Genesis 7:1 Cross References - HOT

1 ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה׃

Genesis 6:9

9 אלה תולדת נח נח אישׁ צדיק תמים היה בדרתיו את האלהים התהלך נח׃

Genesis 7:7

7 ויבא נח ובניו ואשׁתו ונשׁי בניו אתו אל התבה מפני מי המבול׃

Genesis 7:13

13 בעצם היום הזה בא נח ושׁם וחם ויפת בני נח ואשׁת נח ושׁלשׁת נשׁי בניו אתם אל התבה׃

Job 5:19-24

19 בשׁשׁ צרות יצילך ובשׁבע לא יגע בך רע׃20 ברעב פדך ממות ובמלחמה מידי חרב׃21 בשׁוט לשׁון תחבא ולא תירא משׁד כי יבוא׃22 לשׁד ולכפן תשׂחק ומחית הארץ אל תירא׃23 כי עם אבני השׂדה בריתך וחית השׂדה השׁלמה׃24 וידעת כי שׁלום אהלך ופקדת נוך ולא תחטא׃

Psalms 33:18-19

18 הנה עין יהוה אל יראיו למיחלים לחסדו׃19 להציל ממות נפשׁם ולחיותם ברעב׃

Psalms 91:1-10

1 ישׁב בסתר עליון בצל שׁדי יתלונן׃2 אמר ליהוה מחסי ומצודתי אלהי אבטח׃3 כי הוא יצילך מפח יקושׁ מדבר הוות׃4 באברתו יסך לך ותחת כנפיו תחסה צנה וסחרה אמתו׃5 לא תירא מפחד לילה מחץ יעוף יומם׃6 מדבר באפל יהלך מקטב ישׁוד צהרים׃7 יפל מצדך אלף ורבבה מימינך אליך לא יגשׁ׃8 רק בעיניך תביט ושׁלמת רשׁעים תראה׃9 כי אתה יהוה מחסי עליון שׂמת מעונך׃10 לא תאנה אליך רעה ונגע לא יקרב באהלך׃

Proverbs 10:6-7

6 ברכות לראשׁ צדיק ופי רשׁעים יכסה חמס׃7 זכר צדיק לברכה ושׁם רשׁעים ירקב׃

Proverbs 10:9

9 הולך בתם ילך בטח ומעקשׁ דרכיו יודע׃

Proverbs 11:4-8

4 לא יועיל הון ביום עברה וצדקה תציל ממות׃5 צדקת תמים תישׁר דרכו וברשׁעתו יפל רשׁע׃6 צדקת ישׁרים תצילם ובהות בגדים ילכדו׃7 במות אדם רשׁע תאבד תקוה ותוחלת אונים אבדה׃8 צדיק מצרה נחלץ ויבא רשׁע תחתיו׃

Proverbs 14:26

26 ביראת יהוה מבטח עז ולבניו יהיה מחסה׃

Proverbs 18:10

10 מגדל עז שׁם יהוה בו ירוץ צדיק ונשׂגב׃

Isaiah 3:10-11

10 אמרו צדיק כי טוב כי פרי מעלליהם יאכלו׃11 אוי לרשׁע רע כי גמול ידיו יעשׂה׃

Isaiah 26:20-21

20 לך עמי בא בחדריך וסגר דלתיך בעדך חבי כמעט רגע עד יעבור זעם׃21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃

Ezekiel 9:4-6

4 ויאמר יהוה אלו עבר בתוך העיר בתוך ירושׁלם והתוית תו על מצחות האנשׁים הנאנחים והנאנקים על כל התועבות הנעשׂות בתוכה׃5 ולאלה אמר באזני עברו בעיר אחריו והכו על תחס עיניכם ואל תחמלו׃6 זקן בחור ובתולה וטף ונשׁים תהרגו למשׁחית ועל כל אישׁ אשׁר עליו התו אל תגשׁו וממקדשׁי תחלו ויחלו באנשׁים הזקנים אשׁר לפני הבית׃

Zephaniah 2:3

3 בקשׁו את יהוה כל ענוי הארץ אשׁר משׁפטו פעלו בקשׁו צדק בקשׁו ענוה אולי תסתרו ביום אף יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.