1 ויאמר יהוה אלי קח לך גליון גדול וכתב עליו בחרט אנושׁ למהר שׁלל חשׁ בז׃2 ואעידה לי עדים נאמנים את אוריה הכהן ואת זכריהו בן יברכיהו׃3 ואקרב אל הנביאה ותהר ותלד בן ויאמר יהוה אלי קרא שׁמו מהר שׁלל חשׁ בז׃4 כי בטרם ידע הנער קרא אבי ואמי ישׂא את חיל דמשׂק ואת שׁלל שׁמרון לפני מלך אשׁור׃5 ויסף יהוה דבר אלי עוד לאמר׃6 יען כי מאס העם הזה את מי השׁלח ההלכים לאט ומשׂושׂ את רצין ובן רמליהו׃7 ולכן הנה אדני מעלה עליהם את מי הנהר העצומים והרבים את מלך אשׁור ואת כל כבודו ועלה על כל אפיקיו והלך על כל גדותיו׃8 וחלף ביהודה שׁטף ועבר עד צואר יגיע והיה מטות כנפיו מלא רחב ארצך עמנו אל׃9 רעו עמים וחתו והאזינו כל מרחקי ארץ התאזרו וחתו התאזרו וחתו׃10 עצו עצה ותפר דברו דבר ולא יקום כי עמנו אל׃11 כי כה אמר יהוה אלי כחזקת היד ויסרני מלכת בדרך העם הזה לאמר׃12 לא תאמרון קשׁר לכל אשׁר יאמר העם הזה קשׁר ואת מוראו לא תיראו ולא תעריצו׃13 את יהוה צבאות אתו תקדישׁו והוא מוראכם והוא מערצכם׃14 והיה למקדשׁ ולאבן נגף ולצור מכשׁול לשׁני בתי ישׂראל לפח ולמוקשׁ ליושׁב ירושׁלם׃15 וכשׁלו בם רבים ונפלו ונשׁברו ונוקשׁו ונלכדו׃16 צור תעודה חתום תורה בלמדי׃17 וחכיתי ליהוה המסתיר פניו מבית יעקב וקויתי׃18 הנה אנכי והילדים אשׁר נתן לי יהוה לאתות ולמופתים בישׂראל מעם יהוה צבאות השׁכן בהר ציון׃19 וכי יאמרו אליכם דרשׁו אל האבות ואל הידענים המצפצפים והמהגים הלוא עם אל אלהיו ידרשׁ בעד החיים אל המתים׃20 לתורה ולתעודה אם לא יאמרו כדבר הזה אשׁר אין לו שׁחר׃21 ועבר בה נקשׁה ורעב והיה כי ירעב והתקצף וקלל במלכו ובאלהיו ופנה למעלה׃22 ואל ארץ יביט והנה צרה וחשׁכה מעוף צוקה ואפלה מנדח׃
Isaiah 8 Cross References - HOT
Genesis 6:17
17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃
Genesis 31:53
53 אלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק׃
Genesis 49:18
18 לישׁועתך קויתי יהוה׃
Exodus 22:28
28 (22:27) אלהים לא תקלל ונשׂיא בעמך לא תאר׃
Leviticus 10:3
3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃
Leviticus 19:31
31 אל תפנו אל האבת ואל הידענים אל תבקשׁו לטמאה בהם אני יהוה אלהיכם׃
Leviticus 20:6
6 והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃
Numbers 20:12-13
Numbers 27:14
14 כאשׁר מריתם פי במדבר צן במריבת העדה להקדישׁני במים לעיניהם הם מי מריבת קדשׁ מדבר צן׃
Deuteronomy 1:39
39 וטפכם אשׁר אמרתם לבז יהיה ובניכם אשׁר לא ידעו היום טוב ורע המה יבאו שׁמה ולהם אתננה והם יירשׁוה׃
Deuteronomy 4:45
45 אלה העדת והחקים והמשׁפטים אשׁר דבר משׁה אל בני ישׂראל בצאתם ממצרים׃
Deuteronomy 18:11
11 וחבר חבר ושׁאל אוב וידעני ודרשׁ אל המתים׃
Deuteronomy 20:1
1 כי תצא למלחמה על איבך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃
Deuteronomy 28:33-34
Deuteronomy 28:49-52
49 ישׂא יהוה עליך גוי מרחק מקצה הארץ כאשׁר ידאה הנשׁר גוי אשׁר לא תשׁמע לשׁנו׃50 גוי עז פנים אשׁר לא ישׂא פנים לזקן ונער לא יחן׃51 ואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך׃52 והצר לך בכל שׁעריך עד רדת חמתיך הגבהת והבצרות אשׁר אתה בטח בהן בכל ארצך והצר לך בכל שׁעריך בכל ארצך אשׁר נתן יהוה אלהיך׃53 ואכלת פרי בטנך בשׂר בניך ובנתיך אשׁר נתן לך יהוה אלהיך במצור ובמצוק אשׁר יציק לך איבך׃54 האישׁ הרך בך והענג מאד תרע עינו באחיו ובאשׁת חיקו וביתר בניו אשׁר יותיר׃55 מתת לאחד מהם מבשׂר בניו אשׁר יאכל מבלי השׁאיר לו כל במצור ובמצוק אשׁר יציק לך איבך בכל שׁעריך׃56 הרכה בך והענגה אשׁר לא נסתה כף רגלה הצג על הארץ מהתענג ומרך תרע עינה באישׁ חיקה ובבנה ובבתה׃57 ובשׁליתה היוצת מבין רגליה ובבניה אשׁר תלד כי תאכלם בחסר כל בסתר במצור ובמצוק אשׁר יציק לך איבך בשׁעריך׃
Deuteronomy 31:17-18
Deuteronomy 32:20
20 ויאמר אסתירה פני מהם אראה מה אחריתם כי דור תהפכת המה בנים לא אמן׃
Joshua 1:5
5 לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃
Judges 4:4
4 ודבורה אשׁה נביאה אשׁת לפידות היא שׁפטה את ישׂראל בעת ההיא׃
Judges 9:16-20
16 ועתה אם באמת ובתמים עשׂיתם ותמליכו את אבימלך ואם טובה עשׂיתם עם ירבעל ועם ביתו ואם כגמול ידיו עשׂיתם׃17 אשׁר נלחם אבי עליכם וישׁלך את נפשׁו מנגד ויצל אתכם מיד מדין׃18 ואתם קמתם על בית אבי היום ותהרגו את בניו שׁבעים אישׁ על אבן אחת ותמליכו את אבימלך בן אמתו על בעלי שׁכם כי אחיכם הוא׃19 ואם באמת ובתמים עשׂיתם עם ירבעל ועם ביתו היום הזה שׂמחו באבימלך וישׂמח גם הוא׃20 ואם אין תצא אשׁ מאבימלך ותאכל את בעלי שׁכם ואת בית מלוא ותצא אשׁ מבעלי שׁכם ומבית מלוא ותאכל את אבימלך׃
Ruth 4:2
2 ויקח עשׂרה אנשׁים מזקני העיר ויאמר שׁבו פה וישׁבו׃
Ruth 4:10-11
1 Samuel 28:8
8 ויתחפשׂ שׁאול וילבשׁ בגדים אחרים וילך הוא ושׁני אנשׁים עמו ויבאו אל האשׁה לילה ויאמר קסומי נא לי באוב והעלי לי את אשׁר אמר אליך׃
1 Samuel 28:11
11 ותאמר האשׁה את מי אעלה לך ויאמר את שׁמואל העלי׃
1 Samuel 28:16
16 ויאמר שׁמואל ולמה תשׁאלני ויהוה סר מעליך ויהי ערך׃
2 Samuel 15:31
31 ודוד הגיד לאמר אחיתפל בקשׁרים עם אבשׁלום ויאמר דוד סכל נא את עצת אחיתפל יהוה׃
2 Samuel 17:4
4 ויישׁר הדבר בעיני אבשׁלם ובעיני כל זקני ישׂראל׃
2 Samuel 17:23
23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
1 Kings 7:16
16 ושׁתי כתרת עשׂה לתת על ראשׁי העמודים מצק נחשׁת חמשׁ אמות קומת הכתרת האחת וחמשׁ אמות קומת הכתרת השׁנית׃
1 Kings 20:11
11 ויען מלך ישׂראל ויאמר דברו אל יתהלל חגר כמפתח׃
2 Kings 1:3
3 ומלאך יהוה דבר אל אליה התשׁבי קום עלה לקראת מלאכי מלך שׁמרון ודבר אלהם המבלי אין אלהים בישׂראל אתם הלכים לדרשׁ בבעל זבוב אלהי עקרון׃
2 Kings 6:33
33 עודנו מדבר עמם והנה המלאך ירד אליו ויאמר הנה זאת הרעה מאת יהוה מה אוחיל ליהוה עוד׃
2 Kings 11:12
12 ויוצא את בן המלך ויתן עליו את הנזר ואת העדות וימלכו אתו וימשׁחהו ויכו כף ויאמרו יחי המלך׃
2 Kings 15:29
29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃
2 Kings 16:5-7
5 אז יעלה רצין מלך ארם ופקח בן רמליהו מלך ישׂראל ירושׁלם למלחמה ויצרו על אחז ולא יכלו להלחם׃6 בעת ההיא השׁיב רצין מלך ארם את אילת לארם וינשׁל את היהודים מאילות וארמים באו אילת וישׁבו שׁם עד היום הזה׃7 וישׁלח אחז מלאכים אל תגלת פלסר מלך אשׁור לאמר עבדך ובנך אני עלה והושׁעני מכף מלך ארם ומכף מלך ישׂראל הקומים עלי׃
2 Kings 16:9
9 וישׁמע אליו מלך אשׁור ויעל מלך אשׁור אל דמשׂק ויתפשׂה ויגלה קירה ואת רצין המית׃10 וילך המלך אחז לקראת תגלת פלאסר מלך אשׁור דומשׂק וירא את המזבח אשׁר בדמשׂק וישׁלח המלך אחז אל אוריה הכהן את דמות המזבח ואת תבניתו לכל מעשׂהו׃11 ויבן אוריה הכהן את המזבח ככל אשׁר שׁלח המלך אחז מדמשׂק כן עשׂה אוריה הכהן עד בוא המלך אחז מדמשׂק׃
2 Kings 16:15-16
2 Kings 17:3
3 עליו עלה שׁלמנאסר מלך אשׁור ויהי לו הושׁע עבד וישׁב לו מנחה׃
2 Kings 17:3-6
3 עליו עלה שׁלמנאסר מלך אשׁור ויהי לו הושׁע עבד וישׁב לו מנחה׃4 וימצא מלך אשׁור בהושׁע קשׁר אשׁר שׁלח מלאכים אל סוא מלך מצרים ולא העלה מנחה למלך אשׁור כשׁנה בשׁנה ויעצרהו מלך אשׁור ויאסרהו בית כלא׃5 ויעל מלך אשׁור בכל הארץ ויעל שׁמרון ויצר עליה שׁלשׁ שׁנים׃6 בשׁנת התשׁיעית להושׁע לכד מלך אשׁור את שׁמרון ויגל את ישׂראל אשׁורה וישׁב אתם בחלח ובחבור נהר גוזן וערי מדי׃
2 Kings 18:2
2 בן עשׂרים וחמשׁ שׁנה היה במלכו ועשׂרים ותשׁע שׁנה מלך בירושׁלם ושׁם אמו אבי בת זכריה׃
2 Kings 18:9-12
9 ויהי בשׁנה הרביעית למלך חזקיהו היא השׁנה השׁביעית להושׁע בן אלה מלך ישׂראל עלה שׁלמנאסר מלך אשׁור על שׁמרון ויצר עליה׃10 וילכדה מקצה שׁלשׁ שׁנים בשׁנת שׁשׁ לחזקיה היא שׁנת תשׁע להושׁע מלך ישׂראל נלכדה שׁמרון׃11 ויגל מלך אשׁור את ישׂראל אשׁורה וינחם בחלח ובחבור נהר גוזן וערי מדי׃12 על אשׁר לא שׁמעו בקול יהוה אלהיהם ויעברו את בריתו את כל אשׁר צוה משׁה עבד יהוה ולא שׁמעו ולא עשׂו׃
2 Kings 21:6
6 והעביר את בנו באשׁ ועונן ונחשׁ ועשׂה אוב וידענים הרבה לעשׂות הרע בעיני יהוה להכעיס׃
2 Kings 22:14
14 וילך חלקיהו הכהן ואחיקם ועכבור ושׁפן ועשׂיה אל חלדה הנביאה אשׁת שׁלם בן תקוה בן חרחס שׁמר הבגדים והיא ישׁבת בירושׁלם במשׁנה וידברו אליה׃
2 Kings 23:24
24 וגם את האבות ואת הידענים ואת התרפים ואת הגללים ואת כל השׁקצים אשׁר נראו בארץ יהודה ובירושׁלם בער יאשׁיהו למען הקים את דברי התורה הכתבים על הספר אשׁר מצא חלקיהו הכהן בית יהוה׃
2 Kings 25:3
3 בתשׁעה לחדשׁ ויחזק הרעב בעיר ולא היה לחם לעם הארץ׃
1 Chronicles 10:13
13 וימת שׁאול במעלו אשׁר מעל ביהוה על דבר יהוה אשׁר לא שׁמר וגם לשׁאול באוב לדרושׁ׃
1 Chronicles 23:25
25 כי אמר דויד הניח יהוה אלהי ישׂראל לעמו וישׁכן בירושׁלם עד לעולם׃
2 Chronicles 13:8-18
8 ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשׁר עשׂה לכם ירבעם לאלהים׃9 הלא הדחתם את כהני יהוה את בני אהרן והלוים ותעשׂו לכם כהנים כעמי הארצות כל הבא למלא ידו בפר בן בקר ואילם שׁבעה והיה כהן ללא אלהים׃10 ואנחנו יהוה אלהינו ולא עזבנהו וכהנים משׁרתים ליהוה בני אהרן והלוים במלאכת׃11 ומקטרים ליהוה עלות בבקר בבקר ובערב בערב וקטרת סמים ומערכת לחם על השׁלחן הטהור ומנורת הזהב ונרתיה לבער בערב בערב כי שׁמרים אנחנו את משׁמרת יהוה אלהינו ואתם עזבתם אתו׃12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃
2 Chronicles 13:12
12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃13 וירבעם הסב את המארב לבוא מאחריהם ויהיו לפני יהודה והמארב מאחריהם׃14 ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃15 ויריעו אישׁ יהודה ויהי בהריע אישׁ יהודה והאלהים נגף את ירבעם וכל ישׂראל לפני אביה ויהודה׃16 וינוסו בני ישׂראל מפני יהודה ויתנם אלהים בידם׃17 ויכו בהם אביה ועמו מכה רבה ויפלו חללים מישׂראל חמשׁ מאות אלף אישׁ בחור׃18 ויכנעו בני ישׂראל בעת ההיא ויאמצו בני יהודה כי נשׁענו על יהוה אלהי אבותיהם׃
2 Chronicles 15:5-6
2 Chronicles 33:6
6 והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃7 וישׂם את פסל הסמל אשׁר עשׂה בבית האלהים אשׁר אמר אלהים אל דויד ואל שׁלמה בנו בבית הזה ובירושׁלם אשׁר בחרתי מכל שׁבטי ישׂראל אשׂים את שׁמי לעילום׃8 ולא אוסיף להסיר את רגל ישׂראל מעל האדמה אשׁר העמדתי לאבתיכם רק אם ישׁמרו לעשׂות את כל אשׁר צויתים לכל התורה והחקים והמשׁפטים ביד משׁה׃
Ezra 4:10
10 ושׁאר אמיא די הגלי אסנפר רבא ויקירא והותב המו בקריה די שׁמרין ושׁאר עבר נהרה וכענת׃
Nehemiah 3:15
15 ואת שׁער העין החזיק שׁלון בן כל חזה שׂר פלך המצפה הוא יבננו ויטללנו ויעמידו דלתתיו מנעליו ובריחיו ואת חומת ברכת השׁלח לגן המלך ועד המעלות היורדות מעיר דויד׃
Job 1:11
11 ואולם שׁלח נא ידך וגע בכל אשׁר לו אם לא על פניך יברכך׃
Job 2:5
5 אולם שׁלח נא ידך וגע אל עצמו ואל בשׂרו אם לא אל פניך יברכך׃
Job 2:9
9 ותאמר לו אשׁתו עדך מחזיק בתמתך ברך אלהים ומת׃
Job 5:12
12 מפר מחשׁבות ערומים ולא תעשׂינה ידיהם תושׁיה׃
Job 18:18
18 יהדפהו מאור אל חשׁך ומתבל ינדהו׃
Job 19:23-24
Psalms 2:1-2
Psalms 9:11
11 (9:12) זמרו ליהוה ישׁב ציון הגידו בעמים עלילותיו׃
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 19:7-8
Psalms 22:30
30 (22:31) זרע יעבדנו יספר לאדני לדור׃
Psalms 25:14
14 סוד יהוה ליראיו ובריתו להודיעם׃
Psalms 27:14
14 קוה אל יהוה חזק ויאמץ לבך וקוה אל יהוה׃
Psalms 32:8
8 אשׂכילך ואורך בדרך זו תלך איעצה עליך עיני׃
Psalms 33:10-11
Psalms 33:20
20 נפשׁנו חכתה ליהוה עזרנו ומגננו הוא׃
Psalms 37:14-15
Psalms 37:34
34 קוה אל יהוה ושׁמר דרכו וירוממך לרשׁת ארץ בהכרת רשׁעים תראה׃
Psalms 39:7
7 (39:8) ועתה מה קויתי אדני תוחלתי לך היא׃
Psalms 40:1
1 למנצח לדוד מזמור׃ (40:2) קוה קויתי יהוה ויט אלי וישׁמע שׁועתי׃
Psalms 46:1
1 למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃
Psalms 46:1-2
Psalms 46:7
7 (46:8) יהוה צבאות עמנו משׂגב לנו אלהי יעקב סלה׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Psalms 53:5
5 (53:6) שׁם פחדו פחד לא היה פחד כי אלהים פזר עצמות חנך הבשׁתה כי אלהים מאסם׃
Psalms 69:22
22 (69:23) יהי שׁלחנם לפניהם לפח ולשׁלומים למוקשׁ׃
Psalms 71:7
7 כמופת הייתי לרבים ואתה מחסי עז׃
Psalms 72:8
8 וירד מים עד ים ומנהר עד אפסי ארץ׃
Psalms 76:7
7 (76:8) אתה נורא אתה ומי יעמד לפניך מאז אפך׃
Psalms 83:3-18
3 (83:4) על עמך יערימו סוד ויתיעצו על צפוניך׃4 (83:5) אמרו לכו ונכחידם מגוי ולא יזכר שׁם ישׂראל עוד׃5 (83:6) כי נועצו לב יחדו עליך ברית יכרתו׃6 (83:7) אהלי אדום וישׁמעאלים מואב והגרים׃7 (83:8) גבל ועמון ועמלק פלשׁת עם ישׁבי צור׃8 (83:9) גם אשׁור נלוה עמם היו זרוע לבני לוט סלה׃9 (83:10) עשׂה להם כמדין כסיסרא כיבין בנחל קישׁון׃10 (83:11) נשׁמדו בעין דאר היו דמן לאדמה׃11 (83:12) שׁיתמו נדיבמו כערב וכזאב וכזבח וכצלמנע כל נסיכמו׃12 (83:13) אשׁר אמרו נירשׁה לנו את נאות אלהים׃13 (83:14) אלהי שׁיתמו כגלגל כקשׁ לפני רוח׃14 (83:15) כאשׁ תבער יער וכלהבה תלהט הרים׃15 (83:16) כן תרדפם בסערך ובסופתך תבהלם׃16 (83:17) מלא פניהם קלון ויבקשׁו שׁמך יהוה׃17 (83:18) יבשׁו ויבהלו עדי עד ויחפרו ויאבדו׃18 (83:19) וידעו כי אתה שׁמך יהוה לבדך עליון על כל הארץ׃
Psalms 106:28
28 ויצמדו לבעל פעור ויאכלו זבחי מתים׃
Psalms 119:130
130 פתח דבריך יאיר מבין פתיים׃
Psalms 130:5
5 קויתי יהוה קותה נפשׁי ולדברו הוחלתי׃
Proverbs 1:15
15 בני אל תלך בדרך אתם מנע רגלך מנתיבתם׃
Proverbs 4:18
18 וארח צדיקים כאור נגה הולך ואור עד נכון היום׃
Proverbs 8:8-9
Proverbs 11:21
21 יד ליד לא ינקה רע וזרע צדיקים נמלט׃
Proverbs 14:32
32 ברעתו ידחה רשׁע וחסה במותו צדיק׃
Proverbs 18:10
10 מגדל עז שׁם יהוה בו ירוץ צדיק ונשׂגב׃
Proverbs 19:3
3 אולת אדם תסלף דרכו ועל יהוה יזעף לבו׃
Proverbs 21:30
30 אין חכמה ואין תבונה ואין עצה לנגד יהוה׃
Isaiah 1:10
10 שׁמעו דבר יהוה קציני סדם האזינו תורת אלהינו עם עמרה׃
Isaiah 1:15
15 ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃
Isaiah 4:6
6 וסכה תהיה לצל יומם מחרב ולמחסה ולמסתור מזרם וממטר׃
Isaiah 5:24
24 לכן כאכל קשׁ לשׁון אשׁ וחשׁשׁ להבה ירפה שׁרשׁם כמק יהיה ופרחם כאבק יעלה כי מאסו את תורת יהוה צבאות ואת אמרת קדושׁ ישׂראל נאצו׃
Isaiah 5:30
30 וינהם עליו ביום ההוא כנהמת ים ונבט לארץ והנה חשׁך צר ואור חשׁך בעריפיה׃
Isaiah 7:1-2
1 ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישׂראל ירושׁלם למלחמה עליה ולא יכל להלחם עליה׃
Isaiah 7:1-6
Isaiah 7:2-6
Isaiah 7:3
Isaiah 7:5-7
Isaiah 7:6-6
6 נעלה ביהודה ונקיצנה ונבקענה אלינו ונמליך מלך בתוכה את בן טבאל׃
Isaiah 7:6-7
Isaiah 7:13-14
Isaiah 7:14
Isaiah 7:16
Isaiah 7:20
20 ביום ההוא יגלח אדני בתער השׂכירה בעברי נהר במלך אשׁור את הראשׁ ושׂער הרגלים וגם את הזקן תספה׃
Isaiah 8:1-2
Isaiah 8:7-8
Isaiah 8:8-8
8 וחלף ביהודה שׁטף ועבר עד צואר יגיע והיה מטות כנפיו מלא רחב ארצך עמנו אל׃
Isaiah 8:16
16 צור תעודה חתום תורה בלמדי׃
Isaiah 8:20
20 לתורה ולתעודה אם לא יאמרו כדבר הזה אשׁר אין לו שׁחר׃
Isaiah 9:1
1 (8:23) כי לא מועף לאשׁר מוצק לה כעת הראשׁון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃
Isaiah 9:6
6 (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃
Isaiah 9:20
20 (9:19) ויגזר על ימין ורעב ויאכל על שׂמאול ולא שׂבעו אישׁ בשׂר זרעו יאכלו׃
Isaiah 10:6-14
6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃7 והוא לא כן ידמה ולבבו לא כן יחשׁב כי להשׁמיד בלבבו ולהכרית גוים לא מעט׃8 כי יאמר הלא שׂרי יחדו מלכים׃9 הלא ככרכמישׁ כלנו אם לא כארפד חמת אם לא כדמשׂק שׁמרון׃10 כאשׁר מצאה ידי לממלכת האליל ופסיליהם מירושׁלם ומשׁמרון׃11 הלא כאשׁר עשׂיתי לשׁמרון ולאליליה כן אעשׂה לירושׁלם ולעצביה׃12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃13 כי אמר בכח ידי עשׂיתי ובחכמתי כי נבנותי ואסיר גבולת עמים ועתידתיהם שׁושׂתי ואוריד כאביר יושׁבים׃14 ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃
Isaiah 10:28-32
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 14:5-6
Isaiah 14:32
32 ומה יענה מלאכי גוי כי יהוה יסד ציון ובה יחסו עניי עמו׃
Isaiah 17:3
3 ונשׁבת מבצר מאפרים וממלכה מדמשׂק ושׁאר ארם ככבוד בני ישׂראל יהיו נאם יהוה צבאות׃
Isaiah 17:12-13
Isaiah 19:3
3 ונבקה רוח מצרים בקרבו ועצתו אבלע ודרשׁו אל האלילים ואל האטים ואל האבות ואל הידענים׃
Isaiah 22:1-7
1 משׂא גיא חזיון מה לך אפוא כי עלית כלך לגגות׃2 תשׁאות מלאה עיר הומיה קריה עליזה חלליך לא חללי חרב ולא מתי מלחמה׃3 כל קציניך נדדו יחד מקשׁת אסרו כל נמצאיך אסרו יחדו מרחוק ברחו׃4 על כן אמרתי שׁעו מני אמרר בבכי אל תאיצו לנחמני על שׁד בת עמי׃5 כי יום מהומה ומבוסה ומבוכה לאדני יהוה צבאות בגיא חזיון מקרקר קר ושׁוע אל ההר׃6 ועילם נשׂא אשׁפה ברכב אדם פרשׁים וקיר ערה מגן׃7 ויהי מבחר עמקיך מלאו רכב והפרשׁים שׁת שׁתו השׁערה׃
Isaiah 24:17-18
Isaiah 24:23
23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃
Isaiah 25:9
9 ואמר ביום ההוא הנה אלהינו זה קוינו לו ויושׁיענו זה יהוה קוינו לו נגילה ונשׂמחה בישׁועתו׃
Isaiah 26:3-4
Isaiah 26:8
8 אף ארח משׁפטיך יהוה קוינוך לשׁמך ולזכרך תאות נפשׁ׃
Isaiah 26:20
20 לך עמי בא בחדריך וסגר דלתיך בעדך חבי כמעט רגע עד יעבור זעם׃
Isaiah 28:13
13 והיה להם דבר יהוה צו לצו צו לצו קו לקו קו לקו זעיר שׁם זעיר שׁם למען ילכו וכשׁלו אחור ונשׁברו ונוקשׁו ונלכדו׃14 לכן שׁמעו דבר יהוה אנשׁי לצון משׁלי העם הזה אשׁר בירושׁלם׃15 כי אמרתם כרתנו ברית את מות ועם שׁאול עשׂינו חזה שׁיט שׁוטף כי עבר לא יבואנו כי שׂמנו כזב מחסנו ובשׁקר נסתרנו׃16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחישׁ׃
Isaiah 28:16
Isaiah 28:17-22
17 ושׂמתי משׁפט לקו וצדקה למשׁקלת ויעה ברד מחסה כזב וסתר מים ישׁטפו׃18 וכפר בריתכם את מות וחזותכם את שׁאול לא תקום שׁוט שׁוטף כי יעבר והייתם לו למרמס׃19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃20 כי קצר המצע מהשׂתרע והמסכה צרה כהתכנס׃21 כי כהר פרצים יקום יהוה כעמק בגבעון ירגז לעשׂות מעשׂהו זר מעשׂהו ולעבד עבדתו נכריה עבדתו׃22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃
Isaiah 29:1-9
Isaiah 29:4
4 ושׁפלת מארץ תדברי ומעפר תשׁח אמרתך והיה כאוב מארץ קולך ומעפר אמרתך תצפצף׃5 והיה כאבק דק המון זריך וכמץ עבר המון עריצים והיה לפתע פתאם׃6 מעם יהוה צבאות תפקד ברעם וברעשׁ וקול גדול סופה וסערה ולהב אשׁ אוכלה׃7 והיה כחלום חזון לילה המון כל הגוים הצבאים על אריאל וכל צביה ומצדתה והמציקים׃8 והיה כאשׁר יחלם הרעב והנה אוכל והקיץ וריקה נפשׁו וכאשׁר יחלם הצמא והנה שׁתה והקיץ והנה עיף ונפשׁו שׁוקקה כן יהיה המון כל הגוים הצבאים על הר ציון׃9 התמהמהו ותמהו השׁתעשׁעו ושׁעו שׁכרו ולא יין נעו ולא שׁכר׃
Isaiah 29:11-12
Isaiah 29:23
23 כי בראתו ילדיו מעשׂה ידי בקרבו יקדישׁו שׁמי והקדישׁו את קדושׁ יעקב ואת אלהי ישׂראל יעריצו׃
Isaiah 30:1
1 הוי בנים סוררים נאם יהוה לעשׂות עצה ולא מני ולנסך מסכה ולא רוחי למען ספות חטאת על חטאת׃
Isaiah 30:8
8 עתה בוא כתבה על לוח אתם ועל ספר חקה ותהי ליום אחרון לעד עד עולם׃
Isaiah 30:8-11
Isaiah 30:28
28 ורוחו כנחל שׁוטף עד צואר יחצה להנפה גוים בנפת שׁוא ורסן מתעה על לחיי עמים׃
Isaiah 33:2
2 יהוה חננו לך קוינו היה זרעם לבקרים אף ישׁועתנו בעת צרה׃
Isaiah 36:1-22
1 ויהי בארבע עשׂרה שׁנה למלך חזקיהו עלה סנחריב מלך אשׁור על כל ערי יהודה הבצרות ויתפשׂם׃2 וישׁלח מלך אשׁור את רב שׁקה מלכישׁ ירושׁלמה אל המלך חזקיהו בחיל כבד ויעמד בתעלת הברכה העליונה במסלת שׂדה כובס׃3 ויצא אליו אליקים בן חלקיהו אשׁר על הבית ושׁבנא הספר ויואח בן אסף המזכיר׃4 ויאמר אליהם רב שׁקה אמרו נא אל חזקיהו כה אמר המלך הגדול מלך אשׁור מה הבטחון הזה אשׁר בטחת׃5 אמרתי אך דבר שׂפתים עצה וגבורה למלחמה עתה על מי בטחת כי מרדת׃6 הנה בטחת על משׁענת הקנה הרצוץ הזה על מצרים אשׁר יסמך אישׁ עליו ובא בכפו ונקבה כן פרעה מלך מצרים לכל הבטחים עליו׃7 וכי תאמר אלי אל יהוה אלהינו בטחנו הלוא הוא אשׁר הסיר חזקיהו את במתיו ואת מזבחתיו ויאמר ליהודה ולירושׁלם לפני המזבח הזה תשׁתחוו׃8 ועתה התערב נא את אדני המלך אשׁור ואתנה לך אלפים סוסים אם תוכל לתת לך רכבים עליהם׃9 ואיך תשׁיב את פני פחת אחד עבדי אדני הקטנים ותבטח לך על מצרים לרכב ולפרשׁים׃10 ועתה המבלעדי יהוה עליתי על הארץ הזאת להשׁחיתה יהוה אמר אלי עלה אל הארץ הזאת והשׁחיתה׃11 ויאמר אליקים ושׁבנא ויואח אל רב שׁקה דבר נא אל עבדיך ארמית כי שׁמעים אנחנו ואל תדבר אלינו יהודית באזני העם אשׁר על החומה׃12 ויאמר רב שׁקה האל אדניך ואליך שׁלחני אדני לדבר את הדברים האלה הלא על האנשׁים הישׁבים על החומה לאכל את חראיהם ולשׁתות את שׁיניהם עמכם׃13 ויעמד רב שׁקה ויקרא בקול גדול יהודית ויאמר שׁמעו את דברי המלך הגדול מלך אשׁור׃14 כה אמר המלך אל ישׁא לכם חזקיהו כי לא יוכל להציל אתכם׃15 ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשׁור׃16 אל תשׁמעו אל חזקיהו כי כה אמר המלך אשׁור עשׂו אתי ברכה וצאו אלי ואכלו אישׁ גפנו ואישׁ תאנתו ושׁתו אישׁ מי בורו׃17 עד באי ולקחתי אתכם אל ארץ כארצכם ארץ דגן ותירושׁ ארץ לחם וכרמים׃18 פן יסית אתכם חזקיהו לאמר יהוה יצילנו ההצילו אלהי הגוים אישׁ את ארצו מיד מלך אשׁור׃19 איה אלהי חמת וארפד איה אלהי ספרוים וכי הצילו את שׁמרון מידי׃20 מי בכל אלהי הארצות האלה אשׁר הצילו את ארצם מידי כי יציל יהוה את ירושׁלם מידי׃21 ויחרישׁו ולא ענו אתו דבר כי מצות המלך היא לאמר לא תענהו׃22 ויבא אליקים בן חלקיהו אשׁר על הבית ושׁבנא הסופר ויואח בן אסף המזכיר אל חזקיהו קרועי בגדים ויגידו לו את דברי רב שׁקה׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 50:10
10 מי בכם ירא יהוה שׁמע בקול עבדו אשׁר הלך חשׁכים ואין נגה לו יבטח בשׁם יהוה וישׁען באלהיו׃
Isaiah 51:12-13
Isaiah 53:10
10 ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃
Isaiah 54:8
8 בשׁצף קצף הסתרתי פני רגע ממך ובחסד עולם רחמתיך אמר גאלך יהוה׃
Isaiah 54:13
13 וכל בניך למודי יהוה ורב שׁלום בניך׃
Isaiah 54:15
15 הן גור יגור אפס מאותי מי גר אתך עליך יפול׃
Isaiah 57:9-11
Isaiah 59:2
2 כי אם עונתיכם היו מבדלים בינכם לבין אלהיכם וחטאותיכם הסתירו פנים מכם משׁמוע׃
Isaiah 59:10
10 נגשׁשׁה כעורים קיר וכאין עינים נגשׁשׁה כשׁלנו בצהרים כנשׁף באשׁמנים כמתים׃
Isaiah 59:19
19 וייראו ממערב את שׁם יהוה וממזרח שׁמשׁ את כבודו כי יבוא כנהר צר רוח יהוה נססה׃
Isaiah 64:4
4 (64:3) ומעולם לא שׁמעו לא האזינו עין לא ראתה אלהים זולתך יעשׂה למחכה׃
Isaiah 64:7
7 (64:6) ואין קורא בשׁמך מתעורר להחזיק בך כי הסתרת פניך ממנו ותמוגנו ביד עוננו׃
Jeremiah 2:13
13 כי שׁתים רעות עשׂה עמי אתי עזבו מקור מים חיים לחצב להם בארות בארת נשׁברים אשׁר לא יכלו המים׃
Jeremiah 2:18
18 ועתה מה לך לדרך מצרים לשׁתות מי שׁחור ומה לך לדרך אשׁור לשׁתות מי נהר׃
Jeremiah 8:9
9 הבישׁו חכמים חתו וילכדו הנה בדבר יהוה מאסו וחכמת מה׃
Jeremiah 10:10
10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃
Jeremiah 13:16
16 תנו ליהוה אלהיכם כבוד בטרם יחשׁך ובטרם יתנגפו רגליכם על הרי נשׁף וקויתם לאור ושׂמה לצלמות ישׁית לערפל׃
Jeremiah 14:18
18 אם יצאתי השׂדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃
Jeremiah 15:19
19 לכן כה אמר יהוה אם תשׁוב ואשׁיבך לפני תעמד ואם תוציא יקר מזולל כפי תהיה ישׁבו המה אליך ואתה לא תשׁוב אליהם׃
Jeremiah 18:14
14 היעזב מצור שׂדי שׁלג לבנון אם ינתשׁו מים זרים קרים נוזלים׃
Jeremiah 20:7
7 פתיתני יהוה ואפת חזקתני ותוכל הייתי לשׂחוק כל היום כלה לעג׃
Jeremiah 20:9
9 ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃
Jeremiah 23:12
12 לכן יהיה דרכם להם כחלקלקות באפלה ידחו ונפלו בה כי אביא עליהם רעה שׁנת פקדתם נאם יהוה׃
Jeremiah 30:6-7
Jeremiah 36:2
2 קח לך מגלת ספר וכתבת אליה את כל הדברים אשׁר דברתי אליך על ישׂראל ועל יהודה ועל כל הגוים מיום דברתי אליך מימי יאשׁיהו ועד היום הזה׃
Jeremiah 36:28
28 שׁוב קח לך מגלה אחרת וכתב עליה את כל הדברים הראשׁנים אשׁר היו על המגלה הראשׁנה אשׁר שׂרף יהויקים מלך יהודה׃
Jeremiah 36:32
32 וירמיהו לקח מגלה אחרת ויתנה אל ברוך בן נריהו הספר ויכתב עליה מפי ירמיהו את כל דברי הספר אשׁר שׂרף יהויקים מלך יהודה באשׁ ועוד נוסף עליהם דברים רבים כהמה׃
Jeremiah 46:7-8
7 מי זה כיאר יעלה כנהרות יתגעשׁו מימיו׃8 מצרים כיאר יעלה וכנהרות יתגעשׁו מים ויאמר אעלה אכסה ארץ אבידה עיר וישׁבי׃9 עלו הסוסים והתהללו הרכב ויצאו הגבורים כושׁ ופוט תפשׂי מגן ולודים תפשׂי דרכי קשׁת׃10 והיום ההוא לאדני יהוה צבאות יום נקמה להנקם מצריו ואכלה חרב ושׂבעה ורותה מדמם כי זבח לאדני יהוה צבאות בארץ צפון אל נהר פרת׃11 עלי גלעד וקחי צרי בתולת בת מצרים לשׁוא הרביתי רפאות תעלה אין׃
Jeremiah 52:6
6 בחדשׁ הרביעי בתשׁעה לחדשׁ ויחזק הרעב בעיר ולא היה לחם לעם הארץ׃
Lamentations 3:25-26
Lamentations 3:37
37 מי זה אמר ותהי אדני לא צוה׃
Lamentations 4:4-5
Lamentations 4:9-10
Ezekiel 2:6-8
Ezekiel 3:14
14 ורוח נשׂאתני ותקחני ואלך מר בחמת רוחי ויד יהוה עלי חזקה׃
Ezekiel 11:16
16 לכן אמר כה אמר אדני יהוה כי הרחקתים בגוים וכי הפיצותים בארצות ואהי להם למקדשׁ מעט בארצות אשׁר באו שׁם׃
Ezekiel 14:8
8 ונתתי פני באישׁ ההוא והשׂמתיהו לאות ולמשׁלים והכרתיו מתוך עמי וידעתם כי אני יהוה׃
Ezekiel 17:3
3 ואמרת כה אמר אדני יהוה הנשׁר הגדול גדול הכנפים ארך האבר מלא הנוצה אשׁר לו הרקמה בא אל הלבנון ויקח את צמרת הארז׃
Ezekiel 31:3-18
3 הנה אשׁור ארז בלבנון יפה ענף וחרשׁ מצל וגבה קומה ובין עבתים היתה צמרתו׃4 מים גדלוהו תהום רממתהו את נהרתיה הלך סביבות מטעה ואת תעלתיה שׁלחה אל כל עצי השׂדה׃5 על כן גבהא קמתו מכל עצי השׂדה ותרבינה סרעפתיו ותארכנה פארתו ממים רבים בשׁלחו׃6 בסעפתיו קננו כל עוף השׁמים ותחת פארתיו ילדו כל חית השׂדה ובצלו ישׁבו כל גוים רבים׃7 וייף בגדלו בארך דליותיו כי היה שׁרשׁו אל מים רבים׃8 ארזים לא עממהו בגן אלהים ברושׁים לא דמו אל סעפתיו וערמנים לא היו כפארתיו כל עץ בגן אלהים לא דמה אליו ביפיו׃9 יפה עשׂיתיו ברב דליותיו ויקנאהו כל עצי עדן אשׁר בגן האלהים׃10 לכן כה אמר אדני יהוה יען אשׁר גבהת בקומה ויתן צמרתו אל בין עבותים ורם לבבו בגבהו׃11 ואתנהו ביד איל גוים עשׂו יעשׂה לו כרשׁעו גרשׁתהו׃12 ויכרתהו זרים עריצי גוים ויטשׁהו אל ההרים ובכל גאיות נפלו דליותיו ותשׁברנה פארתיו בכל אפיקי הארץ וירדו מצלו כל עמי הארץ ויטשׁהו׃13 על מפלתו ישׁכנו כל עוף השׁמים ואל פארתיו היו כל חית השׂדה׃14 למען אשׁר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שׁתי מים כי כלם נתנו למות אל ארץ תחתית בתוך בני אדם אל יורדי בור׃15 כה אמר אדני יהוה ביום רדתו שׁאולה האבלתי כסתי עליו את תהום ואמנע נהרותיה ויכלאו מים רבים ואקדר עליו לבנון וכל עצי השׂדה עליו עלפה׃16 מקול מפלתו הרעשׁתי גוים בהורדי אתו שׁאולה את יורדי בור וינחמו בארץ תחתית כל עצי עדן מבחר וטוב לבנון כל שׁתי מים׃17 גם הם אתו ירדו שׁאולה אל חללי חרב וזרעו ישׁבו בצלו בתוך גוים׃18 אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשׁכב את חללי חרב הוא פרעה וכל המונה נאם אדני יהוה׃
Ezekiel 38:9-23
9 ועלית כשׁאה תבוא כענן לכסות הארץ תהיה אתה וכל אגפיך ועמים רבים אותך׃10 כה אמר אדני יהוה והיה ביום ההוא יעלו דברים על לבבך וחשׁבת מחשׁבת רעה׃11 ואמרת אעלה על ארץ פרזות אבוא השׁקטים ישׁבי לבטח כלם ישׁבים באין חומה ובריח ודלתים אין׃12 לשׁלל שׁלל ולבז בז להשׁיב ידך על חרבות נושׁבת ואל עם מאסף מגוים עשׂה מקנה וקנין ישׁבי על טבור הארץ׃13 שׁבא ודדן וסחרי תרשׁישׁ וכל כפריה יאמרו לך הלשׁלל שׁלל אתה בא הלבז בז הקהלת קהלך לשׂאת כסף וזהב לקחת מקנה וקנין לשׁלל שׁלל גדול׃14 לכן הנבא בן אדם ואמרת לגוג כה אמר אדני יהוה הלוא ביום ההוא בשׁבת עמי ישׂראל לבטח תדע׃15 ובאת ממקומך מירכתי צפון אתה ועמים רבים אתך רכבי סוסים כלם קהל גדול וחיל רב׃16 ועלית על עמי ישׂראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשׁי בך לעיניהם גוג׃17 כה אמר אדני יהוה האתה הוא אשׁר דברתי בימים קדמונים ביד עבדי נביאי ישׂראל הנבאים בימים ההם שׁנים להביא אתך עליהם׃18 והיה ביום ההוא ביום בוא גוג על אדמת ישׂראל נאם אדני יהוה תעלה חמתי באפי׃19 ובקנאתי באשׁ עברתי דברתי אם לא ביום ההוא יהיה רעשׁ גדול על אדמת ישׂראל׃20 ורעשׁו מפני דגי הים ועוף השׁמים וחית השׂדה וכל הרמשׂ הרמשׂ על האדמה וכל האדם אשׁר על פני האדמה ונהרסו ההרים ונפלו המדרגות וכל חומה לארץ תפול׃21 וקראתי עליו לכל הרי חרב נאם אדני יהוה חרב אישׁ באחיו תהיה׃22 ונשׁפטתי אתו בדבר ובדם וגשׁם שׁוטף ואבני אלגבישׁ אשׁ וגפרית אמטיר עליו ועל אגפיו ועל עמים רבים אשׁר אתו׃23 והתגדלתי והתקדשׁתי ונודעתי לעיני גוים רבים וידעו כי אני יהוה׃
Ezekiel 39:23-24
Daniel 2:34-35
Daniel 9:24
24 שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃
Daniel 9:26
26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃
Daniel 11:10
10 ובנו יתגרו ואספו המון חילים רבים ובא בוא ושׁטף ועבר וישׁב ויתגרו עד מעזה׃
Daniel 11:22
22 וזרעות השׁטף ישׁטפו מלפניו וישׁברו וגם נגיד ברית׃
Daniel 12:4
4 ואתה דניאל סתם הדברים וחתם הספר עד עת קץ ישׁטטו רבים ותרבה הדעת׃
Daniel 12:9-10
Hosea 1:3-9
3 וילך ויקח את גמר בת דבלים ותהר ותלד לו בן׃4 ויאמר יהוה אליו קרא שׁמו יזרעאל כי עוד מעט ופקדתי את דמי יזרעאל על בית יהוא והשׁבתי ממלכות בית ישׂראל׃5 והיה ביום ההוא ושׁברתי את קשׁת ישׂראל בעמק יזרעאל׃6 ותהר עוד ותלד בת ויאמר לו קרא שׁמה לא רחמה כי לא אוסיף עוד ארחם את בית ישׂראל כי נשׂא אשׂא׃7 ואת בית יהודה ארחם והושׁעתים ביהוה אלהיהם ולא אושׁיעם בקשׁת ובחרב ובמלחמה בסוסים ובפרשׁים׃8 ותגמל את לא רחמה ותהר ותלד בן׃9 ויאמר קרא שׁמו לא עמי כי אתם לא עמי ואנכי לא אהיה׃
Hosea 6:3
3 ונדעה נרדפה לדעת את יהוה כשׁחר נכון מוצאו ויבוא כגשׁם לנו כמלקושׁ יורה ארץ׃
Hosea 12:6
6 (12:7) ואתה באלהיך תשׁוב חסד ומשׁפט שׁמר וקוה אל אלהיך תמיד׃
Joel 3:9-14
9 (4:9) קראו זאת בגוים קדשׁו מלחמה העירו הגבורים יגשׁו יעלו כל אנשׁי המלחמה׃10 (4:10) כתו אתיכם לחרבות ומזמרתיכם לרמחים החלשׁ יאמר גבור אני׃11 (4:11) עושׁו ובאו כל הגוים מסביב ונקבצו שׁמה הנחת יהוה גבוריך׃12 (4:12) יעורו ויעלו הגוים אל עמק יהושׁפט כי שׁם אשׁב לשׁפט את כל הגוים מסביב׃13 (4:13) שׁלחו מגל כי בשׁל קציר באו רדו כי מלאה גת השׁיקו היקבים כי רבה רעתם׃14 (4:14) המונים המונים בעמק החרוץ כי קרוב יום יהוה בעמק החרוץ׃
Amos 5:18-20
Amos 8:8
8 העל זאת לא תרגז הארץ ואבל כל יושׁב בה ועלתה כאר כלה ונגרשׁה ונשׁקה כיאור מצרים׃
Amos 9:5
5 ואדני יהוה הצבאות הנוגע בארץ ותמוג ואבלו כל יושׁבי בה ועלתה כיאר כלה ושׁקעה כיאר מצרים׃
Jonah 4:11
11 ואני לא אחוס על נינוה העיר הגדולה אשׁר ישׁ בה הרבה משׁתים עשׂרה רבו אדם אשׁר לא ידע בין ימינו לשׂמאלו ובהמה רבה׃
Micah 3:4
4 אז יזעקו אל יהוה ולא יענה אותם ויסתר פניו מהם בעת ההיא כאשׁר הרעו מעלליהם׃
Micah 3:6
6 לכן לילה לכם מחזון וחשׁכה לכם מקסם ובאה השׁמשׁ על הנביאים וקדר עליהם היום׃
Micah 4:11-13
Micah 7:7
7 ואני ביהוה אצפה אוחילה לאלהי ישׁעי ישׁמעני אלהי׃
Nahum 1:8
Habakkuk 2:2-3
Habakkuk 2:3
3 כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃
Zephaniah 1:14-15
Zechariah 3:8
8 שׁמע נא יהושׁע הכהן הגדול אתה ורעיך הישׁבים לפניך כי אנשׁי מופת המה כי הנני מביא את עבדי צמח׃
Zechariah 8:3
3 כה אמר יהוה שׁבתי אל ציון ושׁכנתי בתוך ירושׁלם ונקראה ירושׁלם עיר האמת והר יהוה צבאות הר הקדשׁ׃
Zechariah 14:1-3
Malachi 2:5
5 בריתי היתה אתו החיים והשׁלום ואתנם לו מורא וייראני ומפני שׁמי נחת הוא׃
Malachi 4:2
2 (3:20) וזרחה לכם יראי שׁמי שׁמשׁ צדקה ומרפא בכנפיה ויצאתם ופשׁתם כעגלי מרבק׃