1 (21:37) כי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה׃2 (22:1) אם במחתרת ימצא הגנב והכה ומת אין לו דמים׃3 (22:2) אם זרחה השׁמשׁ עליו דמים לו שׁלם ישׁלם אם אין לו ונמכר בגנבתו׃4 (22:3) אם המצא תמצא בידו הגנבה משׁור עד חמור עד שׂה חיים שׁנים ישׁלם׃5 (22:4) כי יבער אישׁ שׂדה או כרם ושׁלח את בעירה ובער בשׂדה אחר מיטב שׂדהו ומיטב כרמו ישׁלם׃6 (22:5) כי תצא אשׁ ומצאה קצים ונאכל גדישׁ או הקמה או השׂדה שׁלם ישׁלם המבער את הבערה׃7 (22:6) כי יתן אישׁ אל רעהו כסף או כלים לשׁמר וגנב מבית האישׁ אם ימצא הגנב ישׁלם שׁנים׃8 (22:7) אם לא ימצא הגנב ונקרב בעל הבית אל האלהים אם לא שׁלח ידו במלאכת רעהו׃9 (22:8) על כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו׃10 (22:9) כי יתן אישׁ אל רעהו חמור או שׁור או שׂה וכל בהמה לשׁמר ומת או נשׁבר או נשׁבה אין ראה׃11 (22:10) שׁבעת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם׃12 (22:11) ואם גנב יגנב מעמו ישׁלם לבעליו׃13 (22:12) אם טרף יטרף יבאהו עד הטרפה לא ישׁלם׃14 (22:13) וכי ישׁאל אישׁ מעם רעהו ונשׁבר או מת בעליו אין עמו שׁלם ישׁלם׃15 (22:14) אם בעליו עמו לא ישׁלם אם שׂכיר הוא בא בשׂכרו׃16 (22:15) וכי יפתה אישׁ בתולה אשׁר לא ארשׂה ושׁכב עמה מהר ימהרנה לו לאשׁה׃17 (22:16) אם מאן ימאן אביה לתתה לו כסף ישׁקל כמהר הבתולת׃18 (22:17) מכשׁפה לא תחיה׃19 (22:18) כל שׁכב עם בהמה מות יומת׃20 (22:19) זבח לאלהים יחרם בלתי ליהוה לבדו׃21 (22:20) וגר לא תונה ולא תלחצנו כי גרים הייתם בארץ מצרים׃22 (22:21) כל אלמנה ויתום לא תענון׃23 (22:22) אם ענה תענה אתו כי אם צעק יצעק אלי שׁמע אשׁמע צעקתו׃24 (22:23) וחרה אפי והרגתי אתכם בחרב והיו נשׁיכם אלמנות ובניכם יתמים׃25 (22:24) אם כסף תלוה את עמי את העני עמך לא תהיה לו כנשׁה לא תשׂימון עליו נשׁך׃26 (22:25) אם חבל תחבל שׂלמת רעך עד בא השׁמשׁ תשׁיבנו׃27 (22:26) כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני׃28 (22:27) אלהים לא תקלל ונשׂיא בעמך לא תאר׃29 (22:28) מלאתך ודמעך לא תאחר בכור בניך תתן׃30 (22:29) כן תעשׂה לשׁרך לצאנך שׁבעת ימים יהיה עם אמו ביום השׁמיני תתנו׃31 (22:30) ואנשׁי קדשׁ תהיון לי ובשׂר בשׂדה טרפה לא תאכלו לכלב תשׁלכון אתו׃
Exodus 22 Cross References - HOT
Leviticus 6:1-6
1 (5:20) וידבר יהוה אל משׁה לאמר׃2 (5:21) נפשׁ כי תחטא ומעלה מעל ביהוה וכחשׁ בעמיתו בפקדון או בתשׂומת יד או בגזל או עשׁק את עמיתו׃3 (5:22) או מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה׃4 (5:23) והיה כי יחטא ואשׁם והשׁיב את הגזלה אשׁר גזל או את העשׁק אשׁר עשׁק או את הפקדון אשׁר הפקד אתו או את האבדה אשׁר מצא׃5 (5:24) או מכל אשׁר ישׁבע עליו לשׁקר ושׁלם אתו בראשׁו וחמשׁתיו יסף עליו לאשׁר הוא לו יתננו ביום אשׁמתו׃6 (5:25) ואת אשׁמו יביא ליהוה איל תמים מן הצאן בערכך לאשׁם אל הכהן׃
Numbers 5:7
7 והתודו את חטאתם אשׁר עשׂו והשׁיב את אשׁמו בראשׁו וחמישׁתו יסף עליו ונתן לאשׁר אשׁם׃
2 Samuel 12:6
6 ואת הכבשׂה ישׁלם ארבעתים עקב אשׁר עשׂה את הדבר הזה ועל אשׁר לא חמל׃
Proverbs 6:31
31 ונמצא ישׁלם שׁבעתים את כל הון ביתו יתן׃
Proverbs 14:4
4 באין אלפים אבוס בר ורב תבואות בכח שׁור׃
Numbers 35:27
27 ומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם׃
Job 24:14
14 לאור יקום רוצח יקטל עני ואביון ובלילה יהי כגנב׃
Job 30:5
5 מן גו יגרשׁו יריעו עלימו כגנב׃
Hosea 7:1
1 כרפאי לישׂראל ונגלה עון אפרים ורעות שׁמרון כי פעלו שׁקר וגנב יבוא פשׁט גדוד בחוץ׃
Joel 2:9
9 בעיר ישׁקו בחומה ירצון בבתים יעלו בעד החלונים יבאו כגנב׃
Exodus 21:2
2 כי תקנה עבד עברי שׁשׁ שׁנים יעבד ובשׁבעת יצא לחפשׁי חנם׃
Judges 2:14
14 ויחר אף יהוה בישׂראל ויתנם ביד שׁסים וישׁסו אותם וימכרם ביד אויביהם מסביב ולא יכלו עוד לעמד לפני אויביהם׃
Judges 10:7
7 ויחר אף יהוה בישׂראל וימכרם ביד פלשׁתים וביד בני עמון׃
Isaiah 50:1
1 כה אמר יהוה אי זה ספר כריתות אמכם אשׁר שׁלחתיה או מי מנושׁי אשׁר מכרתי אתכם לו הן בעונתיכם נמכרתם ובפשׁעיכם שׁלחה אמכם׃
Exodus 21:16
16 וגנב אישׁ ומכרו ונמצא בידו מות יומת׃
Exodus 22:1
1 (21:37) כי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה׃
Exodus 22:7
7 (22:6) כי יתן אישׁ אל רעהו כסף או כלים לשׁמר וגנב מבית האישׁ אם ימצא הגנב ישׁלם שׁנים׃
Exodus 22:9
9 (22:8) על כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו׃
Isaiah 40:2
2 דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃
Jeremiah 16:18
18 ושׁלמתי ראשׁונה משׁנה עונם וחטאתם על חללם את ארצי בנבלת שׁקוציהם ותועבותיהם מלאו את נחלתי׃
Exodus 21:34
34 בעל הבור ישׁלם כסף ישׁיב לבעליו והמת יהיה׃
Exodus 22:3
3 (22:2) אם זרחה השׁמשׁ עליו דמים לו שׁלם ישׁלם אם אין לו ונמכר בגנבתו׃
Exodus 22:12
12 (22:11) ואם גנב יגנב מעמו ישׁלם לבעליו׃
Job 20:18
18 משׁיב יגע ולא יבלע כחיל תמורתו ולא יעלס׃
Exodus 21:33-34
Judges 15:4-5
2 Samuel 14:30-31
Exodus 22:4
4 (22:3) אם המצא תמצא בידו הגנבה משׁור עד חמור עד שׂה חיים שׁנים ישׁלם׃
Proverbs 6:30-31
Jeremiah 2:26
26 כבשׁת גנב כי ימצא כן הבישׁו בית ישׂראל המה מלכיהם שׂריהם וכהניהם ונביאיהם׃
Exodus 21:6
6 והגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעלם׃
Exodus 22:28
28 (22:27) אלהים לא תקלל ונשׂיא בעמך לא תאר׃
Deuteronomy 16:18
18 שׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק׃
Deuteronomy 17:8-9
Deuteronomy 19:17-18
1 Chronicles 23:4
4 מאלה לנצח על מלאכת בית יהוה עשׂרים וארבעה אלף ושׁטרים ושׁפטים שׁשׁת אלפים׃
Psalms 82:1
1 מזמור לאסף אלהים נצב בעדת אל בקרב אלהים ישׁפט׃
Exodus 18:21-22
Exodus 22:7-8
Exodus 23:6-8
Numbers 5:6-7
Deuteronomy 16:18-19
Deuteronomy 25:1
1 כי יהיה ריב בין אנשׁים ונגשׁו אל המשׁפט ושׁפטום והצדיקו את הצדיק והרשׁיעו את הרשׁע׃
1 Kings 8:31
31 את אשׁר יחטא אישׁ לרעהו ונשׁא בו אלה להאלתו ובא אלה לפני מזבחך בבית הזה׃
2 Chronicles 19:10
10 וכל ריב אשׁר יבוא עליכם מאחיכם הישׁבים בעריהם בין דם לדם בין תורה למצוה לחקים ולמשׁפטים והזהרתם אתם ולא יאשׁמו ליהוה והיה קצף עליכם ועל אחיכם כה תעשׂון ולא תאשׁמו׃
Genesis 39:8
8 וימאן ויאמר אל אשׁת אדניו הן אדני לא ידע אתי מה בבית וכל אשׁר ישׁ לו נתן בידי׃
Exodus 22:8
8 (22:7) אם לא ימצא הגנב ונקרב בעל הבית אל האלהים אם לא שׁלח ידו במלאכת רעהו׃
Exodus 23:1
1 לא תשׂא שׁמע שׁוא אל תשׁת ידך עם רשׁע להית עד חמס׃
Leviticus 5:1
1 ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃
Leviticus 6:3
3 (5:22) או מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה׃
1 Kings 2:42-43
Proverbs 30:9
9 פן אשׂבע וכחשׁתי ואמרתי מי יהוה ופן אורשׁ וגנבתי ותפשׂתי שׁם אלהי׃
Genesis 31:39
39 טרפה לא הבאתי אליך אנכי אחטנה מידי תבקשׁנה גנבתי יום וגנבתי לילה׃
Ezekiel 4:14
14 ואמר אהה אדני יהוה הנה נפשׁי לא מטמאה ונבלה וטרפה לא אכלתי מנעורי ועד עתה ולא בא בפי בשׂר פגול׃
Amos 3:12
12 כה אמר יהוה כאשׁר יציל הרעה מפי הארי שׁתי כרעים או בדל אזן כן ינצלו בני ישׂראל הישׁבים בשׁמרון בפאת מטה ובדמשׁק ערשׂ׃
Micah 5:8
8 (5:7) והיה שׁארית יעקב בגוים בקרב עמים רבים כאריה בבהמות יער ככפיר בעדרי צאן אשׁר אם עבר ורמס וטרף ואין מציל׃
Nahum 2:12
12 (2:13) אריה טרף בדי גרותיו ומחנק ללבאתיו וימלא טרף חריו ומענתיו טרפה׃
Exodus 22:11
11 (22:10) שׁבעת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם׃
Leviticus 24:18
18 ומכה נפשׁ בהמה ישׁלמנה נפשׁ תחת נפשׁ׃
Deuteronomy 15:2
2 וזה דבר השׁמטה שׁמוט כל בעל משׁה ידו אשׁר ישׁה ברעהו לא יגשׂ את רעהו ואת אחיו כי קרא שׁמטה ליהוה׃
Deuteronomy 23:19-20
Nehemiah 5:4
4 וישׁ אשׁר אמרים לוינו כסף למדת המלך שׂדתינו וכרמינו׃
Psalms 37:21
21 לוה רשׁע ולא ישׁלם וצדיק חונן ונותן׃
Zechariah 8:10
10 כי לפני הימים ההם שׂכר האדם לא נהיה ושׂכר הבהמה איננה וליוצא ולבא אין שׁלום מן הצר ואשׁלח את כל האדם אישׁ ברעהו׃
Genesis 34:2-4
Deuteronomy 22:28-29
Genesis 23:16
16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃
Genesis 34:12
12 הרבו עלי מאד מהר ומתן ואתנה כאשׁר תאמרו אלי ותנו לי את הנער לאשׁה׃
Deuteronomy 7:3-4
Deuteronomy 22:29
29 ונתן האישׁ השׁכב עמה לאבי הנער חמשׁים כסף ולו תהיה לאשׁה תחת אשׁר ענה לא יוכל שׁלחה כל ימיו׃
1 Samuel 18:25
25 ויאמר שׁאול כה תאמרו לדוד אין חפץ למלך במהר כי במאה ערלות פלשׁתים להנקם באיבי המלך ושׁאול חשׁב להפיל את דוד ביד פלשׁתים׃
Leviticus 19:26
26 לא תאכלו על הדם לא תנחשׁו ולא תעוננו׃
Leviticus 19:31
31 אל תפנו אל האבת ואל הידענים אל תבקשׁו לטמאה בהם אני יהוה אלהיכם׃
Leviticus 20:6
6 והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃
Leviticus 20:27
27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Deuteronomy 18:10-11
1 Samuel 28:3
3 ושׁמואל מת ויספדו לו כל ישׂראל ויקברהו ברמה ובעירו ושׁאול הסיר האבות ואת הידענים מהארץ׃
1 Samuel 28:9
9 ותאמר האשׁה אליו הנה אתה ידעת את אשׁר עשׂה שׁאול אשׁר הכרית את האבות ואת הידעני מן הארץ ולמה אתה מתנקשׁ בנפשׁי להמיתני׃
Isaiah 19:3
3 ונבקה רוח מצרים בקרבו ועצתו אבלע ודרשׁו אל האלילים ואל האטים ואל האבות ואל הידענים׃
Leviticus 18:23
23 ובכל בהמה לא תתן שׁכבתך לטמאה בה ואשׁה לא תעמד לפני בהמה לרבעה תבל הוא׃
Leviticus 18:25
25 ותטמא הארץ ואפקד עונה עליה ותקא הארץ את ישׁביה׃
Leviticus 20:15-16
Deuteronomy 27:21
21 ארור שׁכב עם כל בהמה ואמר כל העם אמן׃
Numbers 21:3
3 וישׁמע יהוה בקול ישׂראל ויתן את הכנעני ויחרם אתהם ואת עריהם ויקרא שׁם המקום חרמה׃
Numbers 25:2-4
Numbers 25:7-8
Deuteronomy 13:1-15
1 (13:2) כי יקום בקרבך נביא או חלם חלום ונתן אליך אות או מופת׃2 (13:3) ובא האות והמופת אשׁר דבר אליך לאמר נלכה אחרי אלהים אחרים אשׁר לא ידעתם ונעבדם׃3 (13:4) לא תשׁמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישׁכם אהבים את יהוה אלהיכם בכל לבבכם ובכל נפשׁכם׃4 (13:5) אחרי יהוה אלהיכם תלכו ואתו תיראו ואת מצותיו תשׁמרו ובקלו תשׁמעו ואתו תעבדו ובו תדבקון׃5 (13:6) והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשׁר צוך יהוה אלהיך ללכת בה ובערת הרע מקרבך׃6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃7 (13:8) מאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ׃8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃9 (13:10) כי הרג תהרגנו ידך תהיה בו בראשׁונה להמיתו ויד כל העם באחרנה׃10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃11 (13:12) וכל ישׂראל ישׁמעו ויראון ולא יוספו לעשׂות כדבר הרע הזה בקרבך׃12 (13:13) כי תשׁמע באחת עריך אשׁר יהוה אלהיך נתן לך לשׁבת שׁם לאמר׃13 (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃14 (13:15) ודרשׁת וחקרת ושׁאלת היטב והנה אמת נכון הדבר נעשׂתה התועבה הזאת בקרבך׃15 (13:16) הכה תכה את ישׁבי העיר ההוא לפי חרב החרם אתה ואת כל אשׁר בה ואת בהמתה לפי חרב׃
Deuteronomy 17:2-5
2 כי ימצא בקרבך באחד שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו׃3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃4 והגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל׃5 והוצאת את האישׁ ההוא או את האשׁה ההוא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו׃
Deuteronomy 18:20
20 אך הנביא אשׁר יזיד לדבר דבר בשׁמי את אשׁר לא צויתיו לדבר ואשׁר ידבר בשׁם אלהים אחרים ומת הנביא ההוא׃
Joshua 23:15-16
Exodus 20:2
2 אנכי יהוה אלהיך אשׁר הוצאתיך מארץ מצרים מבית עבדים׃
Exodus 23:9
9 וגר לא תלחץ ואתם ידעתם את נפשׁ הגר כי גרים הייתם בארץ מצרים׃
Leviticus 19:33
33 וכי יגור אתך גר בארצכם לא תונו אתו׃
Leviticus 25:35
35 וכי ימוך אחיך ומטה ידו עמך והחזקת בו גר ותושׁב וחי עמך׃
Deuteronomy 10:19
19 ואהבתם את הגר כי גרים הייתם בארץ מצרים׃
Deuteronomy 15:15
15 וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃
Deuteronomy 23:7
7 (23:8) לא תתעב אדמי כי אחיך הוא לא תתעב מצרי כי גר היית בארצו׃
Jeremiah 7:6
6 גר יתום ואלמנה לא תעשׁקו ודם נקי אל תשׁפכו במקום הזה ואחרי אלהים אחרים לא תלכו לרע׃
Jeremiah 22:3
3 כה אמר יהוה עשׂו משׁפט וצדקה והצילו גזול מיד עשׁוק וגר יתום ואלמנה אל תנו אל תחמסו ודם נקי אל תשׁפכו במקום הזה׃
Zechariah 7:10
10 ואלמנה ויתום גר ועני אל תעשׁקו ורעת אישׁ אחיו אל תחשׁבו בלבבכם׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Deuteronomy 10:18
18 עשׂה משׁפט יתום ואלמנה ואהב גר לתת לו לחם ושׂמלה׃
Deuteronomy 24:17
17 לא תטה משׁפט גר יתום ולא תחבל בגד אלמנה׃
Deuteronomy 27:19
19 ארור מטה משׁפט גר יתום ואלמנה ואמר כל העם אמן׃
Psalms 94:6-7
Isaiah 1:17
17 למדו היטב דרשׁו משׁפט אשׁרו חמוץ שׁפטו יתום ריבו אלמנה׃
Isaiah 1:23
23 שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃
Isaiah 10:2
2 להטות מדין דלים ולגזל משׁפט עניי עמי להיות אלמנות שׁללם ואת יתומים יבזו׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Deuteronomy 15:9
9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃
Deuteronomy 24:15
15 ביומו תתן שׂכרו ולא תבוא עליו השׁמשׁ כי עני הוא ואליו הוא נשׂא את נפשׁו ולא יקרא עליך אל יהוה והיה בך חטא׃
Job 31:38-39
Job 34:28
28 להביא עליו צעקת דל וצעקת עניים ישׁמע׃
Job 35:9
9 מרב עשׁוקים יזעיקו ישׁועו מזרוע רבים׃
Psalms 10:17-18
Psalms 18:6
6 (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃
Psalms 140:12
12 (140:13) ידעת כי יעשׂה יהוה דין עני משׁפט אבינים׃
Psalms 145:19
19 רצון יראיו יעשׂה ואת שׁועתם ישׁמע ויושׁיעם׃
Psalms 146:7-9
Proverbs 22:22-23
Proverbs 23:10-11
Job 27:13-15
Job 31:23
23 כי פחד אלי איד אל ומשׂאתו לא אוכל׃
Psalms 69:24
24 (69:25) שׁפך עליהם זעמך וחרון אפך ישׂיגם׃
Psalms 76:7
7 (76:8) אתה נורא אתה ומי יעמד לפניך מאז אפך׃
Psalms 78:63-64
Psalms 90:11
11 מי יודע עז אפך וכיראתך עברתך׃
Psalms 109:9
9 יהיו בניו יתומים ואשׁתו אלמנה׃
Jeremiah 15:8
8 עצמו לי אלמנתו מחול ימים הבאתי להם על אם בחור שׁדד בצהרים הפלתי עליה פתאם עיר ובהלות׃
Jeremiah 18:21
21 לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃
Lamentations 5:3
3 יתומים היינו אין אב אמתינו כאלמנות׃
Nahum 1:6
6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃
Leviticus 25:35-37
2 Kings 4:1
1 ואשׁה אחת מנשׁי בני הנביאים צעקה אל אלישׁע לאמר עבדך אישׁי מת ואתה ידעת כי עבדך היה ירא את יהוה והנשׁה בא לקחת את שׁני ילדי לו לעבדים׃
2 Kings 4:7
7 ותבא ותגד לאישׁ האלהים ויאמר לכי מכרי את השׁמן ושׁלמי את נשׁיכי ואת בניכי תחיי בנותר׃
Nehemiah 5:2-5
2 וישׁ אשׁר אמרים בנינו ובנתינו אנחנו רבים ונקחה דגן ונאכלה ונחיה׃3 וישׁ אשׁר אמרים שׂדתינו וכרמינו ובתינו אנחנו ערבים ונקחה דגן ברעב׃4 וישׁ אשׁר אמרים לוינו כסף למדת המלך שׂדתינו וכרמינו׃5 ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃
Nehemiah 5:7
7 וימלך לבי עלי ואריבה את החרים ואת הסגנים ואמרה להם משׁא אישׁ באחיו אתם נשׁאים ואתן עליהם קהלה גדולה׃
Nehemiah 5:10-11
Psalms 15:5
5 כספו לא נתן בנשׁך ושׁחד על נקי לא לקח עשׂה אלה לא ימוט לעולם׃
Proverbs 28:8
8 מרבה הונו בנשׁך ובתרבית לחונן דלים יקבצנו׃
Jeremiah 15:10
10 אוי לי אמי כי ילדתני אישׁ ריב ואישׁ מדון לכל הארץ לא נשׁיתי ולא נשׁו בי כלה מקללוני׃
Ezekiel 18:8
8 בנשׁך לא יתן ותרבית לא יקח מעול ישׁיב ידו משׁפט אמת יעשׂה בין אישׁ לאישׁ׃
Ezekiel 18:13
13 בנשׁך נתן ותרבית לקח וחי לא יחיה את כל התועבות האלה עשׂה מות יומת דמיו בו יהיה׃
Ezekiel 18:17
17 מעני השׁיב ידו נשׁך ותרבית לא לקח משׁפטי עשׂה בחקותי הלך הוא לא ימות בעון אביו חיה יחיה׃
Ezekiel 22:12
12 שׁחד לקחו בך למען שׁפך דם נשׁך ותרבית לקחת ותבצעי רעיך בעשׁק ואתי שׁכחת נאם אדני יהוה׃
Deuteronomy 24:6
6 לא יחבל רחים ורכב כי נפשׁ הוא חבל׃
Deuteronomy 24:10-13
Job 22:6
6 כי תחבל אחיך חנם ובגדי ערומים תפשׁיט׃
Job 24:3
3 חמור יתומים ינהגו יחבלו שׁור אלמנה׃
Job 24:9
9 יגזלו משׁד יתום ועל עני יחבלו׃
Proverbs 20:16
16 לקח בגדו כי ערב זר ובעד נכרים חבלהו׃
Proverbs 22:27
27 אם אין לך לשׁלם למה יקח משׁכבך מתחתיך׃
Ezekiel 18:7
7 ואישׁ לא יונה חבלתו חוב ישׁיב גזלה לא יגזל לחמו לרעב יתן ועירם יכסה בגד׃
Ezekiel 18:16
16 ואישׁ לא הונה חבל לא חבל וגזלה לא גזל לחמו לרעב נתן וערום כסה בגד׃
Ezekiel 33:15
15 חבל ישׁיב רשׁע גזלה ישׁלם בחקות החיים הלך לבלתי עשׂות עול חיו יחיה לא ימות׃
Amos 2:8
8 ועל בגדים חבלים יטו אצל כל מזבח ויין ענושׁים ישׁתו בית אלהיהם׃
Exodus 2:23-24
Exodus 22:23
23 (22:22) אם ענה תענה אתו כי אם צעק יצעק אלי שׁמע אשׁמע צעקתו׃
Exodus 34:6
6 ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃
2 Chronicles 30:9
9 כי בשׁובכם על יהוה אחיכם ובניכם לרחמים לפני שׁוביהם ולשׁוב לארץ הזאת כי חנון ורחום יהוה אלהיכם ולא יסיר פנים מכם אם תשׁובו אליו׃
Psalms 34:6
6 (34:7) זה עני קרא ויהוה שׁמע ומכל צרותיו הושׁיעו׃
Psalms 72:12
12 כי יציל אביון משׁוע ועני ואין עזר׃
Psalms 86:15
15 ואתה אדני אל רחום וחנון ארך אפים ורב חסד ואמת׃
Psalms 136:10-11
Isaiah 19:20
20 והיה לאות ולעד ליהוה צבאות בארץ מצרים כי יצעקו אל יהוה מפני לחצים וישׁלח להם מושׁיע ורב והצילם׃
Exodus 21:17
17 ומקלל אביו ואמו מות יומת׃
Exodus 22:8-9
Leviticus 24:16
16 ונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת׃
1 Samuel 24:6
6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃
1 Samuel 24:10
10 (24:11) הנה היום הזה ראו עיניך את אשׁר נתנך יהוה היום בידי במערה ואמר להרגך ותחס עליך ואמר לא אשׁלח ידי באדני כי משׁיח יהוה הוא׃
1 Samuel 26:9
9 ויאמר דוד אל אבישׁי אל תשׁחיתהו כי מי שׁלח ידו במשׁיח יהוה ונקה׃
Psalms 32:6
6 על זאת יתפלל כל חסיד אליך לעת מצא רק לשׁטף מים רבים אליו לא יגיעו׃
Psalms 82:1-7
Psalms 138:1
1 לדוד אודך בכל לבי נגד אלהים אזמרך׃
Ecclesiastes 10:20
20 גם במדעך מלך אל תקלל ובחדרי משׁכבך אל תקלל עשׁיר כי עוף השׁמים יוליך את הקול ובעל הכנפים יגיד דבר׃
Exodus 13:2
2 קדשׁ לי כל בכור פטר כל רחם בבני ישׂראל באדם ובבהמה לי הוא׃
Exodus 13:12
12 והעברת כל פטר רחם ליהוה וכל פטר שׁגר בהמה אשׁר יהיה לך הזכרים ליהוה׃
Exodus 23:16
16 וחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה׃
Exodus 23:19
19 ראשׁית בכורי אדמתך תביא בית יהוה אלהיך לא תבשׁל גדי בחלב אמו׃
Exodus 34:19
19 כל פטר רחם לי וכל מקנך תזכר פטר שׁור ושׂה׃
Deuteronomy 26:2-10
2 ולקחת מראשׁית כל פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר יבחר יהוה אלהיך לשׁכן שׁמו שׁם׃3 ובאת אל הכהן אשׁר יהיה בימים ההם ואמרת אליו הגדתי היום ליהוה אלהיך כי באתי אל הארץ אשׁר נשׁבע יהוה לאבתינו לתת׃4 ולקח הכהן הטנא מידך והניחו לפני מזבח יהוה אלהיך׃5 וענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב׃6 וירעו אתנו המצרים ויענונו ויתנו עלינו עבדה קשׁה׃7 ונצעק אל יהוה אלהי אבתינו וישׁמע יהוה את קלנו וירא את ענינו ואת עמלנו ואת לחצנו׃8 ויוצאנו יהוה ממצרים ביד חזקה ובזרע נטויה ובמרא גדל ובאתות ובמפתים׃9 ויבאנו אל המקום הזה ויתן לנו את הארץ הזאת ארץ זבת חלב ודבשׁ׃10 ועתה הנה הבאתי את ראשׁית פרי האדמה אשׁר נתתה לי יהוה והנחתו לפני יהוה אלהיך והשׁתחוית לפני יהוה אלהיך׃
2 Kings 4:42
42 ואישׁ בא מבעל שׁלשׁה ויבא לאישׁ האלהים לחם בכורים עשׂרים לחם שׂערים וכרמל בצקלנו ויאמר תן לעם ויאכלו׃
2 Chronicles 31:5
5 וכפרץ הדבר הרבו בני ישׂראל ראשׁית דגן תירושׁ ויצהר ודבשׁ וכל תבואת שׂדה ומעשׂר הכל לרב הביאו׃
Proverbs 3:9-10
Ezekiel 20:40
40 כי בהר קדשׁי בהר מרום ישׂראל נאם אדני יהוה שׁם יעבדני כל בית ישׂראל כלה בארץ שׁם ארצם ושׁם אדרושׁ את תרומתיכם ואת ראשׁית משׂאותיכם בכל קדשׁיכם׃
Micah 7:1
1 אללי לי כי הייתי כאספי קיץ כעללת בציר אין אשׁכול לאכול בכורה אותה נפשׁי׃
Leviticus 12:3
3 וביום השׁמיני ימול בשׂר ערלתו׃
Leviticus 22:27
27 שׁור או כשׂב או עז כי יולד והיה שׁבעת ימים תחת אמו ומיום השׁמיני והלאה ירצה לקרבן אשׁה ליהוה׃
Deuteronomy 15:19
19 כל הבכור אשׁר יולד בבקרך ובצאנך הזכר תקדישׁ ליהוה אלהיך לא תעבד בבכר שׁורך ולא תגז בכור צאנך׃
Exodus 19:5-6
Leviticus 11:44-45
Leviticus 17:15-16
Leviticus 19:2
2 דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃
Leviticus 20:25
25 והבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא׃
Leviticus 22:8
8 נבלה וטרפה לא יאכל לטמאה בה אני יהוה׃
Deuteronomy 14:21
21 לא תאכלו כל נבלה לגר אשׁר בשׁעריך תתננה ואכלה או מכר לנכרי כי עם קדושׁ אתה ליהוה אלהיך לא תבשׁל גדי בחלב אמו׃
Ezekiel 44:31
31 כל נבלה וטרפה מן העוף ומן הבהמה לא יאכלו הכהנים׃