1 ויקבצו כל ישׂראל אל דויד חברונה לאמר הנה עצמך ובשׂרך אנחנו׃2 גם תמול גם שׁלשׁום גם בהיות שׁאול מלך אתה המוציא והמביא את ישׂראל ויאמר יהוה אלהיך לך אתה תרעה את עמי את ישׂראל ואתה תהיה נגיד על עמי ישׂראל׃3 ויבאו כל זקני ישׂראל אל המלך חברונה ויכרת להם דויד ברית בחברון לפני יהוה וימשׁחו את דויד למלך על ישׂראל כדבר יהוה ביד שׁמואל׃4 וילך דויד וכל ישׂראל ירושׁלם היא יבוס ושׁם היבוסי ישׁבי הארץ׃5 ויאמרו ישׁבי יבוס לדויד לא תבוא הנה וילכד דויד את מצדת ציון היא עיר דויד׃6 ויאמר דויד כל מכה יבוסי בראשׁונה יהיה לראשׁ ולשׂר ויעל בראשׁונה יואב בן צרויה ויהי לראשׁ׃7 וישׁב דויד במצד על כן קראו לו עיר דויד׃8 ויבן העיר מסביב מן המלוא ועד הסביב ויואב יחיה את שׁאר העיר׃9 וילך דויד הלוך וגדול ויהוה צבאות עמו׃10 ואלה ראשׁי הגבורים אשׁר לדויד המתחזקים עמו במלכותו עם כל ישׂראל להמליכו כדבר יהוה על ישׂראל׃11 ואלה מספר הגברים אשׁר לדויד ישׁבעם בן חכמוני ראשׁ השׁלושׁים הוא עורר את חניתו על שׁלשׁ מאות חלל בפעם אחת׃12 ואחריו אלעזר בן דודו האחוחי הוא בשׁלושׁה הגברים׃13 הוא היה עם דויד בפס דמים והפלשׁתים נאספו שׁם למלחמה ותהי חלקת השׂדה מלאה שׂעורים והעם נסו מפני פלשׁתים׃14 ויתיצבו בתוך החלקה ויצילוה ויכו את פלשׁתים ויושׁע יהוה תשׁועה גדולה׃15 וירדו שׁלושׁה מן השׁלושׁים ראשׁ על הצר אל דויד אל מערת עדלם ומחנה פלשׁתים חנה בעמק רפאים׃16 ודויד אז במצודה ונציב פלשׁתים אז בבית לחם׃17 ויתאו דויד ויאמר מי ישׁקני מים מבור בית לחם אשׁר בשׁער׃18 ויבקעו השׁלשׁה במחנה פלשׁתים וישׁאבו מים מבור בית לחם אשׁר בשׁער וישׂאו ויבאו אל דויד ולא אבה דויד לשׁתותם וינסך אתם ליהוה׃19 ויאמר חלילה לי מאלהי מעשׂות זאת הדם האנשׁים האלה אשׁתה בנפשׁותם כי בנפשׁותם הביאום ולא אבה לשׁתותם אלה עשׂו שׁלשׁת הגבורים׃20 ואבשׁי אחי יואב הוא היה ראשׁ השׁלושׁה והוא עורר את חניתו על שׁלשׁ מאות חלל ולא שׁם בשׁלושׁה׃21 מן השׁלושׁה בשׁנים נכבד ויהי להם לשׂר ועד השׁלושׁה לא בא׃22 בניה בן יהוידע בן אישׁ חיל רב פעלים מן קבצאל הוא הכה את שׁני אריאל מואב והוא ירד והכה את הארי בתוך הבור ביום השׁלג׃23 והוא הכה את האישׁ המצרי אישׁ מדה חמשׁ באמה וביד המצרי חנית כמנור ארגים וירד אליו בשׁבט ויגזל את החנית מיד המצרי ויהרגהו בחניתו׃24 אלה עשׂה בניהו בן יהוידע ולו שׁם בשׁלושׁה הגברים׃25 מן השׁלושׁים הנו נכבד הוא ואל השׁלושׁה לא בא וישׂימהו דויד על משׁמעתו׃26 וגבורי החילים עשׂה אל אחי יואב אלחנן בן דודו מבית לחם׃27 שׁמות ההרורי חלץ הפלוני׃28 עירא בן עקשׁ התקועי אביעזר הענתותי׃29 סבכי החשׁתי עילי האחוחי׃30 מהרי הנטפתי חלד בן בענה הנטופתי׃31 איתי בן ריבי מגבעת בני בנימן בניה הפרעתני׃32 חורי מנחלי געשׁ אביאל הערבתי׃33 עזמות הבחרומי אליחבא השׁעלבני׃34 בני השׁם הגזוני יונתן בן שׁגה ההררי׃35 אחיאם בן שׂכר ההררי אליפל בן אור׃36 חפר המכרתי אחיה הפלני׃37 חצרו הכרמלי נערי בן אזבי׃38 יואל אחי נתן מבחר בן הגרי׃39 צלק העמוני נחרי הברתי נשׂא כלי יואב בן צרויה׃40 עירא היתרי גרב היתרי׃41 אוריה החתי זבד בן אחלי׃42 עדינא בן שׁיזא הראובני ראשׁ לראובני ועליו שׁלושׁים׃43 חנן בן מעכה ויושׁפט המתני׃44 עזיא העשׁתרתי שׁמע ויעואל בני חותם הערערי׃45 ידיעאל בן שׁמרי ויחא אחיו התיצי׃46 אליאל המחוים ויריבי ויושׁויה בני אלנעם ויתמה המואבי׃47 אליאל ועובד ויעשׂיאל המצביה׃
1 Chronicles 11 Cross References - HOT
Genesis 29:14
14 ויאמר לו לבן אך עצמי ובשׂרי אתה וישׁב עמו חדשׁ ימים׃
Numbers 13:22
22 ויעלו בנגב ויבא עד חברון ושׁם אחימן שׁשׁי ותלמי ילידי הענק וחברון שׁבע שׁנים נבנתה לפני צען מצרים׃
Deuteronomy 17:15
15 שׂום תשׂים עליך מלך אשׁר יבחר יהוה אלהיך בו מקרב אחיך תשׂים עליך מלך לא תוכל לתת עליך אישׁ נכרי אשׁר לא אחיך הוא׃
Judges 9:2
2 דברו נא באזני כל בעלי שׁכם מה טוב לכם המשׁל בכם שׁבעים אישׁ כל בני ירבעל אם משׁל בכם אישׁ אחד וזכרתם כי עצמכם ובשׂרכם אני׃
2 Samuel 2:1
1 ויהי אחרי כן וישׁאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃
2 Samuel 5:1-16
1 ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃4 בן שׁלשׁים שׁנה דוד במלכו ארבעים שׁנה מלך׃5 בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃6 וילך המלך ואנשׁיו ירושׁלם אל היבסי יושׁב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃7 וילכד דוד את מצדת ציון היא עיר דוד׃8 ויאמר דוד ביום ההוא כל מכה יבסי ויגע בצנור ואת הפסחים ואת העורים שׂנאו נפשׁ דוד על כן יאמרו עור ופסח לא יבוא אל הבית׃9 וישׁב דוד במצדה ויקרא לה עיר דוד ויבן דוד סביב מן המלוא וביתה׃10 וילך דוד הלוך וגדול ויהוה אלהי צבאות עמו׃11 וישׁלח חירם מלך צר מלאכים אל דוד ועצי ארזים וחרשׁי עץ וחרשׁי אבן קיר ויבנו בית לדוד׃12 וידע דוד כי הכינו יהוה למלך על ישׂראל וכי נשׂא ממלכתו בעבור עמו ישׂראל׃13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃14 ואלה שׁמות הילדים לו בירושׁלם שׁמוע ושׁובב ונתן ושׁלמה׃15 ויבחר ואלישׁוע ונפג ויפיע׃16 ואלישׁמע ואלידע ואליפלט׃
2 Samuel 15:10
10 וישׁלח אבשׁלום מרגלים בכל שׁבטי ישׂראל לאמר כשׁמעכם את קול השׁפר ואמרתם מלך אבשׁלום בחברון׃
2 Samuel 19:12-13
1 Kings 2:11
11 והימים אשׁר מלך דוד על ישׂראל ארבעים שׁנה בחברון מלך שׁבע שׁנים ובירושׁלם מלך שׁלשׁים ושׁלשׁ שׁנים׃
1 Chronicles 12:23-40
23 (12:24) ואלה מספרי ראשׁי החלוץ לצבא באו על דויד חברונה להסב מלכות שׁאול אליו כפי יהוה׃24 (12:25) בני יהודה נשׂאי צנה ורמח שׁשׁת אלפים ושׁמונה מאות חלוצי צבא׃25 (12:26) מן בני שׁמעון גבורי חיל לצבא שׁבעת אלפים ומאה׃26 (12:27) מן בני הלוי ארבעת אלפים ושׁשׁ מאות׃27 (12:28) ויהוידע הנגיד לאהרן ועמו שׁלשׁת אלפים ושׁבע מאות׃28 (12:29) וצדוק נער גבור חיל ובית אביו שׂרים עשׂרים ושׁנים׃29 (12:30) ומן בני בנימן אחי שׁאול שׁלשׁת אלפים ועד הנה מרביתם שׁמרים משׁמרת בית שׁאול׃30 (12:31) ומן בני אפרים עשׂרים אלף ושׁמונה מאות גבורי חיל אנשׁי שׁמות לבית אבותם׃31 (12:32) ומחצי מטה מנשׁה שׁמונה עשׂר אלף אשׁר נקבו בשׁמות לבוא להמליך את דויד׃32 (12:33) ומבני ישׂשכר יודעי בינה לעתים לדעת מה יעשׂה ישׂראל ראשׁיהם מאתים וכל אחיהם על פיהם׃33 (12:34) מזבלון יוצאי צבא ערכי מלחמה בכל כלי מלחמה חמשׁים אלף ולעדר בלא לב ולב׃34 (12:35) ומנפתלי שׂרים אלף ועמהם בצנה וחנית שׁלשׁים ושׁבעה אלף׃35 (12:36) ומן הדני ערכי מלחמה עשׂרים ושׁמונה אלף ושׁשׁ מאות׃36 (12:37) ומאשׁר יוצאי צבא לערך מלחמה ארבעים אלף׃37 (12:38) ומעבר לירדן מן הראובני והגדי וחצי שׁבט מנשׁה בכל כלי צבא מלחמה מאה ועשׂרים אלף׃38 (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃39 (12:40) ויהיו שׁם עם דויד ימים שׁלושׁה אכלים ושׁותים כי הכינו להם אחיהם׃40 (12:41) וגם הקרובים אליהם עד ישׂשכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושׁמן ובקר וצאן לרב כי שׂמחה בישׂראל׃
Numbers 27:17
17 אשׁר יצא לפניהם ואשׁר יבא לפניהם ואשׁר יוציאם ואשׁר יביאם ולא תהיה עדת יהוה כצאן אשׁר אין להם רעה׃
1 Samuel 16:1
1 ויאמר יהוה אל שׁמואל עד מתי אתה מתאבל אל שׁאול ואני מאסתיו ממלך על ישׂראל מלא קרנך שׁמן ולך אשׁלחך אל ישׁי בית הלחמי כי ראיתי בבניו לי מלך׃
1 Samuel 16:13
13 ויקח שׁמואל את קרן השׁמן וימשׁח אתו בקרב אחיו ותצלח רוח יהוה אל דוד מהיום ההוא ומעלה ויקם שׁמואל וילך הרמתה׃
1 Samuel 18:13
13 ויסרהו שׁאול מעמו וישׂמהו לו שׂר אלף ויצא ויבא לפני העם׃
2 Samuel 5:2
2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃
2 Samuel 7:7
7 בכל אשׁר התהלכתי בכל בני ישׂראל הדבר דברתי את אחד שׁבטי ישׂראל אשׁר צויתי לרעות את עמי את ישׂראל לאמר למה לא בניתם לי בית ארזים׃
1 Kings 3:9
9 ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃
1 Kings 14:7
7 לכי אמרי לירבעם כה אמר יהוה אלהי ישׂראל יען אשׁר הרימתיך מתוך העם ואתנך נגיד על עמי ישׂראל׃
Psalms 78:71
71 מאחר עלות הביאו לרעות ביעקב עמו ובישׂראל נחלתו׃
Isaiah 40:11
11 כרעה עדרו ירעה בזרעו יקבץ טלאים ובחיקו ישׂא עלות ינהל׃
Isaiah 55:4
4 הן עד לאומים נתתיו נגיד ומצוה לאמים׃
Jeremiah 3:15
15 ונתתי לכם רעים כלבי ורעו אתכם דעה והשׂכיל׃
Micah 5:2
2 (5:1) ואתה בית לחם אפרתה צעיר להיות באלפי יהודה ממך לי יצא להיות מושׁל בישׂראל ומוצאתיו מקדם מימי עולם׃
Micah 5:4
4 (5:3) ועמד ורעה בעז יהוה בגאון שׁם יהוה אלהיו וישׁבו כי עתה יגדל עד אפסי ארץ׃
Judges 11:11
11 וילך יפתח עם זקני גלעד וישׂימו העם אותו עליהם לראשׁ ולקצין וידבר יפתח את כל דבריו לפני יהוה במצפה׃
1 Samuel 11:15
15 וילכו כל העם הגלגל וימלכו שׁם את שׁאול לפני יהוה בגלגל ויזבחו שׁם זבחים שׁלמים לפני יהוה וישׂמח שׁם שׁאול וכל אנשׁי ישׂראל עד מאד׃
1 Samuel 15:28
28 ויאמר אליו שׁמואל קרע יהוה את ממלכות ישׂראל מעליך היום ונתנה לרעך הטוב ממך׃
1 Samuel 16:3
3 וקראת לישׁי בזבח ואנכי אודיעך את אשׁר תעשׂה ומשׁחת לי את אשׁר אמר אליך׃
1 Samuel 16:12-13
1 Samuel 23:18
18 ויכרתו שׁניהם ברית לפני יהוה וישׁב דוד בחרשׁה ויהונתן הלך לביתו׃
1 Samuel 28:17
17 ויעשׂ יהוה לו כאשׁר דבר בידי ויקרע יהוה את הממלכה מידך ויתנה לרעך לדוד׃
2 Samuel 2:4
4 ויבאו אנשׁי יהודה וימשׁחו שׁם את דוד למלך על בית יהודה ויגדו לדוד לאמר אנשׁי יבישׁ גלעד אשׁר קברו את שׁאול׃
2 Samuel 5:3
3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃
2 Kings 11:17
17 ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העם׃
2 Kings 23:30
30 וירכבהו עבדיו מת ממגדו ויבאהו ירושׁלם ויקברהו בקברתו ויקח עם הארץ את יהואחז בן יאשׁיהו וימשׁחו אתו וימליכו אתו תחת אביו׃
2 Chronicles 23:3
3 ויכרת כל הקהל ברית בבית האלהים עם המלך ויאמר להם הנה בן המלך ימלך כאשׁר דבר יהוה על בני דויד׃
Genesis 10:16
16 ואת היבוסי ואת האמרי ואת הגרגשׁי׃
Genesis 15:21
21 ואת האמרי ואת הכנעני ואת הגרגשׁי ואת היבוסי׃
Exodus 3:17
17 ואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי אל ארץ זבת חלב ודבשׁ׃
Joshua 15:8
8 ועלה הגבול גי בן הנם אל כתף היבוסי מנגב היא ירושׁלם ועלה הגבול אל ראשׁ ההר אשׁר על פני גי הנם ימה אשׁר בקצה עמק רפאים צפנה׃
Joshua 15:63
63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 18:28
28 וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
Judges 19:10-12
2 Samuel 5:6-10
6 וילך המלך ואנשׁיו ירושׁלם אל היבסי יושׁב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃7 וילכד דוד את מצדת ציון היא עיר דוד׃8 ויאמר דוד ביום ההוא כל מכה יבסי ויגע בצנור ואת הפסחים ואת העורים שׂנאו נפשׁ דוד על כן יאמרו עור ופסח לא יבוא אל הבית׃9 וישׁב דוד במצדה ויקרא לה עיר דוד ויבן דוד סביב מן המלוא וביתה׃10 וילך דוד הלוך וגדול ויהוה אלהי צבאות עמו׃
1 Chronicles 11:5
5 ויאמרו ישׁבי יבוס לדויד לא תבוא הנה וילכד דויד את מצדת ציון היא עיר דויד׃
1 Samuel 17:9-10
1 Samuel 17:26
26 ויאמר דוד אל האנשׁים העמדים עמו לאמר מה יעשׂה לאישׁ אשׁר יכה את הפלשׁתי הלז והסיר חרפה מעל ישׂראל כי מי הפלשׁתי הערל הזה כי חרף מערכות אלהים חיים׃
1 Samuel 17:36
36 גם את הארי גם הדוב הכה עבדך והיה הפלשׁתי הערל הזה כאחד מהם כי חרף מערכת אלהים חיים׃
2 Samuel 5:9
9 וישׁב דוד במצדה ויקרא לה עיר דוד ויבן דוד סביב מן המלוא וביתה׃
2 Samuel 6:10
10 ולא אבה דוד להסיר אליו את ארון יהוה על עיר דוד ויטהו דוד בית עבד אדום הגתי׃
2 Samuel 6:12
12 ויגד למלך דוד לאמר ברך יהוה את בית עבד אדם ואת כל אשׁר לו בעבור ארון האלהים וילך דוד ויעל את ארון האלהים מבית עבד אדם עיר דוד בשׂמחה׃
1 Kings 8:1
1 אז יקהל שׁלמה את זקני ישׂראל את כל ראשׁי המטות נשׂיאי האבות לבני ישׂראל אל המלך שׁלמה ירושׁלם להעלות את ארון ברית יהוה מעיר דוד היא ציון׃
1 Chronicles 11:7
7 וישׁב דויד במצד על כן קראו לו עיר דויד׃
2 Chronicles 5:2
2 אז יקהיל שׁלמה את זקני ישׂראל ואת כל ראשׁי המטות נשׂיאי האבות לבני ישׂראל אל ירושׁלם להעלות את ארון ברית יהוה מעיר דויד היא ציון׃
Psalms 2:6
6 ואני נסכתי מלכי על ציון הר קדשׁי׃
Psalms 9:11
11 (9:12) זמרו ליהוה ישׁב ציון הגידו בעמים עלילותיו׃
Psalms 48:2
2 (48:3) יפה נוף משׂושׂ כל הארץ הר ציון ירכתי צפון קרית מלך רב׃
Psalms 48:12-13
Psalms 78:68
68 ויבחר את שׁבט יהודה את הר ציון אשׁר אהב׃
Psalms 87:2
2 אהב יהוה שׁערי ציון מכל משׁכנות יעקב׃
Psalms 87:5
5 ולציון יאמר אישׁ ואישׁ ילד בה והוא יכוננה עליון׃
Psalms 122:5
5 כי שׁמה ישׁבו כסאות למשׁפט כסאות לבית דויד׃
Psalms 125:1-2
Psalms 132:13
13 כי בחר יהוה בציון אוה למושׁב׃
Lamentations 4:11-12
Joshua 15:16-17
1 Samuel 17:25
25 ויאמר אישׁ ישׂראל הראיתם האישׁ העלה הזה כי לחרף את ישׂראל עלה והיה האישׁ אשׁר יכנו יעשׁרנו המלך עשׁר גדול ואת בתו יתן לו ואת בית אביו יעשׂה חפשׁי בישׂראל׃
2 Samuel 2:18
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃
2 Samuel 3:27
27 וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃
2 Samuel 8:16
16 ויואב בן צרויה על הצבא ויהושׁפט בן אחילוד מזכיר׃
2 Samuel 20:23
23 ויואב אל כל הצבא ישׂראל ובניה בן יהוידע על הכרי ועל הפלתי׃
2 Samuel 5:7
7 וילכד דוד את מצדת ציון היא עיר דוד׃
Judges 9:6
6 ויאספו כל בעלי שׁכם וכל בית מלוא וילכו וימליכו את אבימלך למלך עם אלון מצב אשׁר בשׁכם׃
Judges 9:20
20 ואם אין תצא אשׁ מאבימלך ותאכל את בעלי שׁכם ואת בית מלוא ותצא אשׁ מבעלי שׁכם ומבית מלוא ותאכל את אבימלך׃
1 Kings 9:15
15 וזה דבר המס אשׁר העלה המלך שׁלמה לבנות את בית יהוה ואת ביתו ואת המלוא ואת חומת ירושׁלם ואת חצר ואת מגדו ואת גזר׃
1 Kings 11:27
27 וזה הדבר אשׁר הרים יד במלך שׁלמה בנה את המלוא סגר את פרץ עיר דוד אביו׃
2 Kings 12:20
20 (12:21) ויקמו עבדיו ויקשׁרו קשׁר ויכו את יואשׁ בית מלא היורד סלא׃
Nehemiah 4:2
2 (3:34) ויאמר לפני אחיו וחיל שׁמרון ויאמר מה היהודים האמללים עשׂים היעזבו להם היזבחו היכלו ביום היחיו את האבנים מערמות העפר והמה שׂרופות׃
2 Samuel 3:1
1 ותהי המלחמה ארכה בין בית שׁאול ובין בית דוד ודוד הלך וחזק ובית שׁאול הלכים ודלים׃
2 Samuel 5:10
10 וילך דוד הלוך וגדול ויהוה אלהי צבאות עמו׃
1 Chronicles 9:20
20 ופינחס בן אלעזר נגיד היה עליהם לפנים יהוה עמו׃
Esther 9:4
4 כי גדול מרדכי בבית המלך ושׁמעו הולך בכל המדינות כי האישׁ מרדכי הולך וגדול׃
Job 17:9
9 ויאחז צדיק דרכו וטהר ידים יסיף אמץ׃
Psalms 46:7
7 (46:8) יהוה צבאות עמנו משׂגב לנו אלהי יעקב סלה׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Isaiah 8:9-10
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 41:14
14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃
1 Samuel 16:12-14
2 Samuel 3:17-18
2 Samuel 3:21
21 ויאמר אבנר אל דוד אקומה ואלכה ואקבצה אל אדני המלך את כל ישׂראל ויכרתו אתך ברית ומלכת בכל אשׁר תאוה נפשׁך וישׁלח דוד את אבנר וילך בשׁלום׃
2 Samuel 23:8-39
8 אלה שׁמות הגברים אשׁר לדוד ישׁב בשׁבת תחכמני ראשׁ השׁלשׁי הוא עדינו העצנו על שׁמנה מאות חלל בפעם אחד׃9 ואחרו אלעזר בן דדי בן אחחי בשׁלשׁה גברים עם דוד בחרפם בפלשׁתים נאספו שׁם למלחמה ויעלו אישׁ ישׂראל׃10 הוא קם ויך בפלשׁתים עד כי יגעה ידו ותדבק ידו אל החרב ויעשׂ יהוה תשׁועה גדולה ביום ההוא והעם ישׁבו אחריו אך לפשׁט׃11 ואחריו שׁמא בן אגא הררי ויאספו פלשׁתים לחיה ותהי שׁם חלקת השׂדה מלאה עדשׁים והעם נס מפני פלשׁתים׃12 ויתיצב בתוך החלקה ויצילה ויך את פלשׁתים ויעשׂ יהוה תשׁועה גדולה׃13 וירדו שׁלשׁים מהשׁלשׁים ראשׁ ויבאו אל קציר אל דוד אל מערת עדלם וחית פלשׁתים חנה בעמק רפאים׃14 ודוד אז במצודה ומצב פלשׁתים אז בית לחם׃15 ויתאוה דוד ויאמר מי ישׁקני מים מבאר בית לחם אשׁר בשׁער׃16 ויבקעו שׁלשׁת הגברים במחנה פלשׁתים וישׁאבו מים מבאר בית לחם אשׁר בשׁער וישׂאו ויבאו אל דוד ולא אבה לשׁתותם ויסך אתם ליהוה׃17 ויאמר חלילה לי יהוה מעשׂתי זאת הדם האנשׁים ההלכים בנפשׁותם ולא אבה לשׁתותם אלה עשׂו שׁלשׁת הגברים׃18 ואבישׁי אחי יואב בן צרויה הוא ראשׁ השׁלשׁי והוא עורר את חניתו על שׁלשׁ מאות חלל ולו שׁם בשׁלשׁה׃19 מן השׁלשׁה הכי נכבד ויהי להם לשׂר ועד השׁלשׁה לא בא׃20 ובניהו בן יהוידע בן אישׁ חי רב פעלים מקבצאל הוא הכה את שׁני אראל מואב והוא ירד והכה את האריה בתוך הבאר ביום השׁלג׃21 והוא הכה את אישׁ מצרי אשׁר מראה וביד המצרי חנית וירד אליו בשׁבט ויגזל את החנית מיד המצרי ויהרגהו בחניתו׃22 אלה עשׂה בניהו בן יהוידע ולו שׁם בשׁלשׁה הגברים׃23 מן השׁלשׁים נכבד ואל השׁלשׁה לא בא וישׂמהו דוד אל משׁמעתו׃24 עשׂה אל אחי יואב בשׁלשׁים אלחנן בן דדו בית לחם׃25 שׁמה החרדי אליקא החרדי׃26 חלץ הפלטי עירא בן עקשׁ התקועי׃27 אביעזר הענתתי מבני החשׁתי׃28 צלמון האחחי מהרי הנטפתי׃29 חלב בן בענה הנטפתי אתי בן ריבי מגבעת בני בנימן׃30 בניהו פרעתני הדי מנחלי געשׁ׃31 אבי עלבון הערבתי עזמות הברחמי׃32 אליחבא השׁעלבני בני ישׁן יהונתן׃33 שׁמה ההררי אחיאם בן שׁרר האררי׃34 אליפלט בן אחסבי בן המעכתי אליעם בן אחיתפל הגלני׃35 חצרו הכרמלי פערי הארבי׃36 יגאל בן נתן מצבה בני הגדי׃37 צלק העמני נחרי הבארתי נשׂאי כלי יואב בן צריה׃38 עירא היתרי גרב היתרי׃39 אוריה החתי כל שׁלשׁים ושׁבעה׃
1 Chronicles 11:3
3 ויבאו כל זקני ישׂראל אל המלך חברונה ויכרת להם דויד ברית בחברון לפני יהוה וימשׁחו את דויד למלך על ישׂראל כדבר יהוה ביד שׁמואל׃
1 Chronicles 12:38
38 (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃
2 Samuel 23:8
8 אלה שׁמות הגברים אשׁר לדוד ישׁב בשׁבת תחכמני ראשׁ השׁלשׁי הוא עדינו העצנו על שׁמנה מאות חלל בפעם אחד׃
1 Chronicles 12:18
18 (12:19) ורוח לבשׁה את עמשׂי ראשׁ השׁלושׁים לך דויד ועמך בן ישׁי שׁלום שׁלום לך ושׁלום לעזרך כי עזרך אלהיך ויקבלם דויד ויתנם בראשׁי הגדוד׃
1 Chronicles 27:2
2 על המחלקת הראשׁונה לחדשׁ הראשׁון ישׁבעם בן זבדיאל ועל מחלקתו עשׂרים וארבעה אלף׃
2 Samuel 23:9
9 ואחרו אלעזר בן דדי בן אחחי בשׁלשׁה גברים עם דוד בחרפם בפלשׁתים נאספו שׁם למלחמה ויעלו אישׁ ישׂראל׃
2 Samuel 23:17-19
2 Samuel 23:23
23 מן השׁלשׁים נכבד ואל השׁלשׁה לא בא וישׂמהו דוד אל משׁמעתו׃
1 Chronicles 8:4
4 ואבישׁוע ונעמן ואחוח׃
1 Chronicles 11:19
19 ויאמר חלילה לי מאלהי מעשׂות זאת הדם האנשׁים האלה אשׁתה בנפשׁותם כי בנפשׁותם הביאום ולא אבה לשׁתותם אלה עשׂו שׁלשׁת הגבורים׃
1 Chronicles 11:21
21 מן השׁלושׁה בשׁנים נכבד ויהי להם לשׂר ועד השׁלושׁה לא בא׃
1 Chronicles 27:4
4 ועל מחלקת החדשׁ השׁני דודי האחוחי ומחלקתו ומקלות הנגיד ועל מחלקתו עשׂרים וארבעה אלף׃
1 Samuel 17:1
1 ויאספו פלשׁתים את מחניהם למלחמה ויאספו שׂכה אשׁר ליהודה ויחנו בין שׂוכה ובין עזקה באפס דמים׃
2 Samuel 23:11-12
1 Samuel 14:23
23 ויושׁע יהוה ביום ההוא את ישׂראל והמלחמה עברה את בית און׃
1 Samuel 19:5
5 וישׂם את נפשׁו בכפו ויך את הפלשׁתי ויעשׂ יהוה תשׁועה גדולה לכל ישׂראל ראית ותשׂמח ולמה תחטא בדם נקי להמית את דוד חנם׃
2 Samuel 23:10
10 הוא קם ויך בפלשׁתים עד כי יגעה ידו ותדבק ידו אל החרב ויעשׂ יהוה תשׁועה גדולה ביום ההוא והעם ישׁבו אחריו אך לפשׁט׃
2 Kings 5:1
1 ונעמן שׂר צבא מלך ארם היה אישׁ גדול לפני אדניו ונשׂא פנים כי בו נתן יהוה תשׁועה לארם והאישׁ היה גבור חיל מצרע׃
Psalms 18:50
50 (18:51) מגדל ישׁועות מלכו ועשׂה חסד למשׁיחו לדוד ולזרעו עד עולם׃
Psalms 144:10
10 הנותן תשׁועה למלכים הפוצה את דוד עבדו מחרב רעה׃
Proverbs 21:31
31 סוס מוכן ליום מלחמה וליהוה התשׁועה׃
Joshua 12:15
15 מלך לבנה אחד מלך עדלם אחד׃
1 Samuel 22:1
1 וילך דוד משׁם וימלט אל מערת עדלם וישׁמעו אחיו וכל בית אביו וירדו אליו שׁמה׃
2 Samuel 5:18
18 ופלשׁתים באו וינטשׁו בעמק רפאים׃
2 Samuel 5:22
22 ויספו עוד פלשׁתים לעלות וינטשׁו בעמק רפאים׃
1 Chronicles 14:9
9 ופלשׁתים באו ויפשׁטו בעמק רפאים׃
Isaiah 17:5
5 והיה כאסף קציר קמה וזרעו שׁבלים יקצור והיה כמלקט שׁבלים בעמק רפאים׃
Micah 1:15
15 עד הירשׁ אבי לך יושׁבת מרשׁה עד עדלם יבוא כבוד ישׂראל׃
1 Samuel 10:5
5 אחר כן תבוא גבעת האלהים אשׁר שׁם נצבי פלשׁתים ויהי כבאך שׁם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃
1 Samuel 13:4
4 וכל ישׂראל שׁמעו לאמר הכה שׁאול את נציב פלשׁתים וגם נבאשׁ ישׂראל בפלשׁתים ויצעקו העם אחרי שׁאול הגלגל׃
1 Samuel 13:23
23 ויצא מצב פלשׁתים אל מעבר מכמשׂ׃
1 Samuel 23:25
25 וילך שׁאול ואנשׁיו לבקשׁ ויגדו לדוד וירד הסלע וישׁב במדבר מעון וישׁמע שׁאול וירדף אחרי דוד מדבר מעון׃
Psalms 142:1
1 משׂכיל לדוד בהיותו במערה תפלה׃ (142:2) קולי אל יהוה אזעק קולי אל יהוה אתחנן׃
Numbers 11:4-5
2 Samuel 23:15-16
Psalms 42:1-2
Psalms 63:1
1 מזמור לדוד בהיותו במדבר יהודה׃ (63:2) אלהים אלי אתה אשׁחרך צמאה לך נפשׁי כמה לך בשׂרי בארץ ציה ועיף בלי מים׃
Psalms 143:6
6 פרשׂתי ידי אליך נפשׁי כארץ עיפה לך סלה׃
Isaiah 12:3
3 ושׁאבתם מים בשׂשׂון ממעיני הישׁועה׃
1 Samuel 7:6
6 ויקבצו המצפתה וישׁאבו מים וישׁפכו לפני יהוה ויצומו ביום ההוא ויאמרו שׁם חטאנו ליהוה וישׁפט שׁמואל את בני ישׂראל במצפה׃
Song of Songs 8:6
6 שׂימני כחותם על לבך כחותם על זרועך כי עזה כמות אהבה קשׁה כשׁאול קנאה רשׁפיה רשׁפי אשׁ שׁלהבתיה׃
Leviticus 17:10
10 ואישׁ אישׁ מבית ישׂראל ומן הגר הגר בתוכם אשׁר יאכל כל דם ונתתי פני בנפשׁ האכלת את הדם והכרתי אתה מקרב עמה׃
Judges 5:18
18 זבלון עם חרף נפשׁו למות ונפתלי על מרומי שׂדה׃
Judges 9:17
17 אשׁר נלחם אבי עליכם וישׁלך את נפשׁו מנגד ויצל אתכם מיד מדין׃
2 Samuel 23:17
17 ויאמר חלילה לי יהוה מעשׂתי זאת הדם האנשׁים ההלכים בנפשׁותם ולא אבה לשׁתותם אלה עשׂו שׁלשׁת הגברים׃
1 Kings 21:3
3 ויאמר נבות אל אחאב חלילה לי מיהוה מתתי את נחלת אבתי׃
Job 31:31
31 אם לא אמרו מתי אהלי מי יתן מבשׂרו לא נשׂבע׃
Psalms 72:14
14 מתוך ומחמס יגאל נפשׁם וייקר דמם בעיניו׃
1 Samuel 26:6
6 ויען דוד ויאמר אל אחימלך החתי ואל אבישׁי בן צרויה אחי יואב לאמר מי ירד אתי אל שׁאול אל המחנה ויאמר אבישׁי אני ארד עמך׃
2 Samuel 3:30
30 ויואב ואבישׁי אחיו הרגו לאבנר על אשׁר המית את עשׂהאל אחיהם בגבעון במלחמה׃
2 Samuel 18:2
2 וישׁלח דוד את העם השׁלשׁית ביד יואב והשׁלשׁית ביד אבישׁי בן צרויה אחי יואב והשׁלשׁת ביד אתי הגתי ויאמר המלך אל העם יצא אצא גם אני עמכם׃
2 Samuel 20:6
6 ויאמר דוד אל אבישׁי עתה ירע לנו שׁבע בן בכרי מן אבשׁלום אתה קח את עבדי אדניך ורדף אחריו פן מצא לו ערים בצרות והציל עיננו׃
2 Samuel 21:17
17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃
1 Chronicles 2:16
16 ואחיתיהם צרויה ואביגיל ובני צרויה אבשׁי ויואב ועשׂה אל שׁלשׁה׃
Joshua 15:21
21 ויהיו הערים מקצה למטה בני יהודה אל גבול אדום בנגבה קבצאל ועדר ויגור׃
Judges 14:5-6
1 Samuel 17:34-36
2 Samuel 1:23
23 שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃
2 Samuel 8:18
18 ובניהו בן יהוידע והכרתי והפלתי ובני דוד כהנים היו׃
2 Samuel 23:20-23
20 ובניהו בן יהוידע בן אישׁ חי רב פעלים מקבצאל הוא הכה את שׁני אראל מואב והוא ירד והכה את האריה בתוך הבאר ביום השׁלג׃21 והוא הכה את אישׁ מצרי אשׁר מראה וביד המצרי חנית וירד אליו בשׁבט ויגזל את החנית מיד המצרי ויהרגהו בחניתו׃22 אלה עשׂה בניהו בן יהוידע ולו שׁם בשׁלשׁה הגברים׃23 מן השׁלשׁים נכבד ואל השׁלשׁה לא בא וישׂמהו דוד אל משׁמעתו׃
1 Kings 1:8
8 וצדוק הכהן ובניהו בן יהוידע ונתן הנביא ושׁמעי ורעי והגבורים אשׁר לדוד לא היו עם אדניהו׃
1 Kings 1:38
38 וירד צדוק הכהן ונתן הנביא ובניהו בן יהוידע והכרתי והפלתי וירכבו את שׁלמה על פרדת המלך דוד וילכו אתו על גחון׃
1 Kings 2:30
30 ויבא בניהו אל אהל יהוה ויאמר אליו כה אמר המלך צא ויאמר לא כי פה אמות וישׁב בניהו את המלך דבר לאמר כה דבר יואב וכה ענני׃
1 Kings 2:34-35
1 Chronicles 12:8
8 (12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃
1 Chronicles 27:5-6
Deuteronomy 3:11
11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃
1 Samuel 17:4
4 ויצא אישׁ הבנים ממחנות פלשׁתים גלית שׁמו מגת גבהו שׁשׁ אמות וזרת׃
1 Samuel 17:7
7 וחץ חניתו כמנור ארגים ולהבת חניתו שׁשׁ מאות שׁקלים ברזל ונשׂא הצנה הלך לפניו׃
1 Samuel 17:51
51 וירץ דוד ויעמד אל הפלשׁתי ויקח את חרבו וישׁלפה מתערה וימתתהו ויכרת בה את ראשׁו ויראו הפלשׁתים כי מת גבורם וינסו׃
1 Chronicles 20:5
5 ותהי עוד מלחמה את פלשׁתים ויך אלחנן בן יעור את לחמי אחי גלית הגתי ועץ חניתו כמנור ארגים׃
2 Samuel 2:18-23
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃19 וירדף עשׂהאל אחרי אבנר ולא נטה ללכת על הימין ועל השׂמאול מאחרי אבנר׃20 ויפן אבנר אחריו ויאמר האתה זה עשׂהאל ויאמר אנכי׃21 ויאמר לו אבנר נטה לך על ימינך או על שׂמאלך ואחז לך אחד מהנערים וקח לך את חלצתו ולא אבה עשׂהאל לסור מאחריו׃22 ויסף עוד אבנר לאמר אל עשׂהאל סור לך מאחרי למה אככה ארצה ואיך אשׂא פני אל יואב אחיך׃23 וימאן לסור ויכהו אבנר באחרי החנית אל החמשׁ ותצא החנית מאחריו ויפל שׁם וימת תחתו ויהי כל הבא אל המקום אשׁר נפל שׁם עשׂהאל וימת ויעמדו׃
2 Samuel 21:19
19 ותהי עוד המלחמה בגוב עם פלשׁתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃
2 Samuel 23:24
24 עשׂה אל אחי יואב בשׁלשׁים אלחנן בן דדו בית לחם׃
1 Chronicles 27:7
7 הרביעי לחדשׁ הרביעי עשׂה אל אחי יואב וזבדיה בנו אחריו ועל מחלקתו עשׂרים וארבעה אלף׃
2 Samuel 23:25-26
1 Chronicles 27:9
9 השׁשׁי לחדשׁ השׁשׁי עירא בן עקשׁ התקועי ועל מחלקתו עשׂרים וארבעה אלף׃
1 Chronicles 27:12
12 התשׁיעי לחדשׁ התשׁיעי אביעזר הענתתי לבנימיני ועל מחלקתו עשׂרים וארבעה אלף׃
2 Samuel 23:27-28
1 Chronicles 27:11
11 השׁמיני לחדשׁ השׁמיני סבכי החשׁתי לזרחי ועל מחלקתו עשׂרים וארבעה אלף׃
2 Samuel 23:29
29 חלב בן בענה הנטפתי אתי בן ריבי מגבעת בני בנימן׃
1 Chronicles 27:13
13 העשׂירי לחדשׁ העשׂירי מהרי הנטופתי לזרחי ועל מחלקתו עשׂרים וארבעה אלף׃
1 Chronicles 27:15
15 השׁנים עשׂר לשׁנים עשׂר החדשׁ חלדי הנטופתי לעתניאל ועל מחלקתו עשׂרים וארבעה אלף׃
2 Samuel 23:30-31
2 Samuel 23:33-34
2 Samuel 20:26
26 וגם עירא היארי היה כהן לדוד׃
2 Samuel 11:6-27
6 וישׁלח דוד אל יואב שׁלח אלי את אוריה החתי וישׁלח יואב את אוריה אל דוד׃7 ויבא אוריה אליו וישׁאל דוד לשׁלום יואב ולשׁלום העם ולשׁלום המלחמה׃8 ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משׂאת המלך׃9 וישׁכב אוריה פתח בית המלך את כל עבדי אדניו ולא ירד אל ביתו׃10 ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא מדוע לא ירדת אל ביתך׃11 ויאמר אוריה אל דוד הארון וישׂראל ויהודה ישׁבים בסכות ואדני יואב ועבדי אדני על פני השׂדה חנים ואני אבוא אל ביתי לאכל ולשׁתות ולשׁכב עם אשׁתי חיך וחי נפשׁך אם אעשׂה את הדבר הזה׃12 ויאמר דוד אל אוריה שׁב בזה גם היום ומחר אשׁלחך וישׁב אוריה בירושׁלם ביום ההוא וממחרת׃13 ויקרא לו דוד ויאכל לפניו וישׁת וישׁכרהו ויצא בערב לשׁכב במשׁכבו עם עבדי אדניו ואל ביתו לא ירד׃14 ויהי בבקר ויכתב דוד ספר אל יואב וישׁלח ביד אוריה׃15 ויכתב בספר לאמר הבו את אוריה אל מול פני המלחמה החזקה ושׁבתם מאחריו ונכה ומת׃16 ויהי בשׁמור יואב אל העיר ויתן את אוריה אל המקום אשׁר ידע כי אנשׁי חיל שׁם׃17 ויצאו אנשׁי העיר וילחמו את יואב ויפל מן העם מעבדי דוד וימת גם אוריה החתי׃18 וישׁלח יואב ויגד לדוד את כל דברי המלחמה׃19 ויצו את המלאך לאמר ככלותך את כל דברי המלחמה לדבר אל המלך׃20 והיה אם תעלה חמת המלך ואמר לך מדוע נגשׁתם אל העיר להלחם הלוא ידעתם את אשׁר ירו מעל החומה׃21 מי הכה את אבימלך בן ירבשׁת הלוא אשׁה השׁליכה עליו פלח רכב מעל החומה וימת בתבץ למה נגשׁתם אל החומה ואמרת גם עבדך אוריה החתי מת׃22 וילך המלאך ויבא ויגד לדוד את כל אשׁר שׁלחו יואב׃23 ויאמר המלאך אל דוד כי גברו עלינו האנשׁים ויצאו אלינו השׂדה ונהיה עליהם עד פתח השׁער׃24 ויראו המוראים אל עבדך מעל החומה וימותו מעבדי המלך וגם עבדך אוריה החתי מת׃25 ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃26 ותשׁמע אשׁת אוריה כי מת אוריה אישׁה ותספד על בעלה׃27 ויעבר האבל וישׁלח דוד ויאספה אל ביתו ותהי לו לאשׁה ותלד לו בן וירע הדבר אשׁר עשׂה דוד בעיני יהוה׃
2 Samuel 23:39
39 אוריה החתי כל שׁלשׁים ושׁבעה׃
1 Chronicles 2:36
36 ועתי הליד את נתן ונתן הוליד את זבד׃