HOT(i)
16 שׁלושׁ פעמים בשׁנה יראה כל זכורך את פני יהוה אלהיך במקום אשׁר יבחר בחג המצות ובחג השׁבעות ובחג הסכות ולא יראה את פני יהוה ריקם׃ 17 אישׁ כמתנת ידו כברכת יהוה אלהיך אשׁר נתן׃ 18 שׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק׃ 19 לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃ 20 צדק צדק תרדף למען תחיה וירשׁת את הארץ אשׁר יהוה אלהיך נתן׃ 21 לא תטע לך אשׁרה כל עץ אצל מזבח יהוה אלהיך אשׁר תעשׂה׃ 22 ולא תקים לך מצבה אשׁר שׂנא יהוה אלהיך׃