Job 16:6-16

HOT^{(i) 6} אם אדברה לא יחשׂך כאבי ואחדלה מה מני יהלך׃ ⁷ אך עתה הלאני השׁמות כל עדתי׃ ⁸ ותקמטני לעד היה ויקם בי כחשׁי בפני יענה׃ ⁹ אפו טרף וישׂטמני חרק עלי בשׁניו צרי ילטושׁ עיניו׃ ¹⁰ פערו עלי בפיהם בחרפה הכו לחיי יחד עלי יתמלאון׃ ¹¹ יסגירני אל אל עויל ועל ידי רשׁעים ירטני׃ ¹² שׁלו הייתי ויפרפרני ואחז בערפי ויפצפצני ויקימני לו למטרה׃ ¹³ יסבו עלי רביו יפלח כליותי ולא יחמול ישׁפך לארץ מררתי׃ ¹⁴ יפרצני פרץ על פני פרץ ירץ עלי כגבור׃ ¹⁵ שׂק תפרתי עלי גלדי ועללתי בעפר קרני׃ ¹⁶ פני חמרמרה מני בכי ועל עפעפי צלמות׃