Wycliffe(i)
7 Vyndage morenyde, the vyne is sijk; alle men that weren glad in herte weiliden.
8 The ioie of tympans ceesside, the sowne of glad men restide; the swetnesse of harpe with song was stille.
9 Thei schulen not drynke wyn; a bittere drynk schal be to hem that schulen drynke it.
10 The citee of vanyte is al to-brokun; ech hous is closid, for no man entrith.
11 Cry schal be on wyn in streetis, al gladnesse is forsakun, the ioie of erthe is `takun awei.
12 Desolacioun is left in the citee, and wretchidnesse schal oppresse the yatis.