Wycliffe(i)
26 We schulen leeue oure litle children, and wymmen, and scheep, and beestis in the citees of Galaad;
27 forsothe alle we thi seruauntis schulen go redi to batel, as thou, lord, spekist.
28 Therfor Moyses comaundide to Eleazar, preest, and to Josue, the sone of Nun, and to the princes of meynees, bi the lynagis of Israel, and seide to hem,
29 If the sones of Gad, and the sones of Ruben goen alle armed with you, to batel bifor the Lord, and the lond be maad suget to you, yyue ye to hem Galaad in to possessioun;