Proverbs 6:6-19

HOT^{(i) 6} לך אל נמלה עצל ראה דרכיה וחכם׃ ⁷ אשׁר אין לה קצין שׁטר ומשׁל׃ ⁸ תכין בקיץ לחמה אגרה בקציר מאכלה׃ ⁹ עד מתי עצל תשׁכב מתי תקום משׁנתך׃ ¹⁰ מעט שׁנות מעט תנומות מעט חבק ידים לשׁכב׃ ¹¹ ובא כמהלך ראשׁך ומחסרך כאישׁ מגן׃ ¹² אדם בליעל אישׁ און הולך עקשׁות פה׃ ¹³ קרץ בעינו מלל ברגלו מרה באצבעתיו׃ ¹⁴ תהפכות בלבו חרשׁ רע בכל עת מדנים ישׁלח׃ ¹⁵ על כן פתאם יבוא אידו פתע ישׁבר ואין מרפא׃ ¹⁶ שׁשׁ הנה שׂנא יהוה ושׁבע תועבות נפשׁו׃ ¹⁷ עינים רמות לשׁון שׁקר וידים שׁפכות דם נקי׃ ¹⁸ לב חרשׁ מחשׁבות און רגלים ממהרות לרוץ לרעה׃ ¹⁹ יפיח כזבים עד שׁקר ומשׁלח מדנים בין אחים׃