HOT(i)
18 וישׁכב מנשׁה עם אבתיו ויקבר בגן ביתו בגן עזא וימלך אמון בנו תחתיו׃ 19 בן עשׂרים ושׁתים שׁנה אמון במלכו ושׁתים שׁנים מלך בירושׁלם ושׁם אמו משׁלמת בת חרוץ מן יטבה׃ 20 ויעשׂ הרע בעיני יהוה כאשׁר עשׂה מנשׁה אביו׃ 21 וילך בכל הדרך אשׁר הלך אביו ויעבד את הגללים אשׁר עבד אביו וישׁתחו׃ 22 ויעזב את יהוה אלהי אבתיו ולא הלך בדרך יהוה׃ 23 ויקשׁרו עבדי אמון עליו וימיתו את המלך בביתו׃ 24 ויך עם הארץ את כל הקשׁרים על המלך אמון וימליכו עם הארץ את יאשׁיהו בנו תחתיו׃ 25 ויתר דברי אמון אשׁר עשׂה הלא הם כתובים על ספר דברי הימים למלכי יהודה׃