1 כי תשׁב ללחום את מושׁל בין תבין את אשׁר לפניך׃2 ושׂמת שׂכין בלעך אם בעל נפשׁ אתה׃3 אל תתאו למטעמותיו והוא לחם כזבים׃4 אל תיגע להעשׁיר מבינתך חדל׃5 התעוף עיניך בו ואיננו כי עשׂה יעשׂה לו כנפים כנשׁר ועיף השׁמים׃6 אל תלחם את לחם רע עין ואל תתאו למטעמתיו׃7 כי כמו שׁער בנפשׁו כן הוא אכל ושׁתה יאמר לך ולבו בל עמך׃8 פתך אכלת תקיאנה ושׁחת דבריך הנעימים׃9 באזני כסיל אל תדבר כי יבוז לשׂכל מליך׃10 אל תסג גבול עולם ובשׂדי יתומים אל תבא׃11 כי גאלם חזק הוא יריב את ריבם אתך׃12 הביאה למוסר לבך ואזנך לאמרי דעת׃13 אל תמנע מנער מוסר כי תכנו בשׁבט לא ימות׃14 אתה בשׁבט תכנו ונפשׁו משׁאול תציל׃15 בני אם חכם לבך ישׂמח לבי גם אני׃16 ותעלזנה כליותי בדבר שׂפתיך מישׁרים׃17 אל יקנא לבך בחטאים כי אם ביראת יהוה כל היום׃18 כי אם ישׁ אחרית ותקותך לא תכרת׃19 שׁמע אתה בני וחכם ואשׁר בדרך לבך׃20 אל תהי בסבאי יין בזללי בשׂר׃21 כי סבא וזולל יורשׁ וקרעים תלבישׁ נומה׃22 שׁמע לאביך זה ילדך ואל תבוז כי זקנה אמך׃23 אמת קנה ואל תמכר חכמה ומוסר ובינה׃24 גול יגול אבי צדיק יולד חכם וישׂמח בו׃25 ישׂמח אביך ואמך ותגל יולדתך׃26 תנה בני לבך לי ועיניך דרכי תרצנה׃27 כי שׁוחה עמקה זונה ובאר צרה נכריה׃28 אף היא כחתף תארב ובוגדים באדם תוסף׃29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃34 והיית כשׁכב בלב ים וכשׁכב בראשׁ חבל׃35 הכוני בל חליתי הלמוני בל ידעתי מתי אקיץ אוסיף אבקשׁנו עוד׃
Proverbs 23 Cross References - HOT
Genesis 43:32-34
Psalms 141:4
4 אל תט לבי לדבר רע להתעולל עללות ברשׁע את אישׁים פעלי און ובל אלחם במנעמיהם׃
Proverbs 23:6
6 אל תלחם את לחם רע עין ואל תתאו למטעמתיו׃
Daniel 1:8
8 וישׂם דניאל על לבו אשׁר לא יתגאל בפתבג המלך וביין משׁתיו ויבקשׁ משׂר הסריסים אשׁר לא יתגאל׃
Proverbs 3:5
5 בטח אל יהוה בכל לבך ואל בינתך אל תשׁען׃
Proverbs 3:7
7 אל תהי חכם בעיניך ירא את יהוה וסור מרע׃
Proverbs 15:27
27 עכר ביתו בוצע בצע ושׂונא מתנת יחיה׃
Proverbs 26:12
12 ראית אישׁ חכם בעיניו תקוה לכסיל ממנו׃
Proverbs 28:20
20 אישׁ אמונות רב ברכות ואץ להעשׁיר לא ינקה׃
Isaiah 5:21
21 הוי חכמים בעיניהם ונגד פניהם נבנים׃
Genesis 42:36
36 ויאמר אלהם יעקב אביהם אתי שׁכלתם יוסף איננו ושׁמעון איננו ואת בנימן תקחו עלי היו כלנה׃
Job 1:14-17
14 ומלאך בא אל איוב ויאמר הבקר היו חרשׁות והאתנות רעות על ידיהם׃15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃16 עוד זה מדבר וזה בא ויאמר אשׁ אלהים נפלה מן השׁמים ותבער בצאן ובנערים ותאכלם ואמלטה רק אני לבדי להגיד׃17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃
Psalms 39:6
6 (39:7) אך בצלם יתהלך אישׁ אך הבל יהמיון יצבר ולא ידע מי אספם׃
Psalms 119:36-37
Proverbs 27:24
24 כי לא לעולם חסן ואם נזר לדור דור׃
Ecclesiastes 1:2
2 הבל הבלים אמר קהלת הבל הבלים הכל הבל׃
Ecclesiastes 5:13-14
Ecclesiastes 12:8
8 הבל הבלים אמר הקוהלת הכל הבל׃
Isaiah 55:2
2 למה תשׁקלו כסף בלוא לחם ויגיעכם בלוא לשׂבעה שׁמעו שׁמוע אלי ואכלו טוב ותתענג בדשׁן נפשׁכם׃
Jeremiah 22:17
17 כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃
Deuteronomy 15:9
9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃
Deuteronomy 28:56
56 הרכה בך והענגה אשׁר לא נסתה כף רגלה הצג על הארץ מהתענג ומרך תרע עינה באישׁ חיקה ובבנה ובבתה׃
Proverbs 22:9
9 טוב עין הוא יברך כי נתן מלחמו לדל׃
Proverbs 23:3
3 אל תתאו למטעמותיו והוא לחם כזבים׃
Proverbs 28:22
22 נבהל להון אישׁ רע עין ולא ידע כי חסר יבאנו׃
Daniel 1:8-10
Judges 16:15
15 ותאמר אליו איך תאמר אהבתיך ולבך אין אתי זה שׁלשׁ פעמים התלת בי ולא הגדת לי במה כחך גדול׃
2 Samuel 13:26-28
Psalms 12:2
2 (12:3) שׁוא ידברו אישׁ את רעהו שׂפת חלקות בלב ולב ידברו׃
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Proverbs 19:22
22 תאות אדם חסדו וטוב רשׁ מאישׁ כזב׃
Daniel 11:27
27 ושׁניהם המלכים לבבם למרע ועל שׁלחן אחד כזב ידברו ולא תצלח כי עוד קץ למועד׃
Proverbs 1:7
7 יראת יהוה ראשׁית דעת חכמה ומוסר אוילים בזו׃
Proverbs 9:7-8
Proverbs 26:4-5
Isaiah 36:21
21 ויחרישׁו ולא ענו אתו דבר כי מצות המלך היא לאמר לא תענהו׃
Deuteronomy 19:14
14 לא תסיג גבול רעך אשׁר גבלו ראשׁנים בנחלתך אשׁר תנחל בארץ אשׁר יהוה אלהיך נתן לך לרשׁתה׃
Deuteronomy 27:17
17 ארור מסיג גבול רעהו ואמר כל העם אמן׃
Job 6:27
27 אף על יתום תפילו ותכרו על ריעכם׃
Job 22:9
9 אלמנות שׁלחת ריקם וזרעות יתמים ידכא׃
Job 24:2-3
Job 24:9
9 יגזלו משׁד יתום ועל עני יחבלו׃
Job 31:21-23
Psalms 94:6
6 אלמנה וגר יהרגו ויתומים ירצחו׃
Proverbs 22:28
28 אל תסג גבול עולם אשׁר עשׂו אבותיך׃
Jeremiah 7:5
5 כי אם היטיב תיטיבו את דרכיכם ואת מעלליכם אם עשׂו תעשׂו משׁפט בין אישׁ ובין רעהו׃
Jeremiah 22:3
3 כה אמר יהוה עשׂו משׁפט וצדקה והצילו גזול מיד עשׁוק וגר יתום ואלמנה אל תנו אל תחמסו ודם נקי אל תשׁפכו במקום הזה׃
Zechariah 7:10
10 ואלמנה ויתום גר ועני אל תעשׁקו ורעת אישׁ אחיו אל תחשׁבו בלבבכם׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Exodus 22:22-24
Deuteronomy 27:19
19 ארור מטה משׁפט גר יתום ואלמנה ואמר כל העם אמן׃
Job 19:25
25 ואני ידעתי גאלי חי ואחרון על עפר יקום׃
Psalms 12:5
5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃
Proverbs 22:23
23 כי יהוה יריב ריבם וקבע את קבעיהם נפשׁ׃
Jeremiah 50:33-34
Jeremiah 51:36
36 לכן כה אמר יהוה הנני רב את ריבך ונקמתי את נקמתך והחרבתי את ימה והבשׁתי את מקורה׃
Proverbs 2:2-6
Proverbs 5:1-2
Proverbs 22:17
17 הט אזנך ושׁמע דברי חכמים ולבך תשׁית לדעתי׃
Proverbs 23:19
19 שׁמע אתה בני וחכם ואשׁר בדרך לבך׃
Ezekiel 33:31
31 ויבואו אליך כמבוא עם וישׁבו לפניך עמי ושׁמעו את דבריך ואותם לא יעשׂו כי עגבים בפיהם המה עשׂים אחרי בצעם לבם הלך׃
Proverbs 13:24
24 חושׂך שׁבטו שׂונא בנו ואהבו שׁחרו מוסר׃
Proverbs 19:18
18 יסר בנך כי ישׁ תקוה ואל המיתו אל תשׂא נפשׁך׃
Proverbs 29:15
15 שׁבט ותוכחת יתן חכמה ונער משׁלח מבישׁ אמו׃
Proverbs 29:17
17 יסר בנך ויניחך ויתן מעדנים לנפשׁך׃
Proverbs 22:15
15 אולת קשׁורה בלב נער שׁבט מוסר ירחיקנה ממנו׃
Proverbs 1:10
10 בני אם יפתוך חטאים אל תבא׃
Proverbs 2:1
1 בני אם תקח אמרי ומצותי תצפן אתך׃
Proverbs 4:1
1 שׁמעו בנים מוסר אב והקשׁיבו לדעת בינה׃
Proverbs 10:1
1 משׁלי שׁלמה בן חכם ישׂמח אב ובן כסיל תוגת אמו׃
Proverbs 15:20
20 בן חכם ישׂמח אב וכסיל אדם בוזה אמו׃
Proverbs 23:24-25
Proverbs 29:3
3 אישׁ אהב חכמה ישׂמח אביו ורעה זונות יאבד הון׃
Jeremiah 32:41
41 ושׂשׂתי עליהם להטיב אותם ונטעתים בארץ הזאת באמת בכל לבי ובכל נפשׁי׃
Zephaniah 3:17
17 יהוה אלהיך בקרבך גבור יושׁיע ישׂישׂ עליך בשׂמחה יחרישׁ באהבתו יגיל עליך ברנה׃
Proverbs 8:6
6 שׁמעו כי נגידים אדבר ומפתח שׂפתי מישׁרים׃
Psalms 37:1-3
Psalms 73:3-7
Psalms 111:10-112:1
10 ראשׁית חכמה יראת יהוה שׂכל טוב לכל עשׂיהם תהלתו עמדת לעד׃
Proverbs 3:31
31 אל תקנא באישׁ חמס ואל תבחר בכל דרכיו׃
Proverbs 15:16
16 טוב מעט ביראת יהוה מאוצר רב ומהומה׃
Proverbs 24:1
1 אל תקנא באנשׁי רעה ואל תתאו להיות אתם׃
Proverbs 28:14
14 אשׁרי אדם מפחד תמיד ומקשׁה לבו יפול ברעה׃
Ecclesiastes 5:7
7 (5:6) כי ברב חלמות והבלים ודברים הרבה כי את האלהים ירא׃
Ecclesiastes 12:13-14
Psalms 9:18
18 (9:19) כי לא לנצח ישׁכח אביון תקות ענוים תאבד לעד׃
Psalms 37:37
37 שׁמר תם וראה ישׁר כי אחרית לאישׁ שׁלום׃
Proverbs 24:14
14 כן דעה חכמה לנפשׁך אם מצאת וישׁ אחרית ותקותך לא תכרת׃
Proverbs 24:20
20 כי לא תהיה אחרית לרע נר רשׁעים ידעך׃
Jeremiah 29:11
11 כי אנכי ידעתי את המחשׁבת אשׁר אנכי חשׁב עליכם נאם יהוה מחשׁבות שׁלום ולא לרעה לתת לכם אחרית ותקוה׃
Proverbs 4:10-23
10 שׁמע בני וקח אמרי וירבו לך שׁנות חיים׃11 בדרך חכמה הרתיך הדרכתיך במעגלי ישׁר׃12 בלכתך לא יצר צעדך ואם תרוץ לא תכשׁל׃13 החזק במוסר אל תרף נצרה כי היא חייך׃14 בארח רשׁעים אל תבא ואל תאשׁר בדרך רעים׃15 פרעהו אל תעבר בו שׂטה מעליו ועבור׃16 כי לא ישׁנו אם לא ירעו ונגזלה שׁנתם אם לא יכשׁולו׃17 כי לחמו לחם רשׁע ויין חמסים ישׁתו׃18 וארח צדיקים כאור נגה הולך ואור עד נכון היום׃19 דרך רשׁעים כאפלה לא ידעו במה יכשׁלו׃20 בני לדברי הקשׁיבה לאמרי הט אזנך׃21 אל יליזו מעיניך שׁמרם בתוך לבבך׃22 כי חיים הם למצאיהם ולכל בשׂרו מרפא׃23 מכל משׁמר נצר לבך כי ממנו תוצאות חיים׃
Proverbs 6:6
6 לך אל נמלה עצל ראה דרכיה וחכם׃
Proverbs 9:6
6 עזבו פתאים וחיו ואשׁרו בדרך בינה׃
Proverbs 23:12
12 הביאה למוסר לבך ואזנך לאמרי דעת׃
Proverbs 23:26
26 תנה בני לבך לי ועיניך דרכי תרצנה׃
Proverbs 20:1
1 לץ היין המה שׁכר וכל שׁגה בו לא יחכם׃
Proverbs 23:29-35
29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃34 והיית כשׁכב בלב ים וכשׁכב בראשׁ חבל׃35 הכוני בל חליתי הלמוני בל ידעתי מתי אקיץ אוסיף אבקשׁנו עוד׃
Proverbs 28:7
7 נוצר תורה בן מבין ורעה זוללים יכלים אביו׃
Proverbs 31:6-7
Isaiah 5:11
11 הוי משׁכימי בבקר שׁכר ירדפו מאחרי בנשׁף יין ידליקם׃
Isaiah 5:22
22 הוי גבורים לשׁתות יין ואנשׁי חיל למסך שׁכר׃
Isaiah 22:13
13 והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃
Deuteronomy 21:20
20 ואמרו אל זקני עירו בננו זה סורר ומרה איננו שׁמע בקלנו זולל וסבא׃
Proverbs 6:9-11
Proverbs 19:15
15 עצלה תפיל תרדמה ונפשׁ רמיה תרעב׃
Proverbs 21:17
17 אישׁ מחסור אהב שׂמחה אהב יין ושׁמן לא יעשׁיר׃
Proverbs 24:30-34
Isaiah 28:1-3
Joel 1:5
5 הקיצו שׁכורים ובכו והיללו כל שׁתי יין על עסיס כי נכרת מפיכם׃
Leviticus 19:3
3 אישׁ אמו ואביו תיראו ואת שׁבתתי תשׁמרו אני יהוה אלהיכם׃
Deuteronomy 21:18-21
Deuteronomy 27:16
16 ארור מקלה אביו ואמו ואמר כל העם אמן׃
Proverbs 1:8
8 שׁמע בני מוסר אביך ואל תטשׁ תורת אמך׃
Proverbs 6:20
20 נצר בני מצות אביך ואל תטשׁ תורת אמך׃
Proverbs 30:11
11 דור אביו יקלל ואת אמו לא יברך׃
Proverbs 30:17
17 עין תלעג לאב ותבוז ליקהת אם יקרוה ערבי נחל ויאכלוה בני נשׁר׃
Job 28:12-19
12 והחכמה מאין תמצא ואי זה מקום בינה׃13 לא ידע אנושׁ ערכה ולא תמצא בארץ החיים׃14 תהום אמר לא בי היא וים אמר אין עמדי׃15 לא יתן סגור תחתיה ולא ישׁקל כסף מחירה׃16 לא תסלה בכתם אופיר בשׁהם יקר וספיר׃17 לא יערכנה זהב וזכוכית ותמורתה כלי פז׃18 ראמות וגבישׁ לא יזכר ומשׁך חכמה מפנינים׃19 לא יערכנה פטדת כושׁ בכתם טהור לא תסלה׃
Psalms 119:72
72 טוב לי תורת פיך מאלפי זהב וכסף׃
Psalms 119:127
127 על כן אהבתי מצותיך מזהב ומפז׃
Proverbs 2:2-4
Proverbs 4:5-7
Proverbs 16:16
16 קנה חכמה מה טוב מחרוץ וקנות בינה נבחר מכסף׃
Proverbs 17:16
16 למה זה מחיר ביד כסיל לקנות חכמה ולב אין׃
Proverbs 18:15
15 לב נבון יקנה דעת ואזן חכמים תבקשׁ דעת׃
Isaiah 55:1
1 הוי כל צמא לכו למים ואשׁר אין לו כסף לכו שׁברו ואכלו ולכו שׁברו בלוא כסף ובלוא מחיר יין וחלב׃
1 Kings 1:48
48 וגם ככה אמר המלך ברוך יהוה אלהי ישׂראל אשׁר נתן היום ישׁב על כסאי ועיני ראות׃
1 Kings 2:1-3
1 Kings 2:9
9 ועתה אל תנקהו כי אישׁ חכם אתה וידעת את אשׁר תעשׂה לו והורדת את שׂיבתו בדם שׁאול׃
Proverbs 23:15-16
Ecclesiastes 2:19
19 ומי יודע החכם יהיה או סכל וישׁלט בכל עמלי שׁעמלתי ושׁחכמתי תחת השׁמשׁ גם זה הבל׃
1 Chronicles 4:9-10
Proverbs 17:25
25 כעס לאביו בן כסיל וממר ליולדתו׃
Deuteronomy 6:5
5 ואהבת את יהוה אלהיך בכל לבבך ובכל נפשׁך ובכל מאדך׃
Psalms 107:43
43 מי חכם וישׁמר אלה ויתבוננו חסדי יהוה׃
Psalms 119:2
2 אשׁרי נצרי עדתיו בכל לב ידרשׁוהו׃
Psalms 119:9-11
Proverbs 3:1
1 בני תורתי אל תשׁכח ומצותי יצר לבך׃
Proverbs 4:4
4 וירני ויאמר לי יתמך דברי לבך שׁמר מצותי וחיה׃
Proverbs 4:23
23 מכל משׁמר נצר לבך כי ממנו תוצאות חיים׃
Proverbs 4:25-27
Hosea 14:9
9 (14:10) מי חכם ויבן אלה נבון וידעם כי ישׁרים דרכי יהוה וצדקים ילכו בם ופשׁעים יכשׁלו׃
Proverbs 22:14
14 שׁוחה עמקה פי זרות זעום יהוה יפול שׁם׃
Numbers 25:1
1 וישׁב ישׂראל בשׁטים ויחל העם לזנות אל בנות מואב׃
Judges 16:4-22
4 ויהי אחרי כן ויאהב אשׁה בנחל שׂרק ושׁמה דלילה׃5 ויעלו אליה סרני פלשׁתים ויאמרו לה פתי אותו וראי במה כחו גדול ובמה נוכל לו ואסרנהו לענתו ואנחנו נתן לך אישׁ אלף ומאה כסף׃6 ותאמר דלילה אל שׁמשׁון הגידה נא לי במה כחך גדול ובמה תאסר לענותך׃7 ויאמר אליה שׁמשׁון אם יאסרני בשׁבעה יתרים לחים אשׁר לא חרבו וחליתי והייתי כאחד האדם׃8 ויעלו לה סרני פלשׁתים שׁבעה יתרים לחים אשׁר לא חרבו ותאסרהו׃9 והארב ישׁב לה בחדר ותאמר אליו פלשׁתים עליך שׁמשׁון וינתק את היתרים כאשׁר ינתק פתיל הנערת בהריחו אשׁ ולא נודע כחו׃10 ותאמר דלילה אל שׁמשׁון הנה התלת בי ותדבר אלי כזבים עתה הגידה נא לי במה תאסר׃11 ויאמר אליה אם אסור יאסרוני בעבתים חדשׁים אשׁר לא נעשׂה בהם מלאכה וחליתי והייתי כאחד האדם׃12 ותקח דלילה עבתים חדשׁים ותאסרהו בהם ותאמר אליו פלשׁתים עליך שׁמשׁון והארב ישׁב בחדר וינתקם מעל זרעתיו כחוט׃13 ותאמר דלילה אל שׁמשׁון עד הנה התלת בי ותדבר אלי כזבים הגידה לי במה תאסר ויאמר אליה אם תארגי את שׁבע מחלפות ראשׁי עם המסכת׃14 ותתקע ביתד ותאמר אליו פלשׁתים עליך שׁמשׁון וייקץ משׁנתו ויסע את היתד הארג ואת המסכת׃15 ותאמר אליו איך תאמר אהבתיך ולבך אין אתי זה שׁלשׁ פעמים התלת בי ולא הגדת לי במה כחך גדול׃16 ויהי כי הציקה לו בדבריה כל הימים ותאלצהו ותקצר נפשׁו למות׃17 ויגד לה את כל לבו ויאמר לה מורה לא עלה על ראשׁי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃18 ותרא דלילה כי הגיד לה את כל לבו ותשׁלח ותקרא לסרני פלשׁתים לאמר עלו הפעם כי הגיד לה את כל לבו ועלו אליה סרני פלשׁתים ויעלו הכסף בידם׃19 ותישׁנהו על ברכיה ותקרא לאישׁ ותגלח את שׁבע מחלפות ראשׁו ותחל לענותו ויסר כחו מעליו׃20 ותאמר פלשׁתים עליך שׁמשׁון ויקץ משׁנתו ויאמר אצא כפעם בפעם ואנער והוא לא ידע כי יהוה סר מעליו׃21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃22 ויחל שׂער ראשׁו לצמח כאשׁר גלח׃
Proverbs 2:16-19
Proverbs 7:12
12 פעם בחוץ פעם ברחבות ואצל כל פנה תארב׃
Proverbs 7:22-27
Proverbs 9:18
18 ולא ידע כי רפאים שׁם בעמקי שׁאול קראיה׃
Ecclesiastes 7:26
26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃
Jeremiah 3:2
2 שׂאי עיניך על שׁפים וראי איפה לא שׁגלת על דרכים ישׁבת להם כערבי במדבר ותחניפי ארץ בזנותיך וברעתך׃
Hosea 4:11
11 זנות ויין ותירושׁ יקח לב׃
Genesis 49:12
12 חכלילי עינים מיין ולבן שׁנים מחלב׃
1 Samuel 25:36-37
2 Samuel 13:28
28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
1 Kings 20:16-22
16 ויצאו בצהרים ובן הדד שׁתה שׁכור בסכות הוא והמלכים שׁלשׁים ושׁנים מלך עזר אתו׃17 ויצאו נערי שׂרי המדינות בראשׁנה וישׁלח בן הדד ויגידו לו לאמר אנשׁים יצאו משׁמרון׃18 ויאמר אם לשׁלום יצאו תפשׂום חיים ואם למלחמה יצאו חיים תפשׂום׃19 ואלה יצאו מן העיר נערי שׂרי המדינות והחיל אשׁר אחריהם׃20 ויכו אישׁ אישׁו וינסו ארם וירדפם ישׂראל וימלט בן הדד מלך ארם על סוס ופרשׁים׃21 ויצא מלך ישׂראל ויך את הסוס ואת הרכב והכה בארם מכה גדולה׃22 ויגשׁ הנביא אל מלך ישׂראל ויאמר לו לך התחזק ודע וראה את אשׁר תעשׂה כי לתשׁובת השׁנה מלך ארם עלה עליך׃
Proverbs 23:21
21 כי סבא וזולל יורשׁ וקרעים תלבישׁ נומה׃
Isaiah 28:7-8
Nahum 1:10
10 כי עד סירים סבכים וכסבאם סבואים אכלו כקשׁ יבשׁ מלא׃
Genesis 9:21
21 וישׁת מן היין וישׁכר ויתגל בתוך אהלה׃
Psalms 75:8
8 (75:9) כי כוס ביד יהוה ויין חמר מלא מסך ויגר מזה אך שׁמריה ימצו ישׁתו כל רשׁעי ארץ׃
Proverbs 9:2
2 טבחה טבחה מסכה יינה אף ערכה שׁלחנה׃
Amos 6:6
6 השׁתים במזרקי יין וראשׁית שׁמנים ימשׁחו ולא נחלו על שׁבר יוסף׃
2 Samuel 11:2
2 ויהי לעת הערב ויקם דוד מעל משׁכבו ויתהלך על גג בית המלך וירא אשׁה רחצת מעל הגג והאשׁה טובת מראה מאד׃
Job 33:1
1 ואולם שׁמע נא איוב מלי וכל דברי האזינה׃
Psalms 119:37
37 העבר עיני מראות שׁוא בדרכך חיני׃
Proverbs 6:25
25 אל תחמד יפיה בלבבך ואל תקחך בעפעפיה׃
Exodus 7:5-6
Exodus 7:12
12 וישׁליכו אישׁ מטהו ויהיו לתנינם ויבלע מטה אהרן את מטתם׃
Job 20:16
16 ראשׁ פתנים יינק תהרגהו לשׁון אפעה׃
Proverbs 5:11
11 ונהמת באחריתך בכלות בשׂרך ושׁארך׃
Ecclesiastes 10:8
8 חפר גומץ בו יפול ופרץ גדר ישׁכנו נחשׁ׃
Isaiah 28:3
3 ברגלים תרמסנה עטרת גאות שׁכורי אפרים׃
Isaiah 59:5
5 ביצי צפעוני בקעו וקורי עכבישׁ יארגו האכל מביציהם ימות והזורה תבקע אפעה׃
Jeremiah 5:31
31 הנביאים נבאו בשׁקר והכהנים ירדו על ידיהם ועמי אהבו כן ומה תעשׂו לאחריתה׃
Jeremiah 8:17
17 כי הנני משׁלח בכם נחשׁים צפענים אשׁר אין להם לחשׁ ונשׁכו אתכם נאם יהוה׃
Amos 5:19
19 כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃
Amos 9:3
3 ואם יחבאו בראשׁ הכרמל משׁם אחפשׂ ולקחתים ואם יסתרו מנגד עיני בקרקע הים משׁם אצוה את הנחשׁ ונשׁכם׃
Genesis 19:32-38
32 לכה נשׁקה את אבינו יין ונשׁכבה עמו ונחיה מאבינו זרע׃33 ותשׁקין את אביהן יין בלילה הוא ותבא הבכירה ותשׁכב את אביה ולא ידע בשׁכבה ובקומה׃34 ויהי ממחרת ותאמר הבכירה אל הצעירה הן שׁכבתי אמשׁ את אבי נשׁקנו יין גם הלילה ובאי שׁכבי עמו ונחיה מאבינו זרע׃35 ותשׁקין גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקמה׃36 ותהרין שׁתי בנות לוט מאביהן׃37 ותלד הבכירה בן ותקרא שׁמו מואב הוא אבי מואב עד היום׃38 והצעירה גם הוא ילדה בן ותקרא שׁמו בן עמי הוא אבי בני עמון עד היום׃
Psalms 69:12
12 (69:13) ישׂיחו בי ישׁבי שׁער ונגינות שׁותי שׁכר׃
Proverbs 2:12
12 להצילך מדרך רע מאישׁ מדבר תהפכות׃
Proverbs 31:5
5 פן ישׁתה וישׁכח מחקק וישׁנה דין כל בני עני׃
Daniel 5:4
4 אשׁתיו חמרא ושׁבחו לאלהי דהבא וכספא נחשׁא פרזלא אעא ואבנא׃
Hosea 7:5
5 יום מלכנו החלו שׂרים חמת מיין משׁך ידו את לצצים׃
Exodus 15:8
8 וברוח אפיך נערמו מים נצבו כמו נד נזלים קפאו תהמת בלב ים׃
1 Samuel 25:33-38
33 וברוך טעמך וברוכה את אשׁר כלתני היום הזה מבוא בדמים והשׁע ידי׃34 ואולם חי יהוה אלהי ישׂראל אשׁר מנעני מהרע אתך כי לולי מהרת ותבאתי לקראתי כי אם נותר לנבל עד אור הבקר משׁתין בקיר׃35 ויקח דוד מידה את אשׁר הביאה לו ולה אמר עלי לשׁלום לביתך ראי שׁמעתי בקולך ואשׂא פניך׃36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃38 ויהי כעשׂרת הימים ויגף יהוה את נבל וימת׃
1 Samuel 30:16-17
1 Kings 16:9
9 ויקשׁר עליו עבדו זמרי שׂר מחצית הרכב והוא בתרצה שׁתה שׁכור בית ארצא אשׁר על הבית בתרצה׃
Deuteronomy 29:19
19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃
Proverbs 26:11
11 ככלב שׁב על קאו כסיל שׁונה באולתו׃
Proverbs 27:22
22 אם תכתושׁ את האויל במכתשׁ בתוך הריפות בעלי לא תסור מעליו אולתו׃
Isaiah 56:12
12 אתיו אקחה יין ונסבאה שׁכר והיה כזה יום מחר גדול יתר מאד׃
Jeremiah 5:3
3 יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשׁוב׃
Jeremiah 31:18
18 שׁמוע שׁמעתי אפרים מתנודד יסרתני ואוסר כעגל לא למד השׁיבני ואשׁובה כי אתה יהוה אלהי׃