1 ויען איוב ויאמר׃2 עד אנה תוגיון נפשׁי ותדכאונני במלים׃3 זה עשׂר פעמים תכלימוני לא תבשׁו תהכרו׃4 ואף אמנם שׁגיתי אתי תלין משׁוגתי׃5 אם אמנם עלי תגדילו ותוכיחו עלי חרפתי׃6 דעו אפו כי אלוה עותני ומצודו עלי הקיף׃7 הן אצעק חמס ולא אענה אשׁוע ואין משׁפט׃8 ארחי גדר ולא אעבור ועל נתיבותי חשׁך ישׂים׃9 כבודי מעלי הפשׁיט ויסר עטרת ראשׁי׃10 יתצני סביב ואלך ויסע כעץ תקותי׃11 ויחר עלי אפו ויחשׁבני לו כצריו׃12 יחד יבאו גדודיו ויסלו עלי דרכם ויחנו סביב לאהלי׃13 אחי מעלי הרחיק וידעי אך זרו ממני׃14 חדלו קרובי ומידעי שׁכחוני׃15 גרי ביתי ואמהתי לזר תחשׁבני נכרי הייתי בעיניהם׃16 לעבדי קראתי ולא יענה במו פי אתחנן׃17 רוחי זרה לאשׁתי וחנתי לבני בטני׃18 גם עוילים מאסו בי אקומה וידברו׃19 תעבוני כל מתי סודי וזה אהבתי נהפכו׃20 בעורי ובבשׂרי דבקה עצמי ואתמלטה בעור שׁני׃21 חנני חנני אתם רעי כי יד אלוה נגעה׃22 למה תרדפני כמו אל ומבשׂרי לא תשׂבעו׃23 מי יתן אפו ויכתבון מלי מי יתן בספר ויחקו׃24 בעט ברזל ועפרת לעד בצור יחצבון׃25 ואני ידעתי גאלי חי ואחרון על עפר יקום׃26 ואחר עורי נקפו זאת ומבשׂרי אחזה אלוה׃27 אשׁר אני אחזה לי ועיני ראו ולא זר כלו כליתי בחקי׃28 כי תאמרו מה נרדף לו ושׁרשׁ דבר נמצא׃29 גורו לכם מפני חרב כי חמה עונות חרב למען תדעון שׁדין׃
Job 19 Cross References - HOT
Judges 16:16
16 ויהי כי הציקה לו בדבריה כל הימים ותאלצהו ותקצר נפשׁו למות׃
Job 8:2
2 עד אן תמלל אלה ורוח כביר אמרי פיך׃
Job 18:2
2 עד אנה תשׂימון קנצי למלין תבינו ואחר נדבר׃
Job 27:2
2 חי אל הסיר משׁפטי ושׁדי המר נפשׁי׃
Psalms 6:2-3
Psalms 13:1
1 למנצח מזמור לדוד׃ (13:2) עד אנה יהוה תשׁכחני נצח עד אנה תסתיר את פניך ממני׃
Psalms 42:10
10 (42:11) ברצח בעצמותי חרפוני צוררי באמרם אלי כל היום איה אלהיך׃
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Psalms 59:7
7 (59:8) הנה יביעון בפיהם חרבות בשׂפתותיהם כי מי שׁמע׃
Psalms 64:3
3 (64:4) אשׁר שׁננו כחרב לשׁונם דרכו חצם דבר מר׃
Proverbs 12:18
18 ישׁ בוטה כמדקרות חרב ולשׁון חכמים מרפא׃
Proverbs 18:21
21 מות וחיים ביד לשׁון ואהביה יאכל פריה׃
Genesis 31:7
7 ואביכן התל בי והחלף את משׂכרתי עשׂרת מנים ולא נתנו אלהים להרע עמדי׃
Genesis 42:7
7 וירא יוסף את אחיו ויכרם ויתנכר אליהם וידבר אתם קשׁות ויאמר אלהם מאין באתם ויאמרו מארץ כנען לשׁבר אכל׃
Leviticus 26:26
26 בשׁברי לכם מטה לחם ואפו עשׂר נשׁים לחמכם בתנור אחד והשׁיבו לחמכם במשׁקל ואכלתם ולא תשׂבעו׃
Numbers 14:22
22 כי כל האנשׁים הראים את כבדי ואת אתתי אשׁר עשׂיתי במצרים ובמדבר וינסו אתי זה עשׂר פעמים ולא שׁמעו בקולי׃
Nehemiah 4:12
12 (4:6) ויהי כאשׁר באו היהודים הישׁבים אצלם ויאמרו לנו עשׂר פעמים מכל המקמות אשׁר תשׁובו עלינו׃
Job 4:6-11
Job 5:3-4
Job 8:4-6
Job 11:3
3 בדיך מתים יחרישׁו ותלעג ואין מכלם׃
Job 11:14
14 אם און בידך הרחיקהו ואל תשׁכן באהליך עולה׃
Job 15:4-6
Job 15:11-12
Job 18:4-21
4 טרף נפשׁו באפו הלמענך תעזב ארץ ויעתק צור ממקמו׃5 גם אור רשׁעים ידעך ולא יגה שׁביב אשׁו׃6 אור חשׁך באהלו ונרו עליו ידעך׃7 יצרו צעדי אונו ותשׁליכהו עצתו׃8 כי שׁלח ברשׁת ברגליו ועל שׂבכה יתהלך׃9 יאחז בעקב פח יחזק עליו צמים׃10 טמון בארץ חבלו ומלכדתו עלי נתיב׃11 סביב בעתהו בלהות והפיצהו לרגליו׃12 יהי רעב אנו ואיד נכון לצלעו׃13 יאכל בדי עורו יאכל בדיו בכור מות׃14 ינתק מאהלו מבטחו ותצעדהו למלך בלהות׃15 תשׁכון באהלו מבלי לו יזרה על נוהו גפרית׃16 מתחת שׁרשׁיו יבשׁו וממעל ימל קצירו׃17 זכרו אבד מני ארץ ולא שׁם לו על פני חוץ׃18 יהדפהו מאור אל חשׁך ומתבל ינדהו׃19 לא נין לו ולא נכד בעמו ואין שׂריד במגוריו׃20 על יומו נשׁמו אחרנים וקדמנים אחזו שׂער׃21 אך אלה משׁכנות עול וזה מקום לא ידע אל׃
Job 19:17
17 רוחי זרה לאשׁתי וחנתי לבני בטני׃
Psalms 69:8
8 (69:9) מוזר הייתי לאחי ונכרי לבני אמי׃
Daniel 1:20
20 וכל דבר חכמת בינה אשׁר בקשׁ מהם המלך וימצאם עשׂר ידות על כל החרטמים האשׁפים אשׁר בכל מלכותו׃
2 Samuel 24:17
17 ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשׂו תהי נא ידך בי ובבית אבי׃
Job 11:3-6
Proverbs 9:12
12 אם חכמת חכמת לך ולצת לבדך תשׂא׃
Ezekiel 18:4
4 הן כל הנפשׁות לי הנה כנפשׁ האב וכנפשׁ הבן לי הנה הנפשׁ החטאת היא תמות׃
1 Samuel 1:6
6 וכעסתה צרתה גם כעס בעבור הרעמה כי סגר יהוה בעד רחמה׃
Nehemiah 1:3
3 ויאמרו לי הנשׁארים אשׁר נשׁארו מן השׁבי שׁם במדינה ברעה גדלה ובחרפה וחומת ירושׁלם מפרצת ושׁעריה נצתו באשׁ׃
Psalms 35:26
26 יבשׁו ויחפרו יחדו שׂמחי רעתי ילבשׁו בשׁת וכלמה המגדילים עלי׃
Psalms 38:16
16 (38:17) כי אמרתי פן ישׂמחו לי במוט רגלי עלי הגדילו׃
Psalms 41:11
11 (41:12) בזאת ידעתי כי חפצת בי כי לא יריע איבי עלי׃
Psalms 55:12
12 (55:13) כי לא אויב יחרפני ואשׂא לא משׂנאי עלי הגדיל ואסתר ממנו׃
Isaiah 4:1
1 והחזיקו שׁבע נשׁים באישׁ אחד ביום ההוא לאמר לחמנו נאכל ושׂמלתנו נלבשׁ רק יקרא שׁמך עלינו אסף חרפתנו׃
Micah 7:8
8 אל תשׂמחי איבתי לי כי נפלתי קמתי כי אשׁב בחשׁך יהוה אור׃
Zephaniah 2:10
10 זאת להם תחת גאונם כי חרפו ויגדלו על עם יהוה צבאות׃
Zechariah 12:7
7 והושׁיע יהוה את אהלי יהודה בראשׁנה למען לא תגדל תפארת בית דויד ותפארת ישׁב ירושׁלם על יהודה׃
Job 7:20
20 חטאתי מה אפעל לך נצר האדם למה שׂמתני למפגע לך ואהיה עלי למשׂא׃
Job 16:11-14
Job 18:8-10
Psalms 44:9-14
Psalms 66:10-12
Lamentations 1:12-13
Ezekiel 12:13
13 ופרשׂתי את רשׁתי עליו ונתפשׂ במצודתי והבאתי אתו בבלה ארץ כשׂדים ואותה לא יראה ושׁם ימות׃
Ezekiel 32:3
3 כה אמר אדני יהוה ופרשׂתי עליך את רשׁתי בקהל עמים רבים והעלוך בחרמי׃
Hosea 7:12
12 כאשׁר ילכו אפרושׂ עליהם רשׁתי כעוף השׁמים אורידם איסרם כשׁמע לעדתם׃
Job 9:24
24 ארץ נתנה ביד רשׁע פני שׁפטיה יכסה אם לא אפוא מי הוא׃
Job 9:32
32 כי לא אישׁ כמני אעננו נבוא יחדו במשׁפט׃
Job 10:3
3 הטוב לך כי תעשׁק כי תמאס יגיע כפיך ועל עצת רשׁעים הופעת׃
Job 10:15-17
Job 13:15-23
15 הן יקטלני לא איחל אך דרכי אל פניו אוכיח׃16 גם הוא לי לישׁועה כי לא לפניו חנף יבוא׃17 שׁמעו שׁמוע מלתי ואחותי באזניכם׃18 הנה נא ערכתי משׁפט ידעתי כי אני אצדק׃19 מי הוא יריב עמדי כי עתה אחרישׁ ואגוע׃20 אך שׁתים אל תעשׂ עמדי אז מפניך לא אסתר׃21 כפך מעלי הרחק ואמתך אל תבעתני׃22 וקרא ואנכי אענה או אדבר והשׁיבני׃23 כמה לי עונות וחטאות פשׁעי וחטאתי הדיעני׃
Job 16:17-19
Job 16:21
21 ויוכח לגבר עם אלוה ובן אדם לרעהו׃
Job 21:27
27 הן ידעתי מחשׁבותיכם ומזמות עלי תחמסו׃
Job 23:3-7
Job 30:20
20 אשׁוע אליך ולא תענני עמדתי ותתבנן׃
Job 31:35-36
Job 34:5
5 כי אמר איוב צדקתי ואל הסיר משׁפטי׃
Job 40:8
8 האף תפר משׁפטי תרשׁיעני למען תצדק׃
Psalms 22:2
2 (22:3) אלהי אקרא יומם ולא תענה ולילה ולא דומיה׃
Jeremiah 20:8
8 כי מדי אדבר אזעק חמס ושׁד אקרא כי היה דבר יהוה לי לחרפה ולקלס כל היום׃
Lamentations 3:8
8 גם כי אזעק ואשׁוע שׂתם תפלתי׃
Habakkuk 1:2-3
Joshua 24:7
7 ויצעקו אל יהוה וישׂם מאפל ביניכם ובין המצרים ויבא עליו את הים ויכסהו ותראינה עיניכם את אשׁר עשׂיתי במצרים ותשׁבו במדבר ימים רבים׃
Job 3:23
23 לגבר אשׁר דרכו נסתרה ויסך אלוה בעדו׃
Job 30:26
26 כי טוב קויתי ויבא רע ואיחלה לאור ויבא אפל׃
Psalms 88:8
8 (88:9) הרחקת מידעי ממני שׁתני תועבות למו כלא ולא אצא׃
Proverbs 4:19
19 דרך רשׁעים כאפלה לא ידעו במה יכשׁלו׃
Isaiah 50:10
10 מי בכם ירא יהוה שׁמע בקול עבדו אשׁר הלך חשׁכים ואין נגה לו יבטח בשׁם יהוה וישׁען באלהיו׃
Jeremiah 13:16
16 תנו ליהוה אלהיכם כבוד בטרם יחשׁך ובטרם יתנגפו רגליכם על הרי נשׁף וקויתם לאור ושׂמה לצלמות ישׁית לערפל׃
Jeremiah 23:12
12 לכן יהיה דרכם להם כחלקלקות באפלה ידחו ונפלו בה כי אביא עליהם רעה שׁנת פקדתם נאם יהוה׃
Lamentations 3:7
7 גדר בעדי ולא אצא הכביד נחשׁתי׃
Lamentations 3:9
9 גדר דרכי בגזית נתיבתי עוה׃
Hosea 2:6
6 (2:8) לכן הנני שׂך את דרכך בסירים וגדרתי את גדרה ונתיבותיה לא תמצא׃
Job 12:17
17 מוליך יועצים שׁולל ושׁפטים יהולל׃
Job 29:7-14
Job 29:20-21
Job 30:1
1 ועתה שׂחקו עלי צעירים ממני לימים אשׁר מאסתי אבותם לשׁית עם כלבי צאני׃
Psalms 49:16-17
Psalms 89:39
39 (89:40) נארתה ברית עבדך חללת לארץ נזרו׃
Psalms 89:44
44 (89:45) השׁבת מטהרו וכסאו לארץ מגרתה׃
Isaiah 61:6
6 ואתם כהני יהוה תקראו משׁרתי אלהינו יאמר לכם חיל גוים תאכלו ובכבודם תתימרו׃
Lamentations 5:16
16 נפלה עטרת ראשׁנו אוי נא לנו כי חטאנו׃
Hosea 9:11
11 אפרים כעוף יתעופף כבודם מלדה ומבטן ומהריון׃
Job 1:13-19
13 ויהי היום ובניו ובנתיו אכלים ושׁתים יין בבית אחיהם הבכור׃14 ומלאך בא אל איוב ויאמר הבקר היו חרשׁות והאתנות רעות על ידיהם׃15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃16 עוד זה מדבר וזה בא ויאמר אשׁ אלהים נפלה מן השׁמים ותבער בצאן ובנערים ותאכלם ואמלטה רק אני לבדי להגיד׃17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃18 עד זה מדבר וזה בא ויאמר בניך ובנותיך אכלים ושׁתים יין בבית אחיהם הבכור׃19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃
Job 2:7
7 ויצא השׂטן מאת פני יהוה ויך את איוב בשׁחין רע מכף רגלו עד קדקדו׃
Job 6:11
11 מה כחי כי איחל ומה קצי כי אאריך נפשׁי׃
Job 7:6
6 ימי קלו מני ארג ויכלו באפס תקוה׃
Job 8:13-18
Job 12:14
14 הן יהרוס ולא יבנה יסגר על אישׁ ולא יפתח׃
Job 17:11
11 ימי עברו זמתי נתקו מורשׁי לבבי׃
Job 17:15
15 ואיה אפו תקותי ותקותי מי ישׁורנה׃
Job 24:20
20 ישׁכחהו רחם מתקו רמה עוד לא יזכר ותשׁבר כעץ עולה׃
Psalms 37:35-36
Psalms 88:13-18
Psalms 102:11
11 (102:12) ימי כצל נטוי ואני כעשׂב איבשׁ׃
Lamentations 2:5-6
Deuteronomy 32:22
22 כי אשׁ קדחה באפי ותיקד עד שׁאול תחתית ותאכל ארץ ויבלה ותלהט מוסדי הרים׃
Job 13:24
24 למה פניך תסתיר ותחשׁבני לאויב׃
Job 16:9
9 אפו טרף וישׂטמני חרק עלי בשׁניו צרי ילטושׁ עיניו׃
Job 33:10
10 הן תנואות עלי ימצא יחשׁבני לאויב׃
Psalms 89:46
46 (89:47) עד מה יהוה תסתר לנצח תבער כמו אשׁ חמתך׃
Psalms 90:7
7 כי כלינו באפך ובחמתך נבהלנו׃
Lamentations 2:5
5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃
Job 16:11
11 יסגירני אל אל עויל ועל ידי רשׁעים ירטני׃
Job 16:13
13 יסבו עלי רביו יפלח כליותי ולא יחמול ישׁפך לארץ מררתי׃
Job 30:12
12 על ימין פרחח יקומו רגלי שׁלחו ויסלו עלי ארחות אידם׃
Isaiah 10:5-6
Isaiah 51:23
23 ושׂמתיה ביד מוגיך אשׁר אמרו לנפשׁך שׁחי ונעברה ותשׂימי כארץ גוך וכחוץ לעברים׃
Job 6:21-23
Job 16:7
7 אך עתה הלאני השׁמות כל עדתי׃
Psalms 31:11
11 (31:12) מכל צררי הייתי חרפה ולשׁכני מאד ופחד למידעי ראי בחוץ נדדו ממני׃
Psalms 38:11
11 (38:12) אהבי ורעי מנגד נגעי יעמדו וקרובי מרחק עמדו׃
Psalms 69:20
20 (69:21) חרפה שׁברה לבי ואנושׁה ואקוה לנוד ואין ולמנחמים ולא מצאתי׃
Psalms 88:18
18 (88:19) הרחקת ממני אהב ורע מידעי מחשׁך׃
2 Samuel 16:23
23 ועצת אחיתפל אשׁר יעץ בימים ההם כאשׁר ישׁאל בדבר האלהים כן כל עצת אחיתפל גם לדוד גם לאבשׁלם׃
Psalms 55:12-14
Proverbs 18:24
24 אישׁ רעים להתרעע וישׁ אהב דבק מאח׃
Jeremiah 20:10
10 כי שׁמעתי דבת רבים מגור מסביב הגידו ונגידנו כל אנושׁ שׁלומי שׁמרי צלעי אולי יפתה ונוכלה לו ונקחה נקמתנו ממנו׃
Micah 7:5-6
Job 31:31-32
Psalms 123:3
3 חננו יהוה חננו כי רב שׂבענו בוז׃
Job 1:15-17
Job 1:19
19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃
Job 2:9-10
Job 17:1
1 רוחי חבלה ימי נזעכו קברים׃
2 Kings 2:23
23 ויעל משׁם בית אל והוא עלה בדרך ונערים קטנים יצאו מן העיר ויתקלסו בו ויאמרו לו עלה קרח עלה קרח׃
Isaiah 3:5
5 ונגשׂ העם אישׁ באישׁ ואישׁ ברעהו ירהבו הנער בזקן והנקלה בנכבד׃
Job 6:14-15
Psalms 41:9
9 (41:10) גם אישׁ שׁלומי אשׁר בטחתי בו אוכל לחמי הגדיל עלי עקב׃
Psalms 55:20
20 (55:21) שׁלח ידיו בשׁלמיו חלל בריתו׃
Psalms 109:4-5
Job 2:4-6
Job 7:5
5 לבשׁ בשׂרי רמה וגישׁ עפר עורי רגע וימאס׃
Job 30:30
30 עורי שׁחר מעלי ועצמי חרה מני חרב׃
Job 33:19-22
Psalms 22:14-17
Psalms 32:3-4
Psalms 38:3
3 (38:4) אין מתם בבשׂרי מפני זעמך אין שׁלום בעצמי מפני חטאתי׃
Psalms 102:3
3 (102:4) כי כלו בעשׁן ימי ועצמותי כמו קד נחרו׃
Psalms 102:5
5 (102:6) מקול אנחתי דבקה עצמי לבשׂרי׃
Lamentations 3:4
4 בלה בשׂרי ועורי שׁבר עצמותי׃
Lamentations 4:8
8 חשׁך משׁחור תארם לא נכרו בחוצות צפד עורם על עצמם יבשׁ היה כעץ׃
Lamentations 5:10
10 עורנו כתנור נכמרו מפני זלעפות רעב׃
Job 1:11
11 ואולם שׁלח נא ידך וגע בכל אשׁר לו אם לא על פניך יברכך׃
Job 2:5
5 אולם שׁלח נא ידך וגע אל עצמו ואל בשׂרו אם לא אל פניך יברכך׃
Job 2:10
10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃
Job 6:4
4 כי חצי שׁדי עמדי אשׁר חמתם שׁתה רוחי בעותי אלוה יערכוני׃
Job 6:14
14 למס מרעהו חסד ויראת שׁדי יעזוב׃
Psalms 38:2
2 (38:3) כי חציך נחתו בי ותנחת עלי ידך׃
Job 10:16
16 ויגאה כשׁחל תצודני ותשׁב תתפלא׃
Job 13:25
25 העלה נדף תערוץ ואת קשׁ יבשׁ תרדף׃
Job 31:31
31 אם לא אמרו מתי אהלי מי יתן מבשׂרו לא נשׂבע׃
Psalms 69:26
26 (69:27) כי אתה אשׁר הכית רדפו ואל מכאוב חלליך יספרו׃
Micah 3:3
3 ואשׁר אכלו שׁאר עמי ועורם מעליהם הפשׁיטו ואת עצמתיהם פצחו ופרשׂו כאשׁר בסיר וכבשׂר בתוך קלחת׃
Job 31:35
35 מי יתן לי שׁמע לי הן תוי שׁדי יענני וספר כתב אישׁ ריבי׃
Isaiah 8:1
1 ויאמר יהוה אלי קח לך גליון גדול וכתב עליו בחרט אנושׁ למהר שׁלל חשׁ בז׃
Isaiah 30:8
8 עתה בוא כתבה על לוח אתם ועל ספר חקה ותהי ליום אחרון לעד עד עולם׃
Exodus 28:11-12
Exodus 28:21
21 והאבנים תהיין על שׁמת בני ישׂראל שׁתים עשׂרה על שׁמתם פתוחי חותם אישׁ על שׁמו תהיין לשׁני עשׂר שׁבט׃
Exodus 32:16
16 והלחת מעשׂה אלהים המה והמכתב מכתב אלהים הוא חרות על הלחת׃
Deuteronomy 27:2-3
Deuteronomy 27:8
8 וכתבת על האבנים את כל דברי התורה הזאת באר היטב׃
Jeremiah 17:1
1 חטאת יהודה כתובה בעט ברזל בצפרן שׁמיר חרושׁה על לוח לבם ולקרנות מזבחותיכם׃
Genesis 3:15
15 ואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב׃
Genesis 22:18
18 והתברכו בזרעך כל גויי הארץ עקב אשׁר שׁמעת בקלי׃
Job 16:19
19 גם עתה הנה בשׁמים עדי ושׂהדי במרומים׃
Job 33:23-24
Psalms 19:14
14 (19:15) יהיו לרצון אמרי פי והגיון לבי לפניך יהוה צורי וגאלי׃
Psalms 78:35
35 ויזכרו כי אלהים צורם ואל עליון גאלם׃
Proverbs 23:11
11 כי גאלם חזק הוא יריב את ריבם אתך׃
Isaiah 43:14
14 כה אמר יהוה גאלכם קדושׁ ישׂראל למענכם שׁלחתי בבלה והורדתי בריחים כלם וכשׂדים באניות רנתם׃
Isaiah 54:5
5 כי בעליך עשׂיך יהוה צבאות שׁמו וגאלך קדושׁ ישׂראל אלהי כל הארץ יקרא׃
Isaiah 59:20-21
Jeremiah 50:34
34 גאלם חזק יהוה צבאות שׁמו ריב יריב את ריבם למען הרגיע את הארץ והרגיז לישׁבי בבל׃
Psalms 16:9
9 לכן שׂמח לבי ויגל כבודי אף בשׂרי ישׁכן לבטח׃
Psalms 16:11
11 תודיעני ארח חיים שׂבע שׂמחות את פניך נעמות בימינך נצח׃
Psalms 17:15
15 אני בצדק אחזה פניך אשׂבעה בהקיץ תמונתך׃
Numbers 24:17
17 אראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת׃
Psalms 73:26
26 כלה שׁארי ולבבי צור לבבי וחלקי אלהים לעולם׃
Isaiah 26:19
19 יחיו מתיך נבלתי יקומון הקיצו ורננו שׁכני עפר כי טל אורת טלך וארץ רפאים תפיל׃
1 Kings 14:13
13 וספדו לו כל ישׂראל וקברו אתו כי זה לבדו יבא לירבעם אל קבר יען נמצא בו דבר טוב אל יהוה אלהי ישׂראל בבית ירבעם׃
Job 19:22
22 למה תרדפני כמו אל ומבשׂרי לא תשׂבעו׃
Job 13:7-11
Job 15:22
22 לא יאמין שׁוב מני חשׁך וצפו הוא אלי חרב׃
Job 22:4
4 המיראתך יכיחך יבוא עמך במשׁפט׃
Psalms 1:5
5 על כן לא יקמו רשׁעים במשׁפט וחטאים בעדת צדיקים׃
Psalms 9:7
7 (9:8) ויהוה לעולם ישׁב כונן למשׁפט כסאו׃
Psalms 58:10-11
Ecclesiastes 11:9
9 שׂמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשׁפט׃
Ecclesiastes 12:14
14 כי את כל מעשׂה האלהים יבא במשׁפט על כל נעלם אם טוב ואם רע׃