Habakkuk 2:8-16

HOT^{(i) 8} כי אתה שׁלות גוים רבים ישׁלוך כל יתר עמים מדמי אדם וחמס ארץ קריה וכל ישׁבי׃ ⁹ הוי בצע בצע רע לביתו לשׂום במרום קנו להנצל מכף רע׃ ¹⁰ יעצת בשׁת לביתך קצות עמים רבים וחוטא נפשׁך׃ ¹¹ כי אבן מקיר תזעק וכפיס מעץ יעננה׃ ¹² הוי בנה עיר בדמים וכונן קריה בעולה׃ ¹³ הלוא הנה מאת יהוה צבאות וייגעו עמים בדי אשׁ ולאמים בדי ריק יעפו׃ ¹⁴ כי תמלא הארץ לדעת את כבוד יהוה כמים יכסו על ים׃ ¹⁵ הוי משׁקה רעהו מספח חמתך ואף שׁכר למען הביט על מעוריהם׃ ¹⁶ שׂבעת קלון מכבוד שׁתה גם אתה והערל תסוב עליך כוס ימין יהוה וקיקלון על כבודך׃