1 ויהי כי החל האדם לרב על פני האדמה ובנות ילדו׃2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃3 ויאמר יהוה לא ידון רוחי באדם לעלם בשׁגם הוא בשׂר והיו ימיו מאה ועשׂרים שׁנה׃4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃6 וינחם יהוה כי עשׂה את האדם בארץ ויתעצב אל לבו׃7 ויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם׃8 ונח מצא חן בעיני יהוה׃9 אלה תולדת נח נח אישׁ צדיק תמים היה בדרתיו את האלהים התהלך נח׃10 ויולד נח שׁלשׁה בנים את שׁם את חם ואת יפת׃11 ותשׁחת הארץ לפני האלהים ותמלא הארץ חמס׃12 וירא אלהים את הארץ והנה נשׁחתה כי השׁחית כל בשׂר את דרכו על הארץ׃13 ויאמר אלהים לנח קץ כל בשׂר בא לפני כי מלאה הארץ חמס מפניהם והנני משׁחיתם את הארץ׃14 עשׂה לך תבת עצי גפר קנים תעשׂה את התבה וכפרת אתה מבית ומחוץ בכפר׃15 וזה אשׁר תעשׂה אתה שׁלשׁ מאות אמה ארך התבה חמשׁים אמה רחבה ושׁלשׁים אמה קומתה׃16 צהר תעשׂה לתבה ואל אמה תכלנה מלמעלה ופתח התבה בצדה תשׂים תחתים שׁנים ושׁלשׁים תעשׂה׃17 ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃18 והקמתי את בריתי אתך ובאת אל התבה אתה ובניך ואשׁתך ונשׁי בניך אתך׃19 ומכל החי מכל בשׂר שׁנים מכל תביא אל התבה להחית אתך זכר ונקבה יהיו׃20 מהעוף למינהו ומן הבהמה למינה מכל רמשׂ האדמה למינהו שׁנים מכל יבאו אליך להחיות׃21 ואתה קח לך מכל מאכל אשׁר יאכל ואספת אליך והיה לך ולהם לאכלה׃22 ויעשׂ נח ככל אשׁר צוה אתו אלהים כן עשׂה׃
Genesis 6 Cross References - HOT
Genesis 1:20-24
20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃21 ויברא אלהים את התנינם הגדלים ואת כל נפשׁ החיה הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב׃22 ויברך אתם אלהים לאמר פרו ורבו ומלאו את המים בימים והעוף ירב בארץ׃23 ויהי ערב ויהי בקר יום חמישׁי׃24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃
Genesis 1:28
28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃29 ויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה׃30 ולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן׃
Genesis 2:4
4 אלה תולדות השׁמים והארץ בהבראם ביום עשׂות יהוה אלהים ארץ ושׁמים׃
Genesis 2:7
7 וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה׃
Genesis 2:19
19 ויצר יהוה אלהים מן האדמה כל חית השׂדה ואת כל עוף השׁמים ויבא אל האדם לראות מה יקרא לו וכל אשׁר יקרא לו האדם נפשׁ חיה הוא שׁמו׃
Genesis 3:6
6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃
Genesis 4:26
26 ולשׁת גם הוא ילד בן ויקרא את שׁמו אנושׁ אז הוחל לקרא בשׁם יהוה׃
Genesis 5:1
1 זה ספר תולדת אדם ביום ברא אלהים אדם בדמות אלהים עשׂה אתו׃
Genesis 5:22
22 ויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות׃
Genesis 5:24
24 ויתהלך חנוך את האלהים ואיננו כי לקח אתו אלהים׃
Genesis 5:32
32 ויהי נח בן חמשׁ מאות שׁנה ויולד נח את שׁם את חם ואת יפת׃
Genesis 6:4-5
4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃
Genesis 6:4
Genesis 6:7
Genesis 6:11-12
Genesis 7:1
1 ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה׃2 מכל הבהמה הטהורה תקח לך שׁבעה שׁבעה אישׁ ואשׁתו ומן הבהמה אשׁר לא טהרה הוא שׁנים אישׁ ואשׁתו׃3 גם מעוף השׁמים שׁבעה שׁבעה זכר ונקבה לחיות זרע על פני כל הארץ׃4 כי לימים עוד שׁבעה אנכי ממטיר על הארץ ארבעים יום וארבעים לילה ומחיתי את כל היקום אשׁר עשׂיתי מעל פני האדמה׃5 ויעשׂ נח ככל אשׁר צוהו יהוה׃
Genesis 7:7
Genesis 7:8-16
Genesis 7:9-16
9 שׁנים שׁנים באו אל נח אל התבה זכר ונקבה כאשׁר צוה אלהים את נח׃
Genesis 7:9
9 שׁנים שׁנים באו אל נח אל התבה זכר ונקבה כאשׁר צוה אלהים את נח׃10 ויהי לשׁבעת הימים ומי המבול היו על הארץ׃11 בשׁנת שׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינות תהום רבה וארבת השׁמים נפתחו׃12 ויהי הגשׁם על הארץ ארבעים יום וארבעים לילה׃13 בעצם היום הזה בא נח ושׁם וחם ויפת בני נח ואשׁת נח ושׁלשׁת נשׁי בניו אתם אל התבה׃
Genesis 7:13-16
Genesis 7:15-16
Genesis 7:16-16
Genesis 7:20
Genesis 7:21-23
Genesis 7:23-23
23 וימח את כל היקום אשׁר על פני האדמה מאדם עד בהמה עד רמשׂ ועד עוף השׁמים וימחו מן הארץ וישׁאר אך נח ואשׁר אתו בתבה׃
Genesis 8:6
6 ויהי מקץ ארבעים יום ויפתח נח את חלון התבה אשׁר עשׂה׃
Genesis 8:17
17 כל החיה אשׁר אתך מכל בשׂר בעוף ובבהמה ובכל הרמשׂ הרמשׂ על הארץ הוצא אתך ושׁרצו בארץ ופרו ורבו על הארץ׃
Genesis 8:21
21 וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשׁר עשׂיתי׃
Genesis 9:9
9 ואני הנני מקים את בריתי אתכם ואת זרעכם אחריכם׃
Genesis 9:9-16
9 ואני הנני מקים את בריתי אתכם ואת זרעכם אחריכם׃10 ואת כל נפשׁ החיה אשׁר אתכם בעוף בבהמה ובכל חית הארץ אתכם מכל יצאי התבה לכל חית הארץ׃11 והקמתי את בריתי אתכם ולא יכרת כל בשׂר עוד ממי המבול ולא יהיה עוד מבול לשׁחת הארץ׃12 ויאמר אלהים זאת אות הברית אשׁר אני נתן ביני וביניכם ובין כל נפשׁ חיה אשׁר אתכם לדרת עולם׃
Genesis 9:12-16
12 ויאמר אלהים זאת אות הברית אשׁר אני נתן ביני וביניכם ובין כל נפשׁ חיה אשׁר אתכם לדרת עולם׃13 את קשׁתי נתתי בענן והיתה לאות ברית ביני ובין הארץ׃14 והיה בענני ענן על הארץ ונראתה הקשׁת בענן׃15 וזכרתי את בריתי אשׁר ביני וביניכם ובין כל נפשׁ חיה בכל בשׂר ולא יהיה עוד המים למבול לשׁחת כל בשׂר׃16 והיתה הקשׁת בענן וראיתיה לזכר ברית עולם בין אלהים ובין כל נפשׁ חיה בכל בשׂר אשׁר על הארץ׃
Genesis 9:16-16
Genesis 10:1
1 ואלה תולדת בני נח שׁם חם ויפת ויולדו להם בנים אחר המבול׃
Genesis 10:9
9 הוא היה גבר ציד לפני יהוה על כן יאמר כנמרד גבור ציד לפני יהוה׃
Genesis 11:4
4 ויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ׃
Genesis 13:13
13 ואנשׁי סדם רעים וחטאים ליהוה מאד׃
Genesis 17:1
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃
Genesis 17:4
4 אני הנה בריתי אתך והיית לאב המון גוים׃
Genesis 17:7
7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃
Genesis 17:21
21 ואת בריתי אקים את יצחק אשׁר תלד לך שׂרה למועד הזה בשׁנה האחרת׃
Genesis 17:23
23 ויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים׃
Genesis 18:20-21
Genesis 18:21
21 ארדה נא ואראה הכצעקתה הבאה אלי עשׂו כלה ואם לא אדעה׃
Genesis 19:19
19 הנה נא מצא עבדך חן בעיניך ותגדל חסדך אשׁר עשׂית עמדי להחיות את נפשׁי ואנכי לא אוכל להמלט ההרה פן תדבקני הרעה ומתי׃
Genesis 24:3
3 ואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי יושׁב בקרבו׃
Genesis 27:46
46 ותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים׃
Genesis 39:6-7
Genesis 48:15
15 ויברך את יוסף ויאמר האלהים אשׁר התהלכו אבתי לפניו אברהם ויצחק האלהים הרעה אתי מעודי עד היום הזה׃
Genesis 49:5
5 שׁמעון ולוי אחים כלי חמס מכרתיהם׃
Exodus 2:3
3 ולא יכלה עוד הצפינו ותקח לו תבת גמא ותחמרה בחמר ובזפת ותשׂם בה את הילד ותשׂם בסוף על שׂפת היאר׃
Exodus 4:22-23
Exodus 14:17
17 ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃
Exodus 32:14
14 וינחם יהוה על הרעה אשׁר דבר לעשׂות לעמו׃
Exodus 33:12-17
12 ויאמר משׁה אל יהוה ראה אתה אמר אלי העל את העם הזה ואתה לא הודעתני את אשׁר תשׁלח עמי ואתה אמרת ידעתיך בשׁם וגם מצאת חן בעיני׃13 ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃14 ויאמר פני ילכו והנחתי׃15 ויאמר אליו אם אין פניך הלכים אל תעלנו מזה׃16 ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשׁר על פני האדמה׃17 ויאמר יהוה אל משׁה גם את הדבר הזה אשׁר דברת אעשׂה כי מצאת חן בעיני ואדעך בשׁם׃
Exodus 34:16
16 ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן׃
Exodus 40:16
16 ויעשׂ משׁה ככל אשׁר צוה יהוה אתו כן עשׂה׃
Exodus 40:19
19 ויפרשׂ את האהל על המשׁכן וישׂם את מכסה האהל עליו מלמעלה כאשׁר צוה יהוה את משׁה׃
Exodus 40:21
21 ויבא את הארן אל המשׁכן וישׂם את פרכת המסך ויסך על ארון העדות כאשׁר צוה יהוה את משׁה׃
Exodus 40:23
23 ויערך עליו ערך לחם לפני יהוה כאשׁר צוה יהוה את משׁה׃
Exodus 40:25
25 ויעל הנרת לפני יהוה כאשׁר צוה יהוה את משׁה׃
Exodus 40:27
27 ויקטר עליו קטרת סמים כאשׁר צוה יהוה את משׁה׃
Exodus 40:32
32 בבאם אל אהל מועד ובקרבתם אל המזבח ירחצו כאשׁר צוה יהוה את משׁה׃
Leviticus 26:28
28 והלכתי עמכם בחמת קרי ויסרתי אתכם אף אני שׁבע על חטאתיכם׃
Numbers 11:17
17 וירדתי ודברתי עמך שׁם ואצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך׃
Numbers 13:33
33 ושׁם ראינו את הנפילים בני ענק מן הנפלים ונהי בעינינו כחגבים וכן היינו בעיניהם׃
Numbers 16:2
2 ויקמו לפני משׁה ואנשׁים מבני ישׂראל חמשׁים ומאתים נשׂיאי עדה קראי מועד אנשׁי שׁם׃
Numbers 23:19
19 לא אישׁ אל ויכזב ובן אדם ויתנחם ההוא אמר ולא יעשׂה ודבר ולא יקימנה׃
Deuteronomy 2:20-21
Deuteronomy 3:11
11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃
Deuteronomy 5:29
29 מי יתן והיה לבבם זה להם ליראה אתי ולשׁמר את כל מצותי כל הימים למען ייטב להם ולבניהם לעלם׃
Deuteronomy 7:3-4
Deuteronomy 12:32
32 (13:1) את כל הדבר אשׁר אנכי מצוה אתכם אתו תשׁמרו לעשׂות לא תסף עליו ולא תגרע ממנו׃
Deuteronomy 14:1
1 בנים אתם ליהוה אלהיכם לא תתגדדו ולא תשׂימו קרחה בין עיניכם למת׃
Deuteronomy 29:19
19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃
Deuteronomy 32:29
29 לו חכמו ישׂכילו זאת יבינו לאחריתם׃
Deuteronomy 32:36
36 כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב׃
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Joshua 23:12-13
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
1 Samuel 15:29
29 וגם נצח ישׂראל לא ישׁקר ולא ינחם כי לא אדם הוא להנחם׃
1 Samuel 15:35
35 ולא יסף שׁמואל לראות את שׁאול עד יום מותו כי התאבל שׁמואל אל שׁאול ויהוה נחם כי המליך את שׁאול על ישׂראל׃
1 Samuel 17:4
4 ויצא אישׁ הבנים ממחנות פלשׁתים גלית שׁמו מגת גבהו שׁשׁ אמות וזרת׃
2 Samuel 6:16
16 והיה ארון יהוה בא עיר דוד ומיכל בת שׁאול נשׁקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
2 Samuel 11:2
2 ויהי לעת הערב ויקם דוד מעל משׁכבו ויתהלך על גג בית המלך וירא אשׁה רחצת מעל הגג והאשׁה טובת מראה מאד׃
2 Samuel 21:15-22
15 ותהי עוד מלחמה לפלשׁתים את ישׂראל וירד דוד ועבדיו עמו וילחמו את פלשׁתים ויעף דוד׃16 וישׁבו בנב אשׁר בילידי הרפה ומשׁקל קינו שׁלשׁ מאות משׁקל נחשׁת והוא חגור חדשׁה ויאמר להכות את דוד׃17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃18 ויהי אחרי כן ותהי עוד המלחמה בגוב עם פלשׁתים אז הכה סבכי החשׁתי את סף אשׁר בילדי הרפה׃19 ותהי עוד המלחמה בגוב עם פלשׁתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃20 ותהי עוד מלחמה בגת ויהי אישׁ מדין ואצבעת ידיו ואצבעות רגליו שׁשׁ ושׁשׁ עשׂרים וארבע מספר וגם הוא ילד להרפה׃21 ויחרף את ישׂראל ויכהו יהונתן בן שׁמעי אחי דוד׃22 את ארבעת אלה ילדו להרפה בגת ויפלו ביד דוד וביד עבדיו׃
2 Samuel 24:16
16 וישׁלח ידו המלאך ירושׁלם לשׁחתה וינחם יהוה אל הרעה ויאמר למלאך המשׁחית בעם רב עתה הרף ידך ומלאך יהוה היה עם גרן האורנה היבסי׃
1 Kings 3:6
6 ויאמר שׁלמה אתה עשׂית עם עבדך דוד אבי חסד גדול כאשׁר הלך לפניך באמת ובצדקה ובישׁרת לבב עמך ותשׁמר לו את החסד הגדול הזה ותתן לו בן ישׁב על כסאו כיום הזה׃
2 Kings 9:30
30 ויבוא יהוא יזרעאלה ואיזבל שׁמעה ותשׂם בפוך עיניה ותיטב את ראשׁה ותשׁקף בעד החלון׃
1 Chronicles 21:15
15 וישׁלח האלהים מלאך לירושׁלם להשׁחיתה וכהשׁחית ראה יהוה וינחם על הרעה ויאמר למלאך המשׁחית רב עתה הרף ידך ומלאך יהוה עמד עם גרן ארנן היבוסי׃
2 Chronicles 15:17
17 והבמות לא סרו מישׂראל רק לבב אסא היה שׁלם כל ימיו׃
2 Chronicles 25:2
2 ויעשׂ הישׁר בעיני יהוה רק לא בלבב שׁלם׃
2 Chronicles 34:27
27 יען רך לבבך ותכנע מלפני אלהים בשׁמעך את דבריו על המקום הזה ועל ישׁביו ותכנע לפני ותקרע את בגדיך ותבך לפני וגם אני שׁמעתי נאם יהוה׃
Ezra 9:1-2
Ezra 9:12
12 ועתה בנותיכם אל תתנו לבניהם ובנתיהם אל תשׂאו לבניכם ולא תדרשׁו שׁלמם וטובתם עד עולם למען תחזקו ואכלתם את טוב הארץ והורשׁתם לבניכם עד עולם׃
Nehemiah 9:30
30 ותמשׁך עליהם שׁנים רבות ותעד בם ברוחך ביד נביאיך ולא האזינו ותתנם ביד עמי הארצת׃
Nehemiah 13:24-27
24 ובניהם חצי מדבר אשׁדודית ואינם מכירים לדבר יהודית וכלשׁון עם ועם׃25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃27 ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Job 1:8
8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Job 12:4
4 שׂחק לרעהו אהיה קרא לאלוה ויענהו שׂחוק צדיק תמים׃
Job 15:16
16 אף כי נתעב ונאלח אישׁ שׁתה כמים עולה׃
Job 22:15-17
Job 22:16
Job 31:1
1 ברית כרתי לעיני ומה אתבונן על בתולה׃
Job 33:27
27 ישׁר על אנשׁים ויאמר חטאתי וישׁר העויתי ולא שׁוה׃
Job 38:41
41 מי יכין לערב צידו כי ילדו אל אל ישׁועו יתעו לבלי אכל׃
Job 40:20
20 כי בול הרים ישׂאו לו וכל חית השׂדה ישׂחקו שׁם׃
Psalms 11:5
5 יהוה צדיק יבחן ורשׁע ואהב חמס שׂנאה נפשׁו׃
Psalms 14:1-4
1 למנצח לדוד אמר נבל בלבו אין אלהים השׁחיתו התעיבו עלילה אין עשׂה טוב׃
Psalms 14:1-3
Psalms 14:2-3
Psalms 14:3-3
Psalms 24:1-2
Psalms 29:10
10 יהוה למבול ישׁב וישׁב יהוה מלך לעולם׃
Psalms 33:13-14
Psalms 35:6
6 יהי דרכם חשׁך וחלקלקות ומלאך יהוה רדפם׃
Psalms 36:6
6 (36:7) צדקתך כהררי אל משׁפטך תהום רבה אדם ובהמה תושׁיע יהוה׃
Psalms 37:20
20 כי רשׁעים יאבדו ואיבי יהוה כיקר כרים כלו בעשׁן כלו׃
Psalms 37:37
37 שׁמר תם וראה ישׁר כי אחרית לאישׁ שׁלום׃
Psalms 53:2
2 (53:3) אלהים משׁמים השׁקיף על בני אדם לראות הישׁ משׂכיל דרשׁ את אלהים׃
Psalms 53:2-3
Psalms 55:9
9 (55:10) בלע אדני פלג לשׁונם כי ראיתי חמס וריב בעיר׃
Psalms 78:39
Psalms 81:13
13 (81:14) לו עמי שׁמע לי ישׂראל בדרכי יהלכו׃
Psalms 82:6-7
Psalms 84:11
11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃
Psalms 93:3-4
Psalms 95:10
10 ארבעים שׁנה אקוט בדור ואמר עם תעי לבב הם והם לא ידעו דרכי׃
Psalms 104:27-28
Psalms 106:45
45 ויזכר להם בריתו וינחם כרב חסדו׃
Psalms 107:34
34 ארץ פרי למלחה מרעת ישׁבי׃
Psalms 110:4
4 נשׁבע יהוה ולא ינחם אתה כהן לעולם על דברתי מלכי צדק׃
Psalms 119:158
158 ראיתי בגדים ואתקוטטה אשׁר אמרתך לא שׁמרו׃
Psalms 136:25
25 נתן לחם לכל בשׂר כי לעולם חסדו׃
Psalms 140:11
11 (140:12) אישׁ לשׁון בל יכון בארץ אישׁ חמס רע יצודנו למדחפת׃
Psalms 145:16
16 פותח את ידך ומשׂביע לכל חי רצון׃
Psalms 145:20
20 שׁומר יהוה את כל אהביו ואת כל הרשׁעים ישׁמיד׃
Psalms 147:9
9 נותן לבהמה לחמה לבני ערב אשׁר יקראו׃
Proverbs 3:4
4 ומצא חן ושׂכל טוב בעיני אלהים ואדם׃
Proverbs 4:18
18 וארח צדיקים כאור נגה הולך ואור עד נכון היום׃
Proverbs 6:18
18 לב חרשׁ מחשׁבות און רגלים ממהרות לרוץ לרעה׃
Proverbs 8:35
35 כי מצאי מצאי חיים ויפק רצון מיהוה׃
Proverbs 10:27
27 יראת יהוה תוסיף ימים ושׁנות רשׁעים תקצרנה׃
Proverbs 12:2
2 טוב יפיק רצון מיהוה ואישׁ מזמות ירשׁיע׃
Proverbs 15:3
3 בכל מקום עיני יהוה צפות רעים וטובים׃
Proverbs 16:4
4 כל פעל יהוה למענהו וגם רשׁע ליום רעה׃
Ecclesiastes 7:20
20 כי אדם אין צדיק בארץ אשׁר יעשׂה טוב ולא יחטא׃
Ecclesiastes 7:29
29 לבד ראה זה מצאתי אשׁר עשׂה האלהים את האדם ישׁר והמה בקשׁו חשׁבנות רבים׃
Ecclesiastes 9:3
3 זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃
Isaiah 5:4
4 מה לעשׂות עוד לכרמי ולא עשׂיתי בו מדוע קויתי לעשׂות ענבים ויעשׂ באשׁים׃
Isaiah 26:20
20 לך עמי בא בחדריך וסגר דלתיך בעדך חבי כמעט רגע עד יעבור זעם׃
Isaiah 48:18
18 לוא הקשׁבת למצותי ויהי כנהר שׁלומך וצדקתך כגלי הים׃
Isaiah 51:12
12 אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃
Isaiah 54:9
9 כי מי נח זאת לי אשׁר נשׁבעתי מעבר מי נח עוד על הארץ כן נשׁבעתי מקצף עליך ומגער׃
Isaiah 60:18
18 לא ישׁמע עוד חמס בארצך שׁד ושׁבר בגבוליך וקראת ישׁועה חומתיך ושׁעריך תהלה׃
Isaiah 63:10
10 והמה מרו ועצבו את רוח קדשׁו ויהפך להם לאויב הוא נלחם׃
Isaiah 63:16
16 כי אתה אבינו כי אברהם לא ידענו וישׂראל לא יכירנו אתה יהוה אבינו גאלנו מעולם שׁמך׃
Jeremiah 4:14
14 כבסי מרעה לבך ירושׁלם למען תושׁעי עד מתי תלין בקרבך מחשׁבות אונך׃
Jeremiah 4:22-27
Jeremiah 4:23-28
Jeremiah 4:24-28
Jeremiah 4:25-28
Jeremiah 4:26-28
Jeremiah 4:27-28
Jeremiah 6:7
7 כהקיר בור מימיה כן הקרה רעתה חמס ושׁד ישׁמע בה על פני תמיד חלי ומכה׃
Jeremiah 11:7
7 כי העד העדתי באבותיכם ביום העלותי אותם מארץ מצרים ועד היום הזה השׁכם והעד לאמר שׁמעו בקולי׃
Jeremiah 11:11
11 לכן כה אמר יהוה הנני מביא אליהם רעה אשׁר לא יוכלו לצאת ממנה וזעקו אלי ולא אשׁמע אליהם׃
Jeremiah 12:3-4
Jeremiah 17:9
9 עקב הלב מכל ואנשׁ הוא מי ידענו׃
Jeremiah 18:8-10
Jeremiah 26:19
19 ההמת המתהו חזקיהו מלך יהודה וכל יהודה הלא ירא את יהוה ויחל את פני יהוה וינחם יהוה אל הרעה אשׁר דבר עליהם ואנחנו עשׂים רעה גדולה על נפשׁותינו׃
Jeremiah 31:2
2 כה אמר יהוה מצא חן במדבר עם שׂרידי חרב הלוך להרגיעו ישׂראל׃
Jeremiah 51:13
13 שׁכנתי על מים רבים רבת אוצרת בא קצך אמת בצעך׃
Ezekiel 5:8
8 לכן כה אמר אדני יהוה הנני עליך גם אני ועשׂיתי בתוכך משׁפטים לעיני הגוים׃
Ezekiel 6:3
3 ואמרת הרי ישׂראל שׁמעו דבר אדני יהוה כה אמר אדני יהוה להרים ולגבעות לאפיקים ולגאית הנני אני מביא עליכם חרב ואבדתי במותיכם׃
Ezekiel 7:2-6
2 ואתה בן אדם כה אמר אדני יהוה לאדמת ישׂראל קץ בא הקץ על ארבעת כנפות הארץ׃3 עתה הקץ עליך ושׁלחתי אפי בך ושׁפטתיך כדרכיך ונתתי עליך את כל תועבתיך׃4 ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃5 כה אמר אדני יהוה רעה אחת רעה הנה באה׃6 קץ בא בא הקץ הקיץ אליך הנה באה׃
Ezekiel 8:9
9 ויאמר אלי בא וראה את התועבות הרעות אשׁר הם עשׂים פה׃
Ezekiel 8:12
12 ויאמר אלי הראית בן אדם אשׁר זקני בית ישׂראל עשׂים בחשׁך אישׁ בחדרי משׂכיתו כי אמרים אין יהוה ראה אתנו עזב יהוה את הארץ׃
Ezekiel 8:17
17 ויאמר אלי הראית בן אדם הנקל לבית יהודה מעשׂות את התועבות אשׁר עשׂו פה כי מלאו את הארץ חמס וישׁבו להכעיסני והנם שׁלחים את הזמורה אל אפם׃
Ezekiel 14:14
14 והיו שׁלשׁת האנשׁים האלה בתוכה נח דנאל ואיוב המה בצדקתם ינצלו נפשׁם נאם אדני יהוה׃
Ezekiel 14:20
20 ונח דנאל ואיוב בתוכה חי אני נאם אדני יהוה אם בן אם בת יצילו המה בצדקתם יצילו נפשׁם׃
Ezekiel 28:16
16 ברב רכלתך מלו תוכך חמס ותחטא ואחללך מהר אלהים ואבדך כרוב הסכך מתוך אבני אשׁ׃
Ezekiel 33:11
11 אמר אליהם חי אני נאם אדני יהוה אם אחפץ במות הרשׁע כי אם בשׁוב רשׁע מדרכו וחיה שׁובו שׁובו מדרכיכם הרעים ולמה תמותו בית ישׂראל׃
Ezekiel 34:11
11 כי כה אמר אדני יהוה הנני אני ודרשׁתי את צאני ובקרתים׃
Ezekiel 34:20
20 לכן כה אמר אדני יהוה אליהם הנני אני ושׁפטתי בין שׂה בריה ובין שׂה רזה׃
Ezekiel 41:16
16 הספים והחלונים האטמות והאתיקים סביב לשׁלשׁתם נגד הסף שׂחיף עץ סביב סביב והארץ עד החלנות והחלנות מכסות׃
Ezekiel 42:3
3 נגד העשׂרים אשׁר לחצר הפנימי ונגד רצפה אשׁר לחצר החיצונה אתיק אל פני אתיק בשׁלשׁים׃
Hosea 4:1-2
Hosea 5:14
14 כי אנכי כשׁחל לאפרים וככפיר לבית יהודה אני אני אטרף ואלך אשׂא ואין מציל׃
Hosea 11:8
8 איך אתנך אפרים אמגנך ישׂראל איך אתנך כאדמה אשׂימך כצבאים נהפך עלי לבי יחד נכמרו נחומי׃
Joel 2:13
13 וקרעו לבבכם ואל בגדיכם ושׁובו אל יהוה אלהיכם כי חנון ורחום הוא ארך אפים ורב חסד ונחם על הרעה׃
Amos 8:2
2 ויאמר מה אתה ראה עמוס ואמר כלוב קיץ ויאמר יהוה אלי בא הקץ אל עמי ישׂראל לא אוסיף עוד עבור׃
Amos 9:6
6 הבונה בשׁמים מעלותו ואגדתו על ארץ יסדה הקרא למי הים וישׁפכם על פני הארץ יהוה שׁמו׃
Jonah 3:10
10 וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃
Habakkuk 1:2
2 עד אנה יהוה שׁועתי ולא תשׁמע אזעק אליך חמס ולא תושׁיע׃
Habakkuk 2:4
4 הנה עפלה לא ישׁרה נפשׁו בו וצדיק באמונתו יחיה׃
Habakkuk 2:8
8 כי אתה שׁלות גוים רבים ישׁלוך כל יתר עמים מדמי אדם וחמס ארץ קריה וכל ישׁבי׃
Habakkuk 2:17
17 כי חמס לבנון יכסך ושׁד בהמות יחיתן מדמי אדם וחמס ארץ קריה וכל ישׁבי׃
Zephaniah 1:3
3 אסף אדם ובהמה אסף עוף השׁמים ודגי הים והמכשׁלות את הרשׁעים והכרתי את האדם מעל פני האדמה נאם יהוה׃
Malachi 2:11
11 בגדה יהודה ותועבה נעשׂתה בישׂראל ובירושׁלם כי חלל יהודה קדשׁ יהוה אשׁר אהב ובעל בת אל נכר׃
Malachi 2:15
15 ולא אחד עשׂה ושׁאר רוח לו ומה האחד מבקשׁ זרע אלהים ונשׁמרתם ברוחכם ובאשׁת נעוריך אל יבגד׃
Malachi 3:6
6 כי אני יהוה לא שׁניתי ואתם בני יעקב לא כליתם׃