Judges 16:23 Cross References - HOT

23 וסרני פלשׁתים נאספו לזבח זבח גדול לדגון אלהיהם ולשׂמחה ויאמרו נתן אלהינו בידנו את שׁמשׁון אויבינו׃

1 Samuel 5:2-5

2 ויקחו פלשׁתים את ארון האלהים ויביאו אתו בית דגון ויציגו אתו אצל דגון׃3 וישׁכמו אשׁדודים ממחרת והנה דגון נפל לפניו ארצה לפני ארון יהוה ויקחו את דגון וישׁבו אתו למקומו׃4 וישׁכמו בבקר ממחרת והנה דגון נפל לפניו ארצה לפני ארון יהוה וראשׁ דגון ושׁתי כפות ידיו כרתות אל המפתן רק דגון נשׁאר עליו׃5 על כן לא ידרכו כהני דגון וכל הבאים בית דגון על מפתן דגון באשׁדוד עד היום הזה׃

1 Chronicles 10:10

10 וישׂימו את כליו בית אלהיהם ואת גלגלתו תקעו בית דגון׃

Job 30:9-10

9 ועתה נגינתם הייתי ואהי להם למלה׃10 תעבוני רחקו מני ומפני לא חשׂכו רק׃

Psalms 35:15-16

15 ובצלעי שׂמחו ונאספו נאספו עלי נכים ולא ידעתי קרעו ולא דמו׃16 בחנפי לעגי מעוג חרק עלי שׁנימו׃

Proverbs 24:17

17 בנפל אויביך אל תשׂמח ובכשׁלו אל יגל לבך׃

Jeremiah 2:11

11 ההימיר גוי אלהים והמה לא אלהים ועמי המיר כבודו בלוא יועיל׃

Micah 4:5

5 כי כל העמים ילכו אישׁ בשׁם אלהיו ואנחנו נלך בשׁם יהוה אלהינו לעולם ועד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.