Luke 12:22-30 Þa cwæð he to his leorning-cnihtum. forþam ic eow secge ne beo ge ymbe-hydige eowre sawle hwæt ge ëtan. ne eowrum lichaman hwæt ge scrydun;

WestSaxon990⁽ⁱ⁾ ²² Þa cwæð he to his leorning-cnihtum. forþam ic eow secge ne beo ge ymbe-hydige eowre sawle hwæt ge ëtan. ne eowrum lichaman hwæt ge scrydun; ²³ Seo sawul ys ma þonne se lichama. & se lichama mä þonne þt reaf; ²⁴ Besceawiað þa hrefnas þt hig ne sawað. ne ne ripað. nabbað hig heddern ne bern. ac god hig fett. þæs þe mä ge synt hyra selran; ²⁵ Hwylc eower mæg þencende ican äne elne. to his anlicnesse. ²⁶ gyf ge þt læsse ne magon. hwy synt ge be oðrum þingum ymbe-hydige; ²⁷ Sceawiaþ þa lilian hu hi wexað. hi ne swincað ne ne spinnað; Soðlice ic eow secge þt salomon on eallum hys wuldre næs gescrydd. swa þissa än; ²⁸ Gyf god scrytt þt hïg. ðe ys to-dæg on æcere. & to-morgen forscrincð; swa mycele ma göd scryt eow ge-hwædes geleafan; ²⁹ And nelle ge secean hwæt ge eton oððe drincon. & ne beo ge up-ahafene ³⁰ ealle þas þing þeoda seceað; Eower fæder wat þt ge þises beþurfon;