1 אישׁ תוכחות מקשׁה ערף פתע ישׁבר ואין מרפא׃2 ברבות צדיקים ישׂמח העם ובמשׁל רשׁע יאנח עם׃3 אישׁ אהב חכמה ישׂמח אביו ורעה זונות יאבד הון׃4 מלך במשׁפט יעמיד ארץ ואישׁ תרומות יהרסנה׃5 גבר מחליק על רעהו רשׁת פורשׂ על פעמיו׃6 בפשׁע אישׁ רע מוקשׁ וצדיק ירון ושׂמח׃7 ידע צדיק דין דלים רשׁע לא יבין דעת׃8 אנשׁי לצון יפיחו קריה וחכמים ישׁיבו אף׃9 אישׁ חכם נשׁפט את אישׁ אויל ורגז ושׂחק ואין נחת׃10 אנשׁי דמים ישׂנאו תם וישׁרים יבקשׁו נפשׁו׃11 כל רוחו יוציא כסיל וחכם באחור ישׁבחנה׃12 משׁל מקשׁיב על דבר שׁקר כל משׁרתיו רשׁעים׃13 רשׁ ואישׁ תככים נפגשׁו מאיר עיני שׁניהם יהוה׃14 מלך שׁופט באמת דלים כסאו לעד יכון׃15 שׁבט ותוכחת יתן חכמה ונער משׁלח מבישׁ אמו׃16 ברבות רשׁעים ירבה פשׁע וצדיקים במפלתם יראו׃17 יסר בנך ויניחך ויתן מעדנים לנפשׁך׃18 באין חזון יפרע עם ושׁמר תורה אשׁרהו׃19 בדברים לא יוסר עבד כי יבין ואין מענה׃20 חזית אישׁ אץ בדבריו תקוה לכסיל ממנו׃21 מפנק מנער עבדו ואחריתו יהיה מנון׃22 אישׁ אף יגרה מדון ובעל חמה רב פשׁע׃23 גאות אדם תשׁפילנו ושׁפל רוח יתמך כבוד׃24 חולק עם גנב שׂונא נפשׁו אלה ישׁמע ולא יגיד׃25 חרדת אדם יתן מוקשׁ ובוטח ביהוה ישׂגב׃26 רבים מבקשׁים פני מושׁל ומיהוה משׁפט אישׁ׃27 תועבת צדיקים אישׁ עול ותועבת רשׁע ישׁר דרך׃
Proverbs 29 Cross References - HOT
1 Samuel 2:25
25 אם יחטא אישׁ לאישׁ ופללו אלהים ואם ליהוה יחטא אישׁ מי יתפלל לו ולא ישׁמעו לקול אביהם כי חפץ יהוה להמיתם׃
1 Samuel 2:34
34 וזה לך האות אשׁר יבא אל שׁני בניך אל חפני ופינחס ביום אחד ימותו שׁניהם׃
1 Kings 17:1
1 ויאמר אליהו התשׁבי מתשׁבי גלעד אל אחאב חי יהוה אלהי ישׂראל אשׁר עמדתי לפניו אם יהיה השׁנים האלה טל ומטר כי אם לפי דברי׃
1 Kings 18:18
18 ויאמר לא עכרתי את ישׂראל כי אם אתה ובית אביך בעזבכם את מצות יהוה ותלך אחרי הבעלים׃
1 Kings 20:42
42 ויאמר אליו כה אמר יהוה יען שׁלחת את אישׁ חרמי מיד והיתה נפשׁך תחת נפשׁו ועמך תחת עמו׃
1 Kings 21:20-23
20 ויאמר אחאב אל אליהו המצאתני איבי ויאמר מצאתי יען התמכרך לעשׂות הרע בעיני יהוה׃21 הנני מבי אליך רעה ובערתי אחריך והכרתי לאחאב משׁתין בקיר ועצור ועזוב בישׂראל׃22 ונתתי את ביתך כבית ירבעם בן נבט וכבית בעשׁא בן אחיה אל הכעס אשׁר הכעסת ותחטא את ישׂראל׃23 וגם לאיזבל דבר יהוה לאמר הכלבים יאכלו את איזבל בחל יזרעאל׃
1 Kings 22:20-23
1 Kings 22:28
28 ויאמר מיכיהו אם שׁוב תשׁוב בשׁלום לא דבר יהוה בי ויאמר שׁמעו עמים כלם׃
1 Kings 22:34-37
34 ואישׁ משׁך בקשׁת לתמו ויכה את מלך ישׂראל בין הדבקים ובין השׁרין ויאמר לרכבו הפך ידך והוציאני מן המחנה כי החליתי׃35 ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכב׃36 ויעבר הרנה במחנה כבא השׁמשׁ לאמר אישׁ אל עירו ואישׁ אל ארצו׃37 וימת המלך ויבוא שׁמרון ויקברו את המלך בשׁמרון׃
2 Chronicles 25:16
16 ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשׁחיתך כי עשׂית זאת ולא שׁמעת לעצתי׃
2 Chronicles 33:10
10 וידבר יהוה אל מנשׁה ואל עמו ולא הקשׁיבו׃
2 Chronicles 36:13
13 וגם במלך נבוכדנאצר מרד אשׁר השׁביעו באלהים ויקשׁ את ערפו ויאמץ את לבבו משׁוב אל יהוה אלהי ישׂראל׃
2 Chronicles 36:15-17
Nehemiah 9:29
29 ותעד בהם להשׁיבם אל תורתך והמה הזידו ולא שׁמעו למצותיך ובמשׁפטיך חטאו בם אשׁר יעשׂה אדם וחיה בהם ויתנו כתף סוררת וערפם הקשׁו ולא שׁמעו׃
Proverbs 1:24-31
24 יען קראתי ותמאנו נטיתי ידי ואין מקשׁיב׃25 ותפרעו כל עצתי ותוכחתי לא אביתם׃26 גם אני באידכם אשׂחק אלעג בבא פחדכם׃27 בבא כשׁאוה פחדכם ואידכם כסופה יאתה בבא עליכם צרה וצוקה׃28 אז יקראנני ולא אענה ישׁחרנני ולא ימצאנני׃29 תחת כי שׂנאו דעת ויראת יהוה לא בחרו׃30 לא אבו לעצתי נאצו כל תוכחתי׃31 ויאכלו מפרי דרכם וממעצתיהם ישׂבעו׃
Proverbs 6:15
15 על כן פתאם יבוא אידו פתע ישׁבר ואין מרפא׃
Proverbs 28:18
18 הולך תמים יושׁע ונעקשׁ דרכים יפול באחת׃
Isaiah 30:13-14
Isaiah 48:4
4 מדעתי כי קשׁה אתה וגיד ברזל ערפך ומצחך נחושׁה׃
Jeremiah 17:23
23 ולא שׁמעו ולא הטו את אזנם ויקשׁו את ערפם לבלתי שׁומע ולבלתי קחת מוסר׃
Jeremiah 25:3-5
3 מן שׁלשׁ עשׂרה שׁנה ליאשׁיהו בן אמון מלך יהודה ועד היום הזה זה שׁלשׁ ועשׂרים שׁנה היה דבר יהוה אלי ואדבר אליכם אשׁכים ודבר ולא שׁמעתם׃4 ושׁלח יהוה אליכם את כל עבדיו הנבאים השׁכם ושׁלח ולא שׁמעתם ולא הטיתם את אזנכם לשׁמע׃5 לאמר שׁובו נא אישׁ מדרכו הרעה ומרע מעלליכם ושׁבו על האדמה אשׁר נתן יהוה לכם ולאבותיכם למן עולם ועד עולם׃
Jeremiah 26:3-5
Jeremiah 35:13-16
13 כה אמר יהוה צבאות אלהי ישׂראל הלך ואמרת לאישׁ יהודה וליושׁבי ירושׁלם הלוא תקחו מוסר לשׁמע אל דברי נאם יהוה׃14 הוקם את דברי יהונדב בן רכב אשׁר צוה את בניו לבלתי שׁתות יין ולא שׁתו עד היום הזה כי שׁמעו את מצות אביהם ואנכי דברתי אליכם השׁכם ודבר ולא שׁמעתם אלי׃15 ואשׁלח אליכם את כל עבדי הנבאים השׁכים ושׁלח לאמר שׁבו נא אישׁ מדרכו הרעה והיטיבו מעלליכם ואל תלכו אחרי אלהים אחרים לעבדם ושׁבו אל האדמה אשׁר נתתי לכם ולאבתיכם ולא הטיתם את אזנכם ולא שׁמעתם אלי׃16 כי הקימו בני יהונדב בן רכב את מצות אביהם אשׁר צום והעם הזה לא שׁמעו אלי׃
Zechariah 1:3-6
3 ואמרת אלהם כה אמר יהוה צבאות שׁובו אלי נאם יהוה צבאות ואשׁוב אליכם אמר יהוה צבאות׃4 אל תהיו כאבתיכם אשׁר קראו אליהם הנביאים הראשׁנים לאמר כה אמר יהוה צבאות שׁובו נא מדרכיכם הרעים ומעליליכם הרעים ולא שׁמעו ולא הקשׁיבו אלי נאם יהוה׃5 אבותיכם איה הם והנבאים הלעולם יחיו׃6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
Zechariah 7:11-14
11 וימאנו להקשׁיב ויתנו כתף סררת ואזניהם הכבידו משׁמוע׃12 ולבם שׂמו שׁמיר משׁמוע את התורה ואת הדברים אשׁר שׁלח יהוה צבאות ברוחו ביד הנביאים הראשׁנים ויהי קצף גדול מאת יהוה צבאות׃13 ויהי כאשׁר קרא ולא שׁמעו כן יקראו ולא אשׁמע אמר יהוה צבאות׃14 ואסערם על כל הגוים אשׁר לא ידעום והארץ נשׁמה אחריהם מעבר ומשׁב וישׂימו ארץ חמדה לשׁמה׃
Esther 3:15
15 הרצים יצאו דחופים בדבר המלך והדת נתנה בשׁושׁן הבירה והמלך והמן ישׁבו לשׁתות והעיר שׁושׁן נבוכה׃
Esther 8:15
15 ומרדכי יצא מלפני המלך בלבושׁ מלכות תכלת וחור ועטרת זהב גדולה ותכריך בוץ וארגמן והעיר שׁושׁן צהלה ושׂמחה׃
Psalms 72:1-7
Proverbs 11:10
10 בטוב צדיקים תעלץ קריה ובאבד רשׁעים רנה׃
Proverbs 28:12
12 בעלץ צדיקים רבה תפארת ובקום רשׁעים יחפשׂ אדם׃
Proverbs 28:28
28 בקום רשׁעים יסתר אדם ובאבדם ירבו צדיקים׃
Ecclesiastes 10:5
5 ישׁ רעה ראיתי תחת השׁמשׁ כשׁגגה שׁיצא מלפני השׁליט׃
Isaiah 32:1-2
Jeremiah 23:5-6
Proverbs 5:8-10
Proverbs 6:26
26 כי בעד אשׁה זונה עד ככר לחם ואשׁת אישׁ נפשׁ יקרה תצוד׃
Proverbs 10:1
1 משׁלי שׁלמה בן חכם ישׂמח אב ובן כסיל תוגת אמו׃
Proverbs 15:20
20 בן חכם ישׂמח אב וכסיל אדם בוזה אמו׃
Proverbs 21:17
17 אישׁ מחסור אהב שׂמחה אהב יין ושׁמן לא יעשׁיר׃
Proverbs 21:20
20 אוצר נחמד ושׁמן בנוה חכם וכסיל אדם יבלענו׃
Proverbs 23:15
15 בני אם חכם לבך ישׂמח לבי גם אני׃
Proverbs 23:24-25
Proverbs 27:11
11 חכם בני ושׂמח לבי ואשׁיבה חרפי דבר׃
Proverbs 28:7
7 נוצר תורה בן מבין ורעה זוללים יכלים אביו׃
Proverbs 28:19
19 עבד אדמתו ישׂבע לחם ומרדף רקים ישׂבע רישׁ׃
1 Samuel 13:13
13 ויאמר שׁמואל אל שׁאול נסכלת לא שׁמרת את מצות יהוה אלהיך אשׁר צוך כי עתה הכין יהוה את ממלכתך אל ישׂראל עד עולם׃
2 Samuel 8:15
15 וימלך דוד על כל ישׂראל ויהי דוד עשׂה משׁפט וצדקה לכל עמו׃
1 Kings 2:12
12 ושׁלמה ישׁב על כסא דוד אביו ותכן מלכתו מאד׃
2 Kings 15:18-20
2 Chronicles 9:8
8 יהי יהוה אלהיך ברוך אשׁר חפץ בך לתתך על כסאו למלך ליהוה אלהיך באהבת אלהיך את ישׂראל להעמידו לעולם ויתנך עליהם למלך לעשׂות משׁפט וצדקה׃
Psalms 89:14
14 (89:15) צדק ומשׁפט מכון כסאך חסד ואמת יקדמו פניך׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Proverbs 8:15
15 בי מלכים ימלכו ורוזנים יחקקו צדק׃
Proverbs 16:12
12 תועבת מלכים עשׂות רשׁע כי בצדקה יכון כסא׃
Proverbs 20:8
8 מלך יושׁב על כסא דין מזרה בעיניו כל רע׃
Proverbs 29:14
14 מלך שׁופט באמת דלים כסאו לעד יכון׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 49:8
8 כה אמר יהוה בעת רצון עניתיך וביום ישׁועה עזרתיך ואצרך ואתנך לברית עם להקים ארץ להנחיל נחלות שׁממות׃
Jeremiah 22:13-17
13 הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃14 האמר אבנה לי בית מדות ועליות מרוחים וקרע לו חלוני וספון בארז ומשׁוח בשׁשׁר׃15 התמלך כי אתה מתחרה בארז אביך הלוא אכל ושׁתה ועשׂה משׁפט וצדקה אז טוב׃16 דן דין עני ואביון אז טוב הלוא היא הדעת אתי נאם יהוה׃17 כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃
Daniel 11:20
20 ועמד על כנו מעביר נוגשׂ הדר מלכות ובימים אחדים ישׁבר ולא באפים ולא במלחמה׃
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
2 Samuel 14:17-24
17 ותאמר שׁפחתך יהיה נא דבר אדני המלך למנוחה כי כמלאך האלהים כן אדני המלך לשׁמע הטוב והרע ויהוה אלהיך יהי עמך׃18 ויען המלך ויאמר אל האשׁה אל נא תכחדי ממני דבר אשׁר אנכי שׁאל אתך ותאמר האשׁה ידבר נא אדני המלך׃19 ויאמר המלך היד יואב אתך בכל זאת ותען האשׁה ותאמר חי נפשׁך אדני המלך אם אשׁ להמין ולהשׂמיל מכל אשׁר דבר אדני המלך כי עבדך יואב הוא צוני והוא שׂם בפי שׁפחתך את כל הדברים האלה׃20 לבעבור סבב את פני הדבר עשׂה עבדך יואב את הדבר הזה ואדני חכם כחכמת מלאך האלהים לדעת את כל אשׁר בארץ׃21 ויאמר המלך אל יואב הנה נא עשׂיתי את הדבר הזה ולך השׁב את הנער את אבשׁלום׃22 ויפל יואב אל פניו ארצה וישׁתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשׁר עשׂה המלך את דבר עבדו׃23 ויקם יואב וילך גשׁורה ויבא את אבשׁלום ירושׁלם׃24 ויאמר המלך יסב אל ביתו ופני לא יראה ויסב אבשׁלום אל ביתו ופני המלך לא ראה׃
Job 17:5
5 לחלק יגיד רעים ועיני בניו תכלנה׃
Psalms 5:9
9 (5:10) כי אין בפיהו נכונה קרבם הוות קבר פתוח גרונם לשׁונם יחליקון׃
Psalms 12:2
2 (12:3) שׁוא ידברו אישׁ את רעהו שׂפת חלקות בלב ולב ידברו׃
Proverbs 1:17
17 כי חנם מזרה הרשׁת בעיני כל בעל כנף׃
Proverbs 7:5
5 לשׁמרך מאשׁה זרה מנכריה אמריה החליקה׃
Proverbs 7:21
21 הטתו ברב לקחה בחלק שׂפתיה תדיחנו׃
Proverbs 20:19
19 גולה סוד הולך רכיל ולפתה שׂפתיו לא תתערב׃
Proverbs 26:24-25
Proverbs 26:28
28 לשׁון שׁקר ישׂנא דכיו ופה חלק יעשׂה מדחה׃
Lamentations 1:13
13 ממרום שׁלח אשׁ בעצמתי וירדנה פרשׂ רשׁת לרגלי השׁיבני אחור נתנני שׁממה כל היום דוה׃
Hosea 5:1
1 שׁמעו זאת הכהנים והקשׁיבו בית ישׂראל ובית המלך האזינו כי לכם המשׁפט כי פח הייתם למצפה ורשׁת פרושׂה על תבור׃
Exodus 15:1
1 אז ישׁיר משׁה ובני ישׂראל את השׁירה הזאת ליהוה ויאמרו לאמר אשׁירה ליהוה כי גאה גאה סוס ורכבו רמה בים׃
Job 18:7-10
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 97:11
11 אור זרע לצדיק ולישׁרי לב שׂמחה׃
Psalms 118:15
15 קול רנה וישׁועה באהלי צדיקים ימין יהוה עשׂה חיל׃
Psalms 132:16
16 וכהניה אלבישׁ ישׁע וחסידיה רנן ירננו׃
Proverbs 5:22
22 עוונותיו ילכדנו את הרשׁע ובחבלי חטאתו יתמך׃
Proverbs 11:5-6
Proverbs 12:13
13 בפשׁע שׂפתים מוקשׁ רע ויצא מצרה צדיק׃
Ecclesiastes 9:12
12 כי גם לא ידע האדם את עתו כדגים שׁנאחזים במצודה רעה וכצפרים האחזות בפח כהם יוקשׁים בני האדם לעת רעה כשׁתפול עליהם פתאם׃
Isaiah 8:14-15
1 Samuel 25:9-11
Job 29:16
16 אב אנכי לאביונים ורב לא ידעתי אחקרהו׃
Job 31:13
13 אם אמאס משׁפט עבדי ואמתי ברבם עמדי׃
Job 31:21
21 אם הניפותי על יתום ידי כי אראה בשׁער עזרתי׃
Psalms 31:7
7 (31:8) אגילה ואשׂמחה בחסדך אשׁר ראית את עניי ידעת בצרות נפשׁי׃
Psalms 41:1
1 למנצח מזמור לדוד׃ (41:2) אשׁרי משׂכיל אל דל ביום רעה ימלטהו יהוה׃
Proverbs 21:13
13 אטם אזנו מזעקת דל גם הוא יקרא ולא יענה׃
Proverbs 31:8-9
Jeremiah 5:28
28 שׁמנו עשׁתו גם עברו דברי רע דין לא דנו דין יתום ויצליחו ומשׁפט אביונים לא שׁפטו׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Ezekiel 22:29-31
Micah 3:1-4
Exodus 32:10-14
10 ועתה הניחה לי ויחר אפי בהם ואכלם ואעשׂה אותך לגוי גדול׃11 ויחל משׁה את פני יהוה אלהיו ויאמר למה יהוה יחרה אפך בעמך אשׁר הוצאת מארץ מצרים בכח גדול וביד חזקה׃12 למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שׁוב מחרון אפך והנחם על הרעה לעמך׃13 זכר לאברהם ליצחק ולישׂראל עבדיך אשׁר נשׁבעת להם בך ותדבר אלהם ארבה את זרעכם ככוכבי השׁמים וכל הארץ הזאת אשׁר אמרתי אתן לזרעכם ונחלו לעלם׃14 וינחם יהוה על הרעה אשׁר דבר לעשׂות לעמו׃
Numbers 16:48
48 (17:13) ויעמד בין המתים ובין החיים ותעצר המגפה׃
Numbers 25:11
11 פינחס בן אלעזר בן אהרן הכהן השׁיב את חמתי מעל בני ישׂראל בקנאו את קנאתי בתוכם ולא כליתי את בני ישׂראל בקנאתי׃
Deuteronomy 9:18-20
2 Samuel 24:16-17
Proverbs 11:11
11 בברכת ישׁרים תרום קרת ובפי רשׁעים תהרס׃
Proverbs 16:14
14 חמת מלך מלאכי מות ואישׁ חכם יכפרנה׃
Isaiah 28:14-22
14 לכן שׁמעו דבר יהוה אנשׁי לצון משׁלי העם הזה אשׁר בירושׁלם׃15 כי אמרתם כרתנו ברית את מות ועם שׁאול עשׂינו חזה שׁיט שׁוטף כי עבר לא יבואנו כי שׂמנו כזב מחסנו ובשׁקר נסתרנו׃16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחישׁ׃17 ושׂמתי משׁפט לקו וצדקה למשׁקלת ויעה ברד מחסה כזב וסתר מים ישׁטפו׃18 וכפר בריתכם את מות וחזותכם את שׁאול לא תקום שׁוט שׁוטף כי יעבר והייתם לו למרמס׃19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃20 כי קצר המצע מהשׂתרע והמסכה צרה כהתכנס׃21 כי כהר פרצים יקום יהוה כעמק בגבעון ירגז לעשׂות מעשׂהו זר מעשׂהו ולעבד עבדתו נכריה עבדתו׃22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃
Jeremiah 15:1
1 ויאמר יהוה אלי אם יעמד משׁה ושׁמואל לפני אין נפשׁי אל העם הזה שׁלח מעל פני ויצאו׃
Ezekiel 22:30
30 ואבקשׁ מהם אישׁ גדר גדר ועמד בפרץ לפני בעד הארץ לבלתי שׁחתה ולא מצאתי׃
Amos 7:2-6
Proverbs 26:4
4 אל תען כסיל כאולתו פן תשׁוה לו גם אתה׃
Ecclesiastes 10:13
13 תחלת דברי פיהו סכלות ואחרית פיהו הוללות רעה׃
Genesis 4:5-8
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
1 Samuel 20:31-33
1 Samuel 22:11-23
11 וישׁלח המלך לקרא את אחימלך בן אחיטוב הכהן ואת כל בית אביו הכהנים אשׁר בנב ויבאו כלם אל המלך׃12 ויאמר שׁאול שׁמע נא בן אחיטוב ויאמר הנני אדני׃13 ויאמר אלו שׁאול למה קשׁרתם עלי אתה ובן ישׁי בתתך לו לחם וחרב ושׁאול לו באלהים לקום אלי לארב כיום הזה׃14 ויען אחימלך את המלך ויאמר ומי בכל עבדיך כדוד נאמן וחתן המלך וסר אל משׁמעתך ונכבד בביתך׃15 היום החלתי לשׁאול לו באלהים חלילה לי אל ישׂם המלך בעבדו דבר בכל בית אבי כי לא ידע עבדך בכל זאת דבר קטן או גדול׃16 ויאמר המלך מות תמות אחימלך אתה וכל בית אביך׃17 ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו ולא אבו עבדי המלך לשׁלח את ידם לפגע בכהני יהוה׃18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שׁמנים וחמשׁה אישׁ נשׂא אפוד בד׃19 ואת נב עיר הכהנים הכה לפי חרב מאישׁ ועד אשׁה מעולל ועד יונק ושׁור וחמור ושׂה לפי חרב׃20 וימלט בן אחד לאחימלך בן אחטוב ושׁמו אביתר ויברח אחרי דוד׃21 ויגד אביתר לדוד כי הרג שׁאול את כהני יהוה׃22 ויאמר דוד לאביתר ידעתי ביום ההוא כי שׁם דויג האדמי כי הגד יגיד לשׁאול אנכי סבתי בכל נפשׁ בית אביך׃23 שׁבה אתי אל תירא כי אשׁר יבקשׁ את נפשׁי יבקשׁ את נפשׁך כי משׁמרת אתה עמדי׃
1 Kings 21:20
20 ויאמר אחאב אל אליהו המצאתני איבי ויאמר מצאתי יען התמכרך לעשׂות הרע בעיני יהוה׃
1 Kings 22:8
8 ויאמר מלך ישׂראל אל יהושׁפט עוד אישׁ אחד לדרשׁ את יהוה מאתו ואני שׂנאתיו כי לא יתנבא עלי טוב כי אם רע מיכיהו בן ימלה ויאמר יהושׁפט אל יאמר המלך כן׃
2 Chronicles 18:7
7 ויאמר מלך ישׂראל אל יהושׁפט עוד אישׁ אחד לדרושׁ את יהוה מאתו ואני שׂנאתיהו כי איננו מתנבא עלי לטובה כי כל ימיו לרעה הוא מיכיהו בן ימלא ויאמר יהושׁפט אל יאמר המלך כן׃
Jeremiah 13:15-17
Jeremiah 18:20
20 הישׁלם תחת טובה רעה כי כרו שׁוחה לנפשׁי זכר עמדי לפניך לדבר עליהם טובה להשׁיב את חמתך מהם׃
Jeremiah 40:14-16
14 ויאמרו אליו הידע תדע כי בעליס מלך בני עמון שׁלח את ישׁמעאל בן נתניה להכתך נפשׁ ולא האמין להם גדליהו בן אחיקם׃15 ויוחנן בן קרח אמר אל גדליהו בסתר במצפה לאמר אלכה נא ואכה את ישׁמעאל בן נתניה ואישׁ לא ידע למה יככה נפשׁ ונפצו כל יהודה הנקבצים אליך ואבדה שׁארית יהודה׃16 ויאמר גדליהו בן אחיקם אל יוחנן בן קרח אל תעשׂ את הדבר הזה כי שׁקר אתה דבר אל ישׁמעאל׃
Judges 16:17
17 ויגד לה את כל לבו ויאמר לה מורה לא עלה על ראשׁי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃
Proverbs 12:16
16 אויל ביום יודע כעסו וכסה קלון ערום׃
Proverbs 12:23
23 אדם ערום כסה דעת ולב כסילים יקרא אולת׃
Proverbs 14:33
33 בלב נבון תנוח חכמה ובקרב כסילים תודע׃
Proverbs 19:11
11 שׂכל אדם האריך אפו ותפארתו עבר על פשׁע׃
Amos 5:13
13 לכן המשׂכיל בעת ההיא ידם כי עת רעה היא׃
Micah 7:5
5 אל תאמינו ברע אל תבטחו באלוף משׁכבת חיקך שׁמר פתחי פיך׃
1 Samuel 22:8-23
1 Samuel 23:19-23
19 ויעלו זפים אל שׁאול הגבעתה לאמר הלוא דוד מסתתר עמנו במצדות בחרשׁה בגבעת החכילה אשׁר מימין הישׁימון׃20 ועתה לכל אות נפשׁך המלך לרדת רד ולנו הסגירו ביד המלך׃21 ויאמר שׁאול ברוכים אתם ליהוה כי חמלתם עלי׃22 לכו נא הכינו עוד ודעו וראו את מקומו אשׁר תהיה רגלו מי ראהו שׁם כי אמר אלי ערום יערם הוא׃23 וראו ודעו מכל המחבאים אשׁר יתחבא שׁם ושׁבתם אלי אל נכון והלכתי אתכם והיה אם ישׁנו בארץ וחפשׂתי אתו בכל אלפי יהודה׃
2 Samuel 3:7-11
7 ולשׁאול פלגשׁ ושׁמה רצפה בת איה ויאמר אל אבנר מדוע באתה אל פילגשׁ אבי׃8 ויחר לאבנר מאד על דברי אישׁ בשׁת ויאמר הראשׁ כלב אנכי אשׁר ליהודה היום אעשׂה חסד עם בית שׁאול אביך אל אחיו ואל מרעהו ולא המציתך ביד דוד ותפקד עלי עון האשׁה היום׃9 כה יעשׂה אלהים לאבנר וכה יסיף לו כי כאשׁר נשׁבע יהוה לדוד כי כן אעשׂה׃10 להעביר הממלכה מבית שׁאול ולהקים את כסא דוד על ישׂראל ועל יהודה מדן ועד באר שׁבע׃11 ולא יכל עוד להשׁיב את אבנר דבר מיראתו אתו׃
2 Samuel 4:5-12
5 וילכו בני רמון הבארתי רכב ובענה ויבאו כחם היום אל בית אישׁ בשׁת והוא שׁכב את משׁכב הצהרים׃6 והנה באו עד תוך הבית לקחי חטים ויכהו אל החמשׁ ורכב ובענה אחיו נמלטו׃7 ויבאו הבית והוא שׁכב על מטתו בחדר משׁכבו ויכהו וימתהו ויסירו את ראשׁו ויקחו את ראשׁו וילכו דרך הערבה כל הלילה׃8 ויבאו את ראשׁ אישׁ בשׁת אל דוד חברון ויאמרו אל המלך הנה ראשׁ אישׁ בשׁת בן שׁאול איבך אשׁר בקשׁ את נפשׁך ויתן יהוה לאדני המלך נקמות היום הזה משׁאול ומזרעו׃9 ויען דוד את רכב ואת בענה אחיו בני רמון הבארתי ויאמר להם חי יהוה אשׁר פדה את נפשׁי מכל צרה׃10 כי המגיד לי לאמר הנה מת שׁאול והוא היה כמבשׂר בעיניו ואחזה בו ואהרגהו בצקלג אשׁר לתתי לו בשׂרה׃11 אף כי אנשׁים רשׁעים הרגו את אישׁ צדיק בביתו על משׁכבו ועתה הלוא אבקשׁ את דמו מידכם ובערתי אתכם מן הארץ׃12 ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראשׁ אישׁ בשׁת לקחו ויקברו בקבר אבנר בחברון׃
1 Kings 21:11-13
2 Kings 10:6-7
Psalms 52:2-4
Psalms 101:5-7
Proverbs 25:23
23 רוח צפון תחולל גשׁם ופנים נזעמים לשׁון סתר׃
Exodus 22:25-26
Leviticus 25:35-37
Nehemiah 5:5-7
Psalms 13:3
3 (13:4) הביטה ענני יהוה אלהי האירה עיני פן אישׁן המות׃
Proverbs 22:2
2 עשׁיר ורשׁ נפגשׁו עשׂה כלם יהוה׃
Job 29:11-18
Psalms 72:2-4
Psalms 72:12-14
Psalms 82:2-3
Psalms 89:2
2 (89:3) כי אמרתי עולם חסד יבנה שׁמים תכן אמונתך׃
Proverbs 20:28
28 חסד ואמת יצרו מלך וסעד בחסד כסאו׃
Proverbs 25:5
5 הגו רשׁע לפני מלך ויכון בצדק כסאו׃
Proverbs 28:16
16 נגיד חסר תבונות ורב מעשׁקות שׂנאי בצע יאריך ימים׃
Proverbs 29:4
4 מלך במשׁפט יעמיד ארץ ואישׁ תרומות יהרסנה׃
Isaiah 1:17
17 למדו היטב דרשׁו משׁפט אשׁרו חמוץ שׁפטו יתום ריבו אלמנה׃
Isaiah 9:6-7
Isaiah 11:4
4 ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃
Jeremiah 22:16
16 דן דין עני ואביון אז טוב הלוא היא הדעת אתי נאם יהוה׃
Daniel 4:27
27 (4:24) להן מלכא מלכי ישׁפר עליך וחטיך בצדקה פרק ועויתך במחן ענין הן תהוא ארכה לשׁלותך׃
1 Kings 1:6
6 ולא עצבו אביו מימיו לאמר מדוע ככה עשׂית וגם הוא טוב תאר מאד ואתו ילדה אחרי אבשׁלום׃
Proverbs 10:5
5 אגר בקיץ בן משׂכיל נרדם בקציר בן מבישׁ׃
Proverbs 13:24
24 חושׂך שׁבטו שׂונא בנו ואהבו שׁחרו מוסר׃
Proverbs 17:21
21 ילד כסיל לתוגה לו ולא ישׂמח אבי נבל׃
Proverbs 17:25
25 כעס לאביו בן כסיל וממר ליולדתו׃
Proverbs 22:6
6 חנך לנער על פי דרכו גם כי יזקין לא יסור ממנה׃
Proverbs 22:15
15 אולת קשׁורה בלב נער שׁבט מוסר ירחיקנה ממנו׃
Proverbs 23:13-14
Proverbs 29:17
17 יסר בנך ויניחך ויתן מעדנים לנפשׁך׃
Proverbs 29:21
21 מפנק מנער עבדו ואחריתו יהיה מנון׃
Psalms 37:34
34 קוה אל יהוה ושׁמר דרכו וירוממך לרשׁת ארץ בהכרת רשׁעים תראה׃
Psalms 37:36
36 ויעבר והנה איננו ואבקשׁהו ולא נמצא׃
Psalms 58:10
10 (58:11) ישׂמח צדיק כי חזה נקם פעמיו ירחץ בדם הרשׁע׃
Psalms 91:8
8 רק בעיניך תביט ושׁלמת רשׁעים תראה׃
Psalms 92:9
9 (92:10) כי הנה איביך יהוה כי הנה איביך יאבדו יתפרדו כל פעלי און׃
Psalms 92:11
11 (92:12) ותבט עיני בשׁורי בקמים עלי מרעים תשׁמענה אזני׃
Psalms 112:8
8 סמוך לבו לא יירא עד אשׁר יראה בצריו׃
Proverbs 29:2
2 ברבות צדיקים ישׂמח העם ובמשׁל רשׁע יאנח עם׃
Proverbs 19:18
18 יסר בנך כי ישׁ תקוה ואל המיתו אל תשׂא נפשׁך׃
Proverbs 29:15
15 שׁבט ותוכחת יתן חכמה ונער משׁלח מבישׁ אמו׃
Exodus 32:25
25 וירא משׁה את העם כי פרע הוא כי פרעה אהרן לשׁמצה בקמיהם׃
1 Samuel 3:1
1 והנער שׁמואל משׁרת את יהוה לפני עלי ודבר יהוה היה יקר בימים ההם אין חזון נפרץ׃
2 Chronicles 28:19
19 כי הכניע יהוה את יהודה בעבור אחז מלך ישׂראל כי הפריע ביהודה ומעול מעל ביהוה׃
Psalms 1:1-2
Psalms 19:11
11 (19:12) גם עבדך נזהר בהם בשׁמרם עקב רב׃
Psalms 74:9
9 אותתינו לא ראינו אין עוד נביא ולא אתנו ידע עד מה׃
Psalms 119:2
2 אשׁרי נצרי עדתיו בכל לב ידרשׁוהו׃
Proverbs 19:16
16 שׁמר מצוה שׁמר נפשׁו בוזה דרכיו יומת׃
Hosea 4:6
6 נדמו עמי מבלי הדעת כי אתה הדעת מאסת ואמאסאך מכהן לי ותשׁכח תורת אלהיך אשׁכח בניך גם אני׃
Amos 8:11-12
Job 19:16
16 לעבדי קראתי ולא יענה במו פי אתחנן׃
Proverbs 26:3
3 שׁוט לסוס מתג לחמור ושׁבט לגו כסילים׃
Proverbs 30:22
22 תחת עבד כי ימלוך ונבל כי ישׂבע לחם׃
Proverbs 14:29
29 ארך אפים רב תבונה וקצר רוח מרים אולת׃
Proverbs 21:5
5 מחשׁבות חרוץ אך למותר וכל אץ אך למחסור׃
Proverbs 26:12
12 ראית אישׁ חכם בעיניו תקוה לכסיל ממנו׃
Proverbs 29:11
11 כל רוחו יוציא כסיל וחכם באחור ישׁבחנה׃
Ecclesiastes 5:2
2 (5:1) אל תבהל על פיך ולבך אל ימהר להוציא דבר לפני האלהים כי האלהים בשׁמים ואתה על הארץ על כן יהיו דבריך מעטים׃
Proverbs 10:12
12 שׂנאה תעורר מדנים ועל כל פשׁעים תכסה אהבה׃
Proverbs 14:17
17 קצר אפים יעשׂה אולת ואישׁ מזמות ישׂנא׃
Proverbs 15:18
18 אישׁ חמה יגרה מדון וארך אפים ישׁקיט ריב׃
Proverbs 17:19
19 אהב פשׁע אהב מצה מגביה פתחו מבקשׁ שׁבר׃
Proverbs 22:24
24 אל תתרע את בעל אף ואת אישׁ חמות לא תבוא׃
Proverbs 26:21
21 פחם לגחלים ועצים לאשׁ ואישׁ מדונים לחרחר ריב׃
Proverbs 30:33
33 כי מיץ חלב יוציא חמאה ומיץ אף יוציא דם ומיץ אפים יוציא ריב׃
Deuteronomy 8:2-3
Deuteronomy 8:16
16 המאכלך מן במדבר אשׁר לא ידעון אבתיך למען ענתך ולמען נסתך להיטבך באחריתך׃
2 Chronicles 32:25-26
2 Chronicles 33:10-12
2 Chronicles 33:23-24
Job 22:29
29 כי השׁפילו ותאמר גוה ושׁח עינים יושׁע׃
Job 40:12
12 ראה כל גאה הכניעהו והדך רשׁעים תחתם׃
Proverbs 11:2
2 בא זדון ויבא קלון ואת צנועים חכמה׃
Proverbs 15:33
33 יראת יהוה מוסר חכמה ולפני כבוד ענוה׃
Proverbs 16:18
18 לפני שׁבר גאון ולפני כשׁלון גבה רוח׃
Proverbs 18:12
12 לפני שׁבר יגבה לב אישׁ ולפני כבוד ענוה׃
Isaiah 2:11-12
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Isaiah 66:2
2 ואת כל אלה ידי עשׂתה ויהיו כל אלה נאם יהוה ואל זה אביט אל עני ונכה רוח וחרד על דברי׃
Daniel 4:30-37
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃31 (4:28) עוד מלתא בפם מלכא קל מן שׁמיא נפל לך אמרין נבוכדנצר מלכא מלכותה עדת מנך׃32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃33 (4:30) בה שׁעתא מלתא ספת על נבוכדנצר ומן אנשׁא טריד ועשׂבא כתורין יאכל ומטל שׁמיא גשׁמה יצטבע עד די שׂערה כנשׁרין רבה וטפרוהי כצפרין׃34 (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃36 (4:33) בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת׃37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃
Daniel 5:20-21
Leviticus 5:1
1 ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃
Judges 17:2
2 ויאמר לאמו אלף ומאה הכסף אשׁר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃
Psalms 50:18-22
Proverbs 1:11-19
11 אם יאמרו לכה אתנו נארבה לדם נצפנה לנקי חנם׃12 נבלעם כשׁאול חיים ותמימים כיורדי בור׃13 כל הון יקר נמצא נמלא בתינו שׁלל׃14 גורלך תפיל בתוכנו כיס אחד יהיה לכלנו׃15 בני אל תלך בדרך אתם מנע רגלך מנתיבתם׃16 כי רגליהם לרע ירוצו וימהרו לשׁפך דם׃17 כי חנם מזרה הרשׁת בעיני כל בעל כנף׃18 והם לדמם יארבו יצפנו לנפשׁתם׃19 כן ארחות כל בצע בצע את נפשׁ בעליו יקח׃
Proverbs 6:32
32 נאף אשׁה חסר לב משׁחית נפשׁו הוא יעשׂנה׃
Proverbs 8:36
36 וחטאי חמס נפשׁו כל משׂנאי אהבו מות׃
Proverbs 15:32
32 פורע מוסר מואס נפשׁו ושׁומע תוכחת קונה לב׃
Proverbs 20:2
2 נהם ככפיר אימת מלך מתעברו חוטא נפשׁו׃
Isaiah 1:23
23 שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃
Genesis 12:11-13
Genesis 20:2
2 ויאמר אברהם אל שׂרה אשׁתו אחתי הוא וישׁלח אבימלך מלך גרר ויקח את שׂרה׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Genesis 26:7
7 וישׁאלו אנשׁי המקום לאשׁתו ויאמר אחתי הוא כי ירא לאמר אשׁתי פן יהרגני אנשׁי המקום על רבקה כי טובת מראה הוא׃
Exodus 32:22-24
1 Samuel 15:24
24 ויאמר שׁאול אל שׁמואל חטאתי כי עברתי את פי יהוה ואת דבריך כי יראתי את העם ואשׁמע בקולם׃
1 Samuel 27:1
1 ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃
1 Samuel 27:11
11 ואישׁ ואשׁה לא יחיה דוד להביא גת לאמר פן יגדו עלינו לאמר כה עשׂה דוד וכה משׁפטו כל הימים אשׁר ישׁב בשׂדה פלשׁתים׃
1 Kings 19:3
3 וירא ויקם וילך אל נפשׁו ויבא באר שׁבע אשׁר ליהודה וינח את נערו שׁם׃
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
Psalms 69:29
29 (69:30) ואני עני וכואב ישׁועתך אלהים תשׂגבני׃
Psalms 91:14
14 כי בי חשׁק ואפלטהו אשׂגבהו כי ידע שׁמי׃
Psalms 118:8
8 טוב לחסות ביהוה מבטח באדם׃
Psalms 125:1
1 שׁיר המעלות הבטחים ביהוה כהר ציון לא ימוט לעולם ישׁב׃
Proverbs 16:20
20 משׂכיל על דבר ימצא טוב ובוטח ביהוה אשׁריו׃
Proverbs 18:10
10 מגדל עז שׁם יהוה בו ירוץ צדיק ונשׂגב׃
Proverbs 28:25
25 רחב נפשׁ יגרה מדון ובוטח על יהוה ידשׁן׃
Proverbs 30:5
5 כל אמרת אלוה צרופה מגן הוא לחסים׃
Ecclesiastes 7:18
18 טוב אשׁר תאחז בזה וגם מזה אל תנח את ידך כי ירא אלהים יצא את כלם׃
Isaiah 57:11
11 ואת מי דאגת ותיראי כי תכזבי ואותי לא זכרת לא שׂמת על לבך הלא אני מחשׁה ומעלם ואותי לא תיראי׃
Daniel 3:28
28 ענה נבוכדנצר ואמר בריך אלההון די שׁדרך מישׁך ועבד נגו די שׁלח מלאכה ושׁיזב לעבדוהי די התרחצו עלוהי ומלת מלכא שׁניו ויהבו גשׁמיהון די לא יפלחון ולא יסגדון לכל אלה להן לאלההון׃
Daniel 6:23
23 (6:24) באדין מלכא שׂגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השׁתכח בה די הימן באלהה׃
Genesis 43:14
14 ואל שׁדי יתן לכם רחמים לפני האישׁ ושׁלח לכם את אחיכם אחר ואת בנימין ואני כאשׁר שׁכלתי שׁכלתי׃
Ezra 7:27-28
Nehemiah 1:11
11 אנא אדני תהי נא אזנך קשׁבת אל תפלת עבדך ואל תפלת עבדיך החפצים ליראה את שׁמך והצליחה נא לעבדך היום ותנהו לרחמים לפני האישׁ הזה ואני הייתי משׁקה למלך׃
Esther 4:16
16 לך כנוס את כל היהודים הנמצאים בשׁושׁן וצומו עלי ואל תאכלו ואל תשׁתו שׁלשׁת ימים לילה ויום גם אני ונערתי אצום כן ובכן אבוא אל המלך אשׁר לא כדת וכאשׁר אבדתי אבדתי׃
Psalms 20:9
9 (20:10) יהוה הושׁיעה המלך יעננו ביום קראנו׃
Psalms 62:12
12 (62:13) ולך אדני חסד כי אתה תשׁלם לאישׁ כמעשׂהו׃
Proverbs 16:7
7 ברצות יהוה דרכי אישׁ גם אויביו ישׁלם אתו׃
Proverbs 19:6
6 רבים יחלו פני נדיב וכל הרע לאישׁ מתן׃
Proverbs 19:21
21 רבות מחשׁבות בלב אישׁ ועצת יהוה היא תקום׃
Proverbs 21:1
1 פלגי מים לב מלך ביד יהוה על כל אשׁר יחפץ יטנו׃
Isaiah 46:9-11
Isaiah 49:4
4 ואני אמרתי לריק יגעתי לתהו והבל כחי כליתי אכן משׁפטי את יהוה ופעלתי את אלהי׃
Daniel 4:35
35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃
Psalms 119:115
115 סורו ממני מרעים ואצרה מצות אלהי׃
Psalms 139:21
21 הלוא משׂנאיך יהוה אשׂנא ובתקוממיך אתקוטט׃
Proverbs 24:9
9 זמת אולת חטאת ותועבת לאדם לץ׃
Proverbs 29:10
10 אנשׁי דמים ישׂנאו תם וישׁרים יבקשׁו נפשׁו׃
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃