1 ואלה תולדת בני נח שׁם חם ויפת ויולדו להם בנים אחר המבול׃2 בני יפת גמר ומגוג ומדי ויון ותבל ומשׁך ותירס׃3 ובני גמר אשׁכנז וריפת ותגרמה׃4 ובני יון אלישׁה ותרשׁישׁ כתים ודדנים׃5 מאלה נפרדו איי הגוים בארצתם אישׁ ללשׁנו למשׁפחתם בגויהם׃6 ובני חם כושׁ ומצרים ופוט וכנען׃7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃8 וכושׁ ילד את נמרד הוא החל להיות גבר בארץ׃9 הוא היה גבר ציד לפני יהוה על כן יאמר כנמרד גבור ציד לפני יהוה׃10 ותהי ראשׁית ממלכתו בבל וארך ואכד וכלנה בארץ שׁנער׃11 מן הארץ ההוא יצא אשׁור ויבן את נינוה ואת רחבת עיר ואת כלח׃12 ואת רסן בין נינוה ובין כלח הוא העיר הגדלה׃13 ומצרים ילד את לודים ואת ענמים ואת להבים ואת נפתחים׃14 ואת פתרסים ואת כסלחים אשׁר יצאו משׁם פלשׁתים ואת כפתרים׃15 וכנען ילד את צידן בכרו ואת חת׃16 ואת היבוסי ואת האמרי ואת הגרגשׁי׃17 ואת החוי ואת הערקי ואת הסיני׃18 ואת הארודי ואת הצמרי ואת החמתי ואחר נפצו משׁפחות הכנעני׃19 ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃20 אלה בני חם למשׁפחתם ללשׁנתם בארצתם בגויהם׃21 ולשׁם ילד גם הוא אבי כל בני עבר אחי יפת הגדול׃22 בני שׁם עילם ואשׁור וארפכשׁד ולוד וארם׃23 ובני ארם עוץ וחול וגתר ומשׁ׃24 וארפכשׁד ילד את שׁלח ושׁלח ילד את עבר׃25 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃26 ויקטן ילד את אלמודד ואת שׁלף ואת חצרמות ואת ירח׃27 ואת הדורם ואת אוזל ואת דקלה׃28 ואת עובל ואת אבימאל ואת שׁבא׃29 ואת אופר ואת חוילה ואת יובב כל אלה בני יקטן׃30 ויהי מושׁבם ממשׁא באכה ספרה הר הקדם׃31 אלה בני שׁם למשׁפחתם ללשׁנתם בארצתם לגויהם׃32 אלה משׁפחת בני נח לתולדתם בגויהם ומאלה נפרדו הגוים בארץ אחר המבול׃
Genesis 10 Cross References - HOT
Genesis 2:4
4 אלה תולדות השׁמים והארץ בהבראם ביום עשׂות יהוה אלהים ארץ ושׁמים׃
Genesis 5:1
1 זה ספר תולדת אדם ביום ברא אלהים אדם בדמות אלהים עשׂה אתו׃
Genesis 6:9
9 אלה תולדת נח נח אישׁ צדיק תמים היה בדרתיו את האלהים התהלך נח׃
Genesis 9:1
1 ויברך אלהים את נח ואת בניו ויאמר להם פרו ורבו ומלאו את הארץ׃
Genesis 9:7
7 ואתם פרו ורבו שׁרצו בארץ ורבו׃
Genesis 9:19
19 שׁלשׁה אלה בני נח ומאלה נפצה כל הארץ׃
Genesis 10:21
21 ולשׁם ילד גם הוא אבי כל בני עבר אחי יפת הגדול׃
1 Chronicles 1:5-7
Isaiah 66:19
19 ושׂמתי בהם אות ושׁלחתי מהם פליטים אל הגוים תרשׁישׁ פול ולוד משׁכי קשׁת תבל ויון האיים הרחקים אשׁר לא שׁמעו את שׁמעי ולא ראו את כבודי והגידו את כבודי בגוים׃
Ezekiel 27:7
7 שׁשׁ ברקמה ממצרים היה מפרשׂך להיות לך לנס תכלת וארגמן מאיי אלישׁה היה מכסך׃
Ezekiel 27:12-14
Ezekiel 27:19
19 ודן ויון מאוזל בעזבוניך נתנו ברזל עשׁות קדה וקנה במערבך היה׃
Ezekiel 38:2
2 בן אדם שׂים פניך אל גוג ארץ המגוג נשׂיא ראשׁ משׁך ותבל והנבא עליו׃
Ezekiel 38:6
6 גמר וכל אגפיה בית תוגרמה ירכתי צפון ואת כל אגפיו עמים רבים אתך׃
Ezekiel 38:15
15 ובאת ממקומך מירכתי צפון אתה ועמים רבים אתך רכבי סוסים כלם קהל גדול וחיל רב׃
Ezekiel 39:1
1 ואתה בן אדם הנבא על גוג ואמרת כה אמר אדני יהוה הנני אליך גוג נשׂיא ראשׁ משׁך ותבל׃
Jeremiah 51:27
27 שׂאו נס בארץ תקעו שׁופר בגוים קדשׁו עליה גוים השׁמיעו עליה ממלכות אררט מני ואשׁכנז פקדו עליה טפסר העלו סוס כילק סמר׃
Ezekiel 27:14
14 מבית תוגרמה סוסים ופרשׁים ופרדים נתנו עזבוניך׃
Numbers 24:24
24 וצים מיד כתים וענו אשׁור וענו עבר וגם הוא עדי אבד׃
Isaiah 23:1
1 משׂא צר הילילו אניות תרשׁישׁ כי שׁדד מבית מבוא מארץ כתים נגלה׃
Isaiah 23:12
12 ויאמר לא תוסיפי עוד לעלוז המעשׁקה בתולת בת צידון כתיים קומי עברי גם שׁם לא ינוח׃
Ezekiel 27:12
12 תרשׁישׁ סחרתך מרב כל הון בכסף ברזל בדיל ועופרת נתנו עזבוניך׃
Ezekiel 27:25
25 אניות תרשׁישׁ שׁרותיך מערבך ותמלאי ותכבדי מאד בלב ימים׃
Daniel 11:30
30 ובאו בו ציים כתים ונכאה ושׁב וזעם על ברית קודשׁ ועשׂה ושׁב ויבן על עזבי ברית קדשׁ׃
Genesis 10:20
20 אלה בני חם למשׁפחתם ללשׁנתם בארצתם בגויהם׃
Genesis 10:25
25 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃
Genesis 11:1-9
1 ויהי כל הארץ שׂפה אחת ודברים אחדים׃2 ויהי בנסעם מקדם וימצאו בקעה בארץ שׁנער וישׁבו שׁם׃3 ויאמרו אישׁ אל רעהו הבה נלבנה לבנים ונשׂרפה לשׂרפה ותהי להם הלבנה לאבן והחמר היה להם לחמר׃4 ויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ׃5 וירד יהוה לראת את העיר ואת המגדל אשׁר בנו בני האדם׃6 ויאמר יהוה הן עם אחד ושׂפה אחת לכלם וזה החלם לעשׂות ועתה לא יבצר מהם כל אשׁר יזמו לעשׂות׃7 הבה נרדה ונבלה שׁם שׂפתם אשׁר לא ישׁמעו אישׁ שׂפת רעהו׃8 ויפץ יהוה אתם משׁם על פני כל הארץ ויחדלו לבנת העיר׃9 על כן קרא שׁמה בבל כי שׁם בלל יהוה שׂפת כל הארץ ומשׁם הפיצם יהוה על פני כל הארץ׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Isaiah 24:15
15 על כן בארים כבדו יהוה באיי הים שׁם יהוה אלהי ישׂראל׃
Isaiah 40:15
15 הן גוים כמר מדלי וכשׁחק מאזנים נחשׁבו הן איים כדק יטול׃
Isaiah 41:5
5 ראו איים וייראו קצות הארץ יחרדו קרבו ויאתיון׃
Isaiah 42:4
4 לא יכהה ולא ירוץ עד ישׂים בארץ משׁפט ולתורתו איים ייחילו׃
Isaiah 42:10
10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃
Isaiah 49:1
1 שׁמעו איים אלי והקשׁיבו לאמים מרחוק יהוה מבטן קראני ממעי אמי הזכיר שׁמי׃
Isaiah 51:5
5 קרוב צדקי יצא ישׁעי וזרעי עמים ישׁפטו אלי איים יקוו ואל זרעי ייחלון׃
Isaiah 59:18
18 כעל גמלות כעל ישׁלם חמה לצריו גמול לאיביו לאיים גמול ישׁלם׃
Isaiah 60:9
9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃
Jeremiah 2:10
10 כי עברו איי כתיים וראו וקדר שׁלחו והתבוננו מאד וראו הן היתה כזאת׃
Jeremiah 25:22
22 ואת כל מלכי צר ואת כל מלכי צידון ואת מלכי האי אשׁר בעבר הים׃
Zephaniah 2:11
11 נורא יהוה עליהם כי רזה את כל אלהי הארץ וישׁתחוו לו אישׁ ממקומו כל איי הגוים׃
Genesis 9:22
22 וירא חם אבי כנען את ערות אביו ויגד לשׁני אחיו בחוץ׃
1 Chronicles 1:8-16
8 בני חם כושׁ ומצרים פוט וכנען׃9 ובני כושׁ סבא וחוילה וסבתא ורעמא וסבתכא ובני רעמא שׁבא ודדן׃10 וכושׁ ילד את נמרוד הוא החל להיות גבור בארץ׃11 ומצרים ילד את לודיים ואת ענמים ואת להבים ואת נפתחים׃12 ואת פתרסים ואת כסלחים אשׁר יצאו משׁם פלשׁתים ואת כפתרים׃13 וכנען ילד את צידון בכרו ואת חת׃14 ואת היבוסי ואת האמרי ואת הגרגשׁי׃15 ואת החוי ואת הערקי ואת הסיני׃16 ואת הארודי ואת הצמרי ואת החמתי׃
1 Chronicles 4:40
40 וימצאו מרעה שׁמן וטוב והארץ רחבת ידים ושׁקטת ושׁלוה כי מן חם הישׁבים שׁם לפנים׃
Psalms 78:51
51 ויך כל בכור במצרים ראשׁית אונים באהלי חם׃
Psalms 105:23
23 ויבא ישׂראל מצרים ויעקב גר בארץ חם׃
Psalms 105:27
27 שׂמו בם דברי אתותיו ומפתים בארץ חם׃
Psalms 106:22
22 נפלאות בארץ חם נוראות על ים סוף׃
Isaiah 11:11
11 והיה ביום ההוא יוסיף אדני שׁנית ידו לקנות את שׁאר עמו אשׁר ישׁאר מאשׁור וממצרים ומפתרוס ומכושׁ ומעילם ומשׁנער ומחמת ומאיי הים׃
Jeremiah 46:9
9 עלו הסוסים והתהללו הרכב ויצאו הגבורים כושׁ ופוט תפשׂי מגן ולודים תפשׂי דרכי קשׁת׃
Ezekiel 27:10
10 פרס ולוד ופוט היו בחילך אנשׁי מלחמתך מגן וכובע תלו בך המה נתנו הדרך׃
Genesis 2:11
11 שׁם האחד פישׁון הוא הסבב את כל ארץ החוילה אשׁר שׁם הזהב׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
Isaiah 21:13
13 משׂא בערב ביער בערב תלינו ארחות דדנים׃
Ezekiel 27:15
15 בני דדן רכליך איים רבים סחרת ידך קרנות שׁן והובנים השׁיבו אשׁכרך׃
Ezekiel 27:22
22 רכלי שׁבא ורעמה המה רכליך בראשׁ כל בשׂם ובכל אבן יקרה וזהב נתנו עזבוניך׃
Micah 5:6
6 (5:5) ורעו את ארץ אשׁור בחרב ואת ארץ נמרד בפתחיה והציל מאשׁור כי יבוא בארצנו וכי ידרך בגבולנו׃
Genesis 6:4
4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃
Genesis 6:11
11 ותשׁחת הארץ לפני האלהים ותמלא הארץ חמס׃
Genesis 13:13
13 ואנשׁי סדם רעים וחטאים ליהוה מאד׃
Genesis 25:27
27 ויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים׃
Genesis 27:30
30 ויהי כאשׁר כלה יצחק לברך את יעקב ויהי אך יצא יצא יעקב מאת פני יצחק אביו ועשׂו אחיו בא מצידו׃
2 Chronicles 28:22
22 ובעת הצר לו ויוסף למעול ביהוה הוא המלך אחז׃
Psalms 52:7
7 (52:9) הנה הגבר לא ישׂים אלהים מעוזו ויבטח ברב עשׁרו יעז בהותו׃
Jeremiah 16:16
16 הנני שׁלח לדוגים רבים נאם יהוה ודיגום ואחרי כן אשׁלח לרבים צידים וצדום מעל כל הר ומעל כל גבעה ומנקיקי הסלעים׃
Ezekiel 13:18
18 ואמרת כה אמר אדני יהוה הוי למתפרות כסתות על כל אצילי ידי ועשׂות המספחות על ראשׁ כל קומה לצודד נפשׁות הנפשׁות תצודדנה לעמי ונפשׁות לכנה תחיינה׃
Micah 7:2
2 אבד חסיד מן הארץ וישׁר באדם אין כלם לדמים יארבו אישׁ את אחיהו יצודו חרם׃
Genesis 11:2
2 ויהי בנסעם מקדם וימצאו בקעה בארץ שׁנער וישׁבו שׁם׃
Genesis 11:9
9 על כן קרא שׁמה בבל כי שׁם בלל יהוה שׂפת כל הארץ ומשׁם הפיצם יהוה על פני כל הארץ׃
Genesis 14:1
1 ויהי בימי אמרפל מלך שׁנער אריוך מלך אלסר כדרלעמר מלך עילם ותדעל מלך גוים׃
Isaiah 10:9
9 הלא ככרכמישׁ כלנו אם לא כארפד חמת אם לא כדמשׂק שׁמרון׃
Isaiah 39:1
1 בעת ההוא שׁלח מרדך בלאדן בן בלאדן מלך בבל ספרים ומנחה אל חזקיהו וישׁמע כי חלה ויחזק׃
Jeremiah 50:21
21 על הארץ מרתים עלה עליה ואל יושׁבי פקוד חרב והחרם אחריהם נאם יהוה ועשׂה ככל אשׁר צויתיך׃
Daniel 1:2
2 ויתן אדני בידו את יהויקים מלך יהודה ומקצת כלי בית האלהים ויביאם ארץ שׁנער בית אלהיו ואת הכלים הביא בית אוצר אלהיו׃
Amos 6:2
2 עברו כלנה וראו ולכו משׁם חמת רבה ורדו גת פלשׁתים הטובים מן הממלכות האלה אם רב גבולם מגבלכם׃
Micah 4:10
10 חולי וגחי בת ציון כיולדה כי עתה תצאי מקריה ושׁכנת בשׂדה ובאת עד בבל שׁם תנצלי שׁם יגאלך יהוה מכף איביך׃
Zechariah 5:11
11 ויאמר אלי לבנות לה בית בארץ שׁנער והוכן והניחה שׁם על מכנתה׃
Numbers 24:22
22 כי אם יהיה לבער קין עד מה אשׁור תשׁבך׃
2 Kings 19:36
36 ויסע וילך וישׁב סנחריב מלך אשׁור וישׁב בנינוה׃
Ezra 4:2
2 ויגשׁו אל זרבבל ואל ראשׁי האבות ויאמרו להם נבנה עמכם כי ככם נדרושׁ לאלהיכם ולא אנחנו זבחים מימי אסר חדן מלך אשׁור המעלה אתנו פה׃
Psalms 83:8
8 (83:9) גם אשׁור נלוה עמם היו זרוע לבני לוט סלה׃
Isaiah 37:37
37 ויסע וילך וישׁב סנחריב מלך אשׁור וישׁב בנינוה׃
Ezekiel 27:23
23 חרן וכנה ועדן רכלי שׁבא אשׁור כלמד רכלתך׃
Ezekiel 32:22
22 שׁם אשׁור וכל קהלה סביבותיו קברתיו כלם חללים הנפלים בחרב׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Jonah 1:2
2 קום לך אל נינוה העיר הגדולה וקרא עליה כי עלתה רעתם לפני׃
Jonah 3:1-10
1 ויהי דבר יהוה אל יונה שׁנית לאמר׃2 קום לך אל נינוה העיר הגדולה וקרא אליה את הקריאה אשׁר אנכי דבר אליך׃3 ויקם יונה וילך אל נינוה כדבר יהוה ונינוה היתה עיר גדולה לאלהים מהלך שׁלשׁת ימים׃4 ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃5 ויאמינו אנשׁי נינוה באלהים ויקראו צום וילבשׁו שׂקים מגדולם ועד קטנם׃6 ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃7 ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃8 ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃9 מי יודע ישׁוב ונחם האלהים ושׁב מחרון אפו ולא נאבד׃10 וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃
Nahum 1:1
1 משׂא נינוה ספר חזון נחום האלקשׁי׃
Nahum 2:8
8 (2:9) ונינוה כברכת מים מימי היא והמה נסים עמדו עמדו ואין מפנה׃
Nahum 3:7
7 והיה כל ראיך ידוד ממך ואמר שׁדדה נינוה מי ינוד לה מאין אבקשׁ מנחמים׃
Zephaniah 2:13
13 ויט ידו על צפון ויאבד את אשׁור וישׂם את נינוה לשׁממה ציה כמדבר׃
1 Chronicles 1:11-12
Ezekiel 30:5
5 כושׁ ופוט ולוד וכל הערב וכוב ובני ארץ הברית אתם בחרב יפלו׃
Deuteronomy 2:23
23 והעוים הישׁבים בחצרים עד עזה כפתרים היצאים מכפתר השׁמידם וישׁבו תחתם׃
1 Chronicles 1:12
12 ואת פתרסים ואת כסלחים אשׁר יצאו משׁם פלשׁתים ואת כפתרים׃
Jeremiah 44:1
1 הדבר אשׁר היה אל ירמיהו אל כל היהודים הישׁבים בארץ מצרים הישׁבים במגדל ובתחפנחס ובנף ובארץ פתרוס לאמר׃
Jeremiah 47:4
4 על היום הבא לשׁדוד את כל פלשׁתים להכרית לצר ולצידון כל שׂריד עזר כי שׁדד יהוה את פלשׁתים שׁארית אי כפתור׃
Amos 9:7
7 הלוא כבני כשׁיים אתם לי בני ישׂראל נאם יהוה הלוא את ישׂראל העליתי מארץ מצרים ופלשׁתיים מכפתור וארם מקיר׃
Genesis 15:18-21
Genesis 23:3
3 ויקם אברהם מעל פני מתו וידבר אל בני חת לאמר׃
Genesis 28:3-20
3 ואל שׁדי יברך אתך ויפרך וירבך והיית לקהל עמים׃4 ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃5 וישׁלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשׂו׃6 וירא עשׂו כי ברך יצחק את יעקב ושׁלח אתו פדנה ארם לקחת לו משׁם אשׁה בברכו אתו ויצו עליו לאמר לא תקח אשׁה מבנות כנען׃7 וישׁמע יעקב אל אביו ואל אמו וילך פדנה ארם׃8 וירא עשׂו כי רעות בנות כנען בעיני יצחק אביו׃9 וילך עשׂו אל ישׁמעאל ויקח את מחלת בת ישׁמעאל בן אברהם אחות נביות על נשׁיו לו לאשׁה׃10 ויצא יעקב מבאר שׁבע וילך חרנה׃11 ויפגע במקום וילן שׁם כי בא השׁמשׁ ויקח מאבני המקום וישׂם מראשׁתיו וישׁכב במקום ההוא׃12 ויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים׃13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃15 והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃16 וייקץ יעקב משׁנתו ויאמר אכן ישׁ יהוה במקום הזה ואנכי לא ידעתי׃17 ויירא ויאמר מה נורא המקום הזה אין זה כי אם בית אלהים וזה שׁער השׁמים׃18 וישׁכם יעקב בבקר ויקח את האבן אשׁר שׂם מראשׁתיו וישׂם אתה מצבה ויצק שׁמן על ראשׁה׃19 ויקרא את שׁם המקום ההוא בית אל ואולם לוז שׁם העיר לראשׁנה׃20 וידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ׃
Genesis 49:13
13 זבולן לחוף ימים ישׁכן והוא לחוף אנית וירכתו על צידן׃
Exodus 3:8
8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃
Exodus 34:11
11 שׁמר לך את אשׁר אנכי מצוך היום הנני גרשׁ מפניך את האמרי והכנעני והחתי והפרזי והחוי והיבוסי׃
Numbers 34:2-15
2 צו את בני ישׂראל ואמרת אלהם כי אתם באים אל הארץ כנען זאת הארץ אשׁר תפל לכם בנחלה ארץ כנען לגבלתיה׃3 והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃4 ונסב לכם הגבול מנגב למעלה עקרבים ועבר צנה והיה תוצאתיו מנגב לקדשׁ ברנע ויצא חצר אדר ועבר עצמנה׃5 ונסב הגבול מעצמון נחלה מצרים והיו תוצאתיו הימה׃6 וגבול ים והיה לכם הים הגדול וגבול זה יהיה לכם גבול ים׃7 וזה יהיה לכם גבול צפון מן הים הגדל תתאו לכם הר ההר׃8 מהר ההר תתאו לבא חמת והיו תוצאת הגבל צדדה׃9 ויצא הגבל זפרנה והיו תוצאתיו חצר עינן זה יהיה לכם גבול צפון׃10 והתאויתם לכם לגבול קדמה מחצר עינן שׁפמה׃11 וירד הגבל משׁפם הרבלה מקדם לעין וירד הגבל ומחה על כתף ים כנרת קדמה׃12 וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃13 ויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה׃14 כי לקחו מטה בני הראובני לבית אבתם ומטה בני הגדי לבית אבתם וחצי מטה מנשׁה לקחו נחלתם׃15 שׁני המטות וחצי המטה לקחו נחלתם מעבר לירדן ירחו קדמה מזרחה׃
Joshua 11:8
8 ויתנם יהוה ביד ישׂראל ויכום וירדפום עד צידון רבה ועד משׂרפות מים ועד בקעת מצפה מזרחה ויכם עד בלתי השׁאיר להם שׂריד׃
Joshua 12:8-24
8 בהר ובשׁפלה ובערבה ובאשׁדות ובמדבר ובנגב החתי האמרי והכנעני הפרזי החוי והיבוסי׃9 מלך יריחו אחד מלך העי אשׁר מצד בית אל אחד׃10 מלך ירושׁלם אחד מלך חברון אחד׃11 מלך ירמות אחד מלך לכישׁ אחד׃12 מלך עגלון אחד מלך גזר אחד׃13 מלך דבר אחד מלך גדר אחד׃14 מלך חרמה אחד מלך ערד אחד׃15 מלך לבנה אחד מלך עדלם אחד׃16 מלך מקדה אחד מלך בית אל אחד׃17 מלך תפוח אחד מלך חפר אחד׃18 מלך אפק אחד מלך לשׁרון אחד׃19 מלך מדון אחד מלך חצור אחד׃20 מלך שׁמרון מראון אחד מלך אכשׁף אחד׃21 מלך תענך אחד מלך מגדו אחד׃22 מלך קדשׁ אחד מלך יקנעם לכרמל אחד׃23 מלך דור לנפת דור אחד מלך גוים לגלגל אחד׃24 מלך תרצה אחד כל מלכים שׁלשׁים ואחד׃
2 Samuel 11:3
3 וישׁלח דוד וידרשׁ לאשׁה ויאמר הלוא זאת בת\'ceשׁבע בת אליעם אשׁת אוריה החתי׃
1 Chronicles 1:13
13 וכנען ילד את צידון בכרו ואת חת׃
Isaiah 23:4
4 בושׁי צידון כי אמר ים מעוז הים לאמר לא חלתי ולא ילדתי ולא גדלתי בחורים רוממתי בתולות׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
2 Samuel 24:18
18 ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃
Zechariah 9:7
7 והסרתי דמיו מפיו ושׁקציו מבין שׁניו ונשׁאר גם הוא לאלהינו והיה כאלף ביהודה ועקרון כיבוסי׃
Genesis 34:2
2 וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃
Numbers 34:8
8 מהר ההר תתאו לבא חמת והיו תוצאת הגבל צדדה׃
Joshua 18:22
22 ובית הערבה וצמרים ובית אל׃
2 Samuel 8:9
9 וישׁמע תעי מלך חמת כי הכה דוד את כל חיל הדדעזר׃
2 Kings 17:24
24 ויבא מלך אשׁור מבבל ומכותה ומעוא ומחמת וספרוים וישׁב בערי שׁמרון תחת בני ישׂראל וירשׁו את שׁמרון וישׁבו בעריה׃
2 Kings 17:30
30 ואנשׁי בבל עשׂו את סכות בנות ואנשׁי כות עשׂו את נרגל ואנשׁי חמת עשׂו את אשׁימא׃
2 Chronicles 13:4
4 ויקם אביה מעל להר צמרים אשׁר בהר אפרים ויאמר שׁמעוני ירבעם וכל ישׂראל׃
Ezekiel 27:8
8 ישׁבי צידון וארוד היו שׁטים לך חכמיך צור היו בך המה חבליך׃
Ezekiel 47:16-17
Zechariah 9:2
2 וגם חמת תגבל בה צר וצידון כי חכמה מאד׃
Genesis 13:10-17
10 וישׂא לוט את עיניו וירא את כל ככר הירדן כי כלה משׁקה לפני שׁחת יהוה את סדם ואת עמרה כגן יהוה כארץ מצרים באכה צער׃11 ויבחר לו לוט את כל ככר הירדן ויסע לוט מקדם ויפרדו אישׁ מעל אחיו׃12 אברם ישׁב בארץ כנען ולוט ישׁב בערי הככר ויאהל עד סדם׃13 ואנשׁי סדם רעים וחטאים ליהוה מאד׃14 ויהוה אמר אל אברם אחרי הפרד לוט מעמו שׂא נא עיניך וראה מן המקום אשׁר אתה שׁם צפנה ונגבה וקדמה וימה׃15 כי את כל הארץ אשׁר אתה ראה לך אתננה ולזרעך עד עולם׃16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃17 קום התהלך בארץ לארכה ולרחבה כי לך אתננה׃
Genesis 14:2
2 עשׂו מלחמה את ברע מלך סדם ואת ברשׁע מלך עמרה שׁנאב מלך אדמה ושׁמאבר מלך צביים ומלך בלע היא צער׃
Genesis 18:20
20 ויאמר יהוה זעקת סדם ועמרה כי רבה וחטאתם כי כבדה מאד׃
Genesis 19:24-25
Genesis 20:1
1 ויסע משׁם אברהם ארצה הנגב וישׁב בין קדשׁ ובין שׁור ויגר בגרר׃
Genesis 26:1
1 ויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה׃
Deuteronomy 32:8
8 בהנחל עליון גוים בהפרידו בני אדם יצב גבלת עמים למספר בני ישׂראל׃
Joshua 12:7-8
Joshua 14:1-15
1 ואלה אשׁר נחלו בני ישׂראל בארץ כנען אשׁר נחלו אותם אלעזר הכהן ויהושׁע בן נון וראשׁי אבות המטות לבני ישׂראל׃2 בגורל נחלתם כאשׁר צוה יהוה ביד משׁה לתשׁעת המטות וחצי המטה׃3 כי נתן משׁה נחלת שׁני המטות וחצי המטה מעבר לירדן וללוים לא נתן נחלה בתוכם׃4 כי היו בני יוסף שׁני מטות מנשׁה ואפרים ולא נתנו חלק ללוים בארץ כי אם ערים לשׁבת ומגרשׁיהם למקניהם ולקנינם׃5 כאשׁר צוה יהוה את משׁה כן עשׂו בני ישׂראל ויחלקו את הארץ׃6 ויגשׁו בני יהודה אל יהושׁע בגלגל ויאמר אליו כלב בן יפנה הקנזי אתה ידעת את הדבר אשׁר דבר יהוה אל משׁה אישׁ האלהים על אדותי ועל אדותיך בקדשׁ ברנע׃7 בן ארבעים שׁנה אנכי בשׁלח משׁה עבד יהוה אתי מקדשׁ ברנע לרגל את הארץ ואשׁב אתו דבר כאשׁר עם לבבי׃8 ואחי אשׁר עלו עמי המסיו את לב העם ואנכי מלאתי אחרי יהוה אלהי׃9 וישׁבע משׁה ביום ההוא לאמר אם לא הארץ אשׁר דרכה רגלך בה לך תהיה לנחלה ולבניך עד עולם כי מלאת אחרי יהוה אלהי׃10 ועתה הנה החיה יהוה אותי כאשׁר דבר זה ארבעים וחמשׁ שׁנה מאז דבר יהוה את הדבר הזה אל משׁה אשׁר הלך ישׂראל במדבר ועתה הנה אנכי היום בן חמשׁ ושׁמונים שׁנה׃11 עודני היום חזק כאשׁר ביום שׁלח אותי משׁה ככחי אז וככחי עתה למלחמה ולצאת ולבוא׃12 ועתה תנה לי את ההר הזה אשׁר דבר יהוה ביום ההוא כי אתה שׁמעת ביום ההוא כי ענקים שׁם וערים גדלות בצרות אולי יהוה אותי והורשׁתים כאשׁר דבר יהוה׃13 ויברכהו יהושׁע ויתן את חברון לכלב בן יפנה לנחלה׃14 על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃15 ושׁם חברון לפנים קרית ארבע האדם הגדול בענקים הוא והארץ שׁקטה ממלחמה׃
Judges 16:1
1 וילך שׁמשׁון עזתה וירא שׁם אשׁה זונה ויבא אליה׃
Jeremiah 25:20
20 ואת כל הערב ואת כל מלכי ארץ העוץ ואת כל מלכי ארץ פלשׁתים ואת אשׁקלון ואת עזה ואת עקרון ואת שׁארית אשׁדוד׃
Hosea 11:8
8 איך אתנך אפרים אמגנך ישׂראל איך אתנך כאדמה אשׂימך כצבאים נהפך עלי לבי יחד נכמרו נחומי׃
Genesis 10:6
6 ובני חם כושׁ ומצרים ופוט וכנען׃
Genesis 11:10-26
10 אלה תולדת שׁם שׁם בן מאת שׁנה ויולד את ארפכשׁד שׁנתים אחר המבול׃11 ויחי שׁם אחרי הולידו את ארפכשׁד חמשׁ מאות שׁנה ויולד בנים ובנות׃12 וארפכשׁד חי חמשׁ ושׁלשׁים שׁנה ויולד את שׁלח׃13 ויחי ארפכשׁד אחרי הולידו את שׁלח שׁלשׁ שׁנים וארבע מאות שׁנה ויולד בנים ובנות׃14 ושׁלח חי שׁלשׁים שׁנה ויולד את עבר׃15 ויחי שׁלח אחרי הולידו את עבר שׁלשׁ שׁנים וארבע מאות שׁנה ויולד בנים ובנות׃16 ויחי עבר ארבע ושׁלשׁים שׁנה ויולד את פלג׃17 ויחי עבר אחרי הולידו את פלג שׁלשׁים שׁנה וארבע מאות שׁנה ויולד בנים ובנות׃18 ויחי פלג שׁלשׁים שׁנה ויולד את רעו׃19 ויחי פלג אחרי הולידו את רעו תשׁע שׁנים ומאתים שׁנה ויולד בנים ובנות׃20 ויחי רעו שׁתים ושׁלשׁים שׁנה ויולד את שׂרוג׃21 ויחי רעו אחרי הולידו את שׂרוג שׁבע שׁנים ומאתים שׁנה ויולד בנים ובנות׃22 ויחי שׂרוג שׁלשׁים שׁנה ויולד את נחור׃23 ויחי שׂרוג אחרי הולידו את נחור מאתים שׁנה ויולד בנים ובנות׃24 ויחי נחור תשׁע ועשׂרים שׁנה ויולד את תרח׃25 ויחי נחור אחרי הולידו את תרח תשׁע עשׂרה שׁנה ומאת שׁנה ויולד בנים ובנות׃26 ויחי תרח שׁבעים שׁנה ויולד את אברם את נחור ואת הרן׃
Genesis 9:26
26 ויאמר ברוך יהוה אלהי שׁם ויהי כנען עבד׃
Genesis 14:1-9
1 ויהי בימי אמרפל מלך שׁנער אריוך מלך אלסר כדרלעמר מלך עילם ותדעל מלך גוים׃2 עשׂו מלחמה את ברע מלך סדם ואת ברשׁע מלך עמרה שׁנאב מלך אדמה ושׁמאבר מלך צביים ומלך בלע היא צער׃3 כל אלה חברו אל עמק השׂדים הוא ים המלח׃4 שׁתים עשׂרה שׁנה עבדו את כדרלעמר ושׁלשׁ עשׂרה שׁנה מרדו׃5 ובארבע עשׂרה שׁנה בא כדרלעמר והמלכים אשׁר אתו ויכו את רפאים בעשׁתרת קרנים ואת הזוזים בהם ואת האימים בשׁוה קריתים׃6 ואת החרי בהררם שׂעיר עד איל פארן אשׁר על המדבר׃7 וישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר׃8 ויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השׂדים׃9 את כדרלעמר מלך עילם ותדעל מלך גוים ואמרפל מלך שׁנער ואריוך מלך אלסר ארבעה מלכים את החמשׁה׃
Numbers 23:7
7 וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃
2 Kings 15:19
19 בא פול מלך אשׁור על הארץ ויתן מנחם לפול אלף ככר כסף להיות ידיו אתו להחזיק הממלכה בידו׃
1 Chronicles 1:17-27
17 בני שׁם עילם ואשׁור וארפכשׁד ולוד וארם ועוץ וחול וגתר ומשׁך׃18 וארפכשׁד ילד את שׁלח ושׁלח ילד את עבר׃19 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃20 ויקטן ילד את אלמודד ואת שׁלף ואת חצרמות ואת ירח׃21 ואת הדורם ואת אוזל ואת דקלה׃22 ואת עיבל ואת אבימאל ואת שׁבא׃23 ואת אופיר ואת חוילה ואת יובב כל אלה בני יקטן׃24 שׁם ארפכשׁד שׁלח׃25 עבר פלג רעו׃26 שׂרוג נחור תרח׃27 אברם הוא אברהם׃
Job 1:17
17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃
Isaiah 21:2
2 חזות קשׁה הגד לי הבוגד בוגד והשׁודד שׁודד עלי עילם צורי מדי כל אנחתה השׁבתי׃
Isaiah 22:6
6 ועילם נשׂא אשׁפה ברכב אדם פרשׁים וקיר ערה מגן׃
Jeremiah 25:25
25 ואת כל מלכי זמרי ואת כל מלכי עילם ואת כל מלכי מדי׃
Jeremiah 49:34-39
34 אשׁר היה דבר יהוה אל ירמיהו הנביא אל עילם בראשׁית מלכות צדקיה מלך יהודה לאמר׃35 כה אמר יהוה צבאות הנני שׁבר את קשׁת עילם ראשׁית גבורתם׃36 והבאתי אל עילם ארבע רוחות מארבע קצות השׁמים וזרתים לכל הרחות האלה ולא יהיה הגוי אשׁר לא יבוא שׁם נדחי עולם׃37 והחתתי את עילם לפני איביהם ולפני מבקשׁי נפשׁם והבאתי עליהם רעה את חרון אפי נאם יהוה ושׁלחתי אחריהם את החרב עד כלותי אותם׃38 ושׂמתי כסאי בעילם והאבדתי משׁם מלך ושׂרים נאם יהוה׃39 והיה באחרית הימים אשׁוב את שׁבית עילם נאם יהוה׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Genesis 11:12-15
Genesis 10:32
32 אלה משׁפחת בני נח לתולדתם בגויהם ומאלה נפרדו הגוים בארץ אחר המבול׃
Genesis 11:16-19
1 Chronicles 1:19
19 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃20 ויקטן ילד את אלמודד ואת שׁלף ואת חצרמות ואת ירח׃21 ואת הדורם ואת אוזל ואת דקלה׃22 ואת עיבל ואת אבימאל ואת שׁבא׃23 ואת אופיר ואת חוילה ואת יובב כל אלה בני יקטן׃24 שׁם ארפכשׁד שׁלח׃25 עבר פלג רעו׃26 שׂרוג נחור תרח׃27 אברם הוא אברהם׃28 בני אברהם יצחק וישׁמעאל׃
Genesis 25:3
3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃
Genesis 25:18
18 וישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל׃
1 Samuel 15:7
7 ויך שׁאול את עמלק מחוילה בואך שׁור אשׁר על פני מצרים׃
1 Kings 9:28
28 ויבאו אופירה ויקחו משׁם זהב ארבע מאות ועשׂרים ככר ויבאו אל המלך שׁלמה׃
1 Kings 22:48
48 (22:49) יהושׁפט עשׂר אניות תרשׁישׁ ללכת אופירה לזהב ולא הלך כי נשׁברה אניות בעציון גבר׃
1 Chronicles 8:18
18 וישׁמרי ויזליאה ויובב בני אלפעל׃
1 Chronicles 9:10
10 ומן הכהנים ידעיה ויהויריב ויכין׃
1 Chronicles 9:13
13 ואחיהם ראשׁים לבית אבותם אלף ושׁבע מאות ושׁשׁים גבורי חיל מלאכת עבודת בית האלהים׃
Job 22:24
24 ושׁית על עפר בצר ובצור נחלים אופיר׃
Job 28:16
16 לא תסלה בכתם אופיר בשׁהם יקר וספיר׃
Psalms 45:9
9 (45:10) בנות מלכים ביקרותיך נצבה שׁגל לימינך בכתם אופיר׃
Isaiah 13:12
12 אוקיר אנושׁ מפז ואדם מכתם אופיר׃
Genesis 10:5
5 מאלה נפרדו איי הגוים בארצתם אישׁ ללשׁנו למשׁפחתם בגויהם׃
Genesis 5:29-31
Genesis 10:1
1 ואלה תולדת בני נח שׁם חם ויפת ויולדו להם בנים אחר המבול׃
Genesis 10:31
31 אלה בני שׁם למשׁפחתם ללשׁנתם בארצתם לגויהם׃