1 וישׁב אתי דרך שׁער המקדשׁ החיצון הפנה קדים והוא סגור׃2 ויאמר אלי יהוה השׁער הזה סגור יהיה לא יפתח ואישׁ לא יבא בו כי יהוה אלהי ישׂראל בא בו והיה סגור׃3 את הנשׂיא נשׂיא הוא ישׁב בו לאכול לחם לפני יהוה מדרך אלם השׁער יבוא ומדרכו יצא׃4 ויביאני דרך שׁער הצפון אל פני הבית וארא והנה מלא כבוד יהוה את בית יהוה ואפל אל פני׃5 ויאמר אלי יהוה בן אדם שׂים לבך וראה בעיניך ובאזניך שׁמע את כל אשׁר אני מדבר אתך לכל חקות בית יהוה ולכל תורתו ושׂמת לבך למבוא הבית בכל מוצאי המקדשׁ׃6 ואמרת אל מרי אל בית ישׂראל כה אמר אדני יהוה רב לכם מכל תועבותיכם בית ישׂראל׃7 בהביאכם בני נכר ערלי לב וערלי בשׂר להיות במקדשׁי לחללו את ביתי בהקריבכם את לחמי חלב ודם ויפרו את בריתי אל כל תועבותיכם׃8 ולא שׁמרתם משׁמרת קדשׁי ותשׂימון לשׁמרי משׁמרתי במקדשׁי׃9 כה אמר אדני יהוה כל בן נכר ערל לב וערל בשׂר לא יבוא אל מקדשׁי לכל בן נכר אשׁר בתוך בני ישׂראל׃10 כי אם הלוים אשׁר רחקו מעלי בתעות ישׂראל אשׁר תעו מעלי אחרי גלוליהם ונשׂאו עונם׃11 והיו במקדשׁי משׁרתים פקדות אל שׁערי הבית ומשׁרתים את הבית המה ישׁחטו את העלה ואת הזבח לעם והמה יעמדו לפניהם לשׁרתם׃12 יען אשׁר ישׁרתו אותם לפני גלוליהם והיו לבית ישׂראל למכשׁול עון על כן נשׂאתי ידי עליהם נאם אדני יהוה ונשׂאו עונם׃13 ולא יגשׁו אלי לכהן לי ולגשׁת על כל קדשׁי אל קדשׁי הקדשׁים ונשׂאו כלמתם ותועבותם אשׁר עשׂו׃14 ונתתי אותם שׁמרי משׁמרת הבית לכל עבדתו ולכל אשׁר יעשׂה׃15 והכהנים הלוים בני צדוק אשׁר שׁמרו את משׁמרת מקדשׁי בתעות בני ישׂראל מעלי המה יקרבו אלי לשׁרתני ועמדו לפני להקריב לי חלב ודם נאם אדני יהוה׃16 המה יבאו אל מקדשׁי והמה יקרבו אל שׁלחני לשׁרתני ושׁמרו את משׁמרתי׃17 והיה בבואם אל שׁערי החצר הפנימית בגדי פשׁתים ילבשׁו ולא יעלה עליהם צמר בשׁרתם בשׁערי החצר הפנימית וביתה׃18 פארי פשׁתים יהיו על ראשׁם ומכנסי פשׁתים יהיו על מתניהם לא יחגרו ביזע׃19 ובצאתם אל החצר החיצונה אל החצר החיצונה אל העם יפשׁטו את בגדיהם אשׁר המה משׁרתם בם והניחו אותם בלשׁכת הקדשׁ ולבשׁו בגדים אחרים ולא יקדשׁו את העם בבגדיהם׃20 וראשׁם לא יגלחו ופרע לא ישׁלחו כסום יכסמו את ראשׁיהם׃21 ויין לא ישׁתו כל כהן בבואם אל החצר הפנימית׃22 ואלמנה וגרושׁה לא יקחו להם לנשׁים כי אם בתולת מזרע בית ישׂראל והאלמנה אשׁר תהיה אלמנה מכהן יקחו׃23 ואת עמי יורו בין קדשׁ לחל ובין טמא לטהור יודעם׃24 ועל ריב המה יעמדו לשׁפט במשׁפטי ושׁפטהו ואת תורתי ואת חקתי בכל מועדי ישׁמרו ואת שׁבתותי יקדשׁו׃25 ואל מת אדם לא יבוא לטמאה כי אם לאב ולאם ולבן ולבת לאח ולאחות אשׁר לא היתה לאישׁ יטמאו׃26 ואחרי טהרתו שׁבעת ימים יספרו׃27 וביום באו אל הקדשׁ אל החצר הפנימית לשׁרת בקדשׁ יקריב חטאתו נאם אדני יהוה׃28 והיתה להם לנחלה אני נחלתם ואחזה לא תתנו להם בישׂראל אני אחזתם׃29 המנחה והחטאת והאשׁם המה יאכלום וכל חרם בישׂראל להם יהיה׃30 וראשׁית כל בכורי כל וכל תרומת כל מכל תרומותיכם לכהנים יהיה וראשׁית ערסותיכם תתנו לכהן להניח ברכה אל ביתך׃31 כל נבלה וטרפה מן העוף ומן הבהמה לא יאכלו הכהנים׃
Ezekiel 44 Cross References - HOT
Genesis 4:13
13 ויאמר קין אל יהוה גדול עוני מנשׂוא׃
Genesis 17:3
3 ויפל אברם על פניו וידבר אתו אלהים לאמר׃
Genesis 17:14
14 וערל זכר אשׁר לא ימול את בשׂר ערלתו ונכרתה הנפשׁ ההוא מעמיה את בריתי הפר׃
Genesis 31:54
54 ויזבח יעקב זבח בהר ויקרא לאחיו לאכל לחם ויאכלו לחם וילינו בהר׃
Exodus 9:21
21 ואשׁר לא שׂם לבו אל דבר יהוה ויעזב את עבדיו ואת מקנהו בשׂדה׃
Exodus 12:48
48 וכי יגור אתך גר ועשׂה פסח ליהוה המול לו כל זכר ואז יקרב לעשׂתו והיה כאזרח הארץ וכל ערל לא יאכל׃
Exodus 13:2
2 קדשׁ לי כל בכור פטר כל רחם בבני ישׂראל באדם ובבהמה לי הוא׃
Exodus 13:12
12 והעברת כל פטר רחם ליהוה וכל פטר שׁגר בהמה אשׁר יהיה לך הזכרים ליהוה׃
Exodus 22:29
29 (22:28) מלאתך ודמעך לא תאחר בכור בניך תתן׃
Exodus 22:31
31 (22:30) ואנשׁי קדשׁ תהיון לי ובשׂר בשׂדה טרפה לא תאכלו לכלב תשׁלכון אתו׃
Exodus 23:19
19 ראשׁית בכורי אדמתך תביא בית יהוה אלהיך לא תבשׁל גדי בחלב אמו׃
Exodus 24:9-11
Exodus 24:10-11
Exodus 28:39-40
Exodus 28:40-43
40 ולבני אהרן תעשׂה כתנת ועשׂית להם אבנטים ומגבעות תעשׂה להם לכבוד ולתפארת׃41 והלבשׁת אתם את אהרן אחיך ואת בניו אתו ומשׁחת אתם ומלאת את ידם וקדשׁת אתם וכהנו׃42 ועשׂה להם מכנסי בד לכסות בשׂר ערוה ממתנים ועד ירכים יהיו׃43 והיו על אהרן ועל בניו בבאם אל אהל מועד או בגשׁתם אל המזבח לשׁרת בקדשׁ ולא ישׂאו עון ומתו חקת עולם לו ולזרעו אחריו׃
Exodus 28:43-43
43 והיו על אהרן ועל בניו בבאם אל אהל מועד או בגשׁתם אל המזבח לשׁרת בקדשׁ ולא ישׂאו עון ומתו חקת עולם לו ולזרעו אחריו׃
Exodus 29:37
37 שׁבעת ימים תכפר על המזבח וקדשׁת אתו והיה המזבח קדשׁ קדשׁים כל הנגע במזבח יקדשׁ׃
Exodus 30:29
29 וקדשׁת אתם והיו קדשׁ קדשׁים כל הנגע בהם יקדשׁ׃
Exodus 39:27-29
Exodus 39:28
Leviticus 2:3
3 והנותרת מן המנחה לאהרן ולבניו קדשׁ קדשׁים מאשׁי יהוה׃
Leviticus 2:10
10 והנותרת מן המנחה לאהרן ולבניו קדשׁ קדשׁים מאשׁי יהוה׃
Leviticus 3:13-17
13 וסמך את ידו על ראשׁו ושׁחט אתו לפני אהל מועד וזרקו בני אהרן את דמו על המזבח סביב׃14 והקריב ממנו קרבנו אשׁה ליהוה את החלב המכסה את הקרב ואת כל החלב אשׁר על הקרב׃15 ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃16 והקטירם הכהן המזבחה לחם אשׁה לריח ניחח כל חלב ליהוה׃17 חקת עולם לדרתיכם בכל מושׁבתיכם כל חלב וכל דם לא תאכלו׃
Leviticus 4:3-35
3 אם הכהן המשׁיח יחטא לאשׁמת העם והקריב על חטאתו אשׁר חטא פר בן בקר תמים ליהוה לחטאת׃4 והביא את הפר אל פתח אהל מועד לפני יהוה וסמך את ידו על ראשׁ הפר ושׁחט את הפר לפני יהוה׃5 ולקח הכהן המשׁיח מדם הפר והביא אתו אל אהל מועד׃6 וטבל הכהן את אצבעו בדם והזה מן הדם שׁבע פעמים לפני יהוה את פני פרכת הקדשׁ׃7 ונתן הכהן מן הדם על קרנות מזבח קטרת הסמים לפני יהוה אשׁר באהל מועד ואת כל דם הפר ישׁפך אל יסוד מזבח העלה אשׁר פתח אהל מועד׃8 ואת כל חלב פר החטאת ירים ממנו את החלב המכסה על הקרב ואת כל החלב אשׁר על הקרב׃9 ואת שׁתי הכלית ואת החלב אשׁר עליהן אשׁר על הכסלים ואת היתרת על הכבד על הכליות יסירנה׃10 כאשׁר יורם משׁור זבח השׁלמים והקטירם הכהן על מזבח העלה׃11 ואת עור הפר ואת כל בשׂרו על ראשׁו ועל כרעיו וקרבו ופרשׁו׃12 והוציא את כל הפר אל מחוץ למחנה אל מקום טהור אל שׁפך הדשׁן ושׂרף אתו על עצים באשׁ על שׁפך הדשׁן ישׂרף׃13 ואם כל עדת ישׂראל ישׁגו ונעלם דבר מעיני הקהל ועשׂו אחת מכל מצות יהוה אשׁר לא תעשׂינה ואשׁמו׃14 ונודעה החטאת אשׁר חטאו עליה והקריבו הקהל פר בן בקר לחטאת והביאו אתו לפני אהל מועד׃15 וסמכו זקני העדה את ידיהם על ראשׁ הפר לפני יהוה ושׁחט את הפר לפני יהוה׃16 והביא הכהן המשׁיח מדם הפר אל אהל מועד׃17 וטבל הכהן אצבעו מן הדם והזה שׁבע פעמים לפני יהוה את פני הפרכת׃18 ומן הדם יתן על קרנת המזבח אשׁר לפני יהוה אשׁר באהל מועד ואת כל הדם ישׁפך אל יסוד מזבח העלה אשׁר פתח אהל מועד׃19 ואת כל חלבו ירים ממנו והקטיר המזבחה׃20 ועשׂה לפר כאשׁר עשׂה לפר החטאת כן יעשׂה לו וכפר עלהם הכהן ונסלח להם׃21 והוציא את הפר אל מחוץ למחנה ושׂרף אתו כאשׁר שׂרף את הפר הראשׁון חטאת הקהל הוא׃22 אשׁר נשׂיא יחטא ועשׂה אחת מכל מצות יהוה אלהיו אשׁר לא תעשׂינה בשׁגגה ואשׁם׃23 או הודע אליו חטאתו אשׁר חטא בה והביא את קרבנו שׂעיר עזים זכר תמים׃24 וסמך ידו על ראשׁ השׂעיר ושׁחט אתו במקום אשׁר ישׁחט את העלה לפני יהוה חטאת הוא׃25 ולקח הכהן מדם החטאת באצבעו ונתן על קרנת מזבח העלה ואת דמו ישׁפך אל יסוד מזבח העלה׃26 ואת כל חלבו יקטיר המזבחה כחלב זבח השׁלמים וכפר עליו הכהן מחטאתו ונסלח׃27 ואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם׃28 או הודע אליו חטאתו אשׁר חטא והביא קרבנו שׂעירת עזים תמימה נקבה על חטאתו אשׁר חטא׃29 וסמך את ידו על ראשׁ החטאת ושׁחט את החטאת במקום העלה׃30 ולקח הכהן מדמה באצבעו ונתן על קרנת מזבח העלה ואת כל דמה ישׁפך אל יסוד המזבח׃31 ואת כל חלבה יסיר כאשׁר הוסר חלב מעל זבח השׁלמים והקטיר הכהן המזבחה לריח ניחח ליהוה וכפר עליו הכהן ונסלח׃32 ואם כבשׂ יביא קרבנו לחטאת נקבה תמימה יביאנה׃33 וסמך את ידו על ראשׁ החטאת ושׁחט אתה לחטאת במקום אשׁר ישׁחט את העלה׃34 ולקח הכהן מדם החטאת באצבעו ונתן על קרנת מזבח העלה ואת כל דמה ישׁפך אל יסוד המזבח׃35 ואת כל חלבה יסיר כאשׁר יוסר חלב הכשׂב מזבח השׁלמים והקטיר הכהן אתם המזבחה על אשׁי יהוה וכפר עליו הכהן על חטאתו אשׁר חטא ונסלח׃
Leviticus 6:10-11
Leviticus 6:14-18
14 (6:7) וזאת תורת המנחה הקרב אתה בני אהרן לפני יהוה אל פני המזבח׃15 (6:8) והרים ממנו בקמצו מסלת המנחה ומשׁמנה ואת כל הלבנה אשׁר על המנחה והקטיר המזבח ריח ניחח אזכרתה ליהוה׃16 (6:9) והנותרת ממנה יאכלו אהרן ובניו מצות תאכל במקום קדשׁ בחצר אהל מועד יאכלוה׃17 (6:10) לא תאפה חמץ חלקם נתתי אתה מאשׁי קדשׁ קדשׁים הוא כחטאת וכאשׁם׃18 (6:11) כל זכר בבני אהרן יאכלנה חק עולם לדרתיכם מאשׁי יהוה כל אשׁר יגע בהם יקדשׁ׃
Leviticus 6:26
Leviticus 6:29
29 (6:22) כל זכר בכהנים יאכל אתה קדשׁ קדשׁים הוא׃
Leviticus 7:6
6 כל זכר בכהנים יאכלנו במקום קדושׁ יאכל קדשׁ קדשׁים הוא׃
Leviticus 8:14-36
14 ויגשׁ את פר החטאת ויסמך אהרן ובניו את ידיהם על ראשׁ פר החטאת׃15 וישׁחט ויקח משׁה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשׁהו לכפר עליו׃16 ויקח את כל החלב אשׁר על הקרב ואת יתרת הכבד ואת שׁתי הכלית ואת חלבהן ויקטר משׁה המזבחה׃17 ואת הפר ואת ערו ואת בשׂרו ואת פרשׁו שׂרף באשׁ מחוץ למחנה כאשׁר צוה יהוה את משׁה׃18 ויקרב את איל העלה ויסמכו אהרן ובניו את ידיהם על ראשׁ האיל׃19 וישׁחט ויזרק משׁה את הדם על המזבח סביב׃20 ואת האיל נתח לנתחיו ויקטר משׁה את הראשׁ ואת הנתחים ואת הפדר׃21 ואת הקרב ואת הכרעים רחץ במים ויקטר משׁה את כל האיל המזבחה עלה הוא לריח ניחח אשׁה הוא ליהוה כאשׁר צוה יהוה את משׁה׃22 ויקרב את האיל השׁני איל המלאים ויסמכו אהרן ובניו את ידיהם על ראשׁ האיל׃23 וישׁחט ויקח משׁה מדמו ויתן על תנוך אזן אהרן הימנית ועל בהן ידו הימנית ועל בהן רגלו הימנית׃24 ויקרב את בני אהרן ויתן משׁה מן הדם על תנוך אזנם הימנית ועל בהן ידם הימנית ועל בהן רגלם הימנית ויזרק משׁה את הדם על המזבח סביב׃25 ויקח את החלב ואת האליה ואת כל החלב אשׁר על הקרב ואת יתרת הכבד ואת שׁתי הכלית ואת חלבהן ואת שׁוק הימין׃26 ומסל המצות אשׁר לפני יהוה לקח חלת מצה אחת וחלת לחם שׁמן אחת ורקיק אחד וישׂם על החלבים ועל שׁוק הימין׃27 ויתן את הכל על כפי אהרן ועל כפי בניו וינף אתם תנופה לפני יהוה׃28 ויקח משׁה אתם מעל כפיהם ויקטר המזבחה על העלה מלאים הם לריח ניחח אשׁה הוא ליהוה׃29 ויקח משׁה את החזה ויניפהו תנופה לפני יהוה מאיל המלאים למשׁה היה למנה כאשׁר צוה יהוה את משׁה׃30 ויקח משׁה משׁמן המשׁחה ומן הדם אשׁר על המזבח ויז על אהרן על בגדיו ועל בניו ועל בגדי בניו אתו ויקדשׁ את אהרן את בגדיו ואת בניו ואת בגדי בניו אתו׃31 ויאמר משׁה אל אהרן ואל בניו בשׁלו את הבשׂר פתח אהל מועד ושׁם תאכלו אתו ואת הלחם אשׁר בסל המלאים כאשׁר צויתי לאמר אהרן ובניו יאכלהו׃32 והנותר בבשׂר ובלחם באשׁ תשׂרפו׃33 ומפתח אהל מועד לא תצאו שׁבעת ימים עד יום מלאת ימי מלאיכם כי שׁבעת ימים ימלא את ידכם׃34 כאשׁר עשׂה ביום הזה צוה יהוה לעשׂת לכפר עליכם׃35 ופתח אהל מועד תשׁבו יומם ולילה שׁבעת ימים ושׁמרתם את משׁמרת יהוה ולא תמותו כי כן צויתי׃36 ויעשׂ אהרן ובניו את כל הדברים אשׁר צוה יהוה ביד משׁה׃
Leviticus 10:9
Leviticus 16:4
4 כתנת בד קדשׁ ילבשׁ ומכנסי בד יהיו על בשׂרו ובאבנט בד יחגר ובמצנפת בד יצנף בגדי קדשׁ הם ורחץ במים את בשׂרו ולבשׁם׃
Leviticus 17:5-6
Leviticus 17:11
11 כי נפשׁ הבשׂר בדם הוא ואני נתתיו לכם על המזבח לכפר על נפשׁתיכם כי הדם הוא בנפשׁ יכפר׃
Leviticus 17:15
15 וכל נפשׁ אשׁר תאכל נבלה וטרפה באזרח ובגר וכבס בגדיו ורחץ במים וטמא עד הערב וטהר׃
Leviticus 19:8
8 ואכליו עונו ישׂא כי את קדשׁ יהוה חלל ונכרתה הנפשׁ ההוא מעמיה׃
Leviticus 21:1-6
Leviticus 21:5-6
Leviticus 21:6-24
6 קדשׁים יהיו לאלהיהם ולא יחללו שׁם אלהיהם כי את אשׁי יהוה לחם אלהיהם הם מקריבם והיו קדשׁ׃
Leviticus 21:6-6
Leviticus 21:7
Leviticus 21:8-24
8 וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃9 ובת אישׁ כהן כי תחל לזנות את אביה היא מחללת באשׁ תשׂרף׃10 והכהן הגדול מאחיו אשׁר יוצק על ראשׁו שׁמן המשׁחה ומלא את ידו ללבשׁ את הבגדים את ראשׁו לא יפרע ובגדיו לא יפרם׃11 ועל כל נפשׁת מת לא יבא לאביו ולאמו לא יטמא׃12 ומן המקדשׁ לא יצא ולא יחלל את מקדשׁ אלהיו כי נזר שׁמן משׁחת אלהיו עליו אני יהוה׃13 והוא אשׁה בבתוליה יקח׃
Leviticus 21:13-14
Leviticus 21:14-14
Leviticus 21:17-24
17 דבר אל אהרן לאמר אישׁ מזרעך לדרתם אשׁר יהיה בו מום לא יקרב להקריב לחם אלהיו׃18 כי כל אישׁ אשׁר בו מום לא יקרב אישׁ עור או פסח או חרם או שׂרוע׃19 או אישׁ אשׁר יהיה בו שׁבר רגל או שׁבר יד׃20 או גבן או דק או תבלל בעינו או גרב או ילפת או מרוח אשׁך׃21 כל אישׁ אשׁר בו מום מזרע אהרן הכהן לא יגשׁ להקריב את אשׁי יהוה מום בו את לחם אלהיו לא יגשׁ להקריב׃
Leviticus 21:21-24
Leviticus 22:2-33
2 דבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדשׁים לי אני יהוה׃3 אמר אלהם לדרתיכם כל אישׁ אשׁר יקרב מכל זרעכם אל הקדשׁים אשׁר יקדישׁו בני ישׂראל ליהוה וטמאתו עליו ונכרתה הנפשׁ ההוא מלפני אני יהוה׃4 אישׁ אישׁ מזרע אהרן והוא צרוע או זב בקדשׁים לא יאכל עד אשׁר יטהר והנגע בכל טמא נפשׁ או אישׁ אשׁר תצא ממנו שׁכבת זרע׃
Leviticus 22:4
4 אישׁ אישׁ מזרע אהרן והוא צרוע או זב בקדשׁים לא יאכל עד אשׁר יטהר והנגע בכל טמא נפשׁ או אישׁ אשׁר תצא ממנו שׁכבת זרע׃5 או אישׁ אשׁר יגע בכל שׁרץ אשׁר יטמא לו או באדם אשׁר יטמא לו לכל טמאתו׃6 נפשׁ אשׁר תגע בו וטמאה עד הערב ולא יאכל מן הקדשׁים כי אם רחץ בשׂרו במים׃7 ובא השׁמשׁ וטהר ואחר יאכל מן הקדשׁים כי לחמו הוא׃8 נבלה וטרפה לא יאכל לטמאה בה אני יהוה׃
Leviticus 22:8
8 נבלה וטרפה לא יאכל לטמאה בה אני יהוה׃9 ושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם׃10 וכל זר לא יאכל קדשׁ תושׁב כהן ושׂכיר לא יאכל קדשׁ׃11 וכהן כי יקנה נפשׁ קנין כספו הוא יאכל בו ויליד ביתו הם יאכלו בלחמו׃12 ובת כהן כי תהיה לאישׁ זר הוא בתרומת הקדשׁים לא תאכל׃13 ובת כהן כי תהיה אלמנה וגרושׁה וזרע אין לה ושׁבה אל בית אביה כנעוריה מלחם אביה תאכל וכל זר לא יאכל׃14 ואישׁ כי יאכל קדשׁ בשׁגגה ויסף חמשׁיתו עליו ונתן לכהן את הקדשׁ׃15 ולא יחללו את קדשׁי בני ישׂראל את אשׁר ירימו ליהוה׃16 והשׂיאו אותם עון אשׁמה באכלם את קדשׁיהם כי אני יהוה מקדשׁם׃17 וידבר יהוה אל משׁה לאמר׃18 דבר אל אהרן ואל בניו ואל כל בני ישׂראל ואמרת אלהם אישׁ אישׁ מבית ישׂראל ומן הגר בישׂראל אשׁר יקריב קרבנו לכל נדריהם ולכל נדבותם אשׁר יקריבו ליהוה לעלה׃19 לרצנכם תמים זכר בבקר בכשׂבים ובעזים׃20 כל אשׁר בו מום לא תקריבו כי לא לרצון יהיה׃21 ואישׁ כי יקריב זבח שׁלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה׃22 עורת או שׁבור או חרוץ או יבלת או גרב או ילפת לא תקריבו אלה ליהוה ואשׁה לא תתנו מהם על המזבח ליהוה׃23 ושׁור ושׂה שׂרוע וקלוט נדבה תעשׂה אתו ולנדר לא ירצה׃24 ומעוך וכתות ונתוק וכרות לא תקריבו ליהוה ובארצכם לא תעשׂו׃25 ומיד בן נכר לא תקריבו את לחם אלהיכם מכל אלה כי משׁחתם בהם מום בם לא ירצו׃
Leviticus 22:25-33
25 ומיד בן נכר לא תקריבו את לחם אלהיכם מכל אלה כי משׁחתם בהם מום בם לא ירצו׃26 וידבר יהוה אל משׁה לאמר׃27 שׁור או כשׂב או עז כי יולד והיה שׁבעת ימים תחת אמו ומיום השׁמיני והלאה ירצה לקרבן אשׁה ליהוה׃28 ושׁור או שׂה אתו ואת בנו לא תשׁחטו ביום אחד׃29 וכי תזבחו זבח תודה ליהוה לרצנכם תזבחו׃30 ביום ההוא יאכל לא תותירו ממנו עד בקר אני יהוה׃31 ושׁמרתם מצותי ועשׂיתם אתם אני יהוה׃32 ולא תחללו את שׁם קדשׁי ונקדשׁתי בתוך בני ישׂראל אני יהוה מקדשׁכם׃33 המוציא אתכם מארץ מצרים להיות לכם לאלהים אני יהוה׃
Leviticus 23:1-44
1 וידבר יהוה אל משׁה לאמר׃2 דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי׃3 שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃4 אלה מועדי יהוה מקראי קדשׁ אשׁר תקראו אתם במועדם׃5 בחדשׁ הראשׁון בארבעה עשׂר לחדשׁ בין הערבים פסח ליהוה׃6 ובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו׃7 ביום הראשׁון מקרא קדשׁ יהיה לכם כל מלאכת עבדה לא תעשׂו׃8 והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃9 וידבר יהוה אל משׁה לאמר׃10 דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃11 והניף את העמר לפני יהוה לרצנכם ממחרת השׁבת יניפנו הכהן׃12 ועשׂיתם ביום הניפכם את העמר כבשׂ תמים בן שׁנתו לעלה ליהוה׃13 ומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין׃14 ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם׃15 וספרתם לכם ממחרת השׁבת מיום הביאכם את עמר התנופה שׁבע שׁבתות תמימת תהיינה׃16 עד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה׃17 ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃18 והקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה׃19 ועשׂיתם שׂעיר עזים אחד לחטאת ושׁני כבשׂים בני שׁנה לזבח שׁלמים׃20 והניף הכהן אתם על לחם הבכרים תנופה לפני יהוה על שׁני כבשׂים קדשׁ יהיו ליהוה לכהן׃21 וקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם׃22 ובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם׃23 וידבר יהוה אל משׁה לאמר׃24 דבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ׃25 כל מלאכת עבדה לא תעשׂו והקרבתם אשׁה ליהוה׃26 וידבר יהוה אל משׁה לאמר׃27 אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה׃28 וכל מלאכה לא תעשׂו בעצם היום הזה כי יום כפרים הוא לכפר עליכם לפני יהוה אלהיכם׃29 כי כל הנפשׁ אשׁר לא תענה בעצם היום הזה ונכרתה מעמיה׃30 וכל הנפשׁ אשׁר תעשׂה כל מלאכה בעצם היום הזה והאבדתי את הנפשׁ ההוא מקרב עמה׃31 כל מלאכה לא תעשׂו חקת עולם לדרתיכם בכל משׁבתיכם׃32 שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם׃33 וידבר יהוה אל משׁה לאמר׃34 דבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה׃35 ביום הראשׁון מקרא קדשׁ כל מלאכת עבדה לא תעשׂו׃36 שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃37 אלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו׃38 מלבד שׁבתת יהוה ומלבד מתנותיכם ומלבד כל נדריכם ומלבד כל נדבתיכם אשׁר תתנו ליהוה׃39 אך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון׃40 ולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים׃41 וחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו׃42 בסכת תשׁבו שׁבעת ימים כל האזרח בישׂראל ישׁבו בסכת׃43 למען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם׃44 וידבר משׁה את מעדי יהוה אל בני ישׂראל׃
Leviticus 26:15
15 ואם בחקתי תמאסו ואם את משׁפטי תגעל נפשׁכם לבלתי עשׂות את כל מצותי להפרכם את בריתי׃
Leviticus 26:41
41 אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃
Leviticus 27:21
21 והיה השׂדה בצאתו ביבל קדשׁ ליהוה כשׂדה החרם לכהן תהיה אחזתו׃
Leviticus 27:28
28 אך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה׃
Numbers 3:5-37
5 וידבר יהוה אל משׁה לאמר׃6 הקרב את מטה לוי והעמדת אתו לפני אהרן הכהן ושׁרתו אתו׃7 ושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן׃8 ושׁמרו את כל כלי אהל מועד ואת משׁמרת בני ישׂראל לעבד את עבדת המשׁכן׃9 ונתתה את הלוים לאהרן ולבניו נתונם נתונם המה לו מאת בני ישׂראל׃10 ואת אהרן ואת בניו תפקד ושׁמרו את כהנתם והזר הקרב יומת׃11 וידבר יהוה אל משׁה לאמר׃12 ואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים׃13 כי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה׃
Numbers 3:13
13 כי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה׃14 וידבר יהוה אל משׁה במדבר סיני לאמר׃15 פקד את בני לוי לבית אבתם למשׁפחתם כל זכר מבן חדשׁ ומעלה תפקדם׃16 ויפקד אתם משׁה על פי יהוה כאשׁר צוה׃17 ויהיו אלה בני לוי בשׁמתם גרשׁון וקהת ומררי׃18 ואלה שׁמות בני גרשׁון למשׁפחתם לבני ושׁמעי׃19 ובני קהת למשׁפחתם עמרם ויצהר חברון ועזיאל׃20 ובני מררי למשׁפחתם מחלי ומושׁי אלה הם משׁפחת הלוי לבית אבתם׃21 לגרשׁון משׁפחת הלבני ומשׁפחת השׁמעי אלה הם משׁפחת הגרשׁני׃22 פקדיהם במספר כל זכר מבן חדשׁ ומעלה פקדיהם שׁבעת אלפים וחמשׁ מאות׃23 משׁפחת הגרשׁני אחרי המשׁכן יחנו ימה׃24 ונשׂיא בית אב לגרשׁני אליסף בן לאל׃25 ומשׁמרת בני גרשׁון באהל מועד המשׁכן והאהל מכסהו ומסך פתח אהל מועד׃26 וקלעי החצר ואת מסך פתח החצר אשׁר על המשׁכן ועל המזבח סביב ואת מיתריו לכל עבדתו׃27 ולקהת משׁפחת העמרמי ומשׁפחת היצהרי ומשׁפחת החברני ומשׁפחת העזיאלי אלה הם משׁפחת הקהתי׃28 במספר כל זכר מבן חדשׁ ומעלה שׁמנת אלפים ושׁשׁ מאות שׁמרי משׁמרת הקדשׁ׃29 משׁפחת בני קהת יחנו על ירך המשׁכן תימנה׃30 ונשׂיא בית אב למשׁפחת הקהתי אליצפן בן עזיאל׃31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃32 ונשׂיא נשׂיאי הלוי אלעזר בן אהרן הכהן פקדת שׁמרי משׁמרת הקדשׁ׃33 למררי משׁפחת המחלי ומשׁפחת המושׁי אלה הם משׁפחת מררי׃34 ופקדיהם במספר כל זכר מבן חדשׁ ומעלה שׁשׁת אלפים ומאתים׃35 ונשׂיא בית אב למשׁפחת מררי צוריאל בן אביחיל על ירך המשׁכן יחנו צפנה׃36 ופקדת משׁמרת בני מררי קרשׁי המשׁכן ובריחיו ועמדיו ואדניו וכל כליו וכל עבדתו׃37 ועמדי החצר סביב ואדניהם ויתדתם ומיתריהם׃
Numbers 5:31
31 ונקה האישׁ מעון והאשׁה ההוא תשׂא את עונה׃
Numbers 6:5
5 כל ימי נדר נזרו תער לא יעבר על ראשׁו עד מלאת הימם אשׁר יזיר ליהוה קדשׁ יהיה גדל פרע שׂער ראשׁו׃
Numbers 6:9-11
Numbers 6:10-11
Numbers 6:11-11
11 ועשׂה הכהן אחד לחטאת ואחד לעלה וכפר עליו מאשׁר חטא על הנפשׁ וקדשׁ את ראשׁו ביום ההוא׃12 והזיר ליהוה את ימי נזרו והביא כבשׂ בן שׁנתו לאשׁם והימים הראשׁנים יפלו כי טמא נזרו׃13 וזאת תורת הנזיר ביום מלאת ימי נזרו יביא אתו אל פתח אהל מועד׃14 והקריב את קרבנו ליהוה כבשׂ בן שׁנתו תמים אחד לעלה וכבשׂה אחת בת שׁנתה תמימה לחטאת ואיל אחד תמים לשׁלמים׃15 וסל מצות סלת חלת בלולת בשׁמן ורקיקי מצות משׁחים בשׁמן ומנחתם ונסכיהם׃16 והקריב הכהן לפני יהוה ועשׂה את חטאתו ואת עלתו׃17 ואת האיל יעשׂה זבח שׁלמים ליהוה על סל המצות ועשׂה הכהן את מנחתו ואת נסכו׃18 וגלח הנזיר פתח אהל מועד את ראשׁ נזרו ולקח את שׂער ראשׁ נזרו ונתן על האשׁ אשׁר תחת זבח השׁלמים׃19 ולקח הכהן את הזרע בשׁלה מן האיל וחלת מצה אחת מן הסל ורקיק מצה אחד ונתן על כפי הנזיר אחר התגלחו את נזרו׃20 והניף אותם הכהן תנופה לפני יהוה קדשׁ הוא לכהן על חזה התנופה ועל שׁוק התרומה ואחר ישׁתה הנזיר יין׃21 זאת תורת הנזיר אשׁר ידר קרבנו ליהוה על נזרו מלבד אשׁר תשׂיג ידו כפי נדרו אשׁר ידר כן יעשׂה על תורת נזרו׃
Numbers 15:19-21
Numbers 16:9
9 המעט מכם כי הבדיל אלהי ישׂראל אתכם מעדת ישׂראל להקריב אתכם אליו לעבד את עבדת משׁכן יהוה ולעמד לפני העדה לשׁרתם׃
Numbers 16:42-45
Numbers 18:3-5
3 ושׁמרו משׁמרתך ומשׁמרת כל האהל אך אל כלי הקדשׁ ואל המזבח לא יקרבו ולא ימתו גם הם גם אתם׃
Numbers 18:3
Numbers 18:4
Numbers 18:5
Numbers 18:7-8
7 ואתה ובניך אתך תשׁמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃8 וידבר יהוה אל אהרן ואני הנה נתתי לך את משׁמרת תרומתי לכל קדשׁי בני ישׂראל לך נתתים למשׁחה ולבניך לחק עולם׃9 זה יהיה לך מקדשׁ הקדשׁים מן האשׁ כל קרבנם לכל מנחתם ולכל חטאתם ולכל אשׁמם אשׁר ישׁיבו לי קדשׁ קדשׁים לך הוא ולבניך׃10 בקדשׁ הקדשׁים תאכלנו כל זכר יאכל אתו קדשׁ יהיה׃11 וזה לך תרומת מתנם לכל תנופת בני ישׂראל לך נתתים ולבניך ולבנתיך אתך לחק עולם כל טהור בביתך יאכל אתו׃12 כל חלב יצהר וכל חלב תירושׁ ודגן ראשׁיתם אשׁר יתנו ליהוה לך נתתים׃13 בכורי כל אשׁר בארצם אשׁר יביאו ליהוה לך יהיה כל טהור בביתך יאכלנו׃14 כל חרם בישׂראל לך יהיה׃
Numbers 18:14-18
14 כל חרם בישׂראל לך יהיה׃15 כל פטר רחם לכל בשׂר אשׁר יקריבו ליהוה באדם ובבהמה יהיה לך אך פדה תפדה את בכור האדם ואת בכור הבהמה הטמאה תפדה׃16 ופדויו מבן חדשׁ תפדה בערכך כסף חמשׁת שׁקלים בשׁקל הקדשׁ עשׂרים גרה הוא׃17 אך בכור שׁור או בכור כשׂב או בכור עז לא תפדה קדשׁ הם את דמם תזרק על המזבח ואת חלבם תקטיר אשׁה לריח ניחח ליהוה׃18 ובשׂרם יהיה לך כחזה התנופה וכשׁוק הימין לך יהיה׃
Numbers 18:20
20 ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישׂראל׃
Numbers 18:23
23 ועבד הלוי הוא את עבדת אהל מועד והם ישׂאו עונם חקת עולם לדרתיכם ובתוך בני ישׂראל לא ינחלו נחלה׃
Numbers 18:27-30
Numbers 19:11-14
11 הנגע במת לכל נפשׁ אדם וטמא שׁבעת ימים׃12 הוא יתחטא בו ביום השׁלישׁי וביום השׁביעי יטהר ואם לא יתחטא ביום השׁלישׁי וביום השׁביעי לא יטהר׃13 כל הנגע במת בנפשׁ האדם אשׁר ימות ולא יתחטא את משׁכן יהוה טמא ונכרתה הנפשׁ ההוא מישׂראל כי מי נדה לא זרק עליו טמא יהיה עוד טמאתו׃14 זאת התורה אדם כי ימות באהל כל הבא אל האהל וכל אשׁר באהל יטמא שׁבעת ימים׃
Numbers 28:1-29
1 וידבר יהוה אל משׁה לאמר׃2 צו את בני ישׂראל ואמרת אלהם את קרבני לחמי לאשׁי ריח ניחחי תשׁמרו להקריב לי במועדו׃3 ואמרת להם זה האשׁה אשׁר תקריבו ליהוה כבשׂים בני שׁנה תמימם שׁנים ליום עלה תמיד׃4 את הכבשׂ אחד תעשׂה בבקר ואת הכבשׂ השׁני תעשׂה בין הערבים׃5 ועשׂירית האיפה סלת למנחה בלולה בשׁמן כתית רביעת ההין׃6 עלת תמיד העשׂיה בהר סיני לריח ניחח אשׁה ליהוה׃7 ונסכו רביעת ההין לכבשׂ האחד בקדשׁ הסך נסך שׁכר ליהוה׃8 ואת הכבשׂ השׁני תעשׂה בין הערבים כמנחת הבקר וכנסכו תעשׂה אשׁה ריח ניחח ליהוה׃9 וביום השׁבת שׁני כבשׂים בני שׁנה תמימם ושׁני עשׂרנים סלת מנחה בלולה בשׁמן ונסכו׃10 עלת שׁבת בשׁבתו על עלת התמיד ונסכה׃11 ובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם׃12 ושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד׃13 ועשׂרן עשׂרון סלת מנחה בלולה בשׁמן לכבשׂ האחד עלה ריח ניחח אשׁה ליהוה׃14 ונסכיהם חצי ההין יהיה לפר ושׁלישׁת ההין לאיל ורביעת ההין לכבשׂ יין זאת עלת חדשׁ בחדשׁו לחדשׁי השׁנה׃15 ושׂעיר עזים אחד לחטאת ליהוה על עלת התמיד יעשׂה ונסכו׃16 ובחדשׁ הראשׁון בארבעה עשׂר יום לחדשׁ פסח ליהוה׃17 ובחמשׁה עשׂר יום לחדשׁ הזה חג שׁבעת ימים מצות יאכל׃18 ביום הראשׁון מקרא קדשׁ כל מלאכת עבדה לא תעשׂו׃19 והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃20 ומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו׃21 עשׂרון עשׂרון תעשׂה לכבשׂ האחד לשׁבעת הכבשׂים׃22 ושׂעיר חטאת אחד לכפר עליכם׃23 מלבד עלת הבקר אשׁר לעלת התמיד תעשׂו את אלה׃24 כאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו׃25 וביום השׁביעי מקרא קדשׁ יהיה לכם כל מלאכת עבדה לא תעשׂו׃26 וביום הבכורים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו׃27 והקרבתם עולה לריח ניחח ליהוה פרים בני בקר שׁנים איל אחד שׁבעה כבשׂים בני שׁנה׃28 ומנחתם סלת בלולה בשׁמן שׁלשׁה עשׂרנים לפר האחד שׁני עשׂרנים לאיל האחד׃29 עשׂרון עשׂרון לכבשׂ האחד לשׁבעת הכבשׂים׃
Deuteronomy 10:8
Deuteronomy 10:16
16 ומלתם את ערלת לבבכם וערפכם לא תקשׁו עוד׃
Deuteronomy 12:7
7 ואכלתם שׁם לפני יהוה אלהיכם ושׂמחתם בכל משׁלח ידכם אתם ובתיכם אשׁר ברכך יהוה אלהיך׃
Deuteronomy 12:17-18
Deuteronomy 12:32
32 (13:1) את כל הדבר אשׁר אנכי מצוה אתכם אתו תשׁמרו לעשׂות לא תסף עליו ולא תגרע ממנו׃
Deuteronomy 14:1
1 בנים אתם ליהוה אלהיכם לא תתגדדו ולא תשׂימו קרחה בין עיניכם למת׃
Deuteronomy 14:21
21 לא תאכלו כל נבלה לגר אשׁר בשׁעריך תתננה ואכלה או מכר לנכרי כי עם קדושׁ אתה ליהוה אלהיך לא תבשׁל גדי בחלב אמו׃
Deuteronomy 17:8-13
8 כי יפלא ממך דבר למשׁפט בין דם לדם בין דין לדין ובין נגע לנגע דברי ריבת בשׁעריך וקמת ועלית אל המקום אשׁר יבחר יהוה אלהיך׃9 ובאת אל הכהנים הלוים ואל השׁפט אשׁר יהיה בימים ההם ודרשׁת והגידו לך את דבר המשׁפט׃10 ועשׂית על פי הדבר אשׁר יגידו לך מן המקום ההוא אשׁר יבחר יהוה ושׁמרת לעשׂות ככל אשׁר יורוך׃11 על פי התורה אשׁר יורוך ועל המשׁפט אשׁר יאמרו לך תעשׂה לא תסור מן הדבר אשׁר יגידו לך ימין ושׂמאל׃12 והאישׁ אשׁר יעשׂה בזדון לבלתי שׁמע אל הכהן העמד לשׁרת שׁם את יהוה אלהיך או אל השׁפט ומת האישׁ ההוא ובערת הרע מישׂראל׃13 וכל העם ישׁמעו ויראו ולא יזידון עוד׃
Deuteronomy 18:1-2
Deuteronomy 18:4
4 ראשׁית דגנך תירשׁך ויצהרך וראשׁית גז צאנך תתן׃
Deuteronomy 24:1-4
1 כי יקח אישׁ אשׁה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושׁלחה מביתו׃2 ויצאה מביתו והלכה והיתה לאישׁ אחר׃3 ושׂנאה האישׁ האחרון וכתב לה ספר כריתת ונתן בידה ושׁלחה מביתו או כי ימות האישׁ האחרון אשׁר לקחה לו לאשׁה׃4 לא יוכל בעלה הראשׁון אשׁר שׁלחה לשׁוב לקחתה להיות לו לאשׁה אחרי אשׁר הטמאה כי תועבה הוא לפני יהוה ולא תחטיא את הארץ אשׁר יהוה אלהיך נתן לך נחלה׃
Deuteronomy 26:10-15
10 ועתה הנה הבאתי את ראשׁית פרי האדמה אשׁר נתתה לי יהוה והנחתו לפני יהוה אלהיך והשׁתחוית לפני יהוה אלהיך׃11 ושׂמחת בכל הטוב אשׁר נתן לך יהוה אלהיך ולביתך אתה והלוי והגר אשׁר בקרבך׃12 כי תכלה לעשׂר את כל מעשׂר תבואתך בשׁנה השׁלישׁת שׁנת המעשׂר ונתתה ללוי לגר ליתום ולאלמנה ואכלו בשׁעריך ושׂבעו׃13 ואמרת לפני יהוה אלהיך בערתי הקדשׁ מן הבית וגם נתתיו ללוי ולגר ליתום ולאלמנה ככל מצותך אשׁר צויתני לא עברתי ממצותיך ולא שׁכחתי׃14 לא אכלתי באני ממנו ולא בערתי ממנו בטמא ולא נתתי ממנו למת שׁמעתי בקול יהוה אלהי עשׂיתי ככל אשׁר צויתני׃15 השׁקיפה ממעון קדשׁך מן השׁמים וברך את עמך את ישׂראל ואת האדמה אשׁר נתתה לנו כאשׁר נשׁבעת לאבתינו ארץ זבת חלב ודבשׁ׃
Deuteronomy 30:6
6 ומל יהוה אלהיך את לבבך ואת לבב זרעך לאהבה את יהוה אלהיך בכל לבבך ובכל נפשׁך למען חייך׃
Deuteronomy 31:16
16 ויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבני והפר את בריתי אשׁר כרתי אתו׃
Deuteronomy 31:20
20 כי אביאנו אל האדמה אשׁר נשׁבעתי לאבתיו זבת חלב ודבשׁ ואכל ושׂבע ודשׁן ופנה אל אלהים אחרים ועבדום ונאצוני והפר את בריתי׃
Deuteronomy 32:40-42
Deuteronomy 32:46
46 ויאמר אלהם שׂימו לבבכם לכל הדברים אשׁר אנכי מעיד בכם היום אשׁר תצום את בניכם לשׁמר לעשׂות את כל דברי התורה הזאת׃
Deuteronomy 33:8-10
Deuteronomy 33:10
10 יורו משׁפטיך ליעקב ותורתך לישׂראל ישׂימו קטורה באפך וכליל על מזבחך׃
Joshua 13:14
14 רק לשׁבט הלוי לא נתן נחלה אשׁי יהוה אלהי ישׂראל הוא נחלתו כאשׁר דבר׃
Joshua 13:33
33 ולשׁבט הלוי לא נתן משׁה נחלה יהוה אלהי ישׂראל הוא נחלתם כאשׁר דבר׃
1 Samuel 2:29-30
1 Samuel 2:35
35 והקימתי לי כהן נאמן כאשׁר בלבבי ובנפשׁי יעשׂה ובניתי לו בית נאמן והתהלך לפני משׁיחי כל הימים׃
1 Kings 2:35
35 ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃
2 Kings 16:10-16
10 וילך המלך אחז לקראת תגלת פלאסר מלך אשׁור דומשׂק וירא את המזבח אשׁר בדמשׂק וישׁלח המלך אחז אל אוריה הכהן את דמות המזבח ואת תבניתו לכל מעשׂהו׃11 ויבן אוריה הכהן את המזבח ככל אשׁר שׁלח המלך אחז מדמשׂק כן עשׂה אוריה הכהן עד בוא המלך אחז מדמשׂק׃12 ויבא המלך מדמשׂק וירא המלך את המזבח ויקרב המלך על המזבח ויעל עליו׃13 ויקטר את עלתו ואת מנחתו ויסך את נסכו ויזרק את דם השׁלמים אשׁר לו על המזבח׃14 ואת המזבח הנחשׁת אשׁר לפני יהוה ויקרב מאת פני הבית מבין המזבח ומבין בית יהוה ויתן אתו על ירך המזבח צפונה׃15 ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשׁת יהיה לי לבקר׃16 ויעשׂ אוריה הכהן ככל אשׁר צוה המלך אחז׃
2 Kings 23:8-9
2 Kings 23:9
9 אך לא יעלו כהני הבמות אל מזבח יהוה בירושׁלם כי אם אכלו מצות בתוך אחיהם׃
1 Chronicles 22:19
19 עתה תנו לבבכם ונפשׁכם לדרושׁ ליהוה אלהיכם וקומו ובנו את מקדשׁ יהוה האלהים להביא את ארון ברית יהוה וכלי קדשׁ האלהים לבית הנבנה לשׁם יהוה׃
1 Chronicles 23:4
4 מאלה לנצח על מלאכת בית יהוה עשׂרים וארבעה אלף ושׁטרים ושׁפטים שׁשׁת אלפים׃
1 Chronicles 23:28-32
28 כי מעמדם ליד בני אהרן לעבדת בית יהוה על החצרות ועל הלשׁכות ועל טהרת לכל קדשׁ ומעשׂה עבדת בית האלהים׃29 וללחם המערכת ולסלת למנחה ולרקיקי המצות ולמחבת ולמרבכת ולכל משׂורה ומדה׃30 ולעמד בבקר בבקר להדות ולהלל ליהוה וכן לערב׃31 ולכל העלות עלות ליהוה לשׁבתות לחדשׁים ולמעדים במספר כמשׁפט עליהם תמיד לפני יהוה׃32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 23:32-32
32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 26:1-19
1 למחלקות לשׁערים לקרחים משׁלמיהו בן קרא מן בני אסף׃2 ולמשׁלמיהו בנים זכריהו הבכור ידיעאל השׁני זבדיהו השׁלישׁי יתניאל הרביעי׃3 עילם החמישׁי יהוחנן השׁשׁי אליהועיני השׁביעי׃4 ולעבד אדם בנים שׁמעיה הבכור יהוזבד השׁני יואח השׁלשׁי ושׂכר הרביעי ונתנאל החמישׁי׃5 עמיאל השׁשׁי ישׂשכר השׁביעי פעלתי השׁמיני כי ברכו אלהים׃6 ולשׁמעיה בנו נולד בנים הממשׁלים לבית אביהם כי גבורי חיל המה׃7 בני שׁמעיה עתני ורפאל ועובד אלזבד אחיו בני חיל אליהו וסמכיהו׃8 כל אלה מבני עבד אדם המה ובניהם ואחיהם אישׁ חיל בכח לעבדה שׁשׁים ושׁנים לעבד אדם׃9 ולמשׁלמיהו בנים ואחים בני חיל שׁמונה עשׂר׃10 ולחסה מן בני מררי בנים שׁמרי הראשׁ כי לא היה בכור וישׂימהו אביהו לראשׁ׃11 חלקיהו השׁני טבליהו השׁלשׁי זכריהו הרבעי כל בנים ואחים לחסה שׁלשׁה עשׂר׃12 לאלה מחלקות השׁערים לראשׁי הגברים משׁמרות לעמת אחיהם לשׁרת בבית יהוה׃13 ויפילו גורלות כקטן כגדול לבית אבותם לשׁער ושׁער׃14 ויפל הגורל מזרחה לשׁלמיהו וזכריהו בנו יועץ בשׂכל הפילו גורלות ויצא גורלו צפונה׃15 לעבד אדם נגבה ולבניו בית האספים׃16 לשׁפים ולחסה למערב עם שׁער שׁלכת במסלה העולה משׁמר לעמת משׁמר׃17 למזרח הלוים שׁשׁה לצפונה ליום ארבעה לנגבה ליום ארבעה ולאספים שׁנים שׁנים׃18 לפרבר למערב ארבעה למסלה שׁנים לפרבר׃19 אלה מחלקות השׁערים לבני הקרחי ולבני מררי׃
2 Chronicles 4:9
9 ויעשׂ חצר הכהנים והעזרה הגדולה ודלתות לעזרה ודלתותיהם צפה נחשׁת׃
2 Chronicles 11:16
16 ואחריהם מכל שׁבטי ישׂראל הנתנים את לבבם לבקשׁ את יהוה אלהי ישׂראל באו ירושׁלם לזבוח ליהוה אלהי אבותיהם׃
2 Chronicles 19:8-10
8 וגם בירושׁלם העמיד יהושׁפט מן הלוים והכהנים ומראשׁי האבות לישׂראל למשׁפט יהוה ולריב וישׁבו ירושׁלם׃9 ויצו עליהם לאמר כה תעשׂון ביראת יהוה באמונה ובלבב שׁלם׃10 וכל ריב אשׁר יבוא עליכם מאחיכם הישׁבים בעריהם בין דם לדם בין תורה למצוה לחקים ולמשׁפטים והזהרתם אתם ולא יאשׁמו ליהוה והיה קצף עליכם ועל אחיכם כה תעשׂון ולא תאשׁמו׃
2 Chronicles 20:5
5 ויעמד יהושׁפט בקהל יהודה וירושׁלם בבית יהוה לפני החצר החדשׁה׃
2 Chronicles 23:13
13 ותרא והנה המלך עומד על עמודו במבוא והשׂרים והחצצרות על המלך וכל עם הארץ שׂמח ותוקע בחצצרות והמשׁוררים בכלי השׁיר ומודיעים להלל ותקרע עתליהו את בגדיה ותאמר קשׁר קשׁר׃
2 Chronicles 29:4-5
2 Chronicles 29:34
34 רק הכהנים היו למעט ולא יכלו להפשׁיט את כל העלות ויחזקום אחיהם הלוים עד כלות המלאכה ועד יתקדשׁו הכהנים כי הלוים ישׁרי לבב להתקדשׁ מהכהנים׃
2 Chronicles 30:17
17 כי רבת בקהל אשׁר לא התקדשׁו והלוים על שׁחיטת הפסחים לכל לא טהור להקדישׁ ליהוה׃
2 Chronicles 31:4-6
2 Chronicles 31:10
10 ויאמר אליו עזריהו הכהן הראשׁ לבית צדוק ויאמר מהחל התרומה לביא בית יהוה אכול ושׂבוע והותר עד לרוב כי יהוה ברך את עמו והנותר את ההמון הזה׃
2 Chronicles 33:5
5 ויבן מזבחות לכל צבא השׁמים בשׁתי חצרות בית יהוה׃
2 Chronicles 34:31
31 ויעמד המלך על עמדו ויכרת את הברית לפני יהוה ללכת אחרי יהוה ולשׁמור את מצותיו ועדותיו וחקיו בכל לבבו ובכל נפשׁו לעשׂות את דברי הברית הכתובים על הספר הזה׃
2 Chronicles 35:10-11
Ezra 2:63
63 ויאמר התרשׁתא להם אשׁר לא יאכלו מקדשׁ הקדשׁים עד עמד כהן לאורים ולתמים׃
Ezra 8:24-30
24 ואבדילה משׂרי הכהנים שׁנים עשׂר לשׁרביה חשׁביה ועמהם מאחיהם עשׂרה׃25 ואשׁקולה להם את הכסף ואת הזהב ואת הכלים תרומת בית אלהינו ההרימו המלך ויעציו ושׂריו וכל ישׂראל הנמצאים׃26 ואשׁקלה על ידם כסף ככרים שׁשׁ מאות וחמשׁים וכלי כסף מאה לככרים זהב מאה ככר׃27 וכפרי זהב עשׂרים לאדרכנים אלף וכלי נחשׁת מצהב טובה שׁנים חמודת כזהב׃28 ואמרה אלהם אתם קדשׁ ליהוה והכלים קדשׁ והכסף והזהב נדבה ליהוה אלהי אבתיכם׃29 שׁקדו ושׁמרו עד תשׁקלו לפני שׂרי הכהנים והלוים ושׂרי האבות לישׂראל בירושׁלם הלשׁכות בית יהוה׃30 וקבלו הכהנים והלוים משׁקל הכסף והזהב והכלים להביא לירושׁלם לבית אלהינו׃
Nehemiah 8:1-18
1 ויאספו כל העם כאישׁ אחד אל הרחוב אשׁר לפני שׁער המים ויאמרו לעזרא הספר להביא את ספר תורת משׁה אשׁר צוה יהוה את ישׂראל׃2 ויביא עזרא הכהן את התורה לפני הקהל מאישׁ ועד אשׁה וכל מבין לשׁמע ביום אחד לחדשׁ השׁביעי׃3 ויקרא בו לפני הרחוב אשׁר לפני שׁער המים מן האור עד מחצית היום נגד האנשׁים והנשׁים והמבינים ואזני כל העם אל ספר התורה׃4 ויעמד עזרא הספר על מגדל עץ אשׁר עשׂו לדבר ויעמד אצלו מתתיה ושׁמע ועניה ואוריה וחלקיה ומעשׂיה על ימינו ומשׂמאלו פדיה ומישׁאל ומלכיה וחשׁם וחשׁבדנה זכריה משׁלם׃5 ויפתח עזרא הספר לעיני כל העם כי מעל כל העם היה וכפתחו עמדו כל העם׃6 ויברך עזרא את יהוה האלהים הגדול ויענו כל העם אמן אמן במעל ידיהם ויקדו וישׁתחו ליהוה אפים ארצה׃7 וישׁוע ובני ושׁרביה ימין עקוב שׁבתי הודיה מעשׂיה קליטא עזריה יוזבד חנן פלאיה והלוים מבינים את העם לתורה והעם על עמדם׃8 ויקראו בספר בתורת האלהים מפרשׁ ושׂום שׂכל ויבינו במקרא׃9 ויאמר נחמיה הוא התרשׁתא ועזרא הכהן הספר והלוים המבינים את העם לכל העם היום קדשׁ הוא ליהוה אלהיכם אל תתאבלו ואל תבכו כי בוכים כל העם כשׁמעם את דברי התורה׃10 ויאמר להם לכו אכלו משׁמנים ושׁתו ממתקים ושׁלחו מנות לאין נכון לו כי קדושׁ היום לאדנינו ואל תעצבו כי חדות יהוה היא מעזכם׃11 והלוים מחשׁים לכל העם לאמר הסו כי היום קדשׁ ואל תעצבו׃12 וילכו כל העם לאכל ולשׁתות ולשׁלח מנות ולעשׂות שׂמחה גדולה כי הבינו בדברים אשׁר הודיעו׃13 וביום השׁני נאספו ראשׁי האבות לכל העם הכהנים והלוים אל עזרא הספר ולהשׂכיל אל דברי התורה׃14 וימצאו כתוב בתורה אשׁר צוה יהוה ביד משׁה אשׁר ישׁבו בני ישׂראל בסכות בחג בחדשׁ השׁביעי׃15 ואשׁר ישׁמיעו ויעבירו קול בכל עריהם ובירושׁלם לאמר צאו ההר והביאו עלי זית ועלי עץ שׁמן ועלי הדס ועלי תמרים ועלי עץ עבת לעשׂת סכת ככתוב׃16 ויצאו העם ויביאו ויעשׂו להם סכות אישׁ על גגו ובחצרתיהם ובחצרות בית האלהים וברחוב שׁער המים וברחוב שׁער אפרים׃17 ויעשׂו כל הקהל השׁבים מן השׁבי סכות וישׁבו בסכות כי לא עשׂו מימי ישׁוע בן נון כן בני ישׂראל עד היום ההוא ותהי שׂמחה גדולה מאד׃18 ויקרא בספר תורת האלהים יום ביום מן היום הראשׁון עד היום האחרון ויעשׂו חג שׁבעת ימים וביום השׁמיני עצרת כמשׁפט׃
Nehemiah 9:34
34 ואת מלכינו שׂרינו כהנינו ואבתינו לא עשׂו תורתך ולא הקשׁיבו אל מצותיך ולעדותיך אשׁר העידת׃
Nehemiah 10:35-37
35 (10:36) ולהביא את בכורי אדמתנו ובכורי כל פרי כל עץ שׁנה בשׁנה לבית יהוה׃36 (10:37) ואת בכרות בנינו ובהמתינו ככתוב בתורה ואת בכורי בקרינו וצאנינו להביא לבית אלהינו לכהנים המשׁרתים בבית אלהינו׃37 (10:38) ואת ראשׁית עריסתינו ותרומתינו ופרי כל עץ תירושׁ ויצהר נביא לכהנים אל לשׁכות בית אלהינו ומעשׂר אדמתנו ללוים והם הלוים המעשׂרים בכל ערי עבדתנו׃
Psalms 38:4
4 (38:5) כי עונתי עברו ראשׁי כמשׂא כבד יכבדו ממני׃
Psalms 50:16
16 ולרשׁע אמר אלהים מה לך לספר חקי ותשׂא בריתי עלי פיך׃
Psalms 89:7
7 (89:8) אל נערץ בסוד קדשׁים רבה ונורא על כל סביביו׃
Psalms 93:5
5 עדתיך נאמנו מאד לביתך נאוה קדשׁ יהוה לארך ימים׃
Psalms 96:8-9
Psalms 106:26
26 וישׂא ידו להם להפיל אותם במדבר׃
Psalms 119:4
4 אתה צויתה פקדיך לשׁמר מאד׃
Proverbs 3:9-10
Proverbs 24:32
32 ואחזה אנכי אשׁית לבי ראיתי לקחתי מוסר׃
Isaiah 3:20
20 הפארים והצעדות והקשׁרים ובתי הנפשׁ והלחשׁים׃
Isaiah 6:1-5
Isaiah 6:3-4
Isaiah 6:4-4
Isaiah 9:16
16 (9:15) ויהיו מאשׁרי העם הזה מתעים ומאשׁריו מבלעים׃
Isaiah 23:18
18 והיה סחרה ואתננה קדשׁ ליהוה לא יאצר ולא יחסן כי לישׁבים לפני יהוה יהיה סחרה לאכל לשׂבעה ולמכסה עתיק׃
Isaiah 24:5
5 והארץ חנפה תחת ישׁביה כי עברו תורת חלפו חק הפרו ברית עולם׃
Isaiah 53:11
11 מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃
Isaiah 56:6-7
Isaiah 58:13-14
Isaiah 62:9
9 כי מאספיו יאכלהו והללו את יהוה ומקבציו ישׁתהו בחצרות קדשׁי׃
Jeremiah 4:4
4 המלו ליהוה והסרו ערלות לבבכם אישׁ יהודה וישׁבי ירושׁלם פן תצא כאשׁ חמתי ובערה ואין מכבה מפני רע מעלליכם׃
Jeremiah 9:26
26 (9:25) על מצרים ועל יהודה ועל אדום ועל בני עמון ועל מואב ועל כל קצוצי פאה הישׁבים במדבר כי כל הגוים ערלים וכל בית ישׂראל ערלי לב׃
Jeremiah 11:10
10 שׁבו על עונת אבותם הראשׁנים אשׁר מאנו לשׁמוע את דברי והמה הלכו אחרי אלהים אחרים לעבדם הפרו בית ישׂראל ובית יהודה את בריתי אשׁר כרתי את אבותם׃
Jeremiah 23:11
11 כי גם נביא גם כהן חנפו גם בביתי מצאתי רעתם נאם יהוה׃
Jeremiah 31:32
32 לא כברית אשׁר כרתי את אבותם ביום החזיקי בידם להוציאם מארץ מצרים אשׁר המה הפרו את בריתי ואנכי בעלתי בם נאם יהוה׃
Jeremiah 33:18
18 ולכהנים הלוים לא יכרת אישׁ מלפני מעלה עולה ומקטיר מנחה ועשׂה זבח כל הימים׃
Ezekiel 1:28
28 כמראה הקשׁת אשׁר יהיה בענן ביום הגשׁם כן מראה הנגה סביב הוא מראה דמות כבוד יהוה ואראה ואפל על פני ואשׁמע קול מדבר׃
Ezekiel 2:5-8
5 והמה אם ישׁמעו ואם יחדלו כי בית מרי המה וידעו כי נביא היה בתוכם׃6 ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושׁב מדבריהם אל תירא ומפניהם אל תחת כי בית מרי המה׃7 ודברת את דברי אליהם אם ישׁמעו ואם יחדלו כי מרי המה׃8 ואתה בן אדם שׁמע את אשׁר אני מדבר אליך אל תהי מרי כבית המרי פצה פיך ואכל את אשׁר אני נתן אליך׃
Ezekiel 3:9
9 כשׁמיר חזק מצר נתתי מצחך לא תירא אותם ולא תחת מפניהם כי בית מרי המה׃
Ezekiel 3:23
23 ואקום ואצא אל הבקעה והנה שׁם כבוד יהוה עמד ככבוד אשׁר ראיתי על נהר כבר ואפל על פני׃
Ezekiel 3:26-27
Ezekiel 4:14
14 ואמר אהה אדני יהוה הנה נפשׁי לא מטמאה ונבלה וטרפה לא אכלתי מנעורי ועד עתה ולא בא בפי בשׂר פגול׃
Ezekiel 7:20
20 וצבי עדיו לגאון שׂמהו וצלמי תועבתם שׁקוציהם עשׂו בו על כן נתתיו להם לנדה׃
Ezekiel 10:4
4 וירם כבוד יהוה מעל הכרוב על מפתן הבית וימלא הבית את הענן והחצר מלאה את נגה כבוד יהוה׃
Ezekiel 10:18-19
Ezekiel 11:22-23
Ezekiel 14:3-4
Ezekiel 16:61
61 וזכרת את דרכיך ונכלמת בקחתך את אחותיך הגדלות ממך אל הקטנות ממך ונתתי אתהן לך לבנות ולא מבריתך׃
Ezekiel 20:6
6 ביום ההוא נשׂאתי ידי להם להוציאם מארץ מצרים אל ארץ אשׁר תרתי להם זבת חלב ודבשׁ צבי היא לכל הארצות׃
Ezekiel 20:15
15 וגם אני נשׂאתי ידי להם במדבר לבלתי הביא אותם אל הארץ אשׁר נתתי זבת חלב ודבשׁ צבי היא לכל הארצות׃
Ezekiel 20:23
23 גם אני נשׂאתי את ידי להם במדבר להפיץ אתם בגוים ולזרות אותם בארצות׃
Ezekiel 20:28
28 ואביאם אל הארץ אשׁר נשׂאתי את ידי לתת אותה להם ויראו כל גבעה רמה וכל עץ עבת ויזבחו שׁם את זבחיהם ויתנו שׁם כעס קרבנם וישׂימו שׁם ריח ניחוחיהם ויסיכו שׁם את נסכיהם׃
Ezekiel 22:26
26 כהניה חמסו תורתי ויחללו קדשׁי בין קדשׁ לחל לא הבדילו ובין הטמא לטהור לא הודיעו ומשׁבתותי העלימו עיניהם ואחל בתוכם׃
Ezekiel 32:20
20 בתוך חללי חרב יפלו חרב נתנה משׁכו אותה וכל המוניה׃
Ezekiel 34:24
24 ואני יהוה אהיה להם לאלהים ועבדי דוד נשׂיא בתוכם אני יהוה דברתי׃
Ezekiel 36:7
7 לכן כה אמר אדני יהוה אני נשׂאתי את ידי אם לא הגוים אשׁר לכם מסביב המה כלמתם ישׂאו׃
Ezekiel 37:25
25 וישׁבו על הארץ אשׁר נתתי לעבדי ליעקב אשׁר ישׁבו בה אבותיכם וישׁבו עליה המה ובניהם ובני בניהם עד עולם ודוד עבדי נשׂיא להם לעולם׃
Ezekiel 40:4
4 וידבר אלי האישׁ בן אדם ראה בעיניך ובאזניך שׁמע ושׂים לבך לכל אשׁר אני מראה אותך כי למען הראותכה הבאתה הנה הגד את כל אשׁר אתה ראה לבית ישׂראל׃
Ezekiel 40:6
6 ויבוא אל שׁער אשׁר פניו דרך הקדימה ויעל במעלותו וימד את סף השׁער קנה אחד רחב ואת סף אחד קנה אחד רחב׃
Ezekiel 40:9
9 וימד את אלם השׁער שׁמנה אמות ואילו שׁתים אמות ואלם השׁער מהבית׃
Ezekiel 40:17
17 ויביאני אל החצר החיצונה והנה לשׁכות ורצפה עשׂוי לחצר סביב סביב שׁלשׁים לשׁכות אל הרצפה׃
Ezekiel 40:20
20 והשׁער אשׁר פניו דרך הצפון לחצר החיצונה מדד ארכו ורחבו׃
Ezekiel 40:40
40 ואל הכתף מחוצה לעולה לפתח השׁער הצפונה שׁנים שׁלחנות ואל הכתף האחרת אשׁר לאלם השׁער שׁנים שׁלחנות׃
Ezekiel 40:45-46
45 וידבר אלי זה הלשׁכה אשׁר פניה דרך הדרום לכהנים שׁמרי משׁמרת הבית׃
Ezekiel 40:45
Ezekiel 40:46
46 והלשׁכה אשׁר פניה דרך הצפון לכהנים שׁמרי משׁמרת המזבח המה בני צדוק הקרבים מבני לוי אל יהוה לשׁרתו׃
Ezekiel 41:22
22 המזבח עץ שׁלושׁ אמות גבה וארכו שׁתים אמות ומקצעותיו לו וארכו וקירתיו עץ וידבר אלי זה השׁלחן אשׁר לפני יהוה׃
Ezekiel 42:13-14
Ezekiel 42:14-14
14 בבאם הכהנים ולא יצאו מהקדשׁ אל החצר החיצונה ושׁם יניחו בגדיהם אשׁר ישׁרתו בהן כי קדשׁ הנה ילבשׁו בגדים אחרים וקרבו אל אשׁר לעם׃
Ezekiel 43:1
Ezekiel 43:3-5
Ezekiel 43:4-4
4 וכבוד יהוה בא אל הבית דרך שׁער אשׁר פניו דרך הקדים׃
Ezekiel 43:4-5
Ezekiel 43:7-8
Ezekiel 43:10-11
Ezekiel 43:19
19 ונתתה אל הכהנים הלוים אשׁר הם מזרע צדוק הקרבים אלי נאם אדני יהוה לשׁרתני פר בן בקר לחטאת׃
Ezekiel 44:7
7 בהביאכם בני נכר ערלי לב וערלי בשׂר להיות במקדשׁי לחללו את ביתי בהקריבכם את לחמי חלב ודם ויפרו את בריתי אל כל תועבותיכם׃
Ezekiel 44:9
Ezekiel 44:13
13 ולא יגשׁו אלי לכהן לי ולגשׁת על כל קדשׁי אל קדשׁי הקדשׁים ונשׂאו כלמתם ותועבותם אשׁר עשׂו׃14 ונתתי אותם שׁמרי משׁמרת הבית לכל עבדתו ולכל אשׁר יעשׂה׃15 והכהנים הלוים בני צדוק אשׁר שׁמרו את משׁמרת מקדשׁי בתעות בני ישׂראל מעלי המה יקרבו אלי לשׁרתני ועמדו לפני להקריב לי חלב ודם נאם אדני יהוה׃16 המה יבאו אל מקדשׁי והמה יקרבו אל שׁלחני לשׁרתני ושׁמרו את משׁמרתי׃17 והיה בבואם אל שׁערי החצר הפנימית בגדי פשׁתים ילבשׁו ולא יעלה עליהם צמר בשׁרתם בשׁערי החצר הפנימית וביתה׃
Ezekiel 45:4
4 קדשׁ מן הארץ הוא לכהנים משׁרתי המקדשׁ יהיה הקרבים לשׁרת את יהוה והיה להם מקום לבתים ומקדשׁ למקדשׁ׃
Ezekiel 45:9
9 כה אמר אדני יהוה רב לכם נשׂיאי ישׂראל חמס ושׁד הסירו ומשׁפט וצדקה עשׂו הרימו גרשׁתיכם מעל עמי נאם אדני יהוה׃
Ezekiel 46:1
Ezekiel 46:8-10
Ezekiel 46:20
20 ויאמר אלי זה המקום אשׁר יבשׁלו שׁם הכהנים את האשׁם ואת החטאת אשׁר יאפו את המנחה לבלתי הוציא אל החצר החיצונה לקדשׁ את העם׃
Ezekiel 48:9-11
Ezekiel 48:11-11
11 לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃
Daniel 10:12
12 ויאמר אלי אל תירא דניאל כי מן היום הראשׁון אשׁר נתת את לבך להבין ולהתענות לפני אלהיך נשׁמעו דבריך ואני באתי בדבריך׃
Hosea 4:6
6 נדמו עמי מבלי הדעת כי אתה הדעת מאסת ואמאסאך מכהן לי ותשׁכח תורת אלהיך אשׁכח בניך גם אני׃
Hosea 5:1
1 שׁמעו זאת הכהנים והקשׁיבו בית ישׂראל ובית המלך האזינו כי לכם המשׁפט כי פח הייתם למצפה ורשׁת פרושׂה על תבור׃
Joel 3:17
17 (4:17) וידעתם כי אני יהוה אלהיכם שׁכן בציון הר קדשׁי והיתה ירושׁלם קדשׁ וזרים לא יעברו בה עוד׃
Amos 8:7
7 נשׁבע יהוה בגאון יעקב אם אשׁכח לנצח כל מעשׂיהם׃
Micah 3:9-11
Zephaniah 3:4
4 נביאיה פחזים אנשׁי בגדות כהניה חללו קדשׁ חמסו תורה׃
Haggai 2:7
7 והרעשׁתי את כל הגוים ובאו חמדת כל הגוים ומלאתי את הבית הזה כבוד אמר יהוה צבאות׃
Haggai 2:11-13
Zechariah 3:1-7
1 ויראני את יהושׁע הכהן הגדול עמד לפני מלאך יהוה והשׂטן עמד על ימינו לשׂטנו׃2 ויאמר יהוה אל השׂטן יגער יהוה בך השׂטן ויגער יהוה בך הבחר בירושׁלם הלוא זה אוד מצל מאשׁ׃3 ויהושׁע היה לבשׁ בגדים צואים ועמד לפני המלאך׃4 ויען ויאמר אל העמדים לפניו לאמר הסירו הבגדים הצאים מעליו ויאמר אליו ראה העברתי מעליך עונך והלבשׁ אתך מחלצות׃5 ואמר ישׂימו צניף טהור על ראשׁו וישׂימו הצניף הטהור על ראשׁו וילבשׁהו בגדים ומלאך יהוה עמד׃6 ויעד מלאך יהוה ביהושׁע לאמר׃7 כה אמר יהוה צבאות אם בדרכי תלך ואם את משׁמרתי תשׁמר וגם אתה תדין את ביתי וגם תשׁמר את חצרי ונתתי לך מהלכים בין העמדים האלה׃
Zechariah 6:12-13
Zechariah 14:21
21 והיה כל סיר בירושׁלם וביהודה קדשׁ ליהוה צבאות ובאו כל הזבחים ולקחו מהם ובשׁלו בהם ולא יהיה כנעני עוד בבית יהוה צבאות ביום ההוא׃
Malachi 1:7
7 מגישׁים על מזבחי לחם מגאל ואמרתם במה גאלנוך באמרכם שׁלחן יהוה נבזה הוא׃
Malachi 1:12-14
12 ואתם מחללים אותו באמרכם שׁלחן אדני מגאל הוא וניבו נבזה אכלו׃
Malachi 1:12
Malachi 2:6-9
6 תורת אמת היתה בפיהו ועולה לא נמצא בשׂפתיו בשׁלום ובמישׁור הלך אתי ורבים השׁיב מעון׃7 כי שׂפתי כהן ישׁמרו דעת ותורה יבקשׁו מפיהו כי מלאך יהוה צבאות הוא׃8 ואתם סרתם מן הדרך הכשׁלתם רבים בתורה שׁחתם ברית הלוי אמר יהוה צבאות׃9 וגם אני נתתי אתכם נבזים ושׁפלים לכל העם כפי אשׁר אינכם שׁמרים את דרכי ונשׂאים פנים בתורה׃
Malachi 3:1
1 הנני שׁלח מלאכי ופנה דרך לפני ופתאם יבוא אל היכלו האדון אשׁר אתם מבקשׁים ומלאך הברית אשׁר אתם חפצים הנה בא אמר יהוה צבאות׃