Job 22:16 Cross References - Vulgate

¹⁶ qui sublati sunt ante tempus suum et fluvius subvertit fundamentum eorum

¹¹ anno sescentesimo vitae Noe mense secundo septimodecimo die mensis rupti sunt omnes fontes abyssi magnae et cataractae caeli apertae sunt

¹⁷ factumque est diluvium quadraginta diebus super terram et multiplicatae sunt aquae et elevaverunt arcam in sublime a terra ¹⁸ vehementer inundaverunt et omnia repleverunt in superficie terrae porro arca ferebatur super aquas ¹⁹ et aquae praevaluerunt nimis super terram opertique sunt omnes montes excelsi sub universo caelo ²⁰ quindecim cubitis altior fuit aqua super montes quos operuerat ²¹ consumptaque est omnis caro quae movebatur super terram volucrum animantium bestiarum omniumque reptilium quae reptant super terram universi homines ²² et cuncta in quibus spiraculum vitae est in terra mortua sunt ²³ et delevit omnem substantiam quae erat super terram ab homine usque ad pecus tam reptile quam volucres caeli et deleta sunt de terra remansit autem solus Noe et qui cum eo erant in arca ²⁴ obtinueruntque aquae terras centum quinquaginta diebus

¹⁹ lapides excavant aquae et adluvione paulatim terra consumitur et homines ergo similiter perdes

³² antequam dies eius impleantur peribit et manus eius arescet

²³ tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui

²⁴ adflixit in via fortitudinem meam adbreviavit dies meos

¹⁷ ne impie agas multum et noli esse stultus ne moriaris in tempore non tuo

²⁶ et omnis qui audit verba mea haec et non facit ea similis erit viro stulto qui aedificavit domum suam supra harenam ²⁷ et descendit pluvia et venerunt flumina et flaverunt venti et inruerunt in domum illam et cecidit et fuit ruina eius magna

³⁷ sicut autem in diebus Noe ita erit et adventus Filii hominis ³⁸ sicut enim erant in diebus ante diluvium comedentes et bibentes nubentes et nuptum tradentes usque ad eum diem quo introivit in arcam Noe ³⁹ et non cognoverunt donec venit diluvium et tulit omnes ita erit et adventus Filii hominis

¹⁹ in quo et his qui in carcere erant spiritibus veniens praedicavit ²⁰ qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam

⁵ et originali mundo non pepercit sed octavum Noe iustitiae praeconem custodivit diluvium mundo impiorum inducens