1 ויהי אישׁ מהר אפרים ושׁמו מיכיהו׃2 ויאמר לאמו אלף ומאה הכסף אשׁר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃3 וישׁב את אלף ומאה הכסף לאמו ותאמר אמו הקדשׁ הקדשׁתי את הכסף ליהוה מידי לבני לעשׂות פסל ומסכה ועתה אשׁיבנו׃4 וישׁב את הכסף לאמו ותקח אמו מאתים כסף ותתנהו לצורף ויעשׂהו פסל ומסכה ויהי בבית מיכיהו׃5 והאישׁ מיכה לו בית אלהים ויעשׂ אפוד ותרפים וימלא את יד אחד מבניו ויהי לו לכהן׃6 בימים ההם אין מלך בישׂראל אישׁ הישׁר בעיניו יעשׂה׃7 ויהי נער מבית לחם יהודה ממשׁפחת יהודה והוא לוי והוא גר שׁם׃8 וילך האישׁ מהעיר מבית לחם יהודה לגור באשׁר ימצא ויבא הר אפרים עד בית מיכה לעשׂות דרכו׃9 ויאמר לו מיכה מאין תבוא ויאמר אליו לוי אנכי מבית לחם יהודה ואנכי הלך לגור באשׁר אמצא׃10 ויאמר לו מיכה שׁבה עמדי והיה לי לאב ולכהן ואנכי אתן לך עשׂרת כסף לימים וערך בגדים ומחיתך וילך הלוי׃11 ויואל הלוי לשׁבת את האישׁ ויהי הנער לו כאחד מבניו׃12 וימלא מיכה את יד הלוי ויהי לו הנער לכהן ויהי בבית מיכה׃13 ויאמר מיכה עתה ידעתי כי ייטיב יהוה לי כי היה לי הלוי לכהן׃
Judges 17 Cross References - HOT
Genesis 14:19
19 ויברכהו ויאמר ברוך אברם לאל עליון קנה שׁמים וארץ׃
Genesis 24:30-31
Genesis 31:19
19 ולבן הלך לגזז את צאנו ותגנב רחל את התרפים אשׁר לאביה׃
Genesis 31:30
30 ועתה הלך הלכת כי נכסף נכספתה לבית אביך למה גנבת את אלהי׃
Genesis 35:19
19 ותמת רחל ותקבר בדרך אפרתה הוא בית לחם׃
Genesis 36:31
31 ואלה המלכים אשׁר מלכו בארץ אדום לפני מלך מלך לבני ישׂראל׃
Genesis 45:8
8 ועתה לא אתם שׁלחתם אתי הנה כי האלהים וישׂימני לאב לפרעה ולאדון לכל ביתו ומשׁל בכל ארץ מצרים׃
Exodus 20:4
4 לא תעשׂה לך פסל וכל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ׃
Exodus 20:7
7 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃
Exodus 20:23
23 לא תעשׂון אתי אלהי כסף ואלהי זהב לא תעשׂו׃
Exodus 24:5
5 וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים׃
Exodus 28:4
4 ואלה הבגדים אשׁר יעשׂו חשׁן ואפוד ומעיל וכתנת תשׁבץ מצנפת ואבנט ועשׂו בגדי קדשׁ לאהרן אחיך ולבניו לכהנו׃
Exodus 28:15
15 ועשׂית חשׁן משׁפט מעשׂה חשׁב כמעשׂה אפד תעשׂנו זהב תכלת וארגמן ותולעת שׁני ושׁשׁ משׁזר תעשׂה אתו׃
Exodus 29:9
9 וחגרת אתם אבנט אהרן ובניו וחבשׁת להם מגבעת והיתה להם כהנה לחקת עולם ומלאת יד אהרן ויד בניו׃
Exodus 34:17
17 אלהי מסכה לא תעשׂה׃
Leviticus 19:4
4 אל תפנו אל האלילם ואלהי מסכה לא תעשׂו לכם אני יהוה אלהיכם׃
Numbers 16:5
5 וידבר אל קרח ואל כל עדתו לאמר בקר וידע יהוה את אשׁר לו ואת הקדושׁ והקריב אליו ואת אשׁר יבחר בו יקריב אליו׃
Numbers 16:8-10
Deuteronomy 12:3
3 ונתצתם את מזבחתם ושׁברתם את מצבתם ואשׁריהם תשׂרפון באשׁ ופסילי אלהיהם תגדעון ואבדתם את שׁמם מן המקום ההוא׃
Deuteronomy 12:8
8 לא תעשׂון ככל אשׁר אנחנו עשׂים פה היום אישׁ כל הישׁר בעיניו׃
Deuteronomy 27:16
16 ארור מקלה אביו ואמו ואמר כל העם אמן׃
Deuteronomy 33:5
5 ויהי בישׁרון מלך בהתאסף ראשׁי עם יחד שׁבטי ישׂראל׃
Joshua 15:9
9 ותאר הגבול מראשׁ ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים׃
Joshua 17:14-18
14 וידברו בני יוסף את יהושׁע לאמר מדוע נתתה לי נחלה גורל אחד וחבל אחד ואני עם רב עד אשׁר עד כה ברכני יהוה׃15 ויאמר אליהם יהושׁע אם עם רב אתה עלה לך היערה ובראת לך שׁם בארץ הפרזי והרפאים כי אץ לך הר אפרים׃16 ויאמרו בני יוסף לא ימצא לנו ההר ורכב ברזל בכל הכנעני הישׁב בארץ העמק לאשׁר בבית שׁאן ובנותיה ולאשׁר בעמק יזרעאל׃17 ויאמר יהושׁע אל בית יוסף לאפרים ולמנשׁה לאמר עם רב אתה וכח גדול לך לא יהיה לך גורל אחד׃18 כי הר יהיה לך כי יער הוא ובראתו והיה לך תצאתיו כי תורישׁ את הכנעני כי רכב ברזל לו כי חזק הוא׃
Joshua 19:15
15 וקטת ונהלל ושׁמרון וידאלה ובית לחם ערים שׁתים עשׂרה וחצריהן׃
Joshua 24:33
33 ואלעזר בן אהרן מת ויקברו אתו בגבעת פינחס בנו אשׁר נתן לו בהר אפרים׃
Judges 5:23
23 אורו מרוז אמר מלאך יהוה ארו ארור ישׁביה כי לא באו לעזרת יהוה לעזרת יהוה בגבורים׃
Judges 8:27
27 ויעשׂ אותו גדעון לאפוד ויצג אותו בעירו בעפרה ויזנו כל ישׂראל אחריו שׁם ויהי לגדעון ולביתו למוקשׁ׃
Judges 10:1
1 ויקם אחרי אבימלך להושׁיע את ישׂראל תולע בן פואה בן דודו אישׁ ישׂשכר והוא ישׁב בשׁמיר בהר אפרים׃
Judges 17:11
11 ויואל הלוי לשׁבת את האישׁ ויהי הנער לו כאחד מבניו׃
Judges 17:13
13 ויאמר מיכה עתה ידעתי כי ייטיב יהוה לי כי היה לי הלוי לכהן׃
Judges 18:1
Judges 18:5
5 ויאמרו לו שׁאל נא באלהים ונדעה התצליח דרכנו אשׁר אנחנו הלכים עליה׃
Judges 18:14
14 ויענו חמשׁת האנשׁים ההלכים לרגל את הארץ לישׁ ויאמרו אל אחיהם הידעתם כי ישׁ בבתים האלה אפוד ותרפים ופסל ומסכה ועתה דעו מה תעשׂו׃
Judges 18:19-20
Judges 18:24
24 ויאמר את אלהי אשׁר עשׂיתי לקחתם ואת הכהן ותלכו ומה לי עוד ומה זה תאמרו אלי מה׃
Judges 18:30
30 ויקימו להם בני דן את הפסל ויהונתן בן גרשׁם בן מנשׁה הוא ובניו היו כהנים לשׁבט הדני עד יום גלות הארץ׃
Judges 19:1
1 ויהי בימים ההם ומלך אין בישׂראל ויהי אישׁ לוי גר בירכתי הר אפרים ויקח לו אשׁה פילגשׁ מבית לחם יהודה׃
Judges 19:1-2
Judges 21:3
3 ויאמרו למה יהוה אלהי ישׂראל היתה זאת בישׂראל להפקד היום מישׂראל שׁבט אחד׃
Judges 21:25
25 בימים ההם אין מלך בישׂראל אישׁ הישׁר בעיניו יעשׂה׃
Ruth 1:1-2
Ruth 3:10
10 ויאמר ברוכה את ליהוה בתי היטבת חסדך האחרון מן הראשׁון לבלתי לכת אחרי הבחורים אם דל ואם עשׁיר׃
1 Samuel 2:36
36 והיה כל הנותר בביתך יבוא להשׁתחות לו לאגורת כסף וככר לחם ואמר ספחני נא אל אחת הכהנות לאכל פת לחם׃
1 Samuel 14:24
24 ואישׁ ישׂראל נגשׂ ביום ההוא ויאל שׁאול את העם לאמר ארור האישׁ אשׁר יאכל לחם עד הערב ונקמתי מאיבי ולא טעם כל העם לחם׃
1 Samuel 14:28
28 ויען אישׁ מהעם ויאמר השׁבע השׁביע אביך את העם לאמר ארור האישׁ אשׁר יאכל לחם היום ויעף העם׃
1 Samuel 15:13
13 ויבא שׁמואל אל שׁאול ויאמר לו שׁאול ברוך אתה ליהוה הקימתי את דבר יהוה׃
1 Samuel 23:6
6 ויהי בברח אביתר בן אחימלך אל דוד קעילה אפוד ירד בידו׃
1 Samuel 23:21
21 ויאמר שׁאול ברוכים אתם ליהוה כי חמלתם עלי׃
1 Samuel 26:19
19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃
1 Kings 12:31
31 ויעשׂ את בית במות ויעשׂ כהנים מקצות העם אשׁר לא היו מבני לוי׃
1 Kings 13:33-34
2 Kings 6:21
21 ויאמר מלך ישׂראל אל אלישׁע כראתו אותם האכה אכה אבי׃
2 Kings 8:8-9
2 Kings 13:14
14 ואלישׁע חלה את חליו אשׁר ימות בו וירד אליו יואשׁ מלך ישׂראל ויבך על פניו ויאמר אבי אבי רכב ישׂראל ופרשׁיו׃
Ezra 1:7
7 והמלך כורשׁ הוציא את כלי בית יהוה אשׁר הוציא נבוכדנצר מירושׁלם ויתנם בבית אלהיו׃
Nehemiah 13:10-11
Nehemiah 13:25
25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃
Job 29:16
16 אב אנכי לאביונים ורב לא ידעתי אחקרהו׃
Psalms 10:3
3 כי הלל רשׁע על תאות נפשׁו ובצע ברך נאץ יהוה׃
Psalms 12:4
4 (12:5) אשׁר אמרו ללשׁננו נגביר שׂפתינו אתנו מי אדון׃
Psalms 115:4-8
Proverbs 12:15
15 דרך אויל ישׁר בעיניו ושׁמע לעצה חכם׃
Proverbs 14:12
12 ישׁ דרך ישׁר לפני אישׁ ואחריתה דרכי מות׃
Proverbs 16:2
2 כל דרכי אישׁ זך בעיניו ותכן רוחות יהוה׃
Proverbs 28:24
24 גוזל אביו ואמו ואמר אין פשׁע חבר הוא לאישׁ משׁחית׃
Ecclesiastes 11:9
9 שׂמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשׁפט׃
Isaiah 22:21
21 והלבשׁתיו כתנתך ואבנטך אחזקנו וממשׁלתך אתן בידו והיה לאב ליושׁב ירושׁלם ולבית יהודה׃
Isaiah 40:18-25
18 ואל מי תדמיון אל ומה דמות תערכו׃19 הפסל נסך חרשׁ וצרף בזהב ירקענו ורתקות כסף צורף׃20 המסכן תרומה עץ לא ירקב יבחר חרשׁ חכם יבקשׁ לו להכין פסל לא ימוט׃21 הלוא תדעו הלוא תשׁמעו הלוא הגד מראשׁ לכם הלוא הבינתם מוסדות הארץ׃22 הישׁב על חוג הארץ וישׁביה כחגבים הנוטה כדק שׁמים וימתחם כאהל לשׁבת׃23 הנותן רוזנים לאין שׁפטי ארץ כתהו עשׂה׃24 אף בל נטעו אף בל זרעו אף בל שׁרשׁ בארץ גזעם וגם נשׁף בהם ויבשׁו וסערה כקשׁ תשׂאם׃25 ואל מי תדמיוני ואשׁוה יאמר קדושׁ׃
Isaiah 44:9-20
9 יצרי פסל כלם תהו וחמודיהם בל יועילו ועדיהם המה בל יראו ובל ידעו למען יבשׁו׃10 מי יצר אל ופסל נסך לבלתי הועיל׃11 הן כל חבריו יבשׁו וחרשׁים המה מאדם יתקבצו כלם יעמדו יפחדו יבשׁו יחד׃12 חרשׁ ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שׁתה מים וייעף׃13 חרשׁ עצים נטה קו יתארהו בשׂרד יעשׂהו במקצעות ובמחוגה יתארהו ויעשׂהו כתבנית אישׁ כתפארת אדם לשׁבת בית׃14 לכרת לו ארזים ויקח תרזה ואלון ויאמץ לו בעצי יער נטע ארן וגשׁם יגדל׃15 והיה לאדם לבער ויקח מהם ויחם אף ישׂיק ואפה לחם אף יפעל אל וישׁתחו עשׂהו פסל ויסגד׃16 חציו שׂרף במו אשׁ על חציו בשׂר יאכל יצלה צלי וישׂבע אף יחם ויאמר האח חמותי ראיתי אור׃17 ושׁאריתו לאל עשׂה לפסלו יסגוד לו וישׁתחו ויתפלל אליו ויאמר הצילני כי אלי אתה׃18 לא ידעו ולא יבינו כי טח מראות עיניהם מהשׂכיל לבתם׃19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃
Isaiah 44:20
20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃
Isaiah 46:6-7
Isaiah 66:3
3 שׁוחט השׁור מכה אישׁ זובח השׂה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשׁקוציהם נפשׁם חפצה׃
Isaiah 66:3-4
Jeremiah 10:3-5
Jeremiah 10:8
Jeremiah 44:16-17
Jeremiah 48:10
10 ארור עשׂה מלאכת יהוה רמיה וארור מנע חרבו מדם׃
Ezekiel 13:19
19 ותחללנה אתי אל עמי בשׁעלי שׂערים ובפתותי לחם להמית נפשׁות אשׁר לא תמותנה ולחיות נפשׁות אשׁר לא תחיינה בכזבכם לעמי שׁמעי כזב׃
Hosea 3:4
4 כי ימים רבים ישׁבו בני ישׂראל אין מלך ואין שׂר ואין זבח ואין מצבה ואין אפוד ותרפים׃
Hosea 8:14
14 וישׁכח ישׂראל את עשׂהו ויבן היכלות ויהודה הרבה ערים בצרות ושׁלחתי אשׁ בעריו ואכלה ארמנתיה׃
Micah 5:2
2 (5:1) ואתה בית לחם אפרתה צעיר להיות באלפי יהודה ממך לי יצא להיות מושׁל בישׂראל ומוצאתיו מקדם מימי עולם׃