HOT(i)
1 מזמור לאסף אלהים באו גוים בנחלתך טמאו את היכל קדשׁך שׂמו את ירושׁלם לעיים׃ 2 נתנו את נבלת עבדיך מאכל לעוף השׁמים בשׂר חסידיך לחיתו ארץ׃ 3 שׁפכו דמם כמים סביבות ירושׁלם ואין קובר׃ 4 היינו חרפה לשׁכנינו לעג וקלס לסביבותינו׃ 5 עד מה יהוה תאנף לנצח תבער כמו אשׁ קנאתך׃ 6 שׁפך חמתך אל הגוים אשׁר לא ידעוך ועל ממלכות אשׁר בשׁמך לא קראו׃ 7 כי אכל את יעקב ואת נוהו השׁמו׃ 8 אל תזכר לנו עונת ראשׁנים מהר יקדמונו רחמיך כי דלונו מאד׃