Leviticus 9:8-16

HOT^{(i) 8} ויקרב אהרן אל המזבח וישׁחט את עגל החטאת אשׁר׃ ⁹ ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח׃ ¹⁰ ואת החלב ואת הכלית ואת היתרת מן הכבד מן החטאת הקטיר המזבחה כאשׁר צוה יהוה את משׁה׃ ¹¹ ואת הבשׂר ואת העור שׂרף באשׁ מחוץ למחנה׃ ¹² וישׁחט את העלה וימצאו בני אהרן אליו את הדם ויזרקהו על המזבח סביב׃ ¹³ ואת העלה המציאו אליו לנתחיה ואת הראשׁ ויקטר על המזבח׃ ¹⁴ וירחץ את הקרב ואת הכרעים ויקטר על העלה המזבחה׃ ¹⁵ ויקרב את קרבן העם ויקח את שׂעיר החטאת אשׁר לעם וישׁחטהו ויחטאהו כראשׁון׃ ¹⁶ ויקרב את העלה ויעשׂה כמשׁפט׃