Matthew 6:5-8 And whanne ye preyen, ye schulen not be as ipocritis, that louen to preye stondynge in synagogis and corneris of stretis, to be seyn of men; treuli Y seie to you, thei han resseyued her meede.

Wycliffe⁽ⁱ⁾ ⁵ And whanne ye preyen, ye schulen not be as ipocritis, that louen to preye stondynge in synagogis and corneris of stretis, to be seyn of men; treuli Y seie to you, thei han resseyued her meede. ⁶ But whanne thou schalt preye, entre in to thi couche, and whanne the dore is schet, preye thi fadir in hidils, and thi fadir that seeth in hidils, schal yelde to thee. ⁷ But in preiyng nyle yee speke myche, as hethene men doon, for thei gessen that thei ben herd in her myche speche. ⁸ Therfor nyle ye be maad lich to hem, for your fadir woot what is nede to you, bifore that ye axen hym.