1 ויאמר יהוה אל אברם לך לך מארצך וממולדתך ומבית אביך אל הארץ אשׁר אראך׃2 ואעשׂך לגוי גדול ואברכך ואגדלה שׁמך והיה ברכה׃3 ואברכה מברכיך ומקללך אאר ונברכו בך כל משׁפחת האדמה׃4 וילך אברם כאשׁר דבר אליו יהוה וילך אתו לוט ואברם בן חמשׁ שׁנים ושׁבעים שׁנה בצאתו מחרן׃5 ויקח אברם את שׂרי אשׁתו ואת לוט בן אחיו ואת כל רכושׁם אשׁר רכשׁו ואת הנפשׁ אשׁר עשׂו בחרן ויצאו ללכת ארצה כנען ויבאו ארצה כנען׃6 ויעבר אברם בארץ עד מקום שׁכם עד אלון מורה והכנעני אז בארץ׃7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃8 ויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה׃9 ויסע אברם הלוך ונסוע הנגבה׃10 ויהי רעב בארץ וירד אברם מצרימה לגור שׁם כי כבד הרעב בארץ׃11 ויהי כאשׁר הקריב לבוא מצרימה ויאמר אל שׂרי אשׁתו הנה נא ידעתי כי אשׁה יפת מראה את׃12 והיה כי יראו אתך המצרים ואמרו אשׁתו זאת והרגו אתי ואתך יחיו׃13 אמרי נא אחתי את למען ייטב לי בעבורך וחיתה נפשׁי בגללך׃14 ויהי כבוא אברם מצרימה ויראו המצרים את האשׁה כי יפה הוא מאד׃15 ויראו אתה שׂרי פרעה ויהללו אתה אל פרעה ותקח האשׁה בית פרעה׃16 ולאברם היטיב בעבורה ויהי לו צאן ובקר וחמרים ועבדים ושׁפחת ואתנת וגמלים׃17 וינגע יהוה את פרעה נגעים גדלים ואת ביתו על דבר שׂרי אשׁת אברם׃18 ויקרא פרעה לאברם ויאמר מה זאת עשׂית לי למה לא הגדת לי כי אשׁתך הוא׃19 למה אמרת אחתי הוא ואקח אתה לי לאשׁה ועתה הנה אשׁתך קח ולך׃20 ויצו עליו פרעה אנשׁים וישׁלחו אתו ואת אשׁתו ואת כל אשׁר׃
Genesis 12 Cross References - HOT
Genesis 11:31-32
Genesis 15:7
7 ויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה׃
Joshua 24:2-3
Nehemiah 9:7
7 אתה הוא יהוה האלהים אשׁר בחרת באברם והוצאתו מאור כשׂדים ושׂמת שׁמו אברהם׃
Psalms 45:10-11
Isaiah 41:9
9 אשׁר החזקתיך מקצות הארץ ומאציליה קראתיך ואמר לך עבדי אתה בחרתיך ולא מאסתיך׃
Isaiah 51:2
2 הביטו אל אברהם אביכם ואל שׂרה תחוללכם כי אחד קראתיו ואברכהו וארבהו׃
Ezekiel 33:24
24 בן אדם ישׁבי החרבות האלה על אדמת ישׂראל אמרים לאמר אחד היה אברהם ויירשׁ את הארץ ואנחנו רבים לנו נתנה הארץ למורשׁה׃
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 14:14-16
Genesis 15:5
5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃
Genesis 17:4-6
Genesis 18:18
18 ואברהם היו יהיה לגוי גדול ועצום ונברכו בו כל גויי הארץ׃
Genesis 19:29
29 ויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט׃
Genesis 22:17-18
Genesis 24:35
35 ויהוה ברך את אדני מאד ויגדל ויתן לו צאן ובקר וכסף וזהב ועבדם ושׁפחת וגמלים וחמרים׃
Genesis 26:4
4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃
Genesis 27:29
29 יעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך׃
Genesis 28:3-4
Genesis 28:14
14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃
Genesis 35:11
11 ויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו׃
Genesis 46:3
3 ויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם׃
Exodus 1:7
7 ובני ישׂראל פרו וישׁרצו וירבו ויעצמו במאד מאד ותמלא הארץ אתם׃
Exodus 32:10
10 ועתה הניחה לי ויחר אפי בהם ואכלם ואעשׂה אותך לגוי גדול׃
Numbers 14:12
12 אכנו בדבר ואורשׁנו ואעשׂה אתך לגוי גדול ועצום ממנו׃
Numbers 24:9-10
Deuteronomy 26:5
5 וענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב׃
2 Samuel 7:9
9 ואהיה עמך בכל אשׁר הלכת ואכרתה את כל איביך מפניך ועשׂתי לך שׁם גדול כשׁם הגדלים אשׁר בארץ׃
1 Kings 1:47
47 וגם באו עבדי המלך לברך את אדנינו המלך דוד לאמר ייטב אלהיך את שׁם שׁלמה משׁמך ויגדל את כסאו מכסאך וישׁתחו המלך על המשׁכב׃
1 Kings 3:8-9
Micah 7:20
20 תתן אמת ליעקב חסד לאברהם אשׁר נשׁבעת לאבתינו מימי קדם׃
Genesis 22:18
18 והתברכו בזרעך כל גויי הארץ עקב אשׁר שׁמעת בקלי׃
Genesis 30:27
27 ויאמר אליו לבן אם נא מצאתי חן בעיניך נחשׁתי ויברכני יהוה בגללך׃
Genesis 30:30
30 כי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי׃
Genesis 39:5
5 ויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה׃
Exodus 23:22
22 כי אם שׁמוע תשׁמע בקלו ועשׂית כל אשׁר אדבר ואיבתי את איביך וצרתי את צרריך׃
Numbers 24:9
9 כרע שׁכב כארי וכלביא מי יקימנו מברכיך ברוך וארריך ארור׃
Psalms 72:17
17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃
Genesis 11:27
27 ואלה תולדת תרח תרח הוליד את אברם את נחור ואת הרן והרן הוליד את לוט׃
Genesis 11:31
31 ויקח תרח את אברם בנו ואת לוט בן הרן בן בנו ואת שׂרי כלתו אשׁת אברם בנו ויצאו אתם מאור כשׂדים ללכת ארצה כנען ויבאו עד חרן וישׁבו שׁם׃
Genesis 10:19
19 ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃
Genesis 14:14
14 וישׁמע אברם כי נשׁבה אחיו וירק את חניכיו ילידי ביתו שׁמנה עשׂר ושׁלשׁ מאות וירדף עד דן׃
Genesis 14:21
21 ויאמר מלך סדם אל אברם תן לי הנפשׁ והרכשׁ קח׃
Genesis 46:5-26
5 ויקם יעקב מבאר שׁבע וישׂאו בני ישׂראל את יעקב אביהם ואת טפם ואת נשׁיהם בעגלות אשׁר שׁלח פרעה לשׂאת אתו׃6 ויקחו את מקניהם ואת רכושׁם אשׁר רכשׁו בארץ כנען ויבאו מצרימה יעקב וכל זרעו אתו׃7 בניו ובני בניו אתו בנתיו ובנות בניו וכל זרעו הביא אתו מצרימה׃8 ואלה שׁמות בני ישׂראל הבאים מצרימה יעקב ובניו בכר יעקב ראובן׃9 ובני ראובן חנוך ופלוא וחצרן וכרמי׃10 ובני שׁמעון ימואל וימין ואהד ויכין וצחר ושׁאול בן הכנענית׃11 ובני לוי גרשׁון קהת ומררי׃12 ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃13 ובני ישׂשכר תולע ופוה ויוב ושׁמרן׃14 ובני זבלון סרד ואלון ויחלאל׃15 אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃16 ובני גד צפיון וחגי שׁוני ואצבן ערי וארודי ואראלי׃17 ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃18 אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃19 בני רחל אשׁת יעקב יוסף ובנימן׃20 ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃21 ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃22 אלה בני רחל אשׁר ילד ליעקב כל נפשׁ ארבעה עשׂר׃23 ובני דן חשׁים׃24 ובני נפתלי יחצאל וגוני ויצר ושׁלם׃25 אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃26 כל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ׃
Genesis 10:15
15 וכנען ילד את צידן בכרו ואת חת׃
Genesis 10:18-19
Genesis 13:7
7 ויהי ריב בין רעי מקנה אברם ובין רעי מקנה לוט והכנעני והפרזי אז ישׁב בארץ׃
Genesis 15:18-21
Genesis 33:18
18 ויבא יעקב שׁלם עיר שׁכם אשׁר בארץ כנען בבאו מפדן ארם ויחן את פני העיר׃
Genesis 34:2
2 וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃
Genesis 35:4
4 ויתנו אל יעקב את כל אלהי הנכר אשׁר בידם ואת הנזמים אשׁר באזניהם ויטמן אתם יעקב תחת האלה אשׁר עם שׁכם׃
Deuteronomy 11:30
30 הלא המה בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלוני מרה׃
Joshua 20:7
7 ויקדשׁו את קדשׁ בגליל בהר נפתלי ואת שׁכם בהר אפרים ואת קרית ארבע היא חברון בהר יהודה׃
Joshua 24:32
32 ואת עצמות יוסף אשׁר העלו בני ישׂראל ממצרים קברו בשׁכם בחלקת השׂדה אשׁר קנה יעקב מאת בני חמור אבי שׁכם במאה קשׂיטה ויהיו לבני יוסף לנחלה׃
Judges 7:1
1 וישׁכם ירבעל הוא גדעון וכל העם אשׁר אתו ויחנו על עין חרד ומחנה מדין היה לו מצפון מגבעת המורה בעמק׃
Judges 9:1
1 וילך אבימלך בן ירבעל שׁכמה אל אחי אמו וידבר אליהם ואל כל משׁפחת בית אבי אמו לאמר׃
1 Kings 12:1
1 וילך רחבעם שׁכם כי שׁכם בא כל ישׂראל להמליך אתו׃
Genesis 8:20
20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃
Genesis 12:8
8 ויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה׃
Genesis 13:4
4 אל מקום המזבח אשׁר עשׂה שׁם בראשׁנה ויקרא שׁם אברם בשׁם יהוה׃
Genesis 13:15
15 כי את כל הארץ אשׁר אתה ראה לך אתננה ולזרעך עד עולם׃
Genesis 13:18
18 ויאהל אברם ויבא וישׁב באלני ממרא אשׁר בחברון ויבן שׁם מזבח ליהוה׃
Genesis 15:18
18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Genesis 17:1
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃
Genesis 17:3
3 ויפל אברם על פניו וידבר אתו אלהים לאמר׃
Genesis 17:8
8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 18:1
1 וירא אליו יהוה באלני ממרא והוא ישׁב פתח האהל כחם היום׃
Genesis 22:9
9 ויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים׃
Genesis 26:3
3 גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃
Genesis 26:25
25 ויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר׃
Genesis 28:13
13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃
Genesis 32:30
30 (32:31) ויקרא יעקב שׁם המקום פניאל כי ראיתי אלהים פנים אל פנים ותנצל נפשׁי׃
Genesis 33:20
20 ויצב שׁם מזבח ויקרא לו אל אלהי ישׂראל׃
Exodus 6:3
3 וארא אל אברהם אל יצחק ואל יעקב באל שׁדי ושׁמי יהוה לא נודעתי׃
Exodus 33:1
1 וידבר יהוה אל משׁה לך עלה מזה אתה והעם אשׁר העלית מארץ מצרים אל הארץ אשׁר נשׁבעתי לאברהם ליצחק וליעקב לאמר לזרעך אתננה׃
Numbers 32:11
11 אם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי׃
Deuteronomy 1:8
8 ראה נתתי לפניכם את הארץ באו ורשׁו את הארץ אשׁר נשׁבע יהוה לאבתיכם לאברהם ליצחק וליעקב לתת להם ולזרעם אחריהם׃
Deuteronomy 6:10
10 והיה כי יביאך יהוה אלהיך אל הארץ אשׁר נשׁבע לאבתיך לאברהם ליצחק וליעקב לתת לך ערים גדלת וטבת אשׁר לא בנית׃
Deuteronomy 30:20
20 לאהבה את יהוה אלהיך לשׁמע בקלו ולדבקה בו כי הוא חייך וארך ימיך לשׁבת על האדמה אשׁר נשׁבע יהוה לאבתיך לאברהם ליצחק וליעקב לתת להם׃
Psalms 105:9-12
Genesis 4:26
26 ולשׁת גם הוא ילד בן ויקרא את שׁמו אנושׁ אז הוחל לקרא בשׁם יהוה׃
Genesis 21:33
33 ויטע אשׁל בבאר שׁבע ויקרא שׁם בשׁם יהוה אל עולם׃
Genesis 28:19
19 ויקרא את שׁם המקום ההוא בית אל ואולם לוז שׁם העיר לראשׁנה׃
Genesis 35:3
3 ונקומה ונעלה בית אל ואעשׂה שׁם מזבח לאל הענה אתי ביום צרתי ויהי עמדי בדרך אשׁר הלכתי׃
Genesis 35:15-16
Joshua 7:2
2 וישׁלח יהושׁע אנשׁים מיריחו העי אשׁר עם בית און מקדם לבית אל ויאמר אליהם לאמר עלו ורגלו את הארץ ויעלו האנשׁים וירגלו את העי׃
Joshua 8:3
3 ויקם יהושׁע וכל עם המלחמה לעלות העי ויבחר יהושׁע שׁלשׁים אלף אישׁ גבורי החיל וישׁלחם לילה׃
Joshua 8:17
17 ולא נשׁאר אישׁ בעי ובית אל אשׁר לא יצאו אחרי ישׂראל ויעזבו את העיר פתוחה וירדפו אחרי ישׂראל׃
Joshua 18:22
22 ובית הערבה וצמרים ובית אל׃
Nehemiah 11:31
31 ובני בנימן מגבע מכמשׂ ועיה ובית אל ובנתיה׃
Psalms 116:4
4 ובשׁם יהוה אקרא אנה יהוה מלטה נפשׁי׃
Isaiah 10:28
28 בא על עית עבר במגרון למכמשׂ יפקיד כליו׃
Joel 2:32
32 (3:5) והיה כל אשׁר יקרא בשׁם יהוה ימלט כי בהר ציון ובירושׁלם תהיה פליטה כאשׁר אמר יהוה ובשׂרידים אשׁר יהוה קרא׃
Genesis 13:1
1 ויעל אברם ממצרים הוא ואשׁתו וכל אשׁר לו ולוט עמו הנגבה׃
Genesis 13:3
3 וילך למסעיו מנגב ועד בית אל עד המקום אשׁר היה שׁם אהלה בתחלה בין בית אל ובין העי׃
Genesis 24:62
62 ויצחק בא מבוא באר לחי ראי והוא יושׁב בארץ הנגב׃
Psalms 105:13
13 ויתהלכו מגוי אל גוי מממלכה אל עם אחר׃
Genesis 26:1-3
Genesis 42:5
5 ויבאו בני ישׂראל לשׁבר בתוך הבאים כי היה הרעב בארץ כנען׃
Genesis 43:1
1 והרעב כבד בארץ׃
Genesis 46:3-4
Genesis 47:13
13 ולחם אין בכל הארץ כי כבד הרעב מאד ותלה ארץ מצרים וארץ כנען מפני הרעב׃
Ruth 1:1
1 ויהי בימי שׁפט השׁפטים ויהי רעב בארץ וילך אישׁ מבית לחם יהודה לגור בשׂדי מואב הוא ואשׁתו ושׁני בניו׃
2 Samuel 21:1
1 ויהי רעב בימי דוד שׁלשׁ שׁנים שׁנה אחרי שׁנה ויבקשׁ דוד את פני יהוה ויאמר יהוה אל שׁאול ואל בית הדמים על אשׁר המית את הגבענים׃
1 Kings 17:1-18
1 ויאמר אליהו התשׁבי מתשׁבי גלעד אל אחאב חי יהוה אלהי ישׂראל אשׁר עמדתי לפניו אם יהיה השׁנים האלה טל ומטר כי אם לפי דברי׃2 ויהי דבר יהוה אליו לאמר׃3 לך מזה ופנית לך קדמה ונסתרת בנחל כרית אשׁר על פני הירדן׃4 והיה מהנחל תשׁתה ואת הערבים צויתי לכלכלך שׁם׃5 וילך ויעשׂ כדבר יהוה וילך וישׁב בנחל כרית אשׁר על פני הירדן׃6 והערבים מביאים לו לחם ובשׂר בבקר ולחם ובשׂר בערב ומן הנחל ישׁתה׃7 ויהי מקץ ימים וייבשׁ הנחל כי לא היה גשׁם בארץ׃8 ויהי דבר יהוה אליו לאמר׃9 קום לך צרפתה אשׁר לצידון וישׁבת שׁם הנה צויתי שׁם אשׁה אלמנה לכלכלך׃10 ויקם וילך צרפתה ויבא אל פתח העיר והנה שׁם אשׁה אלמנה מקשׁשׁת עצים ויקרא אליה ויאמר קחי נא לי מעט מים בכלי ואשׁתה׃11 ותלך לקחת ויקרא אליה ויאמר לקחי נא לי פת לחם בידך׃12 ותאמר חי יהוה אלהיך אם ישׁ לי מעוג כי אם מלא כף קמח בכד ומעט שׁמן בצפחת והנני מקשׁשׁת שׁנים עצים ובאתי ועשׂיתיהו לי ולבני ואכלנהו ומתנו׃13 ויאמר אליה אליהו אל תיראי באי עשׂי כדברך אך עשׂי לי משׁם עגה קטנה בראשׁנה והוצאת לי ולך ולבנך תעשׂי באחרנה׃14 כי כה אמר יהוה אלהי ישׂראל כד הקמח לא תכלה וצפחת השׁמן לא תחסר עד יום תתן יהוה גשׁם על פני האדמה׃15 ותלך ותעשׂה כדבר אליהו ותאכל הוא והיא וביתה ימים׃16 כד הקמח לא כלתה וצפחת השׁמן לא חסר כדבר יהוה אשׁר דבר ביד אליהו׃17 ויהי אחר הדברים האלה חלה בן האשׁה בעלת הבית ויהי חליו חזק מאד עד אשׁר לא נותרה בו נשׁמה׃18 ותאמר אל אליהו מה לי ולך אישׁ האלהים באת אלי להזכיר את עוני ולהמית את בני׃
2 Kings 4:38
38 ואלישׁע שׁב הגלגלה והרעב בארץ ובני הנביאים ישׁבים לפניו ויאמר לנערו שׁפת הסיר הגדולה ובשׁל נזיד לבני הנביאים׃
2 Kings 6:25
25 ויהי רעב גדול בשׁמרון והנה צרים עליה עד היות ראשׁ חמור בשׁמנים כסף ורבע הקב חרייונים בחמשׁה כסף׃
2 Kings 7:1-8
1 ויאמר אלישׁע שׁמעו דבר יהוה כה אמר יהוה כעת מחר סאה סלת בשׁקל וסאתים שׂערים בשׁקל בשׁער שׁמרון׃2 ויען השׁלישׁ אשׁר למלך נשׁען על ידו את אישׁ האלהים ויאמר הנה יהוה עשׂה ארבות בשׁמים היהיה הדבר הזה ויאמר הנכה ראה בעיניך ומשׁם לא תאכל׃3 וארבעה אנשׁים היו מצרעים פתח השׁער ויאמרו אישׁ אל רעהו מה אנחנו ישׁבים פה עד מתנו׃4 אם אמרנו נבוא העיר והרעב בעיר ומתנו שׁם ואם ישׁבנו פה ומתנו ועתה לכו ונפלה אל מחנה ארם אם יחינו נחיה ואם ימיתנו ומתנו׃5 ויקומו בנשׁף לבוא אל מחנה ארם ויבאו עד קצה מחנה ארם והנה אין שׁם אישׁ׃6 ואדני השׁמיע את מחנה ארם קול רכב קול סוס קול חיל גדול ויאמרו אישׁ אל אחיו הנה שׂכר עלינו מלך ישׂראל את מלכי החתים ואת מלכי מצרים לבוא עלינו׃7 ויקומו וינוסו בנשׁף ויעזבו את אהליהם ואת סוסיהם ואת חמריהם המחנה כאשׁר היא וינסו אל נפשׁם׃8 ויבאו המצרעים האלה עד קצה המחנה ויבאו אל אהל אחד ויאכלו וישׁתו וישׂאו משׁם כסף וזהב ובגדים וילכו ויטמנו וישׁבו ויבאו אל אהל אחר וישׂאו משׁם וילכו ויטמנו׃
2 Kings 8:1-2
Psalms 34:19
19 (34:20) רבות רעות צדיק ומכלם יצילנו יהוה׃
Psalms 107:34
34 ארץ פרי למלחה מרעת ישׁבי׃
Jeremiah 14:1
1 אשׁר היה דבר יהוה אל ירמיהו על דברי הבצרות׃
Genesis 12:14
14 ויהי כבוא אברם מצרימה ויראו המצרים את האשׁה כי יפה הוא מאד׃
Genesis 26:7
7 וישׁאלו אנשׁי המקום לאשׁתו ויאמר אחתי הוא כי ירא לאמר אשׁתי פן יהרגני אנשׁי המקום על רבקה כי טובת מראה הוא׃
Genesis 29:17
17 ועיני לאה רכות ורחל היתה יפת תאר ויפת מראה׃
Genesis 39:6-7
2 Samuel 11:2
2 ויהי לעת הערב ויקם דוד מעל משׁכבו ויתהלך על גג בית המלך וירא אשׁה רחצת מעל הגג והאשׁה טובת מראה מאד׃
Proverbs 21:30
30 אין חכמה ואין תבונה ואין עצה לנגד יהוה׃
Song of Songs 1:14
14 אשׁכל הכפר דודי לי בכרמי עין גדי׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
1 Samuel 27:1
1 ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃
Proverbs 29:25
25 חרדת אדם יתן מוקשׁ ובוטח ביהוה ישׂגב׃
Genesis 11:29
29 ויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה׃
Genesis 20:2
2 ויאמר אברהם אל שׂרה אשׁתו אחתי הוא וישׁלח אבימלך מלך גרר ויקח את שׂרה׃
Genesis 20:5
5 הלא הוא אמר לי אחתי הוא והיא גם הוא אמרה אחי הוא בתם לבבי ובנקין כפי עשׂיתי זאת׃
Genesis 20:12-13
Psalms 146:3-5
Isaiah 57:11
11 ואת מי דאגת ותיראי כי תכזבי ואותי לא זכרת לא שׂמת על לבך הלא אני מחשׁה ומעלם ואותי לא תיראי׃
Jeremiah 17:5-8
5 כה אמר יהוה ארור הגבר אשׁר יבטח באדם ושׂם בשׂר זרעו ומן יהוה יסור לבו׃6 והיה כערער בערבה ולא יראה כי יבוא טוב ושׁכן חררים במדבר ארץ מלחה ולא תשׁב׃7 ברוך הגבר אשׁר יבטח ביהוה והיה יהוה מבטחו׃8 והיה כעץ שׁתול על מים ועל יובל ישׁלח שׁרשׁיו ולא ירא כי יבא חם והיה עלהו רענן ובשׁנת בצרת לא ידאג ולא ימישׁ מעשׂות פרי׃
Ezekiel 18:4
4 הן כל הנפשׁות לי הנה כנפשׁ האב וכנפשׁ הבן לי הנה הנפשׁ החטאת היא תמות׃
Genesis 3:6
6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃
Genesis 6:2
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃
Genesis 39:7
7 ויהי אחר הדברים האלה ותשׂא אשׁת אדניו את עיניה אל יוסף ותאמר שׁכבה עמי׃
Genesis 40:2
2 ויקצף פרעה על שׁני סריסיו על שׂר המשׁקים ועל שׂר האופים׃
Genesis 41:1
1 ויהי מקץ שׁנתים ימים ופרעה חלם והנה עמד על היאר׃
Exodus 2:5
5 ותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשׁלח את אמתה ותקחה׃
Exodus 2:15
15 וישׁמע פרעה את הדבר הזה ויבקשׁ להרג את משׁה ויברח משׁה מפני פרעה וישׁב בארץ מדין וישׁב על הבאר׃
1 Kings 3:1
1 ויתחתן שׁלמה את פרעה מלך מצרים ויקח את בת פרעה ויביאה אל עיר דוד עד כלתו לבנות את ביתו ואת בית יהוה ואת חומת ירושׁלם סביב׃
2 Kings 18:21
21 עתה הנה בטחת לך על משׁענת הקנה הרצוץ הזה על מצרים אשׁר יסמך אישׁ עליו ובא בכפו ונקבה כן פרעה מלך מצרים לכל הבטחים עליו׃
Esther 2:2-16
2 ויאמרו נערי המלך משׁרתיו יבקשׁו למלך נערות בתולות טובות מראה׃3 ויפקד המלך פקידים בכל מדינות מלכותו ויקבצו את כל נערה בתולה טובת מראה אל שׁושׁן הבירה אל בית הנשׁים אל יד הגא סריס המלך שׁמר הנשׁים ונתון תמרקיהן׃4 והנערה אשׁר תיטב בעיני המלך תמלך תחת ושׁתי וייטב הדבר בעיני המלך ויעשׂ כן׃5 אישׁ יהודי היה בשׁושׁן הבירה ושׁמו מרדכי בן יאיר בן שׁמעי בן קישׁ אישׁ ימיני׃6 אשׁר הגלה מירושׁלים עם הגלה אשׁר הגלתה עם יכניה מלך יהודה אשׁר הגלה נבוכדנצר מלך בבל׃7 ויהי אמן את הדסה היא אסתר בת דדו כי אין לה אב ואם והנערה יפת תאר וטובת מראה ובמות אביה ואמה לקחה מרדכי לו לבת׃8 ויהי בהשׁמע דבר המלך ודתו ובהקבץ נערות רבות אל שׁושׁן הבירה אל יד הגי ותלקח אסתר אל בית המלך אל יד הגי שׁמר הנשׁים׃9 ותיטב הנערה בעיניו ותשׂא חסד לפניו ויבהל את תמרוקיה ואת מנותה לתת לה ואת שׁבע הנערות הראיות לתת לה מבית המלך וישׁנה ואת נערותיה לטוב בית הנשׁים׃10 לא הגידה אסתר את עמה ואת מולדתה כי מרדכי צוה עליה אשׁר לא תגיד׃11 ובכל יום ויום מרדכי מתהלך לפני חצר בית הנשׁים לדעת את שׁלום אסתר ומה יעשׂה׃12 ובהגיע תר נערה ונערה לבוא אל המלך אחשׁורושׁ מקץ היות לה כדת הנשׁים שׁנים עשׂר חדשׁ כי כן ימלאו ימי מרוקיהן שׁשׁה חדשׁים בשׁמן המר ושׁשׁה חדשׁים בבשׂמים ובתמרוקי הנשׁים׃13 ובזה הנערה באה אל המלך את כל אשׁר תאמר ינתן לה לבוא עמה מבית הנשׁים עד בית המלך׃14 בערב היא באה ובבקר היא שׁבה אל בית הנשׁים שׁני אל יד שׁעשׁגז סריס המלך שׁמר הפילגשׁים לא תבוא עוד אל המלך כי אם חפץ בה המלך ונקראה בשׁם׃15 ובהגיע תר אסתר בת אביחיל דד מרדכי אשׁר לקח לו לבת לבוא אל המלך לא בקשׁה דבר כי אם את אשׁר יאמר הגי סריס המלך שׁמר הנשׁים ותהי אסתר נשׂאת חן בעיני כל ראיה׃16 ותלקח אסתר אל המלך אחשׁורושׁ אל בית מלכותו בחדשׁ העשׂירי הוא חדשׁ טבת בשׁנת שׁבע למלכותו׃
Psalms 105:4
4 דרשׁו יהוה ועזו בקשׁו פניו תמיד׃
Proverbs 6:29
29 כן הבא אל אשׁת רעהו לא ינקה כל הנגע׃
Proverbs 29:12
12 משׁל מקשׁיב על דבר שׁקר כל משׁרתיו רשׁעים׃
Jeremiah 25:19
19 את פרעה מלך מצרים ואת עבדיו ואת שׂריו ואת כל עמו׃
Jeremiah 46:17
17 קראו שׁם פרעה מלך מצרים שׁאון העביר המועד׃
Ezekiel 32:2
2 בן אדם שׂא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃
Hosea 7:4-5
Genesis 13:2
2 ואברם כבד מאד במקנה בכסף ובזהב׃
Genesis 20:14
14 ויקח אבימלך צאן ובקר ועבדים ושׁפחת ויתן לאברהם וישׁב לו את שׂרה אשׁתו׃
Genesis 26:14
14 ויהי לו מקנה צאן ומקנה בקר ועבדה רבה ויקנאו אתו פלשׁתים׃
Genesis 32:5
5 (32:6) ויהי לי שׁור וחמור צאן ועבד ושׁפחה ואשׁלחה להגיד לאדני למצא חן בעיניך׃
Genesis 32:13-15
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Job 42:12
12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃
Psalms 144:13-14
Genesis 20:18
18 כי עצר עצר יהוה בעד כל רחם לבית אבימלך על דבר שׂרה אשׁת אברהם׃
1 Chronicles 16:21
21 לא הניח לאישׁ לעשׁקם ויוכח עליהם מלכים׃
1 Chronicles 21:22
22 ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם׃
Job 34:19
19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃
Psalms 105:14-15
Genesis 3:13
13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃
Genesis 4:10
10 ויאמר מה עשׂית קול דמי אחיך צעקים אלי מן האדמה׃
Genesis 20:9-10
Genesis 26:9-11
Genesis 31:26
26 ויאמר לבן ליעקב מה עשׂית ותגנב את לבבי ותנהג את בנתי כשׁביות חרב׃
Genesis 44:15
15 ויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמני׃
Exodus 32:21
21 ויאמר משׁה אל אהרן מה עשׂה לך העם הזה כי הבאת עליו חטאה גדלה׃
Joshua 7:19
19 ויאמר יהושׁע אל עכן בני שׂים נא כבוד ליהוה אלהי ישׂראל ותן לו תודה והגד נא לי מה עשׂית אל תכחד ממני׃
1 Samuel 14:43
43 ויאמר שׁאול אל יונתן הגידה לי מה עשׂיתה ויגד לו יונתן ויאמר טעם טעמתי בקצה המטה אשׁר בידי מעט דבשׁ הנני אמות׃
Proverbs 21:1
1 פלגי מים לב מלך ביד יהוה על כל אשׁר יחפץ יטנו׃
Exodus 18:27
27 וישׁלח משׁה את חתנו וילך לו אל ארצו׃
1 Samuel 29:6-11
6 ויקרא אכישׁ אל דוד ויאמר אליו חי יהוה כי ישׁר אתה וטוב בעיני צאתך ובאך אתי במחנה כי לא מצאתי בך רעה מיום באך אלי עד היום הזה ובעיני הסרנים לא טוב אתה׃7 ועתה שׁוב ולך בשׁלום ולא תעשׂה רע בעיני סרני פלשׁתים׃8 ויאמר דוד אל אכישׁ כי מה עשׂיתי ומה מצאת בעבדך מיום אשׁר הייתי לפניך עד היום הזה כי לא אבוא ונלחמתי באיבי אדני המלך׃9 ויען אכישׁ ויאמר אל דוד ידעתי כי טוב אתה בעיני כמלאך אלהים אך שׂרי פלשׁתים אמרו לא יעלה עמנו במלחמה׃10 ועתה השׁכם בבקר ועבדי אדניך אשׁר באו אתך והשׁכמתם בבקר ואור לכם ולכו׃11 וישׁכם דוד הוא ואנשׁיו ללכת בבקר לשׁוב אל ארץ פלשׁתים ופלשׁתים עלו יזרעאל׃