1 אדם ילוד אשׁה קצר ימים ושׂבע רגז׃2 כציץ יצא וימל ויברח כצל ולא יעמוד׃3 אף על זה פקחת עינך ואתי תביא במשׁפט עמך׃4 מי יתן טהור מטמא לא אחד׃5 אם חרוצים ימיו מספר חדשׁיו אתך חקו עשׂית ולא יעבור׃6 שׁעה מעליו ויחדל עד ירצה כשׂכיר יומו׃7 כי ישׁ לעץ תקוה אם יכרת ועוד יחליף וינקתו לא תחדל׃8 אם יזקין בארץ שׁרשׁו ובעפר ימות גזעו׃9 מריח מים יפרח ועשׂה קציר כמו נטע׃10 וגבר ימות ויחלשׁ ויגוע אדם ואיו׃11 אזלו מים מני ים ונהר יחרב ויבשׁ׃12 ואישׁ שׁכב ולא יקום עד בלתי שׁמים לא יקיצו ולא יערו משׁנתם׃13 מי יתן בשׁאול תצפנני תסתירני עד שׁוב אפך תשׁית לי חק ותזכרני׃14 אם ימות גבר היחיה כל ימי צבאי איחל עד בוא חליפתי׃15 תקרא ואנכי אענך למעשׂה ידיך תכסף׃16 כי עתה צעדי תספור לא תשׁמור על חטאתי׃17 חתם בצרור פשׁעי ותטפל על עוני׃18 ואולם הר נופל יבול וצור יעתק ממקמו׃19 אבנים שׁחקו מים תשׁטף ספיחיה עפר ארץ ותקות אנושׁ האבדת׃20 תתקפהו לנצח ויהלך משׁנה פניו ותשׁלחהו׃21 יכבדו בניו ולא ידע ויצערו ולא יבין׃22 אך בשׂרו עליו יכאב ונפשׁו עליו תאבל׃
Job 14 Cross References - HOT
Genesis 47:9
9 ויאמר יעקב אל פרעה ימי שׁני מגורי שׁלשׁים ומאת שׁנה מעט ורעים היו ימי שׁני חיי ולא השׂיגו את ימי שׁני חיי אבתי בימי מגוריהם׃
Job 5:7
7 כי אדם לעמל יולד ובני רשׁף יגביהו עוף׃
Job 7:1
1 הלא צבא לאנושׁ על ארץ וכימי שׂכיר ימיו׃
Job 7:6
6 ימי קלו מני ארג ויכלו באפס תקוה׃
Job 9:25
25 וימי קלו מני רץ ברחו לא ראו טובה׃
Job 15:14
14 מה אנושׁ כי יזכה וכי יצדק ילוד אשׁה׃
Job 25:4
4 ומה יצדק אנושׁ עם אל ומה יזכה ילוד אשׁה׃
Psalms 39:5
5 (39:6) הנה טפחות נתתה ימי וחלדי כאין נגדך אך כל הבל כל אדם נצב סלה׃
Psalms 51:5
5 (51:7) הן בעוון חוללתי ובחטא יחמתני אמי׃
Ecclesiastes 2:17
17 ושׂנאתי את החיים כי רע עלי המעשׂה שׁנעשׂה תחת השׁמשׁ כי הכל הבל ורעות רוח׃
Ecclesiastes 2:23
23 כי כל ימיו מכאבים וכעס ענינו גם בלילה לא שׁכב לבו גם זה הבל הוא׃
1 Chronicles 29:15
15 כי גרים אנחנו לפניך ותושׁבים ככל אבתינו כצל ימינו על הארץ ואין מקוה׃
Job 8:9
9 כי תמול אנחנו ולא נדע כי צל ימינו עלי ארץ׃
Job 9:25-26
Psalms 90:5-9
Psalms 92:7
7 (92:8) בפרח רשׁעים כמו עשׂב ויציצו כל פעלי און להשׁמדם עדי עד׃
Psalms 92:12
12 (92:13) צדיק כתמר יפרח כארז בלבנון ישׂגה׃
Psalms 102:11
11 (102:12) ימי כצל נטוי ואני כעשׂב איבשׁ׃
Psalms 103:15-16
Psalms 144:4
4 אדם להבל דמה ימיו כצל עובר׃
Ecclesiastes 8:13
13 וטוב לא יהיה לרשׁע ולא יאריך ימים כצל אשׁר איננו ירא מלפני אלהים׃
Isaiah 40:6-8
Job 7:17-18
Job 9:19-20
Job 9:32
32 כי לא אישׁ כמני אעננו נבוא יחדו במשׁפט׃
Job 13:25
25 העלה נדף תערוץ ואת קשׁ יבשׁ תרדף׃
Job 13:27
27 ותשׂם בסד רגלי ותשׁמור כל ארחותי על שׁרשׁי רגלי תתחקה׃
Psalms 8:4
4 (8:5) מה אנושׁ כי תזכרנו ובן אדם כי תפקדנו׃
Psalms 143:2
2 ואל תבוא במשׁפט את עבדך כי לא יצדק לפניך כל חי׃
Psalms 144:3
3 יהוה מה אדם ותדעהו בן אנושׁ ותחשׁבהו׃
Genesis 5:3
3 ויחי אדם שׁלשׁים ומאת שׁנה ויולד בדמותו כצלמו ויקרא את שׁמו שׁת׃
Job 25:4-6
Psalms 90:5
5 זרמתם שׁנה יהיו בבקר כחציר יחלף׃
Job 12:10
10 אשׁר בידו נפשׁ כל חי ורוח כל בשׂר אישׁ׃
Job 14:14
14 אם ימות גבר היחיה כל ימי צבאי איחל עד בוא חליפתי׃
Job 21:21
21 כי מה חפצו בביתו אחריו ומספר חדשׁיו חצצו׃
Job 23:13-14
Psalms 39:4
4 (39:5) הודיעני יהוה קצי ומדת ימי מה היא אדעה מה חדל אני׃
Psalms 104:9
9 גבול שׂמת בל יעברון בל ישׁובון לכסות הארץ׃
Psalms 104:29
29 תסתיר פניך יבהלון תסף רוחם יגועון ואל עפרם ישׁובון׃
Daniel 4:35
35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃
Daniel 5:26
26 דנה פשׁר מלתא מנא מנה אלהא מלכותך והשׁלמה׃
Daniel 5:30
30 בה בליליא קטיל בלאשׁצר מלכא כשׂדיא׃
Daniel 9:24
24 שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃
Daniel 11:36
36 ועשׂה כרצונו המלך ויתרומם ויתגדל על כל אל ועל אל אלים ידבר נפלאות והצליח עד כלה זעם כי נחרצה נעשׂתה׃
Job 7:1-2
Job 7:16
16 מאסתי לא לעלם אחיה חדל ממני כי הבל ימי׃
Job 7:19
19 כמה לא תשׁעה ממני לא תרפני עד בלעי רקי׃
Job 10:20
20 הלא מעט ימי יחדל ישׁית ממני ואבליגה מעט׃
Psalms 39:13
13 (39:14) השׁע ממני ואבליגה בטרם אלך ואינני׃
Job 19:10
10 יתצני סביב ואלך ויסע כעץ תקותי׃
Isaiah 11:1
1 ויצא חטר מגזע ישׁי ונצר משׁרשׁיו יפרה׃
Isaiah 27:6
6 הבאים ישׁרשׁ יעקב יציץ ופרח ישׂראל ומלאו פני תבל תנובה׃
Daniel 4:15
15 (4:12) ברם עקר שׁרשׁוהי בארעא שׁבקו ובאסור די פרזל ונחשׁ בדתאא די ברא ובטל שׁמיא יצטבע ועם חיותא חלקה בעשׂב ארעא׃
Daniel 4:23-25
23 (4:20) ודי חזה מלכא עיר וקדישׁ נחת מן שׁמיא ואמר גדו אילנא וחבלוהי ברם עקר שׁרשׁוהי בארעא שׁבקו ובאסור די פרזל ונחשׁ בדתאא די ברא ובטל שׁמיא יצטבע ועם חיות ברא חלקה עד די שׁבעה עדנין יחלפון עלוהי׃24 (4:21) דנה פשׁרא מלכא וגזרת עליא היא די מטת על מראי מלכא׃25 (4:22) ולך טרדין מן אנשׁא ועם חיות ברא להוה מדרך ועשׂבא כתורין לך יטעמון ומטל שׁמיא לך מצבעין ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃
Isaiah 26:19
19 יחיו מתיך נבלתי יקומון הקיצו ורננו שׁכני עפר כי טל אורת טלך וארץ רפאים תפיל׃
Ezekiel 17:3-10
3 ואמרת כה אמר אדני יהוה הנשׁר הגדול גדול הכנפים ארך האבר מלא הנוצה אשׁר לו הרקמה בא אל הלבנון ויקח את צמרת הארז׃4 את ראשׁ יניקותיו קטף ויביאהו אל ארץ כנען בעיר רכלים שׂמו׃5 ויקח מזרע הארץ ויתנהו בשׂדה זרע קח על מים רבים צפצפה שׂמו׃6 ויצמח ויהי לגפן סרחת שׁפלת קומה לפנות דליותיו אליו ושׁרשׁיו תחתיו יהיו ותהי לגפן ותעשׂ בדים ותשׁלח פארות׃7 ויהי נשׁר אחד גדול גדול כנפים ורב נוצה והנה הגפן הזאת כפנה שׁרשׁיה עליו ודליותיו שׁלחה לו להשׁקות אותה מערגות מטעה׃8 אל שׂדה טוב אל מים רבים היא שׁתולה לעשׂות ענף ולשׂאת פרי להיות לגפן אדרת׃9 אמר כה אמר אדני יהוה תצלח הלוא את שׁרשׁיה ינתק ואת פריה יקוסס ויבשׁ כל טרפי צמחה תיבשׁ ולא בזרע גדולה ובעם רב למשׂאות אותה משׁרשׁיה׃10 והנה שׁתולה התצלח הלוא כגעת בה רוח הקדים תיבשׁ יבשׁ על ערגת צמחה תיבשׁ׃
Ezekiel 17:22-24
22 כה אמר אדני יהוה ולקחתי אני מצמרת הארז הרמה ונתתי מראשׁ ינקותיו רך אקטף ושׁתלתי אני על הר גבה ותלול׃23 בהר מרום ישׂראל אשׁתלנו ונשׂא ענף ועשׂה פרי והיה לארז אדיר ושׁכנו תחתיו כל צפור כל כנף בצל דליותיו תשׁכנה׃24 וידעו כל עצי השׂדה כי אני יהוה השׁפלתי עץ גבה הגבהתי עץ שׁפל הובשׁתי עץ לח והפרחתי עץ יבשׁ אני יהוה דברתי ועשׂיתי׃
Ezekiel 19:10
10 אמך כגפן בדמך על מים שׁתולה פריה וענפה היתה ממים רבים׃
Genesis 49:33
33 ויכל יעקב לצות את בניו ויאסף רגליו אל המטה ויגוע ויאסף אל עמיו׃
Job 3:11
11 למה לא מרחם אמות מבטן יצאתי ואגוע׃
Job 7:7-10
Job 10:18
18 ולמה מרחם הצאתני אגוע ועין לא תראני׃
Job 11:20
20 ועיני רשׁעים תכלינה ומנוס אבד מנהם ותקותם מפח נפשׁ׃
Job 14:12
12 ואישׁ שׁכב ולא יקום עד בלתי שׁמים לא יקיצו ולא יערו משׁנתם׃
Job 17:13-16
Job 19:26
26 ואחר עורי נקפו זאת ומבשׂרי אחזה אלוה׃
Proverbs 14:32
32 ברעתו ידחה רשׁע וחסה במותו צדיק׃
Job 6:15-18
Isaiah 19:5
5 ונשׁתו מים מהים ונהר יחרב ויבשׁ׃
Jeremiah 15:18
18 למה היה כאבי נצח ומכתי אנושׁה מאנה הרפא היו תהיה לי כמו אכזב מים לא נאמנו׃
Job 3:13
13 כי עתה שׁכבתי ואשׁקוט ישׁנתי אז ינוח׃
Job 7:21
21 ומה לא תשׂא פשׁעי ותעביר את עוני כי עתה לעפר אשׁכב ושׁחרתני ואינני׃
Job 10:21-22
Job 19:25-27
Job 30:23
23 כי ידעתי מות תשׁיבני ובית מועד לכל חי׃
Psalms 102:26
26 (102:27) המה יאבדו ואתה תעמד וכלם כבגד יבלו כלבושׁ תחליפם ויחלפו׃
Ecclesiastes 3:19-21
Ecclesiastes 12:5
5 גם מגבה יראו וחתחתים בדרך וינאץ השׁקד ויסתבל החגב ותפר האביונה כי הלך האדם אל בית עולמו וסבבו בשׁוק הספדים׃
Isaiah 51:6
6 שׂאו לשׁמים עיניכם והביטו אל הארץ מתחת כי שׁמים כעשׁן נמלחו והארץ כבגד תבלה וישׁביה כמו כן ימותון וישׁועתי לעולם תהיה וצדקתי לא תחת׃
Isaiah 65:17
17 כי הנני בורא שׁמים חדשׁים וארץ חדשׁה ולא תזכרנה הראשׁנות ולא תעלינה על לב׃
Isaiah 66:22
22 כי כאשׁר השׁמים החדשׁים והארץ החדשׁה אשׁר אני עשׂה עמדים לפני נאם יהוה כן יעמד זרעכם ושׁמכם׃
Daniel 12:2
2 ורבים מישׁני אדמת עפר יקיצו אלה לחיי עולם ואלה לחרפות לדראון עולם׃
Genesis 8:1
1 ויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים׃
Job 3:17-19
Psalms 106:4
4 זכרני יהוה ברצון עמך פקדני בישׁועתך׃
Isaiah 12:1
1 ואמרת ביום ההוא אודך יהוה כי אנפת בי ישׁב אפך ותנחמני׃
Isaiah 26:20-21
Isaiah 57:1-2
Job 13:15
15 הן יקטלני לא איחל אך דרכי אל פניו אוכיח׃
Job 14:5
5 אם חרוצים ימיו מספר חדשׁיו אתך חקו עשׂית ולא יעבור׃
Job 19:25-26
Job 42:16
16 ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃
Psalms 27:14
14 קוה אל יהוה חזק ויאמץ לבך וקוה אל יהוה׃
Psalms 40:1-2
Lamentations 3:25-26
Ezekiel 37:1-14
1 היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃2 והעבירני עליהם סביב סביב והנה רבות מאד על פני הבקעה והנה יבשׁות מאד׃3 ויאמר אלי בן אדם התחיינה העצמות האלה ואמר אדני יהוה אתה ידעת׃4 ויאמר אלי הנבא על העצמות האלה ואמרת אליהם העצמות היבשׁות שׁמעו דבר יהוה׃5 כה אמר אדני יהוה לעצמות האלה הנה אני מביא בכם רוח וחייתם׃6 ונתתי עליכם גדים והעלתי עליכם בשׂר וקרמתי עליכם עור ונתתי בכם רוח וחייתם וידעתם כי אני יהוה׃7 ונבאתי כאשׁר צויתי ויהי קול כהנבאי והנה רעשׁ ותקרבו עצמות עצם אל עצמו׃8 וראיתי והנה עליהם גדים ובשׂר עלה ויקרם עליהם עור מלמעלה ורוח אין׃9 ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיו׃10 והנבאתי כאשׁר צוני ותבוא בהם הרוח ויחיו ויעמדו על רגליהם חיל גדול מאד מאד׃11 ויאמר אלי בן אדם העצמות האלה כל בית ישׂראל המה הנה אמרים יבשׁו עצמותינו ואבדה תקותנו נגזרנו׃12 לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישׂראל׃13 וידעתם כי אני יהוה בפתחי את קברותיכם ובהעלותי אתכם מקברותיכם עמי׃14 ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשׂיתי נאם יהוה׃
Job 10:3
3 הטוב לך כי תעשׁק כי תמאס יגיע כפיך ועל עצת רשׁעים הופעת׃
Job 10:8
8 ידיך עצבוני ויעשׂוני יחד סביב ותבלעני׃
Job 13:22
22 וקרא ואנכי אענה או אדבר והשׁיבני׃
Psalms 50:4-5
Psalms 138:8
8 יהוה יגמר בעדי יהוה חסדך לעולם מעשׂי ידיך אל תרף׃
Job 10:6
6 כי תבקשׁ לעוני ולחטאתי תדרושׁ׃
Job 10:14
14 אם חטאתי ושׁמרתני ומעוני לא תנקני׃
Job 31:4
4 הלא הוא יראה דרכי וכל צעדי יספור׃
Job 33:11
11 ישׂם בסד רגלי ישׁמר כל ארחתי׃
Job 34:21
21 כי עיניו על דרכי אישׁ וכל צעדיו יראה׃
Psalms 56:6
6 (56:7) יגורו יצפינו המה עקבי ישׁמרו כאשׁר קוו נפשׁי׃
Psalms 139:1-4
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Deuteronomy 32:34
34 הלא הוא כמס עמדי חתום באוצרתי׃
Job 21:19
19 אלוה יצפן לבניו אונו ישׁלם אליו וידע׃
Hosea 13:12
12 צרור עון אפרים צפונה חטאתו׃
Job 18:4
4 טרף נפשׁו באפו הלמענך תעזב ארץ ויעתק צור ממקמו׃
Psalms 102:25-26
Isaiah 40:12
12 מי מדד בשׁעלו מים ושׁמים בזרת תכן וכל בשׁלשׁ עפר הארץ ושׁקל בפלס הרים וגבעות במאזנים׃
Isaiah 41:15-16
Isaiah 54:10
10 כי ההרים ימושׁו והגבעות תמוטנה וחסדי מאתך לא ימושׁ וברית שׁלומי לא תמוט אמר מרחמך יהוה׃
Isaiah 64:1
1 (63:19) עליהם לוא קרעת שׁמים ירדת מפניך הרים נזלו
Jeremiah 4:24
24 ראיתי ההרים והנה רעשׁים וכל הגבעות התקלקלו׃
Genesis 6:17
17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃
Genesis 7:21-23
Job 27:8
8 כי מה תקות חנף כי יבצע כי ישׁל אלוה נפשׁו׃
Psalms 30:6-7
Ezekiel 37:11
11 ויאמר אלי בן אדם העצמות האלה כל בית ישׂראל המה הנה אמרים יבשׁו עצמותינו ואבדה תקותנו נגזרנו׃
Job 2:12
12 וישׂאו את עיניהם מרחוק ולא הכירהו וישׂאו קולם ויבכו ויקרעו אישׁ מעלו ויזרקו עפר על ראשׁיהם השׁמימה׃
Ecclesiastes 8:8
8 אין אדם שׁליט ברוח לכלוא את הרוח ואין שׁלטון ביום המות ואין משׁלחת במלחמה ולא ימלט רשׁע את בעליו׃
Lamentations 4:8
8 חשׁך משׁחור תארם לא נכרו בחוצות צפד עורם על עצמם יבשׁ היה כעץ׃
1 Samuel 4:20
20 וכעת מותה ותדברנה הנצבות עליה אל תיראי כי בן ילדת ולא ענתה ולא שׁתה לבה׃
Psalms 39:6
6 (39:7) אך בצלם יתהלך אישׁ אך הבל יהמיון יצבר ולא ידע מי אספם׃
Ecclesiastes 2:18-19
Ecclesiastes 9:5
5 כי החיים יודעים שׁימתו והמתים אינם יודעים מאומה ואין עוד להם שׂכר כי נשׁכח זכרם׃
Isaiah 39:7-8
Isaiah 63:16
16 כי אתה אבינו כי אברהם לא ידענו וישׂראל לא יכירנו אתה יהוה אבינו גאלנו מעולם שׁמך׃
Job 19:20
20 בעורי ובבשׂרי דבקה עצמי ואתמלטה בעור שׁני׃
Job 19:22
22 למה תרדפני כמו אל ומבשׂרי לא תשׂבעו׃