנקי חנם׃
Proverbs 1:16
16 כי רגליהם לרע ירוצו וימהרו לשׁפך דם׃
Proverbs 4:16
16 כי לא ישׁנו אם לא ירעו ונגזלה שׁנתם אם לא יכשׁולו׃
Proverbs 8:13
13 יראת יהוה שׂנאת רע גאה וגאון ודרך רע ופי תהפכות שׂנאתי׃
Proverbs 11:18
18 רשׁע עשׂה פעלת שׁקר וזרע צדקה שׂכר אמת׃
Proverbs 14:28
28 ברב עם הדרת מלך ובאפס לאם מחתת רזון׃
Proverbs 16:6
6 בחסד ואמת יכפר עון וביראת יהוה סור מרע׃
Proverbs 16:25
25 ישׁ דרך ישׁר לפני אישׁ ואחריתה דרכי מות׃
Proverbs 19:17
17 מלוה יהוה חונן דל וגמלו ישׁלם׃
Proverbs 21:30
30 אין חכמה ואין תבונה ואין עצה לנגד יהוה׃
Proverbs 24:3
3 בחכמה יבנה בית ובתבונה יתכונן׃
Proverbs 24:11-12
Proverbs 27:4
4 אכזריות חמה ושׁטף אף ומי יעמד לפני קנאה׃
Ecclesiastes 2:18-19
Ecclesiastes 4:4
4 וראיתי אני את כל עמל ואת כל כשׁרון המעשׂה כי היא קנאת אישׁ מרעהו גם זה הבל ורעות רוח׃
Ecclesiastes 8:4
4 באשׁר דבר מלך שׁלטון ומי יאמר לו מה תעשׂה׃
Ecclesiastes 8:12
12 אשׁר חטא עשׂה רע מאת ומאריך לו כי גם יודע אני אשׁר יהיה טוב ליראי האלהים אשׁר ייראו מלפניו׃
Ecclesiastes 9:15
15 ומצא בה אישׁ מסכן חכם ומלט הוא את העיר בחכמתו ואדם לא זכר את האישׁ המסכן ההוא׃
Ecclesiastes 12:13
13 סוף דבר הכל נשׁמע את האלהים ירא ואת מצותיו שׁמור כי זה כל האדם׃
Isaiah 3:10
10 אמרו צדיק כי טוב כי פרי מעלליהם יאכלו׃
Isaiah 14:6
6 מכה עמים בעברה מכת בלתי סרה רדה באף גוים מרדף בלי חשׂך׃
Isaiah 51:23
23 ושׂמתיה ביד מוגיך אשׁר אמרו לנפשׁך שׁחי ונעברה ותשׂימי כארץ גוך וכחוץ לעברים׃
Isaiah 52:5
5 ועתה מה לי פה נאם יהוה כי לקח עמי חנם משׁלו יהילילו נאם יהוה ותמיד כל היום שׁמי \'ee\'f0\'e0\'f5{\cf11 \super
Isaiah 58:6
6 הלוא זה צום אבחרהו פתח חרצבות רשׁע התר אגדות מוטה ושׁלח רצוצים חפשׁים וכל מוטה תנתקו׃
Jeremiah 35:2
2 הלוך אל בית הרכבים ודברת אותם והבאותם בית יהוה אל אחת הלשׁכות והשׁקית אותם יין׃
Jeremiah 50:33-34
Daniel 3:16-18
Daniel 6:13
13 (6:14) באדין ענו ואמרין קדם מלכא די דניאל די מן בני גלותא די יהוד לא שׂם עליך מלכא טעם ועל אסרא די רשׁמת וזמנין תלתה ביומא בעא בעותה׃
Hosea 5:11
11 עשׁוק אפרים רצוץ משׁפט כי הואיל הלך אחרי צו׃
Micah 3:3
3 ואשׁר אכלו שׁאר עמי ועורם מעליהם הפשׁיטו ואת עצמתיהם פצחו ופרשׂו כאשׁר בסיר וכבשׂר בתוך קלחת׃
Micah 6:16
16 וישׁתמר חקות עמרי וכל מעשׂה בית אחאב ותלכו במעצותם למען תתי אתך לשׁמה וישׁביה לשׁרקה וחרפת עמי תשׂאו׃
Nahum 3:14
14 מי מצור שׁאבי לך חזקי מבצריך באי בטיט ורמסי בחמר החזיקי מלבן׃