1 ויען צפר הנעמתי ויאמר׃2 לכן שׂעפי ישׁיבוני ובעבור חושׁי׃3 מוסר כלמתי אשׁמע ורוח מבינתי יענני׃4 הזאת ידעת מני עד מני שׂים אדם עלי ארץ׃5 כי רננת רשׁעים מקרוב ושׂמחת חנף עדי רגע׃6 אם יעלה לשׁמים שׂיאו וראשׁו לעב יגיע׃7 כגללו לנצח יאבד ראיו יאמרו איו׃8 כחלום יעוף ולא ימצאוהו וידד כחזיון לילה׃9 עין שׁזפתו ולא תוסיף ולא עוד תשׁורנו מקומו׃10 בניו ירצו דלים וידיו תשׁבנה אונו׃11 עצמותיו מלאו עלומו ועמו על עפר תשׁכב׃12 אם תמתיק בפיו רעה יכחידנה תחת לשׁונו׃13 יחמל עליה ולא יעזבנה וימנענה בתוך חכו׃14 לחמו במעיו נהפך מרורת פתנים בקרבו׃15 חיל בלע ויקאנו מבטנו יורשׁנו אל׃16 ראשׁ פתנים יינק תהרגהו לשׁון אפעה׃17 אל ירא בפלגות נהרי נחלי דבשׁ וחמאה׃18 משׁיב יגע ולא יבלע כחיל תמורתו ולא יעלס׃19 כי רצץ עזב דלים בית גזל ולא יבנהו׃20 כי לא ידע שׁלו בבטנו בחמודו לא ימלט׃21 אין שׂריד לאכלו על כן לא יחיל טובו׃22 במלאות שׂפקו יצר לו כל יד עמל תבואנו׃23 יהי למלא בטנו ישׁלח בו חרון אפו וימטר עלימו בלחומו׃24 יברח מנשׁק ברזל תחלפהו קשׁת נחושׁה׃25 שׁלף ויצא מגוה וברק ממררתו יהלך עליו אמים׃26 כל חשׁך טמון לצפוניו תאכלהו אשׁ לא נפח ירע שׂריד באהלו׃27 יגלו שׁמים עונו וארץ מתקוממה׃28 יגל יבול ביתו נגרות ביום אפו׃29 זה חלק אדם רשׁע מאלהים ונחלת אמרו מאל׃
Job 20 Cross References - HOT
Job 2:11
11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃
Job 11:1
1 ויען צפר הנעמתי ויאמר׃
Job 42:9
9 וילכו אליפז התימני ובלדד השׁוחי צפר הנעמתי ויעשׂו כאשׁר דבר אליהם יהוה וישׂא יהוה את פני איוב׃
Job 4:2
2 הנסה דבר אליך תלאה ועצר במלין מי יוכל׃
Job 13:19
19 מי הוא יריב עמדי כי עתה אחרישׁ ואגוע׃
Job 20:3
3 מוסר כלמתי אשׁמע ורוח מבינתי יענני׃
Job 32:13-20
Psalms 31:22
22 (31:23) ואני אמרתי בחפזי נגרזתי מנגד עיניך אכן שׁמעת קול תחנוני בשׁועי אליך׃
Psalms 39:2-3
Psalms 116:11
11 אני אמרתי בחפזי כל האדם כזב׃
Proverbs 14:29
29 ארך אפים רב תבונה וקצר רוח מרים אולת׃
Proverbs 29:20
20 חזית אישׁ אץ בדבריו תקוה לכסיל ממנו׃
Ecclesiastes 7:9
9 אל תבהל ברוחך לכעוס כי כעס בחיק כסילים ינוח׃
Jeremiah 20:9
9 ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃
Job 19:3
3 זה עשׂר פעמים תכלימוני לא תבשׁו תהכרו׃
Job 19:29
29 גורו לכם מפני חרב כי חמה עונות חרב למען תדעון שׁדין׃
Job 20:2
2 לכן שׂעפי ישׁיבוני ובעבור חושׁי׃
Job 27:11
11 אורה אתכם ביד אל אשׁר עם שׁדי לא אכחד׃
Job 33:3
3 ישׁר לבי אמרי ודעת שׂפתי ברור מללו׃
Psalms 49:3
3 (49:4) פי ידבר חכמות והגות לבי תבונות׃
Psalms 78:2-5
Genesis 1:28
28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃
Genesis 9:1-3
Job 8:8-9
Job 15:10
10 גם שׂב גם ישׁישׁ בנו כביר מאביך ימים׃
Job 32:7
7 אמרתי ימים ידברו ורב שׁנים ידיעו חכמה׃
Psalms 115:16
16 השׁמים שׁמים ליהוה והארץ נתן לבני אדם׃
Exodus 15:9-10
Judges 16:21-30
21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃22 ויחל שׂער ראשׁו לצמח כאשׁר גלח׃23 וסרני פלשׁתים נאספו לזבח זבח גדול לדגון אלהיהם ולשׂמחה ויאמרו נתן אלהינו בידנו את שׁמשׁון אויבינו׃24 ויראו אתו העם ויהללו את אלהיהם כי אמרו נתן אלהינו בידנו את אויבנו ואת מחריב ארצנו ואשׁר הרבה את חללינו׃25 ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃26 ויאמר שׁמשׁון אל הנער המחזיק בידו הניחה אותי והימשׁני את העמדים אשׁר הבית נכון עליהם ואשׁען עליהם׃27 והבית מלא האנשׁים והנשׁים ושׁמה כל סרני פלשׁתים ועל הגג כשׁלשׁת אלפים אישׁ ואשׁה הראים בשׂחוק שׁמשׁון׃28 ויקרא שׁמשׁון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משׁתי עיני מפלשׁתים׃29 וילפת שׁמשׁון את שׁני עמודי התוך אשׁר הבית נכון עליהם ויסמך עליהם אחד בימינו ואחד בשׂמאלו׃30 ויאמר שׁמשׁון תמות נפשׁי עם פלשׁתים ויט בכח ויפל הבית על הסרנים ועל כל העם אשׁר בו ויהיו המתים אשׁר המית במותו רבים מאשׁר המית בחייו׃
Esther 5:11-12
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Job 5:3
3 אני ראיתי אויל משׁרישׁ ואקוב נוהו פתאם׃
Job 8:12-13
Job 8:19
19 הן הוא משׂושׂ דרכו ומעפר אחר יצמחו׃
Job 15:29-34
Job 18:5-6
Job 27:8
8 כי מה תקות חנף כי יבצע כי ישׁל אלוה נפשׁו׃
Job 27:13-23
13 זה חלק אדם רשׁע עם אל ונחלת עריצים משׁדי יקחו׃14 אם ירבו בניו למו חרב וצאצאיו לא ישׂבעו לחם׃15 שׂרידו במות יקברו ואלמנתיו לא תבכינה׃16 אם יצבר כעפר כסף וכחמר יכין מלבושׁ׃17 יכין וצדיק ילבשׁ וכסף נקי יחלק׃18 בנה כעשׁ ביתו וכסכה עשׂה נצר׃19 עשׁיר ישׁכב ולא יאסף עיניו פקח ואיננו׃20 תשׂיגהו כמים בלהות לילה גנבתו סופה׃21 ישׂאהו קדים וילך וישׂערהו ממקמו׃22 וישׁלך עליו ולא יחמל מידו ברוח יברח׃23 ישׂפק עלימו כפימו וישׁרק עליו ממקמו׃
Psalms 37:35-36
Psalms 73:18-20
Genesis 11:4
4 ויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ׃
Isaiah 14:13-14
Daniel 4:11
11 (4:8) רבה אילנא ותקף ורומה ימטא לשׁמיא וחזותה לסוף כל ארעא׃
Daniel 4:22
22 (4:19) אנתה הוא מלכא די רבית ותקפת ורבותך רבת ומטת לשׁמיא ושׁלטנך לסוף ארעא׃
Amos 9:2
2 אם יחתרו בשׁאול משׁם ידי תקחם ואם יעלו השׁמים משׁם אורידם׃
Obadiah 1:3-4
1 Kings 14:10
10 לכן הנני מביא רעה אל בית ירבעם והכרתי לירבעם משׁתין בקיר עצור ועזוב בישׂראל ובערתי אחרי בית ירבעם כאשׁר יבער הגלל עד תמו׃
2 Kings 9:37
37 והית נבלת איזבל כדמן על פני השׂדה בחלק יזרעאל אשׁר לא יאמרו זאת איזבל׃
Job 4:20
20 מבקר לערב יכתו מבלי משׂים לנצח יאבדו׃
Job 7:10
10 לא ישׁוב עוד לביתו ולא יכירנו עוד מקמו׃
Job 8:18
18 אם יבלענו ממקומו וכחשׁ בו לא ראיתיך׃
Job 14:10
10 וגבר ימות ויחלשׁ ויגוע אדם ואיו׃
Psalms 83:10
10 (83:11) נשׁמדו בעין דאר היו דמן לאדמה׃
Jeremiah 8:2
2 ושׁטחום לשׁמשׁ ולירח ולכל צבא השׁמים אשׁר אהבום ואשׁר עבדום ואשׁר הלכו אחריהם ואשׁר דרשׁום ואשׁר השׁתחוו להם לא יאספו ולא יקברו לדמן על פני האדמה יהיו׃
Job 18:18
18 יהדפהו מאור אל חשׁך ומתבל ינדהו׃
Psalms 18:10
10 (18:11) וירכב על כרוב ויעף וידא על כנפי רוח׃
Psalms 73:20
20 כחלום מהקיץ אדני בעיר צלמם תבזה׃
Psalms 90:5
5 זרמתם שׁנה יהיו בבקר כחציר יחלף׃
Isaiah 29:7-8
Job 7:8
8 לא תשׁורני עין ראי עיניך בי ואינני׃
Job 20:7
7 כגללו לנצח יאבד ראיו יאמרו איו׃
Job 27:3
3 כי כל עוד נשׁמתי בי ורוח אלוה באפי׃
Psalms 37:10
10 ועוד מעט ואין רשׁע והתבוננת על מקומו ואיננו׃
Psalms 37:36
36 ויעבר והנה איננו ואבקשׁהו ולא נמצא׃
Psalms 103:15-16
Exodus 9:2
2 כי אם מאן אתה לשׁלח ועודך מחזיק׃
Exodus 12:36
36 ויהוה נתן את חן העם בעיני מצרים וישׁאלום וינצלו את מצרים׃
Exodus 22:1
1 (21:37) כי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה׃
Exodus 22:3
3 (22:2) אם זרחה השׁמשׁ עליו דמים לו שׁלם ישׁלם אם אין לו ונמכר בגנבתו׃
2 Samuel 12:6
6 ואת הכבשׂה ישׁלם ארבעתים עקב אשׁר עשׂה את הדבר הזה ועל אשׁר לא חמל׃
Job 5:4
4 ירחקו בניו מישׁע וידכאו בשׁער ואין מציל׃
Job 20:18
18 משׁיב יגע ולא יבלע כחיל תמורתו ולא יעלס׃
Job 27:16-17
Psalms 109:10
10 ונוע ינועו בניו ושׁאלו ודרשׁו מחרבותיהם׃
Proverbs 6:31
31 ונמצא ישׁלם שׁבעתים את כל הון ביתו יתן׃
Proverbs 28:3
3 גבר רשׁ ועשׁק דלים מטר סחף ואין לחם׃
Job 13:26
26 כי תכתב עלי מררות ותורישׁני עונות נעורי׃
Job 19:20
20 בעורי ובבשׂרי דבקה עצמי ואתמלטה בעור שׁני׃
Job 21:26
26 יחד על עפר ישׁכבו ורמה תכסה עליהם׃
Psalms 25:7
7 חטאות נעורי ופשׁעי אל תזכר כחסדך זכר לי אתה למען טובך יהוה׃
Proverbs 5:11-13
Proverbs 5:22-23
Proverbs 14:32
32 ברעתו ידחה רשׁע וחסה במותו צדיק׃
Ezekiel 24:13
13 בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי׃
Ezekiel 32:27
27 ולא ישׁכבו את גבורים נפלים מערלים אשׁר ירדו שׁאול בכלי מלחמתם ויתנו את חרבותם תחת ראשׁיהם ותהי עונתם על עצמותם כי חתית גבורים בארץ חיים׃
Genesis 3:6
6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃
Job 15:16
16 אף כי נתעב ונאלח אישׁ שׁתה כמים עולה׃
Psalms 10:7
7 אלה פיהו מלא ומרמות ותך תחת לשׁונו עמל ואון׃
Psalms 109:17-18
Proverbs 9:17-18
Proverbs 20:17
17 ערב לאישׁ לחם שׁקר ואחר ימלא פיהו חצץ׃
Ecclesiastes 11:9
9 שׂמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשׁפט׃
Numbers 11:18-20
18 ואל העם תאמר התקדשׁו למחר ואכלתם בשׂר כי בכיתם באזני יהוה לאמר מי יאכלנו בשׂר כי טוב לנו במצרים ונתן יהוה לכם בשׂר ואכלתם׃19 לא יום אחד תאכלון ולא יומים ולא חמשׁה ימים ולא עשׂרה ימים ולא עשׂרים יום׃20 עד חדשׁ ימים עד אשׁר יצא מאפכם והיה לכם לזרא יען כי מאסתם את יהוה אשׁר בקרבכם ותבכו לפניו לאמר למה זה יצאנו ממצרים׃
Deuteronomy 32:24
24 מזי רעב ולחמי רשׁף וקטב מרירי ושׁן בהמת אשׁלח בם עם חמת זחלי עפר׃
2 Samuel 11:2-5
2 Samuel 12:10-11
Job 20:16
16 ראשׁ פתנים יינק תהרגהו לשׁון אפעה׃
Psalms 32:3-4
Psalms 38:1-8
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃2 (38:3) כי חציך נחתו בי ותנחת עלי ידך׃3 (38:4) אין מתם בבשׂרי מפני זעמך אין שׁלום בעצמי מפני חטאתי׃4 (38:5) כי עונתי עברו ראשׁי כמשׂא כבד יכבדו ממני׃5 (38:6) הבאישׁו נמקו חבורתי מפני אולתי׃6 (38:7) נעויתי שׁחתי עד מאד כל היום קדר הלכתי׃7 (38:8) כי כסלי מלאו נקלה ואין מתם בבשׂרי׃8 (38:9) נפוגותי ונדכיתי עד מאד שׁאגתי מנהמת לבי׃
Psalms 51:8-9
Proverbs 1:31
31 ויאכלו מפרי דרכם וממעצתיהם ישׂבעו׃
Proverbs 23:20-21
Proverbs 23:29-35
29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃34 והיית כשׁכב בלב ים וכשׁכב בראשׁ חבל׃35 הכוני בל חליתי הלמוני בל ידעתי מתי אקיץ אוסיף אבקשׁנו עוד׃
Jeremiah 2:19
19 תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃
Malachi 2:2
2 אם לא תשׁמעו ואם לא תשׂימו על לב לתת כבוד לשׁמי אמר יהוה צבאות ושׁלחתי בכם את המארה וארותי את ברכותיכם וגם ארותיה כי אינכם שׂמים על לב׃
Proverbs 23:8
8 פתך אכלת תקיאנה ושׁחת דבריך הנעימים׃
Isaiah 30:6
6 משׂא בהמות נגב בארץ צרה וצוקה לביא ולישׁ מהם אפעה ושׂרף מעופף ישׂאו על כתף עירים חילהם ועל דבשׁת גמלים אוצרתם על עם לא יועילו׃
Numbers 14:23
23 אם יראו את הארץ אשׁר נשׁבעתי לאבתם וכל מנאצי לא יראוה׃
Deuteronomy 32:13-14
2 Samuel 17:29
29 ודבשׁ וחמאה וצאן ושׁפות בקר הגישׁו לדוד ולעם אשׁר אתו לאכול כי אמרו העם רעב ועיף וצמא במדבר׃
2 Kings 7:2
2 ויען השׁלישׁ אשׁר למלך נשׁען על ידו את אישׁ האלהים ויאמר הנה יהוה עשׂה ארבות בשׁמים היהיה הדבר הזה ויאמר הנכה ראה בעיניך ומשׁם לא תאכל׃
Job 29:6
6 ברחץ הליכי בחמה וצור יצוק עמדי פלגי שׁמן׃
Psalms 36:8-9
Psalms 81:16
16 (81:17) ויאכילהו מחלב חטה ומצור דבשׁ אשׂביעך׃
Isaiah 7:15
15 חמאה ודבשׁ יאכל לדעתו מאוס ברע ובחור בטוב׃
Isaiah 7:22
22 והיה מרב עשׂות חלב יאכל חמאה כי חמאה ודבשׁ יאכל כל הנותר בקרב הארץ׃
Isaiah 41:17
17 העניים והאביונים מבקשׁים מים ואין לשׁונם בצמא נשׁתה אני יהוה אענם אלהי ישׂראל לא אעזבם׃
Jeremiah 17:6-8
Job 20:5
5 כי רננת רשׁעים מקרוב ושׂמחת חנף עדי רגע׃
Job 20:10
10 בניו ירצו דלים וידיו תשׁבנה אונו׃
Job 20:15
15 חיל בלע ויקאנו מבטנו יורשׁנו אל׃
Job 31:25
25 אם אשׂמח כי רב חילי וכי כביר מצאה ידי׃
Job 31:29
29 אם אשׂמח בפיד משׂנאי והתעררתי כי מצאו רע׃
Proverbs 1:12
12 נבלעם כשׁאול חיים ותמימים כיורדי בור׃
Isaiah 24:7-11
Jeremiah 11:15-16
Jeremiah 22:13
13 הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃
Jeremiah 22:17
17 כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃
Jeremiah 51:34
34 אכלנו הממנו נבוכדראצר מלך בבל הציגנו כלי ריק בלענו כתנין מלא כרשׂו מעדני הדיחנו׃
Jeremiah 51:44
44 ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה׃
Lamentations 2:16
16 פצו עליך פיהם כל אויביך שׁרקו ויחרקו שׁן אמרו בלענו אך זה היום שׁקוינהו מצאנו ראינו׃
Ezekiel 7:12
12 בא העת הגיע היום הקונה אל ישׂמח והמוכר אל יתאבל כי חרון אל כל המונה׃
Hosea 8:7-8
Hosea 9:1
1 אל תשׂמח ישׂראל אל גיל כעמים כי זנית מעל אלהיך אהבת אתנן על כל גרנות דגן׃
Amos 8:4
4 שׁמעו זאת השׁאפים אביון ולשׁבית ענוי ארץ׃
Deuteronomy 28:33
33 פרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים׃
1 Samuel 12:3-4
1 Kings 21:19
19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃
Job 18:15
15 תשׁכון באהלו מבלי לו יזרה על נוהו גפרית׃
Job 21:27-28
Job 22:6
6 כי תחבל אחיך חנם ובגדי ערומים תפשׁיט׃
Job 24:2-12
2 גבלות ישׂיגו עדר גזלו וירעו׃3 חמור יתומים ינהגו יחבלו שׁור אלמנה׃4 יטו אביונים מדרך יחד חבאו עניי ארץ׃5 הן פראים במדבר יצאו בפעלם משׁחרי לטרף ערבה לו לחם לנערים׃6 בשׂדה בלילו יקצירו וכרם רשׁע ילקשׁו׃7 ערום ילינו מבלי לבושׁ ואין כסות בקרה׃8 מזרם הרים ירטבו ומבלי מחסה חבקו צור׃9 יגזלו משׁד יתום ועל עני יחבלו׃10 ערום הלכו בלי לבושׁ ורעבים נשׂאו עמר׃11 בין שׁורתם יצהירו יקבים דרכו ויצמאו׃12 מעיר מתים ינאקו ונפשׁ חללים תשׁוע ואלוה לא ישׂים תפלה׃
Job 31:13-22
13 אם אמאס משׁפט עבדי ואמתי ברבם עמדי׃14 ומה אעשׂה כי יקום אל וכי יפקד מה אשׁיבנו׃15 הלא בבטן עשׂני עשׂהו ויכננו ברחם אחד׃16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃18 כי מנעורי גדלני כאב ומבטן אמי אנחנה׃19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃21 אם הניפותי על יתום ידי כי אראה בשׁער עזרתי׃22 כתפי משׁכמה תפול ואזרעי מקנה תשׁבר׃
Job 31:38-39
Job 35:9
9 מרב עשׁוקים יזעיקו ישׁועו מזרוע רבים׃
Psalms 10:18
18 לשׁפט יתום ודך בל יוסיף עוד לערץ אנושׁ מן הארץ׃
Psalms 12:5
5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃
Proverbs 14:31
31 עשׁק דל חרף עשׂהו ומכבדו חנן אביון׃
Proverbs 22:22-23
Ecclesiastes 4:1
1 ושׁבתי אני ואראה את כל העשׁקים אשׁר נעשׂים תחת השׁמשׁ והנה דמעת העשׁקים ואין להם מנחם ומיד עשׁקיהם כח ואין להם מנחם׃
Ecclesiastes 5:8
8 (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃
Isaiah 5:7-8
Lamentations 3:34
34 לדכא תחת רגליו כל אסירי ארץ׃
Ezekiel 22:29
29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃
Amos 4:1-3
Micah 2:2
2 וחמדו שׂדות וגזלו ובתים ונשׂאו ועשׁקו גבר וביתו ואישׁ ונחלתו׃
Micah 2:9
9 נשׁי עמי תגרשׁון מבית תענגיה מעל עלליה תקחו הדרי לעולם׃
Ecclesiastes 5:13-14
Isaiah 57:20-21
Job 15:29
29 לא יעשׁר ולא יקום חילו ולא יטה לארץ מנלם׃
Job 18:19
19 לא נין לו ולא נכד בעמו ואין שׂריד במגוריו׃
Jeremiah 17:11
11 קרא דגר ולא ילד עשׂה עשׁר ולא במשׁפט בחצי ימו יעזבנו ובאחריתו יהיה נבל׃
2 Kings 24:2
2 וישׁלח יהוה בו את גדודי כשׂדים ואת גדודי ארם ואת גדודי מואב ואת גדודי בני עמון וישׁלחם ביהודה להאבידו כדבר יהוה אשׁר דבר ביד עבדיו הנביאים׃
Job 1:15
15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃
Job 1:17
17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃
Job 3:17
17 שׁם רשׁעים חדלו רגז ושׁם ינוחו יגיעי כח׃
Job 16:11
11 יסגירני אל אל עויל ועל ידי רשׁעים ירטני׃
Job 18:7
7 יצרו צעדי אונו ותשׁליכהו עצתו׃
Psalms 39:5
5 (39:6) הנה טפחות נתתה ימי וחלדי כאין נגדך אך כל הבל כל אדם נצב סלה׃
Ecclesiastes 2:18-20
Isaiah 10:6
6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃
Genesis 19:24
24 ויהוה המטיר על סדם ועל עמרה גפרית ואשׁ מאת יהוה מן השׁמים׃
Exodus 9:23
23 ויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים׃
Numbers 11:33
33 הבשׂר עודנו בין שׁניהם טרם יכרת ואף יהוה חרה בעם ויך יהוה בעם מכה רבה מאד׃
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 78:30-31
Isaiah 21:4
4 תעה לבבי פלצות בעתתני את נשׁף חשׁקי שׂם לי לחרדה׃
2 Samuel 22:35
35 מלמד ידי למלחמה ונחת קשׁת נחושׁה זרעתי׃
1 Kings 20:30
30 וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃
Proverbs 7:23
23 עד יפלח חץ כבדו כמהר צפור אל פח ולא ידע כי בנפשׁו הוא׃
Isaiah 24:18
18 והיה הנס מקול הפחד יפל אל הפחת והעולה מתוך הפחת ילכד בפח כי ארבות ממרום נפתחו וירעשׁו מוסדי ארץ׃
Jeremiah 48:43-44
Amos 5:19
19 כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃
Amos 9:1-3
Deuteronomy 32:41
41 אם שׁנותי ברק חרבי ותאחז במשׁפט ידי אשׁיב נקם לצרי ולמשׂנאי אשׁלם׃
2 Samuel 18:14
14 ויאמר יואב לא כן אחילה לפניך ויקח שׁלשׁה שׁבטים בכפו ויתקעם בלב אבשׁלום עודנו חי בלב האלה׃
Job 6:4
4 כי חצי שׁדי עמדי אשׁר חמתם שׁתה רוחי בעותי אלוה יערכוני׃
Job 15:21
21 קול פחדים באזניו בשׁלום שׁודד יבואנו׃
Job 16:13
13 יסבו עלי רביו יפלח כליותי ולא יחמול ישׁפך לארץ מררתי׃
Job 18:11
11 סביב בעתהו בלהות והפיצהו לרגליו׃
Job 27:20
20 תשׂיגהו כמים בלהות לילה גנבתו סופה׃
Psalms 7:12
12 (7:13) אם לא ישׁוב חרבו ילטושׁ קשׁתו דרך ויכוננה׃
Psalms 73:19
19 איך היו לשׁמה כרגע ספו תמו מן בלהות׃
Psalms 88:15
15 (88:16) עני אני וגוע מנער נשׂאתי אמיך אפונה׃
Jeremiah 20:3-4
Job 18:18-19
Psalms 21:9
9 (21:10) תשׁיתמו כתנור אשׁ לעת פניך יהוה באפו יבלעם ותאכלם אשׁ׃
Psalms 109:9-15
Psalms 120:4
4 חצי גבור שׁנונים עם גחלי רתמים׃
Isaiah 8:22
22 ואל ארץ יביט והנה צרה וחשׁכה מעוף צוקה ואפלה מנדח׃
Isaiah 14:20-22
Isaiah 30:33
33 כי ערוך מאתמול תפתה גם הוא למלך הוכן העמיק הרחב מדרתה אשׁ ועצים הרבה נשׁמת יהוה כנחל גפרית בערה׃
Deuteronomy 31:28
28 הקהילו אלי את כל זקני שׁבטיכם ושׁטריכם ואדברה באזניהם את הדברים האלה ואעידה בם את השׁמים ואת הארץ׃
Job 16:18
18 ארץ אל תכסי דמי ואל יהי מקום לזעקתי׃
Psalms 44:20-21
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Jeremiah 29:23
23 יען אשׁר עשׂו נבלה בישׂראל וינאפו את נשׁי רעיהם וידברו דבר בשׁמי שׁקר אשׁר לוא צויתם ואנכי הוידע ועד נאם יהוה׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Deuteronomy 28:31
31 שׁורך טבוח לעיניך ולא תאכל ממנו חמרך גזול מלפניך ולא ישׁוב לך צאנך נתנות לאיביך ואין לך מושׁיע׃
2 Kings 20:17
17 הנה ימים באים ונשׂא כל אשׁר בביתך ואשׁר אצרו אבתיך עד היום הזה בבלה לא יותר דבר אמר יהוה׃
Job 5:5
5 אשׁר קצירו רעב יאכל ואל מצנים יקחהו ושׁאף צמים חילם׃
Job 20:18-22
Job 21:30
30 כי ליום איד יחשׂך רע ליום עברות יובלו׃
Job 27:14-19
Proverbs 11:4
4 לא יועיל הון ביום עברה וצדקה תציל ממות׃
Zephaniah 1:18
18 גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃
Deuteronomy 29:20-28
20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃21 (29:20) והבדילו יהוה לרעה מכל שׁבטי ישׂראל ככל אלות הברית הכתובה בספר התורה הזה׃22 (29:21) ואמר הדור האחרון בניכם אשׁר יקומו מאחריכם והנכרי אשׁר יבא מארץ רחוקה וראו את מכות הארץ ההוא ואת תחלאיה אשׁר חלה יהוה׃23 (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃24 (29:23) ואמרו כל הגוים על מה עשׂה יהוה ככה לארץ הזאת מה חרי האף הגדול הזה׃25 (29:24) ואמרו על אשׁר עזבו את ברית יהוה אלהי אבתם אשׁר כרת עמם בהוציאו אתם מארץ מצרים׃26 (29:25) וילכו ויעבדו אלהים אחרים וישׁתחוו להם אלהים אשׁר לא ידעום ולא חלק׃27 (29:26) ויחר אף יהוה בארץ ההוא להביא עליה את כל הקללה הכתובה בספר הזה׃28 (29:27) ויתשׁם יהוה מעל אדמתם באף ובחמה ובקצף גדול וישׁלכם אל ארץ אחרת כיום הזה׃
Job 18:21
21 אך אלה משׁכנות עול וזה מקום לא ידע אל׃
Job 27:13
13 זה חלק אדם רשׁע עם אל ונחלת עריצים משׁדי יקחו׃
Job 31:2-3
Psalms 11:5-6
Lamentations 3:38
38 מפי עליון לא תצא הרעות והטוב׃