Job 22:5-16

HOT^{(i) 5} הלא רעתך רבה ואין קץ לעונתיך׃ ⁶ כי תחבל אחיך חנם ובגדי ערומים תפשׁיט׃ ⁷ לא מים עיף תשׁקה ומרעב תמנע לחם׃ ⁸ ואישׁ זרוע לו הארץ ונשׂוא פנים ישׁב׃ ⁹ אלמנות שׁלחת ריקם וזרעות יתמים ידכא׃ ¹⁰ על כן סביבותיך פחים ויבהלך פחד פתאם׃ ¹¹ או חשׁך לא תראה ושׁפעת מים תכסך׃ ¹² הלא אלוה גבה שׁמים וראה ראשׁ כוכבים כי רמו׃ ¹³ ואמרת מה ידע אל הבעד ערפל ישׁפוט׃ ¹⁴ עבים סתר לו ולא יראה וחוג שׁמים יתהלך׃ ¹⁵ הארח עולם תשׁמר אשׁר דרכו מתי און׃ ¹⁶ אשׁר קמטו ולא עת נהר יוצק יסודם׃