1 ויאמר יהוה אל אהרן אתה ובניך ובית אביך אתך תשׂאו את עון המקדשׁ ואתה ובניך אתך תשׂאו את עון כהנתכם׃2 וגם את אחיך מטה לוי שׁבט אביך הקרב אתך וילוו עליך וישׁרתוך ואתה ובניך אתך לפני אהל העדת׃3 ושׁמרו משׁמרתך ומשׁמרת כל האהל אך אל כלי הקדשׁ ואל המזבח לא יקרבו ולא ימתו גם הם גם אתם׃4 ונלוו עליך ושׁמרו את משׁמרת אהל מועד לכל עבדת האהל וזר לא יקרב אליכם׃5 ושׁמרתם את משׁמרת הקדשׁ ואת משׁמרת המזבח ולא יהיה עוד קצף על בני ישׂראל׃6 ואני הנה לקחתי את אחיכם הלוים מתוך בני ישׂראל לכם מתנה נתנים ליהוה לעבד את עבדת אהל מועד׃7 ואתה ובניך אתך תשׁמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃8 וידבר יהוה אל אהרן ואני הנה נתתי לך את משׁמרת תרומתי לכל קדשׁי בני ישׂראל לך נתתים למשׁחה ולבניך לחק עולם׃9 זה יהיה לך מקדשׁ הקדשׁים מן האשׁ כל קרבנם לכל מנחתם ולכל חטאתם ולכל אשׁמם אשׁר ישׁיבו לי קדשׁ קדשׁים לך הוא ולבניך׃10 בקדשׁ הקדשׁים תאכלנו כל זכר יאכל אתו קדשׁ יהיה׃11 וזה לך תרומת מתנם לכל תנופת בני ישׂראל לך נתתים ולבניך ולבנתיך אתך לחק עולם כל טהור בביתך יאכל אתו׃12 כל חלב יצהר וכל חלב תירושׁ ודגן ראשׁיתם אשׁר יתנו ליהוה לך נתתים׃13 בכורי כל אשׁר בארצם אשׁר יביאו ליהוה לך יהיה כל טהור בביתך יאכלנו׃14 כל חרם בישׂראל לך יהיה׃15 כל פטר רחם לכל בשׂר אשׁר יקריבו ליהוה באדם ובבהמה יהיה לך אך פדה תפדה את בכור האדם ואת בכור הבהמה הטמאה תפדה׃16 ופדויו מבן חדשׁ תפדה בערכך כסף חמשׁת שׁקלים בשׁקל הקדשׁ עשׂרים גרה הוא׃17 אך בכור שׁור או בכור כשׂב או בכור עז לא תפדה קדשׁ הם את דמם תזרק על המזבח ואת חלבם תקטיר אשׁה לריח ניחח ליהוה׃18 ובשׂרם יהיה לך כחזה התנופה וכשׁוק הימין לך יהיה׃19 כל תרומת הקדשׁים אשׁר ירימו בני ישׂראל ליהוה נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך׃20 ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישׂראל׃21 ולבני לוי הנה נתתי כל מעשׂר בישׂראל לנחלה חלף עבדתם אשׁר הם עבדים את עבדת אהל מועד׃22 ולא יקרבו עוד בני ישׂראל אל אהל מועד לשׂאת חטא למות׃23 ועבד הלוי הוא את עבדת אהל מועד והם ישׂאו עונם חקת עולם לדרתיכם ובתוך בני ישׂראל לא ינחלו נחלה׃24 כי את מעשׂר בני ישׂראל אשׁר ירימו ליהוה תרומה נתתי ללוים לנחלה על כן אמרתי להם בתוך בני ישׂראל לא ינחלו נחלה׃25 וידבר יהוה אל משׁה לאמר׃26 ואל הלוים תדבר ואמרת אלהם כי תקחו מאת בני ישׂראל את המעשׂר אשׁר נתתי לכם מאתם בנחלתכם והרמתם ממנו תרומת יהוה מעשׂר מן המעשׂר׃27 ונחשׁב לכם תרומתכם כדגן מן הגרן וכמלאה מן היקב׃28 כן תרימו גם אתם תרומת יהוה מכל מעשׂרתיכם אשׁר תקחו מאת בני ישׂראל ונתתם ממנו את תרומת יהוה לאהרן הכהן׃29 מכל מתנתיכם תרימו את כל תרומת יהוה מכל חלבו את מקדשׁו ממנו׃30 ואמרת אלהם בהרימכם את חלבו ממנו ונחשׁב ללוים כתבואת גרן וכתבואת יקב׃31 ואכלתם אתו בכל מקום אתם וביתכם כי שׂכר הוא לכם חלף עבדתכם באהל מועד׃32 ולא תשׂאו עליו חטא בהרימכם את חלבו ממנו ואת קדשׁי בני ישׂראל לא תחללו ולא תמותו׃
Numbers 18 Cross References - HOT
Exodus 28:38
38 והיה על מצח אהרן ונשׂא אהרן את עון הקדשׁים אשׁר יקדישׁו בני ישׂראל לכל מתנת קדשׁיהם והיה על מצחו תמיד לרצון להם לפני יהוה׃
Leviticus 22:9
9 ושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם׃
Numbers 14:34
34 במספר הימים אשׁר תרתם את הארץ ארבעים יום יום לשׁנה יום לשׁנה תשׂאו את עונתיכם ארבעים שׁנה וידעתם את תנואתי׃
Numbers 17:3
3 (17:18) ואת שׁם אהרן תכתב על מטה לוי כי מטה אחד לראשׁ בית אבותם׃
Numbers 17:7
7 (17:22) וינח משׁה את המטת לפני יהוה באהל העדת׃
Numbers 17:13
13 (17:28) כל הקרב הקרב אל משׁכן יהוה ימות האם תמנו לגוע׃
Numbers 18:22-23
Isaiah 53:6
6 כלנו כצאן תעינו אישׁ לדרכו פנינו ויהוה הפגיע בו את עון כלנו׃
Isaiah 53:11
11 מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃
Ezekiel 3:18-19
Genesis 29:34
34 ותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי׃
Numbers 3:6-13
6 הקרב את מטה לוי והעמדת אתו לפני אהרן הכהן ושׁרתו אתו׃7 ושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן׃8 ושׁמרו את כל כלי אהל מועד ואת משׁמרת בני ישׂראל לעבד את עבדת המשׁכן׃9 ונתתה את הלוים לאהרן ולבניו נתונם נתונם המה לו מאת בני ישׂראל׃10 ואת אהרן ואת בניו תפקד ושׁמרו את כהנתם והזר הקרב יומת׃11 וידבר יהוה אל משׁה לאמר׃12 ואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים׃13 כי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה׃
Numbers 4:15
15 וכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד׃
Numbers 8:19
19 ואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ׃
Numbers 8:22
22 ואחרי כן באו הלוים לעבד את עבדתם באהל מועד לפני אהרן ולפני בניו כאשׁר צוה יהוה את משׁה על הלוים כן עשׂו׃
Numbers 16:40
40 (17:5) זכרון לבני ישׂראל למען אשׁר לא יקרב אישׁ זר אשׁר לא מזרע אהרן הוא להקטיר קטרת לפני יהוה ולא יהיה כקרח וכעדתו כאשׁר דבר יהוה ביד משׁה׃
Numbers 18:4
4 ונלוו עליך ושׁמרו את משׁמרת אהל מועד לכל עבדת האהל וזר לא יקרב אליכם׃
1 Chronicles 16:39-40
2 Chronicles 30:16
16 ויעמדו על עמדם כמשׁפטם כתורת משׁה אישׁ האלהים הכהנים זרקים את הדם מיד הלוים׃
Ezekiel 44:15
15 והכהנים הלוים בני צדוק אשׁר שׁמרו את משׁמרת מקדשׁי בתעות בני ישׂראל מעלי המה יקרבו אלי לשׁרתני ועמדו לפני להקריב לי חלב ודם נאם אדני יהוה׃
Numbers 1:51
51 ובנסע המשׁכן יורידו אתו הלוים ובחנת המשׁכן יקימו אתו הלוים והזר הקרב יומת׃
Numbers 3:25
25 ומשׁמרת בני גרשׁון באהל מועד המשׁכן והאהל מכסהו ומסך פתח אהל מועד׃
Numbers 3:31
31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃
Numbers 3:36
36 ופקדת משׁמרת בני מררי קרשׁי המשׁכן ובריחיו ועמדיו ואדניו וכל כליו וכל עבדתו׃
Numbers 4:19-20
Numbers 18:7
7 ואתה ובניך אתך תשׁמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃
Numbers 3:10
10 ואת אהרן ואת בניו תפקד ושׁמרו את כהנתם והזר הקרב יומת׃
1 Samuel 6:19
19 ויך באנשׁי בית שׁמשׁ כי ראו בארון יהוה ויך בעם שׁבעים אישׁ חמשׁים אלף אישׁ ויתאבלו העם כי הכה יהוה בעם מכה גדולה׃
2 Samuel 6:6-7
Exodus 27:21
21 באהל מועד מחוץ לפרכת אשׁר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישׂראל׃
Exodus 30:7-10
Leviticus 10:6
6 ויאמר משׁה אל אהרן ולאלעזר ולאיתמר בניו ראשׁיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישׂראל יבכו את השׂרפה אשׁר שׂרף יהוה׃
Leviticus 24:3
3 מחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם׃
Numbers 8:2
2 דבר אל אהרן ואמרת אליו בהעלתך את הנרת אל מול פני המנורה יאירו שׁבעת הנרות׃
Numbers 16:46
46 (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃
1 Chronicles 9:19
19 ושׁלום בן קורא בן אביסף בן קרח ואחיו לבית אביו הקרחים על מלאכת העבודה שׁמרי הספים לאהל ואבתיהם על מחנה יהוה שׁמרי המבוא׃
1 Chronicles 9:23
23 והם ובניהם על השׁערים לבית יהוה לבית האהל למשׁמרות׃
1 Chronicles 9:33
33 ואלה המשׁררים ראשׁי אבות ללוים בלשׁכת פטירים כי יומם ולילה עליהם במלאכה׃
1 Chronicles 24:5
5 ויחלקום בגורלות אלה עם אלה כי היו שׂרי קדשׁ ושׂרי האלהים מבני אלעזר ובבני איתמר׃
Jeremiah 23:15
15 לכן כה אמר יהוה צבאות על הנבאים הנני מאכיל אותם לענה והשׁקתים מי ראשׁ כי מאת נביאי ירושׁלם יצאה חנפה לכל הארץ׃
Zechariah 10:3
3 על הרעים חרה אפי ועל העתודים אפקוד כי פקד יהוה צבאות את עדרו את בית יהודה ושׂם אותם כסוס הודו במלחמה׃
Genesis 6:17
17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃
Genesis 9:9
9 ואני הנני מקים את בריתי אתכם ואת זרעכם אחריכם׃
Exodus 14:17
17 ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃
Exodus 31:6
6 ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשׂו את כל אשׁר צויתך׃
Numbers 3:9
9 ונתתה את הלוים לאהרן ולבניו נתונם נתונם המה לו מאת בני ישׂראל׃
Numbers 3:12
12 ואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים׃
Numbers 3:45
45 קח את הלוים תחת כל בכור בבני ישׂראל ואת בהמת הלוים תחת בהמתם והיו לי הלוים אני יהוה׃
Numbers 8:16-19
16 כי נתנים נתנים המה לי מתוך בני ישׂראל תחת פטרת כל רחם בכור כל מבני ישׂראל לקחתי אתם׃17 כי לי כל בכור בבני ישׂראל באדם ובבהמה ביום הכתי כל בכור בארץ מצרים הקדשׁתי אתם׃18 ואקח את הלוים תחת כל בכור בבני ישׂראל׃19 ואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ׃
Isaiah 48:15
15 אני אני דברתי אף קראתיו הביאתיו והצליח דרכו׃
Isaiah 51:12
12 אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃
Ezekiel 34:11
11 כי כה אמר אדני יהוה הנני אני ודרשׁתי את צאני ובקרתים׃
Ezekiel 34:20
20 לכן כה אמר אדני יהוה אליהם הנני אני ושׁפטתי בין שׂה בריה ובין שׂה רזה׃
Exodus 29:9
9 וחגרת אתם אבנט אהרן ובניו וחבשׁת להם מגבעת והיתה להם כהנה לחקת עולם ומלאת יד אהרן ויד בניו׃
Leviticus 16:2
2 ויאמר יהוה אל משׁה דבר אל אהרן אחיך ואל יבא בכל עת אל הקדשׁ מבית לפרכת אל פני הכפרת אשׁר על הארן ולא ימות כי בענן אראה על הכפרת׃
Leviticus 16:12-14
Numbers 3:38
38 והחנים לפני המשׁכן קדמה לפני אהל מועד מזרחה משׁה ואהרן ובניו שׁמרים משׁמרת המקדשׁ למשׁמרת בני ישׂראל והזר הקרב יומת׃
Numbers 16:5-7
Numbers 18:4-5
Numbers 18:20
20 ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישׂראל׃
1 Samuel 2:28
28 ובחר אתו מכל שׁבטי ישׂראל לי לכהן לעלות על מזבחי להקטיר קטרת לשׂאת אפוד לפני ואתנה לבית אביך את כל אשׁי בני ישׂראל׃
Exodus 29:21
21 ולקחת מן הדם אשׁר על המזבח ומשׁמן המשׁחה והזית על אהרן ועל בגדיו ועל בניו ועל בגדי בניו אתו וקדשׁ הוא ובגדיו ובניו ובגדי בניו אתו׃
Exodus 29:29
29 ובגדי הקדשׁ אשׁר לאהרן יהיו לבניו אחריו למשׁחה בהם ולמלא בם את ידם׃
Exodus 40:13
13 והלבשׁת את אהרן את בגדי הקדשׁ ומשׁחת אתו וקדשׁת אתו וכהן׃
Exodus 40:15
15 ומשׁחת אתם כאשׁר משׁחת את אביהם וכהנו לי והיתה להית להם משׁחתם לכהנת עולם לדרתם׃
Leviticus 6:16
16 (6:9) והנותרת ממנה יאכלו אהרן ובניו מצות תאכל במקום קדשׁ בחצר אהל מועד יאכלוה׃
Leviticus 6:18
18 (6:11) כל זכר בבני אהרן יאכלנה חק עולם לדרתיכם מאשׁי יהוה כל אשׁר יגע בהם יקדשׁ׃
Leviticus 6:20
20 (6:13) זה קרבן אהרן ובניו אשׁר יקריבו ליהוה ביום המשׁח אתו עשׂירת האפה סלת מנחה תמיד מחציתה בבקר ומחציתה בערב׃
Leviticus 6:26
26 (6:19) הכהן המחטא אתה יאכלנה במקום קדשׁ תאכל בחצר אהל מועד׃
Leviticus 7:6
6 כל זכר בכהנים יאכלנו במקום קדושׁ יאכל קדשׁ קדשׁים הוא׃
Leviticus 7:31-35
31 והקטיר הכהן את החלב המזבחה והיה החזה לאהרן ולבניו׃32 ואת שׁוק הימין תתנו תרומה לכהן מזבחי שׁלמיכם׃33 המקריב את דם השׁלמים ואת החלב מבני אהרן לו תהיה שׁוק הימין למנה׃34 כי את חזה התנופה ואת שׁוק התרומה לקחתי מאת בני ישׂראל מזבחי שׁלמיהם ואתן אתם לאהרן הכהן ולבניו לחק עולם מאת בני ישׂראל׃35 זאת משׁחת אהרן ומשׁחת בניו מאשׁי יהוה ביום הקריב אתם לכהן ליהוה׃
Leviticus 8:30
30 ויקח משׁה משׁמן המשׁחה ומן הדם אשׁר על המזבח ויז על אהרן על בגדיו ועל בניו ועל בגדי בניו אתו ויקדשׁ את אהרן את בגדיו ואת בניו ואת בגדי בניו אתו׃
Leviticus 10:14-15
Leviticus 21:10
10 והכהן הגדול מאחיו אשׁר יוצק על ראשׁו שׁמן המשׁחה ומלא את ידו ללבשׁ את הבגדים את ראשׁו לא יפרע ובגדיו לא יפרם׃
Numbers 18:9
9 זה יהיה לך מקדשׁ הקדשׁים מן האשׁ כל קרבנם לכל מנחתם ולכל חטאתם ולכל אשׁמם אשׁר ישׁיבו לי קדשׁ קדשׁים לך הוא ולבניך׃
Deuteronomy 12:6
6 והבאתם שׁמה עלתיכם וזבחיכם ואת מעשׂרתיכם ואת תרומת ידכם ונדריכם ונדבתיכם ובכרת בקרכם וצאנכם׃
Deuteronomy 12:11
11 והיה המקום אשׁר יבחר יהוה אלהיכם בו לשׁכן שׁמו שׁם שׁמה תביאו את כל אשׁר אנכי מצוה אתכם עולתיכם וזבחיכם מעשׂרתיכם ותרמת ידכם וכל מבחר נדריכם אשׁר תדרו ליהוה׃
Deuteronomy 26:13
13 ואמרת לפני יהוה אלהיך בערתי הקדשׁ מן הבית וגם נתתיו ללוי ולגר ליתום ולאלמנה ככל מצותך אשׁר צויתני לא עברתי ממצותיך ולא שׁכחתי׃
Isaiah 10:27
27 והיה ביום ההוא יסור סבלו מעל שׁכמך ועלו מעל צוארך וחבל על מפני שׁמן׃
Leviticus 2:1-3
Leviticus 4:22
22 אשׁר נשׂיא יחטא ועשׂה אחת מכל מצות יהוה אלהיו אשׁר לא תעשׂינה בשׁגגה ואשׁם׃
Leviticus 4:27
27 ואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם׃
Leviticus 5:1
1 ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃
Leviticus 5:6
6 והביא את אשׁמו ליהוה על חטאתו אשׁר חטא נקבה מן הצאן כשׂבה או שׂעירת עזים לחטאת וכפר עליו הכהן מחטאתו׃
Leviticus 6:25-26
Leviticus 7:1
1 וזאת תורת האשׁם קדשׁ קדשׁים הוא׃
Leviticus 7:7
7 כחטאת כאשׁם תורה אחת להם הכהן אשׁר יכפר בו לו יהיה׃
Leviticus 10:12-13
Leviticus 10:17
17 מדוע לא אכלתם את החטאת במקום הקדשׁ כי קדשׁ קדשׁים הוא ואתה נתן לכם לשׂאת את עון העדה לכפר עליהם לפני יהוה׃
Leviticus 14:13
13 ושׁחט את הכבשׂ במקום אשׁר ישׁחט את החטאת ואת העלה במקום הקדשׁ כי כחטאת האשׁם הוא לכהן קדשׁ קדשׁים הוא׃
Exodus 29:31-32
Leviticus 6:29
29 (6:22) כל זכר בכהנים יאכל אתה קדשׁ קדשׁים הוא׃
Leviticus 10:13
13 ואכלתם אתה במקום קדושׁ כי חקך וחק בניך הוא מאשׁי יהוה כי כן צויתי׃
Leviticus 21:22
22 לחם אלהיו מקדשׁי הקדשׁים ומן הקדשׁים יאכל׃
Exodus 29:27-28
Leviticus 7:14
14 והקריב ממנו אחד מכל קרבן תרומה ליהוה לכהן הזרק את דם השׁלמים לו יהיה׃
Leviticus 7:30-34
30 ידיו תביאינה את אשׁי יהוה את החלב על החזה יביאנו את החזה להניף אתו תנופה לפני יהוה׃31 והקטיר הכהן את החלב המזבחה והיה החזה לאהרן ולבניו׃32 ואת שׁוק הימין תתנו תרומה לכהן מזבחי שׁלמיכם׃33 המקריב את דם השׁלמים ואת החלב מבני אהרן לו תהיה שׁוק הימין למנה׃34 כי את חזה התנופה ואת שׁוק התרומה לקחתי מאת בני ישׂראל מזבחי שׁלמיהם ואתן אתם לאהרן הכהן ולבניו לחק עולם מאת בני ישׂראל׃
Leviticus 10:14
14 ואת חזה התנופה ואת שׁוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שׁלמי בני ישׂראל׃
Leviticus 22:1-16
1 וידבר יהוה אל משׁה לאמר׃2 דבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדשׁים לי אני יהוה׃3 אמר אלהם לדרתיכם כל אישׁ אשׁר יקרב מכל זרעכם אל הקדשׁים אשׁר יקדישׁו בני ישׂראל ליהוה וטמאתו עליו ונכרתה הנפשׁ ההוא מלפני אני יהוה׃4 אישׁ אישׁ מזרע אהרן והוא צרוע או זב בקדשׁים לא יאכל עד אשׁר יטהר והנגע בכל טמא נפשׁ או אישׁ אשׁר תצא ממנו שׁכבת זרע׃5 או אישׁ אשׁר יגע בכל שׁרץ אשׁר יטמא לו או באדם אשׁר יטמא לו לכל טמאתו׃6 נפשׁ אשׁר תגע בו וטמאה עד הערב ולא יאכל מן הקדשׁים כי אם רחץ בשׂרו במים׃7 ובא השׁמשׁ וטהר ואחר יאכל מן הקדשׁים כי לחמו הוא׃8 נבלה וטרפה לא יאכל לטמאה בה אני יהוה׃9 ושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם׃10 וכל זר לא יאכל קדשׁ תושׁב כהן ושׂכיר לא יאכל קדשׁ׃11 וכהן כי יקנה נפשׁ קנין כספו הוא יאכל בו ויליד ביתו הם יאכלו בלחמו׃12 ובת כהן כי תהיה לאישׁ זר הוא בתרומת הקדשׁים לא תאכל׃13 ובת כהן כי תהיה אלמנה וגרושׁה וזרע אין לה ושׁבה אל בית אביה כנעוריה מלחם אביה תאכל וכל זר לא יאכל׃14 ואישׁ כי יאכל קדשׁ בשׁגגה ויסף חמשׁיתו עליו ונתן לכהן את הקדשׁ׃15 ולא יחללו את קדשׁי בני ישׂראל את אשׁר ירימו ליהוה׃16 והשׂיאו אותם עון אשׁמה באכלם את קדשׁיהם כי אני יהוה מקדשׁם׃
Numbers 18:8
8 וידבר יהוה אל אהרן ואני הנה נתתי לך את משׁמרת תרומתי לכל קדשׁי בני ישׂראל לך נתתים למשׁחה ולבניך לחק עולם׃
Deuteronomy 18:3
3 וזה יהיה משׁפט הכהנים מאת העם מאת זבחי הזבח אם שׁור אם שׂה ונתן לכהן הזרע והלחיים והקבה׃
Exodus 22:29
29 (22:28) מלאתך ודמעך לא תאחר בכור בניך תתן׃
Exodus 23:19
19 ראשׁית בכורי אדמתך תביא בית יהוה אלהיך לא תבשׁל גדי בחלב אמו׃
Exodus 34:26
26 ראשׁית בכורי אדמתך תביא בית יהוה אלהיך לא תבשׁל גדי בחלב אמו׃
Leviticus 2:14
14 ואם תקריב מנחת בכורים ליהוה אביב קלוי באשׁ גרשׂ כרמל תקריב את מנחת בכוריך׃
Leviticus 23:17
17 ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃
Leviticus 23:20
20 והניף הכהן אתם על לחם הבכרים תנופה לפני יהוה על שׁני כבשׂים קדשׁ יהיו ליהוה לכהן׃
Numbers 15:19-21
Deuteronomy 18:4
4 ראשׁית דגנך תירשׁך ויצהרך וראשׁית גז צאנך תתן׃
Deuteronomy 26:2
2 ולקחת מראשׁית כל פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר יבחר יהוה אלהיך לשׁכן שׁמו שׁם׃
Nehemiah 10:35-37
35 (10:36) ולהביא את בכורי אדמתנו ובכורי כל פרי כל עץ שׁנה בשׁנה לבית יהוה׃36 (10:37) ואת בכרות בנינו ובהמתינו ככתוב בתורה ואת בכורי בקרינו וצאנינו להביא לבית אלהינו לכהנים המשׁרתים בבית אלהינו׃37 (10:38) ואת ראשׁית עריסתינו ותרומתינו ופרי כל עץ תירושׁ ויצהר נביא לכהנים אל לשׁכות בית אלהינו ומעשׂר אדמתנו ללוים והם הלוים המעשׂרים בכל ערי עבדתנו׃
Jeremiah 24:2
2 הדוד אחד תאנים טבות מאד כתאני הבכרות והדוד אחד תאנים רעות מאד אשׁר לא תאכלנה מרע׃
Hosea 9:10
10 כענבים במדבר מצאתי ישׂראל כבכורה בתאנה בראשׁיתה ראיתי אבותיכם המה באו בעל פעור וינזרו לבשׁת ויהיו שׁקוצים כאהבם׃
Micah 7:1
1 אללי לי כי הייתי כאספי קיץ כעללת בציר אין אשׁכול לאכול בכורה אותה נפשׁי׃
Leviticus 27:28
28 אך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה׃
Ezekiel 44:29
29 המנחה והחטאת והאשׁם המה יאכלום וכל חרם בישׂראל להם יהיה׃
Exodus 13:2
2 קדשׁ לי כל בכור פטר כל רחם בבני ישׂראל באדם ובבהמה לי הוא׃
Exodus 13:12-13
Exodus 34:20
20 ופטר חמור תפדה בשׂה ואם לא תפדה וערפתו כל בכור בניך תפדה ולא יראו פני ריקם׃
Leviticus 27:26-27
Numbers 3:13
13 כי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה׃
Numbers 3:46
46 ואת פדויי השׁלשׁה והשׁבעים והמאתים העדפים על הלוים מבכור בני ישׂראל׃
Exodus 30:13
13 זה יתנו כל העבר על הפקדים מחצית השׁקל בשׁקל הקדשׁ עשׂרים גרה השׁקל מחצית השׁקל תרומה ליהוה׃
Leviticus 27:2-7
2 דבר אל בני ישׂראל ואמרת אלהם אישׁ כי יפלא נדר בערכך נפשׁת ליהוה׃3 והיה ערכך הזכר מבן עשׂרים שׁנה ועד בן שׁשׁים שׁנה והיה ערכך חמשׁים שׁקל כסף בשׁקל הקדשׁ׃4 ואם נקבה הוא והיה ערכך שׁלשׁים שׁקל׃5 ואם מבן חמשׁ שׁנים ועד בן עשׂרים שׁנה והיה ערכך הזכר עשׂרים שׁקלים ולנקבה עשׂרת שׁקלים׃6 ואם מבן חדשׁ ועד בן חמשׁ שׁנים והיה ערכך הזכר חמשׁה שׁקלים כסף ולנקבה ערכך שׁלשׁת שׁקלים כסף׃7 ואם מבן שׁשׁים שׁנה ומעלה אם זכר והיה ערכך חמשׁה עשׂר שׁקל ולנקבה עשׂרה שׁקלים׃
Leviticus 27:25
25 וכל ערכך יהיה בשׁקל הקדשׁ עשׂרים גרה יהיה השׁקל׃
Numbers 3:47
47 ולקחת חמשׁת חמשׁת שׁקלים לגלגלת בשׁקל הקדשׁ תקח עשׂרים גרה השׁקל׃
Ezekiel 45:12
12 והשׁקל עשׂרים גרה עשׂרים שׁקלים חמשׁה ועשׂרים שׁקלים עשׂרה וחמשׁה שׁקל המנה יהיה׃
Exodus 29:16
16 ושׁחטת את האיל ולקחת את דמו וזרקת על המזבח סביב׃
Leviticus 3:2-5
2 וסמך ידו על ראשׁ קרבנו ושׁחטו פתח אהל מועד וזרקו בני אהרן הכהנים את הדם על המזבח סביב׃3 והקריב מזבח השׁלמים אשׁה ליהוה את החלב המכסה את הקרב ואת כל החלב אשׁר על הקרב׃4 ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכליות יסירנה׃5 והקטירו אתו בני אהרן המזבחה על העלה אשׁר על העצים אשׁר על האשׁ אשׁה ריח ניחח ליהוה׃
Deuteronomy 15:19-22
Exodus 29:26-28
26 ולקחת את החזה מאיל המלאים אשׁר לאהרן והנפת אתו תנופה לפני יהוה והיה לך למנה׃
Leviticus 2:13
13 וכל קרבן מנחתך במלח תמלח ולא תשׁבית מלח ברית אלהיך מעל מנחתך על כל קרבנך תקריב מלח׃
Numbers 18:11
11 וזה לך תרומת מתנם לכל תנופת בני ישׂראל לך נתתים ולבניך ולבנתיך אתך לחק עולם כל טהור בביתך יאכל אתו׃
Numbers 31:29
29 ממחציתם תקחו ונתתה לאלעזר הכהן תרומת יהוה׃
Numbers 31:41
41 ויתן משׁה את מכס תרומת יהוה לאלעזר הכהן כאשׁר צוה יהוה את משׁה׃
2 Chronicles 13:5
5 הלא לכם לדעת כי יהוה אלהי ישׂראל נתן ממלכה לדויד על ישׂראל לעולם לו ולבניו ברית מלח׃
2 Chronicles 31:4
4 ויאמר לעם ליושׁבי ירושׁלם לתת מנת הכהנים והלוים למען יחזקו בתורת יהוה׃
Numbers 18:23-24
Numbers 26:62
62 ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃
Deuteronomy 10:9
9 על כן לא היה ללוי חלק ונחלה עם אחיו יהוה הוא נחלתו כאשׁר דבר יהוה אלהיך׃
Deuteronomy 12:12
12 ושׂמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשׁר בשׁעריכם כי אין לו חלק ונחלה אתכם׃
Deuteronomy 14:27
27 והלוי אשׁר בשׁעריך לא תעזבנו כי אין לו חלק ונחלה עמך׃
Deuteronomy 14:29
29 ובא הלוי כי אין לו חלק ונחלה עמך והגר והיתום והאלמנה אשׁר בשׁעריך ואכלו ושׂבעו למען יברכך יהוה אלהיך בכל מעשׂה ידך אשׁר תעשׂה׃
Deuteronomy 18:1-2
Joshua 13:14
14 רק לשׁבט הלוי לא נתן נחלה אשׁי יהוה אלהי ישׂראל הוא נחלתו כאשׁר דבר׃
Joshua 13:33
33 ולשׁבט הלוי לא נתן משׁה נחלה יהוה אלהי ישׂראל הוא נחלתם כאשׁר דבר׃
Joshua 14:3
3 כי נתן משׁה נחלת שׁני המטות וחצי המטה מעבר לירדן וללוים לא נתן נחלה בתוכם׃
Joshua 18:7
7 כי אין חלק ללוים בקרבכם כי כהנת יהוה נחלתו וגד וראובן וחצי שׁבט המנשׁה לקחו נחלתם מעבר לירדן מזרחה אשׁר נתן להם משׁה עבד יהוה׃
Psalms 16:5
5 יהוה מנת חלקי וכוסי אתה תומיך גורלי׃
Psalms 73:26
26 כלה שׁארי ולבבי צור לבבי וחלקי אלהים לעולם׃
Psalms 142:5
5 (142:6) זעקתי אליך יהוה אמרתי אתה מחסי חלקי בארץ החיים׃
Lamentations 3:24
24 חלקי יהוה אמרה נפשׁי על כן אוחיל׃
Ezekiel 44:28
28 והיתה להם לנחלה אני נחלתם ואחזה לא תתנו להם בישׂראל אני אחזתם׃
Genesis 14:20
20 וברוך אל עליון אשׁר מגן צריך בידך ויתן לו מעשׂר מכל׃
Leviticus 27:30-33
Numbers 3:7-8
Numbers 18:6
6 ואני הנה לקחתי את אחיכם הלוים מתוך בני ישׂראל לכם מתנה נתנים ליהוה לעבד את עבדת אהל מועד׃
Numbers 18:24-26
Deuteronomy 12:17-19
Deuteronomy 14:22-29
22 עשׂר תעשׂר את כל תבואת זרעך היצא השׂדה שׁנה שׁנה׃23 ואכלת לפני יהוה אלהיך במקום אשׁר יבחר לשׁכן שׁמו שׁם מעשׂר דגנך תירשׁך ויצהרך ובכרת בקרך וצאנך למען תלמד ליראה את יהוה אלהיך כל הימים׃24 וכי ירבה ממך הדרך כי לא תוכל שׂאתו כי ירחק ממך המקום אשׁר יבחר יהוה אלהיך לשׂום שׁמו שׁם כי יברכך יהוה אלהיך׃25 ונתתה בכסף וצרת הכסף בידך והלכת אל המקום אשׁר יבחר יהוה אלהיך׃26 ונתתה הכסף בכל אשׁר תאוה נפשׁך בבקר ובצאן וביין ובשׁכר ובכל אשׁר תשׁאלך נפשׁך ואכלת שׁם לפני יהוה אלהיך ושׂמחת אתה וביתך׃27 והלוי אשׁר בשׁעריך לא תעזבנו כי אין לו חלק ונחלה עמך׃28 מקצה שׁלשׁ שׁנים תוציא את כל מעשׂר תבואתך בשׁנה ההוא והנחת בשׁעריך׃29 ובא הלוי כי אין לו חלק ונחלה עמך והגר והיתום והאלמנה אשׁר בשׁעריך ואכלו ושׂבעו למען יברכך יהוה אלהיך בכל מעשׂה ידך אשׁר תעשׂה׃
2 Chronicles 31:5-6
2 Chronicles 31:12
12 ויביאו את התרומה והמעשׂר והקדשׁים באמונה ועליהם נגיד כונניהו הלוי ושׁמעי אחיהו משׁנה׃
Nehemiah 10:29
29 (10:30) מחזיקים על אחיהם אדיריהם ובאים באלה ובשׁבועה ללכת בתורת האלהים אשׁר נתנה ביד משׁה עבד האלהים ולשׁמור ולעשׂות את כל מצות יהוה אדנינו ומשׁפטיו וחקיו׃
Nehemiah 10:37
37 (10:38) ואת ראשׁית עריסתינו ותרומתינו ופרי כל עץ תירושׁ ויצהר נביא לכהנים אל לשׁכות בית אלהינו ומעשׂר אדמתנו ללוים והם הלוים המעשׂרים בכל ערי עבדתנו׃
Nehemiah 12:44
44 ויפקדו ביום ההוא אנשׁים על הנשׁכות לאוצרות לתרומות לראשׁית ולמעשׂרות לכנוס בהם לשׂדי הערים מנאות התורה לכהנים וללוים כי שׂמחת יהודה על הכהנים ועל הלוים העמדים׃
Nehemiah 13:12
12 וכל יהודה הביאו מעשׂר הדגן והתירושׁ והיצהר לאוצרות׃
Leviticus 20:20
20 ואישׁ אשׁר ישׁכב את דדתו ערות דדו גלה חטאם ישׂאו ערירים ימתו׃
Numbers 1:51-52
Numbers 3:7
7 ושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן׃
Numbers 18:1
1 ויאמר יהוה אל אהרן אתה ובניך ובית אביך אתך תשׂאו את עון המקדשׁ ואתה ובניך אתך תשׂאו את עון כהנתכם׃
Numbers 18:26
26 ואל הלוים תדבר ואמרת אלהם כי תקחו מאת בני ישׂראל את המעשׂר אשׁר נתתי לכם מאתם בנחלתכם והרמתם ממנו תרומת יהוה מעשׂר מן המעשׂר׃
Malachi 3:8-10
Numbers 18:21
21 ולבני לוי הנה נתתי כל מעשׂר בישׂראל לנחלה חלף עבדתם אשׁר הם עבדים את עבדת אהל מועד׃
Nehemiah 10:38
38 (10:39) והיה הכהן בן אהרן עם הלוים בעשׂר הלוים והלוים יעלו את מעשׂר המעשׂר לבית אלהינו אל הלשׁכות לבית האוצר׃
Leviticus 6:19-23
19 (6:12) וידבר יהוה אל משׁה לאמר׃20 (6:13) זה קרבן אהרן ובניו אשׁר יקריבו ליהוה ביום המשׁח אתו עשׂירת האפה סלת מנחה תמיד מחציתה בבקר ומחציתה בערב׃21 (6:14) על מחבת בשׁמן תעשׂה מרבכת תביאנה תפיני מנחת פתים תקריב ריח ניחח ליהוה׃22 (6:15) והכהן המשׁיח תחתיו מבניו יעשׂה אתה חק עולם ליהוה כליל תקטר׃23 (6:16) וכל מנחת כהן כליל תהיה לא תאכל׃
Numbers 15:20
20 ראשׁית ערסתכם חלה תרימו תרומה כתרומת גרן כן תרימו אתה׃
Numbers 18:30
30 ואמרת אלהם בהרימכם את חלבו ממנו ונחשׁב ללוים כתבואת גרן וכתבואת יקב׃
Deuteronomy 15:14
14 העניק תעניק לו מצאנך ומגרנך ומיקבך אשׁר ברכך יהוה אלהיך תתן׃
2 Kings 6:27
27 ויאמר אל יושׁעך יהוה מאין אושׁיעך המן הגרן או מן היקב׃
Hosea 9:1-2
Genesis 14:18
18 ומלכי צדק מלך שׁלם הוציא לחם ויין והוא כהן לאל עליון׃
Genesis 43:11
11 ויאמר אלהם ישׂראל אביהם אם כן אפוא זאת עשׂו קחו מזמרת הארץ בכליכם והורידו לאישׁ מנחה מעט צרי ומעט דבשׁ נכאת ולט בטנים ושׁקדים׃
Numbers 18:27-28
Deuteronomy 6:5
5 ואהבת את יהוה אלהיך בכל לבבך ובכל נפשׁך ובכל מאדך׃
Proverbs 3:9-10
Malachi 1:8
8 וכי תגשׁון עור לזבח אין רע וכי תגישׁו פסח וחלה אין רע הקריבהו נא לפחתך הירצך או הישׂא פניך אמר יהוה צבאות׃
Deuteronomy 14:22-23
Leviticus 19:8
8 ואכליו עונו ישׂא כי את קדשׁ יהוה חלל ונכרתה הנפשׁ ההוא מעמיה׃
Leviticus 22:2
2 דבר אל אהרן ואל בניו וינזרו מקדשׁי בני ישׂראל ולא יחללו את שׁם קדשׁי אשׁר הם מקדשׁים לי אני יהוה׃
Numbers 18:22
22 ולא יקרבו עוד בני ישׂראל אל אהל מועד לשׂאת חטא למות׃
Malachi 1:7
7 מגישׁים על מזבחי לחם מגאל ואמרתם במה גאלנוך באמרכם שׁלחן יהוה נבזה הוא׃