Numbers 14:40-44 And, lo! thei riseden in the morewtid first, and `stieden in to the cop of the hil, and seiden, We ben redi to stie to the place, of which the Lord spak, for we synneden.

Wycliffe⁽ⁱ⁾ ⁴⁰ And, lo! thei riseden in the morewtid first, and `stieden in to the cop of the hil, and seiden, We ben redi to stie to the place, of which the Lord spak, for we synneden. ⁴¹ To whiche Moises seide, Whi passen ye the word of the Lord, that schal not bifalle to you in to prosperite? ⁴² Nyle ye stie, for the Lord is not with you, lest ye fallen bifor youre enemyes. ⁴³ Amalech and Cananei ben bifor you, bi the swerd of whiche ye schulen falle, for ye nolden assente to the Lord, nether the Lord schal be with you. ⁴⁴ And thei weren maad derk, and stieden in to the cop of the hil; forsothe the ark of the testament of the Lord and Moises yeden not awey fro the tentis.