1 ונפן ונסע המדברה דרך ים סוף כאשׁר דבר יהוה אלי ונסב את הר שׂעיר ימים רבים׃2 ויאמר יהוה אלי לאמר׃3 רב לכם סב את ההר הזה פנו לכם צפנה׃4 ואת העם צו לאמר אתם עברים בגבול אחיכם בני עשׂו הישׁבים בשׂעיר וייראו מכם ונשׁמרתם מאד׃5 אל תתגרו בם כי לא אתן לכם מארצם עד מדרך כף רגל כי ירשׁה לעשׂו נתתי את הר שׂעיר׃6 אכל תשׁברו מאתם בכסף ואכלתם וגם מים תכרו מאתם בכסף ושׁתיתם׃7 כי יהוה אלהיך ברכך בכל מעשׂה ידך ידע לכתך את המדבר הגדל הזה זה ארבעים שׁנה יהוה אלהיך עמך לא חסרת דבר׃8 ונעבר מאת אחינו בני עשׂו הישׁבים בשׂעיר מדרך הערבה מאילת ומעצין גבר ונפן ונעבר דרך מדבר מואב׃9 ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשׁה כי לבני לוט נתתי את ער ירשׁה׃10 האמים לפנים ישׁבו בה עם גדול ורב ורם כענקים׃11 רפאים יחשׁבו אף הם כענקים והמאבים יקראו להם אמים׃12 ובשׂעיר ישׁבו החרים לפנים ובני עשׂו יירשׁום וישׁמידום מפניהם וישׁבו תחתם כאשׁר עשׂה ישׂראל לארץ ירשׁתו אשׁר נתן יהוה׃13 עתה קמו ועברו לכם את נחל זרד ונעבר את נחל זרד׃14 והימים אשׁר הלכנו מקדשׁ ברנע עד אשׁר עברנו את נחל זרד שׁלשׁים ושׁמנה שׁנה עד תם כל הדור אנשׁי המלחמה מקרב המחנה כאשׁר נשׁבע יהוה׃15 וגם יד יהוה היתה בם להמם מקרב המחנה עד תמם׃16 ויהי כאשׁר תמו כל אנשׁי המלחמה למות מקרב העם׃17 וידבר יהוה אלי לאמר׃18 אתה עבר היום את גבול מואב את ער׃19 וקרבת מול בני עמון אל תצרם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה׃20 ארץ רפאים תחשׁב אף הוא רפאים ישׁבו בה לפנים והעמנים יקראו להם \'e6\'ee\'e6\'ee\'e9\'ed\'d321 עם גדול ורב ורם כענקים וישׁמידם יהוה מפניהם ויירשׁם וישׁבו תחתם׃22 כאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁם וישׁבו תחתם עד היום הזה׃23 והעוים הישׁבים בחצרים עד עזה כפתרים היצאים מכפתר השׁמידם וישׁבו תחתם׃24 קומו סעו ועברו את נחל ארנן ראה נתתי בידך את סיחן מלך חשׁבון האמרי ואת ארצו החל רשׁ והתגר בו מלחמה׃25 היום הזה אחל תת פחדך ויראתך על פני העמים תחת כל השׁמים אשׁר ישׁמעון שׁמעך ורגזו וחלו מפניך׃26 ואשׁלח מלאכים ממדבר קדמות אל סיחון מלך חשׁבון דברי שׁלום לאמר׃27 אעברה בארצך בדרך בדרך אלך לא אסור ימין ושׂמאול׃28 אכל בכסף תשׁברני ואכלתי ומים בכסף תתן לי ושׁתיתי רק אעברה ברגלי׃29 כאשׁר עשׂו לי בני עשׂו הישׁבים בשׂעיר והמואבים הישׁבים בער עד אשׁר אעבר את הירדן אל הארץ אשׁר יהוה אלהינו נתן׃30 ולא אבה סיחן מלך חשׁבון העברנו בו כי הקשׁה יהוה אלהיך את רוחו ואמץ את לבבו למען תתו בידך כיום הזה׃31 ויאמר יהוה אלי ראה החלתי תת לפניך את סיחן ואת ארצו החל רשׁ לרשׁת את ארצו׃32 ויצא סיחן לקראתנו הוא וכל עמו למלחמה יהצה׃33 ויתנהו יהוה אלהינו לפנינו ונך אתו ואת בנו ואת כל עמו׃34 ונלכד את כל עריו בעת ההוא ונחרם את כל עיר מתם והנשׁים והטף לא השׁארנו שׂריד׃35 רק הבהמה בזזנו לנו ושׁלל הערים אשׁר לכדנו׃36 מערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו׃37 רק אל ארץ בני עמון לא קרבת כל יד נחל יבק וערי ההר וכל אשׁר צוה יהוה אלהינו׃
Deuteronomy 2 Cross References - HOT
Genesis 10:14
14 ואת פתרסים ואת כסלחים אשׁר יצאו משׁם פלשׁתים ואת כפתרים׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 14:5
Genesis 14:20
20 וברוך אל עליון אשׁר מגן צריך בידך ויתן לו מעשׂר מכל׃
Genesis 19:36-37
36 ותהרין שׁתי בנות לוט מאביהן׃
Genesis 19:36-38
Genesis 19:37-38
Genesis 24:35
35 ויהוה ברך את אדני מאד ויגדל ויתן לו צאן ובקר וכסף וזהב ועבדם ושׁפחת וגמלים וחמרים׃
Genesis 26:12
12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃
Genesis 30:27
27 ויאמר אליו לבן אם נא מצאתי חן בעיניך נחשׁתי ויברכני יהוה בגללך׃
Genesis 32:22
22 (32:23) ויקם בלילה הוא ויקח את שׁתי נשׁיו ואת שׁתי שׁפחתיו ואת אחד עשׂר ילדיו ויעבר את מעבר יבק׃
Genesis 36:8
8 וישׁב עשׂו בהר שׂעיר עשׂו הוא אדום׃
Genesis 36:20-43
20 אלה בני שׂעיר החרי ישׁבי הארץ לוטן ושׁובל וצבעון וענה׃
Genesis 36:20-30
Genesis 36:21-30
Genesis 36:22-30
Genesis 36:23-30
Genesis 36:24-30
Genesis 36:25-30
Genesis 36:26-30
Genesis 36:27-30
Genesis 36:28-30
Genesis 36:29-30
Genesis 36:30-30
30 אלוף דשׁן אלוף אצר אלוף דישׁן אלה אלופי החרי לאלפיהם בארץ שׂעיר׃31 ואלה המלכים אשׁר מלכו בארץ אדום לפני מלך מלך לבני ישׂראל׃32 וימלך באדום בלע בן בעור ושׁם עירו דנהבה׃33 וימת בלע וימלך תחתיו יובב בן זרח מבצרה׃34 וימת יובב וימלך תחתיו חשׁם מארץ התימני׃35 וימת חשׁם וימלך תחתיו הדד בן בדד המכה את מדין בשׂדה מואב ושׁם עירו עוית׃36 וימת הדד וימלך תחתיו שׂמלה ממשׂרקה׃37 וימת שׂמלה וימלך תחתיו שׁאול מרחבות הנהר׃38 וימת שׁאול וימלך תחתיו בעל חנן בן עכבור׃39 וימת בעל חנן בן עכבור וימלך תחתיו הדר ושׁם עירו פעו ושׁם אשׁתו מהיטבאל בת מטרד בת מי זהב׃40 ואלה שׁמות אלופי עשׂו למשׁפחתם למקמתם בשׁמתם אלוף תמנע אלוף עלוה אלוף יתת׃41 אלוף אהליבמה אלוף אלה אלוף פינן׃42 אלוף קנז אלוף תימן אלוף מבצר׃43 אלוף מגדיאל אלוף עירם אלה אלופי אדום למשׁבתם בארץ אחזתם הוא עשׂו אבי אדום׃
Genesis 39:5
5 ויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה׃
Exodus 4:21
21 ויאמר יהוה אל משׁה בלכתך לשׁוב מצרימה ראה כל המפתים אשׁר שׂמתי בידך ועשׂיתם לפני פרעה ואני אחזק את לבו ולא ישׁלח את העם׃
Exodus 11:10
10 ומשׁה ואהרן עשׂו את כל המפתים האלה לפני פרעה ויחזק יהוה את לב פרעה ולא שׁלח את בני ישׂראל מארצו׃
Exodus 15:14-16
Exodus 15:15-16
Exodus 20:12
12 כבד את אביך ואת אמך למען יארכון ימיך על האדמה אשׁר יהוה אלהיך נתן׃
Exodus 23:27
27 את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף׃
Leviticus 27:28-29
Numbers 13:22
Numbers 13:26
26 וילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אתם דבר ואת כל העדה ויראום את פרי הארץ׃
Numbers 13:28
28 אפס כי עז העם הישׁב בארץ והערים בצרות גדלת מאד וגם ילדי הענק ראינו שׁם׃
Numbers 13:33
33 ושׁם ראינו את הנפילים בני ענק מן הנפלים ונהי בעינינו כחגבים וכן היינו בעיניהם׃
Numbers 14:25
25 והעמלקי והכנעני יושׁב בעמק מחר פנו וסעו לכם המדבר דרך ים סוף׃
Numbers 14:28-35
28 אמר אלהם חי אני נאם יהוה אם לא כאשׁר דברתם באזני כן אעשׂה׃29 במדבר הזה יפלו פגריכם וכל פקדיכם לכל מספרכם מבן עשׂרים שׁנה ומעלה אשׁר הלינתם עלי׃30 אם אתם תבאו אל הארץ אשׁר נשׂאתי את ידי לשׁכן אתכם בה כי אם כלב בן יפנה ויהושׁע בן נון׃31 וטפכם אשׁר אמרתם לבז יהיה והביאתי אתם וידעו את הארץ אשׁר מאסתם׃32 ופגריכם אתם יפלו במדבר הזה׃33 ובניכם יהיו רעים במדבר ארבעים שׁנה ונשׂאו את זנותיכם עד תם פגריכם במדבר׃34 במספר הימים אשׁר תרתם את הארץ ארבעים יום יום לשׁנה יום לשׁנה תשׂאו את עונתיכם ארבעים שׁנה וידעתם את תנואתי׃35 אני יהוה דברתי אם לא זאת אעשׂה לכל העדה הרעה הזאת הנועדים עלי במדבר הזה יתמו ושׁם ימתו׃
Numbers 20:14-21
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃15 וירדו אבתינו מצרימה ונשׁב במצרים ימים רבים וירעו לנו מצרים ולאבתינו׃16 ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃18 ויאמר אליו אדום לא תעבר בי פן בחרב אצא לקראתך׃
Numbers 20:18
Numbers 20:19
Numbers 21:2-3
Numbers 21:12
Numbers 21:15-15
15 ואשׁד הנחלים אשׁר נטה לשׁבת ער ונשׁען לגבול מואב׃
Numbers 21:21-35
21 וישׁלח ישׂראל מלאכים אל סיחן מלך האמרי לאמר׃
Numbers 21:21-23
Numbers 21:22-23
Numbers 21:23
23 ולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל׃
Numbers 21:23-23
23 ולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל׃
Numbers 21:23-30
Numbers 21:24-30
24 ויכהו ישׂראל לפי חרב ויירשׁ את ארצו מארנן עד יבק עד בני עמון כי עז גבול בני עמון׃
Numbers 21:24
Numbers 21:25-30
Numbers 21:26-30
Numbers 21:27-30
Numbers 21:28-35
28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃
Numbers 21:28-30
Numbers 21:29-30
Numbers 21:30-30
30 ונירם אבד חשׁבון עד דיבן ונשׁים עד נפח אשׁר עד מידבא׃31 וישׁב ישׂראל בארץ האמרי׃32 וישׁלח משׁה לרגל את יעזר וילכדו בנתיה ויירשׁ את האמרי אשׁר שׁם׃33 ויפנו ויעלו דרך הבשׁן ויצא עוג מלך הבשׁן לקראתם הוא וכל עמו למלחמה אדרעי׃34 ויאמר יהוה אל משׁה אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון׃35 ויכו אתו ואת בניו ואת כל עמו עד בלתי השׁאיר לו שׂריד ויירשׁו את ארצו׃
Numbers 22:3-4
Numbers 22:4
4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃
Numbers 24:14-18
14 ועתה הנני הולך לעמי לכה איעצך אשׁר יעשׂה העם הזה לעמך באחרית הימים׃15 וישׂא משׁלו ויאמר נאם בלעם בנו בער ונאם הגבר שׁתם העין׃16 נאם שׁמע אמרי אל וידע דעת עליון מחזה שׁדי יחזה נפל וגלוי עינים׃17 אראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת׃18 והיה אדום ירשׁה והיה ירשׁה שׂעיר איביו וישׂראל עשׂה חיל׃
Numbers 26:64-65
Numbers 31:9-11
Numbers 32:11
11 אם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי׃
Numbers 33:35
35 ויסעו מעברנה ויחנו בעצין גבר׃
Deuteronomy 1:1
Deuteronomy 1:6
6 יהוה אלהינו דבר אלינו בחרב לאמר רב לכם שׁבת בהר הזה׃
Deuteronomy 1:8
8 ראה נתתי לפניכם את הארץ באו ורשׁו את הארץ אשׁר נשׁבע יהוה לאבתיכם לאברהם ליצחק וליעקב לתת להם ולזרעם אחריהם׃
Deuteronomy 1:19
19 ונסע מחרב ונלך את כל המדבר הגדול והנורא ההוא אשׁר ראיתם דרך הר האמרי כאשׁר צוה יהוה אלהינו אתנו ונבא עד קדשׁ ברנע׃
Deuteronomy 1:28
28 אנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשׁמים וגם בני ענקים ראינו שׁם׃
Deuteronomy 1:34-35
Deuteronomy 1:40
40 ואתם פנו לכם וסעו המדברה דרך ים סוף׃
Deuteronomy 1:46
46 ותשׁבו בקדשׁ ימים רבים כימים אשׁר ישׁבתם׃
Deuteronomy 2:5
Deuteronomy 2:9
Deuteronomy 2:11-11
Deuteronomy 2:14
14 והימים אשׁר הלכנו מקדשׁ ברנע עד אשׁר עברנו את נחל זרד שׁלשׁים ושׁמנה שׁנה עד תם כל הדור אנשׁי המלחמה מקרב המחנה כאשׁר נשׁבע יהוה׃
Deuteronomy 2:18-19
Deuteronomy 2:19
19 וקרבת מול בני עמון אל תצרם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה׃
Deuteronomy 2:22
22 כאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁם וישׁבו תחתם עד היום הזה׃
Deuteronomy 2:24
24 קומו סעו ועברו את נחל ארנן ראה נתתי בידך את סיחן מלך חשׁבון האמרי ואת ארצו החל רשׁ והתגר בו מלחמה׃
Deuteronomy 2:28-29
Deuteronomy 2:29
29 כאשׁר עשׂו לי בני עשׂו הישׁבים בשׂעיר והמואבים הישׁבים בער עד אשׁר אעבר את הירדן אל הארץ אשׁר יהוה אלהינו נתן׃
Deuteronomy 2:32-3:11
32 ויצא סיחן לקראתנו הוא וכל עמו למלחמה יהצה׃
Deuteronomy 2:36
36 מערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו׃
Deuteronomy 3:2-3
Deuteronomy 3:6
6 ונחרם אותם כאשׁר עשׂינו לסיחן מלך חשׁבון החרם כל עיר מתם הנשׁים והטף׃
Deuteronomy 3:11
Deuteronomy 3:16
16 ולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון׃
Deuteronomy 4:1
1 ועתה ישׂראל שׁמע אל החקים ואל המשׁפטים אשׁר אנכי מלמד אתכם לעשׂות למען תחיו ובאתם וירשׁתם את הארץ אשׁר יהוה אלהי אבתיכם נתן׃
Deuteronomy 4:21
21 ויהוה התאנף בי על דבריכם וישׁבע לבלתי עברי את הירדן ולבלתי בא אל הארץ הטובה אשׁר יהוה אלהיך נתן לך נחלה׃
Deuteronomy 4:40
40 ושׁמרת את חקיו ואת מצותיו אשׁר אנכי מצוך היום אשׁר ייטב לך ולבניך אחריך ולמען תאריך ימים על האדמה אשׁר יהוה אלהיך נתן לך כל הימים׃
Deuteronomy 4:48
48 מערער אשׁר על שׂפת נחל ארנן ועד הר שׂיאן הוא חרמון׃
Deuteronomy 5:16
16 כבד את אביך ואת אמך כאשׁר צוך יהוה אלהיך למען יאריכן ימיך ולמען ייטב לך על האדמה אשׁר יהוה אלהיך נתן׃
Deuteronomy 7:2
2 ונתנם יהוה אלהיך לפניך והכיתם החרם תחרים אתם לא תכרת להם ברית ולא תחנם׃
Deuteronomy 7:26
26 ולא תביא תועבה אל ביתך והיית חרם כמהו שׁקץ תשׁקצנו ותעב תתעבנו כי חרם הוא׃
Deuteronomy 8:2-4
Deuteronomy 9:2
2 עם גדול ורם בני ענקים אשׁר אתה ידעת ואתה שׁמעת מי יתיצב לפני בני ענק׃
Deuteronomy 9:6
6 וידעת כי לא בצדקתך יהוה אלהיך נתן לך את הארץ הטובה הזאת לרשׁתה כי עם קשׁה ערף אתה׃
Deuteronomy 11:25
25 לא יתיצב אישׁ בפניכם פחדכם ומוראכם יתן יהוה אלהיכם על פני כל הארץ אשׁר תדרכו בה כאשׁר דבר׃
Deuteronomy 20:10-11
Deuteronomy 20:14
14 רק הנשׁים והטף והבהמה וכל אשׁר יהיה בעיר כל שׁללה תבז לך ואכלת את שׁלל איביך אשׁר נתן יהוה אלהיך׃
Deuteronomy 20:16
16 רק מערי העמים האלה אשׁר יהוה אלהיך נתן לך נחלה לא תחיה כל נשׁמה׃
Deuteronomy 20:16-18
Deuteronomy 23:3-4
Deuteronomy 23:7
7 (23:8) לא תתעב אדמי כי אחיך הוא לא תתעב מצרי כי גר היית בארצו׃
Deuteronomy 25:15
15 אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃
Deuteronomy 28:10
10 וראו כל עמי הארץ כי שׁם יהוה נקרא עליך ויראו ממך׃
Deuteronomy 29:5
5 (29:4) ואולך אתכם ארבעים שׁנה במדבר לא בלו שׂלמתיכם מעליכם ונעלך לא בלתה מעל רגלך׃
Deuteronomy 29:7-8
Deuteronomy 32:8
8 בהנחל עליון גוים בהפרידו בני אדם יצב גבלת עמים למספר בני ישׂראל׃
Joshua 1:5
5 לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃
Joshua 1:11-15
11 עברו בקרב המחנה וצוו את העם לאמר הכינו לכם צידה כי בעוד שׁלשׁת ימים אתם עברים את הירדן הזה לבוא לרשׁת את הארץ אשׁר יהוה אלהיכם נתן לכם לרשׁתה׃12 ולראובני ולגדי ולחצי שׁבט המנשׁה אמר יהושׁע לאמר׃13 זכור את הדבר אשׁר צוה אתכם משׁה עבד יהוה לאמר יהוה אלהיכם מניח לכם ונתן לכם את הארץ הזאת׃14 נשׁיכם טפכם ומקניכם ישׁבו בארץ אשׁר נתן לכם משׁה בעבר הירדן ואתם תעברו חמשׁים לפני אחיכם כל גבורי החיל ועזרתם אותם׃15 עד אשׁר יניח יהוה לאחיכם ככם וירשׁו גם המה את הארץ אשׁר יהוה אלהיכם נתן להם ושׁבתם לארץ ירשׁתכם וירשׁתם אותה אשׁר נתן לכם משׁה עבד יהוה בעבר הירדן מזרח השׁמשׁ׃
Joshua 2:9-12
9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃12 ועתה השׁבעו נא לי ביהוה כי עשׂיתי עמכם חסד ועשׂיתם גם אתם עם בית אבי חסד ונתתם לי אות אמת׃
Joshua 6:16
16 ויהי בפעם השׁביעית תקעו הכהנים בשׁופרות ויאמר יהושׁע אל העם הריעו כי נתן יהוה לכם את העיר׃
Joshua 7:11
11 חטא ישׂראל וגם עברו את בריתי אשׁר צויתי אותם וגם לקחו מן החרם וגם גנבו וגם כחשׁו וגם שׂמו בכליהם׃
Joshua 8:25-26
Joshua 9:24
24 ויענו את יהושׁע ויאמרו כי הגד הגד לעבדיך את אשׁר צוה יהוה אלהיך את משׁה עבדו לתת לכם את כל הארץ ולהשׁמיד את כל ישׁבי הארץ מפניכם ונירא מאד לנפשׁתינו מפניכם ונעשׂה את הדבר הזה׃
Joshua 10:30-42
30 ויתן יהוה גם אותה ביד ישׂראל ואת מלכה ויכה לפי חרב ואת כל הנפשׁ אשׁר בה לא השׁאיר בה שׂריד ויעשׂ למלכה כאשׁר עשׂה למלך יריחו׃31 ויעבר יהושׁע וכל ישׂראל עמו מלבנה לכישׁה ויחן עליה וילחם׃32 ויתן יהוה את לכישׁ ביד ישׂראל וילכדה ביום השׁני ויכה לפי חרב ואת כל הנפשׁ אשׁר בה ככל אשׁר עשׂה ללבנה׃33 אז עלה הרם מלך גזר לעזר את לכישׁ ויכהו יהושׁע ואת עמו עד בלתי השׁאיר לו שׂריד׃34 ויעבר יהושׁע וכל ישׂראל עמו מלכישׁ עגלנה ויחנו עליה וילחמו עליה׃35 וילכדוה ביום ההוא ויכוה לפי חרב ואת כל הנפשׁ אשׁר בה ביום ההוא החרים ככל אשׁר עשׂה ללכישׁ׃36 ויעל יהושׁע וכל ישׂראל עמו מעגלונה חברונה וילחמו עליה׃37 וילכדוה ויכוה לפי חרב ואת מלכה ואת כל עריה ואת כל הנפשׁ אשׁר בה לא השׁאיר שׂריד ככל אשׁר עשׂה לעגלון ויחרם אותה ואת כל הנפשׁ אשׁר׃38 וישׁב יהושׁע וכל ישׂראל עמו דברה וילחם עליה׃39 וילכדה ואת מלכה ואת כל עריה ויכום לפי חרב ויחרימו את כל נפשׁ אשׁר בה לא השׁאיר שׂריד כאשׁר עשׂה לחברון כן עשׂה לדברה ולמלכה וכאשׁר עשׂה ללבנה ולמלכה׃40 ויכה יהושׁע את כל הארץ ההר והנגב והשׁפלה והאשׁדות ואת כל מלכיהם לא השׁאיר שׂריד ואת כל הנשׁמה החרים כאשׁר צוה יהוה אלהי ישׂראל׃41 ויכם יהושׁע מקדשׁ ברנע ועד עזה ואת כל ארץ גשׁן ועד גבעון׃42 ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃
Joshua 11:14
14 וכל שׁלל הערים האלה והבהמה בזזו להם בני ישׂראל רק את כל האדם הכו לפי חרב עד השׁמדם אותם לא השׁאירו כל נשׁמה׃
Joshua 11:19-20
Joshua 12:2
2 סיחון מלך האמרי היושׁב בחשׁבון משׁל מערוער אשׁר על שׂפת נחל ארנון ותוך הנחל וחצי הגלעד ועד יבק הנחל גבול בני עמון׃
Joshua 13:3
3 מן השׁיחור אשׁר על פני מצרים ועד גבול עקרון צפונה לכנעני תחשׁב חמשׁת סרני פלשׁתים העזתי והאשׁדודי האשׁקלוני הגתי והעקרוני והעוים׃
Joshua 13:9
9 מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃
Joshua 13:16
16 ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃
Joshua 13:18
18 ויהצה וקדמת ומפעת׃
Joshua 21:37
37 את קדמות ואת מגרשׁה ואת מיפעת ואת מגרשׁה ערים ארבע׃
Joshua 21:44
44 וינח יהוה להם מסביב ככל אשׁר נשׁבע לאבותם ולא עמד אישׁ בפניהם מכל איביהם את כל איביהם נתן יהוה בידם׃
Joshua 24:4
4 ואתן ליצחק את יעקב ואת עשׂו ואתן לעשׂו את הר שׂעיר לרשׁת אותו ויעקב ובניו ירדו מצרים׃
Judges 1:4
4 ויעל יהודה ויתן יהוה את הכנעני והפרזי בידם ויכום בבזק עשׂרת אלפים אישׁ׃
Judges 2:15
15 בכל אשׁר יצאו יד יהוה היתה בם לרעה כאשׁר דבר יהוה וכאשׁר נשׁבע יהוה להם ויצר להם מאד׃
Judges 7:2
2 ויאמר יהוה אל גדעון רב העם אשׁר אתך מתתי את מדין בידם פן יתפאר עלי ישׂראל לאמר ידי הושׁיעה׃
Judges 11:13-27
Judges 11:15
Judges 11:17-27
17 וישׁלח ישׂראל מלאכים אל מלך אדום לאמר אעברה נא בארצך ולא שׁמע מלך אדום וגם אל מלך מואב שׁלח ולא אבה וישׁב ישׂראל בקדשׁ׃
Judges 11:17-18
Judges 11:18-27
18 וילך במדבר ויסב את ארץ אדום ואת ארץ מואב ויבא ממזרח שׁמשׁ לארץ מואב ויחנון בעבר ארנון ולא באו בגבול מואב כי ארנון גבול מואב׃
Judges 11:18-21
18 וילך במדבר ויסב את ארץ אדום ואת ארץ מואב ויבא ממזרח שׁמשׁ לארץ מואב ויחנון בעבר ארנון ולא באו בגבול מואב כי ארנון גבול מואב׃
Judges 11:18-18
Judges 11:19-21
19 וישׁלח ישׂראל מלאכים אל סיחון מלך האמרי מלך חשׁבון ויאמר לו ישׂראל נעברה נא בארצך עד מקומי׃
Judges 11:19
Judges 11:20-21
20 ולא האמין סיחון את ישׂראל עבר בגבלו ויאסף סיחון את כל עמו ויחנו ביהצה וילחם עם ישׂראל׃
Judges 11:20
20 ולא האמין סיחון את ישׂראל עבר בגבלו ויאסף סיחון את כל עמו ויחנו ביהצה וילחם עם ישׂראל׃
Judges 11:20-23
Judges 11:21-21
21 ויתן יהוה אלהי ישׂראל את סיחון ואת כל עמו ביד ישׂראל ויכום ויירשׁ ישׂראל את כל ארץ האמרי יושׁב הארץ ההיא׃
Judges 11:21-23
Judges 11:22-23
Judges 11:23-23
Judges 11:24
24 הלא את אשׁר יורישׁך כמושׁ אלהיך אותו תירשׁ ואת כל אשׁר הורישׁ יהוה אלהינו מפנינו אותו נירשׁ׃25 ועתה הטוב טוב אתה מבלק בן צפור מלך מואב הרוב רב עם ישׂראל אם נלחם נלחם׃26 בשׁבת ישׂראל בחשׁבון ובבנותיה ובערעור ובבנותיה ובכל הערים אשׁר על ידי ארנון שׁלשׁ מאות שׁנה ומדוע לא הצלתם בעת ההיא׃27 ואנכי לא חטאתי לך ואתה עשׂה אתי רעה להלחם בי ישׁפט יהוה השׁפט היום בין בני ישׂראל ובין בני עמון׃
1 Samuel 5:6
6 ותכבד יד יהוה אל האשׁדודים וישׁמם ויך אתם בעפלים את אשׁדוד ואת גבוליה׃
1 Samuel 5:9
9 ויהי אחרי הסבו אתו ותהי יד יהוה בעיר מהומה גדולה מאד ויך את אנשׁי העיר מקטן ועד גדול וישׂתרו להם עפלים׃
1 Samuel 5:11
11 וישׁלחו ויאספו את כל סרני פלשׁתים ויאמרו שׁלחו את ארון אלהי ישׂראל וישׁב למקמו ולא ימית אתי ואת עמי כי היתה מהומת מות בכל העיר כבדה מאד יד האלהים שׁם׃
1 Samuel 7:13
13 ויכנעו הפלשׁתים ולא יספו עוד לבוא בגבול ישׂראל ותהי יד יהוה בפלשׁתים כל ימי שׁמואל׃
1 Samuel 15:3
3 עתה לך והכיתה את עמלק והחרמתם את כל אשׁר לו ולא תחמל עליו והמתה מאישׁ עד אשׁה מעלל ועד יונק משׁור ועד שׂה מגמל ועד חמור׃
1 Samuel 15:8-9
1 Kings 4:24
24 (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃
1 Kings 9:26
26 ואני עשׂה המלך שׁלמה בעציון גבר אשׁר את אלות על שׂפת ים סוף בארץ אדום׃
2 Kings 7:6-7
2 Kings 14:22
22 הוא בנה את אילת וישׁבה ליהודה אחרי שׁכב המלך עם אבתיו׃
2 Kings 16:6
6 בעת ההיא השׁיב רצין מלך ארם את אילת לארם וינשׁל את היהודים מאילות וארמים באו אילת וישׁבו שׁם עד היום הזה׃
1 Chronicles 1:38-54
38 ובני שׂעיר לוטן ושׁובל וצבעון וענה ודישׁן ואצר ודישׁן׃
1 Chronicles 1:38-42
1 Chronicles 1:39-42
1 Chronicles 1:40-42
1 Chronicles 1:41-42
1 Chronicles 1:42-42
42 בני אצר בלהן וזעון יעקן בני דישׁון עוץ וארן׃43 ואלה המלכים אשׁר מלכו בארץ אדום לפני מלך מלך לבני ישׂראל בלע בן בעור ושׁם עירו דנהבה׃44 וימת בלע וימלך תחתיו יובב בן זרח מבצרה׃45 וימת יובב וימלך תחתיו חושׁם מארץ התימני׃46 וימת חושׁם וימלך תחתיו הדד בן בדד המכה את מדין בשׂדה מואב ושׁם עירו עיות׃47 וימת הדד וימלך תחתיו שׂמלה ממשׂרקה׃48 וימת שׂמלה וימלך תחתיו שׁאול מרחבות הנהר׃49 וימת שׁאול וימלך תחתיו בעל חנן בן עכבור׃50 וימת בעל חנן וימלך תחתיו הדד ושׁם עירו פעי ושׁם אשׁתו מהיטבאל בת מטרד בת מי זהב׃51 וימת הדד ויהיו אלופי אדום אלוף תמנע אלוף עליה אלוף יתת׃52 אלוף אהליבמה אלוף אלה אלוף פינן׃53 אלוף קנז אלוף תימן אלוף מבצר׃54 אלוף מגדיאל אלוף עירם אלה אלופי אדום׃
2 Chronicles 20:10-12
10 ועתה הנה בני עמון ומואב והר שׂעיר אשׁר לא נתתה לישׂראל לבוא בהם בבאם מארץ מצרים כי סרו מעליהם ולא השׁמידום׃
2 Chronicles 20:10
2 Chronicles 36:23
23 כה אמר כורשׁ מלך פרס כל ממלכות הארץ נתן לי יהוה אלהי השׁמים והוא פקד עלי לבנות לו בית בירושׁלם אשׁר ביהודה מי בכם מכל עמו יהוה אלהיו עמו ויעל׃
Ezra 1:2
2 כה אמר כרשׁ מלך פרס כל ממלכות הארץ נתן לי יהוה אלהי השׁמים והוא פקד עלי לבנות לו בית בירושׁלם אשׁר ביהודה׃
Nehemiah 9:21
Esther 9:30
30 וישׁלח ספרים אל כל היהודים אל שׁבע ועשׂרים ומאה מדינה מלכות אחשׁורושׁ דברי שׁלום ואמת׃
Job 23:10
10 כי ידע דרך עמדי בחנני כזהב אצא׃
Psalms 1:6
6 כי יודע יהוה דרך צדיקים ודרך רשׁעים תאבד׃
Psalms 31:7
7 (31:8) אגילה ואשׂמחה בחסדך אשׁר ראית את עניי ידעת בצרות נפשׁי׃
Psalms 32:4
4 כי יומם ולילה תכבד עלי ידך נהפך לשׁדי בחרבני קיץ סלה׃
Psalms 44:3
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃
Psalms 78:33
33 ויכל בהבל ימיהם ושׁנותם בבהלה׃
Psalms 83:8
8 (83:9) גם אשׁור נלוה עמם היו זרוע לבני לוט סלה׃
Psalms 90:3
3 תשׁב אנושׁ עד דכא ותאמר שׁובו בני אדם׃
Psalms 90:7-9
Psalms 90:9-9
9 כי כל ימינו פנו בעברתך כלינו שׁנינו כמו הגה׃
Psalms 90:17
17 ויהי נעם אדני אלהינו עלינו ומעשׂה ידינו כוננה עלינו ומעשׂה ידינו כוננהו׃
Psalms 95:11
11 אשׁר נשׁבעתי באפי אם יבאון אל מנוחתי׃
Psalms 105:38
38 שׂמח מצרים בצאתם כי נפל פחדם עליהם׃
Psalms 106:26
26 וישׂא ידו להם להפיל אותם במדבר׃
Psalms 120:7
7 אני שׁלום וכי אדבר המה למלחמה׃
Psalms 135:11
11 לסיחון מלך האמרי ולעוג מלך הבשׁן ולכל ממלכות כנען׃
Psalms 136:19
19 לסיחון מלך האמרי כי לעולם חסדו׃
Isaiah 15:1
1 משׂא מואב כי בליל שׁדד ער מואב נדמה כי בליל שׁדד קיר מואב נדמה׃
Isaiah 17:2
2 עזבות ערי ערער לעדרים תהיינה ורבצו ואין מחריד׃
Isaiah 41:15-16
Isaiah 48:4
4 מדעתי כי קשׁה אתה וגיד ברזל ערפך ומצחך נחושׁה׃
Isaiah 66:14
14 וראיתם ושׂשׂ לבכם ועצמותיכם כדשׁא תפרחנה ונודעה יד יהוה את עבדיו וזעם את איביו׃
Jeremiah 25:20
20 ואת כל הערב ואת כל מלכי ארץ העוץ ואת כל מלכי ארץ פלשׁתים ואת אשׁקלון ואת עזה ואת עקרון ואת שׁארית אשׁדוד׃
Jeremiah 27:5
5 אנכי עשׂיתי את הארץ את האדם ואת הבהמה אשׁר על פני הארץ בכחי הגדול ובזרועי הנטויה ונתתיה לאשׁר ישׁר בעיני׃
Jeremiah 27:7-8
Jeremiah 33:9
9 והיתה לי לשׁם שׂשׂון לתהלה ולתפארת לכל גויי הארץ אשׁר ישׁמעו את כל הטובה אשׁר אנכי עשׂה אתם ופחדו ורגזו על כל הטובה ועל כל השׁלום אשׁר אנכי עשׂה׃
Jeremiah 47:4
4 על היום הבא לשׁדוד את כל פלשׁתים להכרית לצר ולצידון כל שׂריד עזר כי שׁדד יהוה את פלשׁתים שׁארית אי כפתור׃
Jeremiah 48:19
19 אל דרך עמדי וצפי יושׁבת ערוער שׁאלי נס ונמלטה אמרי מה נהיתה׃
Ezekiel 20:15
15 וגם אני נשׂאתי ידי להם במדבר לבלתי הביא אותם אל הארץ אשׁר נתתי זבת חלב ודבשׁ צבי היא לכל הארצות׃
Ezekiel 29:20
20 פעלתו אשׁר עבד בה נתתי לו את ארץ מצרים אשׁר עשׂו לי נאם אדני יהוה׃
Daniel 2:38
38 ובכל די דארין בני אנשׁא חיות ברא ועוף שׁמיא יהב בידך והשׁלטך בכלהון אנתה הוא ראשׁה די דהבא׃
Daniel 4:17
17 (4:14) בגזרת עירין פתגמא ומאמר קדישׁין שׁאלתא עד דברת די ינדעון חייא די שׁליט עליא במלכות אנושׁא ולמן די יצבא יתננה ושׁפל אנשׁים יקים עליה׃
Daniel 4:25
25 (4:22) ולך טרדין מן אנשׁא ועם חיות ברא להוה מדרך ועשׂבא כתורין לך יטעמון ומטל שׁמיא לך מצבעין ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃
Daniel 4:32
32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃
Amos 9:7
7 הלוא כבני כשׁיים אתם לי בני ישׂראל נאם יהוה הלוא את ישׂראל העליתי מארץ מצרים ופלשׁתיים מכפתור וארם מקיר׃
Obadiah 1:10-13
10 מחמס אחיך יעקב תכסך בושׁה ונכרת לעולם׃11 ביום עמדך מנגד ביום שׁבות זרים חילו ונכרים באו שׁערו ועל ירושׁלם ידו גורל גם אתה כאחד מהם׃12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃13 אל תבוא בשׁער עמי ביום אידם אל תרא גם אתה ברעתו ביום אידו ואל תשׁלחנה בחילו ביום אידו׃
Habakkuk 1:10-11
Zephaniah 2:4
4 כי עזה עזובה תהיה ואשׁקלון לשׁממה אשׁדוד בצהרים יגרשׁוה ועקרון תעקר׃
Zechariah 9:5
5 תרא אשׁקלון ותירא ועזה ותחיל מאד ועקרון כי הבישׁ מבטה ואבד מלך מעזה ואשׁקלון לא תשׁב׃