HOT(i)
1 למנצח על יונת אלם רחקים לדוד מכתם באחז אתו פלשׁתים בגת׃ (56:2) חנני אלהים כי שׁאפני אנושׁ כל היום לחם ילחצני׃ 2 (56:3) שׁאפו שׁוררי כל היום כי רבים לחמים לי מרום׃ 3 (56:4) יום אירא אני אליך אבטח׃ 4 (56:5) באלהים אהלל דברו באלהים בטחתי לא אירא מה יעשׂה בשׂר׃ 5 (56:6) כל היום דברי יעצבו עלי כל מחשׁבתם לרע׃ 6 (56:7) יגורו יצפינו המה עקבי ישׁמרו כאשׁר קוו נפשׁי׃ 7 (56:8) על און פלט למו באף עמים הורד אלהים׃ 8 (56:9) נדי ספרתה אתה שׂימה דמעתי בנאדך הלא בספרתך׃ 9 (56:10) אז ישׁובו אויבי אחור ביום אקרא זה ידעתי כי אלהים׃ 10 (56:11) באלהים אהלל דבר ביהוה אהלל דבר׃ 11 (56:12) באלהים בטחתי לא אירא מה יעשׂה אדם׃ 12 (56:13) עלי אלהים נדריך אשׁלם תודת׃ 13 (56:14) כי הצלת נפשׁי ממות הלא רגלי מדחי להתהלך לפני אלהים באור החיים׃