1 ויהי דבר יהוה אלי לאמר׃2 בן אדם שׂים פניך על הר שׂעיר והנבא עליו׃3 ואמרת לו כה אמר אדני יהוה הנני אליך הר שׂעיר ונטיתי ידי עליך ונתתיך שׁממה ומשׁמה׃4 עריך חרבה אשׂים ואתה שׁממה תהיה וידעת כי אני יהוה׃5 יען היות לך איבת עולם ותגר את בני ישׂראל על ידי חרב בעת אידם בעת עון קץ׃6 לכן חי אני נאם אדני יהוה כי לדם אעשׂך ודם ירדפך אם לא דם שׂנאת ודם ירדפך׃7 ונתתי את הר שׂעיר לשׁממה ושׁממה והכרתי ממנו עבר ושׁב׃8 ומלאתי את הריו חלליו גבעותיך וגאותיך וכל אפיקיך חללי חרב יפלו׃9 שׁממות עולם אתנך ועריך לא תישׁבנה וידעתם כי אני יהוה׃10 יען אמרך את שׁני הגוים ואת שׁתי הארצות לי תהיינה וירשׁנוה ויהוה שׁם היה׃11 לכן חי אני נאם אדני יהוה ועשׂיתי כאפך וכקנאתך אשׁר עשׂיתה משׂנאתיך בם ונודעתי בם כאשׁר אשׁפטך׃12 וידעת כי אני יהוה שׁמעתי את כל נאצותיך אשׁר אמרת על הרי ישׂראל לאמר שׁממה לנו נתנו לאכלה׃13 ותגדילו עלי בפיכם והעתרתם עלי דבריכם אני שׁמעתי׃14 כה אמר אדני יהוה כשׂמח כל הארץ שׁממה אעשׂה׃15 כשׂמחתך לנחלת בית ישׂראל על אשׁר שׁממה כן אעשׂה לך שׁממה תהיה הר שׂעיר וכל אדום כלה וידעו כי אני יהוה׃
Ezekiel 35 Cross References - HOT
Genesis 27:41-42
Genesis 32:3
3 (32:4) וישׁלח יעקב מלאכים לפניו אל עשׂו אחיו ארצה שׂעיר שׂדה אדום׃
Genesis 36:8-9
Exodus 9:14
14 כי בפעם הזאת אני שׁלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃
Exodus 14:4
4 וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃
Exodus 16:12
12 שׁמעתי את תלונת בני ישׂראל דבר אלהם לאמר בין הערבים תאכלו בשׂר ובבקר תשׂבעו לחם וידעתם כי אני יהוה אלהיכם׃
Numbers 14:27
27 עד מתי לעדה הרעה הזאת אשׁר המה מלינים עלי את תלנות בני ישׂראל אשׁר המה מלינים עלי שׁמעתי׃
Deuteronomy 2:5
5 אל תתגרו בם כי לא אתן לכם מארצם עד מדרך כף רגל כי ירשׁה לעשׂו נתתי את הר שׂעיר׃
Joshua 24:4
4 ואתן ליצחק את יעקב ואת עשׂו ואתן לעשׂו את הר שׂעיר לרשׁת אותו ויעקב ובניו ירדו מצרים׃
Judges 5:6-7
1 Samuel 2:3
3 אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃
2 Kings 19:28
28 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁבתיך בדרך אשׁר באת׃
2 Chronicles 15:5-6
2 Chronicles 20:10
10 ועתה הנה בני עמון ומואב והר שׂעיר אשׁר לא נתתה לישׂראל לבוא בהם בבאם מארץ מצרים כי סרו מעליהם ולא השׁמידום׃
2 Chronicles 20:22-23
2 Chronicles 25:11-14
11 ואמציהו התחזק וינהג את עמו וילך גיא המלח ויך את בני שׂעיר עשׂרת אלפים׃12 ועשׂרת אלפים חיים שׁבו בני יהודה ויביאום לראשׁ הסלע וישׁליכום מראשׁ הסלע וכלם נבקעו׃13 ובני הגדוד אשׁר השׁיב אמציהו מלכת עמו למלחמה ויפשׁטו בערי יהודה משׁמרון ועד בית חורון ויכו מהם שׁלשׁת אלפים ויבזו בזה רבה׃14 ויהי אחרי בוא אמציהו מהכות את אדומים ויבא את אלהי בני שׂעיר ויעמידם לו לאלהים ולפניהם ישׁתחוה ולהם יקטר׃
2 Chronicles 32:15
15 ועתה אל ישׁיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃
2 Chronicles 32:19
19 וידברו אל אלהי ירושׁלם כעל אלהי עמי הארץ מעשׂה ידי האדם׃
Job 34:37
37 כי יסיף על חטאתו פשׁע בינינו יספוק וירב אמריו לאל׃
Job 35:16
16 ואיוב הבל יפצה פיהו בבלי דעת מלין יכבר׃
Psalms 9:16
16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃
Psalms 48:1-3
Psalms 73:8-9
Psalms 73:17-18
Psalms 76:1
1 למנצח בנגינת מזמור לאסף שׁיר׃ (76:2) נודע ביהודה אלהים בישׂראל גדול שׁמו׃
Psalms 83:3-18
Psalms 83:4-12
Psalms 83:5-12
Psalms 83:6-12
Psalms 83:7-12
Psalms 83:8-12
Psalms 83:9-12
Psalms 83:10-12
Psalms 83:11-12
Psalms 83:12-12
12 (83:13) אשׁר אמרו נירשׁה לנו את נאות אלהים׃
Psalms 83:12
12 (83:13) אשׁר אמרו נירשׁה לנו את נאות אלהים׃13 (83:14) אלהי שׁיתמו כגלגל כקשׁ לפני רוח׃14 (83:15) כאשׁ תבער יער וכלהבה תלהט הרים׃15 (83:16) כן תרדפם בסערך ובסופתך תבהלם׃16 (83:17) מלא פניהם קלון ויבקשׁו שׁמך יהוה׃17 (83:18) יבשׁו ויבהלו עדי עד ויחפרו ויאבדו׃18 (83:19) וידעו כי אתה שׁמך יהוה לבדך עליון על כל הארץ׃
Psalms 94:9-10
Psalms 109:16-17
Psalms 132:13-14
Psalms 137:7
7 זכר יהוה לבני אדום את יום ירושׁלם האמרים ערו ערו עד היסוד׃
Proverbs 17:5
5 לעג לרשׁ חרף עשׂהו שׂמח לאיד לא ינקה׃
Ecclesiastes 10:14
14 והסכל ירבה דברים לא ידע האדם מה שׁיהיה ואשׁר יהיה מאחריו מי יגיד׃
Isaiah 10:13-19
13 כי אמר בכח ידי עשׂיתי ובחכמתי כי נבנותי ואסיר גבולת עמים ועתידתיהם שׁושׂתי ואוריד כאביר יושׁבים׃14 ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃15 היתפאר הגרזן על החצב בו אם יתגדל המשׂור על מניפו כהניף שׁבט ואת מרימיו כהרים מטה לא עץ׃16 לכן ישׁלח האדון יהוה צבאות במשׁמניו רזון ותחת כבדו יקד יקד כיקוד אשׁ׃17 והיה אור ישׂראל לאשׁ וקדושׁו ללהבה ובערה ואכלה שׁיתו ושׁמירו ביום אחד׃18 וכבוד יערו וכרמלו מנפשׁ ועד בשׂר יכלה והיה כמסס נסס׃19 ושׁאר עץ יערו מספר יהיו ונער יכתבם׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 14:7-8
Isaiah 31:9
9 וסלעו ממגור יעבור וחתו מנס שׂריו נאם יהוה אשׁר אור לו בציון ותנור לו בירושׁלם׃
Isaiah 34:1-17
Isaiah 34:2-7
Isaiah 34:3-7
Isaiah 34:4-7
Isaiah 34:5-7
5 כי רותה בשׁמים חרבי הנה על אדום תרד ועל עם חרמי למשׁפט׃
Isaiah 34:5-6
Isaiah 34:6-7
6 חרב ליהוה מלאה דם הדשׁנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃
Isaiah 34:6-6
Isaiah 34:7-7
7 וירדו ראמים עמם ופרים עם אבירים ורותה ארצם מדם ועפרם מחלב ידשׁן׃8 כי יום נקם ליהוה שׁנת שׁלומים לריב ציון׃9 ונהפכו נחליה לזפת ועפרה לגפרית והיתה ארצה לזפת בערה׃10 לילה ויומם לא תכבה לעולם יעלה עשׁנה מדור לדור תחרב לנצח נצחים אין עבר׃11 וירשׁוה קאת וקפוד וינשׁוף וערב ישׁכנו בה ונטה עליה קו תהו ואבני בהו׃12 חריה ואין שׁם מלוכה יקראו וכל שׂריה יהיו אפס׃13 ועלתה ארמנתיה סירים קמושׂ וחוח במבצריה והיתה נוה תנים חציר לבנות יענה׃14 ופגשׁו ציים את איים ושׂעיר על רעהו יקרא אך שׁם הרגיעה לילית ומצאה לה מנוח׃15 שׁמה קננה קפוז ותמלט ובקעה ודגרה בצלה אך שׁם נקבצו דיות אשׁה רעותה׃16 דרשׁו מעל ספר יהוה וקראו אחת מהנה לא נעדרה אשׁה רעותה לא פקדו כי פי הוא צוה ורוחו הוא קבצן׃17 והוא הפיל להן גורל וידו חלקתה להם בקו עד עולם יירשׁוה לדור ודור ישׁכנו׃
Isaiah 36:20
20 מי בכל אלהי הארצות האלה אשׁר הצילו את ארצם מידי כי יציל יהוה את ירושׁלם מידי׃
Isaiah 37:10
10 כה תאמרון אל חזקיהו מלך יהודה לאמר אל ישׁאך אלהיך אשׁר אתה בוטח בו לאמר לא תנתן ירושׁלם ביד מלך אשׁור׃
Isaiah 37:23
23 את מי חרפת וגדפת ועל מי הרימותה קול ותשׂא מרום עיניך אל קדושׁ ישׂראל׃
Isaiah 37:29
29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃
Isaiah 50:7
7 ואדני יהוה יעזר לי על כן לא נכלמתי על כן שׂמתי פני כחלמישׁ ואדע כי לא אבושׁ׃
Isaiah 63:1-6
1 מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃2 מדוע אדם ללבושׁך ובגדיך כדרך בגת׃3 פורה דרכתי לבדי ומעמים אין אישׁ אתי ואדרכם באפי וארמסם בחמתי ויז נצחם על בגדי וכל מלבושׁי אגאלתי׃4 כי יום נקם בלבי ושׁנת גאולי באה׃5 ואביט ואין עזר ואשׁתומם ואין סומך ותושׁע לי זרעי וחמתי היא סמכתני׃6 ואבוס עמים באפי ואשׁכרם בחמתי ואוריד לארץ נצחם׃
Isaiah 65:13-15
Jeremiah 6:12
12 ונסבו בתיהם לאחרים שׂדות ונשׁים יחדו כי אטה את ידי על ישׁבי הארץ נאם יהוה׃
Jeremiah 9:25-26
Jeremiah 15:6
6 את נטשׁת אתי נאם יהוה אחור תלכי ואט את ידי עליך ואשׁחיתך נלאיתי הנחם׃
Jeremiah 18:21
21 לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃
Jeremiah 21:13
13 הנני אליך ישׁבת העמק צור המישׁר נאם יהוה האמרים מי יחת עלינו ומי יבוא במעונותינו׃
Jeremiah 29:23
23 יען אשׁר עשׂו נבלה בישׂראל וינאפו את נשׁי רעיהם וידברו דבר בשׁמי שׁקר אשׁר לוא צויתם ואנכי הוידע ועד נאם יהוה׃
Jeremiah 49:1
1 לבני עמון כה אמר יהוה הבנים אין לישׂראל אם יורשׁ אין לו מדוע ירשׁ מלכם את גד ועמו בעריו ישׁב׃
Jeremiah 49:7-22
7 לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃8 נסו הפנו העמיקו לשׁבת ישׁבי דדן כי איד עשׂו הבאתי עליו עת פקדתיו׃9 אם בצרים באו לך לא ישׁארו עוללות אם גנבים בלילה השׁחיתו דים׃10 כי אני חשׂפתי את עשׂו גליתי את מסתריו ונחבה לא יוכל שׁדד זרעו ואחיו ושׁכניו ואיננו׃11 עזבה יתמיך אני אחיה ואלמנתיך עלי תבטחו׃12 כי כה אמר יהוה הנה אשׁר אין משׁפטם לשׁתות הכוס שׁתו ישׁתו ואתה הוא נקה תנקה לא תנקה כי שׁתה תשׁתה׃13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃
Jeremiah 49:13
13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃14 שׁמועה שׁמעתי מאת יהוה וציר בגוים שׁלוח התקבצו ובאו עליה וקומו למלחמה׃15 כי הנה קטן נתתיך בגוים בזוי באדם׃16 תפלצתך השׁיא אתך זדון לבך שׁכני בחגוי הסלע תפשׂי מרום גבעה כי תגביה כנשׁר קנך משׁם אורידך נאם יהוה׃17 והיתה אדום לשׁמה כל עבר עליה ישׁם וישׁרק על כל מכותה׃
Jeremiah 49:17-18
Jeremiah 49:18-18
18 כמהפכת סדם ועמרה ושׁכניה אמר יהוה לא ישׁב שׁם אישׁ ולא יגור בה בן אדם׃19 הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשׁר יעמד לפני׃20 לכן שׁמעו עצת יהוה אשׁר יעץ אל אדום ומחשׁבותיו אשׁר חשׁב אל ישׁבי תימן אם לא יסחבום צעירי הצאן אם לא ישׁים עליהם נוהם׃21 מקול נפלם רעשׁה הארץ צעקה בים סוף נשׁמע קולה׃22 הנה כנשׁר יעלה וידאה ויפרשׂ כנפיו על בצרה והיה לב גבורי אדום ביום ההוא כלב אשׁה מצרה׃
Jeremiah 50:7
7 כל מוצאיהם אכלום וצריהם אמרו לא נאשׁם תחת אשׁר חטאו ליהוה נוה צדק ומקוה אבותיהם יהוה׃
Jeremiah 50:11
11 כי תשׂמחי כי תעלזי שׁסי נחלתי כי תפושׁי כעגלה דשׁה ותצהלי כאברים׃
Jeremiah 51:25
25 הנני אליך הר המשׁחית נאם יהוה המשׁחית את כל הארץ ונטיתי את ידי עליך וגלגלתיך מן הסלעים ונתתיך להר שׂרפה׃
Jeremiah 51:48
48 ורננו על בבל שׁמים וארץ וכל אשׁר בהם כי מצפון יבוא לה השׁודדים נאם יהוה׃
Lamentations 4:21-22
21 שׂישׂי ושׂמחי בת אדום יושׁבתי בארץ עוץ גם עליך תעבר כוס תשׁכרי ותתערי׃
Lamentations 4:21
Ezekiel 5:8
8 לכן כה אמר אדני יהוה הנני עליך גם אני ועשׂיתי בתוכך משׁפטים לעיני הגוים׃
Ezekiel 5:15
15 והיתה חרפה וגדופה מוסר ומשׁמה לגוים אשׁר סביבותיך בעשׂותי בך שׁפטים באף ובחמה ובתכחות חמה אני יהוה דברתי׃
Ezekiel 6:2
2 בן אדם שׂים פניך אל הרי ישׂראל והנבא אליהם׃
Ezekiel 6:6-7
Ezekiel 6:7
7 ונפל חלל בתוככם וידעתם כי אני יהוה׃
Ezekiel 6:14
14 ונטיתי את ידי עליהם ונתתי את הארץ שׁממה ומשׁמה ממדבר דבלתה בכל מושׁבותיהם וידעו כי אני יהוה׃
Ezekiel 7:4
4 ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃
Ezekiel 7:9
9 ולא תחוס עיני ולא אחמול כדרכיך עליך אתן ותועבותיך בתוכך תהיין וידעתם כי אני יהוה מכה׃
Ezekiel 20:46
46 (21:2) בן אדם שׂים פניך דרך תימנה והטף אל דרום והנבא אל יער השׂדה נגב׃
Ezekiel 21:1
Ezekiel 21:25
25 (21:30) ואתה חלל רשׁע נשׂיא ישׂראל אשׁר בא יומו בעת עון קץ׃
Ezekiel 21:29
29 (21:34) בחזות לך שׁוא בקסם לך כזב לתת אותך אל צוארי חללי רשׁעים אשׁר בא יומם בעת עון קץ׃
Ezekiel 22:1
1 ויהי דבר יהוה אלי לאמר׃
Ezekiel 25:2
2 בן אדם שׂים פניך אל בני עמון והנבא עליהם׃
Ezekiel 25:8
8 כה אמר אדני יהוה יען אמר מואב ושׂעיר הנה ככל הגוים בית יהודה׃
Ezekiel 25:12-14
12 כה אמר אדני יהוה יען עשׂות אדום בנקם נקם לבית יהודה ויאשׁמו אשׁום ונקמו׃
Ezekiel 25:12
Ezekiel 25:13
Ezekiel 25:14
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃
Ezekiel 29:10
Ezekiel 31:12
12 ויכרתהו זרים עריצי גוים ויטשׁהו אל ההרים ובכל גאיות נפלו דליותיו ותשׁברנה פארתיו בכל אפיקי הארץ וירדו מצלו כל עמי הארץ ויטשׁהו׃
Ezekiel 32:4-5
Ezekiel 32:29
29 שׁמה אדום מלכיה וכל נשׂיאיה אשׁר נתנו בגבורתם את חללי חרב המה את ערלים ישׁכבו ואת ירדי בור׃
Ezekiel 33:28
28 ונתתי את הארץ שׁממה ומשׁמה ונשׁבת גאון עזה ושׁממו הרי ישׂראל מאין עובר׃
Ezekiel 34:1
1 ויהי דבר יהוה אלי לאמר׃
Ezekiel 35:3
3 ואמרת לו כה אמר אדני יהוה הנני אליך הר שׂעיר ונטיתי ידי עליך ונתתיך שׁממה ומשׁמה׃
Ezekiel 35:3-4
Ezekiel 35:4-4
4 עריך חרבה אשׂים ואתה שׁממה תהיה וידעת כי אני יהוה׃
Ezekiel 35:7
7 ונתתי את הר שׂעיר לשׁממה ושׁממה והכרתי ממנו עבר ושׁב׃
Ezekiel 35:9
9 שׁממות עולם אתנך ועריך לא תישׁבנה וידעתם כי אני יהוה׃
Ezekiel 35:12
12 וידעת כי אני יהוה שׁמעתי את כל נאצותיך אשׁר אמרת על הרי ישׂראל לאמר שׁממה לנו נתנו לאכלה׃
Ezekiel 36:2
2 כה אמר אדני יהוה יען אמר האויב עליכם האח ובמות עולם למורשׁה היתה׃
Ezekiel 36:2-5
2 כה אמר אדני יהוה יען אמר האויב עליכם האח ובמות עולם למורשׁה היתה׃3 לכן הנבא ואמרת כה אמר אדני יהוה יען ביען שׁמות ושׁאף אתכם מסביב להיותכם מורשׁה לשׁארית הגוים ותעלו על שׂפת לשׁון ודבת עם׃4 לכן הרי ישׂראל שׁמעו דבר אדני יהוה כה אמר אדני יהוה להרים ולגבעות לאפיקים ולגאיות ולחרבות השׁממות ולערים הנעזבות אשׁר היו לבז וללעג לשׁארית הגוים אשׁר מסביב׃5 לכן כה אמר אדני יהוה אם לא באשׁ קנאתי דברתי על שׁארית הגוים ועל אדום כלא אשׁר נתנו את ארצי להם למורשׁה בשׂמחת כל לבב בשׁאט נפשׁ למען מגרשׁה לבז׃
Ezekiel 36:5-5
5 לכן כה אמר אדני יהוה אם לא באשׁ קנאתי דברתי על שׁארית הגוים ועל אדום כלא אשׁר נתנו את ארצי להם למורשׁה בשׂמחת כל לבב בשׁאט נפשׁ למען מגרשׁה לבז׃
Ezekiel 36:11
11 והרביתי עליכם אדם ובהמה ורבו ופרו והושׁבתי אתכם כקדמותיכם והטבתי מראשׁתיכם וידעתם כי אני יהוה׃
Ezekiel 39:4-5
Ezekiel 48:35
35 סביב שׁמנה עשׂר אלף ושׁם העיר מיום יהוה שׁמה׃
Daniel 9:24
24 שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃
Daniel 11:36
36 ועשׂה כרצונו המלך ויתרומם ויתגדל על כל אל ועל אל אלים ידבר נפלאות והצליח עד כלה זעם כי נחרצה נעשׂתה׃
Joel 3:19
19 (4:19) מצרים לשׁממה תהיה ואדום למדבר שׁממה תהיה מחמס בני יהודה אשׁר שׁפכו דם נקיא בארצם׃
Amos 1:11-12
11 כה אמר יהוה על שׁלשׁה פשׁעי אדום ועל ארבעה לא אשׁיבנו על רדפו בחרב אחיו ושׁחת רחמיו ויטרף לעד אפו ועברתו שׁמרה נצח׃
Amos 1:11
Obadiah 1:1
1 חזון עבדיה כה אמר אדני יהוה לאדום שׁמועה שׁמענו מאת יהוה וציר בגוים שׁלח קומו ונקומה עליה למלחמה׃
Obadiah 1:10-14
10 מחמס אחיך יעקב תכסך בושׁה ונכרת לעולם׃
Obadiah 1:10-16
Obadiah 1:11-16
Obadiah 1:12-16
12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃
Obadiah 1:12
Obadiah 1:13-16
13 אל תבוא בשׁער עמי ביום אידם אל תרא גם אתה ברעתו ביום אידו ואל תשׁלחנה בחילו ביום אידו׃
Obadiah 1:13
Obadiah 1:14-16
Obadiah 1:15
Nahum 2:13
13 (2:14) הנני אליך נאם יהוה צבאות והבערתי בעשׁן רכבה וכפיריך תאכל חרב והכרתי מארץ טרפך ולא ישׁמע עוד קול מלאככה׃
Nahum 3:5
5 הנני אליך נאם יהוה צבאות וגליתי שׁוליך על פניך והראיתי גוים מערך וממלכות קלונך׃
Zephaniah 2:9
9 לכן חי אני נאם יהוה צבאות אלהי ישׂראל כי מואב כסדם תהיה ובני עמון כעמרה ממשׁק חרול ומכרה מלח ושׁממה עד עולם שׁארית עמי יבזום ויתר גוי ינחלום׃
Zephaniah 3:15
15 הסיר יהוה משׁפטיך פנה איבך מלך ישׂראל יהוה בקרבך לא תיראי רע עוד׃
Zechariah 2:5
5 (2:9) ואני אהיה לה נאם יהוה חומת אשׁ סביב ולכבוד אהיה בתוכה׃
Malachi 1:3-4
Malachi 3:13
13 חזקו עלי דבריכם אמר יהוה ואמרתם מה נדברנו עליך׃