Esther Cross References - HOT

1 ויהי בימי אחשׁורושׁ הוא אחשׁורושׁ המלך מהדו ועד כושׁ שׁבע ועשׂרים ומאה מדינה׃2 בימים ההם כשׁבת המלך אחשׁורושׁ על כסא מלכותו אשׁר בשׁושׁן הבירה׃3 בשׁנת שׁלושׁ למלכו עשׂה משׁתה לכל שׂריו ועבדיו חיל פרס ומדי הפרתמים ושׂרי המדינות לפניו׃4 בהראתו את עשׁר כבוד מלכותו ואת יקר תפארת גדולתו ימים רבים שׁמונים ומאת יום׃5 ובמלואת הימים האלה עשׂה המלך לכל העם הנמצאים בשׁושׁן הבירה למגדול ועד קטן משׁתה שׁבעת ימים בחצר גנת ביתן המלך׃6 חור כרפס ותכלת אחוז בחבלי בוץ וארגמן על גלילי כסף ועמודי שׁשׁ מטות זהב וכסף על רצפת בהט ושׁשׁ ודר וסחרת׃7 והשׁקות בכלי זהב וכלים מכלים שׁונים ויין מלכות רב כיד המלך׃8 והשׁתיה כדת אין אנס כי כן יסד המלך על כל רב ביתו לעשׂות כרצון אישׁ ואישׁ׃9 גם ושׁתי המלכה עשׂתה משׁתה נשׁים בית המלכות אשׁר למלך אחשׁורושׁ׃10 ביום השׁביעי כטוב לב המלך ביין אמר למהומן בזתא חרבונא בגתא ואבגתא זתר וכרכס שׁבעת הסריסים המשׁרתים את פני המלך אחשׁורושׁ׃11 להביא את ושׁתי המלכה לפני המלך בכתר מלכות להראות העמים והשׂרים את יפיה כי טובת מראה היא׃12 ותמאן המלכה ושׁתי לבוא בדבר המלך אשׁר ביד הסריסים ויקצף המלך מאד וחמתו בערה׃13 ויאמר המלך לחכמים ידעי העתים כי כן דבר המלך לפני כל ידעי דת ודין׃14 והקרב אליו כרשׁנא שׁתר אדמתא תרשׁישׁ מרס מרסנא ממוכן שׁבעת שׂרי פרס ומדי ראי פני המלך הישׁבים ראשׁנה במלכות׃15 כדת מה לעשׂות במלכה ושׁתי על אשׁר לא עשׂתה את מאמר המלך אחשׁורושׁ ביד הסריסים׃16 ויאמר מומכן לפני המלך והשׂרים לא על המלך לבדו עותה ושׁתי המלכה כי על כל השׂרים ועל כל העמים אשׁר בכל מדינות המלך אחשׁורושׁ׃17 כי יצא דבר המלכה על כל הנשׁים להבזות בעליהן בעיניהן באמרם המלך אחשׁורושׁ אמר להביא את ושׁתי המלכה לפניו ולא באה׃18 והיום הזה תאמרנה שׂרות פרס ומדי אשׁר שׁמעו את דבר המלכה לכל שׂרי המלך וכדי בזיון וקצף׃19 אם על המלך טוב יצא דבר מלכות מלפניו ויכתב בדתי פרס ומדי ולא יעבור אשׁר לא תבוא ושׁתי לפני המלך אחשׁורושׁ ומלכותה יתן המלך לרעותה הטובה ממנה׃20 ונשׁמע פתגם המלך אשׁר יעשׂה בכל מלכותו כי רבה היא וכל הנשׁים יתנו יקר לבעליהן למגדול ועד קטן׃21 וייטב הדבר בעיני המלך והשׂרים ויעשׂ המלך כדבר ממוכן׃22 וישׁלח ספרים אל כל מדינות המלך אל מדינה ומדינה ככתבה ואל עם ועם כלשׁונו להיות כל אישׁ שׂרר בביתו ומדבר כלשׁון עמו׃

Genesis 3:16

16 אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל׃

Genesis 40:20

20 ויהי ביום השׁלישׁי יום הלדת את פרעה ויעשׂ משׁתה לכל עבדיו וישׂא את ראשׁ שׂר המשׁקים ואת ראשׁ שׂר האפים בתוך עבדיו׃

Genesis 41:37

37 וייטב הדבר בעיני פרעה ובעיני כל עבדיו׃

Genesis 43:34

34 וישׂא משׂאת מאת פניו אלהם ותרב משׂאת בנימן ממשׂאת כלם חמשׁ ידות וישׁתו וישׁכרו עמו׃

Exodus 26:1

1 ואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם׃

Exodus 26:31-32

31 ועשׂית פרכת תכלת וארגמן ותולעת שׁני ושׁשׁ משׁזר מעשׂה חשׁב יעשׂה אתה כרבים׃32 ונתתה אתה על ארבעה עמודי שׁטים מצפים זהב וויהם זהב על ארבעה אדני כסף׃

Exodus 26:36-37

36 ועשׂית מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם׃37 ועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת׃

Exodus 32:19

19 ויהי כאשׁר קרב אל המחנה וירא את העגל ומחלת ויחר אף משׁה וישׁלך מידו את הלחת וישׁבר אתם תחת ההר׃

Exodus 32:22

22 ויאמר אהרן אל יחר אף אדני אתה ידעת את העם כי ברע הוא׃

Deuteronomy 17:13

13 וכל העם ישׁמעו ויראו ולא יזידון עוד׃

Deuteronomy 21:21

21 ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃

Deuteronomy 29:20

20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃

Judges 5:29

29 חכמות שׂרותיה תענינה אף היא תשׁיב אמריה׃

Judges 16:25

25 ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃

1 Samuel 15:28

28 ויאמר אליו שׁמואל קרע יהוה את ממלכות ישׂראל מעליך היום ונתנה לרעך הטוב ממך׃

1 Samuel 25:3

3 ושׁם האישׁ נבל ושׁם אשׁתו אבגיל והאשׁה טובת שׂכל ויפת תאר והאישׁ קשׁה ורע מעללים והוא כלבו׃

1 Samuel 25:36-37

36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃

2 Samuel 6:16

16 והיה ארון יהוה בא עיר דוד ומיכל בת שׁאול נשׁקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

2 Samuel 7:1

1 ויהי כי ישׁב המלך בביתו ויהוה הניח לו מסביב מכל איביו׃

2 Samuel 13:28

28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

2 Samuel 14:25

25 וכאבשׁלום לא היה אישׁ יפה בכל ישׂראל להלל מאד מכף רגלו ועד קדקדו לא היה בו מום׃

1 Kings 1:46

46 וגם ישׁב שׁלמה על כסא המלוכה׃

1 Kings 3:15

15 ויקץ שׁלמה והנה חלום ויבוא ירושׁלם ויעמד לפני ארון ברית אדני ויעל עלות ויעשׂ שׁלמים ויעשׂ משׁתה לכל עבדיו׃

1 Kings 3:28

28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃

1 Kings 10:21

21 וכל כלי משׁקה המלך שׁלמה זהב וכל כלי בית יער הלבנון זהב סגור אין כסף לא נחשׁב בימי שׁלמה למאומה׃

1 Kings 11:3

3 ויהי לו נשׁים שׂרות שׁבע מאות ופלגשׁים שׁלשׁ מאות ויטו נשׁיו את לבו׃

2 Kings 25:19

19 ומן העיר לקח סריס אחד אשׁר הוא פקיד על אנשׁי המלחמה וחמשׁה אנשׁים מראי פני המלך אשׁר נמצאו בעיר ואת הספר שׂר הצבא המצבא את עם הארץ ושׁשׁים אישׁ מעם הארץ הנמצאים בעיר׃

1 Chronicles 12:32

32 (12:33) ומבני ישׂשכר יודעי בינה לעתים לדעת מה יעשׂה ישׂראל ראשׁיהם מאתים וכל אחיהם על פיהם׃

1 Chronicles 29:11-12

11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃

1 Chronicles 29:25

25 ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃

2 Chronicles 7:8-9

8 ויעשׂ שׁלמה את החג בעת ההיא שׁבעת ימים וכל ישׂראל עמו קהל גדול מאד מלבוא חמת עד נחל מצרים׃9 ויעשׂו ביום השׁמיני עצרת כי חנכת המזבח עשׂו שׁבעת ימים והחג שׁבעת ימים׃

2 Chronicles 9:20

20 וכל כלי משׁקה המלך שׁלמה זהב וכל כלי בית יער הלבנון זהב סגור אין כסף נחשׁב בימי שׁלמה למאומה׃

2 Chronicles 30:21-25

21 ויעשׂו בני ישׂראל הנמצאים בירושׁלם את חג המצות שׁבעת ימים בשׂמחה גדולה ומהללים ליהוה יום ביום הלוים והכהנים בכלי עז ליהוה׃22 וידבר יחזקיהו על לב כל הלוים המשׂכילים שׂכל טוב ליהוה ויאכלו את המועד שׁבעת הימים מזבחים זבחי שׁלמים ומתודים ליהוה אלהי אבותיהם׃23 ויועצו כל הקהל לעשׂות שׁבעת ימים אחרים ויעשׂו שׁבעת ימים שׂמחה׃24 כי חזקיהו מלך יהודה הרים לקהל אלף פרים ושׁבעת אלפים צאן והשׂרים הרימו לקהל פרים אלף וצאן עשׂרת אלפים ויתקדשׁו כהנים לרב׃25 וישׂמחו כל קהל יהודה והכהנים והלוים וכל הקהל הבאים מישׂראל והגרים הבאים מארץ ישׂראל והיושׁבים ביהודה׃

Ezra 1:2

2 כה אמר כרשׁ מלך פרס כל ממלכות הארץ נתן לי יהוה אלהי השׁמים והוא פקד עלי לבנות לו בית בירושׁלם אשׁר ביהודה׃

Ezra 4:6

6 ובמלכות אחשׁורושׁ בתחלת מלכותו כתבו שׂטנה על ישׁבי יהודה וירושׁלם׃

Ezra 7:14

14 כל קבל די מן קדם מלכא ושׁבעת יעטהי שׁליח לבקרא על יהוד ולירושׁלם בדת אלהך די בידך׃

Nehemiah 1:1

1 דברי נחמיה בן חכליה ויהי בחדשׁ כסלו שׁנת עשׂרים ואני הייתי בשׁושׁן הבירה׃

Esther 1:14

14 והקרב אליו כרשׁנא שׁתר אדמתא תרשׁישׁ מרס מרסנא ממוכן שׁבעת שׂרי פרס ומדי ראי פני המלך הישׁבים ראשׁנה במלכות׃

Esther 1:19

19 אם על המלך טוב יצא דבר מלכות מלפניו ויכתב בדתי פרס ומדי ולא יעבור אשׁר לא תבוא ושׁתי לפני המלך אחשׁורושׁ ומלכותה יתן המלך לרעותה הטובה ממנה׃

Esther 1:21

21 וייטב הדבר בעיני המלך והשׂרים ויעשׂ המלך כדבר ממוכן׃

Esther 2:3

3 ויפקד המלך פקידים בכל מדינות מלכותו ויקבצו את כל נערה בתולה טובת מראה אל שׁושׁן הבירה אל בית הנשׁים אל יד הגא סריס המלך שׁמר הנשׁים ונתון תמרקיהן׃4 והנערה אשׁר תיטב בעיני המלך תמלך תחת ושׁתי וייטב הדבר בעיני המלך ויעשׂ כן׃

Esther 2:17

17 ויאהב המלך את אסתר מכל הנשׁים ותשׂא חן וחסד לפניו מכל הבתולות וישׂם כתר מלכות בראשׁה וימליכה תחת ושׁתי׃18 ויעשׂ המלך משׁתה גדול לכל שׂריו ועבדיו את משׁתה אסתר והנחה למדינות עשׂה ויתן משׂאת כיד המלך׃

Esther 3:9

9 אם על המלך טוב יכתב לאבדם ועשׂרת אלפים ככר כסף אשׁקול על ידי עשׂי המלאכה להביא אל גנזי המלך׃

Esther 3:12

12 ויקראו ספרי המלך בחדשׁ הראשׁון בשׁלושׁה עשׂר יום בו ויכתב ככל אשׁר צוה המן אל אחשׁדרפני המלך ואל הפחות אשׁר על מדינה ומדינה ואל שׂרי עם ועם מדינה ומדינה ככתבה ועם ועם כלשׁונו בשׁם המלך אחשׁורשׁ נכתב ונחתם בטבעת המלך׃

Esther 3:15

15 הרצים יצאו דחופים בדבר המלך והדת נתנה בשׁושׁן הבירה והמלך והמן ישׁבו לשׁתות והעיר שׁושׁן נבוכה׃

Esther 4:16

16 לך כנוס את כל היהודים הנמצאים בשׁושׁן וצומו עלי ואל תאכלו ואל תשׁתו שׁלשׁת ימים לילה ויום גם אני ונערתי אצום כן ובכן אבוא אל המלך אשׁר לא כדת וכאשׁר אבדתי אבדתי׃

Esther 5:4

4 ותאמר אסתר אם על המלך טוב יבוא המלך והמן היום אל המשׁתה אשׁר עשׂיתי׃

Esther 5:8

8 אם מצאתי חן בעיני המלך ואם על המלך טוב לתת את שׁאלתי ולעשׂות את בקשׁתי יבוא המלך והמן אל המשׁתה אשׁר אעשׂה להם ומחר אעשׂה כדבר המלך׃

Esther 6:6

6 ויבוא המן ויאמר לו המלך מה לעשׂות באישׁ אשׁר המלך חפץ ביקרו ויאמר המן בלבו למי יחפץ המלך לעשׂות יקר יותר ממני׃

Esther 6:8

8 יביאו לבושׁ מלכות אשׁר לבשׁ בו המלך וסוס אשׁר רכב עליו המלך ואשׁר נתן כתר מלכות בראשׁו׃

Esther 7:7-8

7 והמלך קם בחמתו ממשׁתה היין אל גנת הביתן והמן עמד לבקשׁ על נפשׁו מאסתר המלכה כי ראה כי כלתה אליו הרעה מאת המלך׃8 והמלך שׁב מגנת הביתן אל בית משׁתה היין והמן נפל על המטה אשׁר אסתר עליה ויאמר המלך הגם לכבושׁ את המלכה עמי בבית הדבר יצא מפי המלך ופני המן חפו׃

Esther 7:8

8 והמלך שׁב מגנת הביתן אל בית משׁתה היין והמן נפל על המטה אשׁר אסתר עליה ויאמר המלך הגם לכבושׁ את המלכה עמי בבית הדבר יצא מפי המלך ופני המן חפו׃9 ויאמר חרבונה אחד מן הסריסים לפני המלך גם הנה העץ אשׁר עשׂה המן למרדכי אשׁר דבר טוב על המלך עמד בבית המן גבה חמשׁים אמה ויאמר המלך תלהו עליו׃

Esther 8:5

5 ותאמר אם על המלך טוב ואם מצאתי חן לפניו וכשׁר הדבר לפני המלך וטובה אני בעיניו יכתב להשׁיב את הספרים מחשׁבת המן בן המדתא האגגי אשׁר כתב לאבד את היהודים אשׁר בכל מדינות המלך׃

Esther 8:8

8 ואתם כתבו על היהודים כטוב בעיניכם בשׁם המלך וחתמו בטבעת המלך כי כתב אשׁר נכתב בשׁם המלך ונחתום בטבעת המלך אין להשׁיב׃9 ויקראו ספרי המלך בעת ההיא בחדשׁ השׁלישׁי הוא חדשׁ סיון בשׁלושׁה ועשׂרים בו ויכתב ככל אשׁר צוה מרדכי אל היהודים ואל האחשׁדרפנים והפחות ושׂרי המדינות אשׁר מהדו ועד כושׁ שׁבע ועשׂרים ומאה מדינה מדינה ומדינה ככתבה ועם ועם כלשׁנו ואל היהודים ככתבם וכלשׁונם׃

Esther 8:15

15 ומרדכי יצא מלפני המלך בלבושׁ מלכות תכלת וחור ועטרת זהב גדולה ותכריך בוץ וארגמן והעיר שׁושׁן צהלה ושׂמחה׃

Esther 9:12-15

12 ויאמר המלך לאסתר המלכה בשׁושׁן הבירה הרגו היהודים ואבד חמשׁ מאות אישׁ ואת עשׂרת בני המן בשׁאר מדינות המלך מה עשׂו ומה שׁאלתך וינתן לך ומה בקשׁתך עוד ותעשׂ׃13 ותאמר אסתר אם על המלך טוב ינתן גם מחר ליהודים אשׁר בשׁושׁן לעשׂות כדת היום ואת עשׂרת בני המן יתלו על העץ׃14 ויאמר המלך להעשׂות כן ותנתן דת בשׁושׁן ואת עשׂרת בני המן תלו׃15 ויקהלו היהודיים אשׁר בשׁושׁן גם ביום ארבעה עשׂר לחדשׁ אדר ויהרגו בשׁושׁן שׁלשׁ מאות אישׁ ובבזה לא שׁלחו את ידם׃

Esther 9:30

30 וישׁלח ספרים אל כל היהודים אל שׁבע ועשׂרים ומאה מדינה מלכות אחשׁורושׁ דברי שׁלום ואמת׃

Job 40:10

10 עדה נא גאון וגבה והוד והדר תלבשׁ׃

Psalms 21:5

5 (21:6) גדול כבודו בישׁועתך הוד והדר תשׁוה עליו׃

Psalms 45:3

3 (45:4) חגור חרבך על ירך גבור הודך והדרך׃

Psalms 74:1

1 משׂכיל לאסף למה אלהים זנחת לנצח יעשׁן אפך בצאן מרעיתך׃

Psalms 76:1-4

1 למנצח בנגינת מזמור לאסף שׁיר׃ (76:2) נודע ביהודה אלהים בישׂראל גדול שׁמו׃2 (76:3) ויהי בשׁלם סכו ומעונתו בציון׃3 (76:4) שׁמה שׁבר רשׁפי קשׁת מגן וחרב ומלחמה סלה׃4 (76:5) נאור אתה אדיר מהררי טרף׃

Psalms 79:5

5 עד מה יהוה תאנף לנצח תבער כמו אשׁ קנאתך׃

Psalms 93:1

1 יהוה מלך גאות לבשׁ לבשׁ יהוה עז התאזר אף תכון תבל בל תמוט׃

Psalms 145:5

5 הדר כבוד הודך ודברי נפלאותיך אשׂיחה׃

Psalms 145:12-13

12 להודיע לבני האדם גבורתיו וכבוד הדר מלכותו׃13 מלכותך מלכות כל עלמים וממשׁלתך בכל דור ודור׃

Proverbs 16:9

9 לב אדם יחשׁב דרכו ויהוה יכין צעדו׃

Proverbs 19:12

12 נהם ככפיר זעף מלך וכטל על עשׂב רצונו׃

Proverbs 20:1

1 לץ היין המה שׁכר וכל שׁגה בו לא יחכם׃2 נהם ככפיר אימת מלך מתעברו חוטא נפשׁו׃

Proverbs 23:29-33

29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃

Proverbs 31:30

30 שׁקר החן והבל היפי אשׁה יראת יהוה היא תתהלל׃

Ecclesiastes 7:2-4

2 טוב ללכת אל בית אבל מלכת אל בית משׁתה באשׁר הוא סוף כל האדם והחי יתן אל לבו׃3 טוב כעס משׂחק כי ברע פנים ייטב לב׃4 לב חכמים בבית אבל ולב כסילים בבית שׂמחה׃

Ecclesiastes 10:19

19 לשׂחוק עשׂים לחם ויין ישׂמח חיים והכסף יענה את הכל׃

Isaiah 18:1

1 הוי ארץ צלצל כנפים אשׁר מעבר לנהרי כושׁ׃

Isaiah 21:2

2 חזות קשׁה הגד לי הבוגד בוגד והשׁודד שׁודד עלי עילם צורי מדי כל אנחתה השׁבתי׃

Isaiah 37:9

9 וישׁמע על תרהקה מלך כושׁ לאמר יצא להלחם אתך וישׁמע וישׁלח מלאכים אל חזקיהו לאמר׃

Isaiah 39:2

2 וישׂמח עליהם חזקיהו ויראם את בית נכתה את הכסף ואת הזהב ואת הבשׂמים ואת השׁמן הטוב ואת כל בית כליו ואת כל אשׁר נמצא באצרתיו לא היה דבר אשׁר לא הראם חזקיהו בביתו ובכל ממשׁלתו׃

Jeremiah 10:7

7 מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

Jeremiah 35:8

8 ונשׁמע בקול יהונדב בן רכב אבינו לכל אשׁר צונו לבלתי שׁתות יין כל ימינו אנחנו נשׁינו בנינו ובנתינו׃

Jeremiah 51:7

7 כוס זהב בבל ביד יהוה משׁכרת כל הארץ מיינה שׁתו גוים על כן יתהללו גוים׃

Jeremiah 51:11

11 הברו החצים מלאו השׁלטים העיר יהוה את רוח מלכי מדי כי על בבל מזמתו להשׁחיתה כי נקמת יהוה היא נקמת היכלו׃

Ezekiel 23:41

41 וישׁבת על מטה כבודה ושׁלחן ערוך לפניה וקטרתי ושׁמני שׂמת עליה׃

Ezekiel 28:5

5 ברב חכמתך ברכלתך הרבית חילך ויגבה לבבך בחילך׃

Daniel 1:3-5

3 ויאמר המלך לאשׁפנז רב סריסיו להביא מבני ישׂראל ומזרע המלוכה ומן הפרתמים׃4 ילדים אשׁר אין בהם כל מאום וטובי מראה ומשׂכילים בכל חכמה וידעי דעת ומביני מדע ואשׁר כח בהם לעמד בהיכל המלך וללמדם ספר ולשׁון כשׂדים׃5 וימן להם המלך דבר יום ביומו מפת בג המלך ומיין משׁתיו ולגדלם שׁנים שׁלושׁ ומקצתם יעמדו לפני המלך׃

Daniel 1:18-19

18 ולמקצת הימים אשׁר אמר המלך להביאם ויביאם שׂר הסריסים לפני נבכדנצר׃19 וידבר אתם המלך ולא נמצא מכלם כדניאל חנניה מישׁאל ועזריה ויעמדו לפני המלך׃

Daniel 2:2

2 ויאמר המלך לקרא לחרטמים ולאשׁפים ולמכשׁפים ולכשׂדים להגיד למלך חלמתיו ויבאו ויעמדו לפני המלך׃

Daniel 2:12

12 כל קבל דנה מלכא בנס וקצף שׂגיא ואמר להובדה לכל חכימי בבל׃

Daniel 2:27

27 ענה דניאל קדם מלכא ואמר רזה די מלכא שׁאל לא חכימין אשׁפין חרטמין גזרין יכלין להחויה למלכא׃

Daniel 2:37-44

37 אנתה מלכא מלך מלכיא די אלה שׁמיא מלכותא חסנא ותקפא ויקרא יהב׃38 ובכל די דארין בני אנשׁא חיות ברא ועוף שׁמיא יהב בידך והשׁלטך בכלהון אנתה הוא ראשׁה די דהבא׃39 ובתרך תקום מלכו אחרי ארעא מנך ומלכו תליתיא אחרי די נחשׁא די תשׁלט בכל ארעא׃40 ומלכו רביעיה תהוא תקיפה כפרזלא כל קבל די פרזלא מהדק וחשׁל כלא וכפרזלא די מרעע כל אלין תדק ותרע׃41 ודי חזיתה רגליא ואצבעתא מנהון חסף די פחר ומנהון פרזל מלכו פליגה תהוה ומן נצבתא די פרזלא להוא בה כל קבל די חזיתה פרזלא מערב בחסף טינא׃42 ואצבעת רגליא מנהון פרזל ומנהון חסף מן קצת מלכותא תהוה תקיפה ומנה תהוה תבירה׃43 די חזית פרזלא מערב בחסף טינא מתערבין להון בזרע אנשׁא ולא להון דבקין דנה עם דנה הא כדי פרזלא לא מתערב עם חספא׃44 וביומיהון די מלכיא אנון יקים אלה שׁמיא מלכו די לעלמין לא תתחבל ומלכותה לעם אחרן לא תשׁתבק תדק ותסיף כל אלין מלכותא והיא תקום לעלמיא׃

Daniel 3:2-3

2 ונבוכדנצר מלכא שׁלח למכנשׁ לאחשׁדרפניא סגניא ופחותא אדרגזריא גדבריא דתבריא תפתיא וכל שׁלטני מדינתא למתא לחנכת צלמא די הקים נבוכדנצר מלכא׃3 באדין מתכנשׁין אחשׁדרפניא סגניא ופחותא אדרגזריא גדבריא דתבריא תפתיא וכל שׁלטני מדינתא לחנכת צלמא די הקים נבוכדנצר מלכא וקאמין לקבל צלמא די הקים נבוכדנצר׃

Daniel 3:13

13 באדין נבוכדנצר ברגז וחמה אמר להיתיה לשׁדרך מישׁך ועבד נגו באדין גבריא אלך היתיו קדם מלכא׃

Daniel 3:19

19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃

Daniel 3:29

29 ומני שׂים טעם די כל עם אמה ולשׁן די יאמר שׁלה על אלההון די שׁדרך מישׁך ועבד נגוא הדמין יתעבד וביתה נולי ישׁתוה כל קבל די לא איתי אלה אחרן די יכל להצלה כדנה׃

Daniel 4:1

1 (3:31) נבוכדנצר מלכא לכל עממיא אמיא ולשׁניא די דארין בכל ארעא שׁלמכון ישׂגא׃

Daniel 4:4

4 (4:1) אנה נבוכדנצר שׁלה הוית בביתי ורענן בהיכלי׃

Daniel 4:6-7

6 (4:3) ומני שׂים טעם להנעלה קדמי לכל חכימי בבל די פשׁר חלמא יהודענני׃7 (4:4) באדין עללין חרטמיא אשׁפיא כשׂדיא וגזריא וחלמא אמר אנה קדמיהון ופשׁרה לא מהודעין׃

Daniel 4:30

30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃

Daniel 4:36

36 (4:33) בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת׃

Daniel 5:1

1 בלשׁאצר מלכא עבד לחם רב לרברבנוהי אלף ולקבל אלפא חמרא שׁתה׃2 בלשׁאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושׁלם וישׁתון בהון מלכא ורברבנוהי שׁגלתה ולחנתה׃3 באדין היתיו מאני דהבא די הנפקו מן היכלא די בית אלהא די בירושׁלם ואשׁתיו בהון מלכא ורברבנוהי שׁגלתה ולחנתה׃4 אשׁתיו חמרא ושׁבחו לאלהי דהבא וכספא נחשׁא פרזלא אעא ואבנא׃

Daniel 5:7

7 קרא מלכא בחיל להעלה לאשׁפיא כשׂדיא וגזריא ענה מלכא ואמר לחכימי בבל די כל אנשׁ די יקרה כתבה דנה ופשׁרה יחונני ארגונא ילבשׁ והמונכא די דהבא על צוארה ותלתי במלכותא ישׁלט׃

Daniel 5:18

18 אנתה מלכא אלהא עליא מלכותא ורבותא ויקרא והדרה יהב לנבכדנצר אבוך׃

Daniel 5:28

28 פרס פריסת מלכותך ויהיבת למדי ופרס׃

Daniel 6:1

1 (6:2) שׁפר קדם דריושׁ והקים על מלכותא לאחשׁדרפניא מאה ועשׂרין די להון בכל מלכותא׃

Daniel 6:6-7

6 (6:7) אדין סרכיא ואחשׁדרפניא אלן הרגשׁו על מלכא וכן אמרין לה דריושׁ מלכא לעלמין חיי׃7 (6:8) אתיעטו כל סרכי מלכותא סגניא ואחשׁדרפניא הדבריא ופחותא לקימה קים מלכא ולתקפה אסר די כל די יבעה בעו מן כל אלה ואנשׁ עד יומין תלתין להן מנך מלכא יתרמא לגב אריותא׃8 (6:9) כען מלכא תקים אסרא ותרשׁם כתבא די לא להשׁניה כדת מדי ופרס די לא תעדא׃9 (6:10) כל קבל דנה מלכא דריושׁ רשׁם כתבא ואסרא׃10 (6:11) ודניאל כדי ידע די רשׁים כתבא על לביתה וכוין פתיחן לה בעליתה נגד ירושׁלם וזמנין תלתה ביומא הוא ברך על ברכוהי ומצלא ומודא קדם אלהה כל קבל די הוא עבד מן קדמת דנה׃11 (6:12) אדין גבריא אלך הרגשׁו והשׁכחו לדניאל בעא ומתחנן קדם אלהה׃12 (6:13) באדין קריבו ואמרין קדם מלכא על אסר מלכא הלא אסר רשׁמת די כל אנשׁ די יבעה מן כל אלה ואנשׁ עד יומין תלתין להן מנך מלכא יתרמא לגוב אריותא ענה מלכא ואמר יציבא מלתא כדת מדי ופרס די לא תעדא׃13 (6:14) באדין ענו ואמרין קדם מלכא די דניאל די מן בני גלותא די יהוד לא שׂם עליך מלכא טעם ועל אסרא די רשׁמת וזמנין תלתה ביומא בעא בעותה׃14 (6:15) אדין מלכא כדי מלתא שׁמע שׂגיא באשׁ עלוהי ועל דניאל שׂם בל לשׁיזבותה ועד מעלי שׁמשׁא הוא משׁתדר להצלותה׃15 (6:16) באדין גבריא אלך הרגשׁו על מלכא ואמרין למלכא דע מלכא די דת למדי ופרס די כל אסר וקים די מלכא יהקים לא להשׁניה׃

Daniel 6:17

17 (6:18) והיתית אבן חדה ושׂמת על פם גבא וחתמה מלכא בעזקתה ובעזקת רברבנוהי די לא תשׁנא צבו בדניאל׃

Daniel 7:9-14

9 חזה הוית עד די כרסון רמיו ועתיק יומין יתב לבושׁה כתלג חור ושׂער ראשׁה כעמר נקא כרסיה שׁביבין די נור גלגלוהי נור דלק׃10 נהר די נור נגד ונפק מן קדמוהי אלף אלפים ישׁמשׁונה ורבו רבון קדמוהי יקומון דינא יתב וספרין פתיחו׃11 חזה הוית באדין מן קל מליא רברבתא די קרנא ממללה חזה הוית עד די קטילת חיותא והובד גשׁמה ויהיבת ליקדת אשׁא׃12 ושׁאר חיותא העדיו שׁלטנהון וארכה בחיין יהיבת להון עד זמן ועדן׃13 חזה הוית בחזוי ליליא וארו עם ענני שׁמיא כבר אנשׁ אתה הוה ועד עתיק יומיא מטה וקדמוהי הקרבוהי׃14 ולה יהיב שׁלטן ויקר ומלכו וכל עממיא אמיא ולשׁניא לה יפלחון שׁלטנה שׁלטן עלם די לא יעדה ומלכותה די לא תתחבל׃

Daniel 8:2

2 ואראה בחזון ויהי בראתי ואני בשׁושׁן הבירה אשׁר בעילם המדינה ואראה בחזון ואני הייתי על אובל אולי׃

Daniel 8:20

20 האיל אשׁר ראית בעל הקרנים מלכי מדי ופרס׃

Daniel 9:1

1 בשׁנת אחת לדריושׁ בן אחשׁורושׁ מזרע מדי אשׁר המלך על מלכות כשׂדים׃

Amos 2:8

8 ועל בגדים חבלים יטו אצל כל מזבח ויין ענושׁים ישׁתו בית אלהיהם׃

Amos 6:4

4 השׁכבים על מטות שׁן וסרחים על ערשׂותם ואכלים כרים מצאן ועגלים מתוך מרבק׃

Nahum 1:6

6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃

Habakkuk 2:15-16

15 הוי משׁקה רעהו מספח חמתך ואף שׁכר למען הביט על מעוריהם׃16 שׂבעת קלון מכבוד שׁתה גם אתה והערל תסוב עליך כוס ימין יהוה וקיקלון על כבודך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.