Job 20:19 Cross References - HOT

19 כי רצץ עזב דלים בית גזל ולא יבנהו׃

Deuteronomy 28:33

33 פרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים׃

1 Samuel 12:3-4

3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃4 ויאמרו לא עשׁקתנו ולא רצותנו ולא לקחת מיד אישׁ מאומה׃

1 Kings 21:19

19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃

Job 18:15

15 תשׁכון באהלו מבלי לו יזרה על נוהו גפרית׃

Job 21:27-28

27 הן ידעתי מחשׁבותיכם ומזמות עלי תחמסו׃28 כי תאמרו איה בית נדיב ואיה אהל משׁכנות רשׁעים׃

Job 22:6

6 כי תחבל אחיך חנם ובגדי ערומים תפשׁיט׃

Job 24:2-12

2 גבלות ישׂיגו עדר גזלו וירעו׃3 חמור יתומים ינהגו יחבלו שׁור אלמנה׃4 יטו אביונים מדרך יחד חבאו עניי ארץ׃5 הן פראים במדבר יצאו בפעלם משׁחרי לטרף ערבה לו לחם לנערים׃6 בשׂדה בלילו יקצירו וכרם רשׁע ילקשׁו׃7 ערום ילינו מבלי לבושׁ ואין כסות בקרה׃8 מזרם הרים ירטבו ומבלי מחסה חבקו צור׃9 יגזלו משׁד יתום ועל עני יחבלו׃10 ערום הלכו בלי לבושׁ ורעבים נשׂאו עמר׃11 בין שׁורתם יצהירו יקבים דרכו ויצמאו׃12 מעיר מתים ינאקו ונפשׁ חללים תשׁוע ואלוה לא ישׂים תפלה׃

Job 31:13-22

13 אם אמאס משׁפט עבדי ואמתי ברבם עמדי׃14 ומה אעשׂה כי יקום אל וכי יפקד מה אשׁיבנו׃15 הלא בבטן עשׂני עשׂהו ויכננו ברחם אחד׃16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃18 כי מנעורי גדלני כאב ומבטן אמי אנחנה׃19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃21 אם הניפותי על יתום ידי כי אראה בשׁער עזרתי׃22 כתפי משׁכמה תפול ואזרעי מקנה תשׁבר׃

Job 31:38-39

38 אם עלי אדמתי תזעק ויחד תלמיה יבכיון׃39 אם כחה אכלתי בלי כסף ונפשׁ בעליה הפחתי׃

Job 35:9

9 מרב עשׁוקים יזעיקו ישׁועו מזרוע רבים׃

Psalms 10:18

18 לשׁפט יתום ודך בל יוסיף עוד לערץ אנושׁ מן הארץ׃

Psalms 12:5

5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃

Proverbs 14:31

31 עשׁק דל חרף עשׂהו ומכבדו חנן אביון׃

Proverbs 22:22-23

22 אל תגזל דל כי דל הוא ואל תדכא עני בשׁער׃23 כי יהוה יריב ריבם וקבע את קבעיהם נפשׁ׃

Ecclesiastes 4:1

1 ושׁבתי אני ואראה את כל העשׁקים אשׁר נעשׂים תחת השׁמשׁ והנה דמעת העשׁקים ואין להם מנחם ומיד עשׁקיהם כח ואין להם מנחם׃

Ecclesiastes 5:8

8 (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃

Isaiah 5:7-8

7 כי כרם יהוה צבאות בית ישׂראל ואישׁ יהודה נטע שׁעשׁועיו ויקו למשׁפט והנה משׂפח לצדקה והנה צעקה׃8 הוי מגיעי בית בבית שׂדה בשׂדה יקריבו עד אפס מקום והושׁבתם לבדכם בקרב הארץ׃

Lamentations 3:34

34 לדכא תחת רגליו כל אסירי ארץ׃

Ezekiel 22:29

29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃

Amos 4:1-3

1 שׁמעו הדבר הזה פרות הבשׁן אשׁר בהר שׁמרון העשׁקות דלים הרצצות אביונים האמרת לאדניהם הביאה ונשׁתה׃2 נשׁבע אדני יהוה בקדשׁו כי הנה ימים באים עליכם ונשׂא אתכם בצנות ואחריתכן בסירות דוגה׃3 ופרצים תצאנה אשׁה נגדה והשׁלכתנה ההרמונה נאם יהוה׃

Micah 2:2

2 וחמדו שׂדות וגזלו ובתים ונשׂאו ועשׁקו גבר וביתו ואישׁ ונחלתו׃

Micah 2:9

9 נשׁי עמי תגרשׁון מבית תענגיה מעל עלליה תקחו הדרי לעולם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.