1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃2 ויולדו לו שׁבעה בנים ושׁלושׁ בנות׃3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃4 והלכו בניו ועשׂו משׁתה בית אישׁ יומו ושׁלחו וקראו לשׁלשׁת אחיתיהם לאכל ולשׁתות עמהם׃5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃6 ויהי היום ויבאו בני האלהים להתיצב על יהוה ויבוא גם השׂטן בתוכם׃7 ויאמר יהוה אל השׂטן מאין תבא ויען השׂטן את יהוה ויאמר משׁוט בארץ ומהתהלך׃8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃9 ויען השׂטן את יהוה ויאמר החנם ירא איוב אלהים׃10 הלא את שׂכת בעדו ובעד ביתו ובעד כל אשׁר לו מסביב מעשׂה ידיו ברכת ומקנהו פרץ בארץ׃11 ואולם שׁלח נא ידך וגע בכל אשׁר לו אם לא על פניך יברכך׃12 ויאמר יהוה אל השׂטן הנה כל אשׁר לו בידך רק אליו אל תשׁלח ידך ויצא השׂטן מעם פני יהוה׃13 ויהי היום ובניו ובנתיו אכלים ושׁתים יין בבית אחיהם הבכור׃14 ומלאך בא אל איוב ויאמר הבקר היו חרשׁות והאתנות רעות על ידיהם׃15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃16 עוד זה מדבר וזה בא ויאמר אשׁ אלהים נפלה מן השׁמים ותבער בצאן ובנערים ותאכלם ואמלטה רק אני לבדי להגיד׃17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃18 עד זה מדבר וזה בא ויאמר בניך ובנותיך אכלים ושׁתים יין בבית אחיהם הבכור׃19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃20 ויקם איוב ויקרע את מעלו ויגז את ראשׁו ויפל ארצה וישׁתחו׃21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃22 בכל זאת לא חטא איוב ולא נתן תפלה לאלהים׃
Job Cross References - HOT
Genesis 6:9
9 אלה תולדת נח נח אישׁ צדיק תמים היה בדרתיו את האלהים התהלך נח׃
Genesis 10:23
23 ובני ארם עוץ וחול וגתר ומשׁ׃
Genesis 17:1
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃
Genesis 22:12
12 ויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני׃
Genesis 22:20-21
Genesis 36:28
28 אלה בני דישׁן עוץ וארן׃
Exodus 18:21
21 ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃
2 Kings 20:3
3 אנה יהוה זכר נא את אשׁר התהלכתי לפניך באמת ובלבב שׁלם והטוב בעיניך עשׂיתי ויבך חזקיהו בכי גדול׃
1 Chronicles 1:17
17 בני שׁם עילם ואשׁור וארפכשׁד ולוד וארם ועוץ וחול וגתר ומשׁך׃
1 Chronicles 1:42
42 בני אצר בלהן וזעון יעקן בני דישׁון עוץ וארן׃
2 Chronicles 31:20-21
Job 1:8
8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Job 2:3
3 ויאמר יהוה אל השׂטן השׂמת לבך אל עבדי איוב כי אין כמהו בארץ אישׁ תם וישׁר ירא אלהים וסר מרע ועדנו מחזיק בתמתו ותסיתני בו לבלעו חנם׃
Job 23:11-12
Job 28:28
28 ויאמר לאדם הן יראת אדני היא חכמה וסור מרע בינה׃
Job 31:1-40
1 ברית כרתי לעיני ומה אתבונן על בתולה׃2 ומה חלק אלוה ממעל ונחלת שׁדי ממרמים׃3 הלא איד לעול ונכר לפעלי און׃4 הלא הוא יראה דרכי וכל צעדי יספור׃5 אם הלכתי עם שׁוא ותחשׁ על מרמה רגלי׃6 ישׁקלני במאזני צדק וידע אלוה תמתי׃7 אם תטה אשׁרי מני הדרך ואחר עיני הלך לבי ובכפי דבק מאום׃8 אזרעה ואחר יאכל וצאצאי ישׁרשׁו׃9 אם נפתה לבי על אשׁה ועל פתח רעי ארבתי׃10 תטחן לאחר אשׁתי ועליה יכרעון אחרין׃11 כי הוא זמה והיא עון פלילים׃12 כי אשׁ היא עד אבדון תאכל ובכל תבואתי תשׁרשׁ׃13 אם אמאס משׁפט עבדי ואמתי ברבם עמדי׃14 ומה אעשׂה כי יקום אל וכי יפקד מה אשׁיבנו׃15 הלא בבטן עשׂני עשׂהו ויכננו ברחם אחד׃16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃18 כי מנעורי גדלני כאב ומבטן אמי אנחנה׃19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃21 אם הניפותי על יתום ידי כי אראה בשׁער עזרתי׃22 כתפי משׁכמה תפול ואזרעי מקנה תשׁבר׃23 כי פחד אלי איד אל ומשׂאתו לא אוכל׃24 אם שׂמתי זהב כסלי ולכתם אמרתי מבטחי׃25 אם אשׂמח כי רב חילי וכי כביר מצאה ידי׃26 אם אראה אור כי יהל וירח יקר הלך׃27 ויפת בסתר לבי ותשׁק ידי לפי׃28 גם הוא עון פלילי כי כחשׁתי לאל ממעל׃29 אם אשׂמח בפיד משׂנאי והתעררתי כי מצאו רע׃30 ולא נתתי לחטא חכי לשׁאל באלה נפשׁו׃31 אם לא אמרו מתי אהלי מי יתן מבשׂרו לא נשׂבע׃32 בחוץ לא ילין גר דלתי לארח אפתח׃33 אם כסיתי כאדם פשׁעי לטמון בחבי עוני׃34 כי אערוץ המון רבה ובוז משׁפחות יחתני ואדם לא אצא פתח׃35 מי יתן לי שׁמע לי הן תוי שׁדי יענני וספר כתב אישׁ ריבי׃36 אם לא על שׁכמי אשׂאנו אענדנו עטרות׃37 מספר צעדי אגידנו כמו נגיד אקרבנו׃38 אם עלי אדמתי תזעק ויחד תלמיה יבכיון׃39 אם כחה אכלתי בלי כסף ונפשׁ בעליה הפחתי׃40 תחת חטה יצא חוח ותחת שׂערה באשׁה תמו דברי איוב׃
Proverbs 8:13
13 יראת יהוה שׂנאת רע גאה וגאון ודרך רע ופי תהפכות שׂנאתי׃
Proverbs 16:6
6 בחסד ואמת יכפר עון וביראת יהוה סור מרע׃
Jeremiah 25:20
20 ואת כל הערב ואת כל מלכי ארץ העוץ ואת כל מלכי ארץ פלשׁתים ואת אשׁקלון ואת עזה ואת עקרון ואת שׁארית אשׁדוד׃
Lamentations 4:21
21 שׂישׂי ושׂמחי בת אדום יושׁבתי בארץ עוץ גם עליך תעבר כוס תשׁכרי ותתערי׃
Ezekiel 14:14
14 והיו שׁלשׁת האנשׁים האלה בתוכה נח דנאל ואיוב המה בצדקתם ינצלו נפשׁם נאם אדני יהוה׃
Ezekiel 14:20
20 ונח דנאל ואיוב בתוכה חי אני נאם אדני יהוה אם בן אם בת יצילו המה בצדקתם יצילו נפשׁם׃
Esther 5:11
11 ויספר להם המן את כבוד עשׁרו ורב בניו ואת כל אשׁר גדלו המלך ואת אשׁר נשׂאו על השׂרים ועבדי המלך׃
Job 13:13
13 החרישׁו ממני ואדברה אני ויעבר עלי מה׃
Job 42:13
13 ויהי לו שׁבענה בנים ושׁלושׁ בנות׃
Psalms 107:38
38 ויברכם וירבו מאד ובהמתם לא ימעיט׃
Psalms 127:3-5
Psalms 128:3
3 אשׁתך כגפן פריה בירכתי ביתך בניך כשׁתלי זיתים סביב לשׁלחנך׃
Genesis 12:5
5 ויקח אברם את שׂרי אשׁתו ואת לוט בן אחיו ואת כל רכושׁם אשׁר רכשׁו ואת הנפשׁ אשׁר עשׂו בחרן ויצאו ללכת ארצה כנען ויבאו ארצה כנען׃
Genesis 12:16
16 ולאברם היטיב בעבורה ויהי לו צאן ובקר וחמרים ועבדים ושׁפחת ואתנת וגמלים׃
Genesis 13:6
6 ולא נשׂא אתם הארץ לשׁבת יחדו כי היה רכושׁם רב ולא יכלו לשׁבת יחדו׃
Genesis 25:6
6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃
Genesis 29:1
1 וישׂא יעקב רגליו וילך ארצה בני קדם׃
Genesis 34:23
23 מקנהם וקנינם וכל בהמתם הלוא לנו הם אך נאותה להם וישׁבו אתנו׃
Numbers 23:7
7 וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃
Numbers 31:32-34
Judges 6:3
3 והיה אם זרע ישׂראל ועלה מדין ועמלק ובני קדם ועלו עליו׃
Judges 6:5
5 כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשׁחתה׃
Judges 7:12
12 ומדין ועמלק וכל בני קדם נפלים בעמק כארבה לרב ולגמליהם אין מספר כחול שׁעל שׂפת הים לרב׃
Judges 8:10
10 וזבח וצלמנע בקרקר ומחניהם עמם כחמשׁת עשׂר אלף כל הנותרים מכל מחנה בני קדם והנפלים מאה ועשׂרים אלף אישׁ שׁלף חרב׃
1 Samuel 25:2
2 ואישׁ במעון ומעשׂהו בכרמל והאישׁ גדול מאד ולו צאן שׁלשׁת אלפים ואלף עזים ויהי בגזז את צאנו בכרמל׃
1 Kings 4:30
30 (5:10) ותרב חכמת שׁלמה מחכמת כל בני קדם ומכל חכמת מצרים׃
2 Kings 3:4
4 ומישׁע מלך מואב היה נקד והשׁיב למלך ישׂראל מאה אלף כרים ומאה אלף אילים צמר׃
2 Chronicles 26:10
10 ויבן מגדלים במדבר ויחצב ברות רבים כי מקנה רב היה לו ובשׁפלה ובמישׁור אכרים וכרמים בהרים ובכרמל כי אהב אדמה היה׃
2 Chronicles 32:29
29 וערים עשׂה לו ומקנה צאן ובקר לרב כי נתן לו אלהים רכושׁ רב מאד׃
Job 29:9-10
Job 29:25
25 אבחר דרכם ואשׁב ראשׁ ואשׁכון כמלך בגדוד כאשׁר אבלים ינחם׃
Job 42:12
12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃
Proverbs 10:22
22 ברכת יהוה היא תעשׁיר ולא יוסף עצב עמה׃
Psalms 133:1
1 שׁיר המעלות לדוד הנה מה טוב ומה נעים שׁבת אחים גם יחד׃
Genesis 6:5
5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Genesis 8:20
20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃
Genesis 22:3
3 וישׁכם אברהם בבקר ויחבשׁ את חמרו ויקח את שׁני נעריו אתו ואת יצחק בנו ויבקע עצי עלה ויקם וילך אל המקום אשׁר אמר לו האלהים׃
Genesis 35:2-3
Exodus 18:12
12 ויקח יתרו חתן משׁה עלה וזבחים לאלהים ויבא אהרן וכל זקני ישׂראל לאכל לחם עם חתן משׁה לפני האלהים׃
Exodus 19:10
10 ויאמר יהוה אל משׁה לך אל העם וקדשׁתם היום ומחר וכבסו שׂמלתם׃
Exodus 24:5
5 וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים׃
Leviticus 1:3-6
Leviticus 24:10-16
10 ויצא בן אשׁה ישׂראלית והוא בן אישׁ מצרי בתוך בני ישׂראל וינצו במחנה בן הישׂראלית ואישׁ הישׂראלי׃11 ויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן׃12 ויניחהו במשׁמר לפרשׁ להם על פי יהוה׃13 וידבר יהוה אל משׁה לאמר׃14 הוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה׃15 ואל בני ישׂראל תדבר לאמר אישׁ אישׁ כי יקלל אלהיו ונשׂא חטאו׃16 ונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת׃
1 Samuel 16:5
5 ויאמר שׁלום לזבח ליהוה באתי התקדשׁו ובאתם אתי בזבח ויקדשׁ את ישׁי ואת בניו ויקרא להם לזבח׃
1 Kings 18:31
31 ויקח אליהו שׁתים עשׂרה אבנים כמספר שׁבטי בני יעקב אשׁר היה דבר יהוה אליו לאמר ישׂראל יהיה שׁמך׃
1 Kings 21:10
10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃
1 Kings 21:13
13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃
Nehemiah 12:30
30 ויטהרו הכהנים והלוים ויטהרו את העם ואת השׁערים ואת החומה׃
Job 1:11
11 ואולם שׁלח נא ידך וגע בכל אשׁר לו אם לא על פניך יברכך׃
Job 2:9
9 ותאמר לו אשׁתו עדך מחזיק בתמתך ברך אלהים ומת׃
Job 8:4
4 אם בניך חטאו לו וישׁלחם ביד פשׁעם׃
Job 27:10
10 אם על שׁדי יתענג יקרא אלוה בכל עת׃
Job 41:25
25 (41:17) משׂתו יגורו אלים משׁברים יתחטאו׃
Job 42:8
8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃
Psalms 5:3
3 (5:4) יהוה בקר תשׁמע קולי בקר אערך לך ואצפה׃
Ecclesiastes 9:10
10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃
Jeremiah 4:14
14 כבסי מרעה לבך ירושׁלם למען תושׁעי עד מתי תלין בקרבך מחשׁבות אונך׃
Jeremiah 17:9-10
Genesis 6:2
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃
Genesis 6:4
4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃
1 Kings 22:19
19 ויאמר לכן שׁמע דבר יהוה ראיתי את יהוה ישׁב על כסאו וכל צבא השׁמים עמד עליו מימינו ומשׂמאלו׃
1 Chronicles 21:1
1 ויעמד שׂטן על ישׂראל ויסת את דויד למנות את ישׂראל׃
Job 2:1
1 ויהי היום ויבאו בני האלהים להתיצב על יהוה ויבוא גם השׂטן בתכם להתיצב על יהוה׃
Job 38:7
7 ברן יחד כוכבי בקר ויריעו כל בני אלהים׃
Psalms 103:20
20 ברכו יהוה מלאכיו גברי כח עשׂי דברו לשׁמע בקול דברו׃
Daniel 3:25
25 ענה ואמר הא אנה חזה גברין ארבעה שׁרין מהלכין בגוא נורא וחבל לא איתי בהון ורוה די רביעיא דמה לבר אלהין׃
Zechariah 3:1
1 ויראני את יהושׁע הכהן הגדול עמד לפני מלאך יהוה והשׂטן עמד על ימינו לשׂטנו׃
2 Kings 5:25
25 והוא בא ויעמד אל אדניו ויאמר אליו אלישׁע מאן גחזי ויאמר לא הלך עבדך אנה ואנה׃
Job 2:2
2 ויאמר יהוה אל השׂטן אי מזה תבא ויען השׂטן את יהוה ויאמר משׁט בארץ ומהתהלך׃
Zechariah 1:10-11
Zechariah 6:7
7 והאמצים יצאו ויבקשׁו ללכת להתהלך בארץ ויאמר לכו התהלכו בארץ ותתהלכנה בארץ׃
Numbers 12:3
3 והאישׁ משׁה ענו מאד מכל האדם אשׁר על פני האדמה׃
Numbers 12:7-8
Joshua 1:7
7 רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃
1 Kings 4:30-31
2 Kings 23:25
25 וכמהו לא היה לפניו מלך אשׁר שׁב אל יהוה בכל לבבו ובכל נפשׁו ובכל מאדו ככל תורת משׁה ואחריו לא קם כמהו׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Job 8:20
20 הן אל לא ימאס תם ולא יחזיק ביד מרעים׃
Job 9:22-23
Job 12:4
4 שׂחק לרעהו אהיה קרא לאלוה ויענהו שׂחוק צדיק תמים׃
Job 17:8-9
Job 34:14
14 אם ישׂים אליו לבו רוחו ונשׁמתו אליו יאסף׃
Job 42:7-8
Psalms 18:23
23 (18:24) ואהי תמים עמו ואשׁתמר מעוני׃
Psalms 34:14
14 (34:15) סור מרע ועשׂה טוב בקשׁ שׁלום ורדפהו׃
Psalms 36:1
1 למנצח לעבד יהוה לדוד׃ (36:2) נאם פשׁע לרשׁע בקרב לבי אין פחד אלהים לנגד עיניו׃
Psalms 37:27
27 סור מרע ועשׂה טוב ושׁכן לעולם׃
Psalms 84:11
11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃
Psalms 89:20
20 (89:21) מצאתי דוד עבדי בשׁמן קדשׁי משׁחתיו׃
Isaiah 1:16
16 רחצו הזכו הסירו רע מעלליכם מנגד עיני חדלו הרע׃
Isaiah 42:1
1 הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃
Ezekiel 40:4
4 וידבר אלי האישׁ בן אדם ראה בעיניך ובאזניך שׁמע ושׂים לבך לכל אשׁר אני מראה אותך כי למען הראותכה הבאתה הנה הגד את כל אשׁר אתה ראה לבית ישׂראל׃
Job 1:21
21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃
Job 2:10
10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃
Job 21:14-15
Malachi 1:10
10 מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם׃
Genesis 15:1
1 אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃
Genesis 26:12
12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃
Genesis 30:30
30 כי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי׃
Genesis 30:43
43 ויפרץ האישׁ מאד מאד ויהי לו צאן רבות ושׁפחות ועבדים וגמלים וחמרים׃
Genesis 39:5
5 ויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה׃
Genesis 49:25
25 מאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם׃
Deuteronomy 7:13
13 ואהבך וברכך והרבך וברך פרי בטנך ופרי אדמתך דגנך ותירשׁך ויצהרך שׁגר אלפיך ועשׁתרת צאנך על האדמה אשׁר נשׁבע לאבתיך לתת׃
Deuteronomy 28:2-6
Deuteronomy 33:11
11 ברך יהוה חילו ופעל ידיו תרצה מחץ מתנים קמיו ומשׂנאיו מן יקומון׃
Deuteronomy 33:27
27 מענה אלהי קדם ומתחת זרעת עולם ויגרשׁ מפניך אויב ויאמר השׁמד׃
1 Samuel 25:16
16 חומה היו עלינו גם לילה גם יומם כל ימי היותנו עמם רעים הצאן׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Job 29:6
6 ברחץ הליכי בחמה וצור יצוק עמדי פלגי שׁמן׃
Job 31:25
25 אם אשׂמח כי רב חילי וכי כביר מצאה ידי׃
Psalms 5:12
12 (5:13) כי אתה תברך צדיק יהוה כצנה רצון תעטרנו׃
Psalms 34:7
7 (34:8) חנה מלאך יהוה סביב ליראיו ויחלצם׃
Psalms 71:21
21 תרב גדלתי ותסב תנחמני׃
Psalms 80:12
12 (80:13) למה פרצת גדריה וארוה כל עברי דרך׃
Psalms 90:17
17 ויהי נעם אדני אלהינו עלינו ומעשׂה ידינו כוננה עלינו ומעשׂה ידינו כוננהו׃
Psalms 128:1-4
Isaiah 5:2
2 ויעזקהו ויסקלהו ויטעהו שׂרק ויבן מגדל בתוכו וגם יקב חצב בו ויקו לעשׂות ענבים ויעשׂ באשׁים׃
Isaiah 5:5
5 ועתה אודיעה נא אתכם את אשׁר אני עשׂה לכרמי הסר משׂוכתו והיה לבער פרץ גדרו והיה למרמס׃
Zechariah 2:5
5 (2:9) ואני אהיה לה נאם יהוה חומת אשׁ סביב ולכבוד אהיה בתוכה׃
Zechariah 2:8
8 (2:12) כי כה אמר יהוה צבאות אחר כבוד שׁלחני אל הגוים השׁללים אתכם כי הנגע בכם נגע בבבת עינו׃
Genesis 26:11
11 ויצו אבימלך את כל העם לאמר הנגע באישׁ הזה ובאשׁתו מות יומת׃
Job 1:5
5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃
Job 1:12
12 ויאמר יהוה אל השׂטן הנה כל אשׁר לו בידך רק אליו אל תשׁלח ידך ויצא השׂטן מעם פני יהוה׃
Job 2:5
5 אולם שׁלח נא ידך וגע אל עצמו ואל בשׂרו אם לא אל פניך יברכך׃
Job 4:5
5 כי עתה תבוא אליך ותלא תגע עדיך ותבהל׃
Job 19:21
21 חנני חנני אתם רעי כי יד אלוה נגעה׃
Psalms 105:15
15 אל תגעו במשׁיחי ולנביאי אל תרעו׃
Isaiah 5:25
25 על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שׁב אפו ועוד ידו נטויה׃
Isaiah 8:21
21 ועבר בה נקשׁה ורעב והיה כי ירעב והתקצף וקלל במלכו ובאלהיו ופנה למעלה׃
Malachi 3:13-14
Genesis 16:6
6 ויאמר אברם אל שׂרי הנה שׁפחתך בידך עשׂי לה הטוב בעיניך ותענה שׂרי ותברח מפניה׃
1 Kings 22:23
23 ועתה הנה נתן יהוה רוח שׁקר בפי כל נביאיך אלה ויהוה דבר עליך רעה׃
Job 2:4-7
Psalms 76:10
10 (76:11) כי חמת אדם תודך שׁארית חמת תחגר׃
Isaiah 27:8
8 בסאסאה בשׁלחה תריבנה הגה ברוחו הקשׁה ביום קדים׃
Jeremiah 38:5
5 ויאמר המלך צדקיהו הנה הוא בידכם כי אין המלך יוכל אתכם דבר׃
Job 1:4
4 והלכו בניו ועשׂו משׁתה בית אישׁ יומו ושׁלחו וקראו לשׁלשׁת אחיתיהם לאכל ולשׁתות עמהם׃
Proverbs 27:1
1 אל תתהלל ביום מחר כי לא תדע מה ילד יום׃
Ecclesiastes 9:12
12 כי גם לא ידע האדם את עתו כדגים שׁנאחזים במצודה רעה וכצפרים האחזות בפח כהם יוקשׁים בני האדם לעת רעה כשׁתפול עליהם פתאם׃
1 Samuel 4:17
17 ויען המבשׂר ויאמר נס ישׂראל לפני פלשׁתים וגם מגפה גדולה היתה בעם וגם שׁני בניך מתו חפני ופינחס וארון האלהים נלקחה׃
2 Samuel 15:13
13 ויבא המגיד אל דוד לאמר היה לב אישׁ ישׂראל אחרי אבשׁלום׃
Jeremiah 51:31
31 רץ לקראת רץ ירוץ ומגיד לקראת מגיד להגיד למלך בבל כי נלכדה עירו מקצה׃
Genesis 10:7
7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃
Genesis 10:28
28 ואת עובל ואת אבימאל ואת שׁבא׃
Genesis 25:3
3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃
1 Samuel 22:20-21
Job 1:16-17
Job 1:19
19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃
Job 6:19
19 הביטו ארחות תמא הליכת שׁבא קוו׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Isaiah 45:14
14 כה אמר יהוה יגיע מצרים וסחר כושׁ וסבאים אנשׁי מדה עליך יעברו ולך יהיו אחריך ילכו בזקים יעברו ואליך ישׁתחוו אליך יתפללו אך בך אל ואין עוד אפס אלהים׃
Ezekiel 23:42
42 וקול המון שׁלו בה ואל אנשׁים מרב אדם מובאים סובאים ממדבר ויתנו צמידים אל ידיהן ועטרת תפארת על ראשׁיהן׃
Joel 3:8
8 (4:8) ומכרתי את בניכם ואת בנותיכם ביד בני יהודה ומכרום לשׁבאים אל גוי רחוק כי יהוה דבר׃
Genesis 19:24
24 ויהוה המטיר על סדם ועל עמרה גפרית ואשׁ מאת יהוה מן השׁמים׃
Exodus 9:28
28 העתירו אל יהוה ורב מהית קלת אלהים וברד ואשׁלחה אתכם ולא תספון לעמד׃
Leviticus 9:24
24 ותצא אשׁ מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם׃
Leviticus 10:2
2 ותצא אשׁ מלפני יהוה ותאכל אותם וימתו לפני יהוה׃
Numbers 11:1-3
1 Samuel 14:15
15 ותהי חרדה במחנה בשׂדה ובכל העם המצב והמשׁחית חרדו גם המה ותרגז הארץ ותהי לחרדת אלהים׃
1 Kings 18:38
38 ותפל אשׁ יהוה ותאכל את העלה ואת העצים ואת האבנים ואת העפר ואת המים אשׁר בתעלה לחכה׃
2 Kings 1:10
10 ויענה אליהו וידבר אל שׂר החמשׁים ואם אישׁ אלהים אני תרד אשׁ מן השׁמים ותאכל אתך ואת חמשׁיך ותרד אשׁ מן השׁמים ותאכל אתו ואת חמשׁיו׃
2 Kings 1:12
12 ויען אליה וידבר אליהם אם אישׁ האלהים אני תרד אשׁ מן השׁמים ותאכל אתך ואת חמשׁיך ותרד אשׁ אלהים מן השׁמים ותאכל אתו ואת חמשׁיו׃
2 Kings 1:14
14 הנה ירדה אשׁ מן השׁמים ותאכל את שׁני שׂרי החמשׁים הראשׁנים ואת חמשׁיהם ועתה תיקר נפשׁי בעיניך׃
Amos 7:4
4 כה הראני אדני יהוה והנה קרא לרב באשׁ אדני יהוה ותאכל את תהום רבה ואכלה את החלק׃
Genesis 11:28
28 וימת הרן על פני תרח אביו בארץ מולדתו באור כשׂדים׃
Genesis 11:31
31 ויקח תרח את אברם בנו ואת לוט בן הרן בן בנו ואת שׂרי כלתו אשׁת אברם בנו ויצאו אתם מאור כשׂדים ללכת ארצה כנען ויבאו עד חרן וישׁבו שׁם׃
2 Samuel 1:3
3 ויאמר לו דוד אי מזה תבוא ויאמר אליו ממחנה ישׂראל נמלטתי׃
Job 1:15
15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃
Isaiah 23:13
13 הן ארץ כשׂדים זה העם לא היה אשׁור יסדה לציים הקימו בחיניו עררו ארמנותיה שׂמה למפלה׃
Habakkuk 1:6
6 כי הנני מקים את הכשׂדים הגוי המר והנמהר ההולך למרחבי ארץ לרשׁת משׁכנות לא׃
2 Samuel 13:28
28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
Job 1:13
13 ויהי היום ובניו ובנתיו אכלים ושׁתים יין בבית אחיהם הבכור׃
Job 6:2-3
Job 16:14
14 יפרצני פרץ על פני פרץ ירץ עלי כגבור׃
Job 19:9-10
Job 23:2
2 גם היום מרי שׂחי ידי כבדה על אנחתי׃
Job 27:14
14 אם ירבו בניו למו חרב וצאצאיו לא ישׂבעו לחם׃
Psalms 34:19
19 (34:20) רבות רעות צדיק ומכלם יצילנו יהוה׃
Ecclesiastes 9:2
2 הכל כאשׁר לכל מקרה אחד לצדיק ולרשׁע לטוב ולטהור ולטמא ולזבח ולאשׁר איננו זבח כטוב כחטא הנשׁבע כאשׁר שׁבועה ירא׃
Isaiah 28:19
19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃
Lamentations 1:12
12 לוא אליכם כל עברי דרך הביטו וראו אם ישׁ מכאוב כמכאבי אשׁר עולל לי אשׁר הוגה יהוה ביום חרון אפו׃
Amos 4:6-11
6 וגם אני נתתי לכם נקיון שׁנים בכל עריכם וחסר לחם בכל מקומתיכם ולא שׁבתם עדי נאם יהוה׃7 וגם אנכי מנעתי מכם את הגשׁם בעוד שׁלשׁה חדשׁים לקציר והמטרתי על עיר אחת ועל עיר אחת לא אמטיר חלקה אחת תמטר וחלקה אשׁר לא תמטיר עליה תיבשׁ׃8 ונעו שׁתים שׁלשׁ ערים אל עיר אחת לשׁתות מים ולא ישׂבעו ולא שׁבתם עדי נאם יהוה׃9 הכיתי אתכם בשׁדפון ובירקון הרבות גנותיכם וכרמיכם ותאניכם וזיתיכם יאכל הגזם ולא שׁבתם עדי נאם יהוה׃10 שׁלחתי בכם דבר בדרך מצרים הרגתי בחרב בחוריכם עם שׁבי סוסיכם ואעלה באשׁ מחניכם ובאפכם ולא שׁבתם עדי נאם יהוה׃11 הפכתי בכם כמהפכת אלהים את סדם ואת עמרה ותהיו כאוד מצל משׂרפה ולא שׁבתם עדי נאם יהוה׃
Genesis 37:32-33
Genesis 42:36
36 ויאמר אלהם יעקב אביהם אתי שׁכלתם יוסף איננו ושׁמעון איננו ואת בנימן תקחו עלי היו כלנה׃
Judges 16:30
30 ויאמר שׁמשׁון תמות נפשׁי עם פלשׁתים ויט בכח ויפל הבית על הסרנים ועל כל העם אשׁר בו ויהיו המתים אשׁר המית במותו רבים מאשׁר המית בחייו׃
2 Samuel 18:33
33 (19:1) וירגז המלך ויעל על עלית השׁער ויבך וכה אמר בלכתו בני אבשׁלום בני בני אבשׁלום מי יתן מותי אני תחתיך אבשׁלום בני בני׃
1 Kings 20:30
30 וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃
Jeremiah 4:11-12
Genesis 37:29
29 וישׁב ראובן אל הבור והנה אין יוסף בבור ויקרע את בגדיו׃
Genesis 37:34
34 ויקרע יעקב שׂמלתיו וישׂם שׂק במתניו ויתאבל על בנו ימים רבים׃
Deuteronomy 9:18
18 ואתנפל לפני יהוה כראשׁנה ארבעים יום וארבעים לילה לחם לא אכלתי ומים לא שׁתיתי על כל חטאתכם אשׁר חטאתם לעשׂות הרע בעיני יהוה להכעיסו׃
2 Samuel 12:16-20
16 ויבקשׁ דוד את האלהים בעד הנער ויצם דוד צום ובא ולן ושׁכב ארצה׃17 ויקמו זקני ביתו עליו להקימו מן הארץ ולא אבה ולא ברא אתם לחם׃18 ויהי ביום השׁביעי וימת הילד ויראו עבדי דוד להגיד לו כי מת הילד כי אמרו הנה בהיות הילד חי דברנו אליו ולא שׁמע בקולנו ואיך נאמר אליו מת הילד ועשׂה רעה׃19 וירא דוד כי עבדיו מתלחשׁים ויבן דוד כי מת הילד ויאמר דוד אל עבדיו המת הילד ויאמרו מת׃20 ויקם דוד מהארץ וירחץ ויסך ויחלף שׂמלתו ויבא בית יהוה וישׁתחו ויבא אל ביתו וישׁאל וישׂימו לו לחם ויאכל׃
2 Chronicles 7:3
3 וכל בני ישׂראל ראים ברדת האשׁ וכבוד יהוה על הבית ויכרעו אפים ארצה על הרצפה וישׁתחוו והודות ליהוה כי טוב כי לעולם חסדו׃
Ezra 9:3
3 וכשׁמעי את הדבר הזה קרעתי את בגדי ומעילי ואמרטה משׂער ראשׁי וזקני ואשׁבה משׁומם׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Genesis 30:2
2 ויחר אף יעקב ברחל ויאמר התחת אלהים אנכי אשׁר מנע ממך פרי בטן׃
Genesis 45:5
5 ועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם׃
1 Samuel 2:7
7 יהוה מורישׁ ומעשׁיר משׁפיל אף מרומם׃
1 Samuel 3:18
18 ויגד לו שׁמואל את כל הדברים ולא כחד ממנו ויאמר יהוה הוא הטוב בעינו יעשׂה׃
2 Samuel 16:12
12 אולי יראה יהוה בעוני והשׁיב יהוה לי טובה תחת קללתו היום הזה׃
1 Kings 12:15
15 ולא שׁמע המלך אל העם כי היתה סבה מעם יהוה למען הקים את דברו אשׁר דבר יהוה ביד אחיה השׁילני אל ירבעם בן נבט׃
2 Kings 20:19
19 ויאמר חזקיהו אל ישׁעיהו טוב דבר יהוה אשׁר דברת ויאמר הלוא אם שׁלום ואמת יהיה בימי׃
Psalms 34:1
1 לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃
Psalms 39:9
9 (39:10) נאלמתי לא אפתח פי כי אתה עשׂית׃
Psalms 49:17
17 (49:18) כי לא במותו יקח הכל לא ירד אחריו כבודו׃
Psalms 89:38-52
38 (89:39) ואתה זנחת ותמאס התעברת עם משׁיחך׃39 (89:40) נארתה ברית עבדך חללת לארץ נזרו׃40 (89:41) פרצת כל גדרתיו שׂמת מבצריו מחתה׃41 (89:42) שׁסהו כל עברי דרך היה חרפה לשׁכניו׃42 (89:43) הרימות ימין צריו השׂמחת כל אויביו׃43 (89:44) אף תשׁיב צור חרבו ולא הקימתו במלחמה׃44 (89:45) השׁבת מטהרו וכסאו לארץ מגרתה׃45 (89:46) הקצרת ימי עלומיו העטית עליו בושׁה סלה׃46 (89:47) עד מה יהוה תסתר לנצח תבער כמו אשׁ חמתך׃47 (89:48) זכר אני מה חלד על מה שׁוא בראת כל בני אדם׃48 (89:49) מי גבר יחיה ולא יראה מות ימלט נפשׁו מיד שׁאול סלה׃49 (89:50) איה חסדיך הראשׁנים אדני נשׁבעת לדוד באמונתך׃50 (89:51) זכר אדני חרפת עבדיך שׂאתי בחיקי כל רבים עמים׃51 (89:52) אשׁר חרפו אויביך יהוה אשׁר חרפו עקבות משׁיחך׃52 (89:53) ברוך יהוה לעולם אמן ואמן׃
Ecclesiastes 5:15
15 (5:14) כאשׁר יצא מבטן אמו ערום ישׁוב ללכת כשׁבא ומאומה לא ישׂא בעמלו שׁילך בידו׃
Ecclesiastes 5:19
19 (5:18) גם כל האדם אשׁר נתן לו האלהים עשׁר ונכסים והשׁליטו לאכל ממנו ולשׂאת את חלקו ולשׂמח בעמלו זה מתת אלהים היא׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Isaiah 24:15
15 על כן בארים כבדו יהוה באיי הים שׁם יהוה אלהי ישׂראל׃
Isaiah 42:24
24 מי נתן למשׁוסה יעקב וישׂראל לבזזים הלוא יהוה זו חטאנו לו ולא אבו בדרכיו הלוך ולא שׁמעו בתורתו׃
Isaiah 45:7
7 יוצר אור ובורא חשׁך עשׂה שׁלום ובורא רע אני יהוה עשׂה כל אלה׃
Lamentations 3:38
38 מפי עליון לא תצא הרעות והטוב׃
Amos 3:6
6 אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃
Job 34:10
10 לכן אנשׁי לבב שׁמעו לי חללה לאל מרשׁע ושׁדי מעול׃