HOT(i)
5 הדר כבוד הודך ודברי נפלאותיך אשׂיחה׃ 6 ועזוז נוראתיך יאמרו וגדולתיך אספרנה׃ 7 זכר רב טובך יביעו וצדקתך ירננו׃ 8 חנון ורחום יהוה ארך אפים וגדל חסד׃ 9 טוב יהוה לכל ורחמיו על כל מעשׂיו׃ 10 יודוך יהוה כל מעשׂיך וחסידיך יברכוכה׃ 11 כבוד מלכותך יאמרו וגבורתך ידברו׃ 12 להודיע לבני האדם גבורתיו וכבוד הדר מלכותו׃ 13 מלכותך מלכות כל עלמים וממשׁלתך בכל דור ודור׃ 14 סומך יהוה לכל הנפלים וזוקף לכל הכפופים׃