Genesis 30:6-13

HOT^{(i) 6} ותאמר רחל דנני אלהים וגם שׁמע בקלי ויתן לי בן על כן קראה שׁמו דן׃ ⁷ ותהר עוד ותלד בלהה שׁפחת רחל בן שׁני ליעקב׃ ⁸ ותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי׃ ⁹ ותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה׃ ¹⁰ ותלד זלפה שׁפחת לאה ליעקב בן׃ ¹¹ ותאמר לאה בגד ותקרא את שׁמו גד׃ ¹² ותלד זלפה שׁפחת לאה בן שׁני ליעקב׃ ¹³ ותאמר לאה באשׁרי כי אשׁרוני בנות ותקרא את שׁמו אשׁר׃