1 ואלה הבאים אל דויד לציקלג עוד עצור מפני שׁאול בן קישׁ והמה בגבורים עזרי המלחמה׃2 נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃3 הראשׁ אחיעזר ויואשׁ בני השׁמעה הגבעתי ויזואל ופלט בני עזמות וברכה ויהוא הענתתי׃4 וישׁמעיה הגבעוני גבור בשׁלשׁים ועל השׁלשׁים׃ (12:5) וירמיה ויחזיאל ויוחנן ויוזבד הגדרתי׃5 (12:6) אלעוזי וירימות ובעליה ושׁמריהו ושׁפטיהו החריפי׃6 (12:7) אלקנה וישׁיהו ועזראל ויועזר וישׁבעם הקרחים׃7 (12:8) ויועאלה וזבדיה בני ירחם מן הגדור׃8 (12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃9 (12:10) עזר הראשׁ עבדיה השׁני אליאב השׁלשׁי׃10 (12:11) משׁמנה הרביעי ירמיה החמשׁי׃11 (12:12) עתי השׁשׁי אליאל השׁבעי׃12 (12:13) יוחנן השׁמיני אלזבד התשׁיעי׃13 (12:14) ירמיהו העשׂירי מכבני עשׁתי עשׂר׃14 (12:15) אלה מבני גד ראשׁי הצבא אחד למאה הקטן והגדול לאלף׃15 (12:16) אלה הם אשׁר עברו את הירדן בחדשׁ הראשׁון והוא ממלא על כל גדיתיו ויבריחו את כל העמקים למזרח ולמערב׃16 (12:17) ויבאו מן בני בנימן ויהודה עד למצד לדויד׃17 (12:18) ויצא דויד לפניהם ויען ויאמר להם אם לשׁלום באתם אלי לעזרני יהיה לי עליכם לבב ליחד ואם לרמותני לצרי בלא חמס בכפי ירא אלהי אבותינו ויוכח׃18 (12:19) ורוח לבשׁה את עמשׂי ראשׁ השׁלושׁים לך דויד ועמך בן ישׁי שׁלום שׁלום לך ושׁלום לעזרך כי עזרך אלהיך ויקבלם דויד ויתנם בראשׁי הגדוד׃19 (12:20) וממנשׁה נפלו על דויד בבאו עם פלשׁתים על שׁאול למלחמה ולא עזרם כי בעצה שׁלחהו סרני פלשׁתים לאמר בראשׁינו יפול אל אדניו שׁאול׃20 (12:21) בלכתו אל ציקלג נפלו עליו ממנשׁה עדנח ויוזבד וידיעאל ומיכאל ויוזבד ואליהוא וצלתי ראשׁי האלפים אשׁר למנשׁה׃21 (12:22) והמה עזרו עם דויד על הגדוד כי גבורי חיל כלם ויהיו שׂרים בצבא׃22 (12:23) כי לעת יום ביום יבאו על דויד לעזרו עד למחנה גדול כמחנה אלהים׃23 (12:24) ואלה מספרי ראשׁי החלוץ לצבא באו על דויד חברונה להסב מלכות שׁאול אליו כפי יהוה׃24 (12:25) בני יהודה נשׂאי צנה ורמח שׁשׁת אלפים ושׁמונה מאות חלוצי צבא׃25 (12:26) מן בני שׁמעון גבורי חיל לצבא שׁבעת אלפים ומאה׃26 (12:27) מן בני הלוי ארבעת אלפים ושׁשׁ מאות׃27 (12:28) ויהוידע הנגיד לאהרן ועמו שׁלשׁת אלפים ושׁבע מאות׃28 (12:29) וצדוק נער גבור חיל ובית אביו שׂרים עשׂרים ושׁנים׃29 (12:30) ומן בני בנימן אחי שׁאול שׁלשׁת אלפים ועד הנה מרביתם שׁמרים משׁמרת בית שׁאול׃30 (12:31) ומן בני אפרים עשׂרים אלף ושׁמונה מאות גבורי חיל אנשׁי שׁמות לבית אבותם׃31 (12:32) ומחצי מטה מנשׁה שׁמונה עשׂר אלף אשׁר נקבו בשׁמות לבוא להמליך את דויד׃32 (12:33) ומבני ישׂשכר יודעי בינה לעתים לדעת מה יעשׂה ישׂראל ראשׁיהם מאתים וכל אחיהם על פיהם׃33 (12:34) מזבלון יוצאי צבא ערכי מלחמה בכל כלי מלחמה חמשׁים אלף ולעדר בלא לב ולב׃34 (12:35) ומנפתלי שׂרים אלף ועמהם בצנה וחנית שׁלשׁים ושׁבעה אלף׃35 (12:36) ומן הדני ערכי מלחמה עשׂרים ושׁמונה אלף ושׁשׁ מאות׃36 (12:37) ומאשׁר יוצאי צבא לערך מלחמה ארבעים אלף׃37 (12:38) ומעבר לירדן מן הראובני והגדי וחצי שׁבט מנשׁה בכל כלי צבא מלחמה מאה ועשׂרים אלף׃38 (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃39 (12:40) ויהיו שׁם עם דויד ימים שׁלושׁה אכלים ושׁותים כי הכינו להם אחיהם׃40 (12:41) וגם הקרובים אליהם עד ישׂשכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושׁמן ובקר וצאן לרב כי שׂמחה בישׂראל׃
1 Chronicles 12 Cross References - HOT
1 Samuel 27:2-6
2 ויקם דוד ויעבר הוא ושׁשׁ מאות אישׁ אשׁר עמו אל אכישׁ בן מעוך מלך גת׃3 וישׁב דוד עם אכישׁ בגת הוא ואנשׁיו אישׁ וביתו דוד ושׁתי נשׁיו אחינעם היזרעאלית ואביגיל אשׁת נבל הכרמלית׃4 ויגד לשׁאול כי ברח דוד גת ולא יוסף עוד לבקשׁו׃5 ויאמר דוד אל אכישׁ אם נא מצאתי חן בעיניך יתנו לי מקום באחת ערי השׂדה ואשׁבה שׁם ולמה ישׁב עבדך בעיר הממלכה עמך׃6 ויתן לו אכישׁ ביום ההוא את צקלג לכן היתה צקלג למלכי יהודה עד היום הזה׃
2 Samuel 1:1
1 ויהי אחרי מות שׁאול ודוד שׁב מהכות את העמלק וישׁב דוד בצקלג ימים שׁנים׃
2 Samuel 4:10
10 כי המגיד לי לאמר הנה מת שׁאול והוא היה כמבשׂר בעיניו ואחזה בו ואהרגהו בצקלג אשׁר לתתי לו בשׂרה׃
1 Chronicles 8:33
33 ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃
1 Chronicles 9:39
39 ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃
1 Chronicles 11:10
10 ואלה ראשׁי הגבורים אשׁר לדויד המתחזקים עמו במלכותו עם כל ישׂראל להמליכו כדבר יהוה על ישׂראל׃
1 Chronicles 11:19
19 ויאמר חלילה לי מאלהי מעשׂות זאת הדם האנשׁים האלה אשׁתה בנפשׁותם כי בנפשׁותם הביאום ולא אבה לשׁתותם אלה עשׂו שׁלשׁת הגבורים׃
1 Chronicles 11:24-25
Judges 3:15
15 ויזעקו בני ישׂראל אל יהוה ויקם יהוה להם מושׁיע את אהוד בן גרא בן הימיני אישׁ אטר יד ימינו וישׁלחו בני ישׂראל בידו מנחה לעגלון מלך מואב׃
Judges 20:16
16 מכל העם הזה שׁבע מאות אישׁ בחור אטר יד ימינו כל זה קלע באבן אל השׂערה ולא יחטא׃
1 Samuel 17:49
49 וישׁלח דוד את ידו אל הכלי ויקח משׁם אבן ויקלע ויך את הפלשׁתי אל מצחו ותטבע האבן במצחו ויפל על פניו ארצה׃
1 Chronicles 12:29
29 (12:30) ומן בני בנימן אחי שׁאול שׁלשׁת אלפים ועד הנה מרביתם שׁמרים משׁמרת בית שׁאול׃
1 Samuel 11:4
4 ויבאו המלאכים גבעת שׁאול וידברו הדברים באזני העם וישׂאו כל העם את קולם ויבכו׃
2 Samuel 21:6
6 ינתן לנו שׁבעה אנשׁים מבניו והוקענום ליהוה בגבעת שׁאול בחיר יהוה ויאמר המלך אני אתן׃
1 Chronicles 11:28
28 עירא בן עקשׁ התקועי אביעזר הענתותי׃
1 Chronicles 11:33
33 עזמות הבחרומי אליחבא השׁעלבני׃
Joshua 9:3
3 וישׁבי גבעון שׁמעו את אשׁר עשׂה יהושׁע ליריחו ולעי׃
Joshua 9:17-23
17 ויסעו בני ישׂראל ויבאו אל עריהם ביום השׁלישׁי ועריהם גבעון והכפירה ובארות וקרית יערים׃18 ולא הכום בני ישׂראל כי נשׁבעו להם נשׂיאי העדה ביהוה אלהי ישׂראל וילנו כל העדה על הנשׂיאים׃19 ויאמרו כל הנשׂיאים אל כל העדה אנחנו נשׁבענו להם ביהוה אלהי ישׂראל ועתה לא נוכל לנגע׃20 זאת נעשׂה להם והחיה אותם ולא יהיה עלינו קצף על השׁבועה אשׁר נשׁבענו׃21 ויאמרו אליהם הנשׂיאים יחיו ויהיו חטבי עצים ושׁאבי מים לכל העדה כאשׁר דברו להם הנשׂיאים׃22 ויקרא להם יהושׁע וידבר אליהם לאמר למה רמיתם אתנו לאמר רחוקים אנחנו מכם מאד ואתם בקרבנו ישׁבים׃23 ועתה ארורים אתם ולא יכרת מכם עבד וחטבי עצים ושׁאבי מים לבית אלהי׃
Joshua 15:36
36 ושׁערים ועדיתים והגדרה וגדרתים ערים ארבע עשׂרה וחצריהן׃
1 Chronicles 11:15
15 וירדו שׁלושׁה מן השׁלושׁים ראשׁ על הצר אל דויד אל מערת עדלם ומחנה פלשׁתים חנה בעמק רפאים׃
Joshua 15:58
58 חלחול בית צור וגדור׃
1 Chronicles 4:18
18 ואשׁתו היהדיה ילדה את ירד אבי גדור ואת חבר אבי שׂוכו ואת יקותיאל אבי זנוח ואלה בני בתיה בת פרעה אשׁר לקח מרד׃
1 Chronicles 4:39
39 וילכו למבוא גדר עד למזרח הגיא לבקשׁ מרעה לצאנם׃
1 Samuel 23:14
14 וישׁב דוד במדבר במצדות וישׁב בהר במדבר זיף ויבקשׁהו שׁאול כל הימים ולא נתנו אלהים בידו׃
1 Samuel 23:29
29 (24:1) ויעל דוד משׁם וישׁב במצדות עין גדי׃
1 Samuel 24:22
22 (24:23) וישׁבע דוד לשׁאול וילך שׁאול אל ביתו ודוד ואנשׁיו עלו על המצודה׃
2 Samuel 1:23
23 שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃
2 Samuel 2:18
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃
2 Samuel 17:10
10 והוא גם בן חיל אשׁר לבו כלב האריה המס ימס כי ידע כל ישׂראל כי גבור אביך ובני חיל אשׁר אתו׃
2 Samuel 23:20
20 ובניהו בן יהוידע בן אישׁ חי רב פעלים מקבצאל הוא הכה את שׁני אראל מואב והוא ירד והכה את האריה בתוך הבאר ביום השׁלג׃
1 Chronicles 11:16
16 ודויד אז במצודה ונציב פלשׁתים אז בבית לחם׃
1 Chronicles 11:22
22 בניה בן יהוידע בן אישׁ חיל רב פעלים מן קבצאל הוא הכה את שׁני אריאל מואב והוא ירד והכה את הארי בתוך הבור ביום השׁלג׃
1 Chronicles 12:16
16 (12:17) ויבאו מן בני בנימן ויהודה עד למצד לדויד׃
2 Chronicles 25:5
5 ויקבץ אמציהו את יהודה ויעמידם לבית אבות לשׂרי האלפים ולשׂרי המאות לכל יהודה ובנימן ויפקדם למבן עשׂרים שׁנה ומעלה וימצאם שׁלשׁ מאות אלף בחור יוצא צבא אחז רמח וצנה׃
Proverbs 6:5
5 הנצל כצבי מיד וכצפור מיד יקושׁ׃
Proverbs 28:1
1 נסו ואין רדף רשׁע וצדיקים ככפיר יבטח׃
Song of Songs 8:14
14 ברח דודי ודמה לך לצבי או לעפר האילים על הרי בשׂמים׃
Jeremiah 46:9
9 עלו הסוסים והתהללו הרכב ויצאו הגבורים כושׁ ופוט תפשׂי מגן ולודים תפשׂי דרכי קשׁת׃
Leviticus 26:8
8 ורדפו מכם חמשׁה מאה ומאה מכם רבבה ירדפו ונפלו איביכם לפניכם לחרב׃
Deuteronomy 32:30
30 איכה ירדף אחד אלף ושׁנים יניסו רבבה אם לא כי צורם מכרם ויהוה הסגירם׃
Joshua 3:15
15 וכבוא נשׂאי הארון עד הירדן ורגלי הכהנים נשׂאי הארון נטבלו בקצה המים והירדן מלא על כל גדותיו כל ימי קציר׃
Joshua 4:18
18 ויהי בעלות הכהנים נשׂאי ארון ברית יהוה מתוך הירדן נתקו כפות רגלי הכהנים אל החרבה וישׁבו מי הירדן למקומם וילכו כתמול שׁלשׁום על כל גדותיו׃
Jeremiah 12:5
5 כי את רגלים רצתה וילאוך ואיך תתחרה את הסוסים ובארץ שׁלום אתה בוטח ואיך תעשׂה בגאון הירדן׃
Jeremiah 49:19
19 הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשׁר יעמד לפני׃
Genesis 31:42
42 לולי אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגיע כפי ראה אלהים ויוכח אמשׁ׃
Genesis 31:53
53 אלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק׃
1 Samuel 16:4
4 ויעשׂ שׁמואל את אשׁר דבר יהוה ויבא בית לחם ויחרדו זקני העיר לקראתו ויאמר שׁלם בואך׃
1 Samuel 18:1
1 ויהי ככלתו לדבר אל שׁאול ונפשׁ יהונתן נקשׁרה בנפשׁ דוד ויאהבו יהונתן כנפשׁו׃
1 Samuel 18:3
3 ויכרת יהונתן ודוד ברית באהבתו אתו כנפשׁו׃
1 Samuel 24:11-17
11 (24:12) ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשׁע ולא חטאתי לך ואתה צדה את נפשׁי לקחתה׃12 (24:13) ישׁפט יהוה ביני ובינך ונקמני יהוה ממך וידי לא תהיה׃13 (24:14) כאשׁר יאמר משׁל הקדמני מרשׁעים יצא רשׁע וידי לא תהיה׃14 (24:15) אחרי מי יצא מלך ישׂראל אחרי מי אתה רדף אחרי כלב מת אחרי פרעשׁ אחד׃15 (24:16) והיה יהוה לדין ושׁפט ביני ובינך וירא וירב את ריבי וישׁפטני מידך׃16 (24:17) ויהי ככלות דוד לדבר את הדברים האלה אל שׁאול ויאמר שׁאול הקלך זה בני דוד וישׂא שׁאול קלו ויבך׃17 (24:18) ויאמר אל דוד צדיק אתה ממני כי אתה גמלתני הטובה ואני גמלתיך הרעה׃
1 Samuel 26:23-24
2 Samuel 3:20-25
20 ויבא אבנר אל דוד חברון ואתו עשׂרים אנשׁים ויעשׂ דוד לאבנר ולאנשׁים אשׁר אתו משׁתה׃21 ויאמר אבנר אל דוד אקומה ואלכה ואקבצה אל אדני המלך את כל ישׂראל ויכרתו אתך ברית ומלכת בכל אשׁר תאוה נפשׁך וישׁלח דוד את אבנר וילך בשׁלום׃22 והנה עבדי דוד ויואב בא מהגדוד ושׁלל רב עמם הביאו ואבנר איננו עם דוד בחברון כי שׁלחו וילך בשׁלום׃23 ויואב וכל הצבא אשׁר אתו באו ויגדו ליואב לאמר בא אבנר בן נר אל המלך וישׁלחהו וילך בשׁלום׃24 ויבא יואב אל המלך ויאמר מה עשׂיתה הנה בא אבנר אליך למה זה שׁלחתו וילך הלוך׃25 ידעת את אבנר בן נר כי לפתתך בא ולדעת את מוצאך ואת מבואך ולדעת את כל אשׁר אתה עשׂה׃
1 Kings 2:13
13 ויבא אדניהו בן חגית אל בת\'ceשׁבע אם שׁלמה ותאמר השׁלום באך ויאמר שׁלום׃
2 Kings 9:22
22 ויהי כראות יהורם את יהוא ויאמר השׁלום יהוא ויאמר מה השׁלום עד זנוני איזבל אמך וכשׁפיה הרבים׃
2 Kings 10:15
15 וילך משׁם וימצא את יהונדב בן רכב לקראתו ויברכהו ויאמר אליו הישׁ את לבבך ישׁר כאשׁר לבבי עם לבבך ויאמר יהונדב ישׁ וישׁ תנה את ידך ויתן ידו ויעלהו אליו אל המרכבה׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 12:1-2
Psalms 86:11
11 הורני יהוה דרכך אהלך באמתך יחד לבבי ליראה שׁמך׃
Jeremiah 32:39
39 ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃
Zechariah 3:2
2 ויאמר יהוה אל השׂטן יגער יהוה בך השׂטן ויגער יהוה בך הבחר בירושׁלם הלוא זה אוד מצל מאשׁ׃
Judges 3:10
10 ותהי עליו רוח יהוה וישׁפט את ישׂראל ויצא למלחמה ויתן יהוה בידו את כושׁן רשׁעתים מלך ארם ותעז ידו על כושׁן רשׁעתים׃
Judges 6:34
34 ורוח יהוה לבשׁה את גדעון ויתקע בשׁופר ויזעק אביעזר אחריו׃
Judges 13:25
25 ותחל רוח יהוה לפעמו במחנה דן בין צרעה ובין אשׁתאל׃
Ruth 1:16
16 ותאמר רות אל תפגעי בי לעזבך לשׁוב מאחריך כי אל אשׁר תלכי אלך ובאשׁר תליני אלין עמך עמי ואלהיך אלהי׃
1 Samuel 8:12
12 ולשׂום לו שׂרי אלפים ושׂרי חמשׁים ולחרשׁ חרישׁו ולקצר קצירו ולעשׂות כלי מלחמתו וכלי רכבו׃
1 Samuel 22:7
7 ויאמר שׁאול לעבדיו הנצבים עליו שׁמעו נא בני ימיני גם לכלכם יתן בן ישׁי שׂדות וכרמים לכלכם ישׂים שׂרי אלפים ושׂרי מאות׃
1 Samuel 25:5-6
1 Samuel 25:28-29
2 Samuel 5:2
2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃
2 Samuel 15:21
21 ויען אתי את המלך ויאמר חי יהוה וחי אדני המלך כי אם במקום אשׁר יהיה שׁם אדני המלך אם למות אם לחיים כי שׁם יהיה עבדך׃
2 Samuel 17:25
25 ואת עמשׂא שׂם אבשׁלם תחת יואב על הצבא ועמשׂא בן אישׁ ושׁמו יתרא הישׂראלי אשׁר בא אל אביגל בת נחשׁ אחות צרויה אם יואב׃
2 Samuel 19:13
13 (19:14) ולעמשׂא תמרו הלוא עצמי ובשׂרי אתה כה יעשׂה לי אלהים וכה יוסיף אם לא שׂר צבא תהיה לפני כל הימים תחת יואב׃
2 Samuel 20:4-8
4 ויאמר המלך אל עמשׂא הזעק לי את אישׁ יהודה שׁלשׁת ימים ואתה פה עמד׃5 וילך עמשׂא להזעיק את יהודה וייחר מן המועד אשׁר יעדו׃6 ויאמר דוד אל אבישׁי עתה ירע לנו שׁבע בן בכרי מן אבשׁלום אתה קח את עבדי אדניך ורדף אחריו פן מצא לו ערים בצרות והציל עיננו׃7 ויצאו אחריו אנשׁי יואב והכרתי והפלתי וכל הגברים ויצאו מירושׁלם לרדף אחרי שׁבע בן בכרי׃8 הם עם האבן הגדולה אשׁר בגבעון ועמשׂא בא לפניהם ויואב חגור מדו לבשׁו ועלו חגור חרב מצמדת על מתניו בתערה והוא יצא ותפל׃
1 Kings 9:22
22 ומבני ישׂראל לא נתן שׁלמה עבד כי הם אנשׁי המלחמה ועבדיו ושׂריו ושׁלשׁיו ושׂרי רכבו ופרשׁיו׃
2 Kings 9:32
32 וישׂא פניו אל החלון ויאמר מי אתי מי וישׁקיפו אליו שׁנים שׁלשׁה סריסים׃
2 Kings 10:5
5 וישׁלח אשׁר על הבית ואשׁר על העיר והזקנים והאמנים אל יהוא לאמר עבדיך אנחנו וכל אשׁר תאמר אלינו נעשׂה לא נמליך אישׁ הטוב בעיניך עשׂה׃
1 Chronicles 2:17
17 ואביגיל ילדה את עמשׂא ואבי עמשׂא יתר הישׁמעאלי׃
Isaiah 59:17
17 וילבשׁ צדקה כשׁרין וכובע ישׁועה בראשׁו וילבשׁ בגדי נקם תלבשׁת ויעט כמעיל קנאה׃
Zechariah 8:23
23 כה אמר יהוה צבאות בימים ההמה אשׁר יחזיקו עשׂרה אנשׁים מכל לשׁנות הגוים והחזיקו בכנף אישׁ יהודי לאמר נלכה עמכם כי שׁמענו אלהים עמכם׃
1 Samuel 29:2-9
2 וסרני פלשׁתים עברים למאות ולאלפים ודוד ואנשׁיו עברים באחרנה עם אכישׁ׃3 ויאמרו שׂרי פלשׁתים מה העברים האלה ויאמר אכישׁ אל שׂרי פלשׁתים הלוא זה דוד עבד שׁאול מלך ישׂראל אשׁר היה אתי זה ימים או זה שׁנים ולא מצאתי בו מאומה מיום נפלו עד היום הזה׃4 ויקצפו עליו שׂרי פלשׁתים ויאמרו לו שׂרי פלשׁתים השׁב את האישׁ וישׁב אל מקומו אשׁר הפקדתו שׁם ולא ירד עמנו במלחמה ולא יהיה לנו לשׂטן במלחמה ובמה יתרצה זה אל אדניו הלוא בראשׁי האנשׁים ההם׃5 הלוא זה דוד אשׁר יענו לו במחלות לאמר הכה שׁאול באלפיו ודוד ברבבתו׃6 ויקרא אכישׁ אל דוד ויאמר אליו חי יהוה כי ישׁר אתה וטוב בעיני צאתך ובאך אתי במחנה כי לא מצאתי בך רעה מיום באך אלי עד היום הזה ובעיני הסרנים לא טוב אתה׃7 ועתה שׁוב ולך בשׁלום ולא תעשׂה רע בעיני סרני פלשׁתים׃8 ויאמר דוד אל אכישׁ כי מה עשׂיתי ומה מצאת בעבדך מיום אשׁר הייתי לפניך עד היום הזה כי לא אבוא ונלחמתי באיבי אדני המלך׃9 ויען אכישׁ ויאמר אל דוד ידעתי כי טוב אתה בעיני כמלאך אלהים אך שׂרי פלשׁתים אמרו לא יעלה עמנו במלחמה׃
Exodus 18:21
21 ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃
Deuteronomy 1:15
15 ואקח את ראשׁי שׁבטיכם אנשׁים חכמים וידעים ואתן אותם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם׃
Deuteronomy 33:17
17 בכור שׁורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשׁה׃
1 Samuel 29:11
11 וישׁכם דוד הוא ואנשׁיו ללכת בבקר לשׁוב אל ארץ פלשׁתים ופלשׁתים עלו יזרעאל׃
1 Samuel 30:1-17
1 ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃2 וישׁבו את הנשׁים אשׁר בה מקטן ועד גדול לא המיתו אישׁ וינהגו וילכו לדרכם׃3 ויבא דוד ואנשׁיו אל העיר והנה שׂרופה באשׁ ונשׁיהם ובניהם ובנתיהם נשׁבו׃4 וישׂא דוד והעם אשׁר אתו את קולם ויבכו עד אשׁר אין בהם כח לבכות׃5 ושׁתי נשׁי דוד נשׁבו אחינעם היזרעלית ואביגיל אשׁת נבל הכרמלי׃6 ותצר לדוד מאד כי אמרו העם לסקלו כי מרה נפשׁ כל העם אישׁ על בנו ועל בנתיו ויתחזק דוד ביהוה אלהיו׃7 ויאמר דוד אל אביתר הכהן בן אחימלך הגישׁה נא לי האפד ויגשׁ אביתר את האפד אל דוד׃8 וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃9 וילך דוד הוא ושׁשׁ מאות אישׁ אשׁר אתו ויבאו עד נחל הבשׂור והנותרים עמדו׃10 וירדף דוד הוא וארבע מאות אישׁ ויעמדו מאתים אישׁ אשׁר פגרו מעבר את נחל הבשׂור׃11 וימצאו אישׁ מצרי בשׂדה ויקחו אתו אל דוד ויתנו לו לחם ויאכל וישׁקהו מים׃12 ויתנו לו פלח דבלה ושׁני צמקים ויאכל ותשׁב רוחו אליו כי לא אכל לחם ולא שׁתה מים שׁלשׁה ימים ושׁלשׁה לילות׃13 ויאמר לו דוד למי אתה ואי מזה אתה ויאמר נער מצרי אנכי עבד לאישׁ עמלקי ויעזבני אדני כי חליתי היום שׁלשׁה׃14 אנחנו פשׁטנו נגב הכרתי ועל אשׁר ליהודה ועל נגב כלב ואת צקלג שׂרפנו באשׁ׃15 ויאמר אליו דוד התורדני אל הגדוד הזה ויאמר השׁבעה לי באלהים אם תמיתני ואם תסגרני ביד אדני ואורדך אל הגדוד הזה׃16 וירדהו והנה נטשׁים על פני כל הארץ אכלים ושׁתים וחגגים בכל השׁלל הגדול אשׁר לקחו מארץ פלשׁתים ומארץ יהודה׃17 ויכם דוד מהנשׁף ועד הערב למחרתם ולא נמלט מהם אישׁ כי אם ארבע מאות אישׁ נער אשׁר רכבו על הגמלים וינסו׃
1 Chronicles 5:24
24 ואלה ראשׁי בית אבותם ועפר וישׁעי ואליאל ועזריאל וירמיה והודויה ויחדיאל אנשׁים גבורי חיל אנשׁי שׁמות ראשׁים לבית אבותם׃
1 Chronicles 11:21-22
1 Chronicles 12:20
20 (12:21) בלכתו אל ציקלג נפלו עליו ממנשׁה עדנח ויוזבד וידיעאל ומיכאל ויוזבד ואליהוא וצלתי ראשׁי האלפים אשׁר למנשׁה׃
Genesis 32:2
2 (32:3) ויאמר יעקב כאשׁר ראם מחנה אלהים זה ויקרא שׁם המקום ההוא מחנים׃
Joshua 5:14
14 ויאמר לא כי אני שׂר צבא יהוה עתה באתי ויפל יהושׁע אל פניו ארצה וישׁתחו ויאמר לו מה אדני מדבר אל עבדו׃
2 Samuel 2:2-4
2 Samuel 3:1
1 ותהי המלחמה ארכה בין בית שׁאול ובין בית דוד ודוד הלך וחזק ובית שׁאול הלכים ודלים׃
Job 17:9
9 ויאחז צדיק דרכו וטהר ידים יסיף אמץ׃
Psalms 148:2
2 הללוהו כל מלאכיו הללוהו כל צבאו׃
1 Samuel 16:1
1 ויאמר יהוה אל שׁמואל עד מתי אתה מתאבל אל שׁאול ואני מאסתיו ממלך על ישׂראל מלא קרנך שׁמן ולך אשׁלחך אל ישׁי בית הלחמי כי ראיתי בבניו לי מלך׃
1 Samuel 16:3
3 וקראת לישׁי בזבח ואנכי אודיעך את אשׁר תעשׂה ומשׁחת לי את אשׁר אמר אליך׃
1 Samuel 16:12-13
2 Samuel 3:18
18 ועתה עשׂו כי יהוה אמר אל דוד לאמר ביד דוד עבדי הושׁיע את עמי ישׂראל מיד פלשׁתים ומיד כל איביהם׃
2 Samuel 5:1-3
1 ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃
1 Chronicles 10:14-11:3
14 ולא דרשׁ ביהוה וימיתהו ויסב את המלוכה לדויד בן ישׁי׃
Psalms 2:6
6 ואני נסכתי מלכי על ציון הר קדשׁי׃
Psalms 89:19-20
2 Kings 11:4
4 ובשׁנה השׁביעית שׁלח יהוידע ויקח את שׂרי המאיות לכרי ולרצים ויבא אתם אליו בית יהוה ויכרת להם ברית וישׁבע אתם בבית יהוה וירא אתם את בן המלך׃
2 Kings 11:9
9 ויעשׂו שׂרי המאיות ככל אשׁר צוה יהוידע הכהן ויקחו אישׁ את אנשׁיו באי השׁבת עם יצאי השׁבת ויבאו אל יהוידע הכהן׃
2 Kings 25:18
18 ויקח רב טבחים את שׂריה כהן הראשׁ ואת צפניהו כהן משׁנה ואת שׁלשׁת שׁמרי הסף׃
1 Chronicles 6:49-57
49 (6:34) ואהרן ובניו מקטירים על מזבח העולה ועל מזבח הקטרת לכל מלאכת קדשׁ הקדשׁים ולכפר על ישׂראל ככל אשׁר צוה משׁה עבד האלהים׃50 (6:35) ואלה בני אהרן אלעזר בנו פינחס בנו אבישׁוע בנו׃51 (6:36) בקי בנו עזי בנו זרחיה בנו׃52 (6:37) מריות בנו אמריה בנו אחיטוב בנו׃53 (6:38) צדוק בנו אחימעץ בנו׃54 (6:39) ואלה מושׁבותם לטירותם בגבולם לבני אהרן למשׁפחת הקהתי כי להם היה הגורל׃55 (6:40) ויתנו להם את חברון בארץ יהודה ואת מגרשׁיה סביבתיה׃56 (6:41) ואת שׂדה העיר ואת חצריה נתנו לכלב בן יפנה׃57 (6:42) ולבני אהרן נתנו את ערי המקלט את חברון ואת לבנה ואת מגרשׁיה ואת יתר ואת אשׁתמע ואת מגרשׁיה׃
1 Chronicles 9:20
20 ופינחס בן אלעזר נגיד היה עליהם לפנים יהוה עמו׃
1 Chronicles 27:17
17 ללוי חשׁביה בן קמואל לאהרן צדוק׃
2 Samuel 8:17
17 וצדוק בן אחיטוב ואחימלך בן אביתר כהנים ושׂריה סופר׃
1 Kings 1:8
8 וצדוק הכהן ובניהו בן יהוידע ונתן הנביא ושׁמעי ורעי והגבורים אשׁר לדוד לא היו עם אדניהו׃
1 Kings 2:35
35 ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃
1 Chronicles 6:8
8 (5:34) ואחיטוב הוליד את צדוק וצדוק הוליד את אחימעץ׃
1 Chronicles 6:53
53 (6:38) צדוק בנו אחימעץ בנו׃
Ezekiel 44:15
15 והכהנים הלוים בני צדוק אשׁר שׁמרו את משׁמרת מקדשׁי בתעות בני ישׂראל מעלי המה יקרבו אלי לשׁרתני ועמדו לפני להקריב לי חלב ודם נאם אדני יהוה׃
Genesis 31:23
23 ויקח את אחיו עמו וירדף אחריו דרך שׁבעת ימים וידבק אתו בהר הגלעד׃
2 Samuel 2:8-9
1 Chronicles 12:2
2 נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃
Genesis 6:4
4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃
Joshua 17:1-18
1 ויהי הגורל למטה מנשׁה כי הוא בכור יוסף למכיר בכור מנשׁה אבי הגלעד כי הוא היה אישׁ מלחמה ויהי לו הגלעד והבשׁן׃2 ויהי לבני מנשׁה הנותרים למשׁפחתם לבני אביעזר ולבני חלק ולבני אשׂריאל ולבני שׁכם ולבני חפר ולבני שׁמידע אלה בני מנשׁה בן יוסף הזכרים למשׁפחתם׃3 ולצלפחד בן חפר בן גלעד בן מכיר בן מנשׁה לא היו לו בנים כי אם בנות ואלה שׁמות בנתיו מחלה ונעה חגלה מלכה ותרצה׃4 ותקרבנה לפני אלעזר הכהן ולפני יהושׁע בן נון ולפני הנשׂיאים לאמר יהוה צוה את משׁה לתת לנו נחלה בתוך אחינו ויתן להם אל פי יהוה נחלה בתוך אחי אביהן׃5 ויפלו חבלי מנשׁה עשׂרה לבד מארץ הגלעד והבשׁן אשׁר מעבר לירדן׃6 כי בנות מנשׁה נחלו נחלה בתוך בניו וארץ הגלעד היתה לבני מנשׁה הנותרים׃7 ויהי גבול מנשׁה מאשׁר המכמתת אשׁר על פני שׁכם והלך הגבול אל הימין אל ישׁבי עין תפוח׃8 למנשׁה היתה ארץ תפוח ותפוח אל גבול מנשׁה לבני אפרים׃9 וירד הגבול נחל קנה נגבה לנחל ערים האלה לאפרים בתוך ערי מנשׁה וגבול מנשׁה מצפון לנחל ויהי תצאתיו הימה׃10 נגבה לאפרים וצפונה למנשׁה ויהי הים גבולו ובאשׁר יפגעון מצפון ובישׂשכר ממזרח׃11 ויהי למנשׁה בישׂשכר ובאשׁר בית שׁאן ובנותיה ויבלעם ובנותיה ואת ישׁבי דאר ובנותיה וישׁבי עין דר ובנתיה וישׁבי תענך ובנתיה וישׁבי מגדו ובנותיה שׁלשׁת הנפת׃12 ולא יכלו בני מנשׁה להורישׁ את הערים האלה ויואל הכנעני לשׁבת בארץ הזאת׃13 ויהי כי חזקו בני ישׂראל ויתנו את הכנעני למס והורשׁ לא הורישׁו׃14 וידברו בני יוסף את יהושׁע לאמר מדוע נתתה לי נחלה גורל אחד וחבל אחד ואני עם רב עד אשׁר עד כה ברכני יהוה׃15 ויאמר אליהם יהושׁע אם עם רב אתה עלה לך היערה ובראת לך שׁם בארץ הפרזי והרפאים כי אץ לך הר אפרים׃16 ויאמרו בני יוסף לא ימצא לנו ההר ורכב ברזל בכל הכנעני הישׁב בארץ העמק לאשׁר בבית שׁאן ובנותיה ולאשׁר בעמק יזרעאל׃17 ויאמר יהושׁע אל בית יוסף לאפרים ולמנשׁה לאמר עם רב אתה וכח גדול לך לא יהיה לך גורל אחד׃18 כי הר יהיה לך כי יער הוא ובראתו והיה לך תצאתיו כי תורישׁ את הכנעני כי רכב ברזל לו כי חזק הוא׃
Genesis 49:14
14 ישׂשכר חמר גרם רבץ בין המשׁפתים׃
Esther 1:13
13 ויאמר המלך לחכמים ידעי העתים כי כן דבר המלך לפני כל ידעי דת ודין׃
Proverbs 14:8
8 חכמת ערום הבין דרכו ואולת כסילים מרמה׃
Proverbs 24:5
5 גבר חכם בעוז ואישׁ דעת מאמץ כח׃
Ecclesiastes 7:19
19 החכמה תעז לחכם מעשׂרה שׁליטים אשׁר היו בעיר׃
Ecclesiastes 9:18
18 טובה חכמה מכלי קרב וחוטא אחד יאבד טובה הרבה׃
Isaiah 22:12-14
Isaiah 33:6
6 והיה אמונת עתיך חסן ישׁועת חכמת ודעת יראת יהוה היא אוצרו׃
Micah 6:9
9 קול יהוה לעיר יקרא ותושׁיה יראה שׁמך שׁמעו מטה ומי יעדה׃
Psalms 12:2
2 (12:3) שׁוא ידברו אישׁ את רעהו שׂפת חלקות בלב ולב ידברו׃
1 Chronicles 12:33
33 (12:34) מזבלון יוצאי צבא ערכי מלחמה בכל כלי מלחמה חמשׁים אלף ולעדר בלא לב ולב׃
Joel 2:7
7 כגבורים ירצון כאנשׁי מלחמה יעלו חומה ואישׁ בדרכיו ילכון ולא יעבטון ארחותם׃
Numbers 32:33-42
33 ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃34 ויבנו בני גד את דיבן ואת עטרת ואת ערער׃35 ואת עטרת שׁופן ואת יעזר ויגבהה׃36 ואת בית נמרה ואת בית הרן ערי מבצר וגדרת צאן׃37 ובני ראובן בנו את חשׁבון ואת אלעלא ואת קריתים׃38 ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃39 וילכו בני מכיר בן מנשׁה גלעדה וילכדה ויורשׁ את האמרי אשׁר׃40 ויתן משׁה את הגלעד למכיר בן מנשׁה וישׁב׃41 ויאיר בן מנשׁה הלך וילכד את חותיהם ויקרא אתהן חות יאיר׃42 ונבח הלך וילכד את קנת ואת בנתיה ויקרא לה נבח בשׁמו׃
Deuteronomy 3:12-16
12 ואת הארץ הזאת ירשׁנו בעת ההוא מערער אשׁר על נחל ארנן וחצי הר הגלעד ועריו נתתי לראובני ולגדי׃13 ויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים׃14 יאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה׃15 ולמכיר נתתי את הגלעד׃16 ולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון׃
Joshua 13:7-32
7 ועתה חלק את הארץ הזאת בנחלה לתשׁעת השׁבטים וחצי השׁבט המנשׁה׃8 עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃9 מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃10 וכל ערי סיחון מלך האמרי אשׁר מלך בחשׁבון עד גבול בני עמון׃11 והגלעד וגבול הגשׁורי והמעכתי וכל הר חרמון וכל הבשׁן עד סלכה׃12 כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃13 ולא הורישׁו בני ישׂראל את הגשׁורי ואת המעכתי וישׁב גשׁור ומעכת בקרב ישׂראל עד היום הזה׃14 רק לשׁבט הלוי לא נתן נחלה אשׁי יהוה אלהי ישׂראל הוא נחלתו כאשׁר דבר׃15 ויתן משׁה למטה בני ראובן למשׁפחתם׃16 ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃17 חשׁבון וכל עריה אשׁר במישׁר דיבון ובמות בעל ובית בעל מעון׃18 ויהצה וקדמת ומפעת׃19 וקריתים ושׂבמה וצרת השׁחר בהר העמק׃20 ובית פעור ואשׁדות הפסגה ובית הישׁמות׃21 וכל ערי המישׁר וכל ממלכות סיחון מלך האמרי אשׁר מלך בחשׁבון אשׁר הכה משׁה אתו ואת נשׂיאי מדין את אוי ואת רקם ואת צור ואת חור ואת רבע נסיכי סיחון ישׁבי הארץ׃22 ואת בלעם בן בעור הקוסם הרגו בני ישׂראל בחרב אל חלליהם׃23 ויהי גבול בני ראובן הירדן וגבול זאת נחלת בני ראובן למשׁפחתם הערים וחצריהן׃24 ויתן משׁה למטה גד לבני גד למשׁפחתם׃25 ויהי להם הגבול יעזר וכל ערי הגלעד וחצי ארץ בני עמון עד ערוער אשׁר על פני רבה׃26 ומחשׁבון עד רמת המצפה ובטנים וממחנים עד גבול לדבר׃27 ובעמק בית הרם ובית נמרה וסכות וצפון יתר ממלכות סיחון מלך חשׁבון הירדן וגבל עד קצה ים כנרת עבר הירדן מזרחה׃28 זאת נחלת בני גד למשׁפחתם הערים וחצריהם׃29 ויתן משׁה לחצי שׁבט מנשׁה ויהי לחצי מטה בני מנשׁה למשׁפחותם׃30 ויהי גבולם ממחנים כל הבשׁן כל ממלכות עוג מלך הבשׁן וכל חות יאיר אשׁר בבשׁן שׁשׁים עיר׃31 וחצי הגלעד ועשׁתרות ואדרעי ערי ממלכות עוג בבשׁן לבני מכיר בן מנשׁה לחצי בני מכיר למשׁפחותם׃32 אלה אשׁר נחל משׁה בערבות מואב מעבר לירדן יריחו מזרחה׃
Joshua 14:3
3 כי נתן משׁה נחלת שׁני המטות וחצי המטה מעבר לירדן וללוים לא נתן נחלה בתוכם׃
Joshua 22:1-10
1 אז יקרא יהושׁע לראובני ולגדי ולחצי מטה מנשׁה׃2 ויאמר אליהם אתם שׁמרתם את כל אשׁר צוה אתכם משׁה עבד יהוה ותשׁמעו בקולי לכל אשׁר צויתי אתכם׃3 לא עזבתם את אחיכם זה ימים רבים עד היום הזה ושׁמרתם את משׁמרת מצות יהוה אלהיכם׃4 ועתה הניח יהוה אלהיכם לאחיכם כאשׁר דבר להם ועתה פנו ולכו לכם לאהליכם אל ארץ אחזתכם אשׁר נתן לכם משׁה עבד יהוה בעבר הירדן׃5 רק שׁמרו מאד לעשׂות את המצוה ואת התורה אשׁר צוה אתכם משׁה עבד יהוה לאהבה את יהוה אלהיכם וללכת בכל דרכיו ולשׁמר מצותיו ולדבקה בו ולעבדו בכל לבבכם ובכל נפשׁכם׃6 ויברכם יהושׁע וישׁלחם וילכו אל אהליהם׃7 ולחצי שׁבט המנשׁה נתן משׁה בבשׁן ולחציו נתן יהושׁע עם אחיהם מעבר הירדן ימה וגם כי שׁלחם יהושׁע אל אהליהם ויברכם׃8 ויאמר אליהם לאמר בנכסים רבים שׁובו אל אהליכם ובמקנה רב מאד בכסף ובזהב ובנחשׁת ובברזל ובשׂלמות הרבה מאד חלקו שׁלל איביכם עם אחיכם׃9 וישׁבו וילכו בני ראובן ובני גד וחצי שׁבט המנשׁה מאת בני ישׂראל משׁלה אשׁר בארץ כנען ללכת אל ארץ הגלעד אל ארץ אחזתם אשׁר נאחזו בה על פי יהוה ביד משׁה׃10 ויבאו אל גלילות הירדן אשׁר בארץ כנען ויבנו בני ראובן ובני גד וחצי שׁבט המנשׁה שׁם מזבח על הירדן מזבח גדול למראה׃
1 Chronicles 5:1-10
1 ובני ראובן בכור ישׂראל כי הוא הבכור ובחללו יצועי אביו נתנה בכרתו לבני יוסף בן ישׂראל ולא להתיחשׂ לבכרה׃2 כי יהודה גבר באחיו ולנגיד ממנו והבכרה ליוסף׃3 בני ראובן בכור ישׂראל חנוך ופלוא חצרון וכרמי׃4 בני יואל שׁמעיה בנו גוג בנו שׁמעי בנו׃5 מיכה בנו ראיה בנו בעל בנו׃6 בארה בנו אשׁר הגלה תלגת פלנאסר מלך אשׁר הוא נשׂיא לראובני׃7 ואחיו למשׁפחתיו בהתיחשׂ לתלדותם הראשׁ יעיאל וזכריהו׃8 ובלע בן עזז בן שׁמע בן יואל הוא יושׁב בערער ועד נבו ובעל מעון׃9 ולמזרח ישׁב עד לבוא מדברה למן הנהר פרת כי מקניהם רבו בארץ גלעד׃10 ובימי שׁאול עשׂו מלחמה עם ההגראים ויפלו בידם וישׁבו באהליהם על כל פני מזרח לגלעד׃
Genesis 49:8-10
1 Kings 8:61
61 והיה לבבכם שׁלם עם יהוה אלהינו ללכת בחקיו ולשׁמר מצותיו כיום הזה׃
1 Kings 11:4
4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃
2 Kings 20:3
3 אנה יהוה זכר נא את אשׁר התהלכתי לפניך באמת ובלבב שׁלם והטוב בעיניך עשׂיתי ויבך חזקיהו בכי גדול׃
1 Chronicles 12:17-18
2 Chronicles 30:12
12 גם ביהודה היתה יד האלהים לתת להם לב אחד לעשׂות מצות המלך והשׂרים בדבר יהוה׃
Psalms 101:2
2 אשׂכילה בדרך תמים מתי תבוא אלי אתהלך בתם לבבי בקרב ביתי׃
Psalms 110:3
3 עמך נדבת ביום חילך בהדרי קדשׁ מרחם משׁחר לך טל ילדתיך׃
Ezekiel 11:19
19 ונתתי להם לב אחד ורוח חדשׁה אתן בקרבכם והסרתי לב האבן מבשׂרם ונתתי להם לב בשׂר׃
Genesis 26:30
30 ויעשׂ להם משׁתה ויאכלו וישׁתו׃
Genesis 31:54
54 ויזבח יעקב זבח בהר ויקרא לאחיו לאכל לחם ויאכלו לחם וילינו בהר׃
2 Samuel 6:19
19 ויחלק לכל העם לכל המון ישׂראל למאישׁ ועד אשׁה לאישׁ חלת לחם אחת ואשׁפר אחד ואשׁישׁה אחת וילך כל העם אישׁ לביתו׃
2 Samuel 19:42
42 (19:43) ויען כל אישׁ יהודה על אישׁ ישׂראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשׂאת נשׂא׃
1 Samuel 25:18
18 ותמהר אבוגיל ותקח מאתים לחם ושׁנים נבלי יין וחמשׁ צאן עשׂוות וחמשׁ סאים קלי ומאה צמקים ומאתים דבלים ותשׂם על החמרים׃
2 Samuel 16:1
1 ודוד עבר מעט מהראשׁ והנה ציבא נער מפי בשׁת לקראתו וצמד חמרים חבשׁים ועליהם מאתים לחם ומאה צמוקים ומאה קיץ ונבל יין׃
2 Samuel 17:27-29
1 Kings 1:40
40 ויעלו כל העם אחריו והעם מחללים בחללים ושׂמחים שׂמחה גדולה ותבקע הארץ בקולם׃
2 Kings 11:20
20 וישׂמח כל עם הארץ והעיר שׁקטה ואת עתליהו המיתו בחרב בית מלך׃
Proverbs 11:10
10 בטוב צדיקים תעלץ קריה ובאבד רשׁעים רנה׃
Proverbs 29:2
2 ברבות צדיקים ישׂמח העם ובמשׁל רשׁע יאנח עם׃