HOT(i)
28 (3:1) והיה אחרי כן אשׁפוך את רוחי על כל בשׂר ונבאו בניכם ובנותיכם זקניכם חלמות יחלמון בחוריכם חזינות יראו׃ 29 (3:2) וגם על העבדים ועל השׁפחות בימים ההמה אשׁפוך את רוחי׃ 30 (3:3) ונתתי מופתים בשׁמים ובארץ דם ואשׁ ותימרות עשׁן׃ 31 (3:4) השׁמשׁ יהפך לחשׁך והירח לדם לפני בוא יום יהוה הגדול והנורא׃ 32 (3:5) והיה כל אשׁר יקרא בשׁם יהוה ימלט כי בהר ציון ובירושׁלם תהיה פליטה כאשׁר אמר יהוה ובשׂרידים אשׁר יהוה קרא׃