1 אל תקנא באנשׁי רעה ואל תתאו להיות אתם׃2 כי שׁד יהגה לבם ועמל שׂפתיהם תדברנה׃3 בחכמה יבנה בית ובתבונה יתכונן׃4 ובדעת חדרים ימלאו כל הון יקר ונעים׃5 גבר חכם בעוז ואישׁ דעת מאמץ כח׃6 כי בתחבלות תעשׂה לך מלחמה ותשׁועה ברב יועץ׃7 ראמות לאויל חכמות בשׁער לא יפתח פיהו׃8 מחשׁב להרע לו בעל מזמות יקראו׃9 זמת אולת חטאת ותועבת לאדם לץ׃10 התרפית ביום צרה צר כחכה׃11 הצל לקחים למות ומטים להרג אם תחשׂוך׃12 כי תאמר הן לא ידענו זה הלא תכן לבות הוא יבין ונצר נפשׁך הוא ידע והשׁיב לאדם כפעלו׃13 אכל בני דבשׁ כי טוב ונפת מתוק על חכך׃14 כן דעה חכמה לנפשׁך אם מצאת וישׁ אחרית ותקותך לא תכרת׃15 אל תארב רשׁע לנוה צדיק אל תשׁדד רבצו׃16 כי שׁבע יפול צדיק וקם ורשׁעים יכשׁלו ברעה׃17 בנפל אויביך אל תשׂמח ובכשׁלו אל יגל לבך׃18 פן יראה יהוה ורע בעיניו והשׁיב מעליו אפו׃19 אל תתחר במרעים אל תקנא ברשׁעים׃20 כי לא תהיה אחרית לרע נר רשׁעים ידעך׃21 ירא את יהוה בני ומלך עם שׁונים אל תתערב׃22 כי פתאם יקום אידם ופיד שׁניהם מי יודע׃23 גם אלה לחכמים הכר פנים במשׁפט בל טוב׃24 אמר לרשׁע צדיק אתה יקבהו עמים יזעמוהו לאמים׃25 ולמוכיחים ינעם ועליהם תבוא ברכת טוב׃26 שׂפתים ישׁק משׁיב דברים נכחים׃27 הכן בחוץ מלאכתך ועתדה בשׂדה לך אחר ובנית ביתך׃28 אל תהי עד חנם ברעך והפתית בשׂפתיך׃29 אל תאמר כאשׁר עשׂה לי כן אעשׂה לו אשׁיב לאישׁ כפעלו׃30 על שׂדה אישׁ עצל עברתי ועל כרם אדם חסר לב׃31 והנה עלה כלו קמשׂנים כסו פניו חרלים וגדר אבניו נהרסה׃32 ואחזה אנכי אשׁית לבי ראיתי לקחתי מוסר׃33 מעט שׁנות מעט תנומות מעט חבק ידים לשׁכב׃34 ובא מתהלך רישׁך ומחסריך כאישׁ מגן׃
Proverbs 24 Cross References - HOT
Genesis 13:10-13
Genesis 19:1-11
1 ויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחו אפים ארצה׃2 ויאמר הנה נא אדני סורו נא אל בית עבדכם ולינו ורחצו רגליכם והשׁכמתם והלכתם לדרככם ויאמרו לא כי ברחוב נלין׃3 ויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו׃4 טרם ישׁכבו ואנשׁי העיר אנשׁי סדם נסבו על הבית מנער ועד זקן כל העם מקצה׃5 ויקראו אל לוט ויאמרו לו איה האנשׁים אשׁר באו אליך הלילה הוציאם אלינו ונדעה אתם׃6 ויצא אלהם לוט הפתחה והדלת סגר אחריו׃7 ויאמר אל נא אחי תרעו׃8 הנה נא לי שׁתי בנות אשׁר לא ידעו אישׁ אוציאה נא אתהן אליכם ועשׂו להן כטוב בעיניכם רק לאנשׁים האל אל תעשׂו דבר כי על כן באו בצל קרתי׃9 ויאמרו גשׁ הלאה ויאמרו האחד בא לגור וישׁפט שׁפוט עתה נרע לך מהם ויפצרו באישׁ בלוט מאד ויגשׁו לשׁבר הדלת׃10 וישׁלחו האנשׁים את ידם ויביאו את לוט אליהם הביתה ואת הדלת סגרו׃11 ואת האנשׁים אשׁר פתח הבית הכו בסנורים מקטן ועד גדול וילאו למצא הפתח׃
Psalms 26:9
9 אל תאסף עם חטאים נפשׁי ועם אנשׁי דמים חיי׃
Psalms 37:1
1 לדוד אל תתחר במרעים אל תקנא בעשׂי עולה׃
Psalms 37:7
7 דום ליהוה והתחולל לו אל תתחר במצליח דרכו באישׁ עשׂה מזמות׃
Psalms 73:3
3 כי קנאתי בהוללים שׁלום רשׁעים אראה׃
Proverbs 1:11-15
Proverbs 3:31
31 אל תקנא באישׁ חמס ואל תבחר בכל דרכיו׃
Proverbs 13:20
20 הלוך את חכמים וחכם ורעה כסילים ירוע׃
Proverbs 23:17
17 אל יקנא לבך בחטאים כי אם ביראת יהוה כל היום׃
Proverbs 24:19
19 אל תתחר במרעים אל תקנא ברשׁעים׃
1 Samuel 23:9
9 וידע דוד כי עליו שׁאול מחרישׁ הרעה ויאמר אל אביתר הכהן הגישׁה האפוד׃
Esther 3:6-7
Job 15:35
35 הרה עמל וילד און ובטנם תכין מרמה׃
Psalms 7:14
14 (7:15) הנה יחבל און והרה עמל וילד שׁקר׃
Psalms 10:7
7 אלה פיהו מלא ומרמות ותך תחת לשׁונו עמל ואון׃
Psalms 28:3
3 אל תמשׁכני עם רשׁעים ועם פעלי און דברי שׁלום עם רעיהם ורעה בלבבם׃
Psalms 36:4
4 (36:5) און יחשׁב על משׁכבו יתיצב על דרך לא טוב רע לא ימאס׃
Psalms 64:4-6
Psalms 140:2
2 (140:3) אשׁר חשׁבו רעות בלב כל יום יגורו מלחמות׃
Proverbs 6:14
14 תהפכות בלבו חרשׁ רע בכל עת מדנים ישׁלח׃
Proverbs 24:8
8 מחשׁב להרע לו בעל מזמות יקראו׃
Isaiah 59:4
4 אין קרא בצדק ואין נשׁפט באמונה בטוח על תהו ודבר שׁוא הרו עמל והוליד און׃
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
2 Samuel 7:26
26 ויגדל שׁמך עד עולם לאמר יהוה צבאות אלהים על ישׂראל ובית עבדך דוד יהיה נכון לפניך׃
Proverbs 9:1
1 חכמות בנתה ביתה חצבה עמודיה שׁבעה׃
Proverbs 14:1
1 חכמות נשׁים בנתה ביתה ואולת בידיה תהרסנו׃
Jeremiah 10:12
12 עשׂה ארץ בכחו מכין תבל בחכמתו ובתבונתו נטה שׁמים׃
1 Kings 4:22-28
22 (5:2) ויהי לחם שׁלמה ליום אחד שׁלשׁים כר סלת ושׁשׁים כר קמח׃23 (5:3) עשׂרה בקר בראים ועשׂרים בקר רעי ומאה צאן לבד מאיל וצבי ויחמור וברברים אבוסים׃24 (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃25 (5:5) וישׁב יהודה וישׂראל לבטח אישׁ תחת גפנו ותחת תאנתו מדן ועד באר שׁבע כל ימי שׁלמה׃26 (5:6) ויהי לשׁלמה ארבעים אלף ארות סוסים למרכבו ושׁנים עשׂר אלף פרשׁים׃27 (5:7) וכלכלו הנצבים האלה את המלך שׁלמה ואת כל הקרב אל שׁלחן המלך שׁלמה אישׁ חדשׁו לא יעדרו דבר׃28 (5:8) והשׂערים והתבן לסוסים ולרכשׁ יבאו אל המקום אשׁר יהיה שׁם אישׁ כמשׁפטו׃
1 Chronicles 27:25-31
25 ועל אצרות המלך עזמות בן עדיאל ועל האצרות בשׂדה בערים ובכפרים ובמגדלות יהונתן בן עזיהו׃26 ועל עשׂי מלאכת השׂדה לעבדת האדמה עזרי בן כלוב׃27 ועל הכרמים שׁמעי הרמתי ועל שׁבכרמים לאצרות היין זבדי השׁפמי׃28 ועל הזיתים והשׁקמים אשׁר בשׁפלה בעל חנן הגדרי ועל אצרות השׁמן יועשׁ׃29 ועל הבקר הרעים בשׁרון שׁטרי השׁרוני ועל הבקר בעמקים שׁפט בן עדלי׃30 ועל הגמלים אוביל הישׁמעלי ועל האתנות יחדיהו המרנתי׃31 ועל הצאן יזיז ההגרי כל אלה שׂרי הרכושׁ אשׁר למלך דויד׃
1 Chronicles 29:2-9
2 וככל כחי הכינותי לבית אלהי הזהב לזהב והכסף לכסף והנחשׁת לנחשׁת הברזל לברזל והעצים לעצים אבני שׁהם ומלואים אבני פוך ורקמה וכל אבן יקרה ואבני שׁישׁ לרב׃3 ועוד ברצותי בבית אלהי ישׁ לי סגלה זהב וכסף נתתי לבית אלהי למעלה מכל הכינותי לבית הקדשׁ׃4 שׁלשׁת אלפים ככרי זהב מזהב אופיר ושׁבעת אלפים ככר כסף מזקק לטוח קירות הבתים׃5 לזהב לזהב ולכסף לכסף ולכל מלאכה ביד חרשׁים ומי מתנדב למלאות ידו היום ליהוה׃6 ויתנדבו שׂרי האבות ושׂרי שׁבטי ישׂראל ושׂרי האלפים והמאות ולשׂרי מלאכת המלך׃7 ויתנו לעבודת בית האלהים זהב ככרים חמשׁת אלפים ואדרכנים רבו וכסף ככרים עשׂרת אלפים ונחשׁת רבו ושׁמונת אלפים ככרים וברזל מאה אלף ככרים׃8 והנמצא אתו אבנים נתנו לאוצר בית יהוה על יד יחיאל הגרשׁני׃9 וישׂמחו העם על התנדבם כי בלב שׁלם התנדבו ליהוה וגם דויד המלך שׂמח שׂמחה גדולה׃
2 Chronicles 4:18-22
18 ויעשׂ שׁלמה כל הכלים האלה לרב מאד כי לא נחקר משׁקל הנחשׁת׃19 ויעשׂ שׁלמה את כל הכלים אשׁר בית האלהים ואת מזבח הזהב ואת השׁלחנות ועליהם לחם הפנים׃20 ואת המנרות ונרתיהם לבערם כמשׁפט לפני הדביר זהב סגור׃21 והפרח והנרות והמלקחים זהב הוא מכלות זהב׃22 והמזמרות והמזרקות והכפות והמחתות זהב סגור ופתח הבית דלתותיו הפנימיות לקדשׁ הקדשׁים ודלתי הבית להיכל זהב׃
2 Chronicles 26:4-11
4 ויעשׂ הישׁר בעיני יהוה ככל אשׁר עשׂה אמציהו אביו׃5 ויהי לדרשׁ אלהים בימי זכריהו המבין בראת האלהים ובימי דרשׁו את יהוה הצליחו האלהים׃6 ויצא וילחם בפלשׁתים ויפרץ את חומת גת ואת חומת יבנה ואת חומת אשׁדוד ויבנה ערים באשׁדוד ובפלשׁתים׃7 ויעזרהו האלהים על פלשׁתים ועל הערביים הישׁבים בגור בעל והמעונים׃8 ויתנו העמונים מנחה לעזיהו וילך שׁמו עד לבוא מצרים כי החזיק עד למעלה׃9 ויבן עזיהו מגדלים בירושׁלם על שׁער הפנה ועל שׁער הגיא ועל המקצוע ויחזקם׃10 ויבן מגדלים במדבר ויחצב ברות רבים כי מקנה רב היה לו ובשׁפלה ובמישׁור אכרים וכרמים בהרים ובכרמל כי אהב אדמה היה׃11 ויהי לעזיהו חיל עשׂה מלחמה יוצאי צבא לגדוד במספר פקדתם ביד יעואל הסופר ומעשׂיהו השׁוטר על יד חנניהו משׂרי המלך׃
Nehemiah 10:39
39 (10:40) כי אל הלשׁכות יביאו בני ישׂראל ובני הלוי את תרומת הדגן התירושׁ והיצהר ושׁם כלי המקדשׁ והכהנים המשׁרתים והשׁוערים והמשׁררים ולא נעזב את בית אלהינו׃
Nehemiah 13:5-13
5 ויעשׂ לו לשׁכה גדולה ושׁם היו לפנים נתנים את המנחה הלבונה והכלים ומעשׂר הדגן התירושׁ והיצהר מצות הלוים והמשׁררים והשׁערים ותרומת הכהנים׃6 ובכל זה לא הייתי בירושׁלם כי בשׁנת שׁלשׁים ושׁתים לארתחשׁסתא מלך בבל באתי אל המלך ולקץ ימים נשׁאלתי מן המלך׃7 ואבוא לירושׁלם ואבינה ברעה אשׁר עשׂה אלישׁיב לטוביה לעשׂות לו נשׁכה בחצרי בית האלהים׃8 וירע לי מאד ואשׁליכה את כל כלי בית טוביה החוץ מן הלשׁכה׃9 ואמרה ויטהרו הלשׁכות ואשׁיבה שׁם כלי בית האלהים את המנחה והלבונה׃10 ואדעה כי מניות הלוים לא נתנה ויברחו אישׁ לשׂדהו הלוים והמשׁררים עשׂי המלאכה׃11 ואריבה את הסגנים ואמרה מדוע נעזב בית האלהים ואקבצם ואעמדם על עמדם׃12 וכל יהודה הביאו מעשׂר הדגן והתירושׁ והיצהר לאוצרות׃13 ואוצרה על אוצרות שׁלמיה הכהן וצדוק הסופר ופדיה מן הלוים ועל ידם חנן בן זכור בן מתניה כי נאמנים נחשׁבו ועליהם לחלק לאחיהם׃
Proverbs 8:21
21 להנחיל אהבי ישׁ ואצרתיהם אמלא׃
Proverbs 15:6
6 בית צדיק חסן רב ובתבואת רשׁע נעכרת׃
Proverbs 20:15
15 ישׁ זהב ורב פנינים וכלי יקר שׂפתי דעת׃
Proverbs 21:20
20 אוצר נחמד ושׁמן בנוה חכם וכסיל אדם יבלענו׃
Proverbs 27:23-27
Psalms 84:7
7 (84:8) ילכו מחיל אל חיל יראה אל אלהים בציון׃
Proverbs 8:14
14 לי עצה ותושׁיה אני בינה לי גבורה׃
Proverbs 10:29
29 מעוז לתם דרך יהוה ומחתה לפעלי און׃
Proverbs 21:22
22 עיר גברים עלה חכם וירד עז מבטחה׃
Ecclesiastes 7:19
19 החכמה תעז לחכם מעשׂרה שׁליטים אשׁר היו בעיר׃
Ecclesiastes 9:14-18
14 עיר קטנה ואנשׁים בה מעט ובא אליה מלך גדול וסבב אתה ובנה עליה מצודים גדלים׃15 ומצא בה אישׁ מסכן חכם ומלט הוא את העיר בחכמתו ואדם לא זכר את האישׁ המסכן ההוא׃16 ואמרתי אני טובה חכמה מגבורה וחכמת המסכן בזויה ודבריו אינם נשׁמעים׃17 דברי חכמים בנחת נשׁמעים מזעקת מושׁל בכסילים׃18 טובה חכמה מכלי קרב וחוטא אחד יאבד טובה הרבה׃
Isaiah 40:31
31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃
Proverbs 11:14
14 באין תחבלות יפל עם ותשׁועה ברב יועץ׃
Proverbs 15:22
22 הפר מחשׁבות באין סוד וברב יועצים תקום׃
Proverbs 20:18
18 מחשׁבות בעצה תכון ובתחבלות עשׂה מלחמה׃
Job 5:4
4 ירחקו בניו מישׁע וידכאו בשׁער ואין מציל׃
Job 29:7-25
7 בצאתי שׁער עלי קרת ברחוב אכין מושׁבי׃8 ראוני נערים ונחבאו וישׁישׁים קמו עמדו׃9 שׂרים עצרו במלים וכף ישׂימו לפיהם׃10 קול נגידים נחבאו ולשׁונם לחכם דבקה׃11 כי אזן שׁמעה ותאשׁרני ועין ראתה ותעידני׃12 כי אמלט עני משׁוע ויתום ולא עזר׃13 ברכת אבד עלי תבא ולב אלמנה ארנן׃14 צדק לבשׁתי וילבשׁני כמעיל וצניף משׁפטי׃15 עינים הייתי לעור ורגלים לפסח אני׃16 אב אנכי לאביונים ורב לא ידעתי אחקרהו׃17 ואשׁברה מתלעות עול ומשׁניו אשׁליך טרף׃18 ואמר עם קני אגוע וכחול ארבה ימים׃19 שׁרשׁי פתוח אלי מים וטל ילין בקצירי׃20 כבודי חדשׁ עמדי וקשׁתי בידי תחליף׃21 לי שׁמעו ויחלו וידמו למו עצתי׃22 אחרי דברי לא ישׁנו ועלימו תטף מלתי׃23 ויחלו כמטר לי ופיהם פערו למלקושׁ׃24 אשׂחק אלהם לא יאמינו ואור פני לא יפילון׃25 אבחר דרכם ואשׁב ראשׁ ואשׁכון כמלך בגדוד כאשׁר אבלים ינחם׃
Job 31:21
21 אם הניפותי על יתום ידי כי אראה בשׁער עזרתי׃
Psalms 10:5
5 יחילו דרכו בכל עת מרום משׁפטיך מנגדו כל צורריו יפיח׃
Psalms 92:5-6
Proverbs 14:6
6 בקשׁ לץ חכמה ואין ודעת לנבון נקל׃
Proverbs 15:24
24 ארח חיים למעלה למשׂכיל למען סור משׁאול מטה׃
Proverbs 17:24
24 את פני מבין חכמה ועיני כסיל בקצה ארץ׃
Proverbs 22:22
22 אל תגזל דל כי דל הוא ואל תדכא עני בשׁער׃
Proverbs 31:8-9
Isaiah 29:21
21 מחטיאי אדם בדבר ולמוכיח בשׁער יקשׁון ויטו בתהו צדיק׃
Amos 5:10
10 שׂנאו בשׁער מוכיח ודבר תמים יתעבו׃
Amos 5:12
12 כי ידעתי רבים פשׁעיכם ועצמים חטאתיכם צררי צדיק לקחי כפר ואביונים בשׁער הטו׃
Amos 5:15
15 שׂנאו רע ואהבו טוב והציגו בשׁער משׁפט אולי יחנן יהוה אלהי צבאות שׁארית יוסף׃
1 Kings 2:44
44 ויאמר המלך אל שׁמעי אתה ידעת את כל הרעה אשׁר ידע לבבך אשׁר עשׂית לדוד אבי והשׁיב יהוה את רעתך בראשׁך׃
Psalms 21:11
11 (21:12) כי נטו עליך רעה חשׁבו מזמה בל יוכלו׃
Proverbs 6:18
18 לב חרשׁ מחשׁבות און רגלים ממהרות לרוץ לרעה׃
Proverbs 14:22
22 הלוא יתעו חרשׁי רע וחסד ואמת חרשׁי טוב׃
Proverbs 24:2
2 כי שׁד יהגה לבם ועמל שׂפתיהם תדברנה׃
Proverbs 24:9
9 זמת אולת חטאת ותועבת לאדם לץ׃
Isaiah 10:7-13
7 והוא לא כן ידמה ולבבו לא כן יחשׁב כי להשׁמיד בלבבו ולהכרית גוים לא מעט׃8 כי יאמר הלא שׂרי יחדו מלכים׃9 הלא ככרכמישׁ כלנו אם לא כארפד חמת אם לא כדמשׂק שׁמרון׃10 כאשׁר מצאה ידי לממלכת האליל ופסיליהם מירושׁלם ומשׁמרון׃11 הלא כאשׁר עשׂיתי לשׁמרון ולאליליה כן אעשׂה לירושׁלם ולעצביה׃12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃13 כי אמר בכח ידי עשׂיתי ובחכמתי כי נבנותי ואסיר גבולת עמים ועתידתיהם שׁושׂתי ואוריד כאביר יושׁבים׃
Isaiah 32:7
7 וכלי כליו רעים הוא זמות יעץ לחבל ענוים באמרי שׁקר ובדבר אביון משׁפט׃
Ezekiel 38:10-11
Nahum 1:11
11 ממך יצא חשׁב על יהוה רעה יעץ בליעל׃
Genesis 6:5
5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Genesis 8:21
21 וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשׁר עשׂיתי׃
Psalms 119:113
113 סעפים שׂנאתי ותורתך אהבתי׃
Proverbs 22:10
10 גרשׁ לץ ויצא מדון וישׁבת דין וקלון׃
Proverbs 23:7
7 כי כמו שׁער בנפשׁו כן הוא אכל ושׁתה יאמר לך ולבו בל עמך׃
Proverbs 29:8
8 אנשׁי לצון יפיחו קריה וחכמים ישׁיבו אף׃
Isaiah 55:7
7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃
Jeremiah 4:14
14 כבסי מרעה לבך ירושׁלם למען תושׁעי עד מתי תלין בקרבך מחשׁבות אונך׃
1 Samuel 27:1
1 ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃
Job 4:5
5 כי עתה תבוא אליך ותלא תגע עדיך ותבהל׃
Isaiah 40:28-31
Jeremiah 51:46
46 ופן ירך לבבכם ותיראו בשׁמועה הנשׁמעת בארץ ובא בשׁנה השׁמועה ואחריו בשׁנה השׁמועה וחמס בארץ ומשׁל על משׁל׃
1 Samuel 26:8-9
Job 29:17
17 ואשׁברה מתלעות עול ומשׁניו אשׁליך טרף׃
Psalms 82:4
4 פלטו דל ואביון מיד רשׁעים הצילו׃
Isaiah 58:6-7
1 Samuel 2:6
6 יהוה ממית ומחיה מוריד שׁאול ויעל׃
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
1 Samuel 25:29
29 ויקם אדם לרדפך ולבקשׁ את נפשׁך והיתה נפשׁ אדני צרורה בצרור החיים את יהוה אלהיך ואת נפשׁ איביך יקלענה בתוך כף הקלע׃
Job 34:11
11 כי פעל אדם ישׁלם לו וכארח אישׁ ימצאנו׃
Psalms 7:9
9 (7:10) יגמר נא רע רשׁעים ותכונן צדיק ובחן לבות וכליות אלהים צדיק׃
Psalms 17:3
3 בחנת לבי פקדת לילה צרפתני בל תמצא זמתי בל יעבר פי׃
Psalms 44:21
21 (44:22) הלא אלהים יחקר זאת כי הוא ידע תעלמות לב׃
Psalms 62:12
12 (62:13) ולך אדני חסד כי אתה תשׁלם לאישׁ כמעשׂהו׃
Psalms 66:9
9 השׂם נפשׁנו בחיים ולא נתן למוט רגלנו׃
Psalms 121:3
3 אל יתן למוט רגלך אל ינום שׁמרך׃
Psalms 121:8
8 יהוה ישׁמר צאתך ובואך מעתה ועד עולם׃
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 21:2
2 כל דרך אישׁ ישׁר בעיניו ותכן לבות יהוה׃
Ecclesiastes 5:8
8 (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Daniel 5:23
23 ועל מרא שׁמיא התרוממת ולמאניא די ביתה היתיו קדמיך ואנתה ורברבניך שׁגלתך ולחנתך חמרא שׁתין בהון ולאלהי כספא ודהבא נחשׁא פרזלא אעא ואבנא די לא חזין ולא שׁמעין ולא ידעין שׁבחת ולאלהא די נשׁמתך בידה וכל ארחתך לה לא הדרת׃
Psalms 19:10
10 (19:11) הנחמדים מזהב ומפז רב ומתוקים מדבשׁ ונפת צופים׃
Psalms 119:103
103 מה נמלצו לחכי אמרתך מדבשׁ לפי׃
Proverbs 25:16
16 דבשׁ מצאת אכל דיך פן תשׂבענו והקאתו׃
Proverbs 25:27
27 אכל דבשׁ הרבות לא טוב וחקר כבדם כבוד׃
Song of Songs 4:11
11 נפת תטפנה שׂפתותיך כלה דבשׁ וחלב תחת לשׁונך וריח שׂלמתיך כריח לבנון׃
Song of Songs 5:1
1 באתי לגני אחתי כלה אריתי מורי עם בשׂמי אכלתי יערי עם דבשׁי שׁתיתי ייני עם חלבי אכלו רעים שׁתו ושׁכרו דודים׃
Isaiah 7:15
15 חמאה ודבשׁ יאכל לדעתו מאוס ברע ובחור בטוב׃
Psalms 19:10-11
Psalms 119:111
111 נחלתי עדותיך לעולם כי שׂשׂון לבי המה׃
Proverbs 2:1-5
Proverbs 2:10
10 כי תבוא חכמה בלבך ודעת לנפשׁך ינעם׃
Proverbs 3:13-18
Proverbs 22:18
18 כי נעים כי תשׁמרם בבטנך יכנו יחדו על שׂפתיך׃
Proverbs 23:18
18 כי אם ישׁ אחרית ותקותך לא תכרת׃
Jeremiah 15:16
16 נמצאו דבריך ואכלם ויהי דבריך לי לשׂשׂון ולשׂמחת לבבי כי נקרא שׁמך עלי יהוה אלהי צבאות׃
1 Samuel 9:11
11 המה עלים במעלה העיר והמה מצאו נערות יצאות לשׁאב מים ויאמרו להן הישׁ בזה הראה׃
1 Samuel 22:18-19
1 Samuel 23:20-23
20 ועתה לכל אות נפשׁך המלך לרדת רד ולנו הסגירו ביד המלך׃21 ויאמר שׁאול ברוכים אתם ליהוה כי חמלתם עלי׃22 לכו נא הכינו עוד ודעו וראו את מקומו אשׁר תהיה רגלו מי ראהו שׁם כי אמר אלי ערום יערם הוא׃23 וראו ודעו מכל המחבאים אשׁר יתחבא שׁם ושׁבתם אלי אל נכון והלכתי אתכם והיה אם ישׁנו בארץ וחפשׂתי אתו בכל אלפי יהודה׃
Psalms 10:8-10
Psalms 37:32
32 צופה רשׁע לצדיק ומבקשׁ להמיתו׃
Psalms 56:6
6 (56:7) יגורו יצפינו המה עקבי ישׁמרו כאשׁר קוו נפשׁי׃
Psalms 59:3
3 (59:4) כי הנה ארבו לנפשׁי יגורו עלי עזים לא פשׁעי ולא חטאתי יהוה׃
Psalms 140:5
5 (140:6) טמנו גאים פח לי וחבלים פרשׂו רשׁת ליד מעגל מקשׁים שׁתו לי סלה׃
Proverbs 1:11
11 אם יאמרו לכה אתנו נארבה לדם נצפנה לנקי חנם׃
Proverbs 22:28
28 אל תסג גבול עולם אשׁר עשׂו אבותיך׃
Isaiah 32:18
18 וישׁב עמי בנוה שׁלום ובמשׁכנות מבטחים ובמנוחת שׁאננות׃
Jeremiah 11:19
19 ואני ככבשׂ אלוף יובל לטבוח ולא ידעתי כי עלי חשׁבו מחשׁבות נשׁחיתה עץ בלחמו ונכרתנו מארץ חיים ושׁמו לא יזכר עוד׃
1 Samuel 26:10
10 ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספה׃
1 Samuel 31:4
4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Job 5:19
19 בשׁשׁ צרות יצילך ובשׁבע לא יגע בך רע׃
Psalms 7:16
16 (7:17) ישׁוב עמלו בראשׁו ועל קדקדו חמסו ירד׃
Psalms 34:19
19 (34:20) רבות רעות צדיק ומכלם יצילנו יהוה׃
Psalms 37:24
24 כי יפל לא יוטל כי יהוה סומך ידו׃
Psalms 52:5
5 (52:7) גם אל יתצך לנצח יחתך ויסחך מאהל ושׁרשׁך מארץ חיים סלה׃
Proverbs 13:17
17 מלאך רשׁע יפל ברע וציר אמונים מרפא׃
Proverbs 14:32
32 ברעתו ידחה רשׁע וחסה במותו צדיק׃
Proverbs 28:14-18
Amos 5:2
2 נפלה לא תוסיף קום בתולת ישׂראל נטשׁה על אדמתה אין מקימה׃
Amos 8:14
14 הנשׁבעים באשׁמת שׁמרון ואמרו חי אלהיך דן וחי דרך באר שׁבע ונפלו ולא יקומו עוד׃
Micah 7:8-10
Judges 16:25
25 ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃
2 Samuel 16:5-14
5 ובא המלך דוד עד בחורים והנה משׁם אישׁ יוצא ממשׁפחת בית שׁאול ושׁמו שׁמעי בן גרא יצא יצוא ומקלל׃6 ויסקל באבנים את דוד ואת כל עבדי המלך דוד וכל העם וכל הגברים מימינו ומשׂמאלו׃7 וכה אמר שׁמעי בקללו צא צא אישׁ הדמים ואישׁ הבליעל׃8 השׁיב עליך יהוה כל דמי בית שׁאול אשׁר מלכת תחתו ויתן יהוה את המלוכה ביד אבשׁלום בנך והנך ברעתך כי אישׁ דמים אתה׃9 ויאמר אבישׁי בן צרויה אל המלך למה יקלל הכלב המת הזה את אדני המלך אעברה נא ואסירה את ראשׁו׃10 ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשׂיתה כן׃11 ויאמר דוד אל אבישׁי ואל כל עבדיו הנה בני אשׁר יצא ממעי מבקשׁ את נפשׁי ואף כי עתה בן הימיני הנחו לו ויקלל כי אמר לו יהוה׃12 אולי יראה יהוה בעוני והשׁיב יהוה לי טובה תחת קללתו היום הזה׃13 וילך דוד ואנשׁיו בדרך ושׁמעי הלך בצלע ההר לעמתו הלוך ויקלל ויסקל באבנים לעמתו ועפר בעפר׃14 ויבא המלך וכל העם אשׁר אתו עיפים וינפשׁ שׁם׃
Job 31:29
29 אם אשׂמח בפיד משׂנאי והתעררתי כי מצאו רע׃
Psalms 35:15
15 ובצלעי שׂמחו ונאספו נאספו עלי נכים ולא ידעתי קרעו ולא דמו׃
Psalms 35:19
19 אל ישׂמחו לי איבי שׁקר שׂנאי חנם יקרצו עין׃
Psalms 42:10
10 (42:11) ברצח בעצמותי חרפוני צוררי באמרם אלי כל היום איה אלהיך׃
Proverbs 17:5
5 לעג לרשׁ חרף עשׂהו שׂמח לאיד לא ינקה׃
Obadiah 1:12
12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃
Lamentations 4:21-22
Zechariah 1:15-16
Numbers 16:26
26 וידבר אל העדה לאמר סורו נא מעל אהלי האנשׁים הרשׁעים האלה ואל תגעו בכל אשׁר להם פן תספו בכל חטאתם׃
Psalms 1:1
1 אשׁרי האישׁ אשׁר לא הלך בעצת רשׁעים ובדרך חטאים לא עמד ובמושׁב לצים לא ישׁב׃
Psalms 26:4-5
Psalms 119:115
115 סורו ממני מרעים ואצרה מצות אלהי׃
Proverbs 24:1
1 אל תקנא באנשׁי רעה ואל תתאו להיות אתם׃
Job 18:5-6
Job 21:17
17 כמה נר רשׁעים ידעך ויבא עלימו אידם חבלים יחלק באפו׃
Psalms 9:17
17 (9:18) ישׁובו רשׁעים לשׁאולה כל גוים שׁכחי אלהים׃
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Proverbs 13:9
9 אור צדיקים ישׂמח ונר רשׁעים ידעך׃
Proverbs 20:20
20 מקלל אביו ואמו ידעך נרו באישׁון חשׁך׃
Isaiah 3:11
11 אוי לרשׁע רע כי גמול ידיו יעשׂה׃
Exodus 14:31
31 וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃
Numbers 16:1-3
1 Samuel 8:5-7
1 Samuel 12:12-19
12 ותראו כי נחשׁ מלך בני עמון בא עליכם ותאמרו לי לא כי מלך ימלך עלינו ויהוה אלהיכם מלככם׃13 ועתה הנה המלך אשׁר בחרתם אשׁר שׁאלתם והנה נתן יהוה עליכם מלך׃14 אם תיראו את יהוה ועבדתם אתו ושׁמעתם בקלו ולא תמרו את פי יהוה והיתם גם אתם וגם המלך אשׁר מלך עליכם אחר יהוה אלהיכם׃15 ואם לא תשׁמעו בקול יהוה ומריתם את פי יהוה והיתה יד יהוה בכם ובאבתיכם׃16 גם עתה התיצבו וראו את הדבר הגדול הזה אשׁר יהוה עשׂה לעיניכם׃17 הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשׁר עשׂיתם בעיני יהוה לשׁאול לכם מלך׃18 ויקרא שׁמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שׁמואל׃19 ויאמרו כל העם אל שׁמואל התפלל בעד עבדיך אל יהוה אלהיך ואל נמות כי יספנו על כל חטאתינו רעה לשׁאל לנו מלך׃
1 Samuel 24:6
6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃
2 Samuel 15:13-37
13 ויבא המגיד אל דוד לאמר היה לב אישׁ ישׂראל אחרי אבשׁלום׃14 ויאמר דוד לכל עבדיו אשׁר אתו בירושׁלם קומו ונברחה כי לא תהיה לנו פליטה מפני אבשׁלום מהרו ללכת פן ימהר והשׂגנו והדיח עלינו את הרעה והכה העיר לפי חרב׃15 ויאמרו עבדי המלך אל המלך ככל אשׁר יבחר אדני המלך הנה עבדיך׃16 ויצא המלך וכל ביתו ברגליו ויעזב המלך את עשׂר נשׁים פלגשׁים לשׁמר הבית׃17 ויצא המלך וכל העם ברגליו ויעמדו בית המרחק׃18 וכל עבדיו עברים על ידו וכל הכרתי וכל הפלתי וכל הגתים שׁשׁ מאות אישׁ אשׁר באו ברגלו מגת עברים על פני המלך׃19 ויאמר המלך אל אתי הגתי למה תלך גם אתה אתנו שׁוב ושׁב עם המלך כי נכרי אתה וגם גלה אתה למקומך׃20 תמול בואך והיום אנועך עמנו ללכת ואני הולך על אשׁר אני הולך שׁוב והשׁב את אחיך עמך חסד ואמת׃21 ויען אתי את המלך ויאמר חי יהוה וחי אדני המלך כי אם במקום אשׁר יהיה שׁם אדני המלך אם למות אם לחיים כי שׁם יהיה עבדך׃22 ויאמר דוד אל אתי לך ועבר ויעבר אתי הגתי וכל אנשׁיו וכל הטף אשׁר אתו׃23 וכל הארץ בוכים קול גדול וכל העם עברים והמלך עבר בנחל קדרון וכל העם עברים על פני דרך את המדבר׃24 והנה גם צדוק וכל הלוים אתו נשׂאים את ארון ברית האלהים ויצקו את ארון האלהים ויעל אביתר עד תם כל העם לעבור מן העיר׃25 ויאמר המלך לצדוק השׁב את ארון האלהים העיר אם אמצא חן בעיני יהוה והשׁבני והראני אתו ואת נוהו׃26 ואם כה יאמר לא חפצתי בך הנני יעשׂה לי כאשׁר טוב בעיניו׃27 ויאמר המלך אל צדוק הכהן הרואה אתה שׁבה העיר בשׁלום ואחימעץ בנך ויהונתן בן אביתר שׁני בניכם אתכם׃28 ראו אנכי מתמהמה בעברות המדבר עד בוא דבר מעמכם להגיד׃29 וישׁב צדוק ואביתר את ארון האלהים ירושׁלם וישׁבו שׁם׃30 ודוד עלה במעלה הזיתים עלה ובוכה וראשׁ לו חפוי והוא הלך יחף וכל העם אשׁר אתו חפו אישׁ ראשׁו ועלו עלה ובכה׃31 ודוד הגיד לאמר אחיתפל בקשׁרים עם אבשׁלום ויאמר דוד סכל נא את עצת אחיתפל יהוה׃32 ויהי דוד בא עד הראשׁ אשׁר ישׁתחוה שׁם לאלהים והנה לקראתו חושׁי הארכי קרוע כתנתו ואדמה על ראשׁו׃33 ויאמר לו דוד אם עברת אתי והית עלי למשׂא׃34 ואם העיר תשׁוב ואמרת לאבשׁלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃35 והלוא עמך שׁם צדוק ואביתר הכהנים והיה כל הדבר אשׁר תשׁמע מבית המלך תגיד לצדוק ולאביתר הכהנים׃36 הנה שׁם עמם שׁני בניהם אחימעץ לצדוק ויהונתן לאביתר ושׁלחתם בידם אלי כל דבר אשׁר תשׁמעו׃37 ויבא חושׁי רעה דוד העיר ואבשׁלם יבא ירושׁלם׃
1 Kings 12:16
16 וירא כל ישׂראל כי לא שׁמע המלך אליהם וישׁבו העם את המלך דבר לאמר מה לנו חלק בדוד ולא נחלה בבן ישׁי לאהליך ישׂראל עתה ראה ביתך דוד וילך ישׂראל לאהליו׃
Ecclesiastes 8:2-5
Numbers 16:31-35
31 ויהי ככלתו לדבר את כל הדברים האלה ותבקע האדמה אשׁר תחתיהם׃32 ותפתח הארץ את פיה ותבלע אתם ואת בתיהם ואת כל האדם אשׁר לקרח ואת כל הרכושׁ׃33 וירדו הם וכל אשׁר להם חיים שׁאלה ותכס עליהם הארץ ויאבדו מתוך הקהל׃34 וכל ישׂראל אשׁר סביבתיהם נסו לקלם כי אמרו פן תבלענו הארץ׃35 ואשׁ יצאה מאת יהוה ותאכל את החמשׁים ומאתים אישׁ מקריבי הקטרת׃
1 Samuel 31:1-7
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃2 וידבקו פלשׁתים את שׁאול ואת בניו ויכו פלשׁתים את יהונתן ואת אבינדב ואת מלכי שׁוע בני שׁאול׃3 ותכבד המלחמה אל שׁאול וימצאהו המורים אנשׁים בקשׁת ויחל מאד מהמורים׃4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃5 וירא נשׂא כליו כי מת שׁאול ויפל גם הוא על חרבו וימת עמו׃6 וימת שׁאול ושׁלשׁת בניו ונשׂא כליו גם כל אנשׁיו ביום ההוא יחדו׃7 ויראו אנשׁי ישׂראל אשׁר בעבר העמק ואשׁר בעבר הירדן כי נסו אנשׁי ישׂראל וכי מתו שׁאול ובניו ויעזבו את הערים וינסו ויבאו פלשׁתים וישׁבו׃
2 Samuel 18:7-8
2 Chronicles 13:16-17
Psalms 90:11
11 מי יודע עז אפך וכיראתך עברתך׃
Proverbs 16:14
14 חמת מלך מלאכי מות ואישׁ חכם יכפרנה׃
Proverbs 20:2
2 נהם ככפיר אימת מלך מתעברו חוטא נפשׁו׃
Hosea 5:11
11 עשׁוק אפרים רצוץ משׁפט כי הואיל הלך אחרי צו׃
Hosea 13:10-11
Leviticus 19:15
15 לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃
Deuteronomy 1:17
17 לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃
Deuteronomy 16:19
19 לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃
2 Chronicles 19:7
7 ועתה יהי פחד יהוה עליכם שׁמרו ועשׂו כי אין עם יהוה אלהינו עולה ומשׂא פנים ומקח שׁחד׃
Psalms 82:2-4
Psalms 107:43
43 מי חכם וישׁמר אלה ויתבוננו חסדי יהוה׃
Proverbs 1:6
6 להבין משׁל ומליצה דברי חכמים וחידתם׃
Proverbs 18:5
5 שׂאת פני רשׁע לא טוב להטות צדיק במשׁפט׃
Proverbs 22:17
17 הט אזנך ושׁמע דברי חכמים ולבך תשׁית לדעתי׃
Proverbs 28:21
21 הכר פנים לא טוב ועל פת לחם יפשׁע גבר׃
Ecclesiastes 8:1-5
1 מי כהחכם ומי יודע פשׁר דבר חכמת אדם תאיר פניו ועז פניו ישׁנא׃
Hosea 14:9
9 (14:10) מי חכם ויבן אלה נבון וידעם כי ישׁרים דרכי יהוה וצדקים ילכו בם ופשׁעים יכשׁלו׃
Exodus 23:6-7
Proverbs 11:26
26 מנע בר יקבהו לאום וברכה לראשׁ משׁביר׃
Proverbs 17:15
15 מצדיק רשׁע ומרשׁיע צדיק תועבת יהוה גם שׁניהם׃
Proverbs 28:27
27 נותן לרשׁ אין מחסור ומעלים עיניו רב מארות׃
Proverbs 30:10
10 אל תלשׁן עבד אל אדנו פן יקללך ואשׁמת׃
Isaiah 5:20
20 הוי האמרים לרע טוב ולטוב רע שׂמים חשׁך לאור ואור לחשׁך שׂמים מר למתוק ומתוק למר׃
Isaiah 5:23
23 מצדיקי רשׁע עקב שׁחד וצדקת צדיקים יסירו ממנו׃
Isaiah 66:24
24 ויצאו וראו בפגרי האנשׁים הפשׁעים בי כי תולעתם לא תמות ואשׁם לא תכבה והיו דראון לכל בשׂר׃
Jeremiah 6:13-14
Jeremiah 8:10-11
Ezekiel 13:22
22 יען הכאות לב צדיק שׁקר ואני לא הכאבתיו ולחזק ידי רשׁע לבלתי שׁוב מדרכו הרע להחיתו׃
Leviticus 19:17
17 לא תשׂנא את אחיך בלבבך הוכח תוכיח את עמיתך ולא תשׂא עליו חטא׃
1 Samuel 3:13
13 והגדתי לו כי שׁפט אני את ביתו עד עולם בעון אשׁר ידע כי מקללים להם בניו ולא כהה׃
1 Kings 21:19-20
Nehemiah 5:7-9
Nehemiah 13:8-11
Nehemiah 13:17
17 ואריבה את חרי יהודה ואמרה להם מה הדבר הרע הזה אשׁר אתם עשׂים ומחללים את יום השׁבת׃
Nehemiah 13:25
25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃
Nehemiah 13:28
28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃
Job 29:16-18
Proverbs 28:23
23 מוכיח אדם אחרי חן ימצא ממחליק לשׁון׃
Genesis 41:38-57
38 ויאמר פרעה אל עבדיו הנמצא כזה אישׁ אשׁר רוח אלהים׃39 ויאמר פרעה אל יוסף אחרי הודיע אלהים אותך את כל זאת אין נבון וחכם כמוך׃40 אתה תהיה על ביתי ועל פיך ישׁק כל עמי רק הכסא אגדל ממך׃41 ויאמר פרעה אל יוסף ראה נתתי אתך על כל ארץ מצרים׃42 ויסר פרעה את טבעתו מעל ידו ויתן אתה על יד יוסף וילבשׁ אתו בגדי שׁשׁ וישׂם רבד הזהב על צוארו׃43 וירכב אתו במרכבת המשׁנה אשׁר לו ויקראו לפניו אברך ונתון אתו על כל ארץ מצרים׃44 ויאמר פרעה אל יוסף אני פרעה ובלעדיך לא ירים אישׁ את ידו ואת רגלו בכל ארץ מצרים׃45 ויקרא פרעה שׁם יוסף צפנת פענח ויתן לו את אסנת בת פוטי פרע כהן אן לאשׁה ויצא יוסף על ארץ מצרים׃46 ויוסף בן שׁלשׁים שׁנה בעמדו לפני פרעה מלך מצרים ויצא יוסף מלפני פרעה ויעבר בכל ארץ מצרים׃47 ותעשׂ הארץ בשׁבע שׁני השׂבע לקמצים׃48 ויקבץ את כל אכל שׁבע שׁנים אשׁר היו בארץ מצרים ויתן אכל בערים אכל שׂדה העיר אשׁר סביבתיה נתן בתוכה׃49 ויצבר יוסף בר כחול הים הרבה מאד עד כי חדל לספר כי אין מספר׃50 וליוסף ילד שׁני בנים בטרם תבוא שׁנת הרעב אשׁר ילדה לו אסנת בת פוטי פרע כהן און׃51 ויקרא יוסף את שׁם הבכור מנשׁה כי נשׁני אלהים את כל עמלי ואת כל בית אבי׃52 ואת שׁם השׁני קרא אפרים כי הפרני אלהים בארץ עניי׃53 ותכלינה שׁבע שׁני השׂבע אשׁר היה בארץ מצרים׃54 ותחלינה שׁבע שׁני הרעב לבוא כאשׁר אמר יוסף ויהי רעב בכל הארצות ובכל ארץ מצרים היה לחם׃55 ותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף אשׁר יאמר לכם תעשׂו׃56 והרעב היה על כל פני הארץ ויפתח יוסף את כל אשׁר בהם וישׁבר למצרים ויחזק הרעב בארץ מצרים׃57 וכל הארץ באו מצרימה לשׁבר אל יוסף כי חזק הרעב בכל הארץ׃
Job 6:25
25 מה נמרצו אמרי ישׁר ומה יוכיח הוכח מכם׃
Proverbs 15:23
23 שׂמחה לאישׁ במענה פיו ודבר בעתו מה טוב׃
Proverbs 16:1
1 לאדם מערכי לב ומיהוה מענה לשׁון׃
Proverbs 25:11-12
Daniel 2:46-48
1 Kings 5:17-18
1 Kings 6:7
7 והבית בהבנתו אבן שׁלמה מסע נבנה ומקבות והגרזן כל כלי ברזל לא נשׁמע בבית בהבנתו׃
Exodus 20:16
16 לא תענה ברעך עד שׁקר׃
Exodus 23:1
1 לא תשׂא שׁמע שׁוא אל תשׁת ידך עם רשׁע להית עד חמס׃
1 Samuel 22:9-10
1 Kings 21:9-13
9 ותכתב בספרים לאמר קראו צום והושׁיבו את נבות בראשׁ העם׃10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃11 ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃12 קראו צום והשׁיבו את נבות בראשׁ העם׃13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃
Job 2:3
3 ויאמר יהוה אל השׂטן השׂמת לבך אל עבדי איוב כי אין כמהו בארץ אישׁ תם וישׁר ירא אלהים וסר מרע ועדנו מחזיק בתמתו ותסיתני בו לבלעו חנם׃
Psalms 35:7
7 כי חנם טמנו לי שׁחת רשׁתם חנם חפרו לנפשׁי׃
Psalms 35:11
11 יקומון עדי חמס אשׁר לא ידעתי ישׁאלוני׃
Psalms 52:1
1 למנצח משׂכיל לדוד׃ (52:2) בבוא דואג האדמי ויגד לשׁאול ויאמר לו בא דוד אל בית אחימלך׃ (52:3) מה תתהלל ברעה הגבור חסד אל כל היום׃
Proverbs 14:5
5 עד אמונים לא יכזב ויפיח כזבים עד שׁקר׃
Proverbs 19:5
5 עד שׁקרים לא ינקה ויפיח כזבים לא ימלט׃
Proverbs 19:9
9 עד שׁקרים לא ינקה ויפיח כזבים יאבד׃
Proverbs 21:28
28 עד כזבים יאבד ואישׁ שׁומע לנצח ידבר׃
Proverbs 25:18
18 מפיץ וחרב וחץ שׁנון אישׁ ענה ברעהו עד שׁקר׃
Judges 15:11
11 וירדו שׁלשׁת אלפים אישׁ מיהודה אל סעיף סלע עיטם ויאמרו לשׁמשׁון הלא ידעת כי משׁלים בנו פלשׁתים ומה זאת עשׂית לנו ויאמר להם כאשׁר עשׂו לי כן עשׂיתי׃
2 Samuel 13:22-28
22 ולא דבר אבשׁלום עם אמנון למרע ועד טוב כי שׂנא אבשׁלום את אמנון על דבר אשׁר ענה את תמר אחתו׃23 ויהי לשׁנתים ימים ויהיו גזזים לאבשׁלום בבעל חצור אשׁר עם אפרים ויקרא אבשׁלום לכל בני המלך׃24 ויבא אבשׁלום אל המלך ויאמר הנה נא גזזים לעבדך ילך נא המלך ועבדיו עם עבדך׃25 ויאמר המלך אל אבשׁלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃26 ויאמר אבשׁלום ולא ילך נא אתנו אמנון אחי ויאמר לו המלך למה ילך עמך׃27 ויפרץ בו אבשׁלום וישׁלח אתו את אמנון ואת כל בני המלך׃28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
Proverbs 20:22
22 אל תאמר אשׁלמה רע קוה ליהוה וישׁע׃
Proverbs 25:21-22
Job 4:8
8 כאשׁר ראיתי חרשׁי און וזרעי עמל יקצרהו׃
Job 5:27
27 הנה זאת חקרנוה כן היא שׁמענה ואתה דע׃
Job 15:17
17 אחוך שׁמע לי וזה חזיתי ואספרה׃
Psalms 37:25
25 נער הייתי גם זקנתי ולא ראיתי צדיק נעזב וזרעו מבקשׁ לחם׃
Psalms 107:42
42 יראו ישׁרים וישׂמחו וכל עולה קפצה פיה׃
Proverbs 6:6-19
6 לך אל נמלה עצל ראה דרכיה וחכם׃7 אשׁר אין לה קצין שׁטר ומשׁל׃8 תכין בקיץ לחמה אגרה בקציר מאכלה׃9 עד מתי עצל תשׁכב מתי תקום משׁנתך׃10 מעט שׁנות מעט תנומות מעט חבק ידים לשׁכב׃11 ובא כמהלך ראשׁך ומחסרך כאישׁ מגן׃12 אדם בליעל אישׁ און הולך עקשׁות פה׃13 קרץ בעינו מלל ברגלו מרה באצבעתיו׃14 תהפכות בלבו חרשׁ רע בכל עת מדנים ישׁלח׃15 על כן פתאם יבוא אידו פתע ישׁבר ואין מרפא׃16 שׁשׁ הנה שׂנא יהוה ושׁבע תועבות נפשׁו׃17 עינים רמות לשׁון שׁקר וידים שׁפכות דם נקי׃18 לב חרשׁ מחשׁבות און רגלים ממהרות לרוץ לרעה׃19 יפיח כזבים עד שׁקר ומשׁלח מדנים בין אחים׃
Proverbs 6:32
32 נאף אשׁה חסר לב משׁחית נפשׁו הוא יעשׂנה׃
Proverbs 10:13
13 בשׂפתי נבון תמצא חכמה ושׁבט לגו חסר לב׃
Proverbs 12:11
11 עבד אדמתו ישׂבע לחם ומרדף ריקים חסר לב׃
Ecclesiastes 4:1-8
1 ושׁבתי אני ואראה את כל העשׁקים אשׁר נעשׂים תחת השׁמשׁ והנה דמעת העשׁקים ואין להם מנחם ומיד עשׁקיהם כח ואין להם מנחם׃2 ושׁבח אני את המתים שׁכבר מתו מן החיים אשׁר המה חיים עדנה׃3 וטוב משׁניהם את אשׁר עדן לא היה אשׁר לא ראה את המעשׂה הרע אשׁר נעשׂה תחת השׁמשׁ׃4 וראיתי אני את כל עמל ואת כל כשׁרון המעשׂה כי היא קנאת אישׁ מרעהו גם זה הבל ורעות רוח׃5 הכסיל חבק את ידיו ואכל את בשׂרו׃6 טוב מלא כף נחת ממלא חפנים עמל ורעות רוח׃7 ושׁבתי אני ואראה הבל תחת השׁמשׁ׃8 ישׁ אחד ואין שׁני גם בן ואח אין לו ואין קץ לכל עמלו גם עיניו לא תשׂבע עשׁר ולמי אני עמל ומחסר את נפשׁי מטובה גם זה הבל וענין רע הוא׃
Ecclesiastes 7:15
15 את הכל ראיתי בימי הבלי ישׁ צדיק אבד בצדקו וישׁ רשׁע מאריך ברעתו׃
Ecclesiastes 8:9-11
Genesis 3:17-19
Job 31:40
40 תחת חטה יצא חוח ותחת שׂערה באשׁה תמו דברי איוב׃
Proverbs 19:23
23 יראת יהוה לחיים ושׂבע ילין בל יפקד רע׃
Proverbs 20:4
4 מחרף עצל לא יחרשׁ ישׁאל בקציר ואין׃
Proverbs 22:13
13 אמר עצל ארי בחוץ בתוך רחבות ארצח׃
Proverbs 23:21
21 כי סבא וזולל יורשׁ וקרעים תלבישׁ נומה׃
Ecclesiastes 10:18
18 בעצלתים ימך המקרה ובשׁפלות ידים ידלף הבית׃
Isaiah 5:5
5 ועתה אודיעה נא אתכם את אשׁר אני עשׂה לכרמי הסר משׂוכתו והיה לבער פרץ גדרו והיה למרמס׃
Jeremiah 4:3
3 כי כה אמר יהוה לאישׁ יהודה ולירושׁלם נירו לכם ניר ואל תזרעו אל קוצים׃
Deuteronomy 13:11
11 (13:12) וכל ישׂראל ישׁמעו ויראון ולא יוספו לעשׂות כדבר הרע הזה בקרבך׃
Deuteronomy 21:21
21 ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃
Deuteronomy 32:29
29 לו חכמו ישׂכילו זאת יבינו לאחריתם׃
Job 7:17
17 מה אנושׁ כי תגדלנו וכי תשׁית אליו לבך׃
Psalms 4:4
4 (4:5) רגזו ואל תחטאו אמרו בלבבכם על משׁכבכם ודמו סלה׃
Proverbs 6:4-11
Proverbs 10:4
4 ראשׁ עשׂה כף רמיה ויד חרוצים תעשׁיר׃
Proverbs 13:4
4 מתאוה ואין נפשׁו עצל ונפשׁ חרצים תדשׁן׃