Job 24:2-12

HOT^{(i) 2} גבלות ישׂיגו עדר גזלו וירעו׃ ³ חמור יתומים ינהגו יחבלו שׁור אלמנה׃ ⁴ יטו אביונים מדרך יחד חבאו עניי ארץ׃ ⁵ הן פראים במדבר יצאו בפעלם משׁחרי לטרף ערבה לו לחם לנערים׃ ⁶ בשׂדה בלילו יקצירו וכרם רשׁע ילקשׁו׃ ⁷ ערום ילינו מבלי לבושׁ ואין כסות בקרה׃ ⁸ מזרם הרים ירטבו ומבלי מחסה חבקו צור׃ ⁹ יגזלו משׁד יתום ועל עני יחבלו׃ ¹⁰ ערום הלכו בלי לבושׁ ורעבים נשׂאו עמר׃ ¹¹ בין שׁורתם יצהירו יקבים דרכו ויצמאו׃ ¹² מעיר מתים ינאקו ונפשׁ חללים תשׁוע ואלוה לא ישׂים תפלה׃