Proverbs 1:22-29 usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiam

Vulgate⁽ⁱ⁾ ²² usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiam ²³ convertimini ad correptionem meam en proferam vobis spiritum meum et ostendam verba mea ²⁴ quia vocavi et rennuistis extendi manum meam et non fuit qui aspiceret ²⁵ despexistis omne consilium meum et increpationes meas neglexistis ²⁶ ego quoque in interitu vestro ridebo et subsannabo cum vobis quod timebatis advenerit ²⁷ cum inruerit repentina calamitas et interitus quasi tempestas ingruerit quando venerit super vos tribulatio et angustia ²⁸ tunc invocabunt me et non exaudiam mane consurgent et non invenient me ²⁹ eo quod exosam habuerint disciplinam et timorem Domini non susceperint