Psalms 109:6-15

HOT^{(i) 6} הפקד עליו רשׁע ושׂטן יעמד על ימינו׃ ⁷ בהשׁפטו יצא רשׁע ותפלתו תהיה לחטאה׃ ⁸ יהיו ימיו מעטים פקדתו יקח אחר׃ ⁹ יהיו בניו יתומים ואשׁתו אלמנה׃ ¹⁰ ונוע ינועו בניו ושׁאלו ודרשׁו מחרבותיהם׃ ¹¹ ינקשׁ נושׁה לכל אשׁר לו ויבזו זרים יגיעו׃ ¹² אל יהי לו משׁך חסד ואל יהי חונן ליתומיו׃ ¹³ יהי אחריתו להכרית בדור אחר ימח שׁמם׃ ¹⁴ יזכר עון אבתיו אל יהוה וחטאת אמו אל תמח׃ ¹⁵ יהיו נגד יהוה תמיד ויכרת מארץ זכרם׃