Numbers 18:1 Cross References - HOT

1 ויאמר יהוה אל אהרן אתה ובניך ובית אביך אתך תשׂאו את עון המקדשׁ ואתה ובניך אתך תשׂאו את עון כהנתכם׃

Exodus 28:38

38 והיה על מצח אהרן ונשׂא אהרן את עון הקדשׁים אשׁר יקדישׁו בני ישׂראל לכל מתנת קדשׁיהם והיה על מצחו תמיד לרצון להם לפני יהוה׃

Leviticus 22:9

9 ושׁמרו את משׁמרתי ולא ישׂאו עליו חטא ומתו בו כי יחללהו אני יהוה מקדשׁם׃

Numbers 14:34

34 במספר הימים אשׁר תרתם את הארץ ארבעים יום יום לשׁנה יום לשׁנה תשׂאו את עונתיכם ארבעים שׁנה וידעתם את תנואתי׃

Numbers 17:3

3 (17:18) ואת שׁם אהרן תכתב על מטה לוי כי מטה אחד לראשׁ בית אבותם׃

Numbers 17:7

7 (17:22) וינח משׁה את המטת לפני יהוה באהל העדת׃

Numbers 17:13

13 (17:28) כל הקרב הקרב אל משׁכן יהוה ימות האם תמנו לגוע׃

Numbers 18:22-23

22 ולא יקרבו עוד בני ישׂראל אל אהל מועד לשׂאת חטא למות׃23 ועבד הלוי הוא את עבדת אהל מועד והם ישׂאו עונם חקת עולם לדרתיכם ובתוך בני ישׂראל לא ינחלו נחלה׃

Isaiah 53:6

6 כלנו כצאן תעינו אישׁ לדרכו פנינו ויהוה הפגיע בו את עון כלנו׃

Isaiah 53:11

11 מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃

Ezekiel 3:18-19

18 באמרי לרשׁע מות תמות ולא הזהרתו ולא דברת להזהיר רשׁע מדרכו הרשׁעה לחיתו הוא רשׁע בעונו ימות ודמו מידך אבקשׁ׃19 ואתה כי הזהרת רשׁע ולא שׁב מרשׁעו ומדרכו הרשׁעה הוא בעונו ימות ואתה את נפשׁך הצלת׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.