1 חטאת יהודה כתובה בעט ברזל בצפרן שׁמיר חרושׁה על לוח לבם ולקרנות מזבחותיכם׃2 כזכר בניהם מזבחותם ואשׁריהם על עץ רענן על גבעות הגבהות׃3 הררי בשׂדה חילך כל אוצרותיך לבז אתן במתיך בחטאת בכל גבוליך׃4 ושׁמטתה ובך מנחלתך אשׁר נתתי לך והעבדתיך את איביך בארץ אשׁר לא ידעת כי אשׁ קדחתם באפי עד עולם תוקד׃5 כה אמר יהוה ארור הגבר אשׁר יבטח באדם ושׂם בשׂר זרעו ומן יהוה יסור לבו׃6 והיה כערער בערבה ולא יראה כי יבוא טוב ושׁכן חררים במדבר ארץ מלחה ולא תשׁב׃7 ברוך הגבר אשׁר יבטח ביהוה והיה יהוה מבטחו׃8 והיה כעץ שׁתול על מים ועל יובל ישׁלח שׁרשׁיו ולא ירא כי יבא חם והיה עלהו רענן ובשׁנת בצרת לא ידאג ולא ימישׁ מעשׂות פרי׃9 עקב הלב מכל ואנשׁ הוא מי ידענו׃10 אני יהוה חקר לב בחן כליות ולתת לאישׁ כדרכו כפרי מעלליו׃11 קרא דגר ולא ילד עשׂה עשׁר ולא במשׁפט בחצי ימו יעזבנו ובאחריתו יהיה נבל׃12 כסא כבוד מרום מראשׁון מקום מקדשׁנו׃13 מקוה ישׂראל יהוה כל עזביך יבשׁו יסורי בארץ יכתבו כי עזבו מקור מים חיים את יהוה׃14 רפאני יהוה וארפא הושׁיעני ואושׁעה כי תהלתי אתה׃15 הנה המה אמרים אלי איה דבר יהוה יבוא נא׃16 ואני לא אצתי מרעה אחריך ויום אנושׁ לא התאויתי אתה ידעת מוצא שׂפתי נכח פניך היה׃17 אל תהיה לי למחתה מחסי אתה ביום רעה׃18 יבשׁו רדפי ואל אבשׁה אני יחתו המה ואל אחתה אני הביא עליהם יום רעה ומשׁנה שׁברון שׁברם׃19 כה אמר יהוה אלי הלך ועמדת בשׁער בני עם אשׁר יבאו בו מלכי יהודה ואשׁר יצאו בו ובכל שׁערי ירושׁלם׃20 ואמרת אליהם שׁמעו דבר יהוה מלכי יהודה וכל יהודה וכל ישׁבי ירושׁלם הבאים בשׁערים האלה׃21 כה אמר יהוה השׁמרו בנפשׁותיכם ואל תשׂאו משׂא ביום השׁבת והבאתם בשׁערי ירושׁלם׃22 ולא תוציאו משׂא מבתיכם ביום השׁבת וכל מלאכה לא תעשׂו וקדשׁתם את יום השׁבת כאשׁר צויתי את אבותיכם׃23 ולא שׁמעו ולא הטו את אזנם ויקשׁו את ערפם לבלתי שׁומע ולבלתי קחת מוסר׃24 והיה אם שׁמע תשׁמעון אלי נאם יהוה לבלתי הביא משׂא בשׁערי העיר הזאת ביום השׁבת ולקדשׁ את יום השׁבת לבלתי עשׂות בה כל מלאכה׃25 ובאו בשׁערי העיר הזאת מלכים ושׂרים ישׁבים על כסא דוד רכבים ברכב ובסוסים המה ושׂריהם אישׁ יהודה וישׁבי ירושׁלם וישׁבה העיר הזאת לעולם׃26 ובאו מערי יהודה ומסביבות ירושׁלם ומארץ בנימן ומן השׁפלה ומן ההר ומן הנגב מבאים עולה וזבח ומנחה ולבונה ומבאי תודה בית יהוה׃27 ואם לא תשׁמעו אלי לקדשׁ את יום השׁבת ולבלתי שׂאת משׂא ובא בשׁערי ירושׁלם ביום השׁבת והצתי אשׁ בשׁעריה ואכלה ארמנות ירושׁלם ולא תכבה׃
Jeremiah 17 Cross References - HOT
Genesis 2:2-3
Genesis 6:5
5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Genesis 8:21
21 וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשׁר עשׂיתי׃
Exodus 12:14
14 והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃
Exodus 15:26
26 ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃
Exodus 16:23-29
23 ויאמר אלהם הוא אשׁר דבר יהוה שׁבתון שׁבת קדשׁ ליהוה מחר את אשׁר תאפו אפו ואת אשׁר תבשׁלו בשׁלו ואת כל העדף הניחו לכם למשׁמרת עד הבקר׃24 ויניחו אתו עד הבקר כאשׁר צוה משׁה ולא הבאישׁ ורמה לא היתה׃25 ויאמר משׁה אכלהו היום כי שׁבת היום ליהוה היום לא תמצאהו בשׂדה׃26 שׁשׁת ימים תלקטהו וביום השׁביעי שׁבת לא יהיה׃27 ויהי ביום השׁביעי יצאו מן העם ללקט ולא מצאו׃28 ויאמר יהוה אל משׁה עד אנה מאנתם לשׁמר מצותי ותורתי׃29 ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו אישׁ תחתיו אל יצא אישׁ ממקמו ביום השׁביעי׃
Exodus 20:8-10
Exodus 23:12
12 שׁשׁת ימים תעשׂה מעשׂיך וביום השׁביעי תשׁבת למען ינוח שׁורך וחמרך וינפשׁ בן אמתך והגר׃
Exodus 31:13-17
13 ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃14 ושׁמרתם את השׁבת כי קדשׁ הוא לכם מחלליה מות יומת כי כל העשׂה בה מלאכה ונכרתה הנפשׁ ההוא מקרב עמיה׃15 שׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת׃16 ושׁמרו בני ישׂראל את השׁבת לעשׂות את השׁבת לדרתם ברית עולם׃17 ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃
Leviticus 1:1-7
1 ויקרא אל משׁה וידבר יהוה אליו מאהל מועד לאמר׃2 דבר אל בני ישׂראל ואמרת אלהם אדם כי יקריב מכם קרבן ליהוה מן הבהמה מן הבקר ומן הצאן תקריבו את קרבנכם׃3 אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃4 וסמך ידו על ראשׁ העלה ונרצה לו לכפר עליו׃5 ושׁחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשׁר פתח אהל מועד׃6 והפשׁיט את העלה ונתח אתה לנתחיה׃7 ונתנו בני אהרן הכהן אשׁ על המזבח וערכו עצים על האשׁ׃
Leviticus 4:17-18
Leviticus 4:25
25 ולקח הכהן מדם החטאת באצבעו ונתן על קרנת מזבח העלה ואת דמו ישׁפך אל יסוד מזבח העלה׃
Leviticus 19:3
3 אישׁ אמו ואביו תיראו ואת שׁבתתי תשׁמרו אני יהוה אלהיכם׃
Leviticus 23:3
3 שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃
Leviticus 26:30
30 והשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם׃31 ונתתי את עריכם חרבה והשׁמותי את מקדשׁיכם ולא אריח בריח ניחחכם׃32 והשׁמתי אני את הארץ ושׁממו עליה איביכם הישׁבים׃33 ואתכם אזרה בגוים והריקתי אחריכם חרב והיתה ארצכם שׁממה ועריכם יהיו חרבה׃34 אז תרצה הארץ את שׁבתתיה כל ימי השׁמה ואתם בארץ איביכם אז תשׁבת הארץ והרצת את שׁבתתיה׃
Numbers 15:32-36
32 ויהיו בני ישׂראל במדבר וימצאו אישׁ מקשׁשׁ עצים ביום השׁבת׃33 ויקריבו אתו המצאים אתו מקשׁשׁ עצים אל משׁה ואל אהרן ואל כל העדה׃34 ויניחו אתו במשׁמר כי לא פרשׁ מה יעשׂה׃35 ויאמר יהוה אל משׁה מות יומת האישׁ רגום אתו באבנים כל העדה מחוץ למחנה׃36 ויציאו אתו כל העדה אל מחוץ למחנה וירגמו אתו באבנים וימת כאשׁר צוה יהוה את משׁה׃
Deuteronomy 4:9
9 רק השׁמר לך ושׁמר נפשׁך מאד פן תשׁכח את הדברים אשׁר ראו עיניך ופן יסורו מלבבך כל ימי חייך והודעתם לבניך ולבני בניך׃
Deuteronomy 4:15
15 ונשׁמרתם מאד לנפשׁתיכם כי לא ראיתם כל תמונה ביום דבר יהוה אליכם בחרב מתוך האשׁ׃
Deuteronomy 4:23
23 השׁמרו לכם פן תשׁכחו את ברית יהוה אלהיכם אשׁר כרת עמכם ועשׂיתם לכם פסל תמונת כל אשׁר צוך יהוה אלהיך׃
Deuteronomy 4:26-27
Deuteronomy 5:12-15
12 שׁמור את יום השׁבת לקדשׁו כאשׁר צוך יהוה אלהיך׃13 שׁשׁת ימים תעבד ועשׂית כל מלאכתך׃14 ויום השׁביעי שׁבת ליהוה אלהיך לא תעשׂה כל מלאכה אתה ובנך ובתך ועבדך ואמתך ושׁורך וחמרך וכל בהמתך וגרך אשׁר בשׁעריך למען ינוח עבדך ואמתך כמוך׃15 וזכרת כי עבד היית בארץ מצרים ויצאך יהוה אלהיך משׁם ביד חזקה ובזרע נטויה על כן צוך יהוה אלהיך לעשׂות את יום השׁבת׃
Deuteronomy 10:21
21 הוא תהלתך והוא אלהיך אשׁר עשׂה אתך את הגדלת ואת הנוראת האלה אשׁר ראו עיניך׃
Deuteronomy 11:13
13 והיה אם שׁמע תשׁמעו אל מצותי אשׁר אנכי מצוה אתכם היום לאהבה את יהוה אלהיכם ולעבדו בכל לבבכם ובכל נפשׁכם׃
Deuteronomy 11:16
16 השׁמרו לכם פן יפתה לבבכם וסרתם ועבדתם אלהים אחרים והשׁתחויתם׃
Deuteronomy 11:22
22 כי אם שׁמר תשׁמרון את כל המצוה הזאת אשׁר אנכי מצוה אתכם לעשׂתה לאהבה את יהוה אלהיכם ללכת בכל דרכיו ולדבקה׃
Deuteronomy 17:16
16 רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃
Deuteronomy 28:25
25 יתנך יהוה נגף לפני איביך בדרך אחד תצא אליו ובשׁבעה דרכים תנוס לפניו והיית לזעוה לכל ממלכות הארץ׃
Deuteronomy 28:47-48
Deuteronomy 29:23
23 (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃
Deuteronomy 29:26-28
Deuteronomy 32:22-25
22 כי אשׁ קדחה באפי ותיקד עד שׁאול תחתית ותאכל ארץ ויבלה ותלהט מוסדי הרים׃
Deuteronomy 32:22
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Joshua 15:21-63
21 ויהיו הערים מקצה למטה בני יהודה אל גבול אדום בנגבה קבצאל ועדר ויגור׃22 וקינה ודימונה ועדעדה׃23 וקדשׁ וחצור ויתנן׃24 זיף וטלם ובעלות׃25 וחצור חדתה וקריות חצרון היא חצור׃26 אמם ושׁמע ומולדה׃27 וחצר גדה וחשׁמון ובית פלט׃28 וחצר שׁועל ובאר שׁבע ובזיותיה׃29 בעלה ועיים ועצם׃30 ואלתולד וכסיל וחרמה׃31 וצקלג ומדמנה וסנסנה׃32 ולבאות ושׁלחים ועין ורמון כל ערים עשׂרים ותשׁע וחצריהן׃33 בשׁפלה אשׁתאול וצרעה ואשׁנה׃34 וזנוח ועין גנים תפוח והעינם׃35 ירמות ועדלם שׂוכה ועזקה׃36 ושׁערים ועדיתים והגדרה וגדרתים ערים ארבע עשׂרה וחצריהן׃37 צנן וחדשׁה ומגדל גד׃38 ודלען והמצפה ויקתאל׃39 לכישׁ ובצקת ועגלון׃40 וכבון ולחמס וכתלישׁ׃41 וגדרות בית דגון ונעמה ומקדה ערים שׁשׁ עשׂרה וחצריהן׃42 לבנה ועתר ועשׁן׃43 ויפתח ואשׁנה ונציב׃44 וקעילה ואכזיב ומראשׁה ערים תשׁע וחצריהן׃45 עקרון ובנתיה וחצריה׃46 מעקרון וימה כל אשׁר על יד אשׁדוד וחצריהן׃47 אשׁדוד בנותיה וחצריה עזה בנותיה וחצריה עד נחל מצרים והים הגבול וגבול׃48 ובהר שׁמיר ויתיר ושׂוכה׃49 ודנה וקרית סנה היא דבר׃50 וענב ואשׁתמה וענים׃51 וגשׁן וחלן וגלה ערים אחת עשׂרה וחצריהן׃52 ארב ורומה ואשׁען׃53 וינים ובית תפוח ואפקה׃54 וחמטה וקרית ארבע היא חברון וציער ערים תשׁע וחצריהן׃55 מעון כרמל וזיף ויוטה׃56 ויזרעאל ויקדעם וזנוח׃57 הקין גבעה ותמנה ערים עשׂר וחצריהן׃58 חלחול בית צור וגדור׃59 ומערת ובית ענות ואלתקן ערים שׁשׁ וחצריהן׃60 קרית בעל היא קרית יערים והרבה ערים שׁתים וחצריהן׃61 במדבר בית הערבה מדין וסככה׃62 והנבשׁן ועיר המלח ועין גדי ערים שׁשׁ וחצריהן׃63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 23:11
11 ונשׁמרתם מאד לנפשׁתיכם לאהבה את יהוה אלהיכם׃
Joshua 23:15-16
Judges 3:7
7 ויעשׂו בני ישׂראל את הרע בעיני יהוה וישׁכחו את יהוה אלהיהם ויעבדו את הבעלים ואת האשׁרות׃
Judges 9:45
45 ואבימלך נלחם בעיר כל היום ההוא וילכד את העיר ואת העם אשׁר בה הרג ויתץ את העיר ויזרעה מלח׃
1 Samuel 8:11
11 ויאמר זה יהיה משׁפט המלך אשׁר ימלך עליכם את בניכם יקח ושׂם לו במרכבתו ובפרשׁיו ורצו לפני מרכבתו׃
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
2 Samuel 7:16
16 ונאמן ביתך וממלכתך עד עולם לפניך כסאך יהיה נכון עד עולם׃
2 Samuel 8:4
4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃
1 Kings 9:4-5
1 Kings 9:7
7 והכרתי את ישׂראל מעל פני האדמה אשׁר נתתי להם ואת הבית אשׁר הקדשׁתי לשׁמי אשׁלח מעל פני והיה ישׂראל למשׁל ולשׁנינה בכל העמים׃
2 Kings 7:2
2 ויען השׁלישׁ אשׁר למלך נשׁען על ידו את אישׁ האלהים ויאמר הנה יהוה עשׂה ארבות בשׁמים היהיה הדבר הזה ויאמר הנכה ראה בעיניך ומשׁם לא תאכל׃
2 Kings 7:19-20
2 Kings 22:17
17 תחת אשׁר עזבוני ויקטרו לאלהים אחרים למען הכעיסני בכל מעשׂה ידיהם ונצתה חמתי במקום הזה ולא תכבה׃
2 Kings 24:13
13 ויוצא משׁם את כל אוצרות בית יהוה ואוצרות בית המלך ויקצץ את כל כלי הזהב אשׁר עשׂה שׁלמה מלך ישׂראל בהיכל יהוה כאשׁר דבר יהוה׃
2 Kings 25:9
9 וישׂרף את בית יהוה ואת בית המלך ואת כל בתי ירושׁלם ואת כל בית גדול שׂרף באשׁ׃
2 Kings 25:13-16
13 ואת עמודי הנחשׁת אשׁר בית יהוה ואת המכנות ואת ים הנחשׁת אשׁר בבית יהוה שׁברו כשׂדים וישׂאו את נחשׁתם בבלה׃14 ואת הסירת ואת היעים ואת המזמרות ואת הכפות ואת כל כלי הנחשׁת אשׁר ישׁרתו בם לקחו׃15 ואת המחתות ואת המזרקות אשׁר זהב זהב ואשׁר כסף כסף לקח רב טבחים׃16 העמודים שׁנים הים האחד והמכנות אשׁר עשׂה שׁלמה לבית יהוה לא היה משׁקל לנחשׁת כל הכלים האלה׃
2 Kings 25:21
21 ויך אתם מלך בבל וימיתם ברבלה בארץ חמת ויגל יהודה מעל אדמתו׃
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
1 Chronicles 29:17
17 וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃
2 Chronicles 2:5-6
2 Chronicles 6:30
30 ואתה תשׁמע מן השׁמים מכון שׁבתך וסלחת ונתתה לאישׁ ככל דרכיו אשׁר תדע את לבבו כי אתה לבדך ידעת את לבב בני האדם׃
2 Chronicles 24:18
18 ויעזבו את בית יהוה אלהי אבותיהם ויעבדו את האשׁרים ואת העצבים ויהי קצף על יהודה וירושׁלם באשׁמתם זאת׃
2 Chronicles 32:8
8 עמו זרוע בשׂר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃
2 Chronicles 33:3
3 וישׁב ויבן את הבמות אשׁר נתץ יחזקיהו אביו ויקם מזבחות לבעלים ויעשׂ אשׁרות וישׁתחו לכל צבא השׁמים ויעבד אתם׃
2 Chronicles 33:19
19 ותפלתו והעתר לו וכל חטאתו ומעלו והמקמות אשׁר בנה בהם במות והעמיד האשׁרים והפסלים לפני הכנעו הנם כתובים על דברי חוזי׃
2 Chronicles 36:19
19 וישׂרפו את בית האלהים וינתצו את חומת ירושׁלם וכל ארמנותיה שׂרפו באשׁ וכל כלי מחמדיה להשׁחית׃
Ezra 3:3-6
Ezra 3:11
11 ויענו בהלל ובהודת ליהוה כי טוב כי לעולם חסדו על ישׂראל וכל העם הריעו תרועה גדולה בהלל ליהוה על הוסד בית יהוה׃
Nehemiah 9:28
28 וכנוח להם ישׁובו לעשׂות רע לפניך ותעזבם ביד איביהם וירדו בהם וישׁובו ויזעקוך ואתה משׁמים תשׁמע ותצילם כרחמיך רבות עתים׃
Nehemiah 13:15-21
15 בימים ההמה ראיתי ביהודה דרכים גתות בשׁבת ומביאים הערמות ועמסים על החמרים ואף יין ענבים ותאנים וכל משׂא ומביאים ירושׁלם ביום השׁבת ואעיד ביום מכרם ציד׃16 והצרים ישׁבו בה מביאים דאג וכל מכר ומכרים בשׁבת לבני יהודה ובירושׁלם׃17 ואריבה את חרי יהודה ואמרה להם מה הדבר הרע הזה אשׁר אתם עשׂים ומחללים את יום השׁבת׃18 הלוא כה עשׂו אבתיכם ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישׂראל לחלל את השׁבת׃19 ויהי כאשׁר צללו שׁערי ירושׁלם לפני השׁבת ואמרה ויסגרו הדלתות ואמרה אשׁר לא יפתחום עד אחר השׁבת ומנערי העמדתי על השׁערים לא יבוא משׂא ביום השׁבת׃20 וילינו הרכלים ומכרי כל ממכר מחוץ לירושׁלם פעם ושׁתים׃21 ואעידה בהם ואמרה אליהם מדוע אתם לנים נגד החומה אם תשׁנו יד אשׁלח בכם מן העת ההיא לא באו בשׁבת׃
Job 8:11-13
Job 8:16
16 רטב הוא לפני שׁמשׁ ועל גנתו ינקתו תצא׃
Job 15:14-16
Job 15:30-34
Job 16:14
14 יפרצני פרץ על פני פרץ ירץ עלי כגבור׃
Job 19:23-24
Job 20:17
17 אל ירא בפלגות נהרי נחלי דבשׁ וחמאה׃
Job 31:23
23 כי פחד אלי איד אל ומשׂאתו לא אוכל׃
Job 39:6
6 אשׁר שׂמתי ערבה ביתו ומשׁכנותיו מלחה׃
Psalms 1:3
Psalms 2:12
12 נשׁקו בר פן יאנף ותאבדו דרך כי יבער כמעט אפו אשׁרי כל חוסי׃
Psalms 6:2
2 (6:3) חנני יהוה כי אמלל אני רפאני יהוה כי נבהלו עצמי׃
Psalms 6:4
4 (6:5) שׁובה יהוה חלצה נפשׁי הושׁיעני למען חסדך׃
Psalms 7:9
9 (7:10) יגמר נא רע רשׁעים ותכונן צדיק ובחן לבות וכליות אלהים צדיק׃
Psalms 12:4
4 (12:5) אשׁר אמרו ללשׁננו נגביר שׂפתינו אתנו מי אדון׃
Psalms 18:21
21 (18:22) כי שׁמרתי דרכי יהוה ולא רשׁעתי מאלהי׃
Psalms 22:4
4 (22:5) בך בטחו אבתינו בטחו ותפלטמו׃
Psalms 25:2-3
Psalms 34:8
8 (34:9) טעמו וראו כי טוב יהוה אשׁרי הגבר יחסה׃
Psalms 35:4
4 יבשׁו ויכלמו מבקשׁי נפשׁי יסגו אחור ויחפרו חשׁבי רעתי׃
Psalms 35:8
8 תבואהו שׁואה לא ידע ורשׁתו אשׁר טמן תלכדו בשׁואה יפל׃
Psalms 35:26-27
Psalms 36:8-9
Psalms 40:4
4 (40:5) אשׁרי הגבר אשׁר שׂם יהוה מבטחו ולא פנה אל רהבים ושׂטי כזב׃
Psalms 40:14
14 (40:15) יבשׁו ויחפרו יחד מבקשׁי נפשׁי לספותה יסגו אחור ויכלמו חפצי רעתי׃
Psalms 41:1
1 למנצח מזמור לדוד׃ (41:2) אשׁרי משׂכיל אל דל ביום רעה ימלטהו יהוה׃
Psalms 49:1-2
Psalms 50:17
17 ואתה שׂנאת מוסר ותשׁלך דברי אחריך׃
Psalms 51:5
5 (51:7) הן בעוון חוללתי ובחטא יחמתני אמי׃
Psalms 53:1-3
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Psalms 59:16
16 (59:17) ואני אשׁיר עזך וארנן 2'ecבקר חסדך כי היית משׂגב לי ומנוס ביום צר׃
Psalms 60:5
5 (60:7) למען יחלצון ידידיך הושׁיעה ימינך ועננו׃
Psalms 62:9
9 (62:10) אך הבל בני אדם כזב בני אישׁ במאזנים לעלות המה מהבל יחד׃
Psalms 62:12
12 (62:13) ולך אדני חסד כי אתה תשׁלם לאישׁ כמעשׂהו׃
Psalms 70:2
2 (70:3) יבשׁו ויחפרו מבקשׁי נפשׁי יסגו אחור ויכלמו חפצי רעתי׃
Psalms 71:1
1 בך יהוה חסיתי אל אבושׁה לעולם׃
Psalms 73:27
27 כי הנה רחקיך יאבדו הצמתה כל זונה ממך׃
Psalms 77:2-9
2 (77:3) ביום צרתי אדני דרשׁתי ידי לילה נגרה ולא תפוג מאנה הנחם נפשׁי׃3 (77:4) אזכרה אלהים ואהמיה אשׂיחה ותתעטף רוחי סלה׃4 (77:5) אחזת שׁמרות עיני נפעמתי ולא אדבר׃5 (77:6) חשׁבתי ימים מקדם שׁנות עולמים׃6 (77:7) אזכרה נגינתי בלילה עם לבבי אשׂיחה ויחפשׂ רוחי׃7 (77:8) הלעולמים יזנח אדני ולא יסיף לרצות עוד׃8 (77:9) האפס לנצח חסדו גמר אמר לדר ודר׃9 (77:10) השׁכח חנות אל אם קפץ באף רחמיו סלה׃
Psalms 78:58
58 ויכעיסוהו בבמותם ובפסיליהם יקניאוהו׃
Psalms 83:17-18
Psalms 84:12
12 (84:13) יהוה צבאות אשׁרי אדם בטח׃
Psalms 88:15-16
Psalms 89:29-37
29 (89:30) ושׂמתי לעד זרעו וכסאו כימי שׁמים׃30 (89:31) אם יעזבו בניו תורתי ובמשׁפטי לא ילכון׃31 (89:32) אם חקתי יחללו ומצותי לא ישׁמרו׃32 (89:33) ופקדתי בשׁבט פשׁעם ובנגעים עונם׃33 (89:34) וחסדי לא אפיר מעמו ולא אשׁקר באמונתי׃34 (89:35) לא אחלל בריתי ומוצא שׂפתי לא אשׁנה׃35 (89:36) אחת נשׁבעתי בקדשׁי אם לדוד אכזב׃36 (89:37) זרעו לעולם יהיה וכסאו כשׁמשׁ נגדי׃37 (89:38) כירח יכון עולם ועד בשׁחק נאמן סלה׃
Psalms 92:7
7 (92:8) בפרח רשׁעים כמו עשׂב ויציצו כל פעלי און להשׁמדם עדי עד׃
Psalms 92:10-15
Psalms 96:6
6 הוד והדר לפניו עז ותפארת במקדשׁו׃
Psalms 97:7
7 יבשׁו כל עבדי פסל המתהללים באלילים השׁתחוו לו כל אלהים׃
Psalms 103:19
19 יהוה בשׁמים הכין כסאו ומלכותו בכל משׁלה׃
Psalms 106:47
47 הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃
Psalms 107:22
22 ויזבחו זבחי תודה ויספרו מעשׂיו ברנה׃
Psalms 109:1
1 למנצח לדוד מזמור אלהי תהלתי אל תחרשׁ׃
Psalms 116:17
17 לך אזבח זבח תודה ובשׁם יהוה אקרא׃
Psalms 118:8-9
Psalms 125:1
1 שׁיר המעלות הבטחים ביהוה כהר ציון לא ימוט לעולם ישׁב׃
Psalms 129:6-8
Psalms 132:11-14
Psalms 139:1-2
Psalms 139:23-24
Psalms 146:3-4
Psalms 148:14
14 וירם קרן לעמו תהלה לכל חסידיו לבני ישׂראל עם קרבו הללו יה׃
Proverbs 1:3
3 לקחת מוסר השׂכל צדק ומשׁפט ומישׁרים׃
Proverbs 1:5
5 ישׁמע חכם ויוסף לקח ונבון תחבלות יקנה׃
Proverbs 1:18-19
Proverbs 3:3
3 חסד ואמת אל יעזבך קשׁרם על גרגרותיך כתבם על לוח לבך׃
Proverbs 4:23
23 מכל משׁמר נצר לבך כי ממנו תוצאות חיים׃
Proverbs 5:12
12 ואמרת איך שׂנאתי מוסר ותוכחת נאץ לבי׃
Proverbs 7:3
3 קשׁרם על אצבעתיך כתבם על לוח לבך׃
Proverbs 8:1
1 הלא חכמה תקרא ותבונה תתן קולה׃
Proverbs 8:10
10 קחו מוסרי ואל כסף ודעת מחרוץ נבחר׃
Proverbs 9:3
3 שׁלחה נערתיה תקרא על גפי מרמי קרת׃
Proverbs 10:7
7 זכר צדיק לברכה ושׁם רשׁעים ירקב׃
Proverbs 13:11
11 הון מהבל ימעט וקבץ על יד ירבה׃
Proverbs 14:14
14 מדרכיו ישׂבע סוג לב ומעליו אישׁ טוב׃
Proverbs 15:27
27 עכר ביתו בוצע בצע ושׂונא מתנת יחיה׃
Proverbs 16:20
20 משׂכיל על דבר ימצא טוב ובוטח ביהוה אשׁריו׃
Proverbs 17:3
3 מצרף לכסף וכור לזהב ובחן לבות יהוה׃
Proverbs 21:6
6 פעל אוצרות בלשׁון שׁקר הבל נדף מבקשׁי מות׃
Proverbs 23:5
5 התעוף עיניך בו ואיננו כי עשׂה יעשׂה לו כנפים כנשׁר ועיף השׁמים׃
Proverbs 28:8
8 מרבה הונו בנשׁך ובתרבית לחונן דלים יקבצנו׃
Proverbs 28:16
16 נגיד חסר תבונות ורב מעשׁקות שׂנאי בצע יאריך ימים׃
Proverbs 28:20
20 אישׁ אמונות רב ברכות ואץ להעשׁיר לא ינקה׃
Proverbs 28:22
22 נבהל להון אישׁ רע עין ולא ידע כי חסר יבאנו׃
Proverbs 28:26
26 בוטח בלבו הוא כסיל והולך בחכמה הוא ימלט׃
Proverbs 29:1
1 אישׁ תוכחות מקשׁה ערף פתע ישׁבר ואין מרפא׃
Ecclesiastes 5:13-16
Ecclesiastes 9:3
3 זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃
Isaiah 1:20
20 ואם תמאנו ומריתם חרב תאכלו כי פי יהוה דבר׃
Isaiah 1:23-24
Isaiah 1:28
Isaiah 2:2-3
Isaiah 2:22
22 חדלו לכם מן האדם אשׁר נשׁמה באפו כי במה נחשׁב הוא׃
Isaiah 3:10-11
Isaiah 5:19
19 האמרים ימהר יחישׁה מעשׂהו למען נראה ותקרב ותבואה עצת קדושׁ ישׂראל ונדעה׃
Isaiah 5:25
25 על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שׁב אפו ועוד ידו נטויה׃
Isaiah 6:1
1 בשׁנת מות המלך עזיהו ואראה את אדני ישׁב על כסא רם ונשׂא ושׁוליו מלאים את ההיכל׃
Isaiah 6:10
10 השׁמן לב העם הזה ואזניו הכבד ועיניו השׁע פן יראה בעיניו ובאזניו ישׁמע ולבבו יבין ושׁב ורפא׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 9:18-19
Isaiah 14:3
3 והיה ביום הניח יהוה לך מעצבך ומרגזך ומן העבדה הקשׁה אשׁר עבד׃
Isaiah 17:8
8 ולא ישׁעה אל המזבחות מעשׂה ידיו ואשׁר עשׂו אצבעתיו לא יראה והאשׁרים והחמנים׃
Isaiah 21:7
7 וראה רכב צמד פרשׁים רכב חמור רכב גמל והקשׁיב קשׁב רב קשׁב׃
Isaiah 26:3-4
Isaiah 27:9
9 לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃
Isaiah 30:1-7
1 הוי בנים סוררים נאם יהוה לעשׂות עצה ולא מני ולנסך מסכה ולא רוחי למען ספות חטאת על חטאת׃2 ההלכים לרדת מצרים ופי לא שׁאלו לעוז במעוז פרעה ולחסות בצל מצרים׃3 והיה לכם מעוז פרעה לבשׁת והחסות בצל מצרים לכלמה׃4 כי היו בצען שׂריו ומלאכיו חנס יגיעו׃5 כל הבאישׁ על עם לא יועילו למו לא לעזר ולא להועיל כי לבשׁת וגם לחרפה׃6 משׂא בהמות נגב בארץ צרה וצוקה לביא ולישׁ מהם אפעה ושׂרף מעופף ישׂאו על כתף עירים חילהם ועל דבשׁת גמלים אוצרתם על עם לא יועילו׃7 ומצרים הבל וריק יעזרו לכן קראתי לזאת רהב הם שׁבת׃
Isaiah 30:18
18 ולכן יחכה יהוה לחננכם ולכן ירום לרחמכם כי אלהי משׁפט יהוה אשׁרי כל חוכי׃
Isaiah 30:33
33 כי ערוך מאתמול תפתה גם הוא למלך הוכן העמיק הרחב מדרתה אשׁ ועצים הרבה נשׁמת יהוה כנחל גפרית בערה׃
Isaiah 31:1-9
1 הוי הירדים מצרים לעזרה על סוסים ישׁענו ויבטחו על רכב כי רב ועל פרשׁים כי עצמו מאד ולא שׁעו על קדושׁ ישׂראל ואת יהוה לא דרשׁו׃2 וגם הוא חכם ויבא רע ואת דבריו לא הסיר וקם על בית מרעים ועל עזרת פעלי און׃3 ומצרים אדם ולא אל וסוסיהם בשׂר ולא רוח ויהוה יטה ידו וכשׁל עוזר ונפל עזר ויחדו כלם יכליון׃4 כי כה אמר יהוה אלי כאשׁר יהגה האריה והכפיר על טרפו אשׁר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃5 כצפרים עפות כן יגן יהוה צבאות על ירושׁלם גנון והציל פסח והמליט׃6 שׁובו לאשׁר העמיקו סרה בני ישׂראל׃7 כי ביום ההוא ימאסון אישׁ אלילי כספו ואלילי זהבו אשׁר עשׂו לכם ידיכם חטא׃8 ונפל אשׁור בחרב לא אישׁ וחרב לא אדם תאכלנו ונס לו מפני חרב ובחוריו למס יהיו׃9 וסלעו ממגור יעבור וחתו מנס שׂריו נאם יהוה אשׁר אור לו בציון ותנור לו בירושׁלם׃
Isaiah 36:6
6 הנה בטחת על משׁענת הקנה הרצוץ הזה על מצרים אשׁר יסמך אישׁ עליו ובא בכפו ונקבה כן פרעה מלך מצרים לכל הבטחים עליו׃
Isaiah 39:4-6
Isaiah 45:16-17
Isaiah 48:4
4 מדעתי כי קשׁה אתה וגיד ברזל ערפך ומצחך נחושׁה׃
Isaiah 55:2
2 למה תשׁקלו כסף בלוא לחם ויגיעכם בלוא לשׂבעה שׁמעו שׁמוע אלי ואכלו טוב ותתענג בדשׁן נפשׁכם׃
Isaiah 56:2-6
2 אשׁרי אנושׁ יעשׂה זאת ובן אדם יחזיק בה שׁמר שׁבת מחללו ושׁמר ידו מעשׂות כל רע׃3 ואל יאמר בן הנכר הנלוה אל יהוה לאמר הבדל יבדילני יהוה מעל עמו ואל יאמר הסריס הן אני עץ יבשׁ׃4 כי כה אמר יהוה לסריסים אשׁר ישׁמרו את שׁבתותי ובחרו באשׁר חפצתי ומחזיקים בבריתי׃5 ונתתי להם בביתי ובחומתי יד ושׁם טוב מבנים ומבנות שׁם עולם אתן לו אשׁר לא יכרת׃6 ובני הנכר הנלוים על יהוה לשׁרתו ולאהבה את שׁם יהוה להיות לו לעבדים כל שׁמר שׁבת מחללו ומחזיקים בבריתי׃
Isaiah 57:18-19
Isaiah 58:11
11 ונחך יהוה תמיד והשׂביע בצחצחות נפשׁך ועצמתיך יחליץ והיית כגן רוה וכמוצא מים אשׁר לא יכזבו מימיו׃
Isaiah 58:13
13 אם תשׁיב משׁבת רגלך עשׂות חפציך ביום קדשׁי וקראת לשׁבת ענג לקדושׁ יהוה מכבד וכבדתו מעשׂות דרכיך ממצוא חפצך ודבר דבר׃
Isaiah 58:13-14
Isaiah 59:15
15 ותהי האמת נעדרת וסר מרע משׁתולל וירא יהוה וירע בעיניו כי אין משׁפט׃
Isaiah 65:11-14
11 ואתם עזבי יהוה השׁכחים את הר קדשׁי הערכים לגד שׁלחן והממלאים למני ממסך׃12 ומניתי אתכם לחרב וכלכם לטבח תכרעו יען קראתי ולא עניתם דברתי ולא שׁמעתם ותעשׂו הרע בעיני ובאשׁר לא חפצתי בחרתם׃13 לכן כה אמר אדני יהוה הנה עבדי יאכלו ואתם תרעבו הנה עבדי ישׁתו ואתם תצמאו הנה עבדי ישׂמחו ואתם תבשׁו׃14 הנה עבדי ירנו מטוב לב ואתם תצעקו מכאב לב ומשׁבר רוח תילילו׃
Isaiah 66:1
1 כה אמר יהוה השׁמים כסאי והארץ הדם רגלי אי זה בית אשׁר תבנו לי ואי זה מקום מנוחתי׃
Isaiah 66:5
5 שׁמעו דבר יהוה החרדים אל דברו אמרו אחיכם שׂנאיכם מנדיכם למען שׁמי יכבד יהוה ונראה בשׂמחתכם והם יבשׁו׃
Isaiah 66:24
24 ויצאו וראו בפגרי האנשׁים הפשׁעים בי כי תולעתם לא תמות ואשׁם לא תכבה והיו דראון לכל בשׂר׃
Jeremiah 1:4-10
4 ויהי דבר יהוה אלי לאמר׃5 בטרם אצורך בבטן ידעתיך ובטרם תצא מרחם הקדשׁתיך נביא לגוים נתתיך׃6 ואמר אהה אדני יהוה הנה לא ידעתי דבר כי נער אנכי׃7 ויאמר יהוה אלי אל תאמר נער אנכי כי על כל אשׁר אשׁלחך תלך ואת כל אשׁר אצוך תדבר׃8 אל תירא מפניהם כי אתך אני להצלך נאם יהוה׃9 וישׁלח יהוה את ידו ויגע על פי ויאמר יהוה אלי הנה נתתי דברי בפיך׃10 ראה הפקדתיך היום הזה על הגוים ועל הממלכות לנתושׁ ולנתוץ ולהאביד ולהרוס לבנות ולנטוע׃
Jeremiah 2:13
13 כי שׁתים רעות עשׂה עמי אתי עזבו מקור מים חיים לחצב להם בארות בארת נשׁברים אשׁר לא יכלו המים׃
Jeremiah 2:17
17 הלוא זאת תעשׂה לך עזבך את יהוה אלהיך בעת מוליכך בדרך׃
Jeremiah 2:20
20 כי מעולם שׁברתי עלך נתקתי מוסרתיך ותאמרי לא אעבד כי על כל גבעה גבהה ותחת כל עץ רענן את צעה זנה׃
Jeremiah 2:26-27
Jeremiah 3:17
17 בעת ההיא יקראו לירושׁלם כסא יהוה ונקוו אליה כל הגוים לשׁם יהוה לירושׁלם ולא ילכו עוד אחרי שׁררות לבם הרע׃
Jeremiah 4:19-20
Jeremiah 5:27-28
Jeremiah 6:8
8 הוסרי ירושׁלם פן תקע נפשׁי ממך פן אשׂימך שׁממה ארץ לוא נושׁבה׃
Jeremiah 6:17
17 והקמתי עליכם צפים הקשׁיבו לקול שׁופר ויאמרו לא נקשׁיב׃
Jeremiah 7:2
2 עמד בשׁער בית יהוה וקראת שׁם את הדבר הזה ואמרת שׁמעו דבר יהוה כל יהודה הבאים בשׁערים האלה להשׁתחות ליהוה׃
Jeremiah 7:18
18 הבנים מלקטים עצים והאבות מבערים את האשׁ והנשׁים לשׁות בצק לעשׂות כונים למלכת השׁמים והסך נסכים לאלהים אחרים למען הכעסני׃
Jeremiah 7:20
20 לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השׂדה ועל פרי האדמה ובערה ולא תכבה׃
Jeremiah 7:24-26
Jeremiah 7:28
28 ואמרת אליהם זה הגוי אשׁר לוא שׁמעו בקול יהוה אלהיו ולא לקחו מוסר אבדה האמונה ונכרתה מפיהם׃
Jeremiah 9:1
1 (8:23) מי יתן ראשׁי מים ועיני מקור דמעה ואבכה יומם ולילה את חללי בת עמי׃
Jeremiah 11:10
10 שׁבו על עונת אבותם הראשׁנים אשׁר מאנו לשׁמוע את דברי והמה הלכו אחרי אלהים אחרים לעבדם הפרו בית ישׂראל ובית יהודה את בריתי אשׁר כרתי את אבותם׃
Jeremiah 11:20
20 ויהוה צבאות שׁפט צדק בחן כליות ולב אראה נקמתך מהם כי אליך גליתי את ריבי׃
Jeremiah 12:7
7 עזבתי את ביתי נטשׁתי את נחלתי נתתי את ידדות נפשׁי בכף איביה׃
Jeremiah 12:12
12 על כל שׁפים במדבר באו שׁדדים כי חרב ליהוה אכלה מקצה ארץ ועד קצה הארץ אין שׁלום לכל בשׂר׃
Jeremiah 13:13
13 ואמרת אליהם כה אמר יהוה הנני ממלא את כל ישׁבי הארץ הזאת ואת המלכים הישׁבים לדוד על כסאו ואת הכהנים ואת הנביאים ואת כל ישׁבי ירושׁלם שׁכרון׃
Jeremiah 13:17
Jeremiah 14:1-6
1 אשׁר היה דבר יהוה אל ירמיהו על דברי הבצרות׃2 אבלה יהודה ושׁעריה אמללו קדרו לארץ וצוחת ירושׁלם עלתה׃3 ואדריהם שׁלחו צעוריהם למים באו על גבים לא מצאו מים שׁבו כליהם ריקם בשׁו והכלמו וחפו ראשׁם׃4 בעבור האדמה חתה כי לא היה גשׁם בארץ בשׁו אכרים חפו ראשׁם׃5 כי גם אילת בשׂדה ילדה ועזוב כי לא היה דשׁא׃6 ופראים עמדו על שׁפים שׁאפו רוח כתנים כלו עיניהם כי אין עשׂב׃
Jeremiah 14:8
8 מקוה ישׂראל מושׁיעו בעת צרה למה תהיה כגר בארץ וכארח נטה ללון׃
Jeremiah 14:17-21
17 ואמרת אליהם את הדבר הזה תרדנה עיני דמעה לילה ויומם ואל תדמינה כי שׁבר גדול נשׁברה בתולת בת עמי מכה נחלה מאד׃
Jeremiah 14:17
17 ואמרת אליהם את הדבר הזה תרדנה עיני דמעה לילה ויומם ואל תדמינה כי שׁבר גדול נשׁברה בתולת בת עמי מכה נחלה מאד׃18 אם יצאתי השׂדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃19 המאס מאסת את יהודה אם בציון געלה נפשׁך מדוע הכיתנו ואין לנו מרפא קוה לשׁלום ואין טוב ולעת מרפא והנה בעתה׃20 ידענו יהוה רשׁענו עון אבותינו כי חטאנו׃21 אל תנאץ למען שׁמך אל תנבל כסא כבודך זכר אל תפר בריתך אתנו׃
Jeremiah 14:21-21
21 אל תנאץ למען שׁמך אל תנבל כסא כבודך זכר אל תפר בריתך אתנו׃
Jeremiah 15:13
Jeremiah 15:20
20 ונתתיך לעם הזה לחומת נחשׁת בצורה ונלחמו אליך ולא יוכלו לך כי אתך אני להושׁיעך ולהצילך נאם יהוה׃
Jeremiah 16:11-12
Jeremiah 16:12-12
Jeremiah 16:18
Jeremiah 17:4
Jeremiah 17:7
7 ברוך הגבר אשׁר יבטח ביהוה והיה יהוה מבטחו׃
Jeremiah 17:13
13 מקוה ישׂראל יהוה כל עזביך יבשׁו יסורי בארץ יכתבו כי עזבו מקור מים חיים את יהוה׃
Jeremiah 17:16
Jeremiah 17:21-22
Jeremiah 17:22-22
Jeremiah 17:24
24 והיה אם שׁמע תשׁמעון אלי נאם יהוה לבלתי הביא משׂא בשׁערי העיר הזאת ביום השׁבת ולקדשׁ את יום השׁבת לבלתי עשׂות בה כל מלאכה׃25 ובאו בשׁערי העיר הזאת מלכים ושׂרים ישׁבים על כסא דוד רכבים ברכב ובסוסים המה ושׂריהם אישׁ יהודה וישׁבי ירושׁלם וישׁבה העיר הזאת לעולם׃26 ובאו מערי יהודה ומסביבות ירושׁלם ומארץ בנימן ומן השׁפלה ומן ההר ומן הנגב מבאים עולה וזבח ומנחה ולבונה ומבאי תודה בית יהוה׃27 ואם לא תשׁמעו אלי לקדשׁ את יום השׁבת ולבלתי שׂאת משׂא ובא בשׁערי ירושׁלם ביום השׁבת והצתי אשׁ בשׁעריה ואכלה ארמנות ירושׁלם ולא תכבה׃
Jeremiah 18:19-23
Jeremiah 18:20-23
20 הישׁלם תחת טובה רעה כי כרו שׁוחה לנפשׁי זכר עמדי לפניך לדבר עליהם טובה להשׁיב את חמתך מהם׃21 לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃22 תשׁמע זעקה מבתיהם כי תביא עליהם גדוד פתאם כי כרו שׁיחה ללכדני ופחים טמנו לרגלי׃23 ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשׁלים לפניך בעת אפך עשׂה׃
Jeremiah 19:2
Jeremiah 19:15
15 כה אמר יהוה צבאות אלהי ישׂראל הנני מבי אל העיר הזאת ועל כל עריה את כל הרעה אשׁר דברתי עליה כי הקשׁו את ערפם לבלתי שׁמוע את דברי׃
Jeremiah 20:7-8
Jeremiah 20:11
Jeremiah 21:12
12 בית דוד כה אמר יהוה דינו לבקר משׁפט והצילו גזול מיד עושׁק פן תצא כאשׁ חמתי ובערה ואין מכבה מפני רע מעלליהם׃
Jeremiah 21:14
14 ופקדתי עליכם כפרי מעלליכם נאם יהוה והצתי אשׁ ביערה ואכלה כל סביביה׃
Jeremiah 22:2
2 ואמרת שׁמע דבר יהוה מלך יהודה הישׁב על כסא דוד אתה ועבדיך ועמך הבאים בשׁערים האלה׃
Jeremiah 22:4
Jeremiah 22:13
13 הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃
Jeremiah 22:17
17 כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃
Jeremiah 22:30
30 כה אמר יהוה כתבו את האישׁ הזה ערירי גבר לא יצלח בימיו כי לא יצלח מזרעו אישׁ ישׁב על כסא דוד ומשׁל עוד ביהודה׃
Jeremiah 25:9-11
9 הנני שׁלח ולקחתי את כל משׁפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישׁביה ועל כל הגוים האלה סביב והחרמתים ושׂמתים לשׁמה ולשׁרקה ולחרבות עולם׃10 והאבדתי מהם קול שׂשׂון וקול שׂמחה קול חתן וקול כלה קול רחים ואור נר׃11 והיתה כל הארץ הזאת לחרבה לשׁמה ועבדו הגוים האלה את מלך בבל שׁבעים שׁנה׃
Jeremiah 26:2
2 כה אמר יהוה עמד בחצר בית יהוה ודברת על כל ערי יהודה הבאים להשׁתחות בית יהוה את כל הדברים אשׁר צויתיך לדבר אליהם אל תגרע דבר׃
Jeremiah 26:4-6
Jeremiah 26:18
18 מיכיה המורשׁתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שׂדה תחרשׁ וירושׁלים עיים תהיה והר הבית לבמות יער׃
Jeremiah 27:12-13
Jeremiah 31:18
18 שׁמוע שׁמעתי אפרים מתנודד יסרתני ואוסר כעגל לא למד השׁיבני ואשׁובה כי אתה יהוה אלהי׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Jeremiah 32:29
29 ובאו הכשׂדים הנלחמים על העיר הזאת והציתו את העיר הזאת באשׁ ושׂרפוה ואת הבתים אשׁר קטרו על גגותיהם לבעל והסכו נסכים לאלהים אחרים למען הכעסני׃
Jeremiah 32:33
33 ויפנו אלי ערף ולא פנים ולמד אתם השׁכם ולמד ואינם שׁמעים לקחת מוסר׃
Jeremiah 32:44
44 שׂדות בכסף יקנו וכתוב בספר וחתום והעד עדים בארץ בנימן ובסביבי ירושׁלם ובערי יהודה ובערי ההר ובערי השׁפלה ובערי הנגב כי אשׁיב את שׁבותם נאם יהוה׃
Jeremiah 33:11
11 קול שׂשׂון וקול שׂמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשׁיב את שׁבות הארץ כבראשׁנה אמר יהוה׃
Jeremiah 33:13
13 בערי ההר בערי השׁפלה ובערי הנגב ובארץ בנימן ובסביבי ירושׁלם ובערי יהודה עד תעברנה הצאן על ידי מונה אמר יהוה׃
Jeremiah 33:15
15 בימים ההם ובעת ההיא אצמיח לדוד צמח צדקה ועשׂה משׁפט וצדקה בארץ׃
Jeremiah 33:17
17 כי כה אמר יהוה לא יכרת לדוד אישׁ ישׁב על כסא בית ישׂראל׃
Jeremiah 33:21
21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃
Jeremiah 35:15
15 ואשׁלח אליכם את כל עבדי הנבאים השׁכים ושׁלח לאמר שׁבו נא אישׁ מדרכו הרעה והיטיבו מעלליכם ואל תלכו אחרי אלהים אחרים לעבדם ושׁבו אל האדמה אשׁר נתתי לכם ולאבתיכם ולא הטיתם את אזנכם ולא שׁמעתם אלי׃
Jeremiah 36:6
6 ובאת אתה וקראת במגלה אשׁר כתבת מפי את דברי יהוה באזני העם בית יהוה ביום צום וגם באזני כל יהודה הבאים מעריהם תקראם׃
Jeremiah 36:10
10 ויקרא ברוך בספר את דברי ירמיהו בית יהוה בלשׁכת גמריהו בן שׁפן הספר בחצר העליון פתח שׁער בית יהוה החדשׁ באזני כל העם׃
Jeremiah 38:21-23
Jeremiah 39:8
8 ואת בית המלך ואת בית העם שׂרפו הכשׂדים באשׁ ואת חמות ירושׁלם נתצו׃
Jeremiah 44:16
16 הדבר אשׁר דברת אלינו בשׁם יהוה איננו שׁמעים אליך׃
Jeremiah 48:6
6 נסו מלטו נפשׁכם ותהיינה כערוער במדבר׃
Jeremiah 49:27
27 והצתי אשׁ בחומת דמשׂק ואכלה ארמנות בן הדד׃
Jeremiah 52:13
13 וישׂרף את בית יהוה ואת בית המלך ואת כל בתי ירושׁלם ואת כל בית הגדול שׂרף באשׁ׃
Jeremiah 52:15-20
15 ומדלות העם ואת יתר העם הנשׁארים בעיר ואת הנפלים אשׁר נפלו אל מלך בבל ואת יתר האמון הגלה נבוזראדן רב טבחים׃16 ומדלות הארץ השׁאיר נבוזראדן רב טבחים לכרמים וליגבים׃17 ואת עמודי הנחשׁת אשׁר לבית יהוה ואת המכנות ואת ים הנחשׁת אשׁר בבית יהוה שׁברו כשׂדים וישׂאו את כל נחשׁתם בבלה׃18 ואת הסרות ואת היעים ואת המזמרות ואת המזרקת ואת הכפות ואת כל כלי הנחשׁת אשׁר ישׁרתו בהם לקחו׃19 ואת הספים ואת המחתות ואת המזרקות ואת הסירות ואת המנרות ואת הכפות ואת המנקיות אשׁר זהב זהב ואשׁר כסף כסף לקח רב טבחים׃20 העמודים שׁנים הים אחד והבקר שׁנים עשׂר נחשׁת אשׁר תחת המכנות אשׁר עשׂה המלך שׁלמה לבית יהוה לא היה משׁקל לנחשׁתם כל הכלים האלה׃
Lamentations 1:10
10 ידו פרשׂ צר על כל מחמדיה כי ראתה גוים באו מקדשׁה אשׁר צויתה לא יבאו בקהל׃
Lamentations 1:12
12 לוא אליכם כל עברי דרך הביטו וראו אם ישׁ מכאוב כמכאבי אשׁר עולל לי אשׁר הוגה יהוה ביום חרון אפו׃
Lamentations 4:11
11 כלה יהוה את חמתו שׁפך חרון אפו ויצת אשׁ בציון ותאכל יסודתיה׃
Lamentations 5:2
2 נחלתנו נהפכה לזרים בתינו לנכרים׃
Lamentations 5:17-18
Ezekiel 1:26
26 וממעל לרקיע אשׁר על ראשׁם כמראה אבן ספיר דמות כסא ועל דמות הכסא דמות כמראה אדם עליו מלמעלה׃
Ezekiel 2:7
7 ודברת את דברי אליהם אם ישׁמעו ואם יחדלו כי מרי המה׃
Ezekiel 3:14-19
Ezekiel 3:17
Ezekiel 6:3
3 ואמרת הרי ישׂראל שׁמעו דבר אדני יהוה כה אמר אדני יהוה להרים ולגבעות לאפיקים ולגאית הנני אני מביא עליכם חרב ואבדתי במותיכם׃
Ezekiel 6:9
9 וזכרו פליטיכם אותי בגוים אשׁר נשׁבו שׁם אשׁר נשׁברתי את לבם הזונה אשׁר סר מעלי ואת עיניהם הזנות אחרי גלוליהם ונקטו בפניהם אל הרעות אשׁר עשׂו לכל תועבתיהם׃
Ezekiel 7:20-22
Ezekiel 12:22
22 בן אדם מה המשׁל הזה לכם על אדמת ישׂראל לאמר יארכו הימים ואבד כל חזון׃
Ezekiel 12:27-28
Ezekiel 16:39
39 ונתתי אותך בידם והרסו גבך ונתצו רמתיך והפשׁיטו אותך בגדיך ולקחו כלי תפארתך והניחוך עירם ועריה׃
Ezekiel 16:41
41 ושׂרפו בתיך באשׁ ועשׂו בך שׁפטים לעיני נשׁים רבות והשׁבתיך מזונה וגם אתנן לא תתני עוד׃
Ezekiel 16:63
63 למען תזכרי ובשׁת ולא יהיה לך עוד פתחון פה מפני כלמתך בכפרי לך לכל אשׁר עשׂית נאם אדני יהוה׃
Ezekiel 20:12
Ezekiel 20:16
16 יען במשׁפטי מאסו ואת חקותי לא הלכו בהם ואת שׁבתותי חללו כי אחרי גלוליהם לבם הלך׃
Ezekiel 20:20-21
Ezekiel 20:21
21 וימרו בי הבנים בחקותי לא הלכו ואת משׁפטי לא שׁמרו לעשׂות אותם אשׁר יעשׂה אותם האדם וחי בהם את שׁבתותי חללו ואמר לשׁפך חמתי עליהם לכלות אפי בם במדבר׃
Ezekiel 20:28
28 ואביאם אל הארץ אשׁר נשׂאתי את ידי לתת אותה להם ויראו כל גבעה רמה וכל עץ עבת ויזבחו שׁם את זבחיהם ויתנו שׁם כעס קרבנם וישׂימו שׁם ריח ניחוחיהם ויסיכו שׁם את נסכיהם׃
Ezekiel 20:47-48
Ezekiel 21:31
31 (21:36) ושׁפכתי עליך זעמי באשׁ עברתי אפיח עליך ונתתיך ביד אנשׁים בערים חרשׁי משׁחית׃
Ezekiel 22:8
8 קדשׁי בזית ואת שׁבתתי חללת׃
Ezekiel 22:12-13
Ezekiel 29:6-7
Ezekiel 31:4-10
4 מים גדלוהו תהום רממתהו את נהרתיה הלך סביבות מטעה ואת תעלתיה שׁלחה אל כל עצי השׂדה׃5 על כן גבהא קמתו מכל עצי השׂדה ותרבינה סרעפתיו ותארכנה פארתו ממים רבים בשׁלחו׃6 בסעפתיו קננו כל עוף השׁמים ותחת פארתיו ילדו כל חית השׂדה ובצלו ישׁבו כל גוים רבים׃7 וייף בגדלו בארך דליותיו כי היה שׁרשׁו אל מים רבים׃8 ארזים לא עממהו בגן אלהים ברושׁים לא דמו אל סעפתיו וערמנים לא היו כפארתיו כל עץ בגן אלהים לא דמה אליו ביפיו׃9 יפה עשׂיתיו ברב דליותיו ויקנאהו כל עצי עדן אשׁר בגן האלהים׃10 לכן כה אמר אדני יהוה יען אשׁר גבהת בקומה ויתן צמרתו אל בין עבותים ורם לבבו בגבהו׃
Ezekiel 33:7-9
Ezekiel 36:32
32 לא למענכם אני עשׂה נאם אדני יהוה יודע לכם בושׁו והכלמו מדרכיכם בית ישׂראל׃
Ezekiel 43:7
7 ויאמר אלי בן אדם את מקום כסאי ואת מקום כפות רגלי אשׁר אשׁכן שׁם בתוך בני ישׂראל לעולם ולא יטמאו עוד בית ישׂראל שׁם קדשׁי המה ומלכיהם בזנותם ובפגרי מלכיהם במותם׃
Ezekiel 47:11
Daniel 12:2
2 ורבים מישׁני אדמת עפר יקיצו אלה לחיי עולם ואלה לחרפות לדראון עולם׃
Hosea 1:2
2 תחלת דבר יהוה בהושׁע ויאמר יהוה אל הושׁע לך קח לך אשׁת זנונים וילדי זנונים כי זנה תזנה הארץ מאחרי יהוה׃
Hosea 4:13-14
Hosea 5:1
1 שׁמעו זאת הכהנים והקשׁיבו בית ישׂראל ובית המלך האזינו כי לכם המשׁפט כי פח הייתם למצפה ורשׁת פרושׂה על תבור׃
Hosea 12:7-8
Hosea 12:11
11 (12:12) אם גלעד און אך שׁוא היו בגלגל שׁורים זבחו גם מזבחותם כגלים על תלמי שׂדי׃
Joel 3:16
16 (4:16) ויהוה מציון ישׁאג ומירושׁלם יתן קולו ורעשׁו שׁמים וארץ ויהוה מחסה לעמו ומעוז לבני ישׂראל׃
Amos 1:4
4 ושׁלחתי אשׁ בבית חזאל ואכלה ארמנות בן הדד׃
Amos 1:7
7 ושׁלחתי אשׁ בחומת עזה ואכלה ארמנתיה׃
Amos 1:10
10 ושׁלחתי אשׁ בחומת צר ואכלה ארמנתיה׃
Amos 1:12
12 ושׁלחתי אשׁ בתימן ואכלה ארמנות בצרה׃
Amos 1:14
14 והצתי אשׁ בחומת רבה ואכלה ארמנותיה בתרועה ביום מלחמה בסער ביום סופה׃
Amos 2:2
2 ושׁלחתי אשׁ במואב ואכלה ארמנות הקריות ומת בשׁאון מואב בתרועה בקול שׁופר׃
Amos 2:4-5
Amos 3:10
10 ולא ידעו עשׂות נכחה נאם יהוה האוצרים חמס ושׁד בארמנותיהם׃
Amos 4:1
1 שׁמעו הדבר הזה פרות הבשׁן אשׁר בהר שׁמרון העשׁקות דלים הרצצות אביונים האמרת לאדניהם הביאה ונשׁתה׃
Amos 5:18
18 הוי המתאוים את יום יהוה למה זה לכם יום יהוה הוא חשׁך ולא אור׃
Amos 7:14-15
Amos 8:4-6
Micah 1:5-7
Micah 2:1-2
Micah 2:9
9 נשׁי עמי תגרשׁון מבית תענגיה מעל עלליה תקחו הדרי לעולם׃
Micah 3:1
1 ואמר שׁמעו נא ראשׁי יעקב וקציני בית ישׂראל הלוא לכם לדעת את המשׁפט׃
Micah 3:12-4:2
12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃
Micah 6:10-12
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
Micah 7:13
13 והיתה הארץ לשׁממה על ישׁביה מפרי מעלליהם׃
Nahum 1:5-6
Habakkuk 2:6-12
6 הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃7 הלוא פתע יקומו נשׁכיך ויקצו מזעזעיך והיית למשׁסות׃8 כי אתה שׁלות גוים רבים ישׁלוך כל יתר עמים מדמי אדם וחמס ארץ קריה וכל ישׁבי׃9 הוי בצע בצע רע לביתו לשׂום במרום קנו להנצל מכף רע׃10 יעצת בשׁת לביתך קצות עמים רבים וחוטא נפשׁך׃11 כי אבן מקיר תזעק וכפיס מעץ יעננה׃12 הוי בנה עיר בדמים וכונן קריה בעולה׃
Zephaniah 1:9
9 ופקדתי על כל הדולג על המפתן ביום ההוא הממלאים בית אדניהם חמס ומרמה׃
Zephaniah 2:9
9 לכן חי אני נאם יהוה צבאות אלהי ישׂראל כי מואב כסדם תהיה ובני עמון כעמרה ממשׁק חרול ומכרה מלח ושׁממה עד עולם שׁארית עמי יבזום ויתר גוי ינחלום׃
Zephaniah 3:7
7 אמרתי אך תיראי אותי תקחי מוסר ולא יכרת מעונה כל אשׁר פקדתי עליה אכן השׁכימו השׁחיתו כל עלילותם׃
Zechariah 5:4
4 הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃
Zechariah 6:15
15 ורחוקים יבאו ובנו בהיכל יהוה וידעתם כי יהוה צבאות שׁלחני אליכם והיה אם שׁמוע תשׁמעון בקול יהוה אלהיכם׃
Zechariah 7:7
7 הלוא את הדברים אשׁר קרא יהוה ביד הנביאים הראשׁנים בהיות ירושׁלם ישׁבת ושׁלוה ועריה סביבתיה והנגב והשׁפלה ישׁב׃
Zechariah 7:9-13
Zechariah 7:11-12
11 וימאנו להקשׁיב ויתנו כתף סררת ואזניהם הכבידו משׁמוע׃
Zechariah 7:11-14
Zechariah 7:12-12
12 ולבם שׂמו שׁמיר משׁמוע את התורה ואת הדברים אשׁר שׁלח יהוה צבאות ברוחו ביד הנביאים הראשׁנים ויהי קצף גדול מאת יהוה צבאות׃
Zechariah 7:12-14
Zechariah 7:13-14
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃