Job 13 Cross References - HOT

1 הן כל ראתה עיני שׁמעה אזני ותבן׃2 כדעתכם ידעתי גם אני לא נפל אנכי מכם׃3 אולם אני אל שׁדי אדבר והוכח אל אל אחפץ׃4 ואולם אתם טפלי שׁקר רפאי אלל כלכם׃5 מי יתן החרשׁ תחרישׁון ותהי לכם לחכמה׃6 שׁמעו נא תוכחתי ורבות שׂפתי הקשׁיבו׃7 הלאל תדברו עולה ולו תדברו רמיה׃8 הפניו תשׂאון אם לאל תריבון׃9 הטוב כי יחקר אתכם אם כהתל באנושׁ תהתלו׃10 הוכח יוכיח אתכם אם בסתר פנים תשׂאון׃11 הלא שׂאתו תבעת אתכם ופחדו יפל עליכם׃12 זכרניכם משׁלי אפר לגבי חמר גביכם׃13 החרישׁו ממני ואדברה אני ויעבר עלי מה׃14 על מה אשׂא בשׂרי בשׁני ונפשׁי אשׂים בכפי׃15 הן יקטלני לא איחל אך דרכי אל פניו אוכיח׃16 גם הוא לי לישׁועה כי לא לפניו חנף יבוא׃17 שׁמעו שׁמוע מלתי ואחותי באזניכם׃18 הנה נא ערכתי משׁפט ידעתי כי אני אצדק׃19 מי הוא יריב עמדי כי עתה אחרישׁ ואגוע׃20 אך שׁתים אל תעשׂ עמדי אז מפניך לא אסתר׃21 כפך מעלי הרחק ואמתך אל תבעתני׃22 וקרא ואנכי אענה או אדבר והשׁיבני׃23 כמה לי עונות וחטאות פשׁעי וחטאתי הדיעני׃24 למה פניך תסתיר ותחשׁבני לאויב׃25 העלה נדף תערוץ ואת קשׁ יבשׁ תרדף׃26 כי תכתב עלי מררות ותורישׁני עונות נעורי׃27 ותשׂם בסד רגלי ותשׁמור כל ארחותי על שׁרשׁי רגלי תתחקה׃28 והוא כרקב יבלה כבגד אכלו עשׁ׃

Job 4:12

12 ואלי דבר יגנב ותקח אזני שׁמץ מנהו׃

Job 5:9-16

9 עשׂה גדלות ואין חקר נפלאות עד אין מספר׃10 הנתן מטר על פני ארץ ושׁלח מים על פני חוצות׃11 לשׂום שׁפלים למרום וקדרים שׂגבו ישׁע׃12 מפר מחשׁבות ערומים ולא תעשׂינה ידיהם תושׁיה׃13 לכד חכמים בערמם ועצת נפתלים נמהרה׃14 יומם יפגשׁו חשׁך וכלילה ימשׁשׁו בצהרים׃15 וישׁע מחרב מפיהם ומיד חזק אביון׃16 ותהי לדל תקוה ועלתה קפצה פיה׃

Job 5:27

27 הנה זאת חקרנוה כן היא שׁמענה ואתה דע׃

Job 8:8-10

8 כי שׁאל נא לדר רישׁון וכונן לחקר אבותם׃9 כי תמול אנחנו ולא נדע כי צל ימינו עלי ארץ׃10 הלא הם יורוך יאמרו לך ומלבם יוצאו מלים׃

Job 12:9-25

9 מי לא ידע בכל אלה כי יד יהוה עשׂתה זאת׃10 אשׁר בידו נפשׁ כל חי ורוח כל בשׂר אישׁ׃11 הלא אזן מלין תבחן וחך אכל יטעם׃12 בישׁישׁים חכמה וארך ימים תבונה׃13 עמו חכמה וגבורה לו עצה ותבונה׃14 הן יהרוס ולא יבנה יסגר על אישׁ ולא יפתח׃15 הן יעצר במים ויבשׁו וישׁלחם ויהפכו ארץ׃16 עמו עז ותושׁיה לו שׁגג ומשׁגה׃17 מוליך יועצים שׁולל ושׁפטים יהולל׃18 מוסר מלכים פתח ויאסר אזור במתניהם׃19 מוליך כהנים שׁולל ואתנים יסלף׃20 מסיר שׂפה לנאמנים וטעם זקנים יקח׃21 שׁופך בוז על נדיבים ומזיח אפיקים רפה׃22 מגלה עמקות מני חשׁך ויצא לאור צלמות׃23 משׂגיא לגוים ויאבדם שׁטח לגוים וינחם׃24 מסיר לב ראשׁי עם הארץ ויתעם בתהו לא דרך׃25 ימשׁשׁו חשׁך ולא אור ויתעם כשׁכור׃

Job 15:17-18

17 אחוך שׁמע לי וזה חזיתי ואספרה׃18 אשׁר חכמים יגידו ולא כחדו מאבותם׃

Job 42:3-6

3 מי זה מעלים עצה בלי דעת לכן הגדתי ולא אבין נפלאות ממני ולא אדע׃4 שׁמע נא ואנכי אדבר אשׁאלך והודיעני׃5 לשׁמע אזן שׁמעתיך ועתה עיני ראתך׃6 על כן אמאס ונחמתי על עפר ואפר׃

Psalms 78:3-4

3 אשׁר שׁמענו ונדעם ואבותינו ספרו׃4 לא נכחד מבניהם לדור אחרון מספרים תהלות יהוה ועזוזו ונפלאותיו אשׁר עשׂה׃

Job 12:3

3 גם לי לבב כמוכם לא נפל אנכי מכם ואת מי אין כמו אלה׃

Job 15:8-9

8 הבסוד אלוה תשׁמע ותגרע אליך חכמה׃9 מה ידעת ולא נדע תבין ולא עמנו הוא׃

Job 34:35

35 איוב לא בדעת ידבר ודבריו לא בהשׂכיל׃

Job 35:16

16 ואיוב הבל יפצה פיהו בבלי דעת מלין יכבר׃

Job 37:2

2 שׁמעו שׁמוע ברגז קלו והגה מפיו יצא׃

Job 40:4-5

4 הן קלתי מה אשׁיבך ידי שׂמתי למו פי׃5 אחת דברתי ולא אענה ושׁתים ולא אוסיף׃

Job 42:7

7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃

Job 9:3

3 אם יחפץ לריב עמו לא יעננו אחת מני אלף׃

Job 9:14-15

14 אף כי אנכי אעננו אבחרה דברי עמו׃15 אשׁר אם צדקתי לא אענה למשׁפטי אתחנן׃

Job 9:34-35

34 יסר מעלי שׁבטו ואמתו אל תבעתני׃35 אדברה ולא איראנו כי לא כן אנכי עמדי׃

Job 11:5

5 ואולם מי יתן אלוה דבר ויפתח שׂפתיו עמך׃

Job 13:15

15 הן יקטלני לא איחל אך דרכי אל פניו אוכיח׃

Job 13:22

22 וקרא ואנכי אענה או אדבר והשׁיבני׃

Job 23:3-7

3 מי יתן ידעתי ואמצאהו אבוא עד תכונתו׃4 אערכה לפניו משׁפט ופי אמלא תוכחות׃5 אדעה מלים יענני ואבינה מה יאמר׃6 הברב כח יריב עמדי לא אך הוא ישׂם׃7 שׁם ישׁר נוכח עמו ואפלטה לנצח משׁפטי׃

Job 31:35

35 מי יתן לי שׁמע לי הן תוי שׁדי יענני וספר כתב אישׁ ריבי׃

Isaiah 1:18-20

18 לכו נא ונוכחה יאמר יהוה אם יהיו חטאיכם כשׁנים כשׁלג ילבינו אם יאדימו כתולע כצמר יהיו׃19 אם תאבו ושׁמעתם טוב הארץ תאכלו׃20 ואם תמאנו ומריתם חרב תאכלו כי פי יהוה דבר׃

Isaiah 41:21

21 קרבו ריבכם יאמר יהוה הגישׁו עצמותיכם יאמר מלך יעקב׃

Jeremiah 12:1-2

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃2 נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃

Micah 6:2

2 שׁמעו הרים את ריב יהוה והאתנים מסדי ארץ כי ריב ליהוה עם עמו ועם ישׂראל יתוכח׃

Exodus 20:16

16 לא תענה ברעך עד שׁקר׃

Job 4:7-11

7 זכר נא מי הוא נקי אבד ואיפה ישׁרים נכחדו׃8 כאשׁר ראיתי חרשׁי און וזרעי עמל יקצרהו׃9 מנשׁמת אלוה יאבדו ומרוח אפו יכלו׃10 שׁאגת אריה וקול שׁחל ושׁני כפירים נתעו׃11 לישׁ אבד מבלי טרף ובני לביא יתפרדו׃

Job 5:1-5

1 קרא נא הישׁ עונך ואל מי מקדשׁים תפנה׃2 כי לאויל יהרג כעשׂ ופתה תמית קנאה׃3 אני ראיתי אויל משׁרישׁ ואקוב נוהו פתאם׃4 ירחקו בניו מישׁע וידכאו בשׁער ואין מציל׃5 אשׁר קצירו רעב יאכל ואל מצנים יקחהו ושׁאף צמים חילם׃

Job 6:21

21 כי עתה הייתם לא תראו חתת ותיראו׃

Job 8:3-4

3 האל יעות משׁפט ואם שׁדי יעות צדק׃4 אם בניך חטאו לו וישׁלחם ביד פשׁעם׃

Job 16:2

2 שׁמעתי כאלה רבות מנחמי עמל כלכם׃

Job 18:5-21

5 גם אור רשׁעים ידעך ולא יגה שׁביב אשׁו׃6 אור חשׁך באהלו ונרו עליו ידעך׃7 יצרו צעדי אונו ותשׁליכהו עצתו׃8 כי שׁלח ברשׁת ברגליו ועל שׂבכה יתהלך׃9 יאחז בעקב פח יחזק עליו צמים׃10 טמון בארץ חבלו ומלכדתו עלי נתיב׃11 סביב בעתהו בלהות והפיצהו לרגליו׃12 יהי רעב אנו ואיד נכון לצלעו׃13 יאכל בדי עורו יאכל בדיו בכור מות׃14 ינתק מאהלו מבטחו ותצעדהו למלך בלהות׃15 תשׁכון באהלו מבלי לו יזרה על נוהו גפרית׃16 מתחת שׁרשׁיו יבשׁו וממעל ימל קצירו׃17 זכרו אבד מני ארץ ולא שׁם לו על פני חוץ׃18 יהדפהו מאור אל חשׁך ומתבל ינדהו׃19 לא נין לו ולא נכד בעמו ואין שׂריד במגוריו׃20 על יומו נשׁמו אחרנים וקדמנים אחזו שׂער׃21 אך אלה משׁכנות עול וזה מקום לא ידע אל׃

Job 21:27-34

27 הן ידעתי מחשׁבותיכם ומזמות עלי תחמסו׃28 כי תאמרו איה בית נדיב ואיה אהל משׁכנות רשׁעים׃29 הלא שׁאלתם עוברי דרך ואתתם לא תנכרו׃30 כי ליום איד יחשׂך רע ליום עברות יובלו׃31 מי יגיד על פניו דרכו והוא עשׂה מי ישׁלם׃32 והוא לקברות יובל ועל גדישׁ ישׁקוד׃33 מתקו לו רגבי נחל ואחריו כל אדם ימשׁוך ולפניו אין מספר׃34 ואיך תנחמוני הבל ותשׁובתיכם נשׁאר מעל׃

Job 22:6-30

6 כי תחבל אחיך חנם ובגדי ערומים תפשׁיט׃7 לא מים עיף תשׁקה ומרעב תמנע לחם׃8 ואישׁ זרוע לו הארץ ונשׂוא פנים ישׁב׃9 אלמנות שׁלחת ריקם וזרעות יתמים ידכא׃10 על כן סביבותיך פחים ויבהלך פחד פתאם׃11 או חשׁך לא תראה ושׁפעת מים תכסך׃12 הלא אלוה גבה שׁמים וראה ראשׁ כוכבים כי רמו׃13 ואמרת מה ידע אל הבעד ערפל ישׁפוט׃14 עבים סתר לו ולא יראה וחוג שׁמים יתהלך׃15 הארח עולם תשׁמר אשׁר דרכו מתי און׃16 אשׁר קמטו ולא עת נהר יוצק יסודם׃17 האמרים לאל סור ממנו ומה יפעל שׁדי׃18 והוא מלא בתיהם טוב ועצת רשׁעים רחקה מני׃19 יראו צדיקים וישׂמחו ונקי ילעג׃20 אם לא נכחד קימנו ויתרם אכלה אשׁ׃21 הסכן נא עמו ושׁלם בהם תבואתך טובה׃22 קח נא מפיו תורה ושׂים אמריו בלבבך׃23 אם תשׁוב עד שׁדי תבנה תרחיק עולה מאהלך׃24 ושׁית על עפר בצר ובצור נחלים אופיר׃25 והיה שׁדי בצריך וכסף תועפות׃26 כי אז על שׁדי תתענג ותשׂא אל אלוה פניך׃27 תעתיר אליו וישׁמעך ונדריך תשׁלם׃28 ותגזר אומר ויקם לך ועל דרכיך נגה אור׃29 כי השׁפילו ותאמר גוה ושׁח עינים יושׁע׃30 ימלט אי נקי ונמלט בבר כפיך׃

Psalms 119:69

69 טפלו עלי שׁקר זדים אני בכל לב אצר פקודיך׃

Jeremiah 6:14

14 וירפאו את שׁבר עמי על נקלה לאמר שׁלום שׁלום ואין שׁלום׃

Jeremiah 8:22

22 הצרי אין בגלעד אם רפא אין שׁם כי מדוע לא עלתה ארכת בת עמי׃

Jeremiah 23:32

32 הנני על נבאי חלמות שׁקר נאם יהוה ויספרום ויתעו את עמי בשׁקריהם ובפחזותם ואנכי לא שׁלחתים ולא צויתים והועיל לא יועילו לעם הזה נאם יהוה׃

Jeremiah 30:13

13 אין דן דינך למזור רפאות תעלה אין׃

Jeremiah 46:11

11 עלי גלעד וקחי צרי בתולת בת מצרים לשׁוא הרביתי רפאות תעלה אין׃

Ezekiel 34:4

4 את הנחלות לא חזקתם ואת החולה לא רפאתם ולנשׁברת לא חבשׁתם ואת הנדחת לא השׁבתם ואת האבדת לא בקשׁתם ובחזקה רדיתם אתם ובפרך׃

Hosea 5:13

13 וירא אפרים את חליו ויהודה את מזרו וילך אפרים אל אשׁור וישׁלח אל מלך ירב והוא לא יוכל לרפא לכם ולא יגהה מכם מזור׃

Job 11:3

3 בדיך מתים יחרישׁו ותלעג ואין מכלם׃

Job 13:13

13 החרישׁו ממני ואדברה אני ויעבר עלי מה׃

Job 16:3

3 הקץ לדברי רוח או מה ימריצך כי תענה׃

Job 18:2

2 עד אנה תשׂימון קנצי למלין תבינו ואחר נדבר׃

Job 19:2

2 עד אנה תוגיון נפשׁי ותדכאונני במלים׃

Job 21:2-3

2 שׁמעו שׁמוע מלתי ותהי זאת תנחומתיכם׃3 שׂאוני ואנכי אדבר ואחר דברי תלעיג׃

Job 32:1

1 וישׁבתו שׁלשׁת האנשׁים האלה מענות את איוב כי הוא צדיק בעיניו׃

Proverbs 17:28

28 גם אויל מחרישׁ חכם יחשׁב אטם שׂפתיו נבון׃

Ecclesiastes 5:3

3 (5:2) כי בא החלום ברב ענין וקול כסיל ברב דברים׃

Amos 5:13

13 לכן המשׂכיל בעת ההיא ידם כי עת רעה היא׃

Judges 9:7

7 ויגדו ליותם וילך ויעמד בראשׁ הר גרזים וישׂא קולו ויקרא ויאמר להם שׁמעו אלי בעלי שׁכם וישׁמע אליכם אלהים׃

Job 33:1-3

1 ואולם שׁמע נא איוב מלי וכל דברי האזינה׃2 הנה נא פתחתי פי דברה לשׁוני בחכי׃3 ישׁר לבי אמרי ודעת שׂפתי ברור מללו׃

Job 34:2

2 שׁמעו חכמים מלי וידעים האזינו׃

Proverbs 8:6-7

6 שׁמעו כי נגידים אדבר ומפתח שׂפתי מישׁרים׃7 כי אמת יהגה חכי ותועבת שׂפתי רשׁע׃

Job 4:7

7 זכר נא מי הוא נקי אבד ואיפה ישׁרים נכחדו׃

Job 11:2-4

2 הרב דברים לא יענה ואם אישׁ שׂפתים יצדק׃3 בדיך מתים יחרישׁו ותלעג ואין מכלם׃4 ותאמר זך לקחי ובר הייתי בעיניך׃

Job 17:5

5 לחלק יגיד רעים ועיני בניו תכלנה׃

Job 27:4

4 אם תדברנה שׂפתי עולה ולשׁוני אם יהגה רמיה׃

Job 32:21-22

21 אל נא אשׂא פני אישׁ ואל אדם לא אכנה׃22 כי לא ידעתי אכנה כמעט ישׂאני עשׂני׃

Job 36:4

4 כי אמנם לא שׁקר מלי תמים דעות עמך׃

Exodus 23:2-3

2 לא תהיה אחרי רבים לרעת ולא תענה על רב לנטת אחרי רבים להטת׃3 ודל לא תהדר בריבו׃

Leviticus 19:15

15 לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃

Job 32:21

21 אל נא אשׂא פני אישׁ ואל אדם לא אכנה׃

Job 34:19

19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃

Proverbs 24:23

23 גם אלה לחכמים הכר פנים במשׁפט בל טוב׃

Malachi 2:9

9 וגם אני נתתי אתכם נבזים ושׁפלים לכל העם כפי אשׁר אינכם שׁמרים את דרכי ונשׂאים פנים בתורה׃

Job 12:16

16 עמו עז ותושׁיה לו שׁגג ומשׁגה׃

Job 17:2

2 אם לא התלים עמדי ובהמרותם תלן עיני׃

Job 34:36

36 אבי יבחן איוב עד נצח על תשׁבת באנשׁי און׃

Psalms 44:21

21 (44:22) הלא אלהים יחקר זאת כי הוא ידע תעלמות לב׃

Psalms 139:23

23 חקרני אל ודע לבבי בחנני ודע שׂרעפי׃

Isaiah 28:22

22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃

Jeremiah 17:10

10 אני יהוה חקר לב בחן כליות ולתת לאישׁ כדרכו כפרי מעלליו׃

Job 42:7-8

7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃

Psalms 50:21-22

21 אלה עשׂית והחרשׁתי דמית היות אהיה כמוך אוכיחך ואערכה לעיניך׃22 בינו נא זאת שׁכחי אלוה פן אטרף ואין מציל׃

Psalms 82:2

2 עד מתי תשׁפטו עול ופני רשׁעים תשׂאו סלה׃

Exodus 15:16

16 תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

Job 13:21

21 כפך מעלי הרחק ואמתך אל תבעתני׃

Job 31:23

23 כי פחד אלי איד אל ומשׂאתו לא אוכל׃

Psalms 119:120

120 סמר מפחדך בשׂרי וממשׁפטיך יראתי׃

Isaiah 8:13

13 את יהוה צבאות אתו תקדישׁו והוא מוראכם והוא מערצכם׃

Jeremiah 5:22

22 האותי לא תיראו נאם יהוה אם מפני לא תחילו אשׁר שׂמתי חול גבול לים חק עולם ולא יעברנהו ויתגעשׁו ולא יוכלו והמו גליו ולא יעברנהו׃

Jeremiah 10:10

10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃

Genesis 2:7

7 וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה׃

Genesis 18:27

27 ויען אברהם ויאמר הנה נא הואלתי לדבר אל אדני ואנכי עפר ואפר׃

Exodus 17:14

14 ויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים׃

Job 4:19

19 אף שׁכני בתי חמר אשׁר בעפר יסודם ידכאום לפני עשׁ׃

Job 18:17

17 זכרו אבד מני ארץ ולא שׁם לו על פני חוץ׃

Psalms 34:16

16 (34:17) פני יהוה בעשׂי רע להכרית מארץ זכרם׃

Psalms 102:12

12 (102:13) ואתה יהוה לעולם תשׁב וזכרך לדר ודר׃

Psalms 109:15

15 יהיו נגד יהוה תמיד ויכרת מארץ זכרם׃

Proverbs 10:7

7 זכר צדיק לברכה ושׁם רשׁעים ירקב׃

Isaiah 26:14

14 מתים בל יחיו רפאים בל יקמו לכן פקדת ותשׁמידם ותאבד כל זכר׃

Job 6:9-10

9 ויאל אלוה וידכאני יתר ידו ויבצעני׃10 ותהי עוד נחמתי ואסלדה בחילה לא יחמול כי לא כחדתי אמרי קדושׁ׃

Job 7:11

11 גם אני לא אחשׂך פי אדברה בצר רוחי אשׂיחה במר נפשׁי׃

Job 7:15-16

15 ותבחר מחנק נפשׁי מות מעצמותי׃16 מאסתי לא לעלם אחיה חדל ממני כי הבל ימי׃

Job 10:1

1 נקטה נפשׁי בחיי אעזבה עלי שׂיחי אדברה במר נפשׁי׃

Job 13:5

5 מי יתן החרשׁ תחרישׁון ותהי לכם לחכמה׃

Job 21:3

3 שׂאוני ואנכי אדבר ואחר דברי תלעיג׃

Judges 12:3

3 ואראה כי אינך מושׁיע ואשׂימה נפשׁי בכפי ואעברה אל בני עמון ויתנם יהוה בידי ולמה עליתם אלי היום הזה להלחם׃

1 Samuel 19:5

5 וישׂם את נפשׁו בכפו ויך את הפלשׁתי ויעשׂ יהוה תשׁועה גדולה לכל ישׂראל ראית ותשׂמח ולמה תחטא בדם נקי להמית את דוד חנם׃

1 Samuel 28:21

21 ותבוא האשׁה אל שׁאול ותרא כי נבהל מאד ותאמר אליו הנה שׁמעה שׁפחתך בקולך ואשׂים נפשׁי בכפי ואשׁמע את דבריך אשׁר דברת אלי׃

Job 18:4

4 טרף נפשׁו באפו הלמענך תעזב ארץ ויעתק צור ממקמו׃

Psalms 119:109

109 נפשׁי בכפי תמיד ותורתך לא שׁכחתי׃

Ecclesiastes 4:5

5 הכסיל חבק את ידיו ואכל את בשׂרו׃

Isaiah 9:20

20 (9:19) ויגזר על ימין ורעב ויאכל על שׂמאול ולא שׂבעו אישׁ בשׂר זרעו יאכלו׃

Isaiah 49:26

26 והאכלתי את מוניך את בשׂרם וכעסיס דמם ישׁכרון וידעו כל בשׂר כי אני יהוה מושׁיעך וגאלך אביר יעקב׃

Job 7:6

6 ימי קלו מני ארג ויכלו באפס תקוה׃

Job 10:7

7 על דעתך כי לא ארשׁע ואין מידך מציל׃

Job 13:18

18 הנה נא ערכתי משׁפט ידעתי כי אני אצדק׃

Job 16:17

17 על לא חמס בכפי ותפלתי זכה׃

Job 16:21

21 ויוכח לגבר עם אלוה ובן אדם לרעהו׃

Job 19:25-28

25 ואני ידעתי גאלי חי ואחרון על עפר יקום׃26 ואחר עורי נקפו זאת ומבשׂרי אחזה אלוה׃27 אשׁר אני אחזה לי ועיני ראו ולא זר כלו כליתי בחקי׃28 כי תאמרו מה נרדף לו ושׁרשׁ דבר נמצא׃

Job 23:10

10 כי ידע דרך עמדי בחנני כזהב אצא׃

Job 27:5

5 חלילה לי אם אצדיק אתכם עד אגוע לא אסיר תמתי ממני׃

Job 31:31-37

31 אם לא אמרו מתי אהלי מי יתן מבשׂרו לא נשׂבע׃32 בחוץ לא ילין גר דלתי לארח אפתח׃33 אם כסיתי כאדם פשׁעי לטמון בחבי עוני׃34 כי אערוץ המון רבה ובוז משׁפחות יחתני ואדם לא אצא פתח׃35 מי יתן לי שׁמע לי הן תוי שׁדי יענני וספר כתב אישׁ ריבי׃36 אם לא על שׁכמי אשׂאנו אענדנו עטרות׃37 מספר צעדי אגידנו כמו נגיד אקרבנו׃

Job 40:2

2 הרב עם שׁדי יסור מוכיח אלוה יעננה׃

Job 40:8

8 האף תפר משׁפטי תרשׁיעני למען תצדק׃

Psalms 23:4

4 גם כי אלך בגיא צלמות לא אירא רע כי אתה עמדי שׁבטך ומשׁענתך המה ינחמני׃

Proverbs 14:32

32 ברעתו ידחה רשׁע וחסה במותו צדיק׃

Exodus 15:2

2 עזי וזמרת יה ויהי לי לישׁועה זה אלי ואנוהו אלהי אבי וארממנהו׃

Job 8:13

13 כן ארחות כל שׁכחי אל ותקות חנף תאבד׃

Job 27:8-10

8 כי מה תקות חנף כי יבצע כי ישׁל אלוה נפשׁו׃9 הצעקתו ישׁמע אל כי תבוא עליו צרה׃10 אם על שׁדי יתענג יקרא אלוה בכל עת׃

Job 36:13

13 וחנפי לב ישׂימו אף לא ישׁועו כי אסרם׃

Psalms 27:1

1 לדוד יהוה אורי וישׁעי ממי אירא יהוה מעוז חיי ממי אפחד׃

Psalms 62:6-7

6 (62:7) אך הוא צורי וישׁועתי משׂגבי לא אמוט׃7 (62:8) על אלהים ישׁעי וכבודי צור עזי מחסי באלהים׃

Psalms 118:14

14 עזי וזמרת יה ויהי לי לישׁועה׃

Psalms 118:21

21 אודך כי עניתני ותהי לי לישׁועה׃

Isaiah 12:1-2

1 ואמרת ביום ההוא אודך יהוה כי אנפת בי ישׁב אפך ותנחמני׃2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃

Isaiah 33:14

14 פחדו בציון חטאים אחזה רעדה חנפים מי יגור לנו אשׁ אוכלה מי יגור לנו מוקדי עולם׃

Jeremiah 3:23

23 אכן לשׁקר מגבעות המון הרים אכן ביהוה אלהינו תשׁועת ישׂראל׃

Job 13:6

6 שׁמעו נא תוכחתי ורבות שׂפתי הקשׁיבו׃

Job 21:2

2 שׁמעו שׁמוע מלתי ותהי זאת תנחומתיכם׃

Job 33:1

1 ואולם שׁמע נא איוב מלי וכל דברי האזינה׃

Job 9:2-3

2 אמנם ידעתי כי כן ומה יצדק אנושׁ עם אל׃3 אם יחפץ לריב עמו לא יעננו אחת מני אלף׃

Job 9:20

20 אם אצדק פי ירשׁיעני תם אני ויעקשׁני׃

Job 23:4

4 אערכה לפניו משׁפט ופי אמלא תוכחות׃

Job 40:7-8

7 אזר נא כגבר חלציך אשׁאלך והודיעני׃8 האף תפר משׁפטי תרשׁיעני למען תצדק׃

Isaiah 43:26

26 הזכירני נשׁפטה יחד ספר אתה למען תצדק׃

Job 10:8

8 ידיך עצבוני ויעשׂוני יחד סביב ותבלעני׃

Job 19:5

5 אם אמנם עלי תגדילו ותוכיחו עלי חרפתי׃

Job 33:5-7

5 אם תוכל השׁיבני ערכה לפני התיצבה׃6 הן אני כפיך לאל מחמר קרצתי גם אני׃7 הנה אמתי לא תבעתך ואכפי עליך לא יכבד׃

Job 33:32

32 אם ישׁ מלין השׁיבני דבר כי חפצתי צדקך׃

Isaiah 50:7-8

7 ואדני יהוה יעזר לי על כן לא נכלמתי על כן שׂמתי פני כחלמישׁ ואדע כי לא אבושׁ׃8 קרוב מצדיקי מי יריב אתי נעמדה יחד מי בעל משׁפטי יגשׁ אלי׃

Jeremiah 20:9

9 ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃

Genesis 3:8-10

8 וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן׃9 ויקרא יהוה אלהים אל האדם ויאמר לו איכה׃10 ויאמר את קלך שׁמעתי בגן ואירא כי עירם אנכי ואחבא׃

Psalms 139:12

12 גם חשׁך לא יחשׁיך ממך ולילה כיום יאיר כחשׁיכה כאורה׃

Job 9:34

34 יסר מעלי שׁבטו ואמתו אל תבעתני׃

Job 10:20

20 הלא מעט ימי יחדל ישׁית ממני ואבליגה מעט׃

Job 13:11

11 הלא שׂאתו תבעת אתכם ופחדו יפל עליכם׃

Job 22:15-17

15 הארח עולם תשׁמר אשׁר דרכו מתי און׃16 אשׁר קמטו ולא עת נהר יוצק יסודם׃17 האמרים לאל סור ממנו ומה יפעל שׁדי׃

Job 33:7

7 הנה אמתי לא תבעתך ואכפי עליך לא יכבד׃

Psalms 39:10

10 (39:11) הסר מעלי נגעך מתגרת ידך אני כליתי׃

Job 9:16

16 אם קראתי ויענני לא אאמין כי יאזין קולי׃

Job 9:32

32 כי לא אישׁ כמני אעננו נבוא יחדו במשׁפט׃

Job 14:15

15 תקרא ואנכי אענך למעשׂה ידיך תכסף׃

Job 38:3

3 אזר נא כגבר חלציך ואשׁאלך והודיעני׃

Job 22:5

5 הלא רעתך רבה ואין קץ לעונתיך׃

Job 36:8-9

8 ואם אסורים בזקים ילכדון בחבלי עני׃9 ויגד להם פעלם ופשׁעיהם כי יתגברו׃

Psalms 44:20-21

20 (44:21) אם שׁכחנו שׁם אלהינו ונפרשׂ כפינו לאל זר׃21 (44:22) הלא אלהים יחקר זאת כי הוא ידע תעלמות לב׃

Deuteronomy 32:20

20 ויאמר אסתירה פני מהם אראה מה אחריתם כי דור תהפכת המה בנים לא אמן׃

1 Samuel 28:16

16 ויאמר שׁמואל ולמה תשׁאלני ויהוה סר מעליך ויהי ערך׃

Job 10:2

2 אמר אל אלוה אל תרשׁיעני הודיעני על מה תריבני׃

Job 16:9

9 אפו טרף וישׂטמני חרק עלי בשׁניו צרי ילטושׁ עיניו׃

Job 19:11

11 ויחר עלי אפו ויחשׁבני לו כצריו׃

Job 29:2-3

2 מי יתנני כירחי קדם כימי אלוה ישׁמרני׃3 בהלו נרו עלי ראשׁי לאורו אלך חשׁך׃

Job 30:21

21 תהפך לאכזר לי בעצם ידך תשׂטמני׃

Job 33:10

10 הן תנואות עלי ימצא יחשׁבני לאויב׃

Psalms 10:1

1 למה יהוה תעמד ברחוק תעלים לעתות בצרה׃

Psalms 13:1

1 למנצח מזמור לדוד׃ (13:2) עד אנה יהוה תשׁכחני נצח עד אנה תסתיר את פניך ממני׃

Psalms 44:24

24 (44:25) למה פניך תסתיר תשׁכח ענינו ולחצנו׃

Psalms 77:6-9

6 (77:7) אזכרה נגינתי בלילה עם לבבי אשׂיחה ויחפשׂ רוחי׃7 (77:8) הלעולמים יזנח אדני ולא יסיף לרצות עוד׃8 (77:9) האפס לנצח חסדו גמר אמר לדר ודר׃9 (77:10) השׁכח חנות אל אם קפץ באף רחמיו סלה׃

Psalms 88:14

14 (88:15) למה יהוה תזנח נפשׁי תסתיר פניך ממני׃

Isaiah 8:17

17 וחכיתי ליהוה המסתיר פניו מבית יעקב וקויתי׃

Lamentations 2:5

5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃

Leviticus 26:36

36 והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃

1 Samuel 24:14

14 (24:15) אחרי מי יצא מלך ישׂראל אחרי מי אתה רדף אחרי כלב מת אחרי פרעשׁ אחד׃

Job 14:3

3 אף על זה פקחת עינך ואתי תביא במשׁפט עמך׃

Job 21:18

18 יהיו כתבן לפני רוח וכמץ גנבתו סופה׃

Isaiah 17:13

13 לאמים כשׁאון מים רבים ישׁאון וגער בו ונס ממרחק ורדף כמץ הרים לפני רוח וכגלגל לפני סופה׃

Ruth 1:20

20 ותאמר אליהן אל תקראנה לי נעמי קראן לי מרא כי המר שׁדי לי מאד׃

Job 3:20

20 למה יתן לעמל אור וחיים למרי נפשׁ׃

Job 20:11

11 עצמותיו מלאו עלומו ועמו על עפר תשׁכב׃

Psalms 25:7

7 חטאות נעורי ופשׁעי אל תזכר כחסדך זכר לי אתה למען טובך יהוה׃

Psalms 88:3-18

3 (88:4) כי שׂבעה ברעות נפשׁי וחיי לשׁאול הגיעו׃4 (88:5) נחשׁבתי עם יורדי בור הייתי כגבר אין איל׃5 (88:6) במתים חפשׁי כמו חללים שׁכבי קבר אשׁר לא זכרתם עוד והמה מידך נגזרו׃6 (88:7) שׁתני בבור תחתיות במחשׁכים במצלות׃7 (88:8) עלי סמכה חמתך וכל משׁבריך ענית סלה׃8 (88:9) הרחקת מידעי ממני שׁתני תועבות למו כלא ולא אצא׃9 (88:10) עיני דאבה מני עני קראתיך יהוה בכל יום שׁטחתי אליך כפי׃10 (88:11) הלמתים תעשׂה פלא אם רפאים יקומו יודוך סלה׃11 (88:12) היספר בקבר חסדך אמונתך באבדון׃12 (88:13) היודע בחשׁך פלאך וצדקתך בארץ נשׁיה׃13 (88:14) ואני אליך יהוה שׁועתי ובבקר תפלתי תקדמך׃14 (88:15) למה יהוה תזנח נפשׁי תסתיר פניך ממני׃15 (88:16) עני אני וגוע מנער נשׂאתי אמיך אפונה׃16 (88:17) עלי עברו חרוניך בעותיך צמתותני׃17 (88:18) סבוני כמים כל היום הקיפו עלי יחד׃18 (88:19) הרחקת ממני אהב ורע מידעי מחשׁך׃

Proverbs 5:11-13

11 ונהמת באחריתך בכלות בשׂרך ושׁארך׃12 ואמרת איך שׂנאתי מוסר ותוכחת נאץ לבי׃13 ולא שׁמעתי בקול מורי ולמלמדי לא הטיתי אזני׃

Jeremiah 31:19

19 כי אחרי שׁובי נחמתי ואחרי הודעי ספקתי על ירך בשׁתי וגם נכלמתי כי נשׂאתי חרפת נעורי׃

2 Chronicles 16:10-12

10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃11 והנה דברי אסא הראשׁונים והאחרונים הנם כתובים על ספר המלכים ליהודה וישׂראל׃12 ויחלא אסא בשׁנת שׁלושׁים ותשׁע למלכותו ברגליו עד למעלה חליו וגם בחליו לא דרשׁ את יהוה כי ברפאים׃

Job 2:7

7 ויצא השׂטן מאת פני יהוה ויך את איוב בשׁחין רע מכף רגלו עד קדקדו׃

Job 10:6

6 כי תבקשׁ לעוני ולחטאתי תדרושׁ׃

Job 14:16

16 כי עתה צעדי תספור לא תשׁמור על חטאתי׃

Job 33:11

11 ישׂם בסד רגלי ישׁמר כל ארחתי׃

Proverbs 7:22

22 הולך אחריה פתאם כשׁור אל טבח יבוא וכעכס אל מוסר אויל׃

Numbers 12:12

12 אל נא תהי כמת אשׁר בצאתו מרחם אמו ויאכל חצי בשׂרו׃

Job 30:17-19

17 לילה עצמי נקר מעלי וערקי לא ישׁכבון׃18 ברב כח יתחפשׂ לבושׁי כפי כתנתי יאזרני׃19 הרני לחמר ואתמשׁל כעפר ואפר׃

Job 30:29-30

29 אח הייתי לתנים ורע לבנות יענה׃30 עורי שׁחר מעלי ועצמי חרה מני חרב׃

Psalms 39:11

11 (39:12) בתוכחות על עון יסרת אישׁ ותמס כעשׁ חמודו אך הבל כל אדם סלה׃

Hosea 5:12

12 ואני כעשׁ לאפרים וכרקב לבית יהודה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.